من المسؤول عن هذا المنظر الغير حضاري > صورة <

[الرايــق]

السلام عليكم

اليوم الصبح وبالتحديد عند ماكينة الصراف الالي التابعة لمصرف قطر الاسلامي وجدت هذه المنظر الغير حضاري اللي كل فترة وفترة اشوفه ، لكن قلت اليوم لازم اصورة ..


http://www4.0zz0.com/2011/01/06/11/103032291.jpg (http://www.0zz0.com)



سؤالي : من هي الجهة المسؤولة عن هذا المنظر ؟؟

[شبح الصمت]

البنك نفسه

او المكان الي حطين فيه الجهاز

[abdo222]

يمكن الزباله "الله يعزك" مليانه ،، انا اقول اي سياره نظافه تمر صوب هال الاماكن اهي المسؤوله

[al3grab]

البنك والناس

[الأصيلة]

المفروض هناك من ينظف المكان أول بأول من قبل البنك
يعني ما أعتقد العميل بيوقف ينظف خاصة أن سلة المهملات مليانه...

[نجم سهيل]

السلام عليكم
لاتوجد جهة مسؤولة عن هذا المنظر
المسؤول الأول والأخير هم العملاء من مواطنين ومقيمين
والموضوع موضوع نمط حياة وعادات سيئة علينا أن نتخلى عنها
لا أكثر ولا أقل

[خزامئ]

البنك هو المسوول
حطين سلة مهملات ماتكفي نص العملاء
والاعلاء بعد عليهم مسوولية الواحد مستعجل ماعنده وقت ايحط اوراقة في السلة

[La Bella]

العملاء هم المسوؤلين بالدرجة الأولي
في خيار عدم طبع الأيصال للمحافظة على البيئة
والأخ يضغط طباعة ولا يشوف الوصل ويفره بكل بساطة

[فلتة زمانها]

المفروض الناس تاخذ الايصال لانه ينكتب فيه الرصيد المتوفر
مره رحت اسحب واللي جدامي نسى ياخذ الايصال مكتوب فيه الرصيد الحالي 159 ريال
هذا واهوا اول الشهر كسر خاطري والله

[cavok]

شن نقول عاد

[نــــظــــره]

بصراحه منظر يبيله كاميرا خواطر مع احمد الشقيري يمكن مانجوفه مره ثانيه
تدري انا لو جفت هالمنظر قدامي بلم كل الاوراق وقطهم في الزباله واحتسب الاجر عند الله والرسول صلى الله عليه وسلم وصانا باماطة الاذى عن الطريق والنظافه من الايمان

[حياة]

العميل في الاول والاخير هو المسؤول والبنك وش بيلحق عليه وكم صراف عنده ؟
العميل المفروض مايقط ورقته في الارض او مايطبعها من الاصل

[حمد بن سعد]

السلام عليكم

اليوم الصبح وبالتحديد عند ماكينة الصراف الالي التابعة لمصرف قطر الاسلامي وجدت هذه المنظر الغير حضاري اللي كل فترة وفترة اشوفه ، لكن قلت اليوم لازم اصورة ..


http://www4.0zz0.com/2011/01/06/11/103032291.jpg (http://www.0zz0.com)



سؤالي : من هي الجهة المسؤولة عن هذا المنظر ؟؟




المسؤول الاول : الشخص الي رمى الاوراق لانه مايستحي على وجهه المكان المخصص جنبه للاوراق هذا وكسلان يرميها .:nice::nice:

والمسؤول الثاني البنك لان لازم يوميا ايكون فيه عامل اينضف مكان الكسولين الي يوصخون المكان :anger1::anger1:

[مريومة]

المسؤول الاول : الشخص الي رمى الاوراق لانه مايستحي على وجهه المكان المخصص جنبه للاوراق هذا وكسلان يرميها .:nice::nice:

والمسؤول الثاني البنك لان لازم يوميا ايكون فيه عامل اينضف مكان الكسولين الي يوصخون المكان :anger1::anger1:

عجبني هالرد

فعلا ما يستحوون .. شو هالكسل اللي فيهم


وانا :shy: بنت عقاب

[القيادة]

أنا أشوف أن العملاء أهم المسئولين عن هذا الشي

ليش يرمي الورقة ليش ماياخذها معاه واذا مايبيها أقرب زبالة ( أجلكم الله )

هذا يدل على كل شخص شلون بيئتة.

[قطري كاشخ]

السلام عليكم
اخوي المسئول عن هذا هو البنك حيث انت ترى درام الزبالة ونتم
بالكرامة متروس ولم يتم تفرسقه من اوراق السحب وبعض الاخوان
مستعجل يسحب وما ينتظر ورقة البنك .

[مستر بن]

الـــلــــه المستعاان

[دوحة الجميع]

بصراحه منظر يبيله كاميرا خواطر مع احمد الشقيري يمكن مانجوفه مره ثانيه
تدري انا لو جفت هالمنظر قدامي بلم كل الاوراق وقطهم في الزباله واحتسب الاجر عند الله والرسول صلى الله عليه وسلم وصانا باماطة الاذى عن الطريق والنظافه من الايمان

مادام بتلم كل الأوراق عيل خلني أقولك وين مكان الصراف الآلي
شارع المطار التجاري عند أفران كان يازمان وبي سي تك للكمبيوتر وسوبرماركت الجماهيروصالون برنس للحلاقة الرجالية ... وهقهههههههههههههههههههههههههههه

[pure]

ماله داعي طباعة الاوراق !

يعني يشتركون في خدمة المسجات ,, وبيوصولهم مسج فيه كم الرصيد اللي تبقى وكم سحب وكل شي !

بدال كثرة الاوراق !

[ريماس الغلا]

العملاء

[qatari 111]

المسؤل الاول والاخير العميل لحد يقول كرمكم الله الزباله متروسه ولا مستعجل دينا الاسامي ماعلمنا العادة السيئه هاذي والله ان تصرف في منتهى التخلف ويش بيخسر اذا حطها في مخباته اذا كانت الزباله مليانه وبعدين لاحظوا الصوره السله اللي على الجهاز الثاني شبه فاضيه.
استحوا على وجييهكم طول وعرض يتصرف بتصرف طفل .

[die 4 qtr]

الغلط الاول ع البنك ليش ماكبر سلة المهملات

والغلط الثاني ع العميل يوم يشوف السلة مليانه ليش ما ياخذ وصله معه

[BURBERRY]

الواحد المفروض ياحفظ على البيئة و مايطبع الوصل

المسج مايقصر :)

لكن المسؤول هو البنك و العملاء

[Right]

المسؤولية أولاً وأخيراً تقع على عاتق البنك

بنك لا يهتم بنظافة المكان ... فما بالك في نوعية ومستوى الخدمات التي يقدمها للجمهور !!!

[الخزرجي قطر]

المسؤوليه مشتركه بين العميل والبنك
ولكن يقع اللوم الاكبر على مرتادي جهاز الصراف الالي
لماذا لانرتقي في ذلك؟؟ الموقع يدل على ان غالبية مستخدمي
الجهاز هم من العمال الاسيويين .. يوم الجمعه مسا القي نظره
على غرف اجهزة الصراف الألي شارع البنوك حمد الكبير
سوف ترى بعينك اوموقف الباصات اوسوق النجاده جهة
الشارع العام وغيرها من الاماكن؟؟؟؟؟؟

[Ghost]

المفروض هناك من ينظف المكان أول بأول من قبل البنك
يعني ما أعتقد العميل بيوقف ينظف خاصة أن سلة المهملات مليانه...

وليش العميل اصلا يرمي الورقة على الارض المفروض لها مكان ترتمي فيه والافضل انه ياخد الورقة معاه علشان يراحعها وما يطيح رقم حسابه في يد عابث ؟؟؟؟؟؟؟؟؟

[R 7 A L]

البنك نفسة

[عنوووود]

المفروض هناك من ينظف المكان أول بأول من قبل البنك
يعني ما أعتقد العميل بيوقف ينظف خاصة أن سلة المهملات مليانه...

نفس الرأي ،


واضح مافيه اي اشراف من البنك

[diplomat]

المسؤول عن هالمنظر هو مستخدم الصراف الالي ويطلب الوصل وينطبع له على حسب اوامره ويقراه فاحتمال كبير ماوجد مكان بسلة المهملات الخاصة بالوصولات فرماها على الارض .. المفروض كان يقرى الرصيد بدون الطباعة او يحفظ الوصل لي اقرب سلة مهملات ويحتسب الاجر عند الله وا اعتقد ان البنك ماعليك اي تقصير ما نقول الا الله يعطيهم العافيه حيث انهم وفرو اجهزة الصراف في اماكن متفرقه ونطاق واسع للعملات تحياتي للعاملين بالبنك المذكور .

[البانوش]

ياليت توصل هذة الصورة للمسؤلين في البنك علشان يعرفون ان المسؤلين عن نظافة البنك

مهملين بواجبهم لان هذي الصورة مب اول مرة دائما اراها تتكرر امام مكائن المصرف فقط.

[saud580]

المسؤول هو المستخدم ويبين لنا ثقافة الشعوب من تصرفاتها فهذي للاسف ثقافة مهما تعلمت ومهما استخدمت من ادوات التطور تظل ثقافتك هي هي
لاحظوا خريجين من الجامعة لما يوقف عند المطعم يشرب شاي كرك يحط كوب الشاي على طبلون السيارة وبعد شهر تشوف دويرة كوب الشاي على الطبلون ما نظفها وتشوف سيارتة لوعه من الاغراض وعدم الترتيب فهذي يا اخوان ثقافة اللامبالاة والاستهتار وعدم الاعتماد على النفس سمها ما شئت ولكن كل شعب وله ثقافة
حل هذي الثقافه يجي من التعليم الراقي والمسؤل منذ الصغر وليس من الكبر والله يكون بالعون .

[الغريب3]

البنك هو المسوول
حطين سلة مهملات ماتكفي نص العملاء
من وجهة نظري المتواضعه هناك بعض الحلول
1- نضع مكينة قطع الاوراق
2- عدم طلب رصيد للعميله نظرا لوجود خدمة الرسال للجوال
3- توضع سله جداريه على يمين ويسار المكينه تكون على مستوى ارتفاع المكينه وبشكل مقبول

[hamad1990]

انا في اعتقادي ان العميل والبنك مسؤولان عن هذه المشكله

يوجد في بعض البنوك ميزه تعجبني وهي انك لما تبي تطبع الايصال

يقول للمشاركه معنا في نظافة البيئه لاتوافق على طباعة الايصال

وتلاقي كلمة لا باللون الاخضر وانا عن نفسي دايمن احط لا

لكن للاسف بعض الصرافات الاليه تلاقيها تطبع لك الايصال غصبا عنك

بدون ماتخيرك وهذي مشكله لان بعض الناس امثالي مايحبون يقرون الايصال

فتلاقيهم يخلون الايصال مكانه ولا على طول يقطونه في الزباله وانت بكرامه

وبهالشككل تلاقي الزباله تكرم ملياانه بالاورااق اللي حتى العميل ماخذ نظره عليها

ويمكن متضايق من الحساب لانه مافيه شي ومايبي يقراها ف يحذفها ع الارض بكل عصبيه ههههههههه

واتمنى من جميع البنوك انها تراعي هذي الخاصيه وهي تخيير العميل ونصحه بعدم طبع الايصال

للمحافظه على البيئه والنظافه العامه

[::محمد::]

الموضُوع لا يحتاج كُل هَذا التعقِيد ..
قَبل أن يقُوم المُستخدِم بِسَحب المَبلغ .. يَقُوم الجِهاز بوضع صُورة تَنبِيه شَدِيدَة اللهَجَة بِعَدم رَمي الإيصالات ..

[muraikhi77]

يجب أن يتدخل المصرف المركزي في هذا الموضوع ، حاليا الاجراءات الالكترونية كافية وبديل عن الاوراق الرسائل القصيرة ، الانترنت البنكي ، كشف حساب على شاشة الصراف الالي ، خدمة العملاء ، اعتقد انها كافية جدا عن الورق وخصوصا اول الشهر عندما يصلك على البريد كشف حساب أخذه وأرميه :) الله متعبهم بس

[الرايــق]

نشكر ردودكم وابداء رأيكم ووجهة نظركم ..

نتمنى فعلا مثل ما ذكرتم ان يصل صدى صوتنا وان تصل الصورة لذوي الخصوص... ويتم عمل اللازم
كما نهيب بالعملاء الكرام ان يحافظوا على نظافة بلدهم ..

[العضو العتيج]

هيئة الامم المتحدة هي المسؤولة

[الـقـاسـي]

المسؤوليه تقع على الاثنين العميل بشكل كبير جدا لانه لو وجد السله مليانه المفروض مايرمي الوصل في نفس المكان .. والبنك يتحمل جزء من المسؤوليه لانه مهمل المكان والسله ماتكفي

[ارين]

سؤالي : من هي الجهة المسؤولة عن هذا المنظر ؟؟


العميل طبعا هو المسؤول الأول عن هذه الصورة الغير حضارية ..

فبإلقائه للإيصالات في غير أماكنها المخصصة لها .. هذا يبين عدم وعيه لأهمية النظافة ولامبالاته وعدم اهتمامه وتقليد الكسالى من أمثاله ..

ولا يشفع لتصرفه ذاك امتلاء سلة المهملات .. فلو كان حريصا على النظافة سيتدبر أمر التخلص من الأوراق بأية طريقة كانت إلا إنها أصبحت عادة متأصلة لديه بتكرارها ..

وشكرا لك ..*

[بوالفاروق]

ماله داعي طباعة الاوراق !

يعني يشتركون في خدمة المسجات ,, وبيوصولهم مسج فيه كم الرصيد اللي تبقى وكم سحب وكل شي !

بدال كثرة الاوراق !

هذا هو الحل ..

واعتقد اغلب الاجهزة الجديدة فيها غير عدم طباعة الايصال

لا بس تحصله ساحب له ريال ويبي يشوف الرصيد :anger1:

[Xx QATARI xX]

المفروض الناس تاخذ الايصال لانه ينكتب فيه الرصيد المتوفر
مره رحت اسحب واللي جدامي نسى ياخذ الايصال مكتوب فيه الرصيد الحالي 159 ريال
هذا واهوا اول الشهر كسر خاطري والله



لقافه ولا شسالفه:nice:

[qtrose]

الناس هي المسؤلة !!! يعني حتى لو سلة الزبالة مليانة

عيزان يحط الورقة بجيبه ويرميها بعدين باقرب زبالة :anger1:

في فئة تعلمت على الاتكالية ، وفي ناس همج جايين من بيئة

مش متحضرة ، وناس قلوبها مليانة حقد ، وناس مريضة ،

وناس ما تعرف النظافة و لا تخاف ربها ، ناس جهلا وما يعرفون

شي اسمه المحافظة على البيئة !!!!!، ووووو

آآآآخ خاطري يطبقون نفس النظام الي يطبقونه بسنغافورة !!

وأغلبكم يعرف نظامهم ما في داعي أقوله ! كان زين :weeping:

[العليا]

تصرف يدل على فكر و بيئة العميل نفسه قبل البنك
و العميل هوالمسؤول أولاً و أخيراً
البنك وضع خيار بالرغبة في طبع الايصال من عدمه و في نفس الوقت وضع سلة للمهملات
لكن اذا كان العميل ....... فما ذنب البنك ؟؟؟؟

[becauzah]

المسؤول هو الزبون قبل المصرف
يا جماعة صارت للأسف عندنا عادة اي ورقة ما نبيها نحذفها في أي مكان
و الرسول اللهم صلي و سلم عليه يقول اماطة الأذى عن الطريق صدقة أحنا نحط الأذى بنفسنا
لا و العمالة اللي جاية من الهند متعودة و تشوفنا نسوي نفس الشي فما تقول لأ
أنا ذيك المرة في رمضان كنت داخل المسجد إلا أشوف هندي يمسح يبده بفاين عند باب المسجد و حذف الفاين في الأرض و دخل المسجد!! مسكته قلت له سلامات يا الطيب قدام المسجد تحذف وصاختك!؟ اجل برى المسجد ايش بتسوي؟
لا و الشباب مع الكرك حدث ولا حرج جنه الكرك مب زبالة

[بذرة غلااا]

العملاء هم المسوؤلين
يعني مايعرفون .......... كل واحد ياخذ رصيده او يحطه في سلة المهملات

[@north_star@]

انا اشوف انه العملاء هم المسؤولين لانه حتى لو سلة المهملات مليانه يقدر يخلى الوصل معاه ويقطه باقرب حاويه شالمشكلة واذا اصلا العميل مب بحاجه للوصل ليش يطلب طباعته مع انه المعلومات اللى يبيها تظهر على الشاشه ويخيرك اذا تبي وصل او لا

[م. عبدالعزيز]

لاحظت انا هالشي بعد بصراف الوطني والبنوك الاخرى...

انا ما الوم البنك، وانما الوم الناس.. وانا اعتبر هالتصرف تصرف سيء جدا ،، لو فعلا الناس اللي يروحون انظاف، ماكانوا بيسوون جذي وضميرهم بيكون مصحصح،،، وبياخذون الورقه وبيقطونها بمكان ثاني مناسب ...

وغير هذا احنا ديننا دين نظافه ، والرسول صلى الله عليه وسلم قال اماطه الاذى عن الطريق صدقه.

[فتى الجود]

البنك هـــــو المسئول ،

أقل بنك في قطر صافي ارباحه مايقارب 100.000.000 كل 3 شهور

وماعنده راتب عامل ينظف

او يدفع لشركة نظافة تلم هالمخلفات

[alsenator]

الكامرا الي حاطينها بس للحراميه اما الوساخه ما لهم شغل فيها

[روضه الجنة]

ولما سوا مسيرة اليوم الوطني الصبح .. المدرجات والكراسي كلها زبببببباااااااااااااااااااالللللللله !!
المسؤول عن هالشي الشخص نفسه !! ويدل على نظافته !
غير البحر والبر ! نبي نغير جو نطلع البحر كله زباللللله !! قواطي وقراطيس وفحم ! لو في بيتهم ما سوا جي ولا بيعيشون فزباله !
ابي اعرف شي واحد شنو بيخسرون لو جابوا كيس زباله واحد وقطوا كل الاغراض فيه !

[صوت الضمير]

سؤال انا عندي دفاتر واجد وراق مستعملة واجد

متقطع قلبي اقطعها بالزبالة الله يكرمكم

هل يوجد مكان لاأعادة تدوير الورق.. والكراتين الصغيرة

حرام نقطها بالزبالة ..

أبداع

[ahad]

,

سؤال يحير.من المسؤؤل؟

الكل اعتقد

[.. Silent ..]

كل فرد مسؤول عن نفسه .. والله شي يفشل !!!!

[فاروع]

الله المستعان

[سبشل]

الشخص بروحه مسؤول عن نفسه
الله يهديهم بس

[بومحمد911]

انا اقترح انهم يشيلون شيء اسمه وصل

بصراحه ماله داعي

ما يمديك تسحب الا المسج وصل على الجوال

[HiTec]

السلام عليكم

اليوم الصبح وبالتحديد عند ماكينة الصراف الالي التابعة لمصرف قطر الاسلامي وجدت هذه المنظر الغير حضاري اللي كل فترة وفترة اشوفه ، لكن قلت اليوم لازم اصورة ..


http://www4.0zz0.com/2011/01/06/11/103032291.jpg (http://www.0zz0.com)



سؤالي : من هي الجهة المسؤولة عن هذا المنظر ؟؟


من الجهة المسؤولة ؟؟؟
وليش نتعود نوسخ ونريد احد يلم ورانا ؟؟

الذات هي المسؤولة ..

الي هو زبالة ، مسوي هالزبالة

وموجودة ظني سلة الي يتخلى فيها الاوراق والاوساخ
هذي غير النصيحة الي تظهرلك حافظ على نظافة البيئة ولا تطبع الورق من اساسه
اصلا الي يسجل في خدمة اس ام اس على شو ياخذ الورق


لاحول ولا قوة الا بالله ..

[طــمــوحــة]

المسؤول عنه كل من رمى ورقه وقال في عامل ينظف :)

[alkadi]

السلام عليكم
لاتوجد جهة مسؤولة عن هذا المنظر
المسؤول الأول والأخير هم العملاء من مواطنين ومقيمين
والموضوع موضوع نمط حياة وعادات سيئة علينا أن نتخلى عنها
لا أكثر ولا أقل




أنا صرت اطلب عدم طباعة الإيصال