بغيت احسن طبيب قلب خاص

[KHALID1]

بصراحة ما ابغي انتظر زحمة مستشفى حمد ،،، اللي يعرف اسم ورقم تليفون احسن طبيب قلب لايبخل علي ،،،ترني محتاجة .

[الوسيط العقاري]

للأمانه اخوي

احسن دكاترة واخصائين قلب

في مستشفى حمد العام ..

واللي يقول لك غير هالكلام .. مايعرف وش الطبخه اصلن ..

ابوي تعب مره في قلبه وديناه الاهلي وعيادة الدوحة والعمادي وكلهم عليييمييه في القلب !

مستشفى حمد ولا غيره ..

والله يشفي مريضكم ..

[السهم السريع]

السلام عليكم ورحمة الله وبركاته

عافك الله وشافاك
أختي الفاضلة

عندج الدكتور عبد العزيز الخليفي من أفضل الأطباء للقلب
وكان موجود بمستشفى حمد العام وقد أجرى للوالد عملية القلب ولله الحمد والمنة

وسمعت أنه موجود بالمستشفى الأهلي ويطلبونه مستشفى حمد للعمليات

وماعليج شر إن شاء الله

[رجل مثالي]

للأمانه اخوي

احسن دكاترة واخصائين قلب

في مستشفى حمد العام ..

واللي يقول لك غير هالكلام .. مايعرف وش الطبخه اصلن ..

ابوي تعب مره في قلبه وديناه الاهلي وعيادة الدوحة والعمادي وكلهم عليييمييه في القلب !

مستشفى حمد ولا غيره ..

والله يشفي مريضكم ..




أخوي كلامك صحيح أنا أتعالج من القلب من فترة طويلة مره رحت العمادي بغيت أروح

فيها ومستشفى حمد أفضل وأيضآ موجود ملف المريض

عندهم ويعرفون حالته بالضبط وعن مواعيده وكل شىء عن حالته الصحية

وعندهم دكاترة عندهم خبرة في علاج القلب منهم د جيهاني ود جاسم السويدي

ود النابت وغيرهم والله يشفي كل مريض