المساعد الشخصي الرقمي

مشاهدة النسخة كاملة : افضــل المــدارس الانــجليزية والاكــادميات فــي دولـــة قــطــر؟؟؟؟



vip_qa
11-01-2011, 08:15 AM
السلام عليكم ورحمه الله وبركاته ....


الموضوع واضح من العنوان حابة اعرف افضل مدرسة لتعليم اللغة الانجليزيه طبعا بجانب اللغة العربيه + الدراسات الاسلاميه

لاني حابه ادخل بنتي من السنه الجايه روضه ياليت للي عنده خبره او احد عياله في هالمدارس

يذكر اسم المدرسة وقيمه الكورس والتقييم العام للهيكل التدريسي :) يفيدني ولايبخل علي

وماهي الاوقات اللي يتم التسجل فيها وهل فيها امتحانات قبول لاني سمعت حتى للروض فيه امتحان :secret:



انا ارشح مدرسة المها حاليا ,,,إإإ
واللي ماعنده خبره يرفع الموضوع بكلمة طيبه

شبح الصمت
11-01-2011, 08:21 AM
صراحة اختي انا ارشح لج مدرسة المها

لانه رفيجي مدخل بنته ومرتاح على المدرسة اشوفه يمدح فيها

عندج روضة المها الي قدام نادي قطر في الدفنه

الله يوفقكم إن شاء الله ويحفظها وينبتها نبات صالح

يرفع الموضوع وباذن الله اخواني وخواتي يفيدونج ,,

محمد بن ناصر
11-01-2011, 08:48 AM
السلام عليكم
انا ارشح لكم

مدرسة أوفاز العالمية في الدفنة
مديرها مسلم من بريطانيا
تعتمد منهج كيمبردج
حصص يومية في اللغة العربية والتربية الاسلامية
www.awfazglobalschool.net
وسمعت ان لديهم برامج مسائية لتقوية اللغة الانجليزية للطلاب
بالتوفيق للجميع

القطرية1
11-01-2011, 09:09 AM
مدرسة أوفاز العالمية في الدفنة


لاي صف هذي المدرسة
ومو هي المقابلة لنادي قطر
شكرا لكم

محمد بن ناصر
11-01-2011, 09:11 AM
معلومة بحثت عنها في النت عن معنى اوفاز فوجدت هذا البيان اللطيف الذي قد يغيب عن البعض ولا شك أن هذا ذكاء من القائمين على المدرسة في اختيار هذا الاسم الجميل

ما أوفاز؟ :

يتساءل الكثير عن معنى (أوفاز) وهل هي كلمة عربية أم غير ذلك ، ونحن نوجه سؤالنا معكم إلى المعاجم والقواميس ونقول لهما : ما معنى كلمة أوفاز ؟

يقول لنا (الرائد) : وهو معجم لغوي عصري مايلي:

أوفاز: جمع وَفَز : مرتفع . ولها معانٍ أخرى موجودة في مراجعها.

كما يتحدث القاموس المحيط للفيروز أبادي قائلاً: الوَفْــزُ ويُحرك "الوَفَز" نحن على أوفازٍ ووفَز "المكان المرتفع"

تمنياتي للجميع بالسداد والتوفيق

vip_qa
11-01-2011, 09:12 AM
جزاك الله خير اخوي شبح
اخوي محمد بن ناصر اسعارهم شلون ياليت التفاصيل
وجزاكم الله خير

محمد بن ناصر
11-01-2011, 09:15 AM
ليس من رأى كمن سمع
هذا هاتف المدرسة 44980124
يمكنك التواصل مع الادارة لتجيب عن تساولاتك
اسال الله التوفيق للجميع

vip_qa
11-01-2011, 09:15 AM
اذا بعد سمعتوا عن مدرسة الشويفات اللي في الدفنه اشوف البنات يثنون عليها ,,,
وانتوا شرايكم ؟؟؟

vip_qa
11-01-2011, 09:16 AM
جزاك الله خير وجعلة في ميزان حسناتك

بوخالد911
11-01-2011, 09:20 AM
موفقيين

vip_qa
11-01-2011, 09:31 AM
امين اخوي بوخالد

ام السعف
11-01-2011, 10:10 AM
اذا بعد سمعتوا عن مدرسة الشويفات اللي في الدفنه اشوف البنات يثنون عليها ,,,
وانتوا شرايكم ؟؟؟

شويفات من اقوى المدارس في قطر،، الطالب يتخرج متأسس وما في احلى منه

اذا تبين رايي ؟

المدارس اللي مثل المها واقرأ و اكاديمية دار الأرقم وغيرها
تتميز في انها تقوي الطالب في الشريعة والعربي ،،
بينما الطلاب مستواهم في الانجليزي مب ذيك الطلاقة اللي يتمتع
فيها الطالب في المدارس الأجنبية اللي للأسف مناهج العربي
والشريعة تكون قليلة عندهم ،،

فلو خذنا شويفات ،، كتأسيس اكاديمي و علمي مناهجهم ما يعلا عليها
لكن عيبها حصص العربي والشريعة جدا مقننة ،،

ولعى نفس المنوال باقي المدارس ،،

عني اشجعج على شويفات على شرط ما تهملين البنت وتركزين
معاها على الادعية والسور القصيرة ودروس اللغة العربية ،،

اتصل لي لهم من اللحين واستفسري عن موعد تسجيل الطلاب
للسنة الجاية هو بشكل عام يبتدي من شهر 2 بعض المدارس
لأني يوم رحت ابي اسجل ولدي كان التسجيل مشطب خلاص ،،

vip_qa
11-01-2011, 11:46 AM
اسعاف شاكره لك مرورك

ومن اي عمر ياخذون .؟؟

halah
11-01-2011, 11:55 AM
روضة اكاديمية الأرقم

مهتمين باللغة العربية والانجليزية والقرآن

vip_qa
11-01-2011, 12:04 PM
هلا شاكره لك مرورك وردك :)

vip_qa
11-01-2011, 12:07 PM
up up up

vip_qa
11-01-2011, 09:46 PM
معقوله محد يعرف والا سمع .....؟

ماعندكم حد في هالمدارس ؟؟؟

بـــــــنت النوخـّــــذه
11-01-2011, 10:09 PM
اليهال عندنا بقطر العالميه الي بالدفنه 000 تأسيس قوي جدا جدا وكل شهر يرفقون مع الطالب حصيله الانشطه الي تعلمها خلال الشهر وبالنسبه لمادة الشرعيه واللغه العربيه جيده جدا" ولكن يبغيلج متابعه اول بأول مع ابنائك 00واخبر يوم كانو بالروضه صراحه يعلمونهم اشياء حلوه مفيده مهب مثل بعض الروض يرقدون اليهال ولا يعلمونهم نشيده 00ماشاء الله ذولي انشطه ومواهب وابتكار منذ الصغر والحلو الطالب يجيك وهو معه نشاطه ^_^

بصراحه انا اشوفهم مستفيدين كثير من جميع الجوانب 000بس مشكله هالمدارس يعني البنت بس تكتفين بتدريسها لين خامس وطلعينها اعتقد هذا السن خذت البنت كفايتها من التأسيس باللغه الانجليزيه + الفرنسيه لان اختلاط الدراسه اما الولد ماعليه خوف ^_^

هذا الي اقدر افيدج وبعد يمدحون المدرسه الفرنسيه خوصا" روضه الاطفال وايد ناس مدخلين عيالهم الروضه

وتبغين الصراحه اختي الجانب الديني اشوفه يبدأ من الاهل بتأسيسهم القوي لابنائهم 000
وبالتوفيق للجميع

vip_qa
11-01-2011, 10:30 PM
تسلمين وجزاج الله خير

intesar
11-01-2011, 10:53 PM
تبين رايي مافي احسن من المستقلات على الرغم من العيوب اللي فيها بس صدقيني في الأخير ما تخافين على الطفل من الناحية الدينية وانا اشوف المستقلات مناهجهم قوية واحسن من الخاصة ولي تجارب مع النوعين كان مستقبل ولدي بيضيع في الخاصة لولا رحمة رب العالمين وبناتي في المستقلات ما شاء الله عليهم واللغه ممكن يكتسبونها بأي طريقة لأني ما اتمنى لعيالي انهم ينسون لغة القرآن ويرطنون بالانجليزي ويخلون لغة الأم هي اللغة رقم ٢ .. هالمدارس الخاصة ماوراها الا المادة ودس السم من غير ما تحسون .. والله شي يحزن الناس صارت تركض وراء المدارس الخاصة تعتقد ان المستوى الاكاديمي أفضل .. حرام الفلوس اللي تخسرونه في الأخير ثقافتهم تكون أجنبية شي يحزن لما تروح المولات وتشوف العيال يتكلمون انجليزي ويادوب يفكون الخط
الحضارة والتطور تبدأ من البيت وبعدها ما يتلقاه في الشارع بدءا بالمدرسة وأكثر الفساد من المدارس الخاصة وهذا الكلام من طلبة الخاصة يقولون ان الخاصة خرابيطها اكثر من الحكومية
آسفة على المداخلة لكن هذي وجهة نظر ارجوا أن تلاقي صدى في قلوبكم

أخر الدنيا
11-01-2011, 11:04 PM
مدرررررررررررررررررررررررسة المها بدوووون تررررردد عيالى وعيال ربعى من 5 سنوات مسسسسسسسسسسسسسسسستوى ممتاز جدااا"
وجيييدين فى العلوم الشرعيه واللغة العربيه

خوخه وحلو
11-01-2011, 11:19 PM
عندج مدرسه الحياة العالميه ممتازه من جميع النوحي انا ولدي فيه kg 2 ماشالله عليه حفظ صور القران وحروف العربيه و انجليري والارقام نفس الشيئ وهي للدكتور ابراهيم الخليفي سوي بحث ف منتدى كويتيات موجود كلشي عنه

عتيجه
11-01-2011, 11:28 PM
اكاديمية الارقم ممتازه بنتي من صف اول ابتدائي لين سادس ماشاء الله اللغه الانجليزيه عندها ممتازه ومأسسينها عدل ويهتمون بالدين والعربي اكتبي في قوقل عنها وشوفي ويكفي انها من روضه لين ثالث ثانوي

بو خليفه 123
12-01-2011, 07:10 AM
من ناحية قوة التعليم انا شخصياً ارشح ال choueifat العالميه (الشويفات)


حبذا لو ترسلينهم الى مدارس داخليه في بريطانيا . الدراسه في شهر هناك عن سنتين في قطر .

و ياليت الاهالي يركزون على تأسيس ابنائهم و تعليمهم لغه ثالثه .. مثل اللغه الفرنسيه او اليابانيه او الالمانيه ..الخ .

vip_qa
12-01-2011, 07:42 AM
الاخت ريمو شاكره لج مداخلتج بس حبيت اوضح لج نقطة انا يوم فكرت ادخل بنتي القطاع الخاص لاني ماشفت المدارس اللي دخلناها بصراحه استفدنا منها شي.... الحين خل حد فينا يتذكر شنو خذينا والا شنو استفدنا في المدارس الحكوميه والا المستقلة علما اني لحقت اخر سنه على نظام المستقلة من تعليمي في المرحلة الثانويه لكن مافيه اي فايده تذكر لاعربي صح متأسسين ولاانجليزي بصراحه
وذا على البئيه المحيطة ولله الحمد بيئه تحث على الدين والصلاة وهذي نعمه احمد ربي عليها بس كل واحد فينا يتمنى عياله يصبحون في ارقى المراتب مستقبلا وهذا يعتمد على دراستها من صغره

قطرية وبس
12-01-2011, 07:43 AM
وشو رايكم في المدرسة الانجليزية الحديثة الي مقابله السفاره الامريكية

vip_qa
12-01-2011, 07:44 AM
اخر الدنيا

شاكره لج مرورج ونصيحتج

vip_qa
12-01-2011, 07:44 AM
خوخه
شكرا على النصيحه وراح نسوي بحث عليها

vip_qa
12-01-2011, 07:51 AM
خوخه

شكرا لمرورك الكريم وفعلا انا سمعت عن الحياة العالميه

vip_qa
12-01-2011, 07:52 AM
عتيقه اكاديميه الارقم وين مكانها؟

vip_qa
12-01-2011, 07:53 AM
بوخليفه
شاكره لك مرورك الكريم واشوف الاغلبيه يثنون عليها

بو خليفه 123
12-01-2011, 08:09 AM
فالك التوفيق

و جعلك تحضرين حفل تخرجهم ان شاء الله

http://www.iscdoha-sabis.net/

و اذا احتجتي اي مساعده من الموقع اخوك بو خليفه بالخدمه .

المرسى الأخير
12-01-2011, 09:21 AM
صباح الخير

عزيزتي بالاول ابغي انبه على نقطه جات في احد الردود:

مو كل مدرسه مستقله ( مدرسه جيده ) ولا كل مدرسة خاصه ( مدرسه سيئه ) و بشكل عام التعليم صاير على كف عفريت عندنا بقطر ... والله المستعان :secret:


كأباء و امهات كلنا نسعى و نجتهد للافضل لعيالنا تربينهم و تتعبين عليهم ( وتغرسين فيهم ) بذور مكارم الاخلاق والدين و حب التعلم والاستكشاف عشان لابدوا يروحون المدرسه (الي تليق بمستوى تربيتج وتعبج عليهم) مايحسون بالصعوبه والغرابه في تقبل الدروس ولا (اختلاف) المنطق

وبعد هذي المعلقه العريضه: :nice:

هذي المدارس الي بحثت و سألت عنها من ناحية جودة التعليم ( والتركيز على تأسيس الطفل ) والاهتمام بالدين والعربي كهويه و تعليم:

* مدرسة الحياة العالميه ثنائية اللغه ممتازه واعتبرها توب ولكن عيوبها طول الدوام للاطفال ، بعيده نسبيا (معيذر) ، والاهم غلاء سعرها.

* اكاديمية لويدنس ثنائية اللغه ممتازه بس عيوبها محدودية الاماكن لصغر المبنى ( هي الي مقابله نادي قطر ) و سعرها غالي السنه الجايه راح تفتح فرع في معيذر (مكان صعب الوصول اليه لاغلب الاهالي)

* المدرسه الحديثه الانجليزيه من خبرة معارفي ممتازه وقويه (للامانه مادري عن العربي والدين) ومبانيها كبيره و اهتمام بالطلاب ومكانها يسهل الوصول اليه

* المها واكاديمية الارقم و اقرأ (من خلال خبرة هلي وصديقاتي) تعليمهم اغلبيته حشو و سلق بيض و المدرسات يتغيرون دايما مايهتمون اذا الطفل تعلم واكتسب شي او لا وهذا شفته يوم كان ولدي بروضة المها في الدفنه :secret:

* نصيحتي ابتعدي عن الشويفات مافيها ميزه غير انها اصعب واثقل منهج تعليمي غير اسلوبها التبشيري لاتنسين الطفل بهالعمر لازم يحب الدراسه مو ينعزل نفسيا واجتماعيا وكله عينه بالكتب والواجبات وهذي الجمله سمعتها كثير من صديقاتي الي شافوا شخصيات عيالهم تغيرت من ورا هالمدرسه

شالفايده بنتج متفوقه اكاديميا بس ماعندها وقت تلعب وتمارس حياتها طبيعي مثل الي بعمرها ?! :anger1:


الله يوفقج في بحثج :victory:

vip_qa
12-01-2011, 09:53 AM
المرسى الاخير
شاكره لج مرورج وبحثج الدقيق وجعله في ميزان حسناتج
ونبهتيني على نقاط صغيره :)

بوراشد 66
12-01-2011, 09:58 AM
مدرسة المها وعن تجربة لكن المشكلة لازم تسجلين من الحين حق السنة الجاية

لكن انصحج فيها وفي تقارير عن كل فصل ورعاية شغلهم مرتب

محمد بن ناصر
12-01-2011, 09:59 AM
السلام عليكم
المدارس التي ذكرت لها ايجابياتها وسلبياتها
لا زلت عند قولي ان مدرسة أوفاز العالمية
www.awfazglobalschool.net
لها مستقبل واعد ومن تجربة قريبة لي ان مستوى اطفالها جدا تطور في خلال فترة قصيرة
ومن خلال زيارة الموقع يمكن ان تلاحظوا الانشطة التي تقوم بها المدرسة الى جانب التعليم
والزيارات وغيرها
وبالتوفيق للجميع

vip_qa
12-01-2011, 10:01 AM
جزاك الله خير بو راشد

vip_qa
12-01-2011, 10:02 AM
محمد بن ناصر
جزاك الله خير
تعرف كم قيمه الكورس او التوتال كامل للسنه

تحداني
12-01-2011, 10:03 AM
صباح الخير على الجميع
ارشح

Qatar Academy
Park House
الشويفات


جملك الله برضى الرحمن

vip_qa
12-01-2011, 10:09 AM
بكتب اسامي مجموعه من المدارس اللي في بالي وانتوا حطوا نسبة التقييم بالمئه لكل مدرسة بناء على خبرتكم

1/ مدرسه الخليج الانجليزيه %

2/ الشويفات %

3 / المها %

4 / اوفاز %

5/ نيوتن %

6/ الارقم %

7/ فولتير %

8 / الحياة العاليمه %

ابي اشوف تقايييم كل مدرسه والكل راح يستفيد من هالتقييم

vip_qa
12-01-2011, 10:10 AM
تحداني الزمن

شكارة لج مرورج واهتمامج

محمد بن ناصر
12-01-2011, 10:11 AM
لا اعرف بالتحديد
يمكنكم التواصل مع ادارة المدرسة فقد ذكرت الرقم في رد سابق واعيده للفائدة وللتواصل
44980124
وانصح الى جانب الاستشارة الاخذ بالاستخارة لان الأمر يتعلق بمستقبل ابنائنا والله وحده الحافظ والمؤتمن


وفقكم الله جميعا

vip_qa
12-01-2011, 10:20 AM
جزاك الله خير اخوي محمد بن ناصر وفعلا ماخاب من استخار

جوال 11
12-01-2011, 10:45 AM
مدرسة المها ومدرسة الخليج كانتا من أفضل المدارس لكن الآن لا .
أرشح مدرسة كلية الدوحة الأنجليزية تقع شمال قطر للديكور ومدرسة dbk الأمريكية وتقع بجانب مجمع المسيلة بمدينة خليفة الجنوبية .
وكل ما ذكر عن تجارب مع هذه المدارس .

بوعمير
12-01-2011, 10:46 AM
العيال عندي في مدرسة الحياة العالمية (معيذر) راعيها د. الخليفي، المنهج المعمول به في المدرسة منهج كندي، تعليم اللغه العربية واللغه الانجليزية الشريعه ممتاز، وهناك تقييم شهري، والمدرسة متاح به فصول دراسية من KG1 وحتى الصف الرابع الابتدائي فقط وهناك خطة لزيادة عدد الفصول حتى نهاية المرحلة الابتدائية، الاختلاط في مرحلةالـ kg1 و kg2 فقط، ومن الصف الاول حتى الرابع فصول البنين والبنات منفصله، الرسول الدراسية لـ kg1 و kg2 تفريباً 29000 ريال، ومن الصف الاو حتى الرابع 35000 ريال في الفصل الدراسي.

إجمالاً أجد أن مدرسة الحياة العالمية هي أفضل المتاح لقاطني الريان ومعيذر، وأفضل من المدارس المستقلة بمراحل.

موفقة خير.

محمد بن ناصر
12-01-2011, 11:14 AM
السلام عليكم
انا جدا معجب بمدرسة الحياة بقيادة التربوي الفذ د. ابراهيم الخليفي
ولكن كثير من تلك المدارس استوفت مقاعدها والاولوية فيها لاخوان الطلاب الملتحقين فيها الآن
وبعض المدارس فيها مبالغة في الاسعار ولهم حسبتهم الخاصة
مداخلاتي كانت من باب التعريف بمدرسة جديدة واعدة تتوافق مع تطلعات كثير من اولياء الامور بتعليم متوازن لا يهمل الدين واللغة على حساب العلوم الحياتية
لا زلت عند قولي مدرسة اوفاز تراعي التوازن والتطلع والتكاليف
والتجربة برهان
وفقكم الله جميعا

ام ابراهيم
12-01-2011, 11:29 AM
مدرسة الحكمة الدولية

في الدفنة

ممتازة من جميع النواحي

عن تجربة

vip_qa
13-01-2011, 08:52 AM
جوال 11

بوعمير

محمد بن ناصر

ام ابراهيم


شكرا للنصائح المفيده ومروركم الكريم

القطرية1
13-01-2011, 11:37 AM
مدرسة دار الارقم
في اي فريج
عن تجربة اشلون هي بالانجليزي

vip_qa
13-01-2011, 12:18 PM
القطرية اتمنى احد يرد على سؤالج .؟

المرسى الأخير
13-01-2011, 12:31 PM
اخوي محمد بن ناصر ياليت تعطينا معلومات اكثر عن مدرسة موفاز ؟

اي منهج تتبع واسلوب التدريس وشكثر ياخذون بالصف وشلون تكيفوا عيالك مع المدرسه

لما تسمع من الاهالي غير عن لما تسمع من المدرسه نفسها



مشكوورة حبيبتي على موضوعج حمسني اشارك فيه وماسويت الا الواجب


ياليت يتم تثبيت الموضوع واي مواضيع عن المدارس الخاصه لفتره لان هالايام فترة التسجيل في اغلب مدارس القطاع الخاص


تحياااااتي :) *

Cooki
13-01-2011, 03:56 PM
الصراحه التعليم عندنا صاير كله على بعضه تجاري .. بس الجود من الماجود.. على قولتهم

شوفي حبوبه .. انا عيالي في مدرسه الخليج الانجليزيه .. وهي مدرسه جيده جدا كتأسيس انجليزي وايضا تتبع منهج المدارس المستقله في مادتي اللغه العربيه والشريعه.. وتأسيسها حلوووو يعيبها ارتفاع رسومها المستمر ولازم تحجزين مقعد قبلها بفتره ...

عندج بعد مدرسه اكسفورد الانجليزيه.. وهي مدرسه حديثه نوعا ما..وايد طلعت عليها اشاعات بس ماعليج من الحجي .. منهجها مقارب جدا جدا لمنهج الخليج الانجليزيه .. ( اذا مب مثله حرفياً)
واشوف عيالي يحبون المدرسه واذا ابي اعقابهم اقول لهم بكره مافي مدرسه ..
وولدي اللي فيها بصف اول احس ان مستواه جدا عالي بالنسبه للاطفال اللي بسنه وماشاء الله عليه.

مدرسه شويفات وعندنا خبره طويله جدا معاها .. هي مدرسه جدا ممتازه كتأسيس عربي وانجليزي .. والطفل يطلع منها قوي.. الطفل اللي مستواه متوسط راح يتعب فيها وايد ..
عيبها انها تشغل وقت الطفل بصوره كبيره مابين دوام ودراسه وامتحانات .. يعني الياهل ماغير يحل واجباته او يدرس للامتحانات.. .. غير انهم احيانا يعطونهم افكار تبشريه.. ويدسون السم بالعسل .. عيال خواتي يدرسون فيها.. ويشكون من ضغط الدراسه والافكار اللي يجيبونها اليهال بين فتره وفتره .. وايضا رسومها بعد عاليه نوعا ما..

مدرسه قطر الدوليه .. مدرسه جيده جدا.. واشوف عيال اختي بعد اللي فيها ماشاء الله عليهم يرطنون انجليزي بطلاقه حتى اصغرهم اللي بأول .. بس احس انهم بالعربي والانجليزي ميح خير شر ...

مدرسه نيوتن الانجليزيه .. فيها عيال اخوي .. ويمدحونها وايد.. ومرتاحين منها ومستواهم حلووو.. يعطونهم انجليزي وفرنسي .. ورسومهم معقوله نفس الخليج تقريباً

قطر اكاديمي.. عيال رفيجتي فيها .. كتأسيس مدرسه جيده جدا .. عيبها انها تبشريه ورسومها عاليه ..
( على كلامها )

اكاديميه الجزيره.. كمستوى مايمدحونها ..نظامها امريكي .. ويقولون مناهجهم سهله وضعيفه ..
اختي حطت ولدها اللي بثانوي سنه وطلعته .. تقول خربوا لغته اللي تعلمها في شويفات ..هههههههها

اممممممممممم هذا كل اللي اقدر اذكره لج الحين ...

بس حطي في بالج يالغاليه ان احيانا حكم الناس وخبرتهم بالمدارس تتعلق بتجاربهم الشخصيه معاهم وبمستوى عيالهم .. فبتشوفين ناس يذمون وناس يمدحون بنفس المكان ..

متابعتج لعيالج امر ضروري سواء مدرسه خاصه او حكوميه اومستقله ..والطفل اذا طالع من بيئه اسريه صحيه .. انشاااء الله ماعليه خوف ...

اختاري الاقرب والاصلح.. واستخيري ..

وعسى ربي ييسر لج ولعيالج اللي فيه الخير ...


وسوري على الاطاله

تغلبية
14-01-2011, 01:20 AM
اختي العزيزة ...

يبي لج تحددين معايير التقييم الاساسية والثانوية لج انتي كولية أمر وعقبها تروحين تمرين على افضل 4 مدارس

ثم تاخذين قرارج ..

من تجربة وحدة قريبة عندها التعليم اولوية اولى وهي ماشاءالله عليها دقيقة

دارت على المدارس وشافت اساليب التعليم عندهم والمناهج .. طبيعة المدرسين والمدرسات

ادارة المدرسة ..وغيره من الامور ..

توفقت في مدرسة من المدارس ممتازة في كل شي .. عربي انجليزي ..

لكن .. يوم حطت عيالها فيها .. للاسف قاموا يكتسبون عادات غذائية سيئة جداً من

هالمدرسة وهي اللي ذابحة نفسها وعيالها على التغذية السليمة

صاروا العيال يعافون الفواكه او نوعية الأكل اللي تحطها الام لهم ..

ويبون سندويتشة الهمبرجر والناغتس لانها شافوا زملائهم معاهم هالنوعية من الاكل !!

لدرجة انهم وصلوا يبون سريلاك ناشف لان فلانة في تاكل !!

طيب وينكم يا ادارة المدرسة ... على حد علمي ان في المدارس المستقلة الجانك فود ممنوع

لانه يسبب السمنة ومن عقبها امراض البدانة للاطفال ... انتو وينكم ياللي تاخذون 46 الف في السنة

يوم كلمتهم الام .. ماكان فيه ردة فعل .. هاه .. مانقدر .. شنسوي .. ومن هالكلام الماخوذ غيره!!

فيه ناس مايهمهم هذا الجانب .. وفيه ناس تعبانين عليه ،،

ريان
14-01-2011, 01:30 AM
انا عيالي في مدرسة اقرأ الانجليزيه -بنين

وبصراحه اشوفها مدرسه زينه

سعادة الوزير
15-01-2011, 01:14 AM
عيالي يدرسون في اوفاز ، المدرسة روعة بكل المقاييس ، ومدير المدرسة انسان ذو شخصية فذه وقمة في العبقرية ، والاهم من هذا كله انه مسلم ومهتم جدا بالمناهج الاسلامية واللغة العربية.

vip_qa
15-01-2011, 10:15 PM
شكرا لكل من عقب وفاد واستفاد من الموضوع
وشكر لكل من قرأ واستفاد
واتمنى بالفعل تثبيت الموضوع مؤقتا علشان الكل يستفيد من كلام اخواننا الاعضاء في تجاربهم مع المدارس الخاصة

vip_qa
15-01-2011, 10:16 PM
سمعتوا عن مدرسة حماد اللي في المطار ,؟؟؟؟

القطرية1
16-01-2011, 10:31 AM
عيالي يدرسون في اوفاز ،.

اعتقد انها مدرسة جديدة وهذي اول سنه لها
هل لنا ان نحكم عليها من كم شهر
ياريت اتوضح لنا وعيالك اباي صف
عرفت انها ادرس فرنسي بعد .. اشلون هم بالفرنسية
لاني بالفعل افكر فيها بعد مديحكم
شاكرة لكم

سواعد111
16-01-2011, 11:28 AM
بدون تردد أنصحج أختي بمدرسة الحياة العالمية للدكتور / ابراهيم الخليفي أنا أبنائي كلهم فيها اللغة العربية قوية جدا وكذلك اللغة الانجليزية والاستاف كله على بعضة ناس تربويين يحبون عملهم ويحببون الأطفال في المدرسة وغير حصة الشرعية الأساسية هناك حصص تحفيظ للقرآن جزاهم الله كل خير ....... بس يمكن شوي أسعارهم مرتفعة بل تعتبر من أغلى المدارس...وهناك فصل بين الجنسين من الصف الرابع .
المدرسة روووووووووووووعة

vip_qa
16-01-2011, 11:49 AM
بروح بنفسي افضل اقيم كل مدرسة انذكرت لا ن هذا مستقبل

محمد بن ناصر
17-01-2011, 07:49 AM
السلام عليكم
اعتقد الاخ سعادة الوزير يمكن ان يجيب على تساولاتكم بشكل افضل وانا مع الزيارة الميدانية للمدرسة قبل الاختيار .
وفق الله الجميع

القطرية1
17-01-2011, 09:51 AM
السلام عليكم
وانا مع الزيارة الميدانية للمدرسة قبل الاختيار .

ما اعتقد انك تقدر تحكم على المدرسة من خلال مبناها .. قد يكون المبنى ما عليه كلام بس المدرسين مش اقويه .
الطريقة الامثل للحكم انك تسأل مجرب و تحضر دروس مشاهدة تشوف مستوى الطلاب .
هذا رايي الشخصي

Daisy
19-01-2011, 03:59 PM
موضوع رائع , تسلمين أختي على طرحه
طيب ممكن حد يفيدنا في رسوم :
مدرسة اوفاز
مدرسة الحياة العالمية
ووين موقع مدرسة أوفاز بالضبط

وجزاكم الله خير

القطرية1
19-01-2011, 05:12 PM
انا رحت اليوم مدرسة اوفاز
المبنى جيد وعدد الطلاب في الصف ما يزيد عن 10
اضافة للعربي و e يعطونهم مبادئ الفرنسي
شفت الاطفال مستمتعين بالمدرسة اما كمنهج فاطفال التمهيدي شفت اوراقهم يعطونهم الاحرف
وقالت الكورس القادم بيدخلون الكلمات .
رسومهم 18 الف مقسمة على 3 دفعات

بسمة فرح
28-01-2011, 12:12 PM
انا رحت امس مدرسه اوفاز


بقولكم عن الروضه لان بنتي عمرها 3 سنين

اول شي مديره المدرسه بريطانيه و مساعد المدير هندي

حلوه المدرس و ان فيها فصووول لكل ماده مو نفس بعض المدارس الطفل اول مايروح قاعد بمكان واحد الى نهايه الدوام يعني نقطه حلوه هذي

وو بيدخلون الكمبيوتر ع السنه الجايه

و يدرسون عربي المدرسات عرب طبعا و تقول نهايه السنه يكونون حافظين 5 سور من القران

بس في شي ماعجبني مدرسه الفرنسي عراقيه !! لو فرنسيه كان افضل

و بعد يدرسون الماث و اللغه الاساسيه انجليزي

و اكثر شي عجبني حمامات الاطفال و انتو بكرامه صغيره و المغسله صغيره يعني الاطفال بيحبون يروحون الحمام لان على حجمهم

وفي حمام للاولاد و للبنات مو مع بعض

و الكلاس يكون فيه من 10 الى 15 طالب

و لما رحت كان نهايه الدوام سالت وحده جايه تاخذ بنتها قلتلها ايش رايك بالمدرسه قالت صراحه يبردون الخاطر

ارتحت اكثر .. بس الشي اللي ماعرفته المدرسات عرب !! لان شفت مدرسه الفرنسي و مدرسه العربي مادري عن الماث و الباقي ...


و الرسوم الكورس 6000 ريال و السنه 3 كورسات و رسوم التسجيل 1000

و الاماكن محدوده يعني الحين التسجيل لشهر 9 :)

أم التفلسف
28-01-2011, 01:18 PM
انا رحت امس مدرسه اوفاز


بقولكم عن الروضه لان بنتي عمرها 3 سنين

اول شي مديره المدرسه بريطانيه و مساعد المدير هندي



أنا ولدي في هالمدرسة
فعلاً المدرسة وايد زينة وكل الامهات اللي تكلمت معاهم راضين عنها
بس تصحيح معلومة
المدير بريطاني مب هندي
والنائبة الأكاديمية بعد بريطانية
مدرسات الماث والساينس والانجلش أمريكيات

بسمة فرح
28-01-2011, 01:35 PM
مادري شفت هندي كان معاها عموما طمنتيني على المدرسات انشالله الاحد بسجل بنتي

بس خيتو كيف مدرسات امريكيات و المنهج بريطاني !!!

هند88
28-01-2011, 02:28 PM
نيوتن برتش المكان الوعب قسطها 30000 في السنه
او
البارك هاوس المكان المعمورة قسطها 25000تقريبا.. في السنة

(عن تجربه)

من ناحية التدريس وايضا المبنى

لان بصراحه درت على مدارس وايد
المبنى الله بالخير وغير مؤهل يكون مدرسة
او خسارة فيه ريال :omen2:

نصيحه:
دخلي بنتج مدرسة تكون ممتازة من ناحية الانجليزي والعربي والشريعة حطي لها مدرسة في البيت..تأسسها عدل

بسمة فرح
03-02-2011, 08:37 PM
سجلت بنتي و تاكدت بمووضوع المدرسات الحمدالله انجليز ماعدا الفرنسي و العربي
و الطلاب اللي مسجلين معاها بالكلاس الغالب مو عرب وفي قطرين
و نقطه الجانك فود استفسرت عنها بعد ممنوع بقوه بعد تقول عادي ماتاكل البنت اذا كان الاكل جانك فود
وبس

:)

أم التفلسف
03-02-2011, 08:51 PM
مادري شفت هندي كان معاها عموما طمنتيني على المدرسات انشالله الاحد بسجل بنتي

بس خيتو كيف مدرسات امريكيات و المنهج بريطاني !!!

سوري توني شفت السؤال!
أنا سألت المدير عن هالنقطة قال ان المنهج البريطاني يقدرون يدرسونه المدرسين من بريطانيا وأمريكا وأستراليا ونيوزيلندا وكندا لأن هالبلدان مناهجها وطرق تدريسها متشابهة.

بنت شيوخ
04-02-2011, 07:26 AM
انا عندي بعضهم بالحياااه

وبصراحه الكل مرتاح فيهاا ويمدحونهااا واللغه العربيه والشرعيه مستوهاا ممتاز واساسي

وهي اختلاط الى الان من الروضه





اما بالنسبه للمهااا

اعيال رفيجتي فيهااا تمدح المدرسه من البدايه وتقول ان التاسيس صار افضل من قبل

بعد ماصارت اكادميه

وتلتزم بالشرعيه والعربي

واللغه الانجليزيه حالياا على مستوى افضل من قبل



وهي المدرسه الوحيده اللي تفصل البنات عن الاولاد من بعد الروضه


تسجيلهم من شهر 4

الحياه والمهااا التسجيل شهر 4

بالتووفيق اختي

بسمة فرح
04-02-2011, 01:15 PM
سوري توني شفت السؤال!
أنا سألت المدير عن هالنقطة قال ان المنهج البريطاني يقدرون يدرسونه المدرسين من بريطانيا وأمريكا وأستراليا ونيوزيلندا وكندا لأن هالبلدان مناهجها وطرق تدريسها متشابهة.

ثااااااانكس خيتوو الحمدالله انا تطمنت اكثر من نقطه و استخرت بعد و الله سهلي تسجيلها باوفاز

و انشالله ارتاح اكثر بعد ماتبدا داسه :)

pink dream
04-02-2011, 01:25 PM
مدرسه شاربون

مونديال
04-02-2011, 01:25 PM
الارخص
لانهم كلهم جنبازيه

سهم ماينزل
05-02-2011, 10:55 AM
أشوف المها لان الآن أحس انها قاعدة تتطور وكذلك مافيه خلط