سيارة للبيع او التبادل

[qatar queen]

السلام عليكم..

اخواني واخوازتي الاعزاء..

عندي سيارة جديدة من الوكالة (بأقساطها) للبيع او التبادل

BMW 320i موديل 2010 بيج من داخل وبرونزي من برع بمخفي برونزي

ماتوقع صارت عندي اكثر من 4 شهور

السبب للبيع او التبادل بمدى الصراحة ان الجلد بيج والبس عباية واحس الجلد تلعوز شوي بسبة العباية واكيد يتنظف بس ماقدر كل شوي اخاف وافكر بالكراسي بسبة العباية فأبي سيارة الكراسي بلون غامج :)

للتواصل اتصلو على 77896969

[ريال قطري]

اقساطها على كم شهر وكم قيمة القسط وعلى اي بنك

وشكرا

[qatar queen]

هو الاقساط على بنك التجاري وبالكامل سويته على 3 سنين ونص (على حدود 3000 بالشهر- يمكن شوي اقل ولا شوي زيادة) ودفعت 60 الف مقدم

[العجي قطر]

بالتوفيق

[ريال قطري]

وانت كم تبين والا بقساطها

[qatar queen]

بالشهر على حدود 2800.. توني تأكدت من البنك :)

[ريال قطري]

وكم ماشيه السياره ؟

[qatar queen]

كاش احسن :) انت قولي شتشوف مناسب

[qatar queen]

5000 كم

[ريال قطري]

اذا بالاقساط اقصد كم عليها باقي في البنك عشان اعرف

[وهم قطر]

تبين الحل غطي الكرسي بكوور قماش بنفس اللون هذا اذا خاطرج بالسياره

واذا طاب خاطرج منها شي ثاني وبالتوفيق لج

[بوصلووح]

شدعوه تبدلين السيارة كلها عشان الكرسي
يصير تلبسينه و خلاص < مجرد اقتراح

الله يوفقج

[qatar queen]

باقي حوالي 11،5000 ريال

[qatar queen]

وين اسوي هالتلبيس؟ وانا ابي شغل مرتب يعني مايكون شكله رخيص

[alawi23]

الششيخه اذا بتبيعنها باقساطها
انا شراي

[Mzyoon Q6r]

qatar queen
سيارتج جديده وحرام تبيعينها ..
تقدرين تفصلين لها من محل العبيدلي الي بطريق سلوى شغله حلو بس اختاري نوع التلبيسه الصح .
او من المحلات اللي عند اشارات المجنون . .
واذا تبين تاخذين سياره ثانيه ربي يوفقج .

[الخارجية]

لا تبيعين السيارة راح اتخسرين وايد نصيحة أخو ... الا اذا طاب خاطرج من السيارة هذا كلام ثاني

[qatar queen]

شكراً للجميع على ردودكم بس بعد تفكير قررت مابيع السيارة :)

شكراً على الاخوان الكرام بالنصيحة والي نصحوني اغطي الكراسي والصراحة ماظنيت ان هذي اوبشن موجود بقطر

[simota uae]

هههههههههههههههههههههههههههه شو يقول المثل عط الخباز خبزه ولو ياكل نصه

[qatar queen]

سموتا شكراً على كلامك الحلو :)
ماكنت ادري ان لازم اكون "ريال" عشان ابيع سيارة وافهم بالسياير