متى سندرك فشل تجربة التجنيس في المنتخب

[becauzah]

صار لنا سنين و احنا نجنس في المنتخب حتى صار مافي قطري في المنتخب الا اثنين
لاعبين بس قطريين و الباقي مجنسين؟ جارالله و خلفان
و الباقي مجنسين! و ماشاء الله على الإنجازات ، بدون قطريين و مافي انجازات
صار لنا سنتين ما عمرنا قلنا ماشاء الله على منتخبنا والله يلعبون
لازم ندرك فشل التجنيس ، فريق يتكلمون خمس لغات شلون تبونهم يتفاهمون؟
اذا ان الفريق محكوم عليه بالفشل خلوهم قطريين على الأقل
لا و داقين الصدر بأسباير ، و خسرنا من منتخب أشبال اليمن.
قطر مالها مستقبل في كرة القدم خلونا واقعيين
كرة القدم لازم معاها شعب و احنا في قطر ماعندنا شعب حدنا نص مليون
خلونا نهتم بتنظيم البطولات نعم اثبتنا نجاحنا لكن كانجازات و بطولات آسف مالنا مستقبل

[ام السعف]

صار لنا سنين و احنا نجنس في المنتخب حتى صار مافي قطري في المنتخب الا اثنين
لاعبين بس قطريين و الباقي مجنسين؟ جارالله و خلفان
و الباقي مجنسين! و ماشاء الله على الإنجازات ، بدون قطريين و مافي انجازات
صار لنا سنتين ما عمرنا قلنا ماشاء الله على منتخبنا والله يلعبون
لازم ندرك فشل التجنيس ، فريق يتكلمون خمس لغات شلون تبونهم يتفاهمون؟
اذا ان الفريق محكوم عليه بالفشل خلوهم قطريين على الأقل
لا و داقين الصدر بأسباير ، و خسرنا من منتخب أشبال اليمن.
قطر مالها مستقبل في كرة القدم خلونا واقعيين
كرة القدم لازم معاها شعب و احنا في قطر ماعندنا شعب حدنا نص مليون
خلونا نهتم بتنظيم البطولات نعم اثبتنا نجاحنا لكن كانجازات و بطولات آسف مالنا مستقبل


صج كم سنة وهالتجربة في قطر ؟ :telephone:

سمعت انهم جنسوا لطيفة المغربية ،، صج هالسالفة مالها خص في الرياضة
بس شسالفة يا عرب :(

[khaleeji]

والله ما ادري شاقولك يابيكوزا

اعتقد انه حان الوقت لاتخاذ القرار

[.. Silent ..]

شدخل اسمحلي اخوي كلامك سلطة ...!

انا ما اتفق معاك بهالشي مب لأني مب ضد التجنيس .. لكن قبل كنا نقول حامد شامي و لأنه متجنس !
زين امس خلفان بعد سوا فلم هندي !! ماله شغل ... وترى مب ميتسو بس اللي يحدد من يلعب .. عشآن نقول ان الريال عنصري و ما يختار قطريين اصل !!!

واعتقد ان بأغلب افرقه العالم بتحصل بالفريق اكثر من واحد مب من اصل البلد اللي يمثله باللعب ..!

والله يعينا .. بصراحة شي يبط الجبد =(

[فاروع]

المال ابتلاء من رب العالمين وحنا مب عارفين شنسوي فيه

[الفريق أول ركن]

الفريق يلعب بدون روح .. شسبب

لان المنتخب نصه مب من اهل قطر.. اييييييييه الله يرحم ايام كان المنتخب كلهم من هل الديره مب الحين صار منتخب مسخ صاروا يلعبون لاجل الفلوس مب لاجل البلد

لو المنتخب كله مواطنين راح تشوف اصرار وهمه وعزم ع الفوووز بس شنسوي

االظاهر المسؤولين بالاتحاد يحسبون ان مع كثرة التجنيس راح نصير منتخب فرنسا 98 ونجيب كاس العالم

[سبشل]

وايد اجانب تجنسو
واحنا عيال البلد موجودين
والله حرام المنتخب يخسر بهالطريقة

[جلمود]

والله ياليت إللي يلعبون كلهم قطرين حتى لو ننهزم بالـــــ 7 ولا بـ9 بس نبي قطرين

ع الاقل أهل البلاد شوف المنتخب قبل أيام يونس وعادل خميس وعامر والملا وزامل

والله كنا نشجع من قلب وكانت النتائج أفضل من الحين

[نمـر]

والله امس حزنت الصراحه على الخساير والتعب مافرحونا مره شل الحل يا جماعه مع اللعيبه والكابتن إلي مامنه فايده والله لو في يدي جان حسنت شعره بموس من كم سنه ما شفنا الفوز ولا سمعنا به *

[مساهم قديم]

يؤسفني حال اهل قطر في كل مجلس وكل شارع باستنكارهم ان يمثلهم في منتخبهم( الوطني) اجانب مجنسين من كل حدب وصوب وان يفرض هذا التوجه فرضا على الكل رغم فشل هذا التدبير فشله بكل المقاييس وفي كل المناسبات ولكن السؤال المحير متى الفرج ..

سنة 1982 خاض منتخبنا الوطني مبارايات كأس العالم للناشئين ونافس بكل رجوله وانتماء وابهر النقاد والمتابعين رغم بساطة الامكانيات ولكن السبب الروح القتالية في ابناء الوطن المتواجدين في ذلك الوقت في صفوف المنتخب ( الوطني) قلبا وغالبا ..

افتقدنا الانتماء وروح الولاء للفانيلة العنابية بسبب اننا لانرضى بان يمثلنا وافد مجنس جاء من اجل المال ..

افتقدنا الانتماء لاانديتنا الرياضية بسبب كثرة المحترفين بين صفوف ابناء الحارة مما جعل الكثير يهجر التواجد في الملاعب ..

هل يعقل ان احدى الاندية القطرية لا يلعب به اكثر من عدد 2 قطريين فقط ؟؟؟؟؟؟...

لماذا تجاهل رغبات اهل البلاد وعدم اعطاء الفرصة للمواهب الموطنية من التطور خصوصا انها خامات جيده ولكن يحبطها الاهتمام بالاجنبي المجنس في مقابل تهميشهم ...

متى الفرج وفك هذا الفرض ومن المسؤل ..

[saryalia4u]

اكيد نبي قطريين ... حتى لو خسرنا... على الاقل لما يلعبون ويخسرون تحس بقهرهم
شفتوا اشكالهم البارحه كل واحد طالع من الملعب عااااااااادي ... دام القهر مش مالي قلوبهم مثلنا


رجعوا زمن على زيد وخلفان ومنصور.. المهم نبي قطريين.. مش اجانب مايعرفون يتكلمون عربي
وحتى لو اغلب المنتخبات فيها مجنسين بس مايكون بالعدد اللي نشوفه في منتخب السلطه وماقدر اسميه منتخبنا.. لانا مانحس انه قطري كيف نرضي يمثلنا ونتفاعل معاه.

[ابو عبدالله5]

الاجانب ماعندهم وطنيه وبتالي اللعب على الراحه لان الراتب ماشي ماعنده مشكله لاومن داخل تلقاه مبسوط لكن الحل في ابناء البلد او تجنيس الخليجيين لانهم اصحاب ولاء و وطنيه لمن اسداء اليهم معروف

[N203]

السلام

والله التجنيس ضروري لتطوير الكره من وجهت نظري الخاصة والمحترمة بس

مب جذي

المنتخب كله مجنسين مافي الا كم واحد ، احنا مانقول لاتجنسون ، بس جنسوا الي يستاهل ، مب بس كل من هب ودب تجنس ودخل المنتخب . وثاني شيء ، المنتخب مافي رووح ، مايلعبون ومايذبحون نفسهم في الملعب عشان الفانيلة او الوطن وهذا مايدل الا انه هنالك فيه مشكله ، مشكله في اللعيبه او مشكله في المدرب او الجهاز والاداري ..

انا ما اقول شلوا المدرب ولا اقيلوا الجهاز الاداري ولا استبعدوا بعض اللاعبين ولكن حدث العاقل بما يفهم .
يعني اول فوز معنوي وفوز حسينا انه المنتخب لعب فيه صح كان في التصفيات عندما هزمنا اوزباكسان في قطر 3-0 ، وبعدها المنتخب صفر من عشرة لحد الان . يعني خلاص والله تعبنا من كثر مانتكلم ونقول ، والله العظيم لو تجيب واحد مايفعم في الكوره بيقول هذا لعيبه محرفين و منتخب ولا لعيبه شوارع.

يعني امس مثلا : وين التحضير ووين الي قالوا ان دورة الخليج الاخيره كانت بمثابة دورة تحضيريه لكاس اسيا ووين ووين ، كله طلع كلام فاضي . امس ماكان فيه خطة المدرب يلعب عليها ، مافيه هجمة مبنية صح ، مافي دفاع منظم ، نية الفوز مش موجودة ، مافي تهيئة نفسية للاعبين ، مافي تخطييط داخل الملعب ، مافي كلام بين اللاعبين. كانه كل واحد يلعب على كيفه ..

المعسكرا الي برع والمباريات الوديه ووو كل هاي بدون فائدة !!!!!!!

شقاعدين يسوون ؟ فيه تدريب في المعسكرات ، فيه تدريب صح ؟؟ فيه لعبات وهجمات وخطط يعطيها المدرب للاعبين ؟؟

والله رفعوا ضغطنا ورفعوا ضغط الشعب القطري كامل ..

وحضورالشيخ حمد بين خليفه ال ثاني (( الله يحفظه ويخليه لنا ان شاء الله )) قائدنا ، والله اقول والله ، لو انا قاعد العب في بطولة او اي شيء والاقي (( بومشعل -عسى الله يحفظه - )) موجود ، والله الواحد يذبح نفسه والله الواحد لو كان خسران والله انه يفوز .

والله الملاييين تدفع ولاكن ما اقول الا حسبنا الله ونعم الوكيل

[القحطاني505]

خساير المنتخب المتتالية والمحرجة للشعب القطري ما هي إلا نتاج التجنيس

فالاعبين الأجانب يلعبون من غير روح وطنية

[معيذر جنوب]

خساير المنتخب المتتالية والمحرجة للشعب القطري ما هي إلا نتاج التجنيس

فالاعبين الأجانب يلعبون من غير روح وطنية


مع احترامي لو جهة نظرك

ولكن الشعب القطري مايمثله منتخب 22 لاعب منهم 20 لاعب مجنس

الشعب القطري اكبر من هذا المنتخب وهالمنتخب مايمثل الا من جابهم وجنسهم

[becauzah]

ياجماهة فرنسا تجنس لان عندها قانون تجنيس لكل من يولد في بلدها او يعيش لمدة كم سنة و يتقن الفرنسية ، مب يجيبون واحد من الاوروغواي و واحد من مالي وقالوا له تعال العب واذا خلص عقدك بنسحب جوازك و بتنجلع بلادك ، الله يرحم ايام منصور مفتاح يوم مافزنا على اليابان في الثمانينات
مدرب الريان يستلم مليونين وربع مليون ريال شهرياً !!! تصدقون هالكلام؟
القطري المسكين يتوظف ومعاشه 16 الف اذا كان جامعي ، يعني معاش هالمدرب يساوي معاش 140 قطري جامعي من كبار الموظفين! هل يعقل؟ لماذا الاهدار في المال العام؟ معاش مدرب الريان اقل من ميتسو على فكرة

[الطيبة كلها]

شوفوهم عند السلام الاميري وبتعرفون الوطنيه حتى شفيفهم ما يحركونها والله فشله لو يجيبون شباب من السعوديه صج بيلعبون من قلب مب الاجانب ايه يا مبارك عنبر وعادل مالله كان مب كفوا حد يمر من بينكم ويدخل هدف للمرمى ايام هه

[sung kyo]

بل يا أخي متى ستدرك دولتي الحبيبه أن الحياه كلها ليست لعب في لعب

والله يهدي الجميع :)

[المها قطر]

اللي حدث امس من هزيمة للمنتخب القطري شي يقهر خصوصا بحضور سيدي صاحب السمو امير البلاد المفدى الله يطول بعمرة ويخلية ...
وين الاصرار والروح القتالية للفوز ووين التدريبات راحت ووين الخطة اللي وضعها المدرب الفاشل ميتسو
يا حسافة على مستقبل الكرة القطرية واللي قاعدة ترجع للوراء
والله ايام الثمانينات كانت الكرة القطرية افضل
نتمنى من الاتحاد القطري يشغل الشرايط القديمة ويشوف الفرق بين المنتخب المشكل والمنتخب القطري قديما
وياليت يقيلون مدرب الهزائم ميتسو والله ماشفنا منة الا الخسائر
حسبي الله ونعم الوكيل الله يبط جبدة مثل ما قهرنا امس

[MAZEN37]

الهزيمه بعد هذا الاعداد والمباريات الوديه
صدمه

[اسعاف]

صار لنا سنين و احنا نجنس في المنتخب حتى صار مافي قطري في المنتخب الا اثنين
لاعبين بس قطريين و الباقي مجنسين؟ جارالله و خلفان
و الباقي مجنسين! و ماشاء الله على الإنجازات ، بدون قطريين و مافي انجازات
صار لنا سنتين ما عمرنا قلنا ماشاء الله على منتخبنا والله يلعبون
لازم ندرك فشل التجنيس ، فريق يتكلمون خمس لغات شلون تبونهم يتفاهمون؟
اذا ان الفريق محكوم عليه بالفشل خلوهم قطريين على الأقل
لا و داقين الصدر بأسباير ، و خسرنا من منتخب أشبال اليمن.
قطر مالها مستقبل في كرة القدم خلونا واقعيين
كرة القدم لازم معاها شعب و احنا في قطر ماعندنا شعب حدنا نص مليون
خلونا نهتم بتنظيم البطولات نعم اثبتنا نجاحنا لكن كانجازات و بطولات آسف مالنا مستقبل






عندما يتجنس كل لاعبين العالم بالجنسية القطرية

حينئذ سيتوقف التجنيس في الرياض القطرية

[hamad1990]

اول شي راح اتكلم عن ميتسو ...

ميتسو فشل الى ابعد الحدود مع المنتخب القطري

بصراحه مدرب قاعد 3 سنوات بدون اي انجاز يذكر !! يعني انا بودي اعرف شنو السبب اللي يخليهم يتمسكون فيه

ياخي مدرب مب قادر يثبت على تشكيله وحده لمدة 3 مباريات متتاليه معقوله !!

منتخبنا بصراحه من تخبط الى تخبط وصار ينعت بالفاشل من ابناء بلد هذا المنتخب للاسف والسبب (( العناد والمكابره )) للاسف ..

يعني بالله عليكم يجيلي رئيس الاتحاد حمد بن خليفة بن احمد ويقولي عقب كاس الخليج المدرب مستمر مع الفريق عقب الخروج المذل والمستوى الفاشل اللي قدمه الفريق بغض النظر عن اخر مباراه

والحين نتكلم عن التجنيس وما ادراك مالتجنيس ..

انا مو ضد التجنيس كفكره ولكن ... اذا كان لابد من التجنيس انا اقول جنسوا لان الشعب القطري قليل جدا

ولكن جنسوا لاعبين عدلين لاعبين محترفين على مستوى مشرف مب لاعبين مايعرفون كوعهم من بوعهم فالملعب

يعني منتخب فرنسا يوم جنس جنس لاعبين على مستوى عالي جابوا له كاس العالم ماجابوا له خساره مدقعه في ارضه وبين جمهوره بال 2 !!!

يعني مدامكم مجنسين ولا في اذنكم مااااي ولا يهمكم راي الشعب تكفون جنسوا ناس عدلين يفيدون الكره القطريه ويرفعون اسم قطر فوق مب يجيبون لنا الخساير ولا فيهم هفه من روح الوطنيه للاسف ...

اخوي اسمحلي عالاطاله وهاي شي قليل من اللي فقلبي ولكن للاسف كلنا قاعدين ننفخ في جربه مبطوطه :(

[vtc_4.8]

وايد اجانب تجنسو
واحنا عيال البلد موجودين
والله حرام المنتخب يخسر بهالطريقة


ايييه الله يعينكم ويعينا

[joker qtr1]

صح كلامك
خلاص المفروض يوقفون التجنيس
شوف المنتخبات الثانيه كلهم عيال البلد اللي يلعبون
ويلعبون بروح مب مثل منتخبنا ما عندهم حتى روح قتاليه الا سبستيان
ترى فكرة التجنيس مب غلط بس اذا تجنس لك لاعب واحد ينفع المنتخب
لكن الغلط ان تجنس لك كل المنتخب وتبيهم يشيلون اسم قطر ويلعبون بروح
هذا هو الغلط
وننتظر منتخب قطر الحقيقي
وحبيت اصحح لك معلومه
ان في المنتخب 5 لعيبه قطريين
هم: جارالله و حسن الهيدوس وخلفان وعبدالعزيز السليطي وخالد مفتاح
بس اللي يلعب اساسي لاعب واحد!!

[M007]

المال ابتلاء من رب العالمين وحنا مب عارفين شنسوي فيه

تقد هم مب "احنا" الا لو كنت منهم

انا اشوف في واييييييييييييييد اشياء ممكن نسويها بذي الفلوس احسن من الكورة والخرابيط الي مالها اي قيمة

[الـراسي]

تبون الصراحه لما بيدأالنشيد الوطني حق دولتنا قطر في اي مباراة

انحرج اذا حطو الصورة على اللعيبه

[N203]

...
يعني بالله عليكم يجيلي رئيس الاتحاد حمد بن خليفة بن احمد ويقولي عقب كاس الخليج المدرب مستمر مع الفريق عقب الخروج المذل والمستوى الفاشل اللي قدمه الفريق بغض النظر عن اخر مباراه
:(

والله هالكلام يوم قريته في الجريده ، والله استغربت ، حتى في المجلس مافي أي واحد رشح باستمرار ميتو مع الفريق ، وبعد الخروج تلقى هالكلام في الجريدة ...
الصراحة لا تعليييق .

الله يعيننا ويعين الجمهور القطري الي يروج الملعب خاصة .. الله يعينهم

. والله عذبونا .. والله عذبونا ..

[becauzah]

فرنسا ماجنست لاعبين ، زيدان ولد في فرنسا و ابوه حصل على الجنسية قبل ما ينولد ابنه ، الولد ترعرع في فرنسا و ولائه لفرنسا هذا الفرق
لاعبين منتخب مايتكلمون عربي!!

اول شي راح اتكلم عن ميتسو ...

ميتسو فشل الى ابعد الحدود مع المنتخب القطري

بصراحه مدرب قاعد 3 سنوات بدون اي انجاز يذكر !! يعني انا بودي اعرف شنو السبب اللي يخليهم يتمسكون فيه

ياخي مدرب مب قادر يثبت على تشكيله وحده لمدة 3 مباريات متتاليه معقوله !!

منتخبنا بصراحه من تخبط الى تخبط وصار ينعت بالفاشل من ابناء بلد هذا المنتخب للاسف والسبب (( العناد والمكابره )) للاسف ..

يعني بالله عليكم يجيلي رئيس الاتحاد حمد بن خليفة بن احمد ويقولي عقب كاس الخليج المدرب مستمر مع الفريق عقب الخروج المذل والمستوى الفاشل اللي قدمه الفريق بغض النظر عن اخر مباراه

والحين نتكلم عن التجنيس وما ادراك مالتجنيس ..

انا مو ضد التجنيس كفكره ولكن ... اذا كان لابد من التجنيس انا اقول جنسوا لان الشعب القطري قليل جدا

ولكن جنسوا لاعبين عدلين لاعبين محترفين على مستوى مشرف مب لاعبين مايعرفون كوعهم من بوعهم فالملعب

يعني منتخب فرنسا يوم جنس جنس لاعبين على مستوى عالي جابوا له كاس العالم ماجابوا له خساره مدقعه في ارضه وبين جمهوره بال 2 !!!

يعني مدامكم مجنسين ولا في اذنكم مااااي ولا يهمكم راي الشعب تكفون جنسوا ناس عدلين يفيدون الكره القطريه ويرفعون اسم قطر فوق مب يجيبون لنا الخساير ولا فيهم هفه من روح الوطنيه للاسف ...

اخوي اسمحلي عالاطاله وهاي شي قليل من اللي فقلبي ولكن للاسف كلنا قاعدين ننفخ في جربه مبطوطه :(

[فارس قطر]

مشكلة القائمين على اتحاد كرة القدم في اللجنة الولمبية مافيهم رجال

يهمها مصلحة سمعة قطر الكروية

فقط مجاملات ومصالح شخصية.

[رجل مثالي]

يؤسفني حال اهل قطر في كل مجلس وكل شارع باستنكارهم ان يمثلهم في منتخبهم( الوطني) اجانب مجنسين من كل حدب وصوب وان يفرض هذا التوجه فرضا على الكل رغم فشل هذا التدبير فشله بكل المقاييس وفي كل المناسبات ولكن السؤال المحير متى الفرج ..

سنة 1982 خاض منتخبنا الوطني مبارايات كأس العالم للناشئين ونافس بكل رجوله وانتماء وابهر النقاد والمتابعين رغم بساطة الامكانيات ولكن السبب الروح القتالية في ابناء الوطن المتواجدين في ذلك الوقت في صفوف المنتخب ( الوطني) قلبا وغالبا ..

افتقدنا الانتماء وروح الولاء للفانيلة العنابية بسبب اننا لانرضى بان يمثلنا وافد مجنس جاء من اجل المال ..

افتقدنا الانتماء لاانديتنا الرياضية بسبب كثرة المحترفين بين صفوف ابناء الحارة مما جعل الكثير يهجر التواجد في الملاعب ..

هل يعقل ان احدى الاندية القطرية لا يلعب به اكثر من عدد 2 قطريين فقط ؟؟؟؟؟؟...

لماذا تجاهل رغبات اهل البلاد وعدم اعطاء الفرصة للمواهب الموطنية من التطور خصوصا انها خامات جيده ولكن يحبطها الاهتمام بالاجنبي المجنس في مقابل تهميشهم ...

متى الفرج وفك هذا الفرض ومن المسؤل ..




أخوي كلامك صحيح وأنا من المؤيدين لكلامك حول النظر في حالة

المنتخب الفاقد للروح القتالية الذي فيه روح الأنهزامية بدل

الروح الوطنية الغيورة على أسم وطننا الغالي قطر والغيورة على

أي شىء لا يخدم الوطن سوى التفكير بالفوز والأنجاز لرفعة

أسم قطر عاليآ في المحافل الدولية بعد كل هذه الخسائر المالية التي

توفرها الدولة للمنتخب القطري من جميع النواحي المختلفة وذلك

لمساعدة المنتخب على تقديم كل الطاقات للفوز والنصر ولكن

لعدم وجود الروح الوطنية في المدرب أولا وفي هذا المنتخب هو السبب

وراء هذه الهزائم المتكرره لهذا المنتخب الذي يقولون عنه منتخب

وطني وهو لا توجد فيه روح الوطنية القتالية للفوز

[ام السعف]

عندما يتجنس كل لاعبين العالم بالجنسية القطرية

حينئذ سيتوقف التجنيس في الرياض القطرية

فكرة جهنمية ما كانت على البال :eek5:

[بو خليفه 123]

ودي اعرف شلون استطعنا تحقيق فوز سهل على المصنف التاسع عالمياً و لم نستطع الفوز على اوزبكستان ؟

[مرتبش]

بوخليفة .. تهقى هدية؟

[gamal503]

بوخليفة .. تهقى هدية؟

لا هدية ولا شيء بس هذه هي الكورة يا عزيزي

[(رمز المحبه)]

المنتخب لما يكون فيه عيال البلد القطريين .. والله ايااام نصرخ فالملعب ونزهمهم ونشجعهم يتحمسووون والله ان اللاعب يتركز شعر راسه من الحمياا والوطنيه .. ويؤدي احلى ما يكون على الاقل قد ما يقدر يكون يلعب بضمير

اما الحين تصارخ والا تزهم .. حتى صراخك له ما يفهم وش انت تقول !؟ تلاقيه مستغرب وش بلاا ذا يصارخ ويناديني .. ومبطل حلجه .. ويلعب لا وطنيه ولا ضمير ولا حتى يهتم لهتافات الجمهوور .. والله حرام يطلعون من الملعب زعلانين .. على الاقل نلعب بفريق وطني صدق أعيال البلاد اعيال القباايل .. اللي لامن زهمته تركز شعر راسه وحرث الملعب حراااث .. ياخي على الاقل محد يعايرنا يقول مجنسين اللعيبه وبفلوس وبعد فاشلين

خلوها على الله .. مالنا الا الصبر .. ما في يدينا شي القرار من فوق ناس مادري وش تبي من هالتخطيط وهالسياسات اللي بجد لحد الحين مب موفقين في المنتخب

[سهم عتيج]

شاءت الأقدار لي شخصيا أن أكون أحد أفراد المنتخب القطري في الفئات السنية قبل سنوات عديدة قبل أن أتفرغ للدراسة..

وفي احد التصفيات الآسيوية المؤهلة لكأس آسيا التي مثلت المنتخب فيها,, قبل بداية المبارة كان يجيك احساس غريب جدا وهو أنك وأنت ذاهب للملعب في الباص تتذكر أهلك وربعك وأحبابك وكل أهل قطر انهم بعد شوي بيشوفونكم تلعبون في التلفزيون,, وأنني سوف أتعرض لانتقاد في حالة الاخفاق,, وأنني من ضمن صفوة ال22 لاعب الذين تم اختياري لتمثيل المنتخب,, وهذه مسؤولية وأمانة يجب أن نكون قد المسؤولية.. شعور يجعلك تحس بحجم المسؤولية الملقاة عليك وكيف يجعلك تتحمس بشكل غير طبيعي وتكون في حالة تركيز شديد استعدادا للمباراة..

هذا الاحساس فقط كان يجعلنا مقاتلين داخل الملعب دون النظر لأية ماديات وليس مجرد لاعبين يلعبون للحصول على المال..

[بو فهد]

انا متاكد ان المسئول عن المنتخب مستحيل يكون قطري

لان القطري مايرضى تصير بلادة مصخرة عند الى يسوى ومايسوى

لان القطري مستحيل يخلي الغريب يمثل بلادة

لان القطري اهو اجداة الي بنو قطر بسواعدهم السمر مابناها التجنيس ماحب ودب.

[بو خليفه 123]

سهم عتيج اكيد انت من دفعة العامري

ولا بو مهنى

[سهم عتيج]

سهم عتيج اكيد انت من دفعة العامري

ولا بو مهنى

:eek5:
كبرتني وايد الله يهداك اخوي بوخليفة..

أقوللك بطلت وآنه صغير.. يعني لين الحين صغير:shy:

[ام السعف]

انا متاكد ان المسئول عن المنتخب مستحيل يكون قطري

لان القطري مايرضى تصير بلادة مصخرة عند الى يسوى ومايسوى

لان القطري مستحيل يخلي الغريب يمثل بلادة

لان القطري اهو اجداة الي بنو قطر بسواعدهم السمر مابناها التجنيس ماحب ودب.

:eek5:
رحنا في داهية :eek5:
هذي سياسة دولة مالهم خص الأجانب :(

[راعي البيرق]

قبل لاتتكلم عن الغير شوف حنا نستاهل ما جانا ولا لأ !!!
ليش ماتبي تعلنها صراحة وبملء الفم انه كل شي في بلدنا قاعد يحقق نجاح باهر في جميع الادارات والمستويات الا في ادارة شؤون الكرة وخصوصا القائمين على شؤوون اتحاد كرة القدم .
الدولة ما قصرت وفرت جميع الامكانيات اللي تحلم بها دول اوروبية من دعم مالي ومنشات بس باقي لنا الشؤوون الادارية ؟!!
قول لي شلوون وبجاوبك شوف اخوي
ليكن بمعلومك ان القائمين على ادارة شؤوون الكرةعندنا ناس هواة لا احترافية وعلم ادارة عندهم اغلبهم اما ضباط شرطة وجيش ولا لاعبين سابقين العالم الله عندهم شهادات متخصصة بالادارة ولا لا (( مع كامل الاحترام والتقدير لاشخاصهم وذاتهم )) بس هاي الواقع الموجود والدعوة عندهم دعوة انه فلوس عندنا شلوون ننفقها في اما شراء لعيبة ولا تجنيس اخرين وهنا مربط الفرس وهنا داهية الدواهي !!
اخوي الان اكادميات رياضية تدرس فن ادارة لعبة كرة القدم بمعنى انه هناك استراتيجيات مرسومة للفريق من قواعده السنية الى الفريق الاول بحيث يكون الانفاق عليها بالتساوي لا ان يكون جل الانفاق عالفريق الاول بس !!
هات لي لاعب بالمنتخب غير خلفان تدرج من الناشئين الى ان وصل للمنتخب الاول لاعب واحد بس وشوف شلون التخبط عندنا .
حتى بطولة رسمية للمدارس ولا للثانويات واللي اغلب الدول تستمد قواعد للبراعم منها لاتوجد
عندنا .
شلون تبي تاسس للمنتخب وانت شاقح شقحة وما عندك اساس ولا قواعد تطمر عليها .
شلون تبي بطولات وانت ماعندك اساس قوي ابي افهم فهمني ان كنتم للفهم شارحين