استفسار .. لا تبخلون عليّ بتفاعلكم [الأرشيف] - منتديات شبكة الأسهم القطرية

sosa

12-01-2011, 08:35 AM

السلام عليكم ورحمة الله وبركاته

أخواني/أخواتي

هل يوجد مكاتب خدم ممكن توفر لي الخدامة بالشروط اللي أطلبها ؟؟؟

يعني إذا اشترطت في الطلب انها تكون طباخة .. هل في مكتب تعاملتوا معاه ممكن يضمن لك هذا الشي ؟؟؟؟؟؟

حتى وإن كان استقدامها بالمواصفات اللي طلبتها بيكلفني أكثر بس المهم تكون وفقاً للمواصفات المطلوبة واللي هي بالتحديد انها تكون طباخة

أفيدوني يجزاكم الله خير

حمد بن سعد

12-01-2011, 10:35 AM

اختي الخدامه الي تطلبينها من المكتب انتي اتحديدين مهنتها وتقولين لراعي المكتب انج تبين طباخه وهو ايوفر لج الخدامه وطبعا لج ثلاث اشهور من تاريخ تسجيل دخولها للبلاد يكون المكتب مسؤول عنها اذا صارت مشكله او ماتعرف تطبخ لج حق في الثلاث اشهور ارجاعها المكتب واستبدالها بوحده ثانيه اذا توفرة .

واكثر المكاتب كندهم كتلوج كامل على الخدامه كم عمرها متزوجه اولا عندها اعيال مشتغله من قبل بالاضافه الى الشغل الي اهي اتعرفه مكتوب تحت الصوره الي في الكتلوج .

وذا ماتعرفين مكتب عدل ان اعرف مكاتب سمعتها طيبه في الريان عطيني خبر بعطيج اسم المكاتب.

والله يوفقنا وياج

sosa

13-01-2011, 09:04 AM

اختي الخدامه الي تطلبينها من المكتب انتي اتحديدين مهنتها وتقولين لراعي المكتب انج تبين طباخه وهو ايوفر لج الخدامه وطبعا لج ثلاث اشهور من تاريخ تسجيل دخولها للبلاد يكون المكتب مسؤول عنها اذا صارت مشكله او ماتعرف تطبخ لج حق في الثلاث اشهور ارجاعها المكتب واستبدالها بوحده ثانيه اذا توفرة .

واكثر المكاتب كندهم كتلوج كامل على الخدامه كم عمرها متزوجه اولا عندها اعيال مشتغله من قبل بالاضافه الى الشغل الي اهي اتعرفه مكتوب تحت الصوره الي في الكتلوج .

وذا ماتعرفين مكتب عدل ان اعرف مكاتب سمعتها طيبه في الريان عطيني خبر بعطيج اسم المكاتب.

والله يوفقنا وياج

جزاك الله خير أخوي على الرد

بس المشكلة إني كلمت مكاتب كثيرة وكل ما قلت لهم أبيها طباخة يقولون ما نضمن لج هالشي .. شوفي الطلبات الموجودة واختاري حسب المواصفات المذكورة في الطلب بس حطي في بالج إن المواصفات المكتوبة قد تكون غير صحيحة !!!!
ولما أقول لهم مابي هالطلبات وسووا لي طلب خاص بالمواصفات اللي أبيها يقولون ما يصير !!!

ياريت تدلني على المكاتب اللي تعرفها

حمد بن سعد

13-01-2011, 09:09 AM

لازم ايقولون ها شي خيايفين يتحملون المسؤوليه على العموم

فيه مكتب في شارع ال شافي ناسي اسمه في السوق الي عقب الطازج لوحتة زرقا هاذا مكتب محترم والثاني في معيذر التجاري القديم وراى جمعية الميره بظبط في عماره اصغيره دخلي مع الباب على طول بتلقين المكتب على يدج اليمين.

والله يوفقنا وياج

ام خليفة

13-01-2011, 09:12 AM

مكتب الخالد في الريان ثقه وعن تجربه ــ وبالتوفيـق :)

sosa

13-01-2011, 12:29 PM

جزاكم الله خير على تجاوبكم