لخبراء مسابيح الكهرمان الحشرية ...

[ألوان]

السلام عليكم ورحمة الله وبركاته

الاخوان اللي يعرفون اسعار المسابيح النادره حابه استشيركم في مسباح كهرمان حشري صناعه يدوية عدد حباته 33 كل حبه بداخلها حشرة كامله طبعا المسبااح بشهاداته وختم الصانع على خرزة من الفضة راااقيه ووزنه اكثر من 40 غرام *طبعا ماعندي اي فكرة عن المسابيح بس عجبني شكله وسالفة انه عمره ملاايين السنين عموما ماابي اظلمه بسعر اقل من سعرة ولا ادفع فيه سعر اعلى من اللي يستاهله ، وعلى فكره ماعندي صور له بس شفته وعجبني.. :)

شكراً لاهتمامكم وبانتظار الاستفادة من معرفتكم وخبراتكم.

[ن.سهيل]

بالتوفيق

سعر الجرام مابين ( 90 الى 100 ريال ) .

ونصيحه لاتشتريه ألا وانت متأكد انه اصلي ، لان الغش صار عادي هالأيام .

[ali8.1]

بالتوفيق

[بوعلي-Qtr]

كل خرزه فيها حشره كامله ؟
بالنسبه لملايين السنين .. تقريبا كل احجار الكهرمان من آلاف وملايين السنين
هو اساسا صمغ ناتج من شجره معينه .. تيبس وراح تحت الارض بفعل عوامل الطبيعه وتلصق فالحجر بعض الشوائب ومنها الحشرات النادره والمنقرضه والخ ..

احس موظه الحشرات ولت خلاص هههههه زباينهم شوي

[ديابلو]

اختي ممكن تحطين صورة المسباح عشان نعرف ان المسباح طبيعي ولا مضروب ليزر

[ألوان]

ن.سهيل ، ali8.1 ،بوعلي-Qtr ، ديابلو، ... اشكركم واشكر كل من اهتم بالموضوع

بوعلي-Qtr نعم كل خرزه فيها حشرة وبعضهم شكله غريب وبعض الخرز فيه أكثر من حشرة ومب مبين في الصورة لانه ماحبيت اتشرط واطلب صور اكثر وانا مب متأكده انه بيبيع أو أنا باشتري... :)،
بالنسبة لحكمك عليها انها موضة وولت ..!! فالـ Unique collectable ماتندرج تحت مسمى الموضة ..

ديابلو الصورة في المرفقات لو تكرمت توضح الفرق بين المسباح طبيعي والا مضروب ليزر ؟!

في انتظار ردودكم

[PGR]

عندي مسباح فيه حشرات ,, بصراحه هالمسابيح شي نادر هالايام لانه اكثرهم يكونون مغشوشين بالليزر ,, بالتوفيق انشاء الله

[ألوان]

:omg: معقول بتمر 24ساعه من غير رد يحسم الموضوع ..؟!!!!!
وبعدين شسالفة الليزر.. ؟!! << مجرد فضوول
وبالنسبة للغش الاحتمال غير وارد والثقة موجودة ..
المطلووب سعر تقديري للمسبااح ..
انتظر افادتكم .. :)

[فيصـــل]

يمسيج بالخير اختي ومبروك عليكم جميع فوز العنابي

بالنسبة للمحشر على حد علمي انه اذا شفتي حباته فيها عروج حمر .. فاعرفي انه ملعوب فيه والله اعلم

وبالنسبة للسعر ماعندي اي فكرة .. وباذن الله ربعنا هل المسابيح يفيدونج شروى محرقاوي وكهرمان

بالتوفيق

[ن.سهيل]

مش طبيعي 100%

و راي الأول ولأخير لك

[toghma]

صحيح مالي ذيكي الخبرة في الكهرم ـ لكني من عشاقه
وإلي اعرفه ان مستحيل تكون في سبحة كل خرزاتها محشرة ؟؟!!!

اخواني كهرمان ومحرقاوي ــ ــ مطلوبين حاليا في هذا الموضوع للاستجواب لو سمحتوا

[انتثر لك عطر]

بالتوفيق لك ماعندي خلفيه فيه

[ألوان]

فيصل ، ن. سهيل ،toghma , انثر لك عطر... يسعد مساكم ومساء كل من رد او اهتم بالموضوع ..
ومبروك الفووز للجميع وان شاء الله الانجازات العنابيه تتجاوز الجانب الريااضي وتنافس في جميع المجالات ...

وبالنسبة للاخوان كهرمان ومحرقااوي حاولت اتواصل معااهم لكن عدد مشاركاتي مايسمح لي وماشاء الله كل اللي مروا راهيين عدد مشاركاتكم الله يزيد ويباك ...فالله لايهينكم ارسلوا رساله خاصه لهم للإفاده فالموضووع ...:) وجزاكم الله خير ..

[ألوان]

سبحان الله وبحمده .
...!!

[ديابلو]

ن.سهيل ، ali8.1 ،بوعلي-qtr ، ديابلو، ... اشكركم واشكر كل من اهتم بالموضوع

بوعلي-qtr نعم كل خرزه فيها حشرة وبعضهم شكله غريب وبعض الخرز فيه أكثر من حشرة ومب مبين في الصورة لانه ماحبيت اتشرط واطلب صور اكثر وانا مب متأكده انه بيبيع أو أنا باشتري... :)،
بالنسبة لحكمك عليها انها موضة وولت ..!! فالـ unique collectable ماتندرج تحت مسمى الموضة ..

ديابلو الصورة في المرفقات لو تكرمت توضح الفرق بين المسباح طبيعي والا مضروب ليزر ؟!

في انتظار ردودكم

اختي الوان اللي اشوفه في الصور ان المسباح والعلم عند الله انه طبيعي

[ألوان]

اختي الوان اللي اشوفه في الصور ان المسباح والعلم عند الله انه طبيعي

إن شاء الله إنه طبيعي، بس ماقلتوا لي السعرعشان اقرراشتري والا اقوول له هونت ؟
لانه ارسلت ايميل لصاحب المسباح ورد علي من شووي و من رده حسيت إن السالفه بيكون فيها مجامله في السعر ..
Let me send you some more pictures of the ×××× tomorrow morning
when I will return to the shop and the best possible price as
well so you will decide .

[الأمبراطور]

1- من الناحيه العلميه هناك قطع لكهرمان تحتوي على حشرات لكن اؤكد لك ان القطعه تخضع للوزن+العمر+الناحيه الجماليه>>>مجرد مقدمه لاتعورين راسج
اغلب هالاحجار قطع وليست مسابيح+القطعه الواحده الي تحتوي على حشره واحده الي وزنها بضعة قرامات تبدأ من 500-5000 دولار وتخضع للتقيم خبراء واغلبها في متاحف او عند هواه او في مزادات معينه ومهب عند محل مسابيح ...
وبالنسبه للمسباح بسالج الاساله التاليه:
1- هل الحشارت متشابهه ؟؟؟
2 - هل كل قطعه فيها حشره؟؟؟
3 - هل توجد فقاقيع هواء في الحبات؟؟
4 - هل شكل الحشره جامده كانها كانت نايمه مثلا وتصلبت؟؟؟
5- وضعيات الحشرات نفسها هل متشااابهه(يعني اغلبهم واقفين او نايمين مثلا)؟؟
6 - هل يوجد خط في الحبات؟؟؟(خط كانها قطعه مركبهه مثلا)؟؟
طيب الحين اذا كانت اجابه واحده لهذه الاسئله نعم فالمسباح غييييييييير طبيعي لاتعورين راسج في هالامور
واذا كانت اجابتين واكثر نعم لهذه الاسئله الخمس فانا احلف انها غير طبيعيه في ذمتي
اخيرا موضوع الشهاده المختومه في الاحجار غالبا كلام فاضي (غالبا وليس دائما)
وبعد كل هالامور من المستحيل الحكم على مسباح من الصور بشكل 100%
ومن غير زعل اغلب تجار المسابيح في قطر....عليميه+نصابين+ واذا تبين ادلج على محل لشخص قطري موثوق منه 100% ابعثي لي على الخاص لكن ملاحظه محله 7 نجوم المسابيح تبدأ من 5000 تقريبا وتتخطى ال300000 بامكانك زيارة المحل للمشاهده او اذا حبيتي تستفسرين عن مسباح معين(واقلج من الاخر اذا انتي متوهقه في فلوسج روحي اشتري من عنده:tease: عشان محد يقول اني اسوي دعايه:) )

[falsaadi]

السلام عليكم

اختي انا لقيت نفس المسباح بالضبط في المدينه المنورة ب 50 ريال

والمشكله هذي الايام ماتعرفين وين الاصلي وين التقليد

وبتوفيق

[محرقاوي]

يعطيكم العافيه يالربع على الردود الطيبه

لكن اختي الصور الي عارضتها كلش مب واضحه والحشري يبي له صور واضحه او معاينه على الطبيعه عشان تفرقين بين المركب او الحشري الحر

في البدايه بشرح لج شرح مختصر للتفريق بين الحالتين وحطي في بالج ترا الغش في الحشري بالهبل وخاصه عندكم بالدوحه والله يستر على الجميع انشاءالله ويهديهم وماحب اقول بالاسامي بس الحذر الحذر وللاسف قاعدين يبيعون باسعار الحشري الحر ( الحر يعني الطبيعي )

اولا

الحشري الطبيعي بتلاقي المسباح بدون عروق حمره واذا تواجدت فهو من قدم المسباح وبشكل خفيف جدا جدا يعني مش كل الحبات

بتلاقين الحشرات بوضعها الطبيعي يعني مب ريل في صوب والراس بصوب ثاني واذا تواجدت كامله بتلاقي حركة الريل طبيعيه وكانه طايره او كافسه ريلها بوضعية الهبوط وان كان العنكبوت او الدوده فبيكونون هم بحركتهم الطبيعيه وبتلاحظين الفرق اذا شفتي طبيعي ومركب

جسم الحشره في الطبيعي مابيكون ملاصق فيه فقاعات او اي بقايا اكسجين في الحبات وتنتج هذه الفقاعات من اثر تدخيل الحشره داخل الكهرمان وبتلصق الفقاعات بجسم الحشره

الحشرات نفسها بتلاقينها متحلله مش اللون الاسود الداكن الي يدل على ان موت الحشره كلش قريب لانه الحشرات الي موجوده من الزمان القديم كلش

وبتلاقين الحشرات الي موجوده بالمسباح من المنقرضين مثل البعوضه بوريل طويله او البوز الطويل والنمل وحتى الفراشه والدوده وبعض الحشرات لم يتم التعرف عليها الى الان

والحين مع الكهرمان المركب او المدخل اما بتسخين الكهرمان او وصبه على الحشرات او تدخيل عن طريق الليز وهو عمل فتحه في حبات الكهرم وتدخيل الحشره وصب الكهرمان عليه بعد تسخينه

وهاي راح ينتج

الخامه بتكون معرقه بعروق حمره وواضحه ولكل الحبات

راح ينتج تواجد الاكسجين ملاصق لجسم الحشرات او في الحبات من اثر تسخين الكهرمان وصبه على جسم الحشره

الحشرات راح تلاقينها منطويه على نفسها يعني كانها مضروبه وان قتلت بمبيد حشري راح ماتكون في حالتها الطبيعيه لانه بالطبيعي الحشره تكون في وضعيتها الطبيعيه مثلا بعوضه طايره ونزلت عليها قطرة كهرمان وتحجرت مع الزمن فراح تلاقينها بوضعية الطيران ارجلها مفروده وجناحها مفتوح

بالمركب راح تلاقين الحشرات ملامحها مش واضحه ولونها اسود داكن وهذا يدل على موت الحشره قريب

وماراح تلاقين البعوضه المنقرضه او النمل النادر او العنكبوت والفراشه والدوده وهل سوالف القديمه جدا


واتمنى ان الشرح وافي وكافي وتقدرين تميزين بين الاثنين التفريق كلش سهل بس يبي له تدقيق بالخامه ولاتشترين الا من شخص ثقه



وبخصوص الاسعار

سعر المسباح الحشري لايحدد بالوزن انما بنوع الحشرات الي موجوده بالخامه وعددها مثلا مسباح 99 حبه او 66 غير عن مسباح 33 حبه

ومسباح فيه كل نمل وبعوض سعره غير عن مسباح فيه عنكبوت وبعوض نادر وفراشه ودوده وصرصار

الاسعار بالدوحه حطي بالج للمركب راح تلاقينه من 40 ريال للجرام وطالع حتى يوصل بعض المحلات لي 80 ريال

المسباح الحر الطبيعي راح تلاقينه من 80 ريال للجرام وطالع على نوعية الحشرات وعددها في المسباح


واتمنى اني وفقت بالشرح واي شي تامرين حاضر لج وعندي حشريات نادره اذا تبين تطلعين على صورهم راسليني على الخاص

[العضو العتيج]

رايي كغير خبير من النظرة الاولى المسباح مايبين ان شغل واحد بروفشنال خصوصا ان لون الخيط مع لون الخرز الله بالخير
وعندي احساس ان المسباح مبالغ في وصفة وهو عادي,,,مجرد احساس

[محرقاوي]

وهاي صور لمسباحين من مجموعتي الخاصه من الحشريات

وشوفي اول صوره كيف العنكبوته متحلله من اثر الزمن والقدم والصوره الثانيه فيها الذبانه والنمله وفي حركتهم الطبيعيه ولاحظي حبات المسباح بدون اي عروق حمره والصوره الثالثه فيها البعوض النادر والعنكبوته والفراشه والصوره الخامسه هاي بعوضه كبيره من نوادر البعوض في الكهرمان الي تكون ارجلها جدا طويله




http://www.m5zn.com/uploads/2011/1/11/photo/011111100102ep0i5v8j.jpg (http://games.m5zn.com/cooking_games.html)

http://www.m5zn.com/uploads/2011/1/11/photo/011111100102mvlvvp4ce.jpg (http://games.m5zn.com/cooking_games.html)

http://www.m5zn.com/uploads/2011/1/11/photo/011111100102tsdn0ajetmg.jpg (http://games.m5zn.com/cooking_games.html)

http://www.m5zn.com/uploads/2011/1/11/photo/0111111001024mw6i0d28sh0hu74hv.jpg (http://games.m5zn.com/cooking_games.html)

http://www.m5zn.com/uploads/2011/1/11/photo/011111100102lslvxm1bh8dn.jpg (http://games.m5zn.com/cooking_games.html)

http://www.m5zn.com/uploads/2011/1/11/photo/011111100102306s7c9ad0naquj3.jpg (http://games.m5zn.com/cooking_games.html)

http://www.m5zn.com/uploads/2011/1/12/photo/011211210138o6ngrp8ldye.jpg (http://games.m5zn.com/cooking_games.html)[/Q

[ألوان]

1- من الناحيه العلميه هناك قطع لكهرمان تحتوي على حشرات لكن اؤكد لك ان القطعه تخضع للوزن+العمر+الناحيه الجماليه>>>مجرد مقدمه لاتعورين راسج
اغلب هالاحجار قطع وليست مسابيح+القطعه الواحده الي تحتوي على حشره واحده الي وزنها بضعة قرامات تبدأ من 500-5000 دولار وتخضع للتقيم خبراء واغلبها في متاحف او عند هواه او في مزادات معينه ومهب عند محل مسابيح ...
وبالنسبه للمسباح بسالج الاساله التاليه:
1- هل الحشارت متشابهه ؟؟؟
2 - هل كل قطعه فيها حشره؟؟؟
3 - هل توجد فقاقيع هواء في الحبات؟؟
4 - هل شكل الحشره جامده كانها كانت نايمه مثلا وتصلبت؟؟؟
5- وضعيات الحشرات نفسها هل متشااابهه(يعني اغلبهم واقفين او نايمين مثلا)؟؟
6 - هل يوجد خط في الحبات؟؟؟(خط كانها قطعه مركبهه مثلا)؟؟
طيب الحين اذا كانت اجابه واحده لهذه الاسئله نعم فالمسباح غييييييييير طبيعي لاتعورين راسج في هالامور
واذا كانت اجابتين واكثر نعم لهذه الاسئله الخمس فانا احلف انها غير طبيعيه في ذمتي
اخيرا موضوع الشهاده المختومه في الاحجار غالبا كلام فاضي (غالبا وليس دائما)
وبعد كل هالامور من المستحيل الحكم على مسباح من الصور بشكل 100%
ومن غير زعل اغلب تجار المسابيح في قطر....عليميه+نصابين+ واذا تبين ادلج على محل لشخص قطري موثوق منه 100% ابعثي لي على الخاص لكن ملاحظه محله 7 نجوم المسابيح تبدأ من 5000 تقريبا وتتخطى ال300000 بامكانك زيارة المحل للمشاهده او اذا حبيتي تستفسرين عن مسباح معين(واقلج من الاخر اذا انتي متوهقه في فلوسج روحي اشتري من عنده:tease: عشان محد يقول اني اسوي دعايه:) )

الإمبراطور الله يعطيك العافيه على هالكم من المعلومات والاسئله .
وبعدين البيع والمشترى ارزاق يعني سواء كانوا تجارنا عندهم خبره والا ماعندهم فالاخير ربك اللي يوزع الارزاق ..
وعموما إذا المحل لقطري ومنتدانا قطري ومايمنع الدعاايه فليش ماتسوي له دعاايه إذا انت مجرب بضاعته " والشئ بالشئ يُذكر " ..
ومن الأخير جزاك الله خير لو متوهقه شريت ولا سئلت فمنتدى ولاغيره ومحد يتوهق بالفلوس :shy: بس يتوهق في بعض الأمور اللي ماعنده خبرة فيها ..

[ألوان]

رايي كغير خبير من النظرة الاولى المسباح مايبين ان شغل واحد بروفشنال خصوصا ان لون الخيط مع لون الخرز الله بالخير
وعندي احساس ان المسباح مبالغ في وصفة وهو عادي,,,مجرد احساس

يعطيك العافيه وفعلاً جبتها احنا اللي ماعندنا خبرة مب مضيعنا إلا الإحسااس ..

اشكر لك اهتمامك بالرد ..

[ألوان]

محرقااوي أشكرك على ردك اللي أضاف للموضوع الكثير ..
وماشاء الله الصور اللي عرضتها رائعه والله يبارك لك ، وبالنسبة لمراسلتك على الخاص عدد مشاركاتي مايسمح لي ..
عموما اتفقت مع صاحب محل يوناني عرض في معرض المجوهرات السنه اللي فاتت في دبي وبيشارك السنه في معرض مسباح بالكويت في نهاايه الشهر وبيرسل لي الصور بمجرد ماتوصلني اتمنى انك تطلع عليها وتعطيني من رأيك وخبرتك ..

[محرقاوي]

موفقه خير اختي

وبخصوص الشخص الي بيعرض في معرض مسابيح اذا ممكن اسمه عشان اقدر افديتج من مدى مصداقيته وانشاءالله راح اكون متواجد بالمعرض

لانه مثل مااذكرو اخواني سابقا مب كل تاجر مجوهرات او ذهب له خبر بالكهرمان عندنا بالبحرين محلات المجوهرات يبيعون السبح باسعار خياليه الي جرامه 40 ريال يبيعونه 120 ريال وياريت يكون ذو جوده عاليه

وبارك الله فيج