المساعد الشخصي الرقمي

مشاهدة النسخة كاملة : هل سيذهب الشعب الى مباراة قطر والصين يوم الاربعاء


البدع
10-01-2011, 01:09 PM
شخصيا قررت عدم الذهاب

والاحظ اغلب الشباب قرر عدم الذهاب

وشكله الملعب بيكون فااااااااااااااااااااااااااااضي
علي مهنا
10-01-2011, 01:17 PM
انا من زمان امقاطع مباريات المنتخب بسبب هالاتحاد الفااااااااااااشل

ومب رايح هالمباراه ومب شايفهه في التلفزيون بعد
الـقـاسـي
10-01-2011, 01:19 PM
اتمنى محد يروح للملعب على الاقل نحتج على موقفهم مع المدرب واستمرارهم في اهمال المنتخب بالمحافظه على ميتسو وسياسه التجنيس ..
gamal503
10-01-2011, 01:20 PM
لالالا لازم تشجيع للنهاية
انا هاروح وهاشجع العنابي
البدع
10-01-2011, 01:21 PM
اتمنى محد يروح للملعب على الاقل نحتج على موقفهم مع المدرب واستمرارهم في اهمال المنتخب بالمحافظه على ميتسو وسياسه التجنيس ..


انا هذا رايي

ولهذا قررت عدم الذهاب
سعد آل شريم
10-01-2011, 01:22 PM
انا رايح بإذن الله مباراة قطر والصين و قطر والكويت

حتى لو خسرانين
صمت 1
10-01-2011, 01:23 PM
هم يلعبون بحماس من غير جمهور

ليش نروح ونجيب لنفسنا وجع قلب
البدع
10-01-2011, 01:23 PM
انا من زمان امقاطع مباريات المنتخب بسبب هالاتحاد الفااااااااااااشل

ومب رايح هالمباراه ومب شايفهه في التلفزيون بعد

للاسف

انا اغتريت فيهم عقب مباراة مصر
هبوب الكوس
10-01-2011, 01:24 PM
مب رايح بتاتاً بتاً

منتخب اشباح مرقع مهمش :weeping:

اذا رد منتخب التسعينيات ونازل ذيك الساعه منشجع ومن قلب :victory:
اكتتاب خاص
10-01-2011, 01:32 PM
السعوديه اقالت المدرب بسبب مباراه واحده وخساره وحده امام سوريا

احنا ميتسووو قطعنا ولعب في حسبتنا وخساير زادت على خساير البورصه :victory:
وللحين متمسكين فيه


وتبون نحضر مبارايات ، ليش ، ناقصين خساير احنا، ، تشوف شاشة المنتخب كلها حمراء ، كنها شاشة البورصه في عز الازمــــــــــــه الماليه

,,,...<<<<< اشرايكم بالتشبيه ، فيه وايد شبه ، هع هع
الله يعينا بس
ماجد
10-01-2011, 01:43 PM
انا من يوم شالوا فوساتي في تصفيات كاس العالم

وجابوا هالميتسو وانا غاسل ايدي من المنتخب

ولا مبااراة حضرتها حتى بالتلفزيون ولا مبارة تابعتها
BURBERRY
10-01-2011, 02:00 PM
من سنيين ماحضرت مباراة للمنتخب
عزوز المضارب
10-01-2011, 02:08 PM
المنتخب دائما بحاجه الى جماهيره
وخصوصا هذا الوقت المنتخب باشد الحاجه للجماهير
اللاعبين عليهم ضغوط كبيره وعدم حضور الجماهير
سيزيد الضغط بشكل اكبر
اشعر ان اللاعبين بن مطرقه الاتحاد وسندان المدرب الفاشل
فكونوا عونا لهم
العنابي
10-01-2011, 02:40 PM
خل الاتحاد يشتري جمهور بعد , شمعنى تجنيس لاعبين بس
Chambray
10-01-2011, 02:55 PM
ان شاء الله نشوف الجماهير في المدرجات
قطـــــــــــــر فوق كل اعتباااااااااار واذا نحضر نحضر من اجل قطر وليس من اجل شله مجنسين
فارس قطر
10-01-2011, 03:17 PM
اعوذ بالله

ارووووح اشجع مجنسين ماعندهم ولاء الا دولار

احب اقول لرئيس الاتحاد ومن يطبل لة الى استحوا ماتو

اتمنى تتعلم من رئيس الاتحاد السعودي


.
Mshari
10-01-2011, 03:27 PM
اعوذ بالله

ارووووح اشجع مجنسين ماعندهم ولاء الا دولار

احب اقول لرئيس الاتحاد ومن يطبل لة الى استحوا ماتو

اتمنى تتعلم من رئيس الاتحاد السعودي


.






ما أردى من قديد إلاّ عسفان


حنا طلعت روحنا منه اجل رئيس اتحاد رياضي يقول عندي خطط واستراتجيه للمنتخب

يطلع ناصر الجوهر عام 2010 ويجيب بيسيرو ويطلعه ويرجع ناصر الجوهر



يا اخوي قل الله يفكنا منه ومن ادارته كفايه خلنا ملطشه اسيويه وخليجيه وعربيه بامتياز
al-sadd
10-01-2011, 03:37 PM
اذا ربك كتب نصيب
بروح المباراه
ولاكن متاكد 100% ان هالمنتخب مامنه رجى !
وكلي علم انه بيسود الوجه
ولاكن علاشان مايكون لهم عذر اذا خسروا
لان اذا محد حظر المباراه بيقولون وين المشجعين؟
وبيحطون اللوم علينا !

انا واحد بروح صراحه
ومن يدري يمكن نغيير راينا ونمر مندرين ناخذ لنا كم عصير ونتجمع فالمجلس ونشوف المباراه هناك
والله اعلم =)
al-sadd
10-01-2011, 03:39 PM
خل الاتحاد يشتري جمهور بعد , شمعنى تجنيس لاعبين بس

لا ابشرك اخوي جاني اليوم :tease:
يقولي اداره المدرسه مسوين لنا رحله للملعب علاشان نشجع المنتخب هههههههههههههههههههههههههههههههههههههههههههههههه
ترى من صجي مب غشمره !!
:tease:
عفيه ع الاتحاد الموقر ! كاااااااااااااك
الأرجنتيني
10-01-2011, 07:20 PM
الوقت غالي وثمين

لست مستعد لخسارة 90 دقيقه
لمتابعة مثل هذه المباريات حتى وان كانت على شاشة التلفاز :shy:

فورتسا تشاينيس
نتمنى التوفيق للأشقاء التشاينيس :nice:
الـقـاسـي
10-01-2011, 07:26 PM
ياليت والله ياشباب تكون في مقطاعه العنابي غالي علينا لكن هذا اللي يلعب مب العنابي ولانبيه .. يااناس جنستوا ولعنتو ابو المنتخب ولا جاب بطولات ولا في فايده ليه مستمرين في التجنيس ..


تكفوون لحد يروح الملعب قاطعوا منتخب الجاليات هذا ..
بو فهد
10-01-2011, 07:33 PM
عفوا........منتخب من كل قطر اغنية

نتائجكم الهابطة وعدم ولائكم للوطن وشعار العنابي

بصراحة لاتستحقون المساندة او الزيارة.
علي مهنا
11-01-2011, 02:31 PM
انا بقولكم من بيحضر الملعب بيجمعون لهم شلة يهالو وبعض الجاليات وسمعت انه بعض الجهات توزع تذاكر مجانيه عشان الجمهور يحضر

واقول حق رئيس الاتحاد يا ويه استح خلاص والسالفه مصخت واااااااااااايد
صليب الراي
11-01-2011, 02:42 PM
اكييييييييد رايحين رايحين
.:: القيصر ::.
11-01-2011, 02:47 PM
السلام عليكم

والله ودي احظر

بس عندي تمرين

وتمريني اهم من المنتخب بصراحه

هههههههههههههه

لو كان المنتخب 100% قطري

مستعد افضي اشغالي كلها حتى لو مع اهلي واتعنى له اما بهذا التجنيس آسف جدا :)

وافضي نفسي للمنتخب اللي الشعب يبيه


مع التحية :

القيصر
سكرمر
11-01-2011, 08:30 PM
لو تتم مقاطعه الجمهور لمباريات المنتخب يكون افضل



على الاقل هالاتحاد الفاشل يفهم ان الجمهور وصل حده
تركي محمد
11-01-2011, 08:36 PM
منتخب قطر ؟

اخر مره شفته في خليجي 11
واعتقد عقبها اعتزل

واللي يلعبون عبارة عن تقسيمه غريبه غير متوالفه مع بعضها .. اعتقد لو يدخلون بطولة قطر فوتبول بياخذون المركز الثاني !
بنت الأجوادQ
11-01-2011, 10:35 PM
منتخب تعبــــــــــــــــــــان تعبـــــــــــــــــــــــــــان حرام تفشلون نفسكم خلاص كرهونا في الكورة يا رئيـــــــــــــــــــــــــــس الأتحــــــــــــــــــــــــــاد أستقيـــــــــــــــــــــــــل أرجوك محد يبيك وحتى لو قعدت مانذكرك مابالخيـــــــــــــــــــــــــــــــر مانذكر الأ هزايمك أنت ومنتخبك المجنس وأدارتك الفاشلة لالالالالالالالالالالالالالالالالالالالالالا تروحون عقب هالفضايح !!
بومحمد911
11-01-2011, 10:49 PM
مسكين هالمنتخب


ووين ايام حيييو فريق الي حضر اسمه ولونه من قطر

الله يرحم زمان اول
عاشق الشهادة
11-01-2011, 11:36 PM
الله يوفق رجال العنابي مع الصين غداً

واليوم الثلاثاء رحت فلايجيو واخذت اربع تذاكر الي على 25 ريال وغداً عندي امتحان من الساعة 4 الى 6 وبعده ان شاء الله بذهب على طول الى استاد خليفة الدولي وبإذن الواحد الاحد ان الله بيوفق العنابي بمباراته مع الصين
rayyani4ever
11-01-2011, 11:53 PM
لا و لن احضر المباراة ولا اي مباراة للمنتخب لان خلاااااااااااااااااااص ما عاد منه رجا


و اطالب رئيس الاتحاد و (بعض) اعضاء الاتحاد بالاستقاله

ترى خلاص يبه كل خططكم فشلت ولا عاد تنفع


و مثل ما قال احد الاخوان.. خلهم يشترون جماهير مثل ما شرو هاللعيبه باسم المنتخب


و (يا قلب لا تحزن.........=( )
R 7 A L
12-01-2011, 12:00 AM
روحوا للملعب على شان الاجواء الحلوة والناس والصفيحة :tease:

اما اذا حد بيروح على شان المنتخب صراحة ماعندة سالفة
حتى انا كنت اتابع مباريات المنتخب عن طريق النت
بس بكرة ماراح اتابعها حتى لو فزنا مارح يتغير شي :anger1:
captin
12-01-2011, 12:24 AM
سؤال

هل لقطر منتخب وطني ؟

اعتقد احنا القطريين نسينا شي اسمه منتخب قطري وطني
من عشر سنوات أو أكثر منذ جاء صاحب الفكرة الغبية
فكرة التجنيس بفكرته التي دمرت الرياضية القطرية عموما
وكرة القدم خصوصا
همر
12-01-2011, 11:40 AM
هع

طلع رئيس الاتحاد اذكى منكم..

جاب لكم فريق من كل ربيع زهره..

واليوم بيجمع يهالو مدارس الاجانب والجاليات وموظفين الشركات وكل واحد بيشجع اللي نفس جنسيته من لعيبة المنتخب .. والمنتخب ما شاء الله .. انترناشونال .. فبيكون الحضور الجماهيري العالمي كبير وطبعا يغلب عليه الطابع الاسيوي مادري ليش مع انه ناقصنا لاعب هندي ويكتمل اتحاد المنتخب العالمي..

واللي يقول مساكين اللعيبه ناقصهم الدعم !! خل يحركون براطمهم على الاقل وقت السلام الوطني بعدين نفكر ندعمهم اللي مافيهم الا 4 يتكلمون عربي !!! انا مادري شلون تمارينهم بلغة الاشاره ؟!!


والبلوه العوده المدرب ... ابكييييييييييييييييييييييييييك يا الفاشل ولا ولم ولن اشجع العنابي وهذا الفاشل مدرب المنتخب .. دام السالفه نحاسه من الاتحاد .. ارجوكم .. قاطعوا المدرجاااااااااات !!!
Sari
12-01-2011, 12:28 PM
الله يوفق رجال العنابي مع الصين غداً

واليوم الثلاثاء رحت فلايجيو واخذت اربع تذاكر الي على 25 ريال وغداً عندي امتحان من الساعة 4 الى 6 وبعده ان شاء الله بذهب على طول الى استاد خليفة الدولي وبإذن الواحد الاحد ان الله بيوفق العنابي بمباراته مع الصين

25 في اربعه ب100

في حالة خسارة منتخب الجاليات من بيرجع 100 ريال :omg:

لو المنتخب عيالنا قلنا فدوة
لاكن سكاريب مجمعه ونحضر ! اســـــــــــــــــــــــــــــــــــــــــــف
al-sadd
12-01-2011, 12:42 PM
ههههههههههههههههه
يالله يخسر المنتخب اليوم
من سنة تسعين لي ٢٠٠٨ كان منتخب الكويت الاسواء
ولاكن يوم صار المنتخب شبه كاااامل كويتيين
شوفو شلون يلعبون ماشاءالله عليهم
وعندكم منتخب السعوديه .... الى آخره
ولاكن تعالوا للاضحوكه ! الي هو منتخب افريقيا !
أتحداك تحصل ٥ من نفس الدوله !! كل واحد ولا اثنين من دوله
احيييييه صاحب فكره التجنيس العشوائي !
ويالله يا الاتحاد القطري ! اكلها الحين
اتمنى اليوم فبرنامج المجلس يتكلمون بكل صرااااااحه ويطلعون عيوب المنتخب كامله
والي هي ١ الاتحاد ٢ اللاعبين المجنسيين ٣ الاخ الحبيب المدرب
اول مره فحياتي اشوف منتخب فاشل فكل شي !!
Rider
12-01-2011, 01:58 PM
بعدين غلط حاطين المباراة في استاذ خليفة حتى لو حضر جمهور بيكون عدد قليل فالمنظر العام مب حلو
(رمز المحبه)
12-01-2011, 02:12 PM
منتخب فاشل .. واتحاد ما يسمع الكلام وما يهتم لراي الجمهور ولا يسمع لهم يسوي اللي يبي !؟ يجنسون واختيارات فاشله ومنتخب يفشل .. وزود على ذالك خساير في خساير .. وش حادني على الفشيله اقعد في بيتنا ابرك لي
Xx QATARI xX
12-01-2011, 02:40 PM
الشي المهم
لين مته واحنا ننصدم

والله زهقونا ،،

تصريحاتهم في الجرايد بنشوفها اليوم
Roooo7 Qtr
12-01-2011, 10:10 PM
اليوم المنتخب رد ع الحاقديين بالنتيجه
La Bella
12-01-2011, 10:23 PM
اليوم المنتخب رد ع الحاقديين بالنتيجه

:nice:
يراعٌ فراتي
12-01-2011, 10:28 PM
مبررررررررررررررررررررررووووووووووووك للعنابي اليوم الثلاث نقاط


وهارد لك لكل المشككين بقدرات المنتخب
rayyani4ever
13-01-2011, 02:17 PM
للتوضيح فقط:

انا مادري الاخوان اللي فوق عبالهم انه اللي ما يشجع المنتخب ما عنده ولاء مثلا؟؟

السمووووحه اخوي المنتخب على العين و الراس و العنابي في القلب.. و لولا هالحب للمنتخب ما كنا تكلمنا ولا اعترضنا..

بس الامور وصلت حدها!!!! يعني بذمتكم تشوفون اللي قاعد يصير يرضي احد؟؟


اي نعم المنتخب لعب امس و الصراحه يوسف احمد بدددددددددددددددددددددع و مافي احد يعترض على هالشي


بس شنو عقب؟ بنفوز ع الكويت؟؟ و شنو عقب الكويت؟؟ يمكن في احتمال صغييييير يفوزون بكأس اسيا (لانها مالها امان ز كلها مفاجآت للحين)

بس مع كل احترامي للجميع.. لا تظنون هذا المنتخب بالوضع الحالي (المدرب + بعض اللعيبه) راح يتأهل لكأس العالم 2014

الا اذا إتحادنا الموقر حاط في باله انه مشاركتنا الوحيده راح تكون في 2022 كوننا الدوله المستضيفه؟؟

اصحوو يا جمااااااااااااااااااااعه و بسسسسنا خرابييييييييييييييييط!!!!


و سؤال اخير:
امس في المباراة اللي شفته في المدرجات انه عيال المدارس و بعض الشركات كانو اكثر من "جمهور المنتخب".. هل انا الوحيد اللي لاحظت هالشي؟؟ (ترى ما شفت الا الشوط الاول :) )
(رمز المحبه)
13-01-2011, 02:24 PM
ما يعتبر فوز المنتخب أمس عذر للي قاعد يصير .. المنتخب فاشل يا جماعه حتى لو فاز امس ...؟؟

خسايره نسيناها .. احنا من حبنا للمنتخب ما ودنا يخسر ولا ودنا حد يتكلم عن منتخبنا بأنه مجموعة مجنسين اجانب ومع ذلك خساير ..

انا معاكم بس شلون كان بيكون طعم الفوز لو كان المنتخب امس كله عيال قطر ؟؟ جاوبوني ؟؟