استفسار: بغيت نصيحتكم .. لندن أم باريس ؟؟

[meeemz]

السلام عليكم ..
انا محتاره بين لندن وبين باريس وعندي كذا سؤال ..وشو احسن من ناحيه الشوبنغ والجو واي وحده تصلح اكثر لليهال .. انا بسافر في نص يناير ..باريس مارحتها من قبل .. ولندن رحت لها واحبها وايد لكن ماجربتها في الشتا .....وبغيت استفسر عن الفيزا ..من لندن كم يوم تاخذ ؟ و فيزا فرنسا كم يوم ؟

[meeemz]

بليز ردو علي

[مخطط قطري]

لندن ولا حتى تفكرين بعد
باريس شعندهم غير الشانز قوليلي بالله عليج والعيال عندهم دزني اوكي دزني بتروحون لها يوم واحد وعقب؟
كل يوم بترحون دزني
لندن كل شي عندج ثور بارك وغيرها وسلفرج وهارودز واكسفور ستريت وسلون ستريت وغيرها
بس في الشتاء يعني مب شرحه ونيسه مثل الصيف يعني براد وطلعاتكم مب وايد بتكون
وفي ناس لا والله تفضلها في الشتا ماعرف ليش يمكن ياخذون راحتهم اكثر

[البركان]

والله عن نفسى لندن

لكنها باااااااااااارده حيييييل

الله يعينك اخاف تنزلين من الطياره تتجمدين

[الجـــــوري]

ثور بارك مسكره بالشتا

فيه الحديقه الشتويه ووااااايد حلوه

اذا تبغون فنادق بسعر رخيص او شقق وتذاكر للندن

فيه شخص يقدر يووفرها لكم

للاستفسار على الخاص

[meeemz]

مشكورين اخواني على المرور ... انا شكلي بروح لندن ... واذا على البرد مب مشكله انا كنت عايشه في مكان درجه حرارته توصل 20 تحت الصفر يعني قمه الصقيييع فاتوقع جو لندن بيكون منعش

[ولد الشقب]

اي والله لندن وبسسسسسسسسسسسسس

[راعي 2006]

لندن من غير تفكير ..

واذا تبغين شي بخصوص الفيزا انا عندي مندوب يخلص هالامور كلها وفي اسرع وقت ..

[MoneyMaker]

LOnDoN

[khaleeji]

بالتوفيق المشكلة مب البرد وبس

المشكله المطر مايوقف تخيلي تجيك حلبه وانتي في نص الهايد بارك ,,,,,,,,,,,موقف صعب

[ابن الذيب]

ميييمز أنا جربتهم في الشتا

باريس جوها هادي , ومافيها حياه , شوية قهاوي فالشانز , وحتى الشوبنق في أماكن معينه , عكس لندن ..

أما لندن , أنا صرت ما أروح لها إلا في الشتا , الصيف زحمه وماتنتشاهد , لندن شوبنق في شوبنق ..
وفالشتا الشوبنق يصير أحلى , والجو حلو , يبرد القلب ..

London <3

[qatar1111]

LOnDoN


وبالسلامه خيتووووووو

[غايه الطواش]

باريس


لندن ثقيله دم :)
لا ترتبطين في باريس المنطقه نفسها

روحي انسي ياهو بينشرح صدرج ..

روحي درزني لاند لليهال ....

الشوبينغ وايد في باريس
تقدرين تاخذين اليهال جوله في النهر ..وتركبينهم ع البرج ..روحي الارياف لاتربطين نفسج ببيارس العاصمه بس ...

دشي النت وسوي سيرج في الاخير انتي الي بتروحين

[Qataraholic]

على سلم الطايرة قلبي نزف وعروقي تقطعت, تخنقني العبرة لكن اتوقف كل ماتذكرت اني برجع لها. من فوق السلم وقبل باب الطايرة عيوني تخزن منظر الشارع القريب من مطارج ومن داخلها اطل واطالع لوحة دكان "رامز" وكأنه اصبح معلم قبل الهبوط او الاقلاع اثناء السفر. اتمنى لو اقعد كثر ما اقدر واتفرج على شوارعها واتأمل سكانها وقلبي يقول يابخت اللي عايش عليها.
لوخيروني ابعد عنج وافقد مالي تمنيت رصيدي يسكر واعيش عمري فقير, ولوخيروني باقامة مثل الوافد واعيش على ترابج حشرت نفسي مع الزحمة في الجوازات , ولو خيروني افقد وظيقتي واحرج بسوق الحراج لانصب خيمتى بالنجمة وما اطلع منها.
حرها ورطوبتها وصوت مكيفاتها اروع واحلا من ربيع اوروبا وفي الشتا وعند شبت النار مع اخواني والدلال صافه تنسيني الهايدبارك وخضاره. اشوف البر ولونه الاصفر اتنسيني الانهر والطبيعة اللي شفتها كل يوم من عمري ولا مسحا على رقبة الناقة افقد ذاكرة جامعاتي اللي تعلمت فيها.
لو خيروني بسكر مكاتب الطيران واحظر دخول وخروج الطيارات بس علشان ما ابعد عنها.

[وحيد-الشوق]

دام مارحتي باريس ليش ماتروحينها والله ماتتفوت كلش الشانز فله حق التمشايه والمحلات فاتحه لين 1 او 12 بالليل عكس لندن اتوقع

وعندج برج ايفل ومتحف اللوفر وقوس النصر وقصر فرساي وديزني لاند باريس فيها شغلات كثير حلوة

الله يحفظج

[meeemz]

مشكورين على الردوود ...شكلي بروح لندن ..مع انه ودي في الثنتين .. يلا انشالله في الصيف

[هارودز]

لندن اشرح باريس الشوبينغ شوي ارخص من لندن على حسب سعر اليورو
وفي لندن منطفة اسمها بكتشر فيلج تروحون لها بالقطار اعتقد ساعة هذي المنطقة فيها بعض محلات الماركات مثل جوتشي و ارماني وبربري واسعارهم جيده الصراحة

[تحداني]

لندن سوقها اجمل وأحلى
باريس احلى مافيها الشانز وديزني وايفل

يبقى الخيار الاخير لج .. اهم شي تقضين اوقات حلوه
وين ما كانت الوجه



جملك الله برضى الرحمن

[شيخ القبيلة]

طبعا لندن عشقي الوحيد
وجربو تسكنون في فندق حياة ريجنسي ذا تشرشيل رووووووووووعة .

[بوخالد911]

باريس

مووفقييين

[قطري !]

زين شنو المشكله ماتروحون لندن ومن هناك تقدرون تزورون باريس بالقطار وتجلسون فيها يوم ولا يومين ..


عادي ترا متعة اوروبا السفر بالقطار او على طرقهم اللي تشرح الخاطر...



واذا عيالكم معاكم لا اوصيج بحديقة سفاري بارك ... شمال لندن على طريق ..m1 وهي حديقة حيوان مفتوحه تشوفين جميع انواع الحيوانات والطيور على الطبيعه من غير حاجز

[ام خليفة]

انا توني راجعه من اوربا

الصراحه البرد هناك لايطاق

تجمدنا ،، مانقدر نطلع نتمشى ، وكل شي مسكر بسبب الثلوج ، ملل

عموما الله يحفظكم وترجعون بالسلامه

[منصوربن حمد]

النعيريه فندق اليمامه والخيام عند السحامي احلى شي في يناير

[meeemz]

النعيريه فندق اليمامه والخيام عند السحامي احلى شي في يناير

هاي فنادقها تحفه والله كاني زايره عالم ثاني
انا رحت لندن بارده بس بردهم حلو واايد منعش جدا
والشوبنج حلو
كان ودي لو اروح منها الى فرنسا بس ما كان فيه وقت اطلع الفيزا ....
بس ما تعرفون اذا عندهم ملاهي والعاب انا اخبر انه كانت في ملاهي عند مدام توسو بس مادري للحين موجوده ؟

[الجووري]

لــــــــنـــد ن

[meeemz]

هاي ..
انا رجعت والحمدلله كل شي كان تمااام .. الشوبنغ كان وايد حلو بس مافيه احلى من تركيا

[Luxury]

بشرينا شلون جو لندن ؟؟ الواحد يقدر يتمشى ويطلع ولا لا ؟؟

وفيها عرب وايد هالفتره ؟؟؟؟ انا ناويه اروح لها بدايه شهر 2