استفسار: لسفر لايطاليا

[عـجايب]

السلام عليكم ورحمة الله وبركاته

لو تكرمتوا من اي احد سافر ايطاليا يقول لي

وين أروح وشنهي الاماكن اللي لازم ازورها ؟

وين اسكن ؟ ولوفيه سايق تعرفون رقمه ؟

[البدع]

اعرف 3 راحوا ايطاليا

ومايمدحونها خير شر

يقولون كانك رايح مصر او سوريا ولو انهم متحضرين اكثر مثل اوروبا

انا ماسافرت

بس الي راح ياليت يقول رايه

احب اقرا اختلاف الاراء

[abu abdulla]

ايطاليا كبيره ومدنها كثيره وين تبون،،،، روما ، ميلان او فينس او فلورانس او نابلوي او سردينيا ومتى وقت السفر الان او الربيع او الصيف لان هناك بحيرات وشواطي وتزلج الثلج وكذلك التسوق وكل نشاط له اماكن واوقات
تحياااااتي

[عـجايب]

تسلم البدع على المشاركة

ــــــــــــــــــــــــــــــــــــــــــــــــــ ــــــــــــــــــــــ

اخوي بو عبد الله ان شــ الله ــاء بنسافر في عطلة الربيع

من 10/2 لين 27/2

بنمر على روما - فلورنس - فينسيا - ميلان

[باسكن روبنز]

آلي آسمع عنه من آكثــر من واحد آنهـآآ غاليـــه حيـــل ،

عـآد وين تروح وشتسوي؟؟ للآسـف ماعنديش العلــووم ،:shy:

شوف تقـآآرير آلي رآحوهــآآ من المسافـرون العـرب ،

بس الناس مايروحونهآآ كثـر دندن وباغيـس ،:)

تروح وترجع بالسلآآآمــه آخــوي ،

[غير البشر]

تسلم البدع على المشاركة

ــــــــــــــــــــــــــــــــــــــــــــــــــ ــــــــــــــــــــــ

اخوي بو عبد الله ان شــ الله ــاء بنسافر في عطلة الربيع

من 10/2 لين 27/2

بنمر على روما - فلورنس - فينسيا - ميلان


مرحبا اختي عجايب
مثل ماقالج اخوي البدع هي نفس مصر من حيث تحصل بعض السرقات والتزلق والتملحس

والسبب للأسف لان فيها مجموعه كبيره من دوله عربيه معينه :secret: وهم السبب بصراحه

ومكان تركزهم يكون في ميلانو وبالظبط المنطقه الي حول محطه قطارات ميلانو

احسن مكان في ميلانو واكثر شهره هي ساحه الدومو كلها مطاعم وكوفيهات وشارع مشاه

انا سكنت في فندق اسمه grand
وسبب السكن فيه لانه اقرب فندق لساحه الدومو هو فندق حلو والغرفه معقوله بس عيبه الاثاث اشوي قديم

فينيسيا : نصيحه لاتسكنون فندق قريب من البحر والسبب الروائح والقذاره والباعوض وخاصه اذا كانت السفره في الصيف
اذا تبغون تسكنون بعيد عن البحر

انصحكم وبقوه السكن في فندق nh
بصراحه فندق رووووووعه

روما : انا سكنت في فندق اسمه ويسترن ايست فندق صغير ومعقول وفي مركز المدينه وقريب من منطقه الاسبان
الاسبان : هي منطقه اسواق ومزدحمه جدا جدا وفيها شارع الماركات

فلورنس للأسف مازرتها :(

واي استفسار اخر حاضرين :victory:

[MBK]

انصحك انك ما تطول في ميلانو ٤ ايام بس واسكن في فندق اسمه grand rosa انا توني جاي من شهر بس اخذ الغرف المجدده لا تاخذ القديمه
انصحكم في فلورانس مدينه في الخيال جمال طبيعه عماره فنيه تحفه بس مال يومين(الاوت لت ماله عجيب اذا بتروحون شوبينغ)
فينيسيا مارحت لها
روما محد يمدحها

[(رمز المحبه)]

أيطاليــا

انا وبدون زعل ومع احترامي للأخوان الاشقاء من مصــر .. كانك في مصر

يسمون الايطاليين نفسهم ( مصاروة أوروبــا ) .. بالإضافه الى ان إيطاليا نسبة المصريين فيها كبيــره .. و 99.9% منهم داخلينها بشكل غير قانوني .. يعني تهريب بالإضافه الى الافارقه الاخرين من الدول الاخرى

في الفندق .. بتحصلون مصري .. // في المطعم .. بتحصلون مصري // في القطار .. بعد مصري

هذا الشي انا لاحظته في ميلانوو لما رحت لها السنة اللي فاتت .. كنت راايح لمؤتمر هناك .. وتميت فيها أسبوع .. الجوو كان روعه .. والمدينه حلووه .. وأشهر شي فيها ساحة الدوموو . والكنيسة الكبيره في نص الساحه .. والاسواق والكافيهات الفخـمه حول الساحه .. أهي حلووه ميلانوو بس غـاااااااااااليــه جدااً

إذا رحتوو لازم تجربون البيتزا رووووووووعه .. والباستا .. قاصين علينا هني بيتزا وباستا .. هناك والله اللذه على أصولها


اتمنى اكون أفدتك لو ببعض المعلومات عن ميلانووو

[الجـــــوري]

^
^
^

انا وياك المطاعم الايطاليه بقطر مقصه

لا بيتزتهم ايطاليه ولا المكرونات الله يعز النعمه

بالنسبه لايطاليا دايما اروح لها بس في المدن ما اطول اكثر من ٣ ايام بسبب العرب والزحمه

نروح مناطق خياااااااااااااال وين زلمسي عنها زلمسي تعتبر ولا ١٪ منها

والاحلى ان اللي فيها طلياان الشمال بس لا عرب ولا غيره

[أبي أربح]

السلام عليكم ..
عن نفسي انا كنت من شهر في ايطاليا .. واشوفها تجربة زوينة لكن لو قارنتها بفرنسا فرق السما عن الارض
روما تحسها كئيبة شوية موب شرحة عبارة عن ساحات وكل ساحة بها كنيستها و نافورتها .. خذ فندق قريب من المحطة عشان التنقل بالقطار افضل وارخص بكثير من السيارة ..
حدها يومين روما بعدين خذ الباص المكشوف وهو بيلف بك كل مكان وبيوصلك الفاتيكان ..

بعدين روح فلورنس يومين ومن فلورنس تاخذ القطار حوالي ساعة لبيزا تشوفه وترد الفندق بفلورنس وخذه جنب المحطة ..

بعدها اطلع فينيسيا والمدينة وايد حلوة والحين جوها يونس صحيح احترسوا من السرقات هناك أنا من تجربتي الشخصية كنت في محل ذهب وشرينا وطلعنا من المحل جانا البائع واتهم اخوي بالسرقة و جابوا لنا الشرطة وتحمل احد يزخكم في هالحالة ماتدري عنهم ..

ميلان اخر شي تقعد بها 3 ايام ..

ايطاليا غالية بس الشوبنج خيااااااااااااااااااااااااال

[TanGo]

ايطاليا بلد حلوه للناس الي تحب السفر والتعرف على اماكن جديده وشعوب جديده

والي يقول فرق بينها وبين فرنسا كل بلد وله حلاوته تبين حضاره وتراث روحي ايطاليا تبين سهر وشوبينغ وقعدات كوفي روحي فرنسا

انا زرت ايطاليا من شمالها لي جنوبها بلد حلوه ومتنوعه وكل منطقه عندهم لها طعم واجواء خاص فيها

بس الي يعيبها الغلا الفاحش بالنسبه لدول اوروبا هي اغلاهم واللي راح بالصيف يكرهه لأنها حااااره ومملكه بالصيف من كثرة العرب

انصح زيارتها بعد الصيف جو ربيعي ولا خريفي

وهذا تخطيط يشمل ابرز المدن فيها

3 ليالي روما حضاره
3 ليالي فلورنس فن وجمال
3 ليالي فينيس رومانسيه
3 ليالي لوغانو جمال استجمام طبيعه خلابه مغامرات
والعوده
ميلان للتسوق المده الي حاب تقعد فيها
واذا حاب جزر فيها جزيرة كابري اللي يزورنها اغنى مشاهير العالم
والتنقل بين المدن بسيارة تاخذها من الفندق مع السايق او بالقطار المده ساعتين تقريبا بين كل مدينه واخرى

وحط في بالك كل بلد ولها ناسها

اتمنى لك سفره موفقه

[الفتى]

تسلم البدع على المشاركة

ــــــــــــــــــــــــــــــــــــــــــــــــــ ــــــــــــــــــــــ

اخوي بو عبد الله ان شــ الله ــاء بنسافر في عطلة الربيع

من 10/2 لين 27/2

بنمر على روما - فلورنس - فينسيا - ميلان

أخي الكريم أنا سافرت العام الماضي إلى إيطاليا بنفس هذا الوقت بتاريخ 12/2 كان يوم خميس و كانت الطيارة بالمساء و صلنا هناك الصباح الباكر كنت أنا و زوجتي ... ، أول ما وصلنا ميلان كانت أجراءات الدخول سهله للغايه و صلنا مع طلت الشمس توجهنا لمحطة القطار و من هناك أجرت سيارة و توجهت فيها إلى لوغانوا

جلست في لوغانوا ثلاث أو أربع أيام و من هناك زرت بعض المناطق القريبه منها como الأيطالية و أنترلكن و بعد في منطقه .

و بعدها ذهبت لميلانوا و جلست خمس أيام بس أول ثلاث أيام رحلات بعيده بالسيارة اللي مأجرها
مثل بيتزا لزيارة برج بيتزا المائل ( و بشرك أنا مع الربع هناك تعاونة و عدلناه )
و رحت فيرونا زرنا روميو و جليت
و مدينه ثلاثه نسيت أسمها
و أخر يومين دواره كعابي بميلان و بعدها توجهت بالقطار إلى فينيسيا و الصراحة روعه و مكثنا فيها 3 أيام و هي كفايه جداً ومناسبه و بعدها روما 3 أيام لكن روما بلد تاريخ أذا تحب الأثار بتستانس و بلد روعه .

بشكل عام أيطاليا حلوه جدا ولو أوتيحت لي الفرصه بزورها مره ثانيه بس بتوقيت الشتاء لأنه بالصيف ما يمدحونها

عيبها الأكل

أذا في أستفسار أنا حاضر حط أستفسارك هني و طرش لي رساله على الخاص تذكرني بالموضوع عشان أمر و أشقر عليه .

تروح و ترجع بالسلامة و لا تنسى ثقل من الملابس و الله الله بالقفازات

و أذا تقدر أتأجر سيارة بتستانس - أنا أجرت برومه بعد سياره يوم واحد عشان أروح الأوت لوت لأنه بالتكسي غالي جداً و يمكن ما تحصل حد يردك (على كلام الكنسيرج ما الفندق) و بالباص ينزلك هناك ويرد لك عقب 6 ساعات فاجرت سياره ورديتها بنفس اليوم عشان ما أدفع فلوس الموقف :)

[TanGo]

أخي الكريم أنا سافرت العام الماضي إلى إيطاليا بنفس هذا الوقت بتاريخ 12/2 كان يوم خميس و كانت الطيارة بالمساء و صلنا هناك الصباح الباكر كنت أنا و زوجتي ... ، أول ما وصلنا ميلان كانت أجراءات الدخول سهله للغايه و صلنا مع طلت الشمس توجهنا لمحطة القطار و من هناك أجرت سيارة و توجهت فيها إلى لوغانوا

جلست في لوغانوا ثلاث أو أربع أيام و من هناك زرت بعض المناطق القريبه منها como الأيطالية و أنترلكن و بعد في منطقه .

و بعدها ذهبت لميلانوا و جلست خمس أيام بس أول ثلاث أيام رحلات بعيده بالسيارة اللي مأجرها
مثل بيتزا لزيارة برج بيتزا المائل ( و بشرك أنا مع الربع هناك تعاونة و عدلناه )
و رحت فيرونا زرنا روميو و جليت
و مدينه ثلاثه نسيت أسمها
و أخر يومين دواره كعابي بميلان و بعدها توجهت بالقطار إلى فينيسيا و الصراحة روعه و مكثنا فيها 3 أيام و هي كفايه جداً ومناسبه و بعدها روما 3 أيام لكن روما بلد تاريخ أذا تحب الأثار بتستانس و بلد روعه .

بشكل عام أيطاليا حلوه جدا ولو أوتيحت لي الفرصه بزورها مره ثانيه بس بتوقيت الشتاء لأنه بالصيف ما يمدحونها

عيبها الأكل

أذا في أستفسار أنا حاضر حط أستفسارك هني و طرش لي رساله على الخاص تذكرني بالموضوع عشان أمر و أشقر عليه .

تروح و ترجع بالسلامة و لا تنسى ثقل من الملابس و الله الله بالقفازات

و أذا تقدر أتأجر سيارة بتستانس - أنا أجرت برومه بعد سياره يوم واحد عشان أروح الأوت لوت لأنه بالتكسي غالي جداً و يمكن ما تحصل حد يردك (على كلام الكنسيرج ما الفندق) و بالباص ينزلك هناك ويرد لك عقب 6 ساعات فاجرت سياره ورديتها بنفس اليوم عشان ما أدفع فلوس الموقف :)



رحله فناااانه ماشاء الله

وانا بعد زرتها على نهاية 10 كانت خيييال برررد وبررد حلووو :victory: