اشقـــــــــــيتني في عيشتي ومنك ماتهنيت 000

[لوجين098]

اشقيتني في عيشتي ومنك ما تهـــــنــــيت....

وأنت بتعذيبي وعذابي مستريح وخــــالــــي البال ....

أنت اللي لي الدنيا كانت ولعيوني الضــــــــــي....

وأنت اللي كنت غناتي والرجا اللي رجـــيته بالحيل ....

حتى الجروح اللي جبتها لي ما بها ذوق

كيف انتهت وانهيت كل ذيك المشاوير

بجراح تفــريق منك وابكل تجريج وتكدير ...

[Red rose]

سلمت يمناك أختي الكريمة...

تحياتي لج..

[المهاجر]

عندما يشقيك من يكون لك الروح

تزعل في البدايه ولكن يبقى هو الغالي

والشقى منه يصبح هناء وله طعمه

فبه تتذكره وتسترجع ذكرياتك الحلوه معاه

وحينها تقول عساه متهني بحياته

ابيات جدا رائعه اختي

صح لسانج

[لوجين098]

أواه يا قلب عليل تعلَّقت
في حب منهو بالنواعس فتني

حاولت عيني تمتنع ما تملكت
حبه مَلك قلبي وفكري وظني

ليلة لقانا يا ضميري تلوعت
هاجت شجوني والعيون أهملني

عز الله اني بالموده تحملت
محد(ن) فزعلي وخفف الحمل عني

حبه ذبحني ليتني ما تولعت
منه العذاب و زايد الشوق مني

لا قلت أبسلى رغبتي ما تمكنت
انا الذي في حبه ابكي و اغنيّ

لو إني من اول للغرابيل ثمَّنت

ما جيت حد حماه ولا طعني

[لوجين098]

ليه يوم حبيتك اكثر..زدت قسوه

ويوم دريت بحاجتي لك...زدت لي جفوه

ويوم عطيتك من حياتي ماتريده..ماكفاك

تحسب أن الحب عندي...نزوه

والله أني ياأحب الناس..أحبك

والله أنة الروح كانت لك ..فدوه

والله أني تارك(ن) غيرك..وجيتك

مزعل الزعلان والعذال..عنوه

كل دقة قلب فيني لك كانت قصيـده

تكفي الدنيا مع الأحباب غنوه

وكل هاجس مايجيب إلا خيالك

سلوتي بالعمر في صحوة وغفوة

أجمع إحساسي وأشواقي وأجيــــــــــلك

والبس ثياب الهوي والعشق كســـــــــوه

انتقيلك من سواليفي حسنها

والقصايد من غزلها...كل حلـــوه

وانثر العبرات والضحكات عندك

تاخذ اللي تلتقيلك فيه سلوى

وأذكر الله كل ماشاهدت حسنــــك

أشهــد إنك فوق عرش الزين ذروه

ماقصدت بكل هذا أتجمل..

أو اقول اني احق الناس حظــــــوه

أدري اني عادي ومافي ميزه

وادري اني كادحن..ماحاش ثروه

وأدري اني في خريف العمر ماضي

مابقي بيني وبين القبـــــــر خطـــــــــــــــــوه

لكن إني صادقن فيما أقوله

واطلب من الله عن الزلات عفـــوه
__________________

مدري متى ياحبيبي تفهم ؟



طال السفر

والمنتظر مل صبره

والشوق يا محبوب في ناظري شاب


رد النظر

خليت بالكف جمره

سعيرها في داخل القلب شباب


عز الخبر

والمهتوي ضاق صدره

يا من يرد العلم عن هاك الأحباب


طيفه عبر

ما أرسل مع الطيف عذره

هو خاطره من لوعتي ما بعد طاب


هو ما ذكر

أن الجفا فيه كسره

للخافق اللي من هوى صاحبه ذاب


يا ما سهر

طرفي على حبس عبره

اردها والوجد للدمع جذاب


دمعٍ حدر

جاله على المنع جسره

عظيم وجدي للدمع شرع الباب


يوم وشهر

عزاه والعمر مره

والناس واجد لكن الولف غلاب






ساعة الفرحة ..

يا ساعة الفرحه تشوقت للعيد

عيد العيون وعيد قلب الصبابه

رد الجمال لشوفتي يا اتلع الجيد

واسحب على حرفي لحون الربابه

حرفي بصوتك يا اجمل الصوت تغريد

يا رمز حبي هاك رمز الكتابه

يا صبح عمر فيك للعمر تجديد

وحبك يجدد كل يوم شبابه

للعين والقمرا وحسنك مواعيد

وليل الهوى شرع للأحباب بابه

ياما زعجت الصوت باسمك تراديد

وياما نسيم الوجد يمك سرابه

وياما تمنيتك على باقي الغيد

واقول مثلك يا غلا الروح ما به

ابيك تهوى مثل ما اهواك وتزيد

يا من خفوق القلب حسنك غدا به

يا قطرة الغيمه على يابس البيد

رد الحياة لخافقي يا ذهابه


ايوه قلبى عليك التاع ..
مايحتمل غيبتك ليله ..
عساه عساه مايرتاع ..
عليك يانافل ٍجيله ..
غنيت يابو عيون وساع ..
من غيرك اقصد واغنى له ..
معذور لو صرت بك طماع ..
من حبكم مالنا حيله ..
القلب من يمكم نزاع ..
لوحاولو صعب تحويله ..
مانيب من عاذلى سماع ..
والله ماقطع مواصيله ..
من لام راعى الهوى خداع ..
سيور الايام تبدى له ..
ماضاع عمرى معك لو ضاع ..
ماضيه والا مقابيله ..
سلمت لك خافق ٍ جزاع ..
عساك يازين تاوي له

ياليل خبرني على أمر المعاناة
هي من صميم الذات ولا أجنبيه
هي هاجس يسهر عيوني ولا بات
أو خفقه تجمح بقلبي عصيه
أوصرخه تمردت فوق الاصوات
أو ونة وسط الظماير خفيه
أوعبرة تعلقت بين نظرات
أو الدموع الى تسابق هميه
أعانى الساعه وأعانى مسافات
وأعانى رياح الزمان العتيه
وأصور معاناتى حروف وابيات
يلقى بها راعي الولع جاذبيه
ولاني بندمان على كل ما فات
أخذت من حلو الزمان ورديه
هذي حياتي عشتها كيف ماجات
آخذ من أيامي وأرد العطيه

لا يطول غيابك.. ثم اخذ عليه
لو تخليت عني .. عنك قلبي تخلي

العذر والتعلل والحكي.. مانبيه
من تحرك فؤاده بالهوى.. ماتخلي

طبعي الصبر لكن وش عليه ارتجيه
من طويل الصبر يعقوب وايوب ملا

دامني حي عطني وش بقى نحتريه
مابي دموعك.. اللي عقب موتي تهلا

مابفى بالعمر مقدر ما راح فيه
كل ما زل يوم(ن) .. يوم بالعمر ولى

مايعرف الجمر مثل الذي يكتبونه
احد يدفا بناره .. واحد فيه يتصــلى

يا من القلب حطيته براحته يديه
ما رضى له مكان له غير كفك محلا

كم تعذر وعيا عن هوى محتويه
لين طاح بيمينك بال غرام وتجلى


ياصاحبي هانت عليك المحبه

=لاوحسايف عقب هاك المواثيق

جمر الغضا في وسط قلبي تشبه
=نارٍ حطبها يابسات المعاليق

كاسٍ مليته بالوفا لاتكبه
=خلّه يبلل بالوصل يابس الريق

صبّه بقلبي ثم ملّه وصبّه
=وان كان ودك غرق القلب تغريق

دام الهوى راسي وراسك يهبه
=خذ سجّةٍ ترى زمانك توافيق

ترى حلاة العمر مع من تحبه
= شخص تريد من جميع المخاليق





لاتشتكي من جور الايام للناس ..

لا تشتكـي مـن جـور الايـام للنـاس ..
وادفن همومك في ثرى الصمت كله

اسرار عمـرك خلهـا تحـت الانفـاس ..
لا صــار هــرّاج القـفـا فاطـنـن لــه

هذاك يفرح لا لمس جرح الاحساس ..
و هــذا مـنـاه لا لـقــى فـيــك عـلــه

جو الربيـع بعجـة الصيـف ينحـاس ..
لاجت هروج(ن) ما تجي فـي محلـه

داعب همـوم الليـل لا هـب نسنـاس ..
وعطها الخبر من قلب خل(ن) لخلّه

قلّـه حبيبـك مـا وطـى قلبـه الـيـاس ..
حتـى عذابـك بالهـوا جـايـز(ن) لــه

تعيش بالوجدان ما عـاش هالـراس ..
لولاك قلـي وش انـا عايـش(ن) لـه

إن زانـت الايـام يــا شــوق لابــاس ..
ولاّ صـبـرنـا لــيــن ربــــك يـحـلّــه







**.

يا طـــــــــــــــــــارد

يا طــــــارد اللي راح خــله ومــلوه

ما يستــقيم الظــل لا عـــوج عـــــــــــــــــوده

ولا ينفــــع النـــدمان قولــة حــولاه

جـــحـــــــر لـــــــدغ يمنـــــــاك لا لا تعـــــوده

مد النظر في خلق ربي تمعناه

إلى انتقص من حال حال يزوده

الله جعــــل للمبتــــــــلي داه ودواه

وكل على عزمات قلبــــــــه حدوده


**.

يبكي الصوت و النظرات تشكي



و المعاني ولو صاحت حبيسه

يصمت الليل و التنهيد يحكي
و المعاليق في قلبي يبيسه

يا حبيبه سألت الليل انا عنك
و كل نجم فقد مثلي أنيسه

هل دمعي و قام الليل يبكي
و القمر نشّ من فرقى جليسه

ويل من شالته موجة بحرك
ليتني ما نزلت الشط أقيسه

لو لمستي البحير بأطراف يدك
من حلالك غدا طعمه مريسه

للهوى حس اذا لامس زهرك
ينعش القلب اذا جاني حسيسه

سـريــت لـيـل الـهـوى لـيـن انـبـلـج نــــورهـ
امـشـي عـلى الـجـدي وتـسـامـرنـي الـقـمـرا

طـعـس وغـديـر وقـمـر ونـجـــوم مـنـثــورهـ
وانـفـاس نـجـد بـهـا جـــرح الـدهـر يــبـــــرا

يـا نـجـد الأحـبـاب لك حـدر الـقـمـر صـورهـ
طــفـلة هــلال وبــنـت اربـع عــشــر بــــدرا

حـبـيـبـتـي نــجـد عـيـنـي فــيــك مــعـــذورهـ
مـعـشـوقـة الـقـلـب فـيـهـا للـنــظــر سـحــرا

فـضــة شـعـاع القـمـر فـي نـجد مـسحـورهـ
مـن شـاف لـمـعـة قـمـر فـي خـدةٍ سـمـــــرا





واسمحوا لي انها للاسف بعضها او غالبها مغناه

[لوجين098]

http://up.arab-x.com/Jan11/vFI55923.bmp (http://up.arab-x.com/)





يآمحمد زآدت آعۈآقي ڪڷ مآڛمـــــع نآيح آڷۈرقـــى
في حشى قڷبي ۈمعڷآقي حآرقه هي نآرهم حرقى
آڷمفـــــآرق دمر آعمآقي ۈڷي ذبحني ڛآعة آڷفرقى
حبهــــم في خآفقي بآقي ڷۈ بتبطي ڛآعة آڷمڷقى
زرع حبي صآبه آحرآقي ڪيف يبقى زرع مآيڛقــى
حيڷتي آبعث ڷه آشۈآقي من خفۈقن بآڷحزن يشقى
آڷغڷآ ڷه فـــــــآق آڷآفآقـــــــــي مآيحۈڷ دآيمـــن يرقى
طيفهم في نآظري بآقي ۈذڪرهم في خآطري يبقى

[نوفا91]

كيف انتهت وانهيت كل ذيك المشاوير

بجراح تفــريق منك وابكل تجريج وتكدير ...

.......

صح لسانج يالوجين ,,

[k111]

نقل راائع


يعطيك العافيه ~

[راعي ال VXR]

حتى الجروح اللي جبتها لي ما بها ذوق

كيف انتهت وانهيت كل ذيك المشاوير

بجراح تفــريق منك وابكل تجريج وتكدير ...

[لوجين098]

شكر على المرور والتوقيع الكريم