طحت في عملية نصب وابي المشوره

[Qatari1981]

أخواني في المنتدى انا مواطن قطري قد سقطت في عملية نصب في مبلغ نوعا ما بسيط في نظر البعض .
لكن الطريقه التي تمت بها من قبل الاجنبي الذي نصب علي كانت وقحه واستغلال لطيبتي وحسن نواياي.

لذا ابي منكم المشوره او الفزعه او ايا كانت المساعده حتى انزل بهذا الشخص اشد العقاب
الذي استغل حلفانه وقسمه على القران وصلاته ليل نهار وسيله حتى يسقطني في كمينه.

بدات الحكايه عندما سكنت في شقه وذلك لاني دخلت في بنيان فحبيت اوفر مبلغ من المال
وكان هذا الشخص اهو وعائلته يسكنون في الشقه المجاوره

وكأي جاران كنا نتبادل الحديث انا وهو وابنه كل يوم عقب الصلاه في المسجد او في مواقف السيارات المخصصه للعماره . حتى ام العيال تعرفت على زوجته التي كانت تعمل في تحفيظ القران

وبعد سنتان من بعد ماتشكلت الصوره في ذهني بصلاح هذا الرجل عائلته

اتى في رمضان الشهر الفضيل يبدا فيها مصيدته

اذ ادعى انه في خضم توقيع وكاله مع احدى الشركات الاجنبيه وانه في حاجه الى وكيل قطري وانه من بعد السنتين وجد فيني صفات الامانه وال وال وال وال وقام يصبغ علي من هذي القصص السخيفه

فقلت رزق وجاني وعشان البنيان والديون المتراكمه الي علي خلني امشي معاه

فطلب مني مبلغ كبير قلت ماعندي اي امكانيه الا مبالغ متفرقه وقد طلبت منه اوراق رسميه
تبين مدى صحت كلامه لكني لم استلم منه اي شي يبين مدى صدقه منذ البدايه فكنت

في كل صباح وانا اذهب الى الدوام اسمع صوته يقرا القران ولا يترك فرضا الا يصليه في المسجد و و و و و مما كونت صوره عندي انه انسان صالح

لذا تغاضيت الطرف عن ذاك فاخذ مني دفعه وطلبت منه شيك ضمان لكنه قال ساعطيك ايصال
فوافقته ومن ثم طلب مني دفعه ثانيه واخذت منه ايصال فقط لا اكثر ومن بعدها قام وياخذ من دفعه مره يقول للسجل التجاري ومره يقول للشحن ومره ومره ومره وطبعا دون ايصالات

الى ان قلت له بسسسسسسسسسسسسسس

انا ماراح اعطيك وكان المبلغ تقريبا لايتجاوز ال 150 الف ريال قطري

فطلبت منه ايضاحات حتى اكمل معه

فمره يقولي عذر ومره يقول عمتي ماتت ومره يقوول بنت اخوي طاحت ومره يقول مافي سيوله ومره ومره

وصار لا يجي مسجد ولا يقرا قران في الصباح الباكر (الي كان يتعالم وقت طلعتي حتى اسمع صوته)

علعموم دريت انه من الناس الذي يستغل الدين والعشره والناس الطيبين (المغفلين ان صح التعبير زي حلاتي)

فقمت وقلتله طفح الكيل وراح اشتكيك في الشرطه

الى هنا تنتهي قصتي فالرجاء اعلامي مالوسيله الامثل لاسترجاع فلوسي

او مالوسيله الامثل حتى ادخله السجن لانه كان يحلف بالمصحف وبراس امه وهو متجه الى القبله

فانتقاما لله ولمن يستغل دينه ذريعه لاعماله النجسه ودييييييييييييييي العن ابو اسلافه وانزله السجن

بس ماعندي اي معرفه تفزعلي ولا ناس استشيرهم

فرجائي الخاص بالردووووووووووود على العام او الخاص

(وعلى فكره طلع نصب على واحد غيري وتوه فتح فيه محظر)

[مسمس12]

الله يعوض عليك ان شاء الله وعليك بالاستغفار والدعاء

[الصريحه]

الله يهديكم
مب عذر الطيبه وحسن الظن توقعك في مشكله كبيره
المؤمن فرس وذكي
وين كتاب الله اللي يخبرنا بتدوين الديون ليش غفلت عنه
الله يرد لك حقك

[Xx QATARI xX]

الله يعينك يا اخوي ،، مابي ازيد عليك الكلام ،، لانه الموضوع انت اللي متسبب فيه مب هو
ودام انك ماخذت عليه اي شي يثبت الا في البدايه يمكن اتكون هذي حجتك اذا اشتكيت عليه

واللي اقدر اقوله لك ،، سلم على باقي الفلوس

واولا واخيرا ،، الحمد لله رب العالمين على كل شي
وعند رب العالمين مايضيع شي

[Qatari1981]

شباب سؤالي اذا في اي شخص كثرة عليه الشكاوي من قبل ناس سقطوا في نصبه واحتياله

الجنائيات ما راح تتصرف اتجاهه ماراح توقفه

اجل اي واحد يضرب فيزا للدوحه ويحط له لحيه لتحت السره ويقوم ينصب على الناس مثلي ومثل غيري وبعدين يرد ابلاده ويصبح ملينير

اكيد الشرطه راح تتنبه لمن تكثر عليه الشكاوي وتقوم باجراء اجراءات ضده لان هذا الشخص عليه محظر وقد سمعت بذلك فاذا قمت وفتحت محظر بحقه هل راح يروح على الفاضي او راح يزيد عليه المتاعب

[نورالهدى]

لاحول ولاقوة إلا بالله العلي العظيم
حسبي الله ونعم الوكيل

[البيت بيتك]

اذا عندك وصل العاصمة قرب مكان
لاحول ولاقوة إلا بالله العلي العظيم
حسبي الله ونعم الوكيل

[بدوي]

اول شي قدم بلاغ عليه ، عشان يتم منعه من السفر !!

بعدها حاااااااول إطلع ... هل فيه حوالات بإسمه في الفترة اللي طافت !!

لأنه اكيد حول المبلغ لحسابه الخاص في بلاده .. واذا اثبت هذا نصيحه حاول بشكل ودي

انه يرجع لك المبلغ وقوله بتنسجن واهلك بيتوهقون ......... الخ

من هالسوالف انك تخوفه وتستعطفه بنفس الوقت :nice: لأن المحاكم طريقها طويييييييل :anger1:

والله يوفقك اخوي .. استغفر الله احنا في وقت الواحد ما يأمن اقرب الناس له

فما بالك بالغريب !! :rolleyes2:

واذا ماتبي عوار الراس .. جهز اوراقك واثباتاتك واقرب مركز شرطة

خله يتشحطط وياهم ليييييييييين يخيس جنبه :anger1:

[danh]

ليش ما تسجله وانت تطالبه بالفلووس وحاول تخلية يتكلم ويقول كم لك عنده ..

وبعدها اشتك عليه ترا ما فيه احسن من التسجيل دليل ..

والله يرد لك فلووسك ترا مب شوووي ..

[bo_hamad]

في المركز ما تقدر تطلب حقك

روح المحكمة وأشتك عليه وسو له منع السفر وكلم القاضي واطلب منه حلف اليمين إذا انكر

والله يصبرك عليه

[بوخالد911]

الله يعيينك

ويفك كرربتك

[ziad1971]

بس للتأكيد اسم الشخص وليد

نفس المبدأ كان جاري وشخص تقي والجماعة جدا محترمين

طلب مساعدة مالية من سنتين وللحين باتصل فيه ما يرد

والموضوع عامله مع غيري

وللأسف مثل هؤلاء الأشخاص خلوني ارفض اساعد اي شخص اخر


مالك حل اللا اذا عندك اوراق او شهود تبين ان لك فلوس عنده

[bo_hamad]

يقولك المثل

من سلف تلف

[Mishari]

الله يعوض عليك ان شاء الله وعليك بالاستغفار والدعاء

[المخباط]

صراحة فورت دمي الله يهداك على ذا الصبح
اقرب مركز شرطة أشتك علية وخلهم يحبسونة بتهمة النصب والاحتيال وأخذ حقك بالقانون
واقطع علاقتك معه نهائيا هذولا ما ينعطون وجه
وياريت يتسفر لبلادة ويبزنس هناك

[boamir]

الله يعيينك يالغالي
والله عورت قلبي
بس حط في بالك حتى لو مارجعت الفلوس ولا مارجعت كامله
ربك مابيضيع حقك
وعليك بقيام الليل ودعوة المظلووم مستجابه بإذن الله

[هارودز]

اخوي مهب اي واحد يقرأ فرآن وكله في المسجد تثق فيه لاتزعل مني

[<اضرب واشرد>]

لانه كان يحلف بالمصحف وبراس امه وهو متجه الى القبله

أخوي الحلف بغير الله ( راس أمه كراعين أبوه قبر جاره ) لا يجوز ومن الشرك الأصغر.

ثانيا : اذا تبي أسنعه لك بإذن الله دز لي مكان سكنه ( مب ضرب لاحد يفهمني غلط )

والله يعوضك خير ويرد لك حقك وينتقم من هالحرامي.

[بنت صقار]

الله يفرجها عليك(بس الطيبه ماتمشي هالزمن ولا حسن النيه)

[@north_star@]

بدون اي اثباتات رح تكون الشكوى عبث لانهم بيستدعونه ويحققون معاه وبينكر لانه ما في اي اثبات ضده ومالك الا تحلفه اليمين اذا القضيه راحت المحكمه
واتصور انه شخص حقير من هالنوع عنده استعداد انه يحلف والله يعوض عليك خير

[بوعمير]

الشرطة ماراح تسويلك شي، إذا بغيت تكون رسمي رح المحكمة ورفع علية قضية وأنطر شهر لين تحديد الجلسة عقبها بيستدعوهن ومهب جاي وعقب شهر يتحدد موعد جلسة ثانية وبعد الرجال مهب جاي وجلسة ثالثة ومهب جاي، عقب بيطلبونة عن طريق الشرطة والشرطة بيتصلون علية ومهب جاي( يمكن يطرشون له دورية) وإذا ما عينوة بيرجعون المركز وهكذا.....الخ، وبالنسبة لمنع السفر مهب سهلة أنك تطلبة من المحكمة ويصدرونه لك، خصوصاً أن قضيتك عادية وغير كذا حقوق الانسان.

اخوي دامك تعرفة بيته (خذ حقك بيدك)، والله يعينك.

[موضي قطر]

اخوي انت غلطان من البداية شلون تعطية فلوس بدون إثبات ؟!!

لازم نسجل ونوثق اللي لنا واللي علينا و الله يعوضك والمحاكم حبالها طويله

[المزن الرياني]

بأختصار .... راحت عليك

[MAZEN37]

صار فلم
الله يعوض ويجيب الخير

[khaldoon]

اخوي استشير محامي و فهمه كل اللي صار و شوف كيف يقدر يساعدك

[جامعة قطر86]

مثل ما قالك الاخ
اتصله وسجل المكالمه
ماظن في دليل احسن من جي
ولاتسكت عن حقك ابد
لازم في طريقة

[<اضرب واشرد>]

في حل ثاني

اعزمه على فنجان قهوه في بيتك ، وجيب ثلاث من ربعك أو اخوانك أو عيال عمك .. وامسكوه في المجلس وعطوه من الاهانات ، طراقات وتخويف وتهديد ، بالعربي خله من يشوفك في الشارع يخاف منك ، وخذ رقم سيارته واسمه وكل المعلومات عنه لانه يمكن يشرد في يوم وليله ويغير سكنه.



مثل ما قالك الاخ
اتصله وسجل المكالمه
ماظن في دليل احسن من جي
ولاتسكت عن حقك ابد
لازم في طريقة

مايحتاج يسجل المكالمة ، تقدر الشرطة تطلب من كيوتل المكالمات اللي صارت .. يعني لو كلمته بالتلفون سابقا بخصوص الموضوع مخزن في كيوتل ، لو تذكر أيام الاتصالات أفضل.


شي أخير : ما أظن الشخص باقك بمعنى البوق ، لكن شكله متوهق في التجارة اللي دخلها من ورى الفلوس ويبي يصرفك لين مايربح ويرد فلوسك ، وهالشي يمكن يطول وايد طبعا. لو كان ناوي البوق بمعنى البوق بيحط ريله وينحاش ولا يتم جارك.

[غيور]

اخوي لا تيأس ,
الامور سهلة انشاالله , كلم لك محامي وسوف يرجع حقك من المال او رهن مايملك المطوع من اصول ثابتة .

وانشاالله نسمع اخبار زينة , ولا تنسى تسلفني !!!!! الله يوفقك عزيزي

[HENRY]

انصح كل قطري
أذا جاك اي شخص شامي اقصد من هذي الدول ( الاردن فلسطين لبنان سوريا )او اجنبي وعرض عليك تفتح تجاره وهو يديرها مافي خلاف وانت مقتنع بالمشروع وفاهم كم المبلغ الداخل والطالع والي ينصرف في المشروع توكل على الله لان كونك كموظف في الدوله صعب تدير تجارتك لازم توكل شامي او اجنبي وهذا مهب غلط انت قاعد تفيد اخوك المسلم الشامي او الاجنبي
بس اهم اهم اهم شي مايكون الشامي او الاجنبي
1- كفالته تكون عليك علشان اذا سوى دقه اطرشه على سجن بوغريب بالصناعيه
2-مايكون مفوض ولا مخول بتوقيع العقودات والاوراق الماليه وخروجيات العمال والموظفين
3- اذا كنت شبابي وزقرتي ترى الشوام راح يطيحون الميانه معاك وبالاخص مواضيع الجميلات الحلوات بس هم مافي خلاف لان هذا الشي في عروقهم وانت قلبك يطاوعهم ولا مايطاوعهم
4-لو ماتجي المحل شبه يومي بس عليك بالاتصال ولو 5دقايق بس تحسسهم انك مهتم بالشركه بس هم راح يحاولون يستغفلونك في اشياء وايد يعني لازم تكون نفس مايقولون الشاميين حربوووش معاهم
5-مهما سويت صدقني الشامين بعد يلعبون بذيلهم يمسكون شغل لحسابهم الخاص برع الشركه بالاتصالات وغيرها بس هم مافي مشكله لان مايمسكون شغل باسم شركتك لازم توقيع منك يعني ان صار ما صار اللهم بس تدفع تذكرته one way لسجن بوغريب بالصناعيه 3 شهور لين مايجي دوره وعقب على بلاده
دمشق او بيروت او عمااان او القدس

[qatari 111]

اذا عندك عزبه خل حد من ربعك يوديه هناك وسنعه عدل ليين ما يرد فلوسك

الله يعيينك ويعوضك بخير

[مريومة]

في حل ثاني

اعزمه على فنجان قهوه في بيتك ، وجيب ثلاث من ربعك أو اخوانك أو عيال عمك .. وامسكوه في المجلس وعطوه من الاهانات ، طراقات وتخويف وتهديد ، بالعربي خله من يشوفك في الشارع يخاف منك ، وخذ رقم سيارته واسمه وكل المعلومات عنه لانه يمكن يشرد في يوم وليله ويغير سكنه.



مايحتاج يسجل المكالمة ، تقدر الشرطة تطلب من كيوتل المكالمات اللي صارت .. يعني لو كلمته بالتلفون سابقا بخصوص الموضوع مخزن في كيوتل ، لو تذكر أيام الاتصالات أفضل.


شي أخير : ما أظن الشخص باقك بمعنى البوق ، لكن شكله متوهق في التجارة اللي دخلها من ورى الفلوس ويبي يصرفك لين مايربح ويرد فلوسك ، وهالشي يمكن يطول وايد طبعا. لو كان ناوي البوق بمعنى البوق بيحط ريله وينحاش ولا يتم جارك.

انجع حل

الطراقات في البيت

على الاقل ابرد حرتي

[بوعمير]

الاخوان الي يقولون رح الشرطة (الشرطة ماله دخل في هذا النوع من القضايا)، والطيبين (الي على نياتهم) يقولون سجل مكالمتة (لو سجلت 1000 مكالمة ) و (1000 شريط فيديو) مارح يعتبرونه دليل.

يا الطيب في حالتك يا تصبر شهور ويمكن سنين أو أنك تاخذ حقك بيدك ( خويي جالس حذاي و يقولك :خله يوقع على ورقة تنازل عن موترة وبيعه).

[العقل الحر]

اعمل هذي الخطوات وبعدها يسير لك كل خير

1 - استشير محامي وتسأله كامل حقوقك

2 - تذهب الى الشخص المتهم وتطلب منه بكل هدوء انك تستطيع الابلاغ عنه وعندك الدلائل كامله وتعطيه مهله اسبوع واحد فقط لا اكثر

3 - بعد فترة الاسبوع او انقضاء الفترة المحددة تغير نبره صوتك الى الاقوى وتبين ثقتك بنفسك وانك تجهز له لرفع القضيه عند المحامي الفلاني ويجب ذكر اسم المحامي لتكون صادق ......

4 - وخلال الثلاث الايام من الخطوة الثالثه تهدده بنفسه وزوجته وابنائه واهله وجها لوجه وبدون شهود لكي لا يمسك عليك دليل وانك اجلت رفع القضيه لفترة محدودة وقصيرة جدا لي اعطائه مهله لسترجاع اموالك ويكون التهديد انك ستعمل كذا وكذا لكي لا يشعر بالامان وهذي النقطه مهمه جدا لانه الانسان اهم ماعنده هو الامان واذا افتقده افتقد شهوه الاكل والنوم وسيكون عليه ضغط كبير جدا وسيعمل بكل جهد لسترجاع اموالك

5 - بعد هذي الخطوات اعمل وافعل وانتهى الكلام واعمل وافعل جميع ماقلته من تهديد ورفع القضية وهو الحل النهائي





اخيك العضو السابق في عصابه الكف الاحمر الشرقيه ( العقل الحر ) :nice:

ولك كامل التوفيق

[eveqatar]

عادي النصابين زادو في البلد

انا واحد نصب علي ب 80 الف لمحل في سوق واقف

عقبها اختفى و قطع تلفونه

حسبي الله ونعم الوكيل فيه

[A.L.I]

الله يعوض عليك ان شاء الله

[gamal503]

انصح كل قطري
أذا جاك اي شخص شامي اقصد من هذي الدول ( الاردن فلسطين لبنان سوريا )او اجنبي وعرض عليك تفتح تجاره وهو يديرها مافي خلاف وانت مقتنع بالمشروع وفاهم كم المبلغ الداخل والطالع والي ينصرف في المشروع توكل على الله لان كونك كموظف في الدوله صعب تدير تجارتك لازم توكل شامي او اجنبي وهذا مهب غلط انت قاعد تفيد اخوك المسلم الشامي او الاجنبي
بس اهم اهم اهم شي مايكون الشامي او الاجنبي
1- كفالته تكون عليك علشان اذا سوى دقه اطرشه على سجن بوغريب بالصناعيه
2-مايكون مفوض ولا مخول بتوقيع العقودات والاوراق الماليه وخروجيات العمال والموظفين
3- اذا كنت شبابي وزقرتي ترى الشوام راح يطيحون الميانه معاك وبالاخص مواضيع الجميلات الحلوات بس هم مافي خلاف لان هذا الشي في عروقهم وانت قلبك يطاوعهم ولا مايطاوعهم
4-لو ماتجي المحل شبه يومي بس عليك بالاتصال ولو 5دقايق بس تحسسهم انك مهتم بالشركه بس هم راح يحاولون يستغفلونك في اشياء وايد يعني لازم تكون نفس مايقولون الشاميين حربوووش معاهم
5-مهما سويت صدقني الشامين بعد يلعبون بذيلهم يمسكون شغل لحسابهم الخاص برع الشركه بالاتصالات وغيرها بس هم مافي مشكله لان مايمسكون شغل باسم شركتك لازم توقيع منك يعني ان صار ما صار اللهم بس تدفع تذكرته one way لسجن بوغريب بالصناعيه 3 شهور لين مايجي دوره وعقب على بلاده
دمشق او بيروت او عمااان او القدس

نسيت محاسب من طرف القطري يكون موجود في الشركة يتم اختيارة من قبل القطري ويكون محاسب عربي غير شامي سوداني مصري تونسي
ولازم يعرف القطري ان الاخوان هيحاولو يبعدوة المحاسب باي طريقة ويقلله من اهميته في الشغل

[بوخالد911]

اذا عندك عزبه خل حد من ربعك يوديه هناك وسنعه عدل ليين ما يرد فلوسك

الله يعيينك ويعوضك بخير

وبعدد من رااي

يودييه البحرر

ويقطه

ويخليييه لليرايير

:omg::eek5::secret:

[@north_star@]

نسيت محاسب من طرف القطري يكون موجود في الشركة يتم اختيارة من قبل القطري ويكون محاسب عربي غير شامي سوداني مصري تونسي
ولازم يعرف القطري ان الاخوان هيحاولو يبعدوة المحاسب باي طريقة ويقلله من اهميته في الشغل

لا اخوي المحاسب لامصري ولا سوداني يكون هندي احسن

وبالنسبة لبعض الردود ترى اصابع اليد مب سوى يعنى النصاب مب شرط يكون من جنسية معينه لان راعي الحلال لازم يفتح عيونه وما يترك ماله وحلاله بدون رقابه وبدون اوراق رسميه واثباتات

[hxamad]

هاى أحنا يالقطريين طيبين واجد عن اللزوم مب بس أخونا يمكن حتى انا والله يعوضك

[vip1982]

انصح كل قطري
أذا جاك اي شخص شامي اقصد من هذي الدول ( الاردن فلسطين لبنان سوريا )او اجنبي وعرض عليك تفتح تجاره وهو يديرها مافي خلاف وانت مقتنع بالمشروع وفاهم كم المبلغ الداخل والطالع والي ينصرف في المشروع توكل على الله لان كونك كموظف في الدوله صعب تدير تجارتك لازم توكل شامي او اجنبي وهذا مهب غلط انت قاعد تفيد اخوك المسلم الشامي او الاجنبي
بس اهم اهم اهم شي مايكون الشامي او الاجنبي
1- كفالته تكون عليك علشان اذا سوى دقه اطرشه على سجن بوغريب بالصناعيه
2-مايكون مفوض ولا مخول بتوقيع العقودات والاوراق الماليه وخروجيات العمال والموظفين
3- اذا كنت شبابي وزقرتي ترى الشوام راح يطيحون الميانه معاك وبالاخص مواضيع الجميلات الحلوات بس هم مافي خلاف لان هذا الشي في عروقهم وانت قلبك يطاوعهم ولا مايطاوعهم
4-لو ماتجي المحل شبه يومي بس عليك بالاتصال ولو 5دقايق بس تحسسهم انك مهتم بالشركه بس هم راح يحاولون يستغفلونك في اشياء وايد يعني لازم تكون نفس مايقولون الشاميين حربوووش معاهم
5-مهما سويت صدقني الشامين بعد يلعبون بذيلهم يمسكون شغل لحسابهم الخاص برع الشركه بالاتصالات وغيرها بس هم مافي مشكله لان مايمسكون شغل باسم شركتك لازم توقيع منك يعني ان صار ما صار اللهم بس تدفع تذكرته one way لسجن بوغريب بالصناعيه 3 شهور لين مايجي دوره وعقب على بلاده
دمشق او بيروت او عمااان او القدس

والله تحسسني أنه الناس كلهم نصابين ولازم ينضربوا بالشبشب ..... ياأخي حسنوا اسلوبكم بالكلام عن الناس.. الله يهديكم

[gamal503]

لا اخوي المحاسب لامصري ولا سوداني يكون هندي احسن

وبالنسبة لبعض الردود ترى اصابع اليد مب سوى يعنى النصاب مب شرط يكون من جنسية معينه لان راعي الحلال لازم يفتح عيونه وما يترك ماله وحلاله بدون رقابه وبدون اوراق رسميه واثباتات

هندي مين والناس نايمين

عشان طلعلي عمولتي يهز راسة

الهنود سبب بلاوي المحاسبة في البلد

[@north_star@]

هندي مين والناس نايمين

عشان طلعلي عمولتي يهز راسة

الهنود سبب بلاوي المحاسبة في البلد

لا والله يالحبيب سبب البلاوي ضعاف النفس سواء عرب أو هنود

[intesar]

الندم والعتب ما يفيدون بشي روح واشتكي عليه
وعليك بالاستغفار ليل نهار الف وطالع وربي ما يخيب رجا عبيده

[M&Ms]

الله يعوضك خير ... وعليك بالاستغفار

الله يردلك حلالك كامل ان شاءا لله

[M&Ms]

شنو جنسيته اللي نصب عليك !!

[جوال 11]

في حالة الشراكة يجب أن يكون هنالك عقد ويوثق في الجهات الرسمية في الدوحة حتى تستطيع أن تقاضيه ، وإذا لم يتوفر هذا العقد عليك بالشهود وتقدم بدعوى قضائية مع الأثباتات من وصولات وغيرها .
ونصيحة لكل شخص بعض أصحاب اللحى هم من ينصبون على الناس بأسم الدين والأمثلة كثيرة في مجتمعنا وغيرهم من المجتمعات العربية .
وأدعوا الله أن يفك كربتك .

[Qatari1981]

اول يعطيكم العافيه على الردوووووووووود

وانا في بطني بطيخه صيفي بس على فكره اهة الرجال لا مصري ولا شامي ولا مربي الحيه تقووول امطوع

انا الي قصدته انه كان يعمل فيها انسان ملتزم ومحافظ على الجيره وووووو

وجنسيته ياعجب العجااااااااب يمني

شوفوا هذا الي حبيت اوضحه الجنسيه ليست منطلق نقووول منه انه كذا او كذا

وبالنسبه للي قال انسا فلوسك

انا ماراح انساها لان ماضاع حق وراه مطالب

والي قالي اروووووووح اهدده لا انا ضد هذا بقوه لان احنا بنعيش في دولة قانون وحتى لو كان القانوووون اعمى وثقيل دم يظل يطبق على الكل

بس انا ابروح لمركز الشرطه وبسوي قضيه جنائيه واستند على ان الموضوع عباره عن نصب واحتيال والي يدعم موقفي ان من قبل علي قضية نصب واحتيال وقد حلت بالتقسييييط المرير

ومن ثم اتجه الى المحكمه المدنية واعمل عليه منع سفر

وعلى فكر لمن قال احسن الظن ارد علييييييييه انا صارلي خمسة اشهر احسن الظن ودوووم يكذب علي واهو يدري اني ادري انه كذاب بس تدري كنت امشي على المثل الي يقول لو مصلحتك عند.........

واخرا ولا اخيرا الرجال مرعووووب ووده ننهي الموضوع بس انا ما ارد عليه وطز بفلوسي والفلوس وسخ دنيا

بس راح اربيه وامرمطه عشان الحلفان بالله جورااااااااا وله مني وعد ماعاش ولا استوى من ياخذ الحلف بالرحمن وبالمصحف زهوا لامرمطه ولا اخليييييييه لا ينام ليل ولا نهار

ياناس الرجال يخاف يتسفر من كثر المشاكل الي عليه

بينصب على واحد ويسددله من نصب على اخر وانا مابغيته يردلي حلالي من ضحيه اخرى

هذا ولكم جزيل الشكر والامتنان

[العجي قطر]

لاتعليق

[صوت الضمير]

متى بنعتبر..

اخوي طاح في واحد نصاب خليجي ساكن هنا وقاله بشغل لك فلوسك
وعطاه 100 الف متسلفها .. مرت سنه الخليجي مايبين..
ويوم قاله وين الارابح او ع الاقل رد لي فلوسي نكر كل شي

واللحين بمحاكم .. والاخ مايحضر .. ويضطر اخوي يدفع من جيبه 500 ريال كل مره

واللحين دافع تقريبا سبع آلاف كله على الفاضي..

مافي الا تقول حسبي الله والنعم الوكيل جعل ربي يبلاه ولايوفقه

أبداع

[GRNAS2002]

والله تحسسني أنه الناس كلهم نصابين ولازم ينضربوا بالشبشب ..... ياأخي حسنوا اسلوبكم بالكلام عن الناس.. الله يهديكم

لا والله يكرم عليهم الشبشب الى ينداسون دوس بشبشب

الي ميرضى بلحق ماهوب راعي حق

اخوي راعي الموضوع نصيحه لك وانا عند الله صادق ترى مافيه قانون بياخذلك حقك القانون نفسه حاطينه اجانب
اخوي طيربه وخله يتندم على اليوم الي نصب فيه هذولا الشيمه وعلوم الرجاجيل ماتفيد معاهم

انا من كم يوم واحد قدامي ويتمشى براحته على الخط الأيسر يوم اشرت له بليت علشان يوسع الى قام يرفع يده يعني وش عندك يوم شفت ان الطيب ما فاد فيه الطيب دعمته خله يتعلم الأدب انا ما عندي مشكله اهم شي ابرد خاطري

[M&Ms]

لا والله يكرم عليهم الشبشب الى ينداسون دوس بشبشب

الي ميرضى بلحق ماهوب راعي حق

اخوي راعي الموضوع نصيحه لك وانا عند الله صادق ترى مافيه قانون بياخذلك حقك القانون نفسه حاطينه اجانب
اخوي طيربه وخله يتندم على اليوم الي نصب فيه هذولا الشيمه وعلوم الرجاجيل ماتفيد معاهم

انا من كم يوم واحد قدامي ويتمشى براحته على الخط الأيسر يوم اشرت له بليت علشان يوسع الى قام يرفع يده يعني وش عندك يوم شفت ان الطيب ما فاد فيه الطيب دعمته خله يتعلم الأدب انا ما عندي مشكله اهم شي ابرد خاطري


وَلَقَدْ كَرَّمْنَا بَنِي آدَمَ وَحَمَلْنَاهُمْ فِي الْبَرِّ وَالْبَحْرِ وَرَزَقْنَاهُم مِّنَ الطَّيِّبَاتِ وَفَضَّلْنَاهُمْ عَلَى كَثِيرٍ مِّمَّنْ خَلَقْنَا تَفْضِيلاً [ سورة الإسراء - الآية 70 ]

[vip1982]

لا والله يكرم عليهم الشبشب الى ينداسون دوس بشبشب

الي ميرضى بلحق ماهوب راعي حق

اخوي راعي الموضوع نصيحه لك وانا عند الله صادق ترى مافيه قانون بياخذلك حقك القانون نفسه حاطينه اجانب
اخوي طيربه وخله يتندم على اليوم الي نصب فيه هذولا الشيمه وعلوم الرجاجيل ماتفيد معاهم

انا من كم يوم واحد قدامي ويتمشى براحته على الخط الأيسر يوم اشرت له بليت علشان يوسع الى قام يرفع يده يعني وش عندك يوم شفت ان الطيب ما فاد فيه الطيب دعمته خله يتعلم الأدب انا ما عندي مشكله اهم شي ابرد خاطري

:omg::omg::eek5:

[مهل]

السلام عليكم


والله و انا اقرا بدايه موضوعك هذا و قبل لحد يسئل عن جنسيه الشخص قلت في نفسي هذي فعله شخص يمني . مع احترامي لليمن ولا اريد ان اعمم لكن سبحان الله الاخوان الي جاو السنين الاخيره من اليمن يلحنون على هذا الوتر .

الله يعوضك خير ... خلك مع القانون و انصحك تستشير شخص قانوني

[الـجـنـاحـي]

الله يعيينك

ويفك كرربتك

اللهم امين

[زقرتي ومزاجي]

مساء الخير

أخوي الأجراء كالاتي :

1- تروح أقرب مركز شرطة تابع لمنطقة سكنك وتقدم شكوى (( مضمونها نصب وأحتيال ))
2- يستدعون الشخص بدورهم ويعرضون عليه موضوع الشكوى اذا بطيب بيدفع بتتسكر السالفة وراح يعطونه مهله شهر .
3- اذا ما تعاون مع الشرطة راح يحولون الموضوع للنيابه العامه وهي بدورها راح توجهله التهم موضوع الشكوى وان شاء الله تاخذ حقك بس لا تنسى ياخوي شي مهم جداً اذا لاقدر الله
وصلتوا للنيابة انك تطلب منهم منع سفر للشخص

الله يوفقك

[سكرمر]

اخوي روح للنيابه العامه وقدم بلاغ ضده

على الاقل يتم منع السفر عليه


والنيابه ان شاءالله تقدر تثبت اي شي ضده من ناحيه حوالات بنكيه او غيره


والله يعوض عليك

[ابن الجزيرة]

كل بيت وفيه حمام كما يقال ...ولا يجب ان نعمم على شعب باكمله من نصب احد ضعيفي النفوس


ايا كانت جنسية النصاب فلابد ان يحاسب


لست مع من يقول اترك حقك وتوكل على الله ..انا مع ان ينال هذا النصاب جزاءه العادل


كي لا يعيدها مع احدا اخر

[مبتدئه]

والله انصدمت ان المذكور اعلالالاه من اليمن اشوف الشكاوي هاي اليومين زاادة بذكر ان من وراها يمني الاخلاق والتصرفات المذكوره غريبه ودخيله على اهل اليمن وبكل بلد وبكل جنسيه فيها الزين والشين ولكن مانقول الا حسبنا الله ونعم الوكيل من هذه الفئه القليله اللتي تحاول تشويه شعب كاامل مذكور بانهم الين قلوب وارق افئده

اخوووي ياريت لو بالأول تتاكد انك ماظلمته واذا تبين انه استغلك اخذ حقك منه حتى ينال جزاءه ويكون عبره لغيره هدده انك رااح تحط اسمه بالكامل في احدى المنتديات المعروفه كتشهير فيه

والله انهم فشلونا بعض والفئه القليله منهم الله المستعان وان شاء الله ربي يعوضك خير

[رجل الجزيرة]

يا جماعة الخير

وين عقولكم ويش أو وين الدليل؟
إلا
إذا إعتراف
فالإعتراف سيد الأدلة.

الدنيا مهيب فوضى تعالى وإشتك وخلاص، مع إحترامي للجميع.

[<اضرب واشرد>]

احرجه ، قول له شفيك ماقمت تصلي في المسجد تركت صلاة الجماعة ؟

[بنت^البحرين1]

الله يعينك

مادري خل حد تعرفه يشتغل فالجيش يي يكلمه على انه ياي له وانه مطلوب ( يخرعه بس) ويقوله مهله هالكثر مدة وان ماسددت الدين السجن ينطرك

مادري بس ناس من أهلنا سووا جذي مع واحد بهدلهم مب راضي يدفع ، خلوو رفيج ولدهم يروح له بالبدلة العسكرية ومعاه اثنين ،، ودخلوا عليه بطريقة تخرعه ومن بعد اسبوعين دفع المبلغ كامل !


ان شاءالله يرجع لك حقك

[eXpert*]

المقترحات جميله بس الاجمل لو فرضنا الشخص المذكور يتابع المنتدي .

[ذيب ولد ذيب]

واللة انك مسكين قدر هالخايس يقص عليك في زمن ماعاد فية اي ثقة في اي واحد وخاصة المطاوعة هم الخطر وهم من ياكلون اموال الناس تحت ذريعة الدين


مع احترامي لك انت انسان عقلك (خايس) والخياس الي فيه صعب استأصاله !

حكمت على كــــــــل المطاوعه بأنهم خطر وياكلون الاموال من 10 حالات او اكثر او اقل , وماشفت ولا انتبهت للكثير من المطاوعه الي فيهم خير ويساعدون الناس واخلاقهم تسبق افعالهم !

الي ماعايش ولا عاشر ولا عاش مع مطاوعه اكيد انه بيحكم عليهم من كم حاله !

مره ثانيه اذا حبيت تعلق علق على الشخص نفسه ولا تشمل كل المطاوعه ولاتخصهم بشيء سيئ !

[مبتدئه]

المقترحات جميله بس الاجمل لو فرضنا الشخص المذكور يتابع المنتدي .


كان زين لو يتابع المنتدا وينحط اسمه واسم عائلته بالكااامل هنا لان اليمن قبائل معرووفه بعدها خليه يرويهم صورته بعد الفشيله

[rashid_qatar]

حاول تسجل كلامة بمسجل وتسألة متى بترجع المبلغ انا مابي الشراكة انت نصبت علي وجرجرة في الكلام هذا بيكون دليل

[خليفـة]

الله يعينك

مادري خل حد تعرفه يشتغل فالجيش يي يكلمه على انه ياي له وانه مطلوب ( يخرعه بس) ويقوله مهله هالكثر مدة وان ماسددت الدين السجن ينطرك

مادري بس ناس من أهلنا سووا جذي مع واحد بهدلهم مب راضي يدفع ، خلوو رفيج ولدهم يروح له بالبدلة العسكرية ومعاه اثنين ،، ودخلوا عليه بطريقة تخرعه ومن بعد اسبوعين دفع المبلغ كامل !


ان شاءالله يرجع لك حقك

احلى اقتراح عجبني .. وارشح هذا الأقتراح للفوز بجائزة من سيسرق المليون


اهم شي يكون في الجيش ويكون لابس البدلة الميري
ههههههههههههههههه

يحليلهم أهل البحرين .. ناس طيبين أوي يا خال

http://up.3ros.net/get-1-2011-q3e88iee.bmp (http://up.3ros.net)

اتغشمر وياج اختي بنت البحرين .. بس اقتراحج هذا بيزيد الطين بله على صاحب المشكلة
وحياج الله انتي وكل أهل البحرين
:nice:

[فلتة زمانها]

شكلك طيب وعلى نياتك مب اي واحد مقصر الثوب ومطول الحيه صار شريف مكه
عالعموم دام عندك اثبات وايصال روح قدم شكوى عليه
ورب العالمين ماراح يضيع حقك

[الطلياني]

والله انا من واقع خبره اقولكم كل الطرق الي ذكرتوها ما راح ترجع له حقه . انا واحد متدين حاول ينصب بس لاني انلدغت من قبل ما ارتحت له وقبل ما اتدبس معاه طبعا بعدما قريت العقد الي كان المفروض اوقعه معاه ورفضته , قلت له لو سمحت رجعلي الشيكات الي سلمك اياها المندوب وكان في نفس اليوم قام قالي راحت عليك وسو الي تبي تسويه (كانه عارف ان ما اقدر ارجع حقي ) . ولما قلت له ان الي تسويه حرام اقسم بالله العظيم انه قالي بعظمة لسانه ( ان التجارة مافيها الله )
بس ما اقول غير حسبي الله ونعم الوكيل فيه .

[القيادي]

مساء الخير

أخوي الأجراء كالاتي :

1- تروح أقرب مركز شرطة تابع لمنطقة سكنك وتقدم شكوى (( مضمونها نصب وأحتيال ))
2- يستدعون الشخص بدورهم ويعرضون عليه موضوع الشكوى اذا بطيب بيدفع بتتسكر السالفة وراح يعطونه مهله شهر .
3- اذا ما تعاون مع الشرطة راح يحولون الموضوع للنيابه العامه وهي بدورها راح توجهله التهم موضوع الشكوى وان شاء الله تاخذ حقك بس لا تنسى ياخوي شي مهم جداً اذا لاقدر الله
وصلتوا للنيابة انك تطلب منهم منع سفر للشخص

الله يوفقك
العفو اخوي بس ماله ابدا شكوى لدى الشرطة لان حصلي نفس الموضوع ورحت للنيابة وايضا نفس الشي وكان رد وكيل النيابه بأن علي ان اشتكي في المحكمة وعلى حسب ممكن ياخذ الموضوع سنة او اكثر وقلتله انزين يعني اي شخص يقدر ينصب على الناس بإصالات او فواتير وبها السهوله والضحية المواطن الي يتمرمط بالمحاكم لا ومن الممكن ماتحصل حقك بالكامل ’ ورديت قلتله وش الحل في المستقبل اذا بنتعامل مع اي شخص قال مالك الا حلين ياتعرفه او تدعي ربك انك اطيح في واح امين يعني الله يعين اي شخص تضرر من النصابين

[XXX]

اخوي ممكن تذكر لنا وين شغال الريال

والله بنحاول نظره قد مانقدر

حزات هالاشكال اذا ظغطو عليهم العالم يستسلمون

لان الريال اعتقد صار له فتره ف الدوحه وماعتقد بياخذ الفلوس وبيروح ومب راجع

ف قد ماتقدر خذ معلومات عنه ونشوف شلي نقدر نسويه معاه

اما بخصوص المركز والشكوه

تقدر تشتكي وترفع عليه قظيه وتحولها الى جلسات وماعتقد تلقى شي بس عالاقل يكون تحت عين الحكومه


وشكرا

والله يعوظك ياخوي

[وهم قطر]

اشتك عليه لمنعه من السفر عشان يتحسف عدل حتى لو في امس الحاجه للسفر مايقدر

وبعدها خله مع دعاوي المحكمه لين يتعب

لو تقدر تسجل له بيكون افضل

والله يعوض عليك

[CH Engineer]

يالغالي خلك رسمي بتصرفاتك
روح النيابه العامه او المحكمه وارفع قضيه وخلهم يحجزون عليه وعلى امواله عشان تضمن فلوسك..
بعدها روح لمركز العاصمه وكلم الضابط بالسالفه وان شاء الله يستدعونه وانت موجود وتتفاهم معاه اهناك وديا اذا بيرجعهم حياه الله واذا مارجعهم تابع قضيتك..
واعتبره درس..

[hasss1969]

شكلك طيب وعلى نياتك مب اي واحد مقصر الثوب ومطول الحيه صار شريف مكه
عالعموم دام عندك اثبات وايصال روح قدم شكوى عليه
ورب العالمين ماراح يضيع حقك

كلامك هو الواقع للاسف الشديد...انا شخصيا صادفت كثير ملتحيين والثوب قصير لكن هذا كله ديكور لزوم البزنس....والله احنا في زمن اختلط فيه الحابل بالنابل...انصدمنا في ناس كنا نعدهم قدوة ومثل اعلى...لكن مع مرور الوقت الزمن حك معدنهم وتبين انه معدن رخيص للاسف...فالحذر الحذر منهم ...وانصح كل مبتديء في التجارة انه لايدخل معاه شريك ما امكن ...يحاول بنفسه ويجتهد ويتعب واكيد بيوصل ....

[<اضرب واشرد>]

يا اخوان احنا في آخر الزمان ومن علاماته ذهاب الأمانة ، وكما ورد في الحديث : تُنقض عُرَى الاسلام عروة عروة ، أولها الأمانة وآخرها الصلاة. أو كما قال عليه الصلاة والسلام.


شكلك طيب وعلى نياتك مب اي واحد مقصر الثوب ومطول الحيه صار شريف مكه

صاحب الموضوع ذكر أن اللي نصب عليه ماكان ملتحي ولا مقصر الثوب .. لكن يدعي التدين بالأفعال.

ثانيا : أتفق مع الأخ اللي قال :


اخوي ممكن تذكر لنا وين شغال الريال

والله بنحاول نظره قد مانقدر

صح ، هالأشكال تقدر تلعب معاهم حرب نفسيه ، يعني تأذيهم بدون ماتترك دليل ضدك اذا اشتكوا عليك. واذا ماتقدر كلمني وأنا أتعرف عليه وأطفشه. الكلام للأخ الطلياني بعد واللي نصب عليه ( دلني عليه اذا تبيه يندم )

[cartier]

عرب جرب

[Breakaway]

ليش ما تجيه عن طريق زوجته؟

زوجته محفظة قرآن يمكن يكون فيها خير
خلها تضغط عليه و قولها أن زوجك يأكلكم
مال حرام!

[Qatari1981]

شكرا على الردوووووووووووود ياشباب

على العموم الامور ماشيه عال العال

وان ضاع حقي في الدنيا ففي الاخره راح اخذه منه باذن الواحد الاحد

بس الي فاقع مرراتي اهو الي ينصب مره ومرتين وثلاث والحكومه ساكته عنه تحت مظلت القانون والمحاكم المدنيه راح يستحلي السالفه وضحيتها عيال البلد

ياناااااااااس لازم هذي الاشكال تردع وتوقف عند حدها