القاعده الاسمنتيه اللي تجي تحت الفلتر والسخان المركزي

[r07]

بغيت اعرف القاعده الاسمنتيه اللي تجي تحت الفلتر والسخان المركزي الخ...هل المفروض تنسوى قبل عازل السطح اوبعده؟ وهل ممكن الاستغناء عن القاعده او استخدام مواد خفيفة الوزن بدل الكونكريت؟ وشكرا

[khaldoon]

اخوي لو سويت عازل السصج اولا و بعدين حميته بطبقة من السكريد و بعدين سويت فوق طبقة السكريد سويت هذه القاعده يكون افضل

اما لو سويت هذه القاعده قبل فاحتمالية تسرب الماء من احد جوانبها نتيجة سوء مصنعيه في تركيب طبقات العازل خصوصا عن نقاط الالتحام في water proofing membrane

ما تقدر تستغني عن القاعدة بس ممكن تسويها طابوق و تعبيه بالكونكريت زين و تسوي عليه طبقة قصاره

[Chambray]

وش معناه السكريد ؟

[khaldoon]

وش معناه السكريد ؟


اخوي السكريد هو طبقه من الخرسانه عباره عن رمل و اسمنت و حصى صغير الحجم مع بعض المضافات الكيميائيه او مواد اخرى مثل البولميرات لكي تساعد على سهولة تشكيلها و اعطائها الصلابه و الالتصاق لاغراض العمل المراد منها و الهدف منها هو عمل مسطحات ملساء من اجل تركيب البلاط عليها مثلا فهذه الطبقه لا يجوز ان تكون نهائيه في المبنى بل يأتي فوقها طبقه اخرى تغطيها من بلاط او حصى او غيره


في حالة سماكة السكريد اكثر من 40 ملم فيمكن استعمال حصى بحجم 10 ملم و الحصى المستخدم لا يجب ان يكون من مواد ضاره مثل الفحم او جزئيات الحديد و التي تؤثر على سطحها

[r07]

اخوي لو سويت عازل السصج اولا و بعدين حميته بطبقة من السكريد و بعدين سويت فوق طبقة السكريد سويت هذه القاعده يكون افضل

اما لو سويت هذه القاعده قبل فاحتمالية تسرب الماء من احد جوانبها نتيجة سوء مصنعيه في تركيب طبقات العازل خصوصا عن نقاط الالتحام في water proofing membrane

ما تقدر تستغني عن القاعدة بس ممكن تسويها طابوق و تعبيه بالكونكريت زين و تسوي عليه طبقة قصاره

مشكور اخوي..اول شي ايش هي القصاره؟
ثاني شي..
احنا ناويين نبلط السطح ..ممكن تعطيني الخطوات بدايه من العازل لغاية البلاط والقاعده الاسمنتيه..اشرايك للقاعده احط طابوق بسمك 10واعبيه كونكريت عشان الوزن..او اني اسوي القاعده من الألمنيوم عشان يكون اخف ؟؟(انا ابغي شي خفيف لأن المكان اللي باحط فيه التانك وخلافه بيكون فوق غرفه 5*7 ومافيه اي جسور )
وسؤال ثاني بالنسبه لتصريف مياه الامطار اللي على السطح هل يكون من بيبات حمامات الدور الاول مثل ما قال لي السباك ولا لها تصريف مستقل عن الحمامات؟
(للعلم احنا مخلصين العظم الحين و الرسومات كان فيها نقاط لتصريف مياه السطح بس في الواقع ماشفت شي على السطح )
جزاك الله خير...

[khaldoon]

مشكور اخوي..اول شي ايش هي القصاره؟
ثاني شي..
احنا ناويين نبلط السطح ..ممكن تعطيني الخطوات بدايه من العازل لغاية البلاط والقاعده الاسمنتيه..اشرايك للقاعده احط طابوق بسمك 10واعبيه كونكريت عشان الوزن..او اني اسوي القاعده من الألمنيوم عشان يكون اخف ؟؟(انا ابغي شي خفيف لأن المكان اللي باحط فيه التانك وخلافه بيكون فوق غرفه 5*7 ومافيه اي جسور )
وسؤال ثاني بالنسبه لتصريف مياه الامطار اللي على السطح هل يكون من بيبات حمامات الدور الاول مثل ما قال لي السباك ولا لها تصريف مستقل عن الحمامات؟
(للعلم احنا مخلصين العظم الحين و الرسومات كان فيها نقاط لتصريف مياه السطح بس في الواقع ماشفت شي على السطح )
جزاك الله خير...

اعتذر اخوي اني ما انتهبت لسؤالك وما تابعت الموضوع

القصاره؟؟...اخوي ايش تسمي طبقتين بسماكة 2سم من المونه من الاسمنت و الرمل و الماي اللي تغطي الطابوق و الاعمده و الجسور و بعدين نمعجتها و ندهنها؟؟...هذه هي القصاره او سميها البياض مثل الاخوان المصريين او سميها internal plaster للداخلي و external plaster or external rendering للخارجي

___________________________

اول شي اخوي تنعم السطح تماما و تشيل كل المواد غير المتماسكه وسهلة الازاله لو ضربت عليها بالمطرقه و تسمى loose materials علشان تضمن تركيب العازل المائي بشكل جيد و عمل زوايا 45 درجة على حوائط السقف بطول 5سم لانه لا يمكن كسر العازل المائي 90 درجة و هذا سوف يتلفه في حالة تركيبه على اي زاويه سواء داخليه او خارجيه

بعدين تقوم بدهان السطح وجهين من البيتومين الاسود واحد باتجاه عامودي و الثاني باتجاه افقي علشان تضمن انه مدهون بشكل جيد و ما في حراميه مثل ما يسمونها وهي المناطق اللي دهانها ضعيف و يظهر لون الخرسانه الاصلي منها يعني علشان يكون اللون اسود ومتجانس

بعدين تركب العازل المائي....يرجى الانتباه هنا الى ان العازل المائي water proofing membrane يبدأ تركيبه على السطح على شكل رولات من اخفض منطقه في السطح الى اعلى منطقه بحيث انه كل طبقة من الرول تأتي فوقها طبقة اخرى و تكون مركبه فوقها بقيمة 10 سم overlap اي تداخل او تشابك او تراكب بحيث ان منطقة الاتصال بين كل طبقة رول و اخرى لا تتعرض الى الماء ولا تكون مقابله له خلال هبوطه من المنطقه الاعلى الى المنطقة الاخفض اي تركب تماما مثل تركيب بلاطات الرووف roof tiles

بعد الانهاء من تركيب العازل المائي و وضع الماء لمدة 48 ساعه على الاقل ومراقبة السقف من الاسفل و التأكد انه لا يوجد تسرب للماء بتزيل الماء و بتقوم بوضع العازل الحراري و يكون سماكة 7سم تقريبا مثل الفلين و انتبه لنوعيته هل هو من النوع الحبيبي ام من نوع اكثر تماسكا...طبعا النوع الحبيبي يكون اقل و اضعف ...تقوم بتركيب الواح العازل الحراري و بعدين تضع فوقها رولات من الجيوتيكستايل geotextile ...يكون مثل القماش الابيض و يقطع بالسكين (اقوى من القماش العادي)

و بعدين تقوم بعمل الميول على السطح بواسطه المونه و تقطيع الواح اللي تستخدم في فواصل التمدد بين الجدران بحيث توضع هذه الفواصل مع الميول لقصها لاحقا ...

بالنسبه للميلان slope فيكون نصف سم لكل متر يعني نقيس المسافه بين اخفض نقطه و اعلى نقطه على السطح فلو وجدنا المسافه 20 متر مثلا فالميلان او الفرق في الارتفاع بينهما لابد ان يكون على الاقل 10 سم ولو اكثر بقليل فيكون افضل لضمان عدم وقوف الماء و تجمعه على السطح على شكل برك

خلي المسطحات على السطح بمساحات لا تتجواز 25متر مربه علشان ما يصير تشققات و انتفاخات بالسكريد

ثم نقوم بصب طبقة السكريد اللي سبق و ذكرنها بالاعلى و بعدين عند فواصل التمدد اللي سويناها مع الميول قبل صب السكريد نقوم بقص السكريد عندها و وضع non shrinkage sealant و بعدين تسوي القواعد اللي قلت عنها من قبل فوق السكريد و يفضل الطابوق يكون 20 سم مب 10 سم و تمليه بالخرسانه و حاول تركبه فوق جسر كبير لانه 5*7 غرفه كبيره و يأثر عليها وما اعرف ايش حجم التنك ...حرام مب زين وما اعرف كم سماكة العقده او slab....لازم تكون فوق الجسر و جسر كبير

__________________

بخصوص تصريف ماء المطر وهل ممكن تصريفها من انابيب او بايبات المجاري...ممكن و يصير انه بايبات المطر تصرف على بايبات المجاري بس اللي بيصير انك بتخسر مياة المطر في ري الحديقه لانه بايبات المجاري تختلط معاها الزيوت و الاوساخ من المطبخ و خلافه وما ينفع تسقي فيها الزرع

تحياتي

[r07]

جزاك الله كل خير اخوي...سقف الغرفه على ما اظن هوردي ..تعتقد يحتمل الوزن ؟ ومكان التانك والاشياء التابعه ماراح يكون في وسط الغرفه,راح يكون جنب الطوفه اللي عرضها 5 امتار؟وجاتني فكره لتقليل الحمل عن السقف ان اخلي التانك فوق البنت هاوس اللي هو جنب الغرفه هذي بس مرتفع عنها بثلاث امتار والاشياء التابعه فوق الغرفه خصوصا ان الكهربائي حط النقاط المطلوبه في هالمكان خلاص...وشرايك؟
وبالنسبه لحجم التانك ايش اقل حجم ممكن احطه على السطح بحيث تكون كمية الماي تكفي ل 7-8 حمامات وما يكون حجم التانك كبير؟
جزاك الله خير

[khaldoon]

جزاك الله كل خير اخوي...سقف الغرفه على ما اظن هوردي ..تعتقد يحتمل الوزن ؟ ومكان التانك والاشياء التابعه ماراح يكون في وسط الغرفه,راح يكون جنب الطوفه اللي عرضها 5 امتار؟وجاتني فكره لتقليل الحمل عن السقف ان اخلي التانك فوق البنت هاوس اللي هو جنب الغرفه هذي بس مرتفع عنها بثلاث امتار والاشياء التابعه فوق الغرفه خصوصا ان الكهربائي حط النقاط المطلوبه في هالمكان خلاص...وشرايك؟
وبالنسبه لحجم التانك ايش اقل حجم ممكن احطه على السطح بحيث تكون كمية الماي تكفي ل 7-8 حمامات وما يكون حجم التانك كبير؟
جزاك الله خير

ايش يعني هوردي...تقصد انه خشب ؟؟....ما اقدر اجاوبك بهالشكل من غير ما يكون في خرائط و نسويلها حسابات و نتاكد

بالنسبه لبيت بحجم 8 حمامات و مطبخ يبيلك تقريبا 3000 جالون ما يعادل 8 متر مكعب من الماء...تقدر توزعها مثل ما تبي...على الارض او على السطح يعني تقدر تحط 2000 جالون على الارض و 1000 جالون على السطح لانه فيه مضخة و الحمد لله الماء متوفر و يوصل البيوت كل يوم في قطر (ما اعرف لو انه ما توصل في المحافظات الثانيه بره الدوحه)


تحياتي

[r07]

جزاك الله خير يا اخ خلدون وما قصرت ..
بالنسبه للهوردي اللي اعرفه ان السقف ممكن يكون صبيه كونكريت او ان يكون هوردي اللي هو لما تشوف السقف يبين عباره عن مربعات من الطابوق يتخللها خطوط كونكريت ...بالنسبه لمكان التانك ان شاء الله بالقى له حل...وشرحك بالنسبه لطريقة العازل استفدت منها كثير ...الله يجعله في ميزان حسناتك

[khaldoon]

جزاك الله خير يا اخ خلدون وما قصرت ..
بالنسبه للهوردي اللي اعرفه ان السقف ممكن يكون صبيه كونكريت او ان يكون هوردي اللي هو لما تشوف السقف يبين عباره عن مربعات من الطابوق يتخللها خطوط كونكريت ...بالنسبه لمكان التانك ان شاء الله بالقى له حل...وشرحك بالنسبه لطريقة العازل استفدت منها كثير ...الله يجعله في ميزان حسناتك

حياك الله اخوي ...ribs slab....فهمت عليك

اخوي هذه اللي تنفعك لانك بتصب غرفه كبيرة الحجم 5*7 فتقدر تخفي فيها الجسور يعني هي للصالات لان الجسور ما راح تكون اخفض في قاعها عن سقف الغرفه...بتكون الجسور عريضه فيها بنفس سماكة السقف slab فتقدر تحمل عليها التنك ...عرضها يفوق 1 متر وانت مرتاح بس مثل ما قلت لك ما تكثر الاوزان و خلي فوق ما يعادل 600 جالون في 2 تنك و وزعهم على الجسر

احنا نتكلم عن ribs slab بسماكة 30سم او اكثر لان الطابوق بيكون 20 سم و زيد عليه 8سم او 10 سم على الاقل خرسانه فلاعصاب مع الحديد بتكون 28-30 سم

تحياتي