نتظيم فاشل وهمجيه في مزاد السيارات اليوم

[qatari-vip]

السلام عليكم

اليوم رحت المزاد وياريتني مارحت

مافيه تنظيم السيارات محذوفه على بعض مب مرتبه

المفروض تكون على شكل طوابير اسهل واحسن

الارقام اللي في السته غير لاراقام اللي على السيارات

مثال رقم السياره في الترتيب 345 وتحصله مكتوب في الورقه بي ام وتروح وتحصله ها الرقم على سياره ثانه انا اقصد ارقام الترتيب مش اللوحه

المحرج وااحد فقط المفروض يكون اكثر من واحد


الناس فوق بعض ولا حد يسمع الثاني

المزايده تكون همجيه يعني واحد يزيد الف والثاني يزيد خمسه

المفروض تكون المزايده على الف كل واحد يزيد بالف


اسعااار خياليه

للاسف جميع المزدات في الدوحه اسعارهاا غااليه مدري ليش
:anger1:

:anger1:

:anger1:

[khalid 88]

لان اللي قاعدين يشاااركون

هم اصحاااب كراااجااات

[صقر الجزيرة]

اخوي صدقني خسراااااان اللي يشتري من مزادات الدوحة
وتشتري سكر في ماء وعقب شوفلك كراج يستقبلك حق التصليح
والفحص الفني وراك مادري تنجح ولا لا
وعقب روووح المرور واللة يعينك
اخووووك معاه تجربة في المزاداة وكلهم مااافيا ولايشمون ريح الصدق

[آلصآحب آلجديد]

اوافقك الراي الناس تطلع فوق المواتر من الزحمه وماتقدر تشوف الموتر المعروض!

[السموك]

اسعااار الارقام مبالغ فيها وااااايد

۳٤٤۹

وصلته ٤۰ الف

بس الرقم راح باعلى من هالسعر

والسيارة مليوون واحد عليها وماتقدر تعاينها*

[K.A]

صااااااادق اخوي

انا كنت موجود خرابيط ولا تعرف شي من شي ولا تسمع صوت اللي يتكلم فالمكبر

والسيارة يقولك خذها برقدون وفصل لها مفتاح وخرابيط مافي تنظيم ولا شي للآسف

وزحمه على الفاضي

ومافتحوا مزاد الارقام إلا متآخر واسعار خياليه رقم مايسوى الا 25 راح بـ42 شدعوة

تزيد على السيارة وماتدري شنو فيها من بلاوي وخرابيط وخربات وفوق كل هاي السعر خيال

ويوم بتطلع مسكرين الشارع العالم توهقت

اشكرك على طرح الموضوع سبقتني فيه

ياليت يكون في تنظيم وترتيب فالمزاد من بكره لو بقت سيارات

[K.A]

اسعااار الارقام مبالغ فيها وااااايد

۳٤٤۹

وصلته ٤۰ الف

بس الرقم راح باعلى من هالسعر

والسيارة مليوون واحد عليها وماتقدر تعاينها*

راح بـ41 مايسوى الا 23 وبالعافيه يعني

[قدام]

المفروووض اللي يدخل المزاااد المواااطنييين فقط ... هذا مو تعصب ولا عنصريه
لان المواطن اغلبعهم يبي يستعمل و اكثر هل الكراجات اجانب و هم اللي يزاودون علي السياره لين تعدي لين توصل سعر خياالي

[السموك]

راح بـ41 مايسوى الا 23 وبالعافيه يعني

ادري والله

وبخصوص السيارات

للعلم معظم اللي كانوا هناك اصحاب كاراجات

وهم المستفيدين الوحيدين

[راعي ارقام]

الصراحة فاشلين في كل شي . يعني الاعلان كان قبل اسبوع ماقدرو يرتبون السيارات ومايعرفون اشلون يبدون ..!! وسحب السيارات ماتذكروا الا اليوم ؟؟ والله عجب ..!!
ويبدى بسيارة شوي يروح لسيارة ثانية بدون ماينهي الاولى..؟


اما سالفة المخالفات سالفه ثانية هههههه مره يقول السعر مع المخالفه وعقب يقول لا قال القاضي بدون المخالفه ..؟؟؟؟؟ ياا أخي وين الترتيب من قبل ..؟؟؟

[راعي ارقام]

السموك ......الرقم تعرف انه مايسوى الا 23 ليش عيل توصله 40 الف ..؟؟ شنو زهقان اخوي ولا بس تبي الناس تشوفك تزااايد ؟؟

[yousef545]

شي غريب و غير منطقي كامري 2008 مضروبه يمين و يسار وقدام 35 راحت مع مخالفات 9

يعني 44 انزين بروح المعارض بأرخص من هالسعر و على الفحص و موتر وكاله

و 90 بالميه الي موجودين يايين طماشه بس مسوين ازعاج على الفاضي

[al_qa76ani]

لزوووم انبلغ القاضي بالسالفه ...:rolleyes2:

والله ندري من اسبوعين تقريبا وندري ان اكثر هالسوالف مطبوخه ...

المفروض يخصص ايام للمواطنين وذوي الحاجه وعقب للمقيمين وعقب الشريطيه والكراجات
بس السالفه والله ماهي عنصريه ولكن ع الاقل نخلي المواطن يستفين لانه ماراح يبيع يبيها استعمال ...واذا كانت تفريج كربه والافلوس رايحة لتسديد امر محكمه عن مديونين او متهمين فالله يرزقهم وما نقول الا قدر الله وما شاء فعل ...

ربنا يوفق الجميع انا بروح العصر اتطمش واشوف الوضع . :discuss:

[oqbah]

المفروض مايطب المزاد ولا اجنبي

اهل البلد اولى
وهذااللي عندنا في السعوديه
الجنبه برا على برا ياحكم

[وهم قطر]

البركدون يسحب له سياره والغير في البارك لهدرجه غشامه

والناس تشوف يعني الغير راح فيها

[السموك]

السموك ......الرقم تعرف انه مايسوى الا 23 ليش عيل توصله 40 الف ..؟؟ شنو زهقان اخوي ولا بس تبي الناس تشوفك تزااايد ؟؟

لاني ادور على رقم وحاط في بالي اخذ رقم من هناك

ومب رايح عشان شهرة ولا ابين للناس ان عندي خير

غيري عنده اكثر مني ونقول الحمدلله

بس تقعد من الصبح وتروح هناك في هالزحمة

وماكنت ابي اطلع وايدي فاضية وخصوصا اني ادور على رقم

بس الحمدلله يمكن خيره اني مازدت اكثر لاني سمعت عن ناس تحسفوا ان خذو الارقام بهالاسعار

[الهاجري]

موجود 2449 و 2447 اذا شراي 40 الف انا بياع الرقم الواحد طبعا

[قطر.2022]

المفترض يحظون تأمين على المزايدة بمعنى محد يزايد الا ودافع مبلغ تأمين وينعطى بطاقة انه دفع التأمين عشان يزايد..

ولكن للأسف العملية عشوائية ومش منظمة والمزايدة غير حقيقية.. لان استوت حالة ان بيعة رست على مزايد عقب هون عن البيعة..

للأسف كلمت احد الموظفين القطريين في المكتب هناك عن هالآلية رد علي باسلوب غير مناسب..

فايش تتوقعون منهم..