المساعد الشخصي الرقمي

مشاهدة النسخة كاملة : ارجوا المساعدة حد يدلني على مواصفات ومحلات درايش الالمنيوم ؟


BoFahed
15-01-2011, 03:25 PM
السلام عليكم ياالربع

ابي اركب 40 دريشة المنيوم النوع الابيض لفلتين استثمار ( صالة وحمام ) بعظها دائري بغيت من الاخوان اعرف شنو احسن مواصفات وشنو الفرق عادي ولا دبل غلاص وشنو احسن محل مجربينه وسعره مناسب لانه المحلات وايد بس التركيب يلعب دور
شموخ دائم
15-01-2011, 07:57 PM
,

,


مرحبا


اخوي الكريم

محلات الالمنيوم كثيره فيها الرخيص وفيها الغالي

احنا نتعامل مع " شركه الاختصاصي "

في شارع سلوى محل معروف وشغلة نظيف ويستخدم الاكسسورات
والقطع الصغيره ايطاليه


وبتلاقي ارخص اذا رحت للورش الصغيره

الدبل قلاص طبعا احسن اكثر متانه وعازله للصوت والغبار وشكلها احلى
وسعرها اغلى دبل على الشباك العادي

اذا استثمار وتشطيبها عادي اعمل الشباك العادي سنقل قلاص

المواصفات المنيوم بحريني
السماكه 2 مم واذا المحل ماعنده استخدم 1.8 مم
والزجاج بلجيكي او امريكي بسماكه 6 مم


الغش في محلات الالمنيوم

يحط المنيوم صيني
سماكه الالمنيوم تكون 1.6
صعب على الانسان العادي يكتشف هذا الشي
لايوجد اي فرق بالشكل بين النوعين

بالتوفيق لك


اخوك



شموخ دائم
BoFahed
16-01-2011, 01:37 AM
الف شكر اخوي شموخ على تجاوبك بس حبيت اعرف مافي طريقة اكتشف فيها الصيني من البحريني

وانتظر ردود باقي الاخوان