الارقام الي انباعت في المزاد واسعارها -المبالغ فيها-.

[آلصآحب آلجديد]

5850= 46 الف

3449= 41الف

18555= 38 الف

74400= 27الف

80202= 15الف

172555= 10 الاف
شرايكم في الاسعاار؟

[K.A]

خيااااااال والارقام ماتسوى صج قصوا على اللي خذوها

الله يعوض عليهم

[السموك]

مبالغ فيها من قلب من وجهة نظري

۳٤٤۹ وصلته ٤۰ الف بس عرفت انه بعد بيروح فووووق

وانسحبت بصمت

[بو خليفه 123]

اذا الارقام للأستخدام و ليست للربح والتجاره تحصل الي خذوهم يرغبون فيهم و في خاطرهم , فلا مانع يدفع مليون ريال لو يبغي بصره بفلوسه .

بس لو تجاره اكيد الموضوع غير مجزي والاكيد انها صفقه خسرانه .

الله يوفق البايع والشاري .

[راعي ارقام]

والله قهر الصراحة ... في ناس يزايدون عبط مادري ليش ؟؟

والارقام خذت اسعارها وزيادة ...بس عتبي على الغشمان اللي يزايدون على فاضي ..!!

[خسران من قلب]

يعني اللي شرو الارقام مايعرفون اسعار السوق

الكل يعرف اسعار السوق بس ماخذ الرقم الا هو مقتنع منه

[bo_hamad]

*8181 من يسوم الرقم فوق 25 الف

[آلصآحب آلجديد]

يعطيكم العافيه ع الردود ومعوضين خير ان شاء الله

[وهم قطر]

يارب مايدخل عليكم الي كان معارض اسقاط الديون ويشوف

الله يبارك للشاري والبايع

[ولد المنصور]

مزاد فاشل بكل المقايس ----- مافيه ترتيب ولا تسمع اللي يحرج عدل كنه مغصوب والاسعار فوق فوق النيسان ال 2007 راح حول 65 واعتقد انه استاندر شدعوة وبصراحة انا عندي راي ليش ما يخصصونه حق القطرين والله المفروض وشكرا

[bo_Yousef1]

مزاد فاشل توقف بعيد عن المدخل كيلو وتمشي بالحصى والغبار
ومافي اي تنضيم داخل
زحمه ماتشوف الموتر الي عليه المزاد ولا تسمع الي ماسك المكرفون
وناس ماتعرف كوهم من بواعها جايه وتسوم
الارقام اسعار خياليه
والسيارات دامره توصل قريب من اسعار السيارات الي بالسوق والي على الفحص
تعب وتعني على الفاضي
متى بيكون عندنا تنظيم ناجح نفس مزاد دوله الامارات

[حسن]

كان زين اقدر احط ارقامي في المزاد بتجيب اسعار حلوه

[بو عيسى]

يالربع بخصوص 80202 انتو متاكدين ان هالرقم كان معروض بالمزاد؟

[بوعلي-Qtr]

كل واحد مخه في راسه وفلوسه في مخباه
اللي بيزايد سواء خبير ولا غشيم .. فالنهايه اللي بياخذ الرقم هو اللي بيدفع زياده
ولا شله سموه مزاد

[بوسيف الهاجري]

انا من يوم رحت مزاد الخارجيه وشفت الخبلان الي يزيدون على عماها وانا غاسل يدي
ولا بتشوفون الخبال بكره والي عقبه
السياره الي نتباع في السوق ب 60 الف بيوصلونها في المزاد 75 الف
الله المستعان

[N203]

أسعار مبالغ فيها .. المفروض المزاد يكون أقل شوي ...

الصراحة .. لا تعليق

[ابو افنان]

انا من يوم رحت مزاد الخارجيه وشفت الخبلان الي يزيدون على عماها وانا غاسل يدي
ولا بتشوفون الخبال بكره والي عقبه
السياره الي نتباع في السوق ب 60 الف بيوصلونها في المزاد 75 الف
الله المستعان

صحيح كلامك اخوي
الأسعار اغلى من السوق
مع فارق ان السوق تأخذ سيارة جاهزة ومفحوصة

[مستر بن]

الناااس اللي يزيدوون ع الارقااام .. يزيدوون للشهرة ..

فلان خذ هالرقم وعلان خذ هالرقم من المزااد.. ولا اصلا من يبي ..

انا الحين بأسأل الريااني وبشووف كم يسوووون

[الكواري 1972]

172555= 10 الاف
هذا الرقم مانباع رجع لراعيه

المزاد غير منظم والله يعينهم

اما الاسعار حدث ولا حرج

باجر بعد جالسين الرع

يعطيك العافيه

[الجوكر90]

السلام عليكم
بخصوص الرقم 80202 راح برخيص
سعره فالسوق بين 18 لين 23

وبالتوفيق

[al-obaidly]

مشكله العناد بس

[آلصآحب آلجديد]

في الجريده مكتوب هالرقم 280202 وفي المزاد قالوا هالرقم 80202 !!
وفيه ارقام قالوا انها تكنسلت اعتقد الرقم224488

[Qatarianes]

قلة ادب مب مزاد هههههه

[بوعيسى1]

ما شاءالله اسعار خيالية خلوني احب رقمي 267007

[s500]

221133 شخباره

[السموك]

221133 شخباره

قالوا ملغي

[بازار]

الاسعار خيالية الصراحة

[بـوحـمـد]

5850 و 80202 راحو برخيص

[khalid 88]

صراااااحه مستحيل اروووح مزاااادااات بعد ما شفت ان الموضوع كله لعبه

والا في سنة 2007

جيب شاص موديل 98 من مواتر الجيش

بصبغته ورماقاااته وقاعدة الرشاش

وماتدري الماكينه مجيمه ولا لا

يروح 35 الف على وشوووو

ونيسان مقلوووب على التندا وبضربته وقلبته بروح 48 الف

وين عايشين

بس شكله الموضوع في انا

[(رمز المحبه)]

والله يا جماعه المزاد كان عشوائي .. واللي شرى والله انه تدبس ما يبي لها كلام .. والله انا من شفت الناس تزاود كذا بس بشكل عشوائي وبدون ترتيب ولا معدل مزايده ثابت .. كذا بس 10 / 20 / 25 يتزايدون بالآلاف وش ذا الهياط

وسيارات ما تسوى راايحه فيها راحت بأقيام عاليه .. وارقام لوحات مبااااالغ في اسعارها وصلوها اسعار ما توصلها لو براا

انا دخلت ساعه ما كملتها انحشت

[ديابلو]

5850 و 80202 راحو برخيص

صدقت ولا 5850 يسوى 50000

[al-vtc]

بصراااااااااحه الارقااااام ولا تسوى هالاسعار

[لاجئ عاطفي]

انا مادري انتوا ليش زعلانين ؟؟ الارقام الناس هي اللي زايدت عليها وهذا مزاد يعني في مزايده على البضاعه لين ماتوصل لسعر معين والاهم من ذي كله اللي خذ الرقم بغض النظر عن سعره هو يبيه وبيدفع له انتوا ليش معترضين؟؟؟ وعلى فكره نظره سريعه للارقام المعروضه في المنتدى اهني واللي اغلبكم يعرضها ارقام ماتسوا ومع ذي اسعارها مرتفعه يعني قبل لاتنتقدون الغير شوفوا انفسكم بالاول

[سلطان911]

يالربع 8685 كم يسوى

[سلطان911]

يا الربع 1210 كم يسوى

[مستثمر 999]

سمعت انهم وقفوا المزاد ولغوا المزاد


هل هالكلام صحيح

تحياتي

[سلطان911]

شكرا برب صلاه

[آلصآحب آلجديد]

لا مالغوا المزاد بس على كلامهم فيه ارقام ألغوها .. وراعي اخر سومه يدفع 20% من سعر الرقم .. والي يبي يشتري موتر بعد وبالتوفيق للجميع،،،

[قطر ديلر]

اسعار خياليه ومبالغ فيها واجد في احلى منها فالمنتدى واقل بواجد

[لاجئ عاطفي]

هذي مزاد محكمه مثل ماهو معلن في الجريده ماينلغي

[قــ502ـطرالعز]

لاجئ عاطفي انا معاك في بعض الكلام الي قلته هم زعلانين فعلا على الاسعار الخياليه ومب ملاحظين الاسعار الي يحطونها على ارقام ماتسوى هههههههه بس شوف في فرق المزاد تشوف الرقم الي مايسوى يرتفع قدامك بشكل مضحك والي يضحك زياده انه ينباع والي شاريه مقتنع انه خذه بسعر السوق او انه انزل وطالع وشاق الحلج مستانس يقول والله قصيت عليهم وخذته مايدرى هو المقصوص عليه ... اما هني يحط سعر خيالي او سعر لرقم مايسوى بس اطرشله على الخاص سعرك هههههههههه سيده يقولك توكل على الله وانت عارف ليش لان هاذي سعره الحقيقي

[mazag]

لاجئ عاطفي انا معاك في بعض الكلام الي قلته هم زعلانين فعلا على الاسعار الخياليه ومب ملاحظين الاسعار الي يحطونها على ارقام ماتسوى هههههههه بس شوف في فرق المزاد تشوف الرقم الي مايسوى يرتفع قدامك بشكل مضحك والي يضحك زياده انه ينباع والي شاريه مقتنع انه خذه بسعر السوق او انه انزل وطالع وشاق الحلج مستانس يقول والله قصيت عليهم وخذته مايدرى هو المقصوص عليه ... اما هني يحط سعر خيالي او سعر لرقم مايسوى بس اطرشله على الخاص سعرك هههههههههه سيده يقولك توكل على الله وانت عارف ليش لان هاذي سعره الحقيقي

:victory::victory:

كلامك صحيح

[abdulla999]

نصيحة من القلب
يتم الاستعانه باحد الاشريطية حتى يرفع السعر فوق الناس وعندما يصل الى المبلغ المطلوب ينسحب اخونا الاشريطي من المزاد وذلك بعد اتفاق مسبق يحصل على نسبة معينة .
ولي يروح المزاد بيلاحظ نفس الشخص يزيد هنا وهناك .

[مستخبي]

عش دهرا ترى عجبا ... والعزاء لنا احنا المساكين
والحمدلله على كل حال ... واشكر صاحب الموضوع على هذه المبادره الحلوه

[الـقـاسـي]

عيب الواحد يشتط في المزاد ويبي يبين قدام الناس انه بطران ولا همه .. ولا المزاد غلطان اللي يشتري منه يلعبون بالاسعار لعبه ...

[درع الوطن]

الأسعار المبالغ فيها ... تخلي الواحد يشك أن الدعوه فيها غسيل :eek5: