المساعد الشخصي الرقمي

مشاهدة النسخة كاملة : ساعدوني : ابغي اسوي مطبخ منتوع من البيت ..ومب عارفه كيف ابتدي ..


الدوحه 2007
15-01-2011, 10:32 AM
السلام عليكم

ابغي اسوي مطبخ منتوع من البيت لانه الصراحة ما عندي لافتح محل حاليا

ومب عارفه كيف ابتدي ..

يا ريت صاحبات الخبرة في هذا المجال تعلموني كيف أبدء مشروعي المتواضع هذا.. ؟

وكم عاملة احتاج ؟ وكم بيكلفني المشروع كله ؟

انتظر ردودكم وآراائكم
مسك روز
16-01-2011, 05:59 PM
الله يوفقج اختي ..


بس ياريت تذكرين شوية تفاصيل

مثل كم راس المال اللي ممكن تدخلين فيه هالمشروع؟

نوع الاكل اللي بتسوينه؟


اتمنى الاخوان والاخوات يساعدونج


موفقه ان شاءالله
حبيبتي الاسهم
16-01-2011, 06:14 PM
موووووووووووووووووووفقة ياااااراب وانشاء الله ناكل من طباخكم ... :victory:
بو فهد
16-01-2011, 06:19 PM
راس مال في حدود خمسسسة الاف ريال

معرفة تامة لتنسيق وديكور الاواني ......... ا التى سوف تقدم بها الطلبات

البداية معرفة تامة بعمل الفطائر والكب كيب وبعض الحلويات الشعبية او وجود خادمة تقوم بهذة المهمة

الافضل .....وسيلة لتوصيل الطلبات

الاعلان ودعاية او عن طريق الهاتف

وفقكم الله.
الدوحه 2007
16-01-2011, 06:47 PM
الله يوفقج اختي ..


بس ياريت تذكرين شوية تفاصيل

مثل كم راس المال اللي ممكن تدخلين فيه هالمشروع؟

نوع الاكل اللي بتسوينه؟


اتمنى الاخوان والاخوات يساعدونج


موفقه ان شاءالله

راس المال تقريبا 10 الاف ريال هذا الموجود في الوقت الحالي

نوع الاكل الفطاير الخفيفة و بعض الاكلات الشعبية بالاضافة الى الحلويات

يريت تقولين لي ايش الاكلات المطلوبه حاليا فالسوق اذا كان عندج خبره

شاكره مرورج الكريم الغالية
الدوحه 2007
16-01-2011, 06:48 PM
موووووووووووووووووووفقة ياااااراب وانشاء الله ناكل من طباخكم ... :victory:

ان شاء الله قريبا الغالية

وبالعافية مقدماً

وشاكره مرورج ودعواتج الطيبة
الدوحه 2007
16-01-2011, 06:50 PM
راس مال في حدود خمسسسة الاف ريال

معرفة تامة لتنسيق وديكور الاواني ......... ا التى سوف تقدم بها الطلبات

البداية معرفة تامة بعمل الفطائر والكب كيب وبعض الحلويات الشعبية او وجود خادمة تقوم بهذة المهمة

الافضل .....وسيلة لتوصيل الطلبات

الاعلان ودعاية او عن طريق الهاتف

وفقكم الله.

شكرا اخوي بوفهد ويشرفني مرورك

جزاك الله كل خير
حبيبتي الاسهم
16-01-2011, 07:01 PM
ان شاء الله قريبا الغالية

وبالعافية مقدماً

وشاكره مرورج ودعواتج الطيبة



يعافيش وانا واحد مب وحدة :omg: وترى اكثركم جرح رجولتي والسبب تفكيرة اني وحدة :eek5:

عمووووومن بالتوفيق وادعي ربش في بداية الموضوع واستخيري .؟:victory:
الدوحه 2007
16-01-2011, 07:07 PM
يعافيش وانا واحد مب وحدة :omg: وترى اكثركم جرح رجولتي والسبب تفكيرة اني وحدة :eek5:

عمووووومن بالتوفيق وادعي ربش في بداية الموضوع واستخيري .؟:victory:

اسفه اخوي مو قصدي

وان شاء الله بستخير و اذا لي فيه خير ربي بوفقني فيه

ومالك الا طيبة الخاطر
حبيبتي الاسهم
16-01-2011, 07:13 PM
ما يحتاااج الاسف يبة والدعوة توضيح وكلش ذووووق
مسك روز
22-01-2011, 06:16 PM
من وجهة نظري ..

المطلوب هالايام ..الكب كيك وكيكة الحفلات

بالاضافة الى الحلويات وخصوصا التوزيعات اللي تصير بالاعراس

ركزي عليهم ..

الله يوفقج حبوبه
SonOfQatar
25-02-2011, 01:41 AM
إقتراحي يا إختي الآتي:
1) أول شي تجيبين طباخه محترفة إندونيسية أو غيرها.
2) تحددين المكان اللي بتشترين منه أواني اللي تقدم فيها المأكولات بحيث تكونين عميله لهم و يراعونك بالأسعار.
3) تتفقين مع محل تغليف مثل محلات الهدايا و تعلمينهم عن شغلك و تقولين بكون لكم عميلة بشرط تراعوني فسعر التغليفات .
4) رابعا إستخيري و توكلي على الله.
5) الدعاية و الإعلان.
بالتوفـــــــــــــيق
كبشينو
04-03-2011, 03:19 PM
عندي مطعم اذا تسوين اكلات شعبيه وتعرضينهم عندي ماعندي مشكله ولارباح نتفق عليها
a.s
04-03-2011, 06:49 PM
بسم الله الرحمن الرحيم ..


اول شي اختي لازم يكون عندج الخبره الكافية في الطباخ ..

وبعدين تحددين او تخصصين نوع المجال اللي راح تمشين فيه ..

( حلويات - عيوش- مقبلات - فطاير وسندويشات )

وابتدي في نوع واحد

لازم تفكرين في سوال وايد وايد مهم ..


( شنو اللي يخلي الناس تترك الباقين وتجيني ؟ )

يعني لو بتسوين حلويات في مليون وحده عالساحه تسوي حلويات..

شلون تقدرين تخلين الزبون يترك هالمليون ويجيج انتي ليشتري منج :*)

وممكن مثلا يكون عده اشياء _ الطعم لذيذ
- الاسعار مناسيه
- جوده التقديم ....

المهم .. هاي اول شغله


الشغلة الثانية اختي .. انج تسوين منيو فيه الاشيا اللي بالضبط بنتسوينها حتى لو بينج وبين نفسج

عشان تعرفين شنو حدود مقدرتج ..

وبعدين في خطوات ثانية - هي الدعايه والاعلان وشلون تسوقين بضاعتج
وسستم الشغل اللي راح تمشين عليه ..
وبعدين بالنسبه لهالمشروع راس المال جدا جدا بسيط شيء لا يذكر

والعشر الاف اللي عندج انشالله بتكفيج وزود

واهم شي الاستخاره والدعاء

والله يوفقج اختي واذا محتاجه اي مساعده انشالله نقدر نفيدج :)
أخو من طاع ربه
04-03-2011, 07:16 PM
الله يوفقج اختي ..


بس ياريت تذكرين شوية تفاصيل

مثل كم راس المال اللي ممكن تدخلين فيه هالمشروع؟

نوع الاكل اللي بتسوينه؟


اتمنى الاخوان والاخوات يساعدونج


موفقه ان شاءالله

حاضرين للطيبين يوجد لدينا ورشة المنيوم ومستعدين نسوي لج رفوف