بنتي والسمنه ارجو المساعده

[حياتي]

السلام عليكم روحمة الله وبركاته


عندي مشكله مع بنتي عمرها سنه و8 شهور ووزنها 22 كيلو ووزنها زياده عن اللزوم مع ان اكلها بسيط ماتاكل وايد يعني مثل اكل العيال العاديين فاياريت حد يدلني على عيادة اتكون ممتازه ويكون مجربها قبل لان ابي افحص عليها و بصراحه وايد وايد ماشالله وزنها زاد
وصرت اتعب من شيلها:(

[تحداني]

ما شاء الله تبارك الرحمن ولا اله الا الله
هاذي مشكله كبيره ومحتاجه تزورين طبيب .. والحلول هنا مجرد توقعات واحتمالات
قد تصيب وقد تخيب .. فلا تستهيني بالموضوع ..وقد يكون له اثار سلبيه على صحتها



جملك الله برضى الرحمن

[حقيقه]

ماشاءالله

انا ماعرف بالاطفال

لكن الطفل اللي بعمرها كم المفروض يكون وزنه؟؟؟

واذا كان وزنها زايد عن الحد المفروض ماتنتظرين عليها لين توصل لهالوزن كان المفروض من زمان تعرضينها على دكتور

[اسعاف]

روحي على طول الى استشاريين في الغدد والجينات والباطنة

[MAZEN37]

الله يعينك
مشكلة الناس كلها

[alkadi]

الله يشفيها يا رب

وزنها وزن طفل عمره 6 الى 8 سنوات

لازم طبيب غدد صماء أو على الأقل خذيلها موعد في عيادة الأطفال في حمد

[لاجل QT]

اكشفي عن الغدة ربما لها علاقة ..او ممكن يكون وراثة

وماتشوفين شر لاانتى ولا بنيتج

[mohd89]

ما شاء الله 22 كيلو وعمرها سنه و8 شهور !!

اختي لازم تشوفين طبيب بأسرع وقت اكيد هذا الوزن غير طبيعي اعتقد
طفل في الصف الثالث وزنه 26 كيلو !
وأذا ما كان فيها مرض ان شاء الله حاولي انج تشوفين حل مع زيادة الوزن
عشان ما تعاني وهي كبيره
والله يخليها لج

[هند88]

صج وزنها وايد على عمرها المفروض يكون 11 او 12 كيلو
ومثل وماقلوا الاعضاء وديها لاستشاري غدد لان ممكن تكون عندها الغده الدرقيه

[ummalaz]

حبيبتي الله يخليها لكي
في اقرب وقت ولو يكون بكره يكون افضل
تاخذينها على اقرب طبيب استشاري غدد
حتى يقرر المطلوب
الله يحفظها لا تتأخرين اختي على الطبيب

[jeep-srt8]

ما شاء الله اللهم صلي على محمد

من الي درسته غالباً هذه مشاكل هرمونات الغدد الدرقية وفي بعد

الله يحفظها ويشفيها لك ان شاء الله

[فارس الكلمة]

هل زيادة الوزن .. وراثي لدى الوالدين ..؟

[فيزيائية]

غريبة المستشفى عند التطعيم مانتبهوا ؟؟
ماحولوج لاخصائي يشوف المشكلة ...

الله يشفيها ويكون بعونكم

[نورالهدى]

عندي وعندك خير
بس بعد ماتوديها على الطبيب وتطمني عليها
الطفله حتى لو أكلها قليل
مانوعية طعامها
أسبوع سجلي كل اللي تاكله وتشربه
ولو حصلتي إن معظم أكلها فواكه وخضار
وأكلها صحي
يخلو من الشوكليت والبسكوت والمصاص والحلاوة والمكسرات والعصائر المصنعة
ساعتها تأكدي إن عندها مشكلة في الغدد
انتظر ردك
وماتشوفين شر في غالي عندك

[bu abdulla]

اتوقع انه الموضوع ما يحتمل الصبر ..

[بن غنيّم]

مثل ماقالوا الاخوان وديها دكتور اطفال عشان يفحصها الهرمونات والغدد عندها

[غيمة مطر]

ماشاء الله تبارك الرحمن ...

اختي بنتج اتوقع عندها مشكله بالغدد ... بس حاولين تروحين مستشفى حمد ( الدكتور بسيسو ) استشاري نمو
اخذي عنده موعد بالعياده المسائيه ...

والله يشفي بنتج يارب

[حياتي]

يعطيكم العافيه على الردود

بس محد قالي حد يعرف عياده خاصه

[becauzah]

يا جماعه بنتي عمرها سنة وزنها 12 كيلو و شوي
ترى الأطفال لا يزالون أطفال انتظروا لين ما توصل أعمارهم ل8 سنين عشان تشوفون
و حاولوا تخلونهم يلعبون في الحوش

[بـــــــنت النوخـّــــذه]

السلام عليكم روحمة الله وبركاته


بصراحه وايد وايد ماشالله وزنها زاد
وصرت اتعب من شيلها:(

يــــــــــــــــــــــــالبــــــــــــــــــــــ ـــــي عليها احب اليهال المتان اذا تتعبين من شيلها عطيني اياها :tooth:

عموما" اختي حطي في بالج ان العظم له وزن ويوحي بالمتن 00بس عموما" اهم شي صحتها والله يخليها لج 0 ان شاء الله حد يفيدج :)

[شبح الصمت]

اختي الله يخليها لج يارب ويطول بعمرها ويحفظها من كل عين

دامها اختي الحمد لله مب متشكيه من شيء لا تخافين عليها ,

الخوف على الي تحسين فيها شيء وتتعب عليج

ودام مافيها إلا العافيــه خلاص اختي لا تعورين راسج

[وطن]

اختي نوعية الاكل شنو
أعرف وايد اهالي يشوفون الكمية ويهملون النوعية واطفالهم متان ويقولون ليش متان

الله يحفظها لج يا رب ويبعد عنها العين

الاحسن تراقبين نوعية الاكل مثل ما قالوا لج
وتزورين الطبيب
وما عليها شر ان شاء الله

[خزامئ]

اللة يشفيها

[الزقرت]

اختي طيري بسرعه على دكتور غدد واذا حبيتي تستشيرين دكتور اطفال عليج بالدكتور مهند (عياده خاصه)
بس اتوقع يبيلها دكتور غدد وفحوصات معينه

[missperfect]

الله يحفظها لج يا رب ويبعد عنها العين

[Rider]

روحي بها حق مركز الطب العائلي قسم الاطفال عندهم كل الاجهزة والمختبرات موقعهم قرب السوق المركزي وانتي رايحه صوب المعمورة

[روعة الجوري]

شوفي نوعية حليبها

كم مرضاعة تشرب في اليوم

اكلها اكثره شنهو

مواعيد اكلها منتظمة ولا مالها وقت محدد

كمية الاكل اللي تاكله

الفواكه والخضار تدخل في اكلها ولا لاء وشنهو المقدار

تلعب وتركض ولا خاملة





و شوفي الكيالي او مرسي

[N7eEeS]

يــــــــــــــــــــــــالبــــــــــــــــــــــ ـــــي عليها احب اليهال المتان اذا تتعبين من شيلها عطيني اياها :tooth:

عموما" اختي حطي في بالج ان العظم له وزن ويوحي بالمتن 00بس عموما" اهم شي صحتها والله يخليها لج 0 ان شاء الله حد يفيدج :)


ذكرتيني باخوي كل ماقوله متنت قالي عظمي عريض وثقيل :)

[دلوعة ابوها]

ماتشوف شر بنتج
حبيبتي المفروض من البدايه ماتسكتين عن حالتها المهم لاتهملين وروحي لدكاتره غدد يمكن عندها مشاكل في الغده الدرقيه
واتمنى لها الصحه والعافيه

[gxr o.z]

يحليلها الله يحفظها لكم والله يشفيها
ويشفي جميع مرضى المسلمين

[طــمــوحــة]

ما شاء الله تبارك الرحمن

الله يحفظها لج من كل مكروه

ما قصروا الاخوان اللي قبلي

بعد ما تودينها الطبيب طمنينا عليها وقوليلنا السبب

عشان نستفيد من الموضوع بعد

والله يعافيها لج

[gt_511]

انا اعرف محل الدايت سنتر في بن عمران عند الشاهين في دكتور داخل المركز

[نمـر]

في دكتور في مستشفى حمد للغدد في عياده الاطفال اسمه زيود وايد ممتاز *

[Chambray]

اعتقد اليهال وهم صغار المتن عادي
لان بعد فترة يزيد نشاطهم في اللعب ويزيد حرق الدهون الزايده عندهم
اعتقد الافضل كل يوم العصر تخلينها بالحوش تلعب وتركض مع اليهال
ولا يلعبون فيها دكاترتنا
الافضل فقط فحوصات للاطمئنان فقط
وبعد ذلك اذا في اي شئ تايلند او المانيا لان هنا في قطر الدكتور سيئ جداً ولا يعطي المريض حقه في الفحص

[latty]

اخذي موعد على استشاري بحمد وعرضيها عليه يمكن مشكله غدد تحلينها وهي اصغيره افضل