لا مكان للعائلات في قطر [الأرشيف] - منتديات شبكة الأسهم القطرية

مشاهدة النسخة كاملة : لا مكان للعائلات في قطر

S A A D

17-01-2011, 07:58 AM

:weeping:

السلام عليكم ورحمة اللة وبركاتة

موضوع يزن في راسي من فترة

الكل وده يطلع ويغير جو ويونس نفسه وهله

لكن للأسف وين مايروح الواحد ما يلقى مكان عدل ياخذ راحته فيه بعيد عن المغازل و قلة الحيا

سوق واقف صار مايندخل والحي الثقافي على اثرة

المجمعات ماتدري هو مغازل والا الاجانب ولبسهم الماصخ والا والا

والله صرت اذا ابي اطلع انا وهلي ما القى مكان عدل :eek5:

بعض الاماكن تصلح للبعض لكن ماتصلح لي

ابي مكان اقعد انا وهلي بعيد الخز والقز وعيال الحرام ؟؟ هل بقى في قطر مكان عدل ؟؟

اعتقد ان هالشي يأرق الكثير من العائلات

chillis

17-01-2011, 08:01 AM

اصلا صارت اغلب الاماكن السياحيه مهب لنا حنا القطرين للاسف للاجانب بس ويوم تروح تشوف العجب من اللبس والخربطه وغيره انا اقترح ليش ما يسون لكل مكان بالاسبوع مره للقطرين فقط

الصريحه

17-01-2011, 08:02 AM

ماعندكم الا البر اوالبحر
حالي من حالكم
الله المستعان

الأصيلة

17-01-2011, 08:04 AM

أعتقد إنها خطة لـ خلط الحابل بانابل...
واقناع كل الناس بالإختلاط مع بعضهم البعض
في التنزه والتمشي...

بنت صقار

17-01-2011, 08:05 AM

الصريحه..أضيفي يومين عوائل في حديقه الحيوان:(
الله يكون في عون العوائل..
افضل شي والحل الوحيد.ان كل واحد يحط له مزرعه ولا عزبه تصير المنفّس له ولأسرته!!
هناك في السعوديه يشتكون يقولون كل شي عوائل؟؟
واحنا نشتكي نقول كل شي خلط؟؟
الله المستعان:(

<اضرب واشرد>

17-01-2011, 08:06 AM

عادي كلو من شان قطر

boamir

17-01-2011, 08:07 AM

والله يالغالي مالك إلا البحر ولا البر
تاخذ راحتك ولا تفتكر بشي اما مجمعات وهالسوالف لاتفكر
انا نفسك والله ماأودي الأهل المجمعات وسوق واقف والحي الثقافي وهالسوالف
الواحد كللش ماياخذ راحته

الله يعيين الحاال بس
والمشكله تروح سيلين تشوف بلاوي الدنيا هناك

ام الحناين

17-01-2011, 08:07 AM

الحمدلله
احسن مكان للعائلة
اجمل وحلى واستر واطيب فيه الحب والمودة

البيـــــــــــــــــــــــــت
احنا دوم نتجمع بالبيت اما في الصالة او الحوش ونسوي باربيكيو نشوي واليهال يلعبون ......... ولا حد يقولنا تغطوا لبسوا

البيت جنة

S A A D

17-01-2011, 08:11 AM

شي مؤسف صراحة :weeping:

البر والبحر والبيت هذي اللي موجودة حاليا

حتى البحر ماعاد مثل اول

القريب صار يا عليه فندق والا مشروع

ماعندنا الا من سميسمة وطالع :rolleyes2: والا صوب زكريت ودخان

حرام هالعمران كله في بطن الدوحة واحنا مب قادرين نستانس فيه :omen2:

ROSE

17-01-2011, 08:14 AM

اما تاخذ عائلتك في رحلة بحريه في شاليه من الشاليهات الخاصة او الاستراحات المليانه

الحين في الديره الكل يأجر منهم

او

تاخذون غداكم وتاخذون لكم ركن صوب البحر وتغطيه بعواميد

او البر ونفس الشي

وشوف لك مطعم من المطاعم اللي فيها اماكن للعائلات

العضو العتيج

17-01-2011, 08:16 AM

احذر وابتعد عن الهيلق

ziad1971

17-01-2011, 08:36 AM

الاماكن في الدوحة جميلة جدا وكثيرة
والكل يخاف على أهله سواء قطري او غير قطري

والكورنيش كبير ما هو صغير في أي مكان بتقدر تجلس فيه (بس خد اغراضك معك من اكل وشرب لانا ما في غير في اخر الكورنيش وحديقة البدع)
والحي الثقافي واسع تقدر تروح باي مكان تجلس ولا حد يضايقك (بس خد اغراضك معك من اكل وشرب لانا غالي)

بس مشكلتنا في البحر لاننا متضطر انروح اماكن بعيدة مثل ام سعيد وغيرها
ياريت لو يعملون اماكن خاصة للعائلات في البحر (والسبب لان بعض الاشخاص لا يحترم وجود عائلة تلاقيه لابس ملابس غير محتشمة ويقعد يسبح في اماكن فيها عائلات)

وبصراحة لو في اماكن للعائلات في البحر تلاقيه الرجال صاحب العائلة ما خد الحياة بحرية نفس الشيء بتلاقيه لابس شيء غير محتشم هو او زوجته او اي حد من افراد عائلته ويقول هاي اماكن للعائلات)

فالافضل لازم يعملوا نوادي للعائلات فقط باشتراكات رائعة
النوادي تتضمن (تعليم- ترفيه - سباحة - مطاعم - مسابقات - احتفالات - رياضة)

ويعملو يوم خاص للنساء فقط لانه من حقهم يلاقو يوم خاص لهم.

Um khalifa

17-01-2011, 08:40 AM

اي والله الواحد يكره الطلعة حتى المجمعات زحمة والله ان اليهال يزنون علي ماما خلنا نروح العاب من الزحمة والله اني ماوديهم اروح بيت الوالد وارجع

هارودز

17-01-2011, 08:57 AM

اهم شي تبتعد عن الخميس والجمعه والسبت
وافضل الاوقات تجلس فيها مع الاهل قبل صلاة المغرب

قطريه ماركه

17-01-2011, 10:01 AM

حديقة الحيوان *__^

يايبيين العاب يديده ....

do7awi

17-01-2011, 10:05 AM

يعني تبي مكان لك انت بروحك ومافيه احد ثاني؟

R 7 A L

17-01-2011, 10:20 AM

اخوي شل اغراضك في سيارتك وامسك طريق الشمال او دخان او ابو سمرة وبركن في اقرب روضة وشب ضوك وصلح قهوتك وعشاك وخل الاهل يتمشون في الريضان واليهال يلعبون والله بتستانس افضل من الاماكن المزحومة .

كـاسـر الـصـنـم

17-01-2011, 10:49 AM

اصلا خلو شي حتى الاسياف مانقدر نستانس فيها

ياتحصل شاليه خاصة او من هالمشاريع لا واذا تبي تودي هلك مجبور من بعد الخور وطالع وبيوم عادي لان بالويكيند صعب الكل محتشر في اماكن معينة وماينلامون عقب ماضيقو المناطق
والبر بالوقت الحالي يامسكر من هالمحميات او العنن وحتى العنن اصحاب الدخل المحدود محرومين من هالشي

وباقي الاماكن لعيون الانفتاح

ايزو

17-01-2011, 10:50 AM

مول وذنان للعائلات الافتتاح 1\2\2011

ام السعف

17-01-2011, 10:51 AM

عادي كلو من شان قطر

:nice:

الـقـاسـي

17-01-2011, 10:55 AM

يبون يفرضون الاختلاط غصب في كل مكان يبون الناس يندمجون غصب ..

ANONYMOUS

17-01-2011, 11:02 AM

خذ لك مزرعه

وحط فيها برجه والعاب وملاعب خضراء

وافتل

Ţĥę őήę

17-01-2011, 12:00 PM

ماعندكم الا البر اوالبحر
حالي من حالكم
الله المستعان

والله حتى لو بتوديهم البحر بتجوف مناظر عمرك ماجفتها

و الله انا من زمان خاطري اودي الاهل مكان زين بس وييين ؟

:secret:

الله يعيينآ والله :rolleyes2:

صمت 1

17-01-2011, 12:43 PM

احساس غريب

17-01-2011, 01:37 PM

اللي في قلبه الصلاه ماتفوته

واللي بيودي هله يمين ولا يسار ماراح يفكر ف الناس الا الشباب والا المغازل والا هالخرابيط

ناس وايد يطلعون ويروحون ويرجعون اماكن وايد .. بس في حالهم ومالهم شغل بالناس

مع احترامي

do7awi

17-01-2011, 01:39 PM

صمت 1
و
احساس غريب

قلتوا اللي كنت بقوله بالضبط

كفيتوا وو فيتوا

!..فيونكه..!

17-01-2011, 02:45 PM

ابو محمد7

17-01-2011, 02:59 PM

سوأل بسيط لكم اذا سافرتو خارج البلاد الى احد الدول العربيه او الاجنبيه سياحه مع العائله

تحبسون نفسكم بالشقه او الفندق او تطلعون وتتفسحون يعني خارج الدوله عادي وتخلون العادات والتقاليد وداخل قطر الكل يتمسك ويحبس هله وعياله

كلام سليم 100%

عجيب امر الشكاوي يشتكون من كل شي !

الشباب يشتكون يقولون كل مكان للعائلات وين نروح !

والعائلات تشتكي وتقول كل مكان حق الشباب وين نروح !

بصراحة اذا جينا حق المجمعات وهي من اهم الاماكن للترفيه العائلي بسبب ارتفاع حرارة الجو معظم ايان السنة ولانها تتوافر فيها المحلات للنساء والالعاب للاطفال والمطاعم وغيره من وسائل ترفيه للكبار والصغار

المشكلة الاكبر فيها هو فئة كبيرة من الشباب القطري !!!

خلنا نتكلم بصراحة وبدون ماتاخذنا الحمية

انا اذا اروح مجمع مع اهلي الصبح او الظهر ما اشوف الاجانب يطالعون ويقزون ويتحرشون مثل هالفئة من شبابنا !!!

اذا شافوا حريم بروحهم اشتغلوا قز وتحرش ! وبعضهم مايميز بين وحده في حالها متسترة او وحده جاية حق اللعبة

واحيانا حتى وانت مع اهلك لازم تكون يقظ وحذر وتخز فيهم لانك ماتسلم من عينهم !

على طاري السفر للخارج انا لما اسافر مع اهلي اماكن بعيدة يقل فيها العرب وخاصة الخليجيين احس براحة ومثال على هالشي سفري الى جزر المالديف وكنت في جزيرة اكثر اللي فيها من شرق اسيا بالاضافة الى الاوروبيين والله العظيم تحس انهم مايشوفونك !!! كأنك مب موجود وكل واحد في حاله او مع اهله او اللي معاه !!!

طبعا اكيد في مضايقات من غير القطريين ايضا

ولكن احنا لازم نشوف حل حق مشاكل بعض شبابنا قبل لا نشوف مشاكل الاخرين

بعض شبابنا عندهم مشكلة كبيرة ماعنده اخلاق اسلامية ولا حتى قيم حضارية واحترام للاخرين وحرياتهم

S A A D

18-01-2011, 07:53 AM

اشكركم اخواني وخواتي على ردودكم تعليقاتكم

وان كان البعض مافهم قصدي من الموضوع

S A A D

18-01-2011, 07:56 AM

يعني تبي مكان لك انت بروحك ومافيه احد ثاني؟

لا ياخوي من قال هالكلام

ولكن الواحد وده بمكان عائلي محترم بعيد عن الاشكال اللي تغث

مكان يرتاح الواحد فيه في بلادة

مكان يرضى فيه كل من فيه غيره وحمية على مرتة وهله

عرفت قصدي الله يسلمك

S A A D

18-01-2011, 08:02 AM

سوأل بسيط لكم اذا سافرتو خارج البلاد الى احد الدول العربيه او الاجنبيه سياحه مع العائله

تحبسون نفسكم بالشقه او الفندق او تطلعون وتتفسحون يعني خارج الدوله عادي وتخلون العادات

والتقاليد وداخل قطر الكل يتمسك ويحبس هله وعياله

اخوي الغالي الله مكثر الاماكن الزينة والحشيمة فالخارج

ومب شرط اني اسافر وافصخ الحيا وفي بلادي اسوي روحي ابو المراجل لا طبعا

فيه ناس نفس ماذكرت فالدوحة يجبر اهله بالتستر و انواع الغيرة بس من يطلعون برى البلاد يخلي لهم الحبل على الغارب ولا يفتكر وين يوديهم ولا شنو يلبسون

و اللي بيسافر ويهتم بستر هله صدقني مابيوديهم اي مكان , الا بيحشمهم من الاماكن اللي ماتصلح

انا اتكلم عن نفسي :omen2:

S A A D

18-01-2011, 08:05 AM

S A A D

18-01-2011, 08:08 AM

do7awi

18-01-2011, 08:32 AM

المشكلة الاكبر فيها هو فئة كبيرة من الشباب القطري !!!

خلنا نتكلم بصراحة وبدون ماتاخذنا الحمية

انا اذا اروح مجمع مع اهلي الصبح او الظهر ما اشوف الاجانب يطالعون ويقزون ويتحرشون مثل هالفئة من شبابنا !!!

اذا شافوا حريم بروحهم اشتغلوا قز وتحرش ! وبعضهم مايميز بين وحده في حالها متسترة او وحده جاية حق اللعبة

واحيانا حتى وانت مع اهلك لازم تكون يقظ وحذر وتخز فيهم لانك ماتسلم من عينهم !

على طاري السفر للخارج انا لما اسافر مع اهلي اماكن بعيدة يقل فيها العرب وخاصة الخليجيين احس براحة ومثال على هالشي سفري الى جزر المالديف وكنت في جزيرة اكثر اللي فيها من شرق اسيا بالاضافة الى الاوروبيين والله العظيم تحس انهم مايشوفونك !!! كأنك مب موجود وكل واحد في حاله او مع اهله او اللي معاه !!!

طبعا اكيد في مضايقات من غير القطريين ايضا

ولكن احنا لازم نشوف حل حق مشاكل بعض شبابنا قبل لا نشوف مشاكل الاخرين

بعض شبابنا عندهم مشكلة كبيرة ماعنده اخلاق اسلامية ولا حتى قيم حضارية واحترام للاخرين وحرياتهم

يا اخي كثر جياتك شوي .. تعجبني ردودك :)

الفتى

18-01-2011, 08:35 AM

اعتقد الاشخاص اللي بيفهمون اللي ابي اوصلة من طرحي للموضوع هم ارباب العوائل اللي ضاقت بهم الدوحة من قلة الاماكن اللي ياخذون فيها راحتهم ويا اهاليهم

على الاقل مكان ماتلاقي فيه حد يتم يطالعك ويطالع هلك من زود الفضاوة

اللي فيه غارية على هله مابيرضى بهالشي
صح انه هله مستترين ولكن الرجل اللي بمعنى رجل لايرضى بهالشي

مفهوم أخي الكريم ما تنوي له و ما تريد قوله صحيح قلة الأماكن أذا ما نقول أنغرضت - نصيحة ويك أند و روح السعوديه يومين بتستانس وله أبوظبي شاليهاتهم هناك روعه

سوأل بسيط لكم اذا سافرتو خارج البلاد الى احد الدول العربيه او الاجنبيه سياحه مع العائله

تحبسون نفسكم بالشقه او الفندق او تطلعون وتتفسحون يعني خارج الدوله عادي وتخلون العادات

والتقاليد وداخل قطر الكل يتمسك ويحبس هله وعياله

أخي الكريم من وجهت نظري المتواضعه و لا أعلم ما هي وجهت نظر الكاتب ، لا بالعكس برع و انا أقصد بكلمت برع بعض الدول الخليجيه و الدول الغير عربيه بتطلع بتسيح بتمشى بمجمعاتهم ولو كانت مزدحمة لأنه الكل في حاله ، و ثاني شيء ما روح تشوف هل المناظر في الأماكن السياحيه ، بتشوفها تتسكع في شوارع المشاه بأوقات معينه و تجنبها .
لكن هني روح المجمعات بالدوحة وش بتشوف - واحد يمشي يرقم بنات واحد يطالع بنات و يتضحك ، شباب ياحقون أم و يلعبون عيالها ، غير هذا ،، حركات البنات من الصوت العالي و الضحك و الدلع و اللبس اللي الله يستر علينا و عليهم ، و غير ذلك أذا مع هلك النظرات الموجهه لك ، لذلك هذا الجوا لا يلائم الرجل و هو يمشي مع هله - أعتقد هذه وجهت نظر الكاتب .

على كلمة برع نتمشى بالمجمعات
خذ مثال دبي مجمعاتها زحمة أكثر من الدوحة لكن ما تطالع هل المسخره لأنه اللي ما يحترم نفسه يسحبونه مثل الخروف التحريات و جدام الناس ، عشان جي مرضا النفوس تم معالجتهم هناك .

السعوديه اللي يحاول يقل أدبه وجد رجال الهيئه له بالعصي و الخيازرين ، يعني تمشى و أنت مطمن .

في أوربا كلاً في حاله بس الله يفكك من نظرات الخليجيات و أنت مع هلك جنه أول مره يشوفون نساء متغطيات و أنه أمر عجيب .

اللي في قلبه الصلاه ماتفوته

واللي بيودي هله يمين ولا يسار ماراح يفكر ف الناس الا الشباب والا المغازل والا هالخرابيط

ناس وايد يطلعون ويروحون ويرجعون اماكن وايد .. بس في حالهم ومالهم شغل بالناس

مع احترامي

صحيح أحساس غريب اللي في قلبه الصلاه ما تفوته و أحنه أول ما يأذن بنصلي أن شاء الله ، لكن ما أتفق مع بالرئي من طبع الرجل غيور و لا يرضى يشوف هل المناظر تمر جدامه و جدام هله و هل المسخره .
أذا بيتم المغازل في زاويه محد بيشوفهم حريقه تحرقهم و جهنم لكن على الملئ لا لازم يحترمون شعور الغير .

أخيرا نتمنى من المسؤولين تخصيص شرطة أو تحريات في الأماكن المزدحمة للي ما يحترم نفسه يأدبونه و كذلك قسم حريمي للبنات .

طبعاً وجهت نظر تحتمل الصواب وتحتمل الخطء

ابو محمد7

18-01-2011, 08:36 AM

يا اخي كثر جياتك شوي .. تعجبني ردودك :)

تسلم اخوي بس تراني ماقلت شي من عندي هذا واقع والكل يلاحظه

S A A D

18-01-2011, 08:44 AM

الفتى

اشكرك عزيزي على تعليقاتك الجميلة

ارفع لك القبعه استاذي