بخصوص خدمة اراميكس

[cutcue]

السلام عليكم ورحمة الله وبركاته،،

انا اشتركت مع خدمة اراميكس اللي توصل طلبيات النت من امازون وغيره من مواقع البيع في امريكا،

المهم اني اشتريت 8 اشيا متفرقة وفي نفس الساعة وعملت حجز، المشكلة ان اراميكس الغبية شحنت كل بضاعة لوحدها، يعني كابل ايفون لحاله ومشغل ام بي ثري لحاله ويو اس بي لحاله!!!
ولما كلمتهم قالو ما نقدر نبعث مشترياتك في نفس البوكس!! ليش؟؟؟؟
كابل الايفون اللي اشتريته بدولار راح ادفع عنه 40 ريال او 70 ريال

اللي عنده تجربة في ها الموضوع يقول لنا كيف اتصرف وهل عندي الحق ارفض استلم البضاعة

مشكورين

[fhd4]

هذا يعتمد الله يسلمك على اللي رسل لك البضاعة ... ممكن تطلبها في نفس الوقت ... بس ممكن يرسلها لك متفرقة ...

اذا رسل البضاعة متفرقة ... ووصلت كل بضاعة في يوم مختلف إلى أرامكس في أمريكا .... راح يحسبونها عليك كشحنات منفصلة ...

لكن اذا وصلت في نفس اليوم إلى أرامكس ... ممكن تحاججهم انهم يحسبونها لك كشحنة وحدة ...


مشكلة أرامكس انه ما عندهم خدمة تجميع الشحنات مثل شركات ثانية مثل boarderlinx ...

لكن سعرهم أرخص منهم ... مع انهم رفعوا الاسعار أمس ...

[alsenator]

اتصل عليهم وقول لهم ابيكم تشحنون الي في بريدي بعد تاريخ كذا

او اشرح لهم الموضوع

[لمعة الالماس]

يمكن انت شريت الأغراض من كذا بائع

يعني مثلا شريت من أمازون بس كل غرض من بائع فتوصل كل شحنة منفصلة

اما لو كانت الأغراض من نفس الشخص توصل كل البضاعة في شحنه وحده*

[Hassan111]

من امازون تقدر اتحط كل شي في صندوق واحد اذا كانت من نفس البائع.

[@north_star@]

اكيد انك شاري من اكثر من بائع اخوي فكل بائع بيسويلك باكينج باللى طلبته ويطرشه حق بريدك اللى في امريكا

[BURBERRY]

مرحبا اخوي

انت الظاهر شاري كل غرض من بايع مختلف

مره ثانيه اشتر من بايع واحد عشان هو يشحنك الاغراض في كرتون واحد و توفر الشحن

[شمس قطـر]

العيب الوحيد في شحن أرامكس انهم ما يجمعون كل المشتريات في صندوق واحد ولو قرأت قوانينهم بتلقى انهم كاتبين هالشي

في شركة أرامكس ما يجمعون الأغراض المتفرقة ويحطونها معبعض ويشحنونها ،، طبعا عشان يربحون على كل غرض تشتريه و يدفعونك سعر الشحن كل مرة

لازم تشتري من بائع واحد ويحطهم لك في نفس الكرتون ويطرشهم الى الارامكس لان الأرامكس ما يحطون الطلبيات في كرتون واحد وهذا عيبهم

[بوناصر1]

نصيحه لوجه الله
اطلع من ارمكس لانها شركه تدور على الربح بشكل جنوني
وروح سجل بشركة واشنطن موفز الي صوب اشارات المناصير
والله بتدعيلي
عندهم خدمه التجميع واسعارهم ارخص بكثير من ارمكس
لا وبعد عندهم توصيل للمنازل

[muraikhi77]

عليك بواشنطن موفرز. ستسلم عند وصول اي غرض لك اي ميل وبمجرد ارسال اي ميل لهم بان هناك اكثر من سلعة سينتظرونها ومن ثم سيرسلوها بكج واحد.
ممكن فتح حساب عن طريق الاي ميل فقط ومجانا. حتى الشحن ارخص من ارامكس. وتوصيل ببلاش لين بيتكم
وامازون مجرد وسيط بين الشركات والمتاجر وكل تاجر سيرسل البضاعة من عنده فمن الطبيعي ستاتي على دفعات.
جرب واشنطن موفر وماراح تندم.

[امنة]

ممكن نعرف مكان واشنطن موفز بالضبط او التليفون او موقعهم على الانترنت وجزاكم الله خير

[الواعد]

ممكن نعرف مكان واشنطن موفز بالضبط او التليفون او موقعهم على الانترنت وجزاكم الله خير

وانتي طالعة من اشارات المناصير ورايحة غرب

راح يجيك دوار الخزان ، اخذيه وارجعي شرق وامشي سيدا

ثاني لفة بتجيك على اليمين اخذيها وعلى طول لفي يسار

واول فيلا على اليسار هي ( واشنطن موفرز )

وهذي خريطة موقعهم


http://img708.imageshack.us/img708/4806/ol8h4.jpg

[jeep-srt8]

حررررررمت اتعامل مع اي شيء من الانترنت بسببهم

كنت طالب دريم بوكس وليومك هذا محجووز والسبب انه ممنوع يدخل وانا جايب اخر اصدار الي hd وداااافع والمشكلة لارضو ترجع الشحنة لنفس البلد علشان فلوسي ترجع ولا خلوني اخذه علشان استفيد من فلوسي

و6 مرات اراميكس يرسلونلي رسايل تعال خذ الشحنة ارووح وما القى شي

وبعد طلبت اكس بوكس من بريطانيا كرتون خفيف يعني دفعت عليه 350 ريال !!!!

لا ياخوي الله يعينك انت جددددد ماكلها معاهم ومثل ماقالولك الشباب لازم تطلب كل شي من بايع واحد علشان يحط كل شي فبوكس واحد والله يعينك

[STAR]

http://www.qatarshares.com/vb/showthread.php?t=271711

[FULL]

شوف اخوي ... شركة ارامكس ترسل البضائع من امريكا الى الدوحة تقريبا كل ثلاثة ايام
ماعندهم شي اسمه انتظار للبكج او الشحنة لما توصل علشان تنشحن مرة وحده
يعني مثلا اذا يوم الثلاثاء موعد شحن البضاعة من امريكا للدوحة ، لما يصادف اليوم يشحنون اللي موجود للدوحة وماينتظرون البضاعة اللي بالطريق

طبعا علشان تضمن وصول البضاعة الى عنوان ارامكس امريكا في وقت واحد يفضل انك تطلب الاغراض من شخص واحد (على ebay او موقع انترنت) لانهم يشحنون الاغراض مرة وحده لصندوق ارامكس ،، واذا شريت من اكثر من بياع احتمال توصل الشحنات على حسابك في امريكا في عدة ايام مختلفة وينشحنون كل على حده ...


ولكن ... اخطائهم واردة


فمثلا

حصل معي وان اشتريت غرضين من بائعين اثنين ووصلت البضاعتين الى الصندوق في امريكا في نفس التاريخ ولله الحمد (وهذا التاريخ بيكون موجود على حسابك على الانترنت) ولكن ارامكس شحنت الغرضين في يومين مش مع بعض !!
انتبهت انا لهالشي بعد مارجعت البيت واستلمت الاغراض ودفعت .... لكن بعد ماركزت بالتاريخ على النت طبعت الصفحة وخليتها عندي ...... ولما رحت استلم غرض ثاني راجعتهم وراويتهم التواريخ واشلون يشحنون بضاعة بوقت مختلف مع انهم واصلين بنفس اليوم ،،، اعتذروا لي وقاموا برد مبلغ الشحن مباشرة وبسرعة للامانة :)


فالخطأ وارد اخوي بس تأكد من تواريخ وصول الشحنة الى حسابك وايضا تواريخ الشحن من امريكا للدوحة ...... واذا مازلت شاك اطلب من الكاشير تتكلم مع اي موظف عربي .. واشرحله رايك وخله يوضحلك المشكله وين

[qrt_trading]

أنا راح أقولك شتسوي يا خوي

خلهم يولون وروح إفتح لك صندوق بريد ثاني عند واشنطن موفرز صراحة خدمة ممتازة ولا بعد يوصلونلك الغرض لين البيت لا إتعب حالك ولا شي، كله تلفون وتفتح لك صندوق وما تدفع لهم شي ويطرشون لك كل المعلومات عن طريق الإيميل.

أنا كانت لي تجربة مع أرامكس صراحة حرامية أنا مرة طلبت مجموعة إستكرات يعني الصور اللزق إللي نشتريها من المكاتب وشتريتهم يمكن من محلين أو ثلاث عن طريق أمازون يعني المفروض يجون لي في بكسين أو ثلاث حسب عدد المحلات إللي إنت طالب منها ولكن والله إن الإستكرات إللي خذتهم ما يوصلون ل200ريال ما أتذكر كم يمكن ب 120 إذا ما خاب ضني ولكن الشحن كان هو المصيبة الشيوخ قاموا فرقوا الشحنتين أو الثلاث شحنات لين يمكن 20 صندوق أو أكثر وكل إستكر في صندوق وكل صندوق ب 39 ريال وعليك الحسبة والله إني دفعت 600 ريال على إستكرات ومن بعد هذا اليوم أنا ما طلبت عن طريقهم شي إلا إذا كان من بريطانيا لأن واشنطن موفرز ما عندهم صناديق هناك أو أفلام لأنهم يخلصونلك المعاملات مع الجمارك إذا إمسكو الأفلام وإحجزهم بسبب شكهم إن فيها شي أما واشنطن أنا إللي أخبره إنهم أول ما فتحوا لهم هذا الفرع قالوا لي إنهم ما يخلصون لك الأفلام مع الجمارك إذا إحجزوهم عليك إنت إتراجعهم وإتخلص معاهم الموضوع أما الحين صراحة ما أدري هل هم يخلصونهم لك ولا لا.

وبعد وحدة من معارفي طالبة من محل واحد بنطلون وقميص ولما وصلها الغرض كانو في صندوقين ودفعت عليهم فوق ال70 ريال ولما إفتحت الصندوقين لقت فاتورة وحدة بس وهذا يعني الغرض وصلهم في صندوق وهم إفتحو الصندوق وحطولها كل غرض في صندوق.

صراحة واشنطن أنا كل مرة أطلب عن طريقهم غرض أتصل وأبلغهم بهالشي وأبلغهم كم شحنة جاية وأقول لهم يجمعونهم لي في صندوق واحد وبعدين يطرشونه لي وبهالطريقة يقل علي الشحن كثير، أما أرامكس إذا طلبت منهم هذا الشي يرفضون ويقولونلك ما نقدر.

آخر مرة طلبت عن طريقهم كانت الأغراض كثير لأني أنا طالبة و3 من خواتي والصندوق إللي وصل كان تقريباً يوصل لين جتفي ودفعت بس 600 ريال تقريباً أقل أو أكثر بشوي:nice:

[koketa]

اللي عندهم خاصيه التجميع الدي اتش ال

بس غالين واحلى شي انك تتحكم بموعد الشحن يعني لو شاري من كذا موقع ممكن تتابع صندوقك بامريكا وتجمع في صندوق واحد وتشحن

[abn qatar]

حررررررمت اتعامل مع اي شيء من الانترنت بسببهم

كنت طالب دريم بوكس وليومك هذا محجووز والسبب انه ممنوع يدخل وانا جايب اخر اصدار الي hd وداااافع والمشكلة لارضو ترجع الشحنة لنفس البلد علشان فلوسي ترجع ولا خلوني اخذه علشان استفيد من فلوسي

و6 مرات اراميكس يرسلونلي رسايل تعال خذ الشحنة ارووح وما القى شي

وبعد طلبت اكس بوكس من بريطانيا كرتون خفيف يعني دفعت عليه 350 ريال !!!!

لا ياخوي الله يعينك انت جددددد ماكلها معاهم ومثل ماقالولك الشباب لازم تطلب كل شي من بايع واحد علشان يحط كل شي فبوكس واحد والله يعينك

ارامكس مالها خص في حجز البظاعه هم ياخذون فلوسهم وبس واحد من

ربعي كان طالب مجموعه من ادويه الفاتيمنات احجزوها الجمارك حولوها الى

الصحه ارامس طلبت منه ثمن الشحن وسلمته اوراق الصحه يراجعهم