معاناة مقيمة من مواليد الدوحة

[ام راشد%]

السلام عليكم ورحمة الله وبركاته

الصراحة أنا اليوم الصبح زعلت واإاايد على صديقتي@أهي ماتم مكان ماقدمت أوراقها @وصارلها أكثر من 7 سنوات وهي تحاول تتوظف %اليوم راحت الحي الثقافي قالت على وعسئ يمكن يحن قلبهم%دشت على المدير %قألها والله تقطير ووزارة العدل الخ
أهي محسوبة علينا أنولدت اهني ودرست في مدارس قطر وتخرجت اهني%يعني مو حراإام والله ربي مايرضي ^أناشدكم ياليي تقرووون ^يعني قطعت قلبي اليوم الصبح اتصلتلي وتمت تصيح صياح تقول ليش جذي^عورت قلبي أحس اني
أتمني انكم تأخذون الموضوع بمحمل الجد شذنب. مواليد قطر من التقطير نبي حل جذري
واسمحولي

[R 7 A L]

الله يوفقها ان شاء الله
ويرزقها بالوظيفة الى تغنيها عن الناس

[الخير كله]

اقول هالقطر الحين مهب لاقين اشلون المواليد
هيييه
الله المستعان

[BURBERRY]

اختي الكريمه حتى المواطنيين و المواطنات مب محصلين وظيفة

الاجانب كلو الخضر و اليابس

الله يعينها و يعين الجميع

[.. Silent ..]

والله المواطنين مب محصلين ،، حتى مواليد قطر مب محصلين ؟!
الله يعين والله ..

الاجانب يسرحون ويمرحون ومآكلين خيرآت البلد =(

[الحره]

الله يفتح عليها أبواب رزقه وتتوظف بأسرع وقت

خليها دايما تدعي هالدعاء

اللهم ارزقني من حيث لا أدري ولا أحتسب

[الكونجرس]

الله كريم

[عزتي سمو ذاتي]

لاحول ولاقوة إلا بالله العلي القدير

التوظيف صار الحين مشكلة كبيرة حتى المواطنين وجامعين ماهم محصلين وظائف

خليها تكثر من الاستغفار والدعاء لرب العالمين هو الواحد القهار القادر على كل شي
ولاتيأس خليها تقدم مرة مرتين ثلاث وبإذن الله راح تفرج وإن شاء الله أحد من الأعضاء يقدر يساعدها

[الحره]

راويه رفيجتج

http://www.qatarshares.com/vb/showthread.php?t=429165

[روح الاطلس]

والله قريب لي له اربع سنوات وهو قطري اب عن جد عن عد عن سابع جد ولا لقى وظيفة لين يومج!!

الله يرزقهم جميع المواطن والمقيم

[تركي محمد]

التوظيف يعتمد على اشيا وايد

لازم تكون عارف ناس ممكن يتوصون لك
تكون اجتماعي ولك معارف ممكن يساعدونك
تكون عندك مؤهلات - مهارات


والي يتوظف ها توفيق من الله والي مايتوظف بعد هذا الله كاتب له يتاخر شوي

بقولكم كم شغله صارت لي


انا قابلت ناس كثيرة .... وبدون زعل
اغلب البنات لمه نقابلهم يكونون مايحتاج تحس انها بتاكل الشغل اكل

بس تستلم اول راتب ،، وترافج كم وحده بالشغل
تلاقيها طنشت وبدت حياة الكشخه وياهه وصارت عبئ على الجهة الي هي فيها

طبعا انا اقول البعض

والبعض الثاني الله بالخيييييييييييييييييييييييييييييييييير
تخيلوا في شباب وبنات ثانوية عامة لين الحين مب عارفين شلون ينزلون صفحة الوورد ومايعرفون يغيرون اسم ملف الوورد عقب مايحفظونه !!!!!!!!!!!

غير اللي لمه تكلمه للمقابله تقوله الساعه 9 ... يجيك الساعه 11 ؟؟ يقول عندي مقابله

اخبر اني اتصلت لاحد الاخوات لمقابلة كان المفروض موعد المقابله الساعه 9 ... يوم كلمتها قالت انا توني صايحة من النوم ظنيت انه على كيفي اجيكم بأي وقت !!!!

وغير هذا والله اعلم بالنيات ....... مثل موضوع الاخت هذا شفت منه وايد ويوم يتوظفون يصير اهمال فالشغل مافي نظام ولا مسؤولية وتقول الشغل ضغط وانا ماقدر ! وتضرب كرت الساعة 12و الدوام ينتهي 2

المقصد من كلامي هذا ان الوزارات و الشكرات الحين صارت حذره في التوظيف وتطلب ناس مواظبين يفيدون الجهة مب يكونون عبئ عليها

قوليلي يا ام راشد الاخت شنهي مؤهلاتها ؟ وشنهي جنسيتها بالضبط ؟
ابعثيها عالخاص

اتمنى الاخت هذي ماتكون من الفئه اللي ذكرتها

[الصريحه]

الله يرزقنا من فضله

[نورالهدى]

الله يرزقها ويرزق كل محتاج
والله كريم

[سبشل]

احنا بعد الوثايق مب محصلين شي بالمره
التقطير يعني يشغلون القطريين
انزين واحنا شنو يعتبرونه .. هاي الي ابي اعرفه
ترى ماعندنا جنسية بلد ثانيه عشان نروح لها او شي
المشكلة يعتبرونه اخس من الاجانب

[بدون]

الله يرزق كل محتاج

[العقل الحر]

هذي حالتنا بدون العنابي ! الفرق الوحيد الجواز ولا العبوا فينا

اما اذا كانت من الجنسيات المحسوبه عندنا كان كلام ثاني

[jeep-srt8]

اجل انا وش اقول

انا محتاج اعيل عيلتي لاني كبيرهم والوالد مو موجود ومواليد الدوحة جت على بالي اليوم الي يشتغل في المطاعم كم راتبه

المستقبل يخوف كل يوم يتغير ومافي وعد يبقى كله يتغير وهذا الي مسبب ازمة نفسية للناس

ونقول الله يفرجها على المسلمين

[basma222]

بنتي قطرية ومتخرجه من 5سنوات من كلية الشريعه ولا محصله وظيفه
قدمت له في الشؤون الاجتماعية و في الاوقات ولا حد رد علينا

[s500]

انزين ليش ما انولدت في بلادها عشان يتكفلون بها بلادها اولى لها