ما ندم من استخار الخالق ، وشاور المخلوقين

[لينا]

السلام عليكم ورحمة الله وبركاتة

مادري من وين ابدا لكن راح اتكلم بختصار

انا موظفة والحمدلله راتبي زين طلبت مني الوالدة الله يحفظها اخذ لها سيارة

وخذت لها وكان سنه 2007 وكان سعرها اكثر من 200,000 وكنت رافعة المت حق القسط

بس عشان الدين يروح , بس الوالدة الله يحفظها فاجأتني الحين تبي تبيع السيارة واخذ لها ثانية

لان السيارة الي عندها تخرب كثير وقطع غيارها غالي مرة ...

وتبي نفسها او غير وتكون موديل 2011

الحين اصلي الاستخارة ومادري وش اسوي مابي اضايقها ورد شي في خاطرها

وفي نفس الوقت مابي الدين تعبت منه....

هي كلمت اخوي وتعذر لها لان مايقدر واختي هي ماخذة على خاطرها منها وجايه تشكي لي

وكسرت خاطري ....

الحين ابي شوركم ومن مر في نفس التجربة يقول لي وش سوا وش صار معه


..

[المليونير الفقير]

شنو نوع السياره الي عندها؟؟

[لينا]

gmc

...

[المليونير الفقير]

جمس سوبرمان وسعره200الف؟؟

[مرشد الاخوان]

الصراحه بأن أمج تبي تكشخ وتطلع فيها على حسابج ومن تعبج

واعتقد و الله اعلم بأن هذا تكلف بدون دااااعي وفي نفس الوقت اسراف

والله لا يحب المسرفين ... ولو انج رفضتي تلبية الطلب مثل اخوج يكون افضل

ولا يدخل هذا في معصية الوالده .....

[حقيقه]

اخذيلها سياره بس مب نفس ماتبي شوفي اللي يناسبتس

وقولي لها بصراحه

[صاحبة إمتياز]

استخيري الله وتوكلي عليه و الله يكتب إلي فيه الخير لج وللوالده الله يحفظها إن شاء الله وماضاقت الإ فرجت حبيبتي ..

[لينا]

يوكن وماخذة قرض من البنك

والبنك ربوي للاسف

[Qatar-Qa]

بصراحه اختي المفروض تقعدين معاها وتفهمينها عن وضعج بكل صراحه
بتقولين لي امي ولازم مازعلها واسمع كلامها كل هالكلام على عيني وراسي
بس مايصير جذي الله مايرضى
شفيه يعني هالموتر اللي عندها
ماشالله موديل 2007 مب قديم
انزين اذا هي مصممه بيعي لها هالسياره وبسعرها اخذي سياره ثانيه
لو مثلا جابت 100 الف
اخذي لها سياره قيمتها 100 الف
وقولي لها يمه هذي كلل امكانياتي ولو عندي ماأبدي شي عليج

والله يعينج على الدين اللي عليج اختي ويسهل لج

[toghma]

المشكلة بسيطة وما هي مشكلة من الأساس
رجعي السيارة للوكالة واخذي بدالها موديل 2011 والاقساط خليها على بنك اسلامي
وعلى اساس قيمة السيارة القديمة بتكون كدفعة أولى معناتها المديونية الجديدة راح تكون هينة عليك
ودام ان قسط السيارة عالي ـ معناتها مبلغ القرض حاليا أقل بكثير من قيمة السيارة وبالتالي اتوقع ما عندك مشكلة في موضوع سداد القرض القديم من قيمة السيارة المباعة .

واذا في استشارة ثانية ـ حاضرين

[لينا]

الصراحه بأن أمج تبي تكشخ وتطلع فيها على حسابج ومن تعبج

واعتقد و الله اعلم بأن هذا تكلف بدون دااااعي وفي نفس الوقت اسراف

والله لا يحب المسرفين ... ولو انج رفضتي تلبية الطلب مثل اخوج يكون افضل

ولا يدخل هذا في معصية الوالده .....

هي مو مسئله كشخة هي تبي اذا بتاخذ شي يكون سعرة فيه

وهي تقول لي تبيع السيارة القديمة دام تقدر تجيب لنا سعر

وامي تقريبا هي الي تسوي كل شي في البيت تروح وتجي

وتحتاج السيارة كثير ومن النوع الواصل وتوجب الناس

والاهل ... صراحة من كلمتني عن الموضوع وانا ساكته ماقلت لها شي

وقول لها بس خير ان شاء الله

ـ

[المليونير الفقير]

فيه سياره مثل السوبر بس تويوتا جديده وسعرها حلو وايضا سعرها فيها ونسيت اسمها بس اتوقع هي افضل من الجي ام سي لقلة عطالها هذا واتمنالج كل التوفيق وتاكدي ياختي ان بر الوالدين مافيه خساره بالعكس ربح فالدنيا والاخره

[لينا]

المشكلة بسيطة وما هي مشكلة من الأساس
رجعي السيارة للوكالة واخذي بدالها موديل 2011 والاقساط خليها على بنك اسلامي
وعلى اساس قيمة السيارة القديمة بتكون كدفعة أولى معناتها المديونية الجديدة راح تكون هينة عليك
ودام ان قسط السيارة عالي ـ معناتها مبلغ القرض حاليا أقل بكثير من قيمة السيارة وبالتالي اتوقع ما عندك مشكلة في موضوع سداد القرض القديم من قيمة السيارة المباعة .

واذا في استشارة ثانية ـ حاضرين

بنكي ربوي ماقدر انقل لسلامي وباقي علي مبلغ ما تسدد صح ؟

طيب اذا قلنا السيارة تجيب 85 الف اذا حاولت اغطي المبلغ يبقى علي في البنك

زين شنو احسن اخذ سلفه ثانية وكمل بها مبلغ السيارة ؟

ولا اسدد جزء من المبلغ واخذ قرض ثاني مع ان مدير البنك قال مافيه فايدة

احس مو من مصلحته يقول سددي يخاف تطيح الارباح

ودي اسوي نفس الي تقول بس شلون انقل اسلامي

ـ

[المليونير الفقير]

اختي اقدر انقلج على بنك اسلامي طبعا بعد نقل الدين او شرائه

[][ iMedia ][]

فيه سياره مثل السوبر بس تويوتا جديده وسعرها حلو وايضا سعرها فيها ونسيت اسمها بس اتوقع هي افضل من الجي ام سي لقلة عطالها هذا واتمنالج كل التوفيق وتاكدي ياختي ان بر الوالدين مافيه خساره بالعكس ربح فالدنيا والاخره


تويوتــا سيــكويا يمكن :) ؟

[المليونير الفقير]

[ iMedia ][;6795033']
تويوتــا سيــكويا يمكن :) ؟

وانت صح:nice:

[][ iMedia ][]

وانت صح:nice:

:nice:

[jeep-srt8]

2007 جديده بس ممكن سوء استعمال ابحثي عن السبب وشوفي سيارة ثانية تستحمل السبب

والجمس طبعاً قطعه غالية خصوصاً بالوكاله وان طلعتي برا الوكاله ياخذون اضعاف لانها جمس وثانياً امريكي

دوري الزين والقوي والرخيص وتلقين ان شاء الله على قد السعر الي بيجيك من القديمه

[لينا]

اختي اقدر انقلج على بنك اسلامي طبعا بعد نقل الدين او شرائه

انت تشتغل في بنك اخوي

ـ

[المليونير الفقير]

انت تشتغل في بنك اخوي

ـ

لا بس عندي معرفه

[بوحارب]

الصراحة الموقف محرج

يعني الوالدة ما عندها الا انتي تطلبها سيارة :(

المشكلة الطلبية ثقيلة شوي لأنه فيها ديون واقساط لمدة 5 سنوات اقل شي

حاولي تقنعين الوالدة تمشي نفسها في السيارة الحالية واتوقع سبب خرابها من الأهمال

مب من السيارة

يعني لازم السيارة تروح للشركة بين فترة وفترة للشييك عليها

لأنه 2007 يعتبر موتر جديد مب قديم :) والجمس موتر يعمّر

[باسورد]

فيه ام تسوي في بنتها كذا , مو قادر اتصور هالشي

نصيحه ارفضي طلبها حتى لو زعلت

ولا تسمعين كلام المليونير ترى بتوهقين

لو اشترى بنك اسلامي مديونيتج بتطلع المديونيه اكثر

وبتقعدين طول عمرج تسددين للبنك

[نجم سهيل]

السلام عليكم

انتي ماقصرتي من البداية وخذتي حق امج سيارة وسعرها بمبلغ وقدره والله يجزيج كل خير ..

والحين مرت ثلاث سنين بس وامج حابة تغير السيارة

اما هي مب عارفة او عندها سوء تقدير بحالتج ..

أو هي غافلة عن الموضوع ومب حاسة انها مثقلة عليج ..

الحل انج تواجهين مشكلتج وتعتذرين حق الوالدة مؤقتا ً لين مايفرجها ربج
ولاتشردين من المشكلة بدين يديد على ظهرج يتعبج سنين قدام وتبتدين من الصفر مرة ثانية

واذا ماكان عندج أي مجال .. أنصحج مثل ماقال اخونا المليونير .. التويوتا سكويا نفس الجمس والتويوتا سيارة تعمر

ولاتبلشين نفسج مع البنوك الربوية مرة ثانية .. اخذي لج عن طريق الأولى للتمويل أو أي شركة اسلامية

أحس اني هاوشتج شوي

وبالتوفيق ان شالله

[رجل مثالي]

أخوي السيارة الحالية موديل 2007 تعتبر جديدة ولكنها بحاجة يمكن

الى بعض التشييك المعروف حسب كتالوج الصيانة فقط

صيانة دورية للسيارة وليس من المفروض بيع السيارة وتراكم الديون

حرام لأن في حالة بيع السيارة تكون الخسارة أكبر من الأقساط

وتراكم الأقساط من جديد ويجب توضيح هذا الأمر للوالدة

وممكن هذه الظروف تقنع الوالدة العزيزة وبالتوفيق

[مهل]

السلام عليكم


اخت لينا .. فيه موضوع ذكرتيه اتمنى انج تقفين عنده وقفه حقيقيه وهو اهم من موضوع السياره الجديده .

بكل امانه شفت تناقظ كبير جدا ،، انتي الله يثبتج عارفه الاستخاره و فضلها و عارفه اهميه بر الوالدين و طاعتهم . باقي تعرفين اخت لينا الربا وشمعناته وش ذنبه وش عاقبته
لاطاعه لمخلوق في معصيه الخالق .

اختي و اتمنى تمشين على شوري .
اول شي تسوينه انج تروحين للدولي الاسلامي و ان ماصار روحي للمصرف .. و اشرحيلهم وضع السالفه الي عليج و انج بتنقلين عندهم وشوفي طلباتهم . و قوليلهم نيتي الاتي

علي سلفه لنفرض ١٠٠ الف في البنك الفلاني ابيكم تشترون سلفتي و انقل عدكم و اخذ سلفه بعد ذلك ٦٠ الف فوق الـ ١٠٠ الف يعني المجموع ١٦٠ الف .
ولاتنسين ان البنك الاسلامي لو تنقلين عنده و تسددين سلفتج راح تنزل قيمه القرض الربوي (الفوائد ) و بيكون اقل من الـ ١٠٠ الف الي ذكرتها كمثال .

بعدها فكري بالسياره و استخيري و بري والديج مثل ما قال احد الاعضاء بارك الله فيه بر الوالدين مافيه خساره .

اشوف تبيعين السياره هذي اذا انج ناويه البيع (لا انصح لان قيمتها ماتغطي السلفه) اذا نويتي تبيعين الله يعينج و انصحج تاخذين لها gx لان التيوتا خراباته قليله و معروفه و قيمته فيه او انج تاخذين لها بورادو ٤ سلندر شكلها مقبول جدا جدا و فيها مكيف ورى و انيقه و قيمتها ١١٥ تقريبا تونا ماخذين وحده للبيت و هي لاتقل متانه عن الـ gx و سعرها عند البيع حتى افضل من الجي اكس

الله يطرح فيج البركه و يعافي والدتج و يخليها لج
اللهم امين

[لينا]

السلام عليكم


اخت لينا .. فيه موضوع ذكرتيه اتمنى انج تقفين عنده وقفه حقيقيه وهو اهم من موضوع السياره الجديده .

بكل امانه شفت تناقظ كبير جدا ،، انتي الله يثبتج عارفه الاستخاره و فضلها و عارفه اهميه بر الوالدين و طاعتهم . باقي تعرفين اخت لينا الربا وشمعناته وش ذنبه وش عاقبته
لاطاعه لمخلوق في معصيه الخالق .

اختي و اتمنى تمشين على شوري .
اول شي تسوينه انج تروحين للدولي الاسلامي و ان ماصار روحي للمصرف .. و اشرحيلهم وضع السالفه الي عليج و انج بتنقلين عندهم وشوفي طلباتهم . و قوليلهم نيتي الاتي

علي سلفه لنفرض ١٠٠ الف في البنك الفلاني ابيكم تشترون سلفتي و انقل عدكم و اخذ سلفه بعد ذلك ٦٠ الف فوق الـ ١٠٠ الف يعني المجموع ١٦٠ الف .
ولاتنسين ان البنك الاسلامي لو تنقلين عنده و تسددين سلفتج راح تنزل قيمه القرض الربوي (الفوائد ) و بيكون اقل من الـ ١٠٠ الف الي ذكرتها كمثال .

بعدها فكري بالسياره و استخيري و بري والديج مثل ما قال احد الاعضاء بارك الله فيه بر الوالدين مافيه خساره .

اشوف تبيعين السياره هذي اذا انج ناويه البيع (لا انصح لان قيمتها ماتغطي السلفه) اذا نويتي تبيعين الله يعينج و انصحج تاخذين لها gx لان التيوتا خراباته قليله و معروفه و قيمته فيه او انج تاخذين لها بورادو ٤ سلندر شكلها مقبول جدا جدا و فيها مكيف ورى و انيقه و قيمتها ١١٥ تقريبا تونا ماخذين وحده للبيت و هي لاتقل متانه عن الـ gx و سعرها عند البيع حتى افضل من الجي اكس

الله يطرح فيج البركه و يعافي والدتج و يخليها لج
اللهم امين



الله يجزاك خير اخوي ويفتح لك ابواب الرزق

والله اني عارفة كل الي تقوله والشاهد الله اني كارهه ومجبرة على البنك في البداية

لكن راح اسعى ان شاء الله اني انقل ...

[لينا]

لا بس عندي معرفه

زين اخوي ياليت تدلني على حد واي بنك

ودي في بنك الدوحة الاسلامي ؟

.

[الأصيلة]

فيه سياره مثل السوبر بس تويوتا جديده وسعرها حلو وايضا سعرها فيها ونسيت اسمها بس اتوقع هي افضل من الجي ام سي لقلة عطالها هذا واتمنالج كل التوفيق وتاكدي ياختي ان بر الوالدين مافيه خساره بالعكس ربح فالدنيا والاخره

نعم بر الوالدين هو الرصيد الذي يبقى
ولكن لايكون في معصية الله..
فليكن في بنك إسلامي وليس ربوي
لأن الإثم سيسبق البر هنا...
صلاة الإستخارة ومرة واحده فقط سيكفيك عن كل شيء...


وبالتوفيق...

[لينا]

الصراحة الموقف محرج

يعني الوالدة ما عندها الا انتي تطلبها سيارة :(

المشكلة الطلبية ثقيلة شوي لأنه فيها ديون واقساط لمدة 5 سنوات اقل شي

حاولي تقنعين الوالدة تمشي نفسها في السيارة الحالية واتوقع سبب خرابها من الأهمال

مب من السيارة

يعني لازم السيارة تروح للشركة بين فترة وفترة للشييك عليها

لأنه 2007 يعتبر موتر جديد مب قديم :) والجمس موتر يعمّر


الله المستعان

انا ولا اختي ولا اخوي المشكله نفسها

لان مافيه حد سالم من الدين

مافيه فرق

[رجل مثالي]

الله يجزاك خير اخوي ويفتح لك ابواب الرزق

والله اني عارفة كل الي تقوله والشاهد الله اني كارهه ومجبرة على البنك في البداية

لكن راح اسعى ان شاء الله اني انقل ...



أنا من رأيي أقناع الوالدة بالسيارة الموجودة حاليآ أحسن من الخسارة

وأستبدالها لأن البنوك كلها تريد الربح و لا تريد الخسارة حتى أذا كانت

أسلامية فهي تريد الربح أيضآ هذا من رأيي

[R 7 A L]

خلي كل الامور على جنب
اول شي تسوينة انقلي لنبك اسلامي على شان ربي يبارك لك
ثاني شي سيارتكم الحالية دخليها الوكالة او اي كراج وتشييك كامل من الى
بعدها شوفي الوالدة الله يطول بعمرها بترضى فيها بعد التشييك لان 2007 جديدة صراحة
اذا رضت فيها الحمدلله اذا مارضت توكلي على الله وبيعي الى عندك وخليها دفعة اولى وراح يكون القسط خفيف جداً

[الصريحه]

الله يعينج على برها

[المليونير الفقير]

اختي انا ماعرف حد في بنك الدوحه الاسلامي بس اعرف في مصرف قطر الاسلامي ومصرف الريااان والدولي الاسلامي واتوقع مافي بنوك اسلاميه غيرها ولو حطو اسم اسلامي

[الصحراء]

انا الي اقدر اقوله بالموضوع إنك لو رفضتي تشترين لوالدتك السيارة على الاقل السياراة الي هي تبغيها ما له علاقة ببر الوالدين لا من قريب ولا من بعيد

الوكالات ومعارض السيارات يا كثرهم والاسعار متفاوته وللواحد حرية الاختيار !!!!!!!!!!!!

وفيه طريقة ممكن تبعدك من الاحراج ممكن انك تقولين لها البنك ما يعطيك تممويل الا وتحدددين لها المبلغ يكون بسيط ........

[ziad1971]

خلي كل الامور على جنب
اول شي تسوينة انقلي لنبك اسلامي على شان ربي يبارك لك
ثاني شي سيارتكم الحالية دخليها الوكالة او اي كراج وتشييك كامل من الى
بعدها شوفي الوالدة الله يطول بعمرها بترضى فيها بعد التشييك لان 2007 جديدة صراحة
اذا رضت فيها الحمدلله اذا مارضت توكلي على الله وبيعي الى عندك وخليها دفعة اولى وراح يكون القسط خفيف جداً

انا مع اقتراح الاخ يا لينا

واذا تبين اقتراح ثاني

بيعي سيارتك وسيارة امك وجيبي سيارة جديدة لها ببنك غير ربوي
وروحي بتكسي ليموزين كل يوم اوفرلك

[لينا]

انا مع اقتراح الاخ يا لينا

واذا تبين اقتراح ثاني

بيعي سيارتك وسيارة امك وجيبي سيارة جديدة لها ببنك غير ربوي
وروحي بتكسي ليموزين كل يوم اوفرلك

انا ماعندي سيارة بس امي ماخذة لها

وانت صادق كل شي راح يكون اوفر من هالاسعار والبنوك الي تنشر

طالعة تاكل ونازله تاكل

الله يبعدك عن الدين ويرزقك من اوسع ابوابة

ولا تنحط في نفس موقفي