الرونق [الأرشيف] - منتديات شبكة الأسهم القطرية

دلة الرسلان

11-01-2011, 02:15 PM

ضوى

11-01-2011, 02:16 PM

ماشاء الله على خواتي يحوسون حوس في هالرونق ، واحصل اشياء عندهم مستحيل احد يقدر يقول من الرونق ؟ الصراحة بضاعة جيدة واسعار جدا معقولة

البدع

11-01-2011, 02:18 PM

اياااااااااااااااام

الله يذكرها بالخير

بو الجوري

11-01-2011, 02:19 PM

صادقه إختي :.. ما شاء الله عليه :.. الله يرزقه بالحلال :..

شبح الصمت

11-01-2011, 02:19 PM

الله يجزاه خير صاحب المحل

والله يرزقه الفردوس

صراحة اسعار طيبه وفي متناول اليد

كفايه المحلات ياخذون منه ,,

مثال /// شقلت الاكياس مالت الهدايا ربطة بـ 25 او 35 ريال عشرين حبه ويروحون يبعيون الحبـه 5 أو 10 ريال ؟؟ شوف الفرق صج .....

ربك كريم

الله يقويهم عماله طيبه وكفيل طيب وتجاره طيبه الله يبارك له ويزيده من خيره يارب

القيادة

11-01-2011, 02:22 PM

الله فاتحها عليه من أوسع أبوابه

فعلا الرونق أسعاره جداً مناسبه للكل

شموع قطريه

11-01-2011, 02:24 PM

انا كل ما ادخل الرونق ادعي لراعيه بكل خير .. ماشاءالله ماتم شي ماجابه واسعاره مافيه احلى منها وفي متناول الغني والفقير كلن يشتري منه ..فيه ناس كانوا يجيبون اغراض من تايلند ولقوها في الرونق بنص سعرها ..
واشوفه في الفتره الاخيره منزل مواعين روعه والكواليتي من نفس النوع اللي يبيعونها محلات المواعين الكبيره ويبيعها باسعار ارخص منهم .. لكن مايتمون بسرعه يخلصونهم .. الظاهر هالمحلات الكبار يشترونها منه ويبيعونها بسعر اغلى ..
كفايه انه سوى جو لليوم الوطني وماخلا شي ماجابه لهالمناسبه وباسعار جدا زهيده .. حتى الاجانب والعمال حطوا على سياراتهم الاعلام وزينة اليوم الوطني من عنده لانها كانت اسعارها مناسبه ..

الله يوفق صاحب الرونق ويوسع له في رزقه ويبارك له فيه ويبعد عنه شر التجار الكبار ..

Red rose

11-01-2011, 02:24 PM

أنا دوم أتعامل معاه، وأغراضه حلوة ومتنوعه...:)

وبالنسبه للعمال أنا بصراحه وايد أرتاح لهم...:yes:

الله يوفق صاحبه ويرزقه من أوسع أبوابه...omen

فارس الكلمة

11-01-2011, 02:25 PM

كيف عرفتي .. أن الصلاة تقام في جميع الفروع ..؟ ..:)

بارك الله فيهم ..

الباحثون

11-01-2011, 02:25 PM

من منا لا يعرف الرونق !!

حيث تجد كل مايلزم من ألعاب الأطفال ادوات الخياطة والأدوات المكتبية وأواني المطبخ وغيرها

الشيء الكثير ذات جودة معقولة وخيارات كثيرة والأهم أسعار في متناول الجميع .

شكرا لصاحب الرونق الذي كان بأمكانه رفع أسعاره كما يفعل معظم التجار الذين يتعللون بارتفاع

الأيجار ويجدون الأعذار ولكنه استمر كما عهدناه .

شكرا لأننا نرى ونسمع حرص عمال المحل على الصلاة في وقتها وذلك في جميع الفروع .

جزا الله مالك الرونق خيرا وبارك الله له في رزقه وذريته ورزقه من حيث لايحتسب وكذلك

كل تاجر يراعي الله في خلقه ويرضى بالرزق اليسير .

موضوع جميل جدا.
كنت من زمن أريد أن أكتب عن الرونق وأشباه الرونق النادرين في زمن الوحوش المتضخمة المتغربة.

قلتي مافي خاطري وأكثر بطريقة جدا مبسطة.

شكرا لك على الموضوع وشكر وتقدير أكبر لأصحاب الرونق
.

بصمة قطرية

11-01-2011, 02:32 PM

الله يجزاه خير ويبــارك له في رزقه ..
فعلاً اسعاره جداً ممتازة ..
ويجيب شغلات رهيبة بصراحة بس تخلص بسرعه ..

الأغر

11-01-2011, 02:52 PM

الله يبارك له في اولاده واهله وفي عمره ويرفع شأنه جزاه الله كل خير

غابت الشمس~

11-01-2011, 03:21 PM

يستاهل كل خير
والله يبارك له في رزقه في ظل سفاحي الجيوب

غايه الطواش

11-01-2011, 03:38 PM

وازيدج من الشعر بيت
كل سنه راعي الرونق يتبرع بملغ وقدره للاسر القطريه المحتاجه ....
الله يبارك له في حلاله

لاجل QT

11-01-2011, 03:49 PM

اسعارة ممتازة وفي متناول يد الجميع

بس لو يسوي دسكونت على السوارفسكي ...؟؟؟بس بعد بالنسبة لغيرة ارخص

الله يرزق صاحبة الحلال الطيب

روح الاطلس

11-01-2011, 03:58 PM

الرونق ورامز ومحلات ابو ريالين ( المنتشرة في السعودية) ومحلات كل شي بعشرة درهم ( المنتشرة في الامارات) كلها تطبق نظرية معروفة في عالم البيزنس والتسويق وهي Low price- High profit

اي سعر منخفض وربح عالي

هؤلاء بالاخير تجار وكل تاجر له رؤيته واستراتيجيته وهي فعلا ناجحه والدليل مثلا رامز وابو ريالين منتشرين في السعودية والبحرين ووصلوا قطر ( رامز) ومحققين ارباح خيالية رغم اننا كمستهلكين نظن انهم لا يحققون الا الشيء البسيط!

الأصيلة

11-01-2011, 04:01 PM

الله يرزقهم الرزق الحسن الطيب
ويوسع لهم فيه ...
ويكفيهم شر الغلاء والربا والإحتكار...
ويزيدهم من النعيم في الدنيا والآخرة...

الصريحه

11-01-2011, 04:05 PM

معاك
جزاه الله كل خير

طموحة

11-01-2011, 04:11 PM

صحيح ربي يرزقه على قد نيته

بعدين هو بيربح لان اسعاره حلوة والكل يقصده

اما اذا السعر غالي الواحد ماراح يكثر بالشراء

هو ذكي

ربي يبارك له برزقه

فارس الكلمة

11-01-2011, 05:08 PM

من هو صاحب محلات الرونق ..؟

QtrGate

11-01-2011, 05:22 PM

الله يرزقه الرزق الحلال

ولو تشوف العمال تلقاهم من باكستان والهند ودول أسلاميه فقيره

غير عن باقي الاماكن يجيبون فلبن

سوق واقف

11-01-2011, 05:47 PM

رجل يخاف الله وربي يوفقه

الملا

11-01-2011, 06:21 PM

اسال الله سبحانه ان يبارك له فيما رزقه
ومثل ماقالو الاخوان ان اسعاره في متناول الجميع وتلقى في اغلب الحاجات المنزلية والقرطاسيرة والمكتبيه

والاهم هي الامانه عند عمال فروع محلاته ومحافظتهم على الصلاة

رحت فرع المطار او فرع تاون سنتر او فرع المرخية .. نفس الشي وقت الصلاة يلتزمون فيه

Cooki

11-01-2011, 06:33 PM

اي والله .. جزاه الله خير صاحب الرونق ... عسى الله يبارك له في حلاله ويفتحها عليه ...

السندان

11-01-2011, 06:36 PM

جزاه الله خير ويوسع في رزقه على قد نيته

والله يهدي باقي التجار ويبعد عنهم الجشع

وهم قطر

11-01-2011, 06:49 PM

محل الرونق والي مثله يجب ذكر اسماء المحلات لانهم يستاهلون والله

في زمن الغلاء وهذه المحلات لم ترفع الاسعار عاليه كغيرهم من جشع التجار

السعر القليل = الربح الكثير

بوجبر

11-01-2011, 06:57 PM

جزاه الله خير

والله يوفقة في تجارتة

الحياة كلمه

11-01-2011, 07:02 PM

شكرا لصاحب الرونق اللي ضميره للحين صااااااااااااااحي

ذيب ولد ذيب

11-01-2011, 07:24 PM

الله يجزاه خير

مريومة

11-01-2011, 07:59 PM

شكرا لصاحب الرونق اللي ضميره للحين صااااااااااااااحي

وشكرا لصاحب الموضوع ان طرح موضوع يمتدح شخصية خايفة ربها ولها دور فعال في المجتمع

وياريت يتم ذكر باقي المحلات التي تحذو حذوه

غايه الطواش

11-01-2011, 08:15 PM

من هو صاحب محلات الرونق ..؟
واحد خايف ربه ..

ذيب ولد ذيب

11-01-2011, 08:19 PM

واحد خايف ربه ..

ويبحث عن الرزق الحلال

إلا..إذا

11-01-2011, 08:38 PM

الله يجزاه خير ويغنيه بحلاله عن حرامه ويبارك له في اهله وماله وولده

الحلال فقط

11-01-2011, 08:47 PM

الله يجزيه الخير ويبارك له في ماله وعياله
وربنا ييسر له مثل ما ييسر على الناس

م. عبدالعزيز

11-01-2011, 09:30 PM

معروفه هالمكتبه، وان شاء الله هالموضوع يكون حافز لهم للاستمرار، ويكون مثال لباقي التجار الطماعين علشان يعرفون شلون يكسبون زبائنهم وعملاءهم ويذكرونهم بالخير ......

طارق

11-01-2011, 09:39 PM

يجزيه خير صاحب الرونق و ادعي لراعيه بكل خير
لأنه يثبت لنا طمع التجار الآخرين
ويبيع بضاعه جيده بأسعار في يد الفقير والغني

تحياتي
طارق / رجعت الى الوطن

لله الحمد

11-01-2011, 09:46 PM

جزاه الله خير .. وفي محلات كثير للحين ما ارفعت اسعارها

خصوصا اللي بالسوق

jeep-srt8

11-01-2011, 09:50 PM

هالشكر لازم يوصل لصحاب الرونق ويشوف الردود

جد الله يكثر من خيره وامثاله والله يجزاه كل خير الي يسر امور الأهالي من بعد الله

شكراً ياصاحب الموضوع على هذه الكلمات الجميلة

R 7 A L

11-01-2011, 10:05 PM

عز الله انك صدقت ياخوي
وعزالله ان راعي الرونق يستاهل الشكر بالخطر العريــــــض

فيزيائية

11-01-2011, 10:20 PM

كفاية ان الاطفال يطلعون منه سعيدين غير محرومين....

الله يكثر من امثاله ويغنيه بفضله ...

wadha-qa

11-01-2011, 10:27 PM

بس لو يسوي دسكونت على السوارفسكي ...
اي والله صج اسعار السوارفسكي غاليه عنده

بس المحل حلو وناجح وصاحبه اظن من الخوري

حمد911

11-01-2011, 10:35 PM

من هو صاحب محلات الرونق ..؟

شاب قطري اسمه محمد مبارك

رجل والنعم فيه متدين ويخاف ربه وطيب ذو اخلاق عاليه

عرفته خلال فتره بسيطه من عدة سنوات

جزاه الله خير

بـــــــنت النوخـّــــذه

11-01-2011, 10:50 PM

الله يجزاه خير 000 وعلى فكره بعض المكاتب يشترون كميات كبيره من الرونق ويبيعونا باسعار عاليه عندهم 000

والله يوسع رزق راعيه

بومحمد911

11-01-2011, 10:54 PM

الله يجزاه عنا خير

الله يبارك له في حلاله

وكثر الله من امثاله

فعلا اهو يوجه صفعه في وجه الغلاء لاغلب التجار الا من رحم ربي

بوحارب

11-01-2011, 11:00 PM

محل مضبوووووط واغراضة مالها حل :)

الله يوفق راعية :)

مجنون قطر

11-01-2011, 11:20 PM

الله يوفقه ويبارك في رزقه

الفيصل

11-01-2011, 11:34 PM

والله اسمع به من فتره طويله ولا حصل اني زرته

وين مكانه بالضبط ربي يوفقكم

احساس الدوحة

11-01-2011, 11:35 PM

من هو صاحب محلات الرونق ..؟

اخي فارس الكلمه

ماقصر الاخ وجاب لك اسمه

وللعلم ..

كان محله عباره عن دكان صغير في سوق واقف

ولكن شوي شوي طور من نفسه

وبفضل الله كبرت تجارته

كل التوفيق له ولامثاله

PARIS

11-01-2011, 11:36 PM

فرررق بين اسعار مكتبة الرونق الي بالمرخيه والمكتبات الي جنبه الله يبارك له وفعلا كفايه ان الاطفال يطلعون من المكتبه وهم فرحانين ومايخلون شىئ بخاطرهم الا شروه لان اسعاره في متناول الجميع ...الله يبارك له ويزيد في رزقه ....

المخفي

12-01-2011, 12:41 AM

الله يوفقهم و يبارك في مالهم و عيالهم و حلالهم

الخزرجي قطر

12-01-2011, 12:48 AM

الله يبارك له في ماله وعياله
يستاهل كل خير من اسره كريمه

نورالهدى

12-01-2011, 01:07 AM

الله يزودهم ويوسع رزقهم أكثر
بارك الله لهم في رزقهم
حلال
حلال
حلال

latty

12-01-2011, 01:14 AM

الله يجزاه خير مثل ماسهل لنا امور كثيره وباسعار معقوله

المثابر

12-01-2011, 02:05 AM

الله يوفقه ويعينه

الي اعرفه أن اسم مدير الرونق هو

محمد إبراهيم مبارك درويش ومتأكد 100 %

القحطاني505

12-01-2011, 04:06 AM

الشكر وصل لصاحب الرونق

جزاك الله خير يا كاتب الموضوع

Doha Sun

12-01-2011, 08:07 AM

الله يرزقه الحلال

بو خليفه 123

12-01-2011, 08:14 AM

من منا لا يعرف الرونق !!

حيث تجد كل مايلزم من ألعاب الأطفال ادوات الخياطة والأدوات المكتبية وأواني المطبخ وغيرها

الشيء الكثير ذات جودة معقولة وخيارات كثيرة والأهم أسعار في متناول الجميع .

شكرا لصاحب الرونق الذي كان بأمكانه رفع أسعاره كما يفعل معظم التجار الذين يتعللون بارتفاع

الأيجار ويجدون الأعذار ولكنه استمر كما عهدناه .

شكرا لأننا نرى ونسمع حرص عمال المحل على الصلاة في وقتها وذلك في جميع الفروع .

جزا الله مالك الرونق خيرا وبارك الله له في رزقه وذريته ورزقه من حيث لايحتسب وكذلك

كل تاجر يراعي الله في خلقه ويرضى بالرزق اليسير .

و يجزيك بمثله و نشكرك على هذي الرساله الموجهه الى طاقم الرونق .

كثير من التجار تجارتهم قائمه على هذا الطريق و لله الحمد ..

اذكر الوالد الشيخ فيصل بن قاسم منع اي احتفال او وضع اي شجرة كريسمس بالستي سنتر

جزاهم الله خير و كثر الله من امثالهم ..

دلة الرسلان

12-01-2011, 08:40 AM

جزاكم الله خير على كلماتكم الطيبة في حق الرجل والموضوع موضوعكم :nice:

بالنسبة لتعقيب أخي الكريم بوخليفة عن منع الشيخ فيصل بن قاسم لأقامة الأحتفال بالكريسمس

في مجمع الستي سنتر فقد افردت له أختنا الأصيلة موضوع مستقل عنه ولا يمنع ذلك أن ندعو

للشيخ فيصل بطولة العمر فيما يرضي الله وأن يبارك له في رزقه وذريته وهي دعوة صادقة

من القلب :)

سهاارى

12-01-2011, 08:51 AM

ربي يبارك له ويرزقه الرزق الحلال الحسن ..

المخباط

12-01-2011, 08:55 AM

تصدقين يأختي دلة
لما ادخل محلة ادعي لة بالتوفيق والسعه في الرزق اللي فكنا في استغلال باقي المكتبات
يستاهل نعيم الدنيا وآلاخرة
اما اللي طغى عليهم جشعهم من باقي التجار مالهم الا الهم والغم الحين وبعدين

بوخالد911

12-01-2011, 09:00 AM

الله يووفقه ويبارك له

شموخ قطر

12-01-2011, 09:14 AM

الله يجزيه خير ويكثر من امثاله

ظبيــღــه

12-01-2011, 09:32 AM

الله يبارك له في ولده وحلاله

لفته حلوه منج :)

المتحدث الرسمي

12-01-2011, 10:50 AM

الله يوفقه ويعينه

الي اعرفه أن اسم مدير الرونق هو

محمد إبراهيم مبارك درويش ومتأكد 100 %

:nice::nice::nice::nice::nice:

وان ما خاب ظني من هل الوكره

شموخ دائم

12-01-2011, 11:16 AM

,

,

مرحبا

الرسلان

جميل هذا الموضوع وانيق ولفتة طيبة ورائعه منك
والله يزيده ويرزقة الرزق الحلال

دمت بطيب

,

,

اخوك

شموخ دائم

GENIUS

12-01-2011, 11:59 AM

الله يزيده ويبارك له من خير رب العالمين.

على فكرة في فرع المطار في الطابق العلوي لديهم شيء يهم الشباب وبالذات اهل الرحلات والبر.

منتجات السنيدي الخاصة بالرحلات وسعرها مقارب لأسعار السعودية .

القحطاني505

12-01-2011, 01:33 PM

القحطاني505

12-01-2011, 01:34 PM

و يجزيك بمثله و نشكرك على هذي الرساله الموجهه الى طاقم الرونق .

كثير من التجار تجارتهم قائمه على هذا الطريق و لله الحمد ..

اذكر الوالد الشيخ فيصل بن قاسم منع اي احتفال او وضع اي شجرة كريسمس بالستي سنتر

جزاهم الله خير و كثر الله من امثالهم ..

الله يجزاه خير

والله يكثر من أمثالهم في قطر

ام السعف

12-01-2011, 02:43 PM

محل القى فيه كل مستلزمات واكسسوارت الخياطة وغيره وغيره

مرات الجودة لكم عليها لكن مرات يا زينه ،، بس اللي فقع لي مراراتي
ان كرتون التشراخية كنت اخذها على 18 ريال بغيت اموت ( اسم الله علي )
يوم قال لي المحاسب انها صارت 25 ريال ،، لولا ان الصغير كان خلاص نظراته
كلها فرح وسرور مع بداية دخول فصل الربيع والا كنت برد اشوية طاخ طيخ
على 25 ريال ،، ورديت البيت وقلت له :
شوف ذاك اول تلقاه على 18 قال لي ماما كان 12 ( حافض السعر )
قلت له حرام فلوس تنقط بالطريقة هذي ،، مرة ثانية مالك الا قوطي او 2 ومافي
كرتون كامل ،،، قال لي اوكي ،، عاد ما يندرى اوكي والا باخذ له قبل لا يطلبه ،،

حمد911

12-01-2011, 05:23 PM

الله يوفقه ويعينه

الي اعرفه أن اسم مدير الرونق هو

محمد إبراهيم مبارك درويش ومتأكد 100 %

:nice:

انت صح

ينادونه محمد مبارك وهو يجيب بضاعته بنفسه من الصين

شموخ

12-01-2011, 05:45 PM

والله يستاهل كل خيرالوالد ابراهيم مبارك بوخليل كناجيران في فريج واحد انسان في منتهى الاخلاق الله يطول في عمره ويبارك له في حلاله واولاده ان شاءالله--

جرح الزمان

12-01-2011, 05:49 PM

الله يبارك له ويوسع رزقه

Miss

12-01-2011, 05:55 PM

جزاه الله خير ..

ربي يفتح له ابواب الرزق ..

كاشف الغطاء

12-01-2011, 06:36 PM

الله يوفقه ويبارك له في حلاله

صوت الضمير

12-01-2011, 08:45 PM

اقول لايسمعونكم التجار اخاف يقلبون عليه ويحرقونه

نفس ماحرقوا الخميس والجمعة

الله يوفق صاحب الرونق.. بالفعل اسعار في متناول الجميع

قبل اروح جرير مااطلع الا ب300 ,, اللحين اخذ كل اغراضي من الرونق ب100

ابداع

بو نايف

12-01-2011, 11:01 PM

الله يوفقه

ومااشاء الله عليه

رجل يستاااهل

والله يفتح عليه برزقه

دلة الرسلان

13-01-2011, 07:36 AM

ام السعف

13-01-2011, 07:41 AM

في الولايات المتحدة محلات منتشرة تسمى محل دولار - على وزن بوريالين - اللي انقطع

واردها وكان مستوى جودة بضائع تلك المحلات جيد جدا رغم أن معظم البضائع أن لم يكن كلها

صناعة الصين والبضاعة متنوعة .

وهنا اتساءل لماذا لاينتشر عندنا هذا النمط من الأسواق الذي اشارت له اختنا روح الأطلس اي

سعر منخفض وربح عالي ولكن بجودة معقوله خاصة في المنظفات .

عودة على الموضووووع اتذكر هنا موقف قصته علينا أحدى فتيات العائلة عن صديقة لها

من أحدى الأسر القطرية المتعففة حيث تروي لنا وبتأثر كيف أن والد هذه الفتاة المسن وقبل

بدء الدراسة قد وهب كل واحدة من بناته - وعددهن كبير - 30 ريال لتشتري اكسسوارت

المدرسة وتصف تلك الفتاة سعادتها عندما اخذت حاجتها من الرونق بهذا المبلغ :)

ياترى لو مرت على كليرز هل بتكفيها الثلاثين !!

في قطر !!

اي مجمع او مساحة تعرض بضائع في متناول يد اصحاب الدخل المضغوط
تلقين مصيره الحرق ،،
اولا شبربوش صوب سوق الذهب ،،
السوق الإيراني على الفرضة
وين بعد ؟
ذكروني ؟

اختفت محلات كل شي بريال وريالين ،، حتى بو عشر وعشرين تلقين
اللوحة مكتوب عليها عشر وعشرين ،، لكن ما تلقين شي بعشر وعشرين
يستاهلون عشر وعشرين ،،

دلة الرسلان

13-01-2011, 07:42 AM

دلة الرسلان

13-01-2011, 07:45 AM

في قطر !!

اي مجمع او مساحة تعرض بضائع في متناول يد اصحاب الدخل المضغوط
تلقين مصيره الحرق ،،
اولا شبربوش صوب سوق الذهب ،،
السوق الإيراني على الفرضة
وين بعد ؟
ذكروني ؟

اختفت محلات كل شي بريال وريالين ،، حتى بو عشر وعشرين تلقين
اللوحة مكتوب عليها عشر وعشرين ،، لكن ما تلقين شي بعشر وعشرين
يستاهلون عشر وعشرين ،،

اي والله صادقة والغريب الجاني مجهول !!

بو خليفه 123

13-01-2011, 07:47 AM

استاذه دله نظام بو ريالين كان من المفترض ان يكون في ارض المعارض في امسيات الصناعات المحليه والخارجيه ..

لكن الاخوان الشاميين الله يهديهم يحسبون كل قطري قاعد على بير بترول يجي و يبيع الصابونه الي تجيب المرض و ماتسوى "ليره" تنباع هنا على 300 ريال و اغلى .

و للأسف بعض المستهلكين يشترون .. من فلانه تسمع انه يخلي البشره بيضاء مثل القمر و هالكلام الي مايسوى تشتري .. تبي بس زوجها يمدحها بأي طريقه دخيل الله .

الحمدالله اصبح هناك وعي في شريحه كبيره من المستهلكين عندنا في قطر و اصبح الرجل او المرأه يناقشون بالاسعار و الجوده .. لكن في فئه يبيلها تثقيف في فنون الشراء .

سؤال بريء :shy:

هل مسموح دخول الرجال لـ الرونق ؟
لأني كل ما اروح الحلاق المجاور لـ الرونق القى معظم رواده حريم فـ بعد هذا الموضوع اتسائل ان كان بامكاني الدخول ام لا ..

ام السعف

13-01-2011, 07:49 AM

:shy: ولمؤاخزة ان كنت يعني سئلت عليكم بس ها المعلومة تهم بنات حواء

اللي تبغي صحون الحلا المربع والدائرية الصغار اللي يبيعونها في المنتديات الدرزن ب120

ريال تراه موجود في الرونق ب11 و12 ريال للدرزن .

اممم،، هل هي بنفس الجودة ؟
خلينا نعترف بشي ،، ان كل من رامز والرونق بشكل عام يتعاملون بأمور مب ذات
جودة عالية ،، ومرات تكون عبارة ستوكات فيها عيوب لا يلحظها الا المدقق ،،

فمن جذيه ،، بالفعل نشتري اشياء كثيرة من هالمحلين لرخص اسعارهم،،
بس مرات كثيرة ما تكون بجودة البضائع الثانية لكنها افضل من اني احط فلوسي
في مواعين غالية ومردها بيتغير موديلها عقب سنة ،،

إنجود

13-01-2011, 11:29 AM

الله يرزقه بالحلال :..

chillis

13-01-2011, 11:36 AM

ياجماعه ترا الخامه والجوده هم تختلف ما يصير نظلم باقي المحلات الي جودتها اعلى بالنسبه للصحون الزجاج انا اخذت من المنتدى صراحه فرررق بالجوده وبعدين زاجا هذاك بلاستيك وحتى زجاجه مهب نقي بس ما يمنع انه بضاعته مفيده مرات

تاجر121

15-01-2011, 08:42 PM

الله يوفقه ويعينه

الي اعرفه أن اسم مدير الرونق هو

محمد إبراهيم مبارك درويش ومتأكد 100 %

صحيح وانا متعامل وياه بشغل وهاي اسمه الصحيح رجال اشوي اكبير بالسن

مبتدئه

16-01-2011, 02:30 AM

يستاهلون والله

جزاهم الله خير وبارك الله لهم في مالهم واهلهم وصحتهم كل من ينهي عن المنكر ويامر بالمعرووف وكل تاااجر امين يخااف الله في تجارته

مشتاقة لقطر

16-01-2011, 03:11 AM

الله يبارك له يارب

من روادهالدايمين لامورالتغليف والخياطة والشراخي هههه

بنت الطائي

16-01-2011, 07:49 AM

:shy: ولمؤاخزة ان كنت يعني سئلت عليكم بس ها المعلومة تهم بنات حواء

اللي تبغي صحون الحلا المربع والدائرية الصغار اللي يبيعونها في المنتديات الدرزن ب120

ريال تراه موجود في الرونق ب11 و12 ريال للدرزن .

والله زين ........... اتصدقين ودي اشتريهم بس الله يهدي التاجرات غالي .......... اللي يبيعهم الرونق جزاز ولا بلاستيك .......... لان خبرزني في مثلهم بالسعودية على 20 ريال جزاز ونفس اللي يبيعونه التاجرات الله يهديهم ويصلحهم. مو كلهم طبعا بس اللي ترفع سعرها

abdulbaset

16-01-2011, 07:59 AM

من يرضى بالقليل ينال الكثير بمشيئة الله

بروق QTR

16-01-2011, 08:01 AM

الله يبارك له ويرفع قدره ويرزقه من حيث لا يحتسب

الدوحه%

16-01-2011, 08:05 AM

الله يرزقه ان شالله ويعطيه ع قد نيته مع اني ماقد رحته ..:)

دلة الرسلان

16-01-2011, 08:13 AM

والله زين ........... اتصدقين ودي اشتريهم بس الله يهدي التاجرات غالي .......... اللي يبيعهم الرونق جزاز ولا بلاستيك .......... لان خبرزني في مثلهم بالسعودية على 20 ريال جزاز ونفس اللي يبيعونه التاجرات الله يهديهم ويصلحهم. مو كلهم طبعا بس اللي ترفع سعرها

شوفي عزيزتي اللي حصلتهم زجاج يمكن لونهم مش صافي جدااااا ولكن نوعية الزجاج سميكة

وجيدة وقعدت اقلب فيهم واقتنعت أن الأكواب لما تضعين فيها الحلو ماراح يبين صفاء الزجاج

زيدي على ذلك رخص سعرهم تقدرين تاخذين كمية كبيرة حق العزايم وما تحترين أذا

انكسرت كم وحدة من يد الشغالة وأخير ما تعنيين طلبات وكروة التوصيل .

بنت صقار

16-01-2011, 08:54 AM

جزاه الله خير..

رشدان

16-01-2011, 09:17 AM

الله يكفيه بحلاله عن حرامه ويغنيه بفضله عن من سواه

دااانة قطر

16-01-2011, 12:29 PM

ما احب ادخل عنهم في الزحمه ادوخ من الريحه والحر

بس البضااعه ماعليها كلااام والأسعااار ولا شي

بنت الخور

16-01-2011, 07:43 PM

السلام عليكم ورحمة الله وبركاته

الله يبارك له ان شاء الله

انا اختي تتعنى له تجي من الامارات عشان تشتري منه

دلوعة ابوها

17-01-2011, 08:10 AM

اي والله ماقصر صاااحب االرونق
والله يرزقه بالرزق الصالح...

دلوعة ابوها

17-01-2011, 08:18 AM

:shy: ولمؤاخزة ان كنت يعني سئلت عليكم بس ها المعلومة تهم بنات حواء

اللي تبغي صحون الحلا المربع والدائرية الصغار اللي يبيعونها في المنتديات الدرزن ب120

ريال تراه موجود في الرونق ب11 و12 ريال للدرزن .

هلا اخت دله
والله صار لي فتره وانا ادور عشان الاقي هذي الصحون والكاسات عشان اسوي حلا الكاسات
صج والله الاقيهم في الرونق...
انا ابي الكاسات الشفافه سواء كانت بلاستيك او زجاج
وهل الزجاج مع الغطاء...
ارجو التوضيح.:omg:

دلة الرسلان

17-01-2011, 08:31 AM

هلا اخت دله
والله صار لي فتره وانا ادور عشان الاقي هذي الصحون والكاسات عشان اسوي حلا الكاسات
صج والله الاقيهم في الرونق...
انا ابي الكاسات الشفافه سواء كانت بلاستيك او زجاج
وهل الزجاج مع الغطاء...
ارجو التوضيح.:omg:

ياهلا بدلوعة ابوها خلتيني ادخل المنتدى بينما اردت تصفحه على عجل :)

شوفي عزيزتي الكاسات الموجودة هي زجاجية وبدون غطاء قياس بسكوت الاوريو وها الكلام

كان يوم نزلت الموضوع فما أدري أذا مازالت متوفرة .

chillis

17-01-2011, 08:32 AM

بس ما ظنه بجودت الا بالمنتدى يعني خلنا ما نختلف انه الرونق خامته مهب زينه وايد وزجاجه مهب نظيف بس يادي الغرض :)

Um khalifa

17-01-2011, 08:43 AM

فعلا مكان متكامل ومنوع والله يبارك له في رزقه ان شاء الله

دلة الرسلان

17-01-2011, 08:47 AM

بس ما ظنه بجودت الا بالمنتدى يعني خلنا ما نختلف انه الرونق خامته مهب زينه وايد وزجاجه مهب نظيف بس يادي الغرض :)

ياهلا chillis أنا كأنسانة عادية لا لي مصلحة مع تاجرات المنتديات ولا مع الرونق أقول وبكل

حيادية - وأنا اقلب هذا المنتج بين يدي -أنه لابأس به ولا اعني يمشي الحال بل هو جيد جداا من

حيث متانة الزجاج المأخذ الوحيد مدى صفاء الزجاج ولكن أذا كان فيه الحلو مافيه مجال تمقلين

في شفافيته .

نخلي الاكواب على جنب وانصحكن بسجادة الجيب خذوها حق عيالكم باربع ريالات مدري كم

يبيعونها التاجرات في المنتديات:victory: .

ام السعف

17-01-2011, 08:47 AM

بس ما ظنه بجودت الا بالمنتدى يعني خلنا ما نختلف انه الرونق خامته مهب زينه وايد وزجاجه مهب نظيف بس يادي الغرض :)

صح كلامج ،، يؤدي الغرض وزود بعد ،،

في حريم ما شاءالله يختارون من رامز و الرونق مواعين وصحون جزاز
ما تصدقين انها من هالمحلين ،، وخاصة لو حطوا فيها الأكل ،،

محلات بيع الكافي والورد كله يتشرون اغراضهم من هالمحلات
وانروح احنا نشتريها منهم ب 10 اضعاف علشان كيلو كافي :(

chillis

17-01-2011, 08:48 AM

صح كلامج ،، يؤدي الغرض وزود بعد ،،

في حريم ما شاءالله يختارون من رامز و الرونق مواعين وصحون جزاز
ما تصدقين انها من هالمحلين ،، وخاصة لو حطوا فيها الأكل ،،

محلات بيع الكافي والورد كله يتشرون اغراضهم من هالمحلات
وانروح احنا نشتريها منهم ب 10 اضعاف علشان كيلو كافي :(

عقبال ما يبتدي يبيع الكافي بنص اسعارهم