ممكن مساعدة يالربع ( بخصوص الأرمادا )

[بوعبدالرحمن9]

السلام عليكم كيف حالكم ان شاء الله بخير

الموضوع : قررت اشتري نيسان أرمادا ايش رايكم يا شباب هل فيها مشاكل وكيف أسعار قطع الغيار وهل تصليحها سهل ام لازم في الوكالة .
أفيدونا وجزاكم الله خيرا

[Rider]

اخوي بو عبدالرحمن اول شي مبروك مقدما تقصد الارمادا الجديدة شكلها حلو لكن بشكل عام النيسان قطع الغيار غالية شوي بالنسبة للتصليح اذا الموتر جديد ان شاء الله مب مصلح لين كم سنة جدام يعني صب بترول وأمورك سهالات اذا تقصد السفايف عادي اي واحد يغيرها والسيارة واسعه وطبعا هي سيارة عائلية أكثر ماتكون شبابيه والله يوفقك

[بوسيف الهاجري]

مبروك مقدما
انصحك في تويوتا سكويا

[ابن مانع]

السلام عليكم ورحمة الله وبركاته

انصحك غير الموتر قطع غيارة نار وصرفية بترول زايده وموتر غير مريح بس كشخه على الفاضي
ومايصلح للخطوط يهف وايد انا انغريت فيه وشريته وطلعت فيه مشوار واحد ورجعته المعرض ثاني يوم لاني انصدمت من صرفيته واستخدامه وقطع غيارة
والراي لك

[البهتري]

أنصحك بسيكويا

[بوعبدالرحمن9]

مشكورين وجزاكم الله خيرا على هذه المعلومات يالربع

[qatare999]

وعليكم السلام اخوي

نفس ما تفضلو الشباب ننصحك بتيوتا سكويا

وبالنسبة للارمادا

بعد فتره اتشوف التواير الخلفيه اتميل تاخذ شكل ^ يعني اتميل للداخل وهذا شي تقدر اتشوفه على اي سياره ارمادا فالشارع بعد فترة من الاستخدام وانا اقولك هالشي لان السياره عند قريب لي وشفت هالشي وماله حل فالوكالة

وتحياتي لك واموفق بها او بغيرها ان شاء الله

[تاجر]

وازيدكم بأهم شي ..

المكيف تعبان .. (تجربة شخصية)

[ساكن ازغوه]

خذلك كروزر ابركلك

[بوعبدالله779]

تجربة شخصية مع الارمادا
اول شي لي 3 سنوات ونص مع الارمادا وما خسرت فيها الا مره وحدة لسفايف بس يعني مب مثل تويوتا اللي تبي سفايف كل 3 شهور وبعدين والاهم الضمان 3 سنوات وشركه نيسان في التعامل صارت مثل شركات الكبيرة بي ام ومرسيدس يعني اي قطع تخترب يبدلونها لك على طول من غير نقاش يعني مب مثل تويوتا اللي تضرب راسك في الطوفه لين يوافق المدير يغير لك على الضمان وبنسبه للبترول السيارة تعبي فل ب 77 ريال وتمشي معاك حوالي 420 كلم والمكيف مب تعبان يعني مب مثل نيسان العادي اللي يسوي لك ثلاجة والكلام هاي في ايام الصيف لما توصل الدرجة الحرارة 45 وفوق . وما انصحك تاخذ سكويا لانها تعبانه في كل شي في القوة والموصفات ومشى مرغوبه والدليل انك تشوف انتشار الارمادا اكثر من سكويا
والله يبارك لك في اي سيارة تاخذها

[qatare999]

مع احترامي لخوي بو عبدالله ولرأي اي شخص ثاني

اعتقد سبب كثرة الارمادا بالشارع هو سعرها

لان سعر الارمادا اقل من سعر السكـــــــويا

واذا بنتكلم بالسياره الي بتعمر اكثر معروف التيوتا والدليل الجي القديم موديل 85 لي الحين صامن
والكروزر 98 و 99 ما شاء الله بكثره فالشارع مع ان مر على عمرها 12 سنه او اكثر واعتقد العمر الافتراضي لاي سيارة نيسان هو 5 سنوات ومن بعدها كل شهرين فالكراج

ما نطلع من موضوع اخونا كلن له رأي ورأيي لا للنيسان ومرحبا بالتيوتا

وبالتوفيق ان شاء الله لك اخوي بكل الاحوال

[بوعبدالله779]

مع احترامي لخوي بو عبدالله ولرأي اي شخص ثاني

اعتقد سبب كثرة الارمادا بالشارع هو سعرها

لان سعر الارمادا اقل من سعر السكـــــــويا

واذا بنتكلم بالسياره الي بتعمر اكثر معروف التيوتا والدليل الجي القديم موديل 85 لي الحين صامن
والكروزر 98 و 99 ما شاء الله بكثره فالشارع مع ان مر على عمرها 12 سنه او اكثر واعتقد العمر الافتراضي لاي سيارة نيسان هو 5 سنوات ومن بعدها كل شهرين فالكراج

ما نطلع من موضوع اخونا كلن له رأي ورأيي لا للنيسان ومرحبا بالتيوتا

وبالتوفيق ان شاء الله لك اخوي بكل الاحوال

وصلنا خير يعني النيسان بشكل عام سعره ارخص من تويوتا في الشركة وقطع غياره الحين لو تسوي مقارنه بسيطه راح تعرف انه تويوتا بعد رفعت الاسعار ولكن قطع غيار نيسان تعمر والدليل على ذلك سفايف النيسان تعمر اكثر من تويوتا ب 3 مرات
وخدمه نيسان في الصناعية وفروعها افضل من تويوتا ب 50 مره واذا تبي تتاكد حاضرين وبكل امانه تويوتا في البيعه افضل من النيسان بوااايد واذا جت على سيارة تعمر اكثر ارد واقول اي سيارة تحشمها تعمر معاك ولا ما تشوف كراجات الصناعية متروسه من تويوتا وخرباتها بعد

[آهـات خـالـد]

^^^^^^^^^^^^

كلام 100%

:)

[ولد المنصور]

والله صراحه غير اليوكن مافيه والدليل مرغوب وااااايد خصوصا الجمس وصرفيه بترول معقوله