محطة بترول الدحيل [الأرشيف] - منتديات شبكة الأسهم القطرية

جبر

15-01-2011, 02:20 AM

تلك المحطة الهادئة بها مجمع صغير يرتاده الكثير من العائلات لشراء حوائجهم المنزلية وكذالك محطة بترول لتعبئة الوقود وكذالك محلات لبيع لوازم البحر والبر قبل التوجة للشمال ومطعم مشهور الا ان القدر اراد ان يفتح محل لبيع ...شاي كرك..والا اريد ذكر الاسم

اصبحت كل الطرق مسدوده بسبب التجمعات الشبابية وما يصاحبها من اطلاق ابواق السيارات بصورة مكثفة حتى الصباح مما ادى ذالك الى ازعاج لسكان وكذالك استعراض لسيارات خلف المحطة بصوره يومية والاخرين يقومون بصف سياراتهم عند تعبئة الوقود للحديث ورمي علب الكرك وكذالك التدخين وبعد ذالك رميها في اماكن خطره ..يوجد في قطر قانون حظر التجمعات انها تجمعات باعينها تهدر وقت الشباب وتاخذهم لابعد من شرب الشاي الكرك
ارجو من المسؤلين بان يجبرون محلات بيع الشاي الكرك باغلاق المحلات مبكراا لتفادي التجمعات وكذالك لراحة السكان من ابواق السيارات التي لاتتوقف حتى الصباح
وانا بصفتي من ساكني المنطقة ساقوم بتصوير الحاصل داخل المحطة وتوجة الى بلدية الدوحة والى ابعد من ذالك ايضا
تقبلو تحياتي

R 7 A L

15-01-2011, 02:28 AM

وين راحة السكان ؟
في محطة بترول ؟

اذا كانوا يدخنون قريب مضخات البترول فهذا خطر لابد من تدارك الموضوع قبل ان يقع الخطر

Qatar-King

15-01-2011, 02:31 AM

من حقك تشتكي للجهات المختصة لأن الوضع أصبح لا يطااق ,,,

المفروض محلات الكرك تحط لوحة و تكتب فيها (( لا يوجد توصيل طلبات للسيارة )) أريح لنا ,,

باالتوفيق ,,,

بصمة قطرية

15-01-2011, 04:26 AM

الله يكون يعونكم ..
فعلاً سكان المنطقة اللي بيوتهم قريبة يتأذون وينزعجون ..
مشكلة الكرك صــار ~ إدمــان ~
وبالنسبة للتدخين جداً خطر وفي محطة البترول ..!!

البانوش

15-01-2011, 05:22 AM

اذا محل الكرك صاحبة فقير مسكين باجر بيسكرونة

اما اذا صاحب المحل هامور ولاموظف في البلدية انسى ذالك لو تجيب اقبر واسطة في البلد

ودليل شارع النجادة فية ثلاث معاصر بقدرة قادر تحولت الى ثلاث مطاعم

وبدون تصريح ونظافة صفر على الشمال وصراصير تسرح وتمرح ودائما رواد سوق الاسهم القطرية

من الخليجيين زبائنة ولايعلمون ماذا بداخلة ولكم القرار.

<اضرب واشرد>

15-01-2011, 06:08 AM

عليك بالجرايد اخوي

جبر

15-01-2011, 06:27 AM

الشباب يتواعدون عند مكان شرب الكرك لين تصير تجمعات ومشاكل ويصكرون المكان كل واحد صاف سيارتة بالغلط ومصكر الطريق وازعاج وماتحصل اجنبي بينهم لانا الاجنبي يستثمر وقتة في اشياء مهمة مثل الدراسة وغيرها من اشياء مهمة في حياتة

حسن

15-01-2011, 06:40 AM

وش سالفه هالكرك المنتشر الضاهر امهم هنديات الله يلوع شبودهم

لاجل QT

15-01-2011, 07:08 AM

رجل مثالي

15-01-2011, 08:10 AM

أخوي أنا من سكان منطقة الدحيل المحطة فيها الكثير من الخدمات الجيدة

ولكن ما قلته صحيح بخصوص الزحام عند محل الكرك ويوجد حل لهذا

الموضوع بأن تضع لافتات للتنبيه على عدم الزحام كثيرآ في هذا المكان

وأفساح المجال للسيارات بالتحرك بسهولة دون عائق للسير من الشباب وغيرهم

حفاظآ على الهدوء في محطة البترول المفيدة لكثير من الناس والله يهدينا جميعآ

وعندي ملاحظة بخصوص الشارع الذي تم الأنتهاء من الأعمال الحفرية فيه

المؤدي الى دوار الرادار المهم لجميع المناطق ولكن هناك ملاحظة بعدم

وجود أنارة في هذا الشارع المهم والحيوي لجميع الساكنين في منطقة الدحيل

حفاظآ على أرواح مستخدمين هذا الشارع الحيوي من حوادث السيارات

لا قدرالله لأن الرؤية صعبة جدآ في هذا المكان وخصوصآ في الليل

فنتمنى من المسؤولين أتخاذ اللازم من حيث أنارة هذا الشارع المهم

chillis

15-01-2011, 11:02 AM

االله يهديهم..جننونا مع هالكرك تقول اختراع العصر..

انا ادور على المحطة هذي من فترة لان في محل يبيع ملابس اسفونج بوب للاطفال قريب منها ...اللى يعرف يدلينى اكون ممنونة لة
والسموحة صاحب الموضوع دشيت عرض :shy:
انا بدش عرض معاج اختي تلقينه بمنتدى السوق العام في وحده تبيع هناك اكثر شغلات سفنج بوب. وبالنسبه لك اخوي مافي الاتقدم شكوى وقت التجمع خله الفزعه يجون ويشوفون بعينهم الله يعينك ويصلح حال بعض الشباب

الدوحه%

15-01-2011, 11:14 AM

الله يهداهم بس ماعندهم ميلس ..انا سمعت بعد عن تسكير الشارع الي يصير هناك والزحمه الي يسوونها قليلين العقل وهم يدرون ان هالشي يزعج ناس وايد ..
قال رسول الله - صلى الله عليه وسلم -: إياكم والجلوس في الطرقات قالوا: يا رسول الله ما لنا من مجالسنا من بد نتحدث فيها، فقال رسول الله - صلى الله عليه وسلم -: فإذا أبيتم إلا المجلس فأعطوا الطريق حقه، قالوا: وما حق الطريق يا رسول الله ؟ قال: غض البصر وكف الأذى ورد السلام والأمر بالمعروف والنهي عن المنكر متفق عليه.
الله اكبر ..هاي كلام الرسول الي المفروض قدوة للشباب المسلم ..هل من متبع ..:)
اشور عليك تكلم البلدية ترى الحق عندك ..

@north_star@

15-01-2011, 11:19 AM

سبحان الله هالمحطه اول ما فيها زحمة كلش وبالصدفه يوم الخميس غلطت وواعدت واحد صوب محل الكرك وتوهقت بالزحمة وتاخرت عن موعدي
فعلى الاقل اللي يطلب ياخذله لفه ويعود بيحصل طلبه جاهز اما يتم ناطر الكرك وينقع خلق الله وراه فهذا مب من حقه

الصاعق الحارق

15-01-2011, 01:06 PM

قلنا في مواضيع سابقة المشكله في محل الكرك هذا فاتحه عند محل يبيع التموين ومحل خضرة كل شيبان قطر الساكنين قريب من هلمنطقة يشترون تموينهم من هذا المحل حاليا مافي مواقف الشيبه يقعد يحوس ساعه لين يصف ويشتري وياخذ احتياجاته من محل التموين كم مرة التقيت بلشياب يقعدون يتشكون من زحمه والبلاوي الي مسويها محل الكرك لاصار فيه حشيمه لكبار السن صج ناس ما تستحي ولا تخيل

جلمود

15-01-2011, 01:10 PM

والله ياخوي ونت صادق أستاذينه منهم

حتى المكان صار كرم السامع قذر من أقلاصات الشاي والقراطيس

والمصيبه الطرق صارت مسدوده من الزحمه

ولد الشحانية

15-01-2011, 01:21 PM

موضوع ماله داعي يالغالي هذا شبابنا وين تبيهم يرحون
احسن من المجعات والفنادق

دااانة قطر

15-01-2011, 02:21 PM

بوحارب

15-01-2011, 02:29 PM

مساكين الشباب في كل مكان وهم مطاردين :)

ترى مب الشباب اللي يكركون بس حتى الرجال الكبار يمرون ويمرون شباب مع حريمهم

والشرطة يمرون بدورياتهم وحتى بعض الحريم :omen2:

وحنا مع اللي يجي بأحترامة ويروح بأحترامة لكن اللي يسوي ازعاج هذا اللي لازم يوقف عند حده

والوعد عند وقت الشاي عقب صلاة العصر يا جبر هههههه :victory:

زين هاللي يكركون عند المعااصر ماعندهم حد يسوي لهم كرك في البيت ولا مايعرفون يسوونه بنفسهم:omen2:

بلا عندهم من يسوي لهم واحسن من كرك المطاعم بعد

وبعض الشباب يسوون لنفسهم بطريقة احلا وحلا

بس الواحد ما بيتم 24 ساعة في المجلس ويبغي يغير جو فماله الا الشارع :omg:

جبر

16-01-2011, 04:41 PM

محلات بيع الكرك تسوي تجمعات وخذ مشاكل

طموحة

16-01-2011, 04:47 PM

محطة بترول دحيل هي نفسها محطة قطر..؟!

جلمود

16-01-2011, 04:49 PM

محطة بترول دحيل هي نفسها محطة قطر..؟!

صحيح عن جسر الشمال

مضاد

16-01-2011, 10:58 PM

http://img801.imageshack.us/img801/4973/karac.jpg

!!!

http://www.qatarshares.com/vb/showthread.php?t=424574

M007

16-01-2011, 11:07 PM

بصراحة سالفة الكرك صارت سخيفه

شنو ماشايفين خير

Qtrun

16-01-2011, 11:11 PM

بااااااااااااااال كل هالشباب طلعوا في الدحيل

هلا بالجيران

انا صار لي سنه تقريباً مادخلت هالمحطه بسبب ظروف سفري رجعت من السفر دشيت المحطة الا أشوووووف زحمه مب طبيعية قلت هوشه ولا شي يوم وصلت الا اشووووف العالم كلها كرك قلت مايسوى علينا عفس الدنيا هالمحل

بس أحلى شي في هالموضوع عرفنا هالجيران اللي ماندري عنهم ..

QATAR-2006

16-01-2011, 11:24 PM

الزحمه مب طول الوقت تبدا وقت المغرب لين 9 او 10

الي يبي التموين يروح الصبح او العصر

على قولة المصريين تسوون من الحبه اوبه

روميت

17-01-2011, 01:22 PM

وين راحة السكان ؟
في محطة بترول ؟

اذا كانوا يدخنون قريب مضخات البترول فهذا خطر لابد من تدارك الموضوع قبل ان يقع الخطر

هذي كارثة ....!

شمس قطـر

17-01-2011, 05:54 PM

بصراحه احنا ساعات نمر وناخذ كرك كنوع من تغيير الجو ونروح نتمشى مافيها شي بس مانسوي زحمة

في شباب يسوون زحمة ويعطلون السر ويدخنون صوب المحطه وهذا غلط

اما اللي رايح بغرض تغيير الجو ما ينلام ومب غلط ولا عيب

بس بدون ازعاج الاخرين ويرتاح على حساب راحة الاخرين

تحياتي / شمس قطر