الـشال العنابيه :.. ــــــــــــــــــــــــــــــــــــــــــــــــــ ـــــــــــــ ! [الأرشيف]

بو الجوري

17-01-2011, 07:25 AM

السلام عليكم و رحمة الله وبركاته :..

أول أمس كنت في فيلاجيو :.. لقيت كاونتر يبيع الشال العنابيه اللي يوزعونها قناة الدوري والكاس واللي لبسها خالد سلمان :..:)

المهم :.. هي حلوه ولونها عجيب :..:discuss:
فقلت باخذلي وحده حق العّنه :.. لأني مب من رواد الملاعب :.. ومستحيل أطلع فالشارع بغتره عنابيه :..:rolleyes2:

المهم :.. يوم رحتله وسألته بكم هاي :..
قلت أكيد بيقولي 50 أو 150 :..:shy:

لكن صدمني يوم قال :.. بـ 500 ريال :..:omg:
قلتله عسى ماشر 500 :.. :omg:قالي عادي كلو من شان قطر :.. << عباله بيقص عليّ :..:anger1:

طبعاً ما شريتها :..:(

سؤالي هو :.. ليش 500 ريال على غتره تعتبر للتشجيع فقط :..:telephone:

يعني هم سو هالغتره عشان الناس تشتريها وتروح الملعب :..
من اللي بيشتري غتره بـ500 ريال له ولعياله مثلا ً عشان بس يروح فيها كم مره الملعب :..:con2:

ندري إن الشال فيه منه أسعااااار غاليه :..
لكن هذي غير :.. هالشال كان ممكن يجيبونها بسعر رخيص :.. والجماهير بتشتريها :..:omen2:

خاطري أعرف من صاحب الفكره و منفذ الخطه :..:spider:

S A A D

17-01-2011, 07:31 AM

:omen2:

نفس السالفه

قال لي ولد عمي بشتري الشال العنابية قلت هات لي وياك

وكنت اتوقع سعرها رمزي خصوصا انها ماتنفع تنلبس الا حق الملعب :rolleyes2:.

تفاجأت انها بـخـمـسـمـيـة :secret: شدعوة لا يكون ترمة على غفله ؟؟؟؟؟؟؟؟

خاطري اعرف من مسعرها :tease:

R 7 A L

17-01-2011, 07:31 AM

الكونتر تابع لقناة الدوري والكاس ؟

fhd4

17-01-2011, 07:35 AM

الرويـس

17-01-2011, 07:37 AM

500 ريال كبداية سياسة تسويقية
عشان بكره يوم يعطون العالم أسعار خاصة الكللللللللللل بيشتري ..

وغير كذا في أشكال جديدة بتنزل اذا ماخاب ظني على شرط المنتخب يقدم عروض (في الشتا) :(

The Blade

17-01-2011, 07:47 AM

الشال بشكل عام معروف عنه انه غالي وخاصة الانواع الجيدة والاصلية …

اسعاره فوق ال٥٠٠ ريال ويوصل الى ٣٠٠٠ واكثر …

لكن فيه انواع رخيصة في حدود ال ١٠٠ وال ٢٠٠ …

لكن ما عندي فكرة عن نوعية وجودة الشال العنابية …

كلام سليم , ولكن غتره عنابية ولا شال بعد يعني غتره موسمية وبـ ٥٠٠ ريال أعتبره سعر غير معقول ولايقبله العقل.

منابر خالده

17-01-2011, 07:50 AM

ككنت ادور على هالشال بس الحين كنسلت ماراح اشتري

ام السعف

17-01-2011, 07:50 AM

اعفسوا الدنيا مع هالتقليعات اليديدة،،

ما عجبني الشال احس اللي يلبسه كأنه مهرج

chillis

17-01-2011, 07:52 AM

انا مع ام السعف صراحه شكله كلش مهب حلو جنه دوا كحه

: بوحمود :

17-01-2011, 07:53 AM

على فكره موجوده في الحسا على 20 ريال لا وفيه انواع احلى :)

بو الجوري

17-01-2011, 07:54 AM

شكرا لمروركم و تعليقكم :.. جميعاً :.. :)

الكونتر تابع لقناة الدوري والكاس ؟

على ماعتقد إي :.. لأنه الكيس عليه شعارهم :..

الشال بشكل عام معروف عنه انه غالي وخاصة الانواع الجيدة والاصلية …

اسعاره فوق ال٥٠٠ ريال ويوصل الى ٣٠٠٠ واكثر …

لكن فيه انواع رخيصة في حدود ال ١٠٠ وال ٢٠٠ …

لكن ما عندي فكرة عن نوعية وجودة الشال العنابية …

أختي ندري إن في أنواع غاليه :..
لكن إنتي قلتيها :.. في نوعيه رخيصه :..

مضاد

17-01-2011, 07:55 AM

قلتله عسى ماشر 500 :.. قالي عادي كلو من شان قطر :.. << عباله بيقص عليّ :..

:taunt:

خاطري أعرف من صاحب الفكره و منفذ الخطه :..

صاحب الفكره واحد ذكي ....استغل الوطنية الزايدة ,خصوصاً في مجال الرياضة .

بو الجوري

17-01-2011, 07:56 AM

اعفسوا الدنيا مع هالتقليعات اليديدة،،

ما عجبني الشال احس اللي يلبسه كأنه مهرج

صاجه يمّه :.. :)
أنا قلت إن مستحيل ينلبس هالشال غير حق الملاعب أو العنـّه :.. :shy:

يعني شفيها لو كان السعر 50 ريال :.. جان شريت لي و لفهد :.. :victory:

ام السعف

17-01-2011, 07:56 AM

انا مع ام السعف صراحه شكله كلش مهب حلو جنه دوا كحه

هيهيهي
وانت الصاجة تقولين فجل احمر :omen2:

مب عارفة ليش العالم يمصخرون في اعمارهم وبفلوسهم :(

chillis

17-01-2011, 07:58 AM

على فكره موجوده في الحسا على 20 ريال لا وفيه انواع احلى :)

استغل الفرصه في ناس تبي جيبهم بعشرين وبيعهم 100 وصدقني تربح بالسوق العام

ام السعف

17-01-2011, 07:58 AM

صاجه يمّه :.. :)
أنا قلت إن مستحيل ينلبس هالشال غير حق الملاعب أو العنـّه :.. :shy:

يعني شفيها لو كان السعر 50 ريال :.. جان شريت لي و لفهد :.. :victory:

ياهالعنابي اللي مستغلينه استغلال !!

فهود ذيه يا بو الجوري ،، لبسه ذيك الغترة الحمرة الانجليزية:shy:
او الشال اللي لونه معقول ،، وخلكم من سوالف التقليعات اللي تشفط
من جيوبكم وانتوا مبسوطين ،،

ام السعف

17-01-2011, 08:01 AM

استغل الفرصه في ناس تبي جيبهم بعشرين وبيعهم 100 وصدقني تربح بالسوق العام

عارفة ،،

رجال طول وعرض قاعد بغترة فجل فوق راسه في اللمعب ؟

طيب هاليهال الصغار اشخلينا لهم ؟

يا زين الفرنسسين ويازين التك تيك عندهم ،،
والا الايطاليين ( ياربي ما يبي لهم حجي ):shy:

الدولة تفتح متاحف عالمية للفن الرفيع واحنا الرياضة تعفس الذوق من اساسه :(

<اضرب واشرد>

17-01-2011, 08:02 AM

قالي عادي كلو من شان قطر :.. << عباله بيقص عليّ :..

على فكره موجوده في الحسا على 20 ريال لا وفيه انواع احلى

يعني أقدر أشتري 25 غتره بـ500 ريال سعودي !!

وناخذ وحده لنا وللجماعة والباقي نوزعه عالفريج ؟

عادي كلو من شااااان قطر

chillis

17-01-2011, 08:04 AM

عارفة ،،

رجال طول وعرض قاعد بغترة فجل فوق راسه في اللمعب ؟

طيب هاليهال الصغار اشخلينا لهم ؟

يا زين الفرنسسين ويازين التك تيك عندهم ،،
والا الايطاليين ( ياربي ما يبي لهم حجي ):shy:

الدولة تفتح متاحف عالمية للفن الرفيع واحنا الرياضة تعفس الذوق من اساسه :(
الحين يختي بعض الاطفال اعقل من بعض الرجال والله تشوفين رجال طول بعرض ولابس لبس هيلق والوان مقززه

ROSE

17-01-2011, 08:06 AM

ام السعف

17-01-2011, 08:07 AM

الحين يختي بعض الاطفال اعقل من بعض الرجال والله تشوفين رجال طول بعرض ولابس لبس هيلق والوان مقززه

:telephone::telephone::telephone:
منا لهم والسلام عليهم :)

abdulla999

17-01-2011, 08:14 AM

500 ريال بل بل
+ 200 ريال معاش خدامة احسن من غترة مالت بلوش

بو الجوري

17-01-2011, 08:16 AM

ياهالعنابي اللي مستغلينه استغلال !!

فهود ذيه يا بو الجوري ،، لبسه ذيك الغترة الحمرة الانجليزية:shy:
او الشال اللي لونه معقول ،، وخلكم من سوالف التقليعات اللي تشفط
من جيوبكم وانتوا مبسوطين ،،

ايييييه عيل ماعرفتيني يمه عدل :.. :(

أنا عدو الإستغلال والتقليعات والموضه :..
وعدو اللي يكون مع الخيل يا شقرا :..
و عدو التفاهه :..:anger1:

لكن أنا كان إعتراضي على سعرها :..
وأنا قلت لونها حلو :.. لكن مب معناتها إني بالبسها واحط عليها عقال :..

أنا كان قصدي حق العنّه :.. يعني ألفها على راسي ( حمدانيه ) مثل الإماراتيين :..
منها إن لونها عنابي ومنها إنها بتدفيني شوي :..:tease:

و طبعاً فهود أنطره يوقف :omen2::.. و أبشري باللي يسرج :..:victory:

chillis

17-01-2011, 08:18 AM

ايييييه عيل ماعرفتيني يمه عدل :.. :(

أنا عدو الإستغلال والتقليعات والموضه :..
وعدو اللي يكون مع الخيل يا شقرا :..
و عدو التفاهه :..:anger1:

لكن أنا كان إعتراضي على سعرها :..
وأنا قلت لونه حلو :.. لكن مب معناتها إني بالبسها واحط عليها عقال :..

أنا كان قصدي حق العنّه :.. يعني ألفها على راسي ( حمدانيه ) مثل الإماراتيين :..
منها إن لونها عنابي ومنها إنها بتدفيني شوي :..:tease:

و طبعاً فهود أنطره يوقف :omen2::.. و أبشري باللي يسرج :..:victory:

ههههههه شلك منها تبرر بس لونه صراحه مهب شي ولا وعليه العقال وووع شفت خالد سلمان اشلون صراحه لاتعليق :anger1:

شبح الصمت

17-01-2011, 08:20 AM

صباح الورد يابو الجوري

شوف الكلمة الي حذفها كله يهون لجل قطر

أي يهون ودمي وروحي لها بس تقص علي بغتره !!

ياخي أسلوب وملاغه ورفع أسعار لا حسيب ولا رقيب

اتحداكم لو باعو لين يومكم ذي 30 حبه

بيخيسون عندهم وبذكرك

اسمعني الله يخلي العلم لفه حولك وتلحف فيه العلم الشال وخلاص

chillis

17-01-2011, 08:22 AM

دلوعة ابوها

17-01-2011, 08:24 AM

بصررراحه مايسوى 500 عسى ماشر ليش..
ولا يوم لبسها خالد سلمان مسوي لها دعايا في المجلس,,,
توقعت انها ارخص...

شبح الصمت

17-01-2011, 08:25 AM

ههههه تخيل علم وفوقه عقال شي صراحه :tease:

صبح صبح يا الحجيه

ما اقولج انتي كله مستعيله يالفلفله

انا قصدي يلبس الشال فوق راسه شال عادي وفي نفس الشال صغير ينلف مهب غتره الفها حول رقبتي ,,,

صج انج مستنه

بيب بيب من الصبح ازعجتيني ترى محرومه من المصروف سنة كاملة

:tease:

<اضرب واشرد>

17-01-2011, 08:25 AM

شوف الكلمة الي حذفها كله يهون لجل قطر

هو قال للبياع ليش 500 ريال ؟ ( ليش أعطيك هالمبلغ ماتستاهله أنت ولا غترتك )

قال له : عادي ! كلو من شان قطر ( يعني عادي شق لي جيبك وخلني أستغلك ..... من شان قطر )

شبح الصمت

17-01-2011, 08:27 AM

بصررراحه مايسوى 500 عسى ماشر ليش..
ولا يوم لبسها خالد سلمان مسوي لها دعايا في المجلس,,,
توقعت انها ارخص...

صراحة ما شفته بس كان كاشخ كوبرا والا كشخه عاديه

لانه الكوبرا يبيلها قوطي نشا بس الشال اتوقع يبيلها تنقعينها في النشا بكبره عشان تفرش ولا يصير بعد

:eek5:

chillis

17-01-2011, 08:27 AM

صبح صبح يا الحجيه

ما اقولج انتي كله مستعيله يالفلفله

انا قصدي يلبس الشال فوق راسه شال عادي وفي نفس الشال صغير ينلف مهب غتره الفها حول رقبتي ,,,

صج انج مستنه

بيب بيب من الصبح ازعجتيني ترى محرومه من المصروف سنة كاملة

:tease:

خوفي المصروف الغتره ام دوا كحه لا صج من زينها الغتره :rolleyes2:

شبح الصمت

17-01-2011, 08:29 AM

هو قال للبياع ليش 500 ريال ؟ ( ليش أعطيك هالمبلغ ماتستاهله أنت ولا غترتك )

قال له : عادي ! كلو من شان قطر ( يعني عادي شق لي جيبك وخلني أستغلك ..... من شان قطر )

قصدك بالمسمى عندنا خلني اصلخك في هالبرد

ههههههههههههههههههههاي

ياخي والله يحسبونا مينن تصدق هذه 500 تعبي فيها موترك 15 يوم

:telephone:

شبح الصمت

17-01-2011, 08:32 AM

خوفي المصروف الغتره ام دوا كحه لا صج من زينها الغتره :rolleyes2:

من صجـك ها ,,

اقول خلنا ساكتين انتو يالبنات ما تصدقون

مسكين سبونج بوب خلص من السوق ولين الحين البنات تشري فيه

http://a6fal.net/forum/avatars/9766.gif?type=sigpic&dateline=1266626353

عالاقل احنا غتره وتعمر أما أنتو على أي شيء تشرون

أي شيء يسندح في السوق تشترونه ما تحاسبون أهم شيء تواكبون الموضه

ما يسوى عليه سبونج بوب

انزين مثلا مثلا

لو أنا وبوحارب حطينا صورنا على الفانيل راح تشترونهم !!

اسمح لي بوحارب بعقر فيك اشوي عشان اليوم برد وابيك تصخن

:shy:

chillis

17-01-2011, 08:34 AM

من زينه سفنج بوب شدعوه شكبرنا نلبس لبس يهال لاتعليق انت وبوحارب تحطون صوركم هههه شبح حطه على الغتره العنابيه

الرويـس

17-01-2011, 08:43 AM

قصدك بالمسمى عندنا خلني اصلخك في هالبرد

ههههههههههههههههههههاي

ياخي والله يحسبونا مينن تصدق هذه 500 تعبي فيها موترك 15 يوم

:telephone:

عندك بوينغ والا ايرباص
:(

بيني وبينك الشال حليوه تعصب فيها راسك
والاشكال الجايه أحلا وبذكرك ..
:(

fhd4

17-01-2011, 09:00 AM

أختي ندري إن في أنواع غاليه :..
لكن إنتي قلتيها :.. في نوعيه رخيصه :..

fhd4 >>>>> فــــــهـــــــد ...

شلون صرت "اختي" ؟؟!!! :anger1:

بو الجوري

17-01-2011, 09:12 AM

fhd4 >>>>> فــــــهـــــــد ...

شلون صرت "اختي" ؟؟!!! :anger1:

ههههههههاااااي ياخي إسمحلي :.. مضيع و مفهي شوي :.. :rolleyes2:

alsubaiai

17-01-2011, 09:16 AM

مايبين عليها انها شال

وشكلها تعيس

ولد-قطر

17-01-2011, 09:34 AM

الشال الي موجود هذا جودته عاليه ونوعه ترمه

علشان كذا سعره غالي

بـــــــنت النوخـّــــذه

17-01-2011, 09:44 AM

مادري الشال ذكرني بمسلسل درب الزلق بس ذاك ازرق وذي عنابي خصوصا" الثلاث كراكيش الى ورى اههه بس نفس النمونه الي يلبسونها العراقيين :shy:

يلا اهي موضه وبتعدي وعندي احساس قوي ان مصممات العبي بيدخلونها في الدفاف يعني ستكون هناك منافسه شديده بيننا وبين الرجال هذا والله اعلم :)

قطريه ماركه

17-01-2011, 09:45 AM

الشاااال معروف غالي ....

بس العنابي ماشفته ... و مادري عن جودته ...

بس يمكن سبب الغلا انه ينباع في فيلالالالالالالالالالالالاجيووووووو .....

لابس بشت

17-01-2011, 09:54 AM

الشال غالي
لكن من شكله يبين عليه انه رديئ
وبعد حتى لو ب200 ريال
من بيلبس شال عنابي الا حق مباراه
يعني مايصلح حق كشخه وماينلبس الا في ملعب خخخخ

chillis

17-01-2011, 09:56 AM

الشال غالي
لكن من شكله يبين عليه انه رديئ
وبعد حتى لو ب200 ريال
من بيلبس شال عنابي الا حق مباراه
يعني مايصلح حق كشخه وماينلبس الا في ملعب خخخخ

شال وبشت نفس اللون صراحه لاتعليق روووعه ولبس رومانسي:anger1:

آهـل شَـرق

17-01-2011, 09:59 AM

المشكله غيرك يشتريه

لابس بشت

17-01-2011, 10:00 AM

شال وبشت نفس اللون صراحه لاتعليق روووعه ولبس رومانسي:anger1:

شال وبشت عنابي !!
بكره بيصوروني في مسلسل طاش ماطاش خخخخ

منصوربن حمد

17-01-2011, 10:03 AM

الكاونتر لشخص اللي يبيع على.............................................؟

بو الجوري

17-01-2011, 10:04 AM

الشال الي موجود هذا جودته عاليه ونوعه ترمه

علشان كذا سعره غالي

متاكد إن نوعه ترمه !!!

وبعدين ليش يجيبون النوع الغالي :..
هم جايبينها للملعب :.. ليكون بروح عرس فيها :.. :anger1:

يلا اهي موضه وبتعدي وعندي احساس قوي ان مصممات العبي بيدخلونها في الدفاف يعني ستكون هناك منافسه شديده بيننا وبين الرجال هذا والله اعلم :)

هلا أختي :.. :)
لالالالالالا الله لا يقوووول تكون موضه :..
إن شاء الله شبابنا عقلهم أكبر من إنهم يكشخون فيها :.. :tease:
لالالالا ماتخيل آلاقي بكره فاللاند وفيلاجيو الشباب يتمشون لابسينها :.. :rolleyes2:

الشال غالي
لكن من شكله يبين عليه انه رديئ
وبعد حتى لو ب200 ريال
من بيلبس شال عنابي الا حق مباراه
يعني مايصلح حق كشخه وماينلبس الا في ملعب خخخخ

ترى هم ما سووها وباعوها عشان الناس تشتريها وتكشخ فيها :..
هم سووها عشان الجمهور اللي يروح الملعب :..
يبونهم كلهم من بعيد روسهم عنابيه :.. :tease:

بس خانهم السعر :.. :anger1:

PoBox

17-01-2011, 10:08 AM

*
*
بالعكس اللون حلو والملبس حلو ، والسعر رخيص

.. >> متسبب يبي يخليهم يتهاوشون :omg:

بـــــــنت النوخـّــــذه

17-01-2011, 10:08 AM

هلا أختي :.. :)
لالالالالالا الله لا يقوووول تكون موضه :..
إن شاء الله شبابنا عقلهم أكبر من إنهم يكشخون فيها :.. :tease:
لالالالا ماتخيل آلاقي بكره فاللاند وفيلاجيو الشباب يتمشون لابسينها :.. :rolleyes2:

بس خانهم السعر :.. :anger1:

صدقني بتنصدم في يوم بتمشي بالاند مارك بتحصل شاب لابس هالغتره وبنت حاطه كم عباتها هالغتره وبتقول بنت النوخذه اصدقت

00وعلى فكره الشخص لازم يشوف هل بتناسب مع درجه بشرته ولا لا لايصير مثل الي بقناه الدوري مطلعته محروق لازم الشباب ينتبهون لهذي النقطه ترى مهب كل شي يليق على بعض الناس اهههه :nice:

chillis

17-01-2011, 10:10 AM

صدقني بتنصدم في يوم بتمشي بالاند مارك بتحصل شاب لابس هالغتره وبنت حاطه كم عباتها هالغتره وبتقول بنت النوخذه اصدقت :nice:

انا لو حصلت احد مسوي جذي بصورهم على طول وبحطه باليوتيوب :anger1: خلهم عبره

شبح الصمت

17-01-2011, 10:14 AM

بسألك بو الجوري

ولا عليك امر قرب اشوي

في شيء باقساط غتره باقساطها

خبرك 500 والعد التنازلي لنهاية الشهر

500 ادفي مخباي ولا فوق راسي وقعد اتقلقل

:telephone:

Amigo

17-01-2011, 05:05 PM

شرايك اول مانزلت في السوق قبل البطوله بكم يوم
كانت تنباع بـــ 60 ريال شوف الفرق بس

سوق واقف

17-01-2011, 05:07 PM

صراحة فكرة تسويقية رائعه ولكن كبداية 500 سعر مبالغ فيه

قطرية بعيون

17-01-2011, 05:13 PM

العالم كلهم يقولون فكره تسويقيه حلوه ورائعه تعال بطل انت وسوق نفسه ان مارموك فالشارع

ارين

17-01-2011, 05:13 PM

والله امس شفته على خالد سلمان ماعجبني شكله

لو على الاقل تخلله شوية بياض وشكلوه بشكل بسيط وراقي كان بيطلع حلو

أتفق معاك .. لم يعجبني الشال أبدا :nono:

شمس قطـر

17-01-2011, 05:17 PM

اذا الشال للتشجيع صار سعره 500 ريال

عيل لو استضافو كأس العالم بعد كم سنة شلون بتكون الاسعار فالدوحة !!!!!!!!!!!!!!!!!!

يمكن نشتري العصر من الدكان بألف ريال في عام 2022
لانه في ثلاجة من ثلاجات دكاكين الدوحة اللي استضافت كأس العالم يستاهل نشربه بألف ريال !!!!!!!!!!!

بازار

17-01-2011, 05:27 PM

500 .. وحق كم مبارة بس ..

آآآآآسف وبكل شده ... 500 تكفي يتــــيم لمدة 3 شهور ياشباب

اتقوووووووووووووووووووو الله

بصمة قطرية

17-01-2011, 05:35 PM

500 ريال ..!!
سعر مبالغ فيه ..
حتى لو كانت النوعية جيدة تظل خاصة بالملاعب ..!!
من اللي بيطلع يتمشى بالغترة ..
وانا مع اللي قالوا لو مدخلين فيها اللون الابيض نفس الغترة الحمره العادية
بتكون احلى بوااااايد ..

بنت النوخذه ..
اذا في العيد الوطني نزلت تصاميم عبي وشيل خاصه بالمناسبة
عادي اتوقع قريب راح تشوفين ..!!

الحمد لله والشكر ~

هبوب الكوس

17-01-2011, 05:43 PM

من فتره البنات يحطون الغتره الكوفيه على راسهم الحين بغيرون الى العنابيه ماركه :rolleyes2:

الخير كله

17-01-2011, 06:03 PM

عجيب ...
وسعره عادي
كاهم البنات شنط على الالاف
صج الشباب زطاطوه

<اضرب واشرد>

17-01-2011, 06:27 PM

عجيب ...
وسعره عادي
كاهم البنات شنط على الالاف
صج الشباب زطاطوه

يقولون لج ينباع في الحسا بـ20 ، وينباع في قطر قبل الدورة الاسيوية بـ60

وتقولين سعره عادي ؟ ليش عادي ؟

إذا من شان قطر معاج حـــــق وأنا اسف

حياة

17-01-2011, 09:50 PM

رزق المهابيل على المجانين

دلوعة ابوها

17-01-2011, 09:54 PM

يقولون لج ينباع في الحسا بـ20 ، وينباع في قطر قبل الدورة الاسيوية بـ60

وتقولين سعره عادي ؟ ليش عادي ؟

إذا من شان قطر معاج حـــــق وأنا اسف

لا والله سعره مو عاااي
ليش المبالغه في السعر ؟؟

<اضرب واشرد>

17-01-2011, 09:55 PM

ليش المبالغه في السعر ؟؟

من شان قطر اختي

دلوعة ابوها

17-01-2011, 09:58 PM

من شان قطر اختي

تستاهل قطر نفداها بروحنا؟؟؟
بس لازم يكون السعر اقل من كذا ؟؟؟
وصج لقالوا((( رزق المهابيل على المجانين)))

الخير كله

17-01-2011, 09:59 PM

مالت خالد سلمان من قطر ولا الحسا ؟؟؟؟؟؟؟؟

chillis

17-01-2011, 10:01 PM

تستاهل قطر نفداها بروحنا؟؟؟
بس لازم يكون السعر اقل من كذا ؟؟؟
وصج لقالوا((( رزق المهابيل على المجانين)))

انا اقول تعالي نجيبهم من الحسا ونبيعهم بسوق المنتدى بالحسا عشرين نبيعهم 100 شوفي شكثر نربح اول شي بو جوري بيشتري منا

بوخالد911

17-01-2011, 10:09 PM

بل وااايد

اخذوا اغتر الشال العادية
أبررك لكم

تركي محمد

17-01-2011, 10:12 PM

عني مالبست شال عنابية !!

الله يخلي الشماغ لونه احمر قريب من العنابي مافي مشكلة هههههههههههه

chillis

17-01-2011, 10:13 PM

انا اقول غتره بيضه وتصبغونها عنابي واموركم طيبه

alghalya1

17-01-2011, 10:19 PM

لاتعليق !!!

بوخالد911

17-01-2011, 10:22 PM

انا اقول غتره بيضه وتصبغونها عنابي واموركم طيبه

اووك

بنطبق كلاامج:victory::nice::victory:

دلوعة ابوها

17-01-2011, 10:38 PM

عني مالبست شال عنابية !!

الله يخلي الشماغ لونه احمر قريب من العنابي مافي مشكلة هههههههههههه

والله كلامك صحيح اخ محمد

دلوعة ابوها

17-01-2011, 10:40 PM

بكره انا راااح ابيع جاكيت عنابي على 1000
مين يشتري

دلوعة ابوها

17-01-2011, 10:43 PM

انا اقول تعالي نجيبهم من الحسا ونبيعهم بسوق المنتدى بالحسا عشرين نبيعهم 100 شوفي شكثر نربح اول شي بو جوري بيشتري منا

اوكيه معاج

ولا اقول لج خليها 400 اذا انباعت ب 100 رااح يقولون مو اصلي خليها ب400 ارخص ب100

بدون

17-01-2011, 10:44 PM

ما عندهم سالفة!!!
استغلال واااضح للوطنية ....

أنا عندي صبغ عنابي أبيع العلبة بألف يكفي عشر أغتر :)

Xx QATARI xX

17-01-2011, 11:00 PM

وازيدك من الشعر بيت ،، كان سعرها اول مانزلت 1000 ريال ،، لكن سوو تنزيلات لين 500

بس غريبه هالغتره وراها سرررررررر
خلف الله علينا لو واحد منا منزل هالغتره في السوق يبيع ويترزق كان حصلنا ستكر مخالفه
على السياره

فارس قطر

18-01-2011, 05:22 AM

امس نزلو سعرها البايع قال لي 400 ريال

كنت ناوي اشتريها لاكن يوم شفت الرشيدي في سوق الغنم لابسها انسدت نفسي

ولي قالو انها نوعها ترمة صحيح ترمة تقليد مب اصلية وهي من النوع الرخيص

لان الترمة انواع والغالي سعرة من فوق الفين ريال

وهذي الى تبيعها قناة الكاس مايتعدى سعرها 150 ريال.

بلوتنيوم

18-01-2011, 06:25 AM

والله امس شفته على خالد سلمان ماعجبني شكله

لو على الاقل تخلله شوية بياض وشكلوه بشكل بسيط وراقي كان بيطلع حلو

والشال معروف ان قيمته غير عن الغتر العادية يعني غالي شوي

بس ذي شكله مايسوى حسافه اللون ذي على هالخامه

وانتي صح
واضح انه الموضوع (سلق بيض)
يعني مالحقوا حتى يخططون صح او يمكن ماحصلوا الوقت علشان
يخططون صح
دخلت البطولة عليهم وكانوا حابين يستفيدون :)
الفكرة ممتازة
بس التطبيق محتاج شغل :tease:

السبع

18-01-2011, 06:47 AM

انا يوم شفت خالد سلمان لابسها اعتقدت ان ( ماكديت) جالس فى المجلس

ام السعف

18-01-2011, 06:49 AM

وانتي صح
واضح انه الموضوع (سلق بيض)
يعني مالحقوا حتى يخططون صح او يمكن ماحصلوا الوقت علشان
يخططون صح
دخلت البطولة عليهم وكانوا حابين يستفيدون :)
الفكرة ممتازة
بس التطبيق محتاج شغل :tease:

وانت الصاج يا بلوتنيوم

تقدر تقول ان من فضاوة الشغلة والقعدة والهذرة على كورة
ممكن اتشوف كل شي ويكون مخطط له احسن تخطيط :(

شمس

18-01-2011, 07:02 AM

على فكره موجوده في الحسا على 20 ريال لا وفيه انواع احلى :)

:victory::victory::victory:

شمس

18-01-2011, 07:06 AM

رزق المهابيل على المجانين
:nice::nice::nice:

chillis

18-01-2011, 07:47 AM

كلها جم يوم والشال ذي يركبونه على العبايات وتصير موضه

ولد قحطان

18-01-2011, 08:06 AM

والله صادق
يبو الجوري
يعني من المستفيد

يبون يروجون للشال انه دعم معنوي لملف الرياضة القطرية
ههههههههههههههههههههه

بو الجوري

18-01-2011, 08:17 AM

شكرا للكل على المرور و التعليق :..

و أنا متأكد إن اللي جايب الغتره إنسان واصل وقال خلني أستفيد :..

الله المستعان :..

<اضرب واشرد>
توقيعك عجيب :.. :)

Hamad7788

18-01-2011, 09:03 AM

مب من زين شكله

ترى كلش مب شي

ولو ياني إبلاش مالبسته

جنه مريول ابتدائي

chillis

18-01-2011, 09:24 AM

مب من زين شكله

ترى كلش مب شي

ولو ياني إبلاش مالبسته

جنه مريول ابتدائي

هههه تشبيه بليغ

بومحمد المطاوعه

18-01-2011, 09:29 AM

الغتره ماتسوى حتى 150 ريال

حاطينها ب 500 ريال مادري ليش

وياليت لو شفت حد من المشجعين لابسينها

ولا حد بيلبسها

دلة الرسلان

18-01-2011, 11:27 AM

ب500 والله توقعتها يوزعونها بلاش

زقرتي ومزاجي

18-01-2011, 01:58 PM

على حسب مافهمت من المذيع المتألق خالد جاسم
ان سعر الشال يفوق بكثير الـ 500 ريال وانها ذات جودة عالية

صنعت خصيصا لمشجعي المنتخب .. نشكر القائمين على الرياضة على
السعر المميز

شموع قطريه

18-01-2011, 02:30 PM

وووييييييييييي طلع اللي يلبسه خالد سلمان شال عنابي .. وانا طول هالمده فكرتها غتره بيضا وخدامتهم غاسلتها بالغلط مع ثياب عنابيه وكل ماشوفه يكسر خاطري اقول بطرش له غتره بيضا الصراحه شكله فيها لاتعليق ..

القيادة

18-01-2011, 02:36 PM

سعرها مبالغ فيه من وجه نظرى

النائب

18-01-2011, 02:39 PM

للعلم

الشال العنابية هي شال يلبسها غالبا إخواننا العمانيون .

الدمعه

18-01-2011, 05:45 PM

تصدقون انا للحين ماشفته بس سمعت عنه .. :eek5:

ومااتخيل اشوف شبابنا لابسين هاللون على راسهم .. :secret:

بس ابي اشوف الشال شطيتوني .... :omg:

هبوب الكوس

18-01-2011, 06:06 PM

تصدقون انا للحين ماشفته بس سمعت عنه .. :eek5:

ومااتخيل اشوف شبابنا لابسين هاللون على راسهم .. :secret:

بس ابي اشوف الشال شطيتوني .... :omg:

في سوق العلي

مونديال

18-01-2011, 06:12 PM

بختصار استغلال
لانها بس يلبسوها لقطريين لازم بخمس ميه
تخيلو لو كرفته شرط بعشر ريال
لاكن نصيحه في دبي بسوق لغرير اشكال وانواع
حتى الوردي والبنفسجي بتلاقون << حق اخوانه اهل السلطنه كل الالوان عندهم <<

بوحارب

18-01-2011, 06:26 PM

عسى مااااااشر ب 500 ريال !!!

له له له مايجرز النصب

الضمير الحي

18-01-2011, 08:45 PM

ابي اشوفها :(
بليز بليز
اذا حد يقدر يحط صوره لاني مااقدر اروح السوق :(
ابي اشوفها :(

ام السعف

18-01-2011, 08:47 PM

diplomat

18-01-2011, 08:59 PM

على رايكم

الهاجري 2

18-01-2011, 09:12 PM

خخخخخخخخخ 500 ريال يحسسونك انهم مخيطينه من ذهب

latty

18-01-2011, 09:22 PM

ذكرتني بالفقع هههه

اكشاك على رصفين بس تخطر الشارع للرصيف الثاني السعر يرتفع ميه بالميه

والله لو اللي شاريها او يسومها مب قطري لياخذها بميه الشال

لكن دوووم احنا ريال يمشي على الارض

cavok

18-01-2011, 10:28 PM

اللة الغني

AL_MUTAEM

18-01-2011, 11:16 PM

معقوله بـ500 انا من كم يوم جاني شال العنابي كـهديه من احد الاخوان وكنت اتوقع سعره مايزيد عن 200 ريال وبصراحه هاللون مايلبس لا بمباراه ولا غيره بس نقدر نستخدمه اللا كنا بـ حداق ولا بسيلين ..

وهالشااال لا هو ترمه ولا هوكشميري ولا من نوع الشاتوش يعني غالي على ايش ؟؟

الموضوع استغلال الوطنيه بطريقه غبيه واذا كانت قناة الدوري هي صاحبة الفكره فعلى القناه السلام ..

خوفي بكرا بيطلع لنا الثوب العنابي .

AL_MUTAEM

18-01-2011, 11:20 PM

على حسب مافهمت من المذيع المتألق خالد جاسم
ان سعر الشال يفوق بكثير الـ 500 ريال وانها ذات جودة عالية

صنعت خصيصا لمشجعي المنتخب .. نشكر القائمين على الرياضة على
السعر المميز

اي سعر مميز زقرتي :omg:

اتمنى انك تشوف نوعية الشال ومش كل مايذكر هو صحيح الموضوع تسويقي لا اكثر واذا كانت القناه هي الجهه صاحبة الفكره فاكيد راح يمدحون سلعتهم على الاقل تعويض 1% من المبالغ الدفوعه بتغطية البطوله ..