استشارة وطلب تاجير فيلا...

[بنت النـور]

السلام عليكم

حبيت استشيركم بموضوع..
ابي أاجر فيلا اسكن فيها عمال وبنفس الوقت اجهز فيها مكان احط فيها معدات مغسلة ملابس من غسالات ونشافات ..الخ

ابي اعرف يصير هالشي ولا لأ؟
يعني قانونيا من البلدية ماعندي مشاكل اذا سويت جذي؟
السؤال الثاني وين المناطق اللي اقدر ااجر فيها؟
وفي حد ممكن يأجر لي فيلا اقدر اضبطها لهالغرض؟



في انتظار آرائكم القيمة

الله يعطيكم العافية

[بنت النـور]

:waiting:

[الغالي!]

لحد الحين مافي قانون يحديد مناطق سكن العمال للاسف

[ابوبشاير]

صباح الخير ‏
..‏ أكثر ‏
المغاسل ‏
مسوين ‏
هالشي‏↳‏
والمكان مفروض يكون قريب من المحل‏↳‏
أوفر لج ‏.

[بنت النـور]

مشكورين ماقصرتوا

:)

[العجي قطر]

من خلال خبرتي في هالمجال وبالصوره اللي وضحتيها لايوجد اي مشكله ولكن دام الفيلا بتكون سكن عمال

في نفس الوقت يفضل تكون في مكان مايكون جيرانه من اهل قطر عشان الازعاج والشكاوي

وفكرتج وايد حلوه وناجحه واشجعج عليها واذا تبين فيلا حددي كم حدود الايجار وراح نوفرها لج بإذن الله

ونتمنى لج التوفيق

[بنت النـور]

انا ابي فيلا في الصناعية أذا في فلل هناك اصلا :$
يعني ابيها بمكان قريب من الشارع بروة التجاري وقرية بروة وتكون المنطقه اكثرها مسكنين فيها عمال
لاني اساسا ما أايد سكن العمال في المناطق السكنية وعند العوائل :)

الله يجزاك خير اخوي العجي على التشجيع :)

[حبيبتي الاسهم]

كل التوفيق يابنت النور وبخصوص الموضوع مثل ماقالوا الشباب ماعندش اي مشاكل مع البلدية ....!

والصناعية مافيها فلل لكن بتلاقين بابوهامور ....! وهي قريبة من بروة ...

[بنت النـور]

بيرفكت
مشكور اخ "حيبتي الاسهم" على الايضاح

[ولد شرق]

عفوا
اللي انا فهمته انج تبغين سكن عمال و في نفس الوقت هالسكن مغسلة ملابس

حسب قوانين البلديه وقوانين وزارة التجاره هالشي ممنوع
ممنوع استخدام العقار لغرض السكن و في نفس الوقت استخدام تجاري

وان شاء الله الاخوان يفيدونج...

[بنت النـور]

المكان بحط في جزء من المعدات الثقيله ما اقدر احطها فالمحل والفيلا يسكنونها العمال بنفس الوقت

فاذا كلامك صج

يعني بتصير سالفه لازم لي معمل ومكان سكن منفصل