العرب: «هاكر» من لندن يخترق بنكاً محلياً ويعبث بحساب مواطن

[fathi]

الدوحة - فتحي إبراهيم بيوض
ظهرت تفاصيل جديدة في قضية «اختفاء» 100 ألف ريال من حساب مواطن وتحويلها إلى حساب مقيم آسيوي - نشرت القضية «العرب» سابقاً - حيث قام الأخير بسحب 97 ألف ريال قبل أن يقوم البنك بمصالحة العميل ورد الـ100 ألف إليه، وملاحقة الآسيوي قضائياً. وبحسب شهادة موظف البنك فقد اكتشف قيام شخص مجهول باختراق نظام البنك من خلال كمبيوتر في مدينة لندن البريطانية، واستطاع تحويل المبلغ من حساب المواطن إلى حساب المقيم، ثم قام الأخير بصرف المبلغ وتحويله إلى عدة جهات خارج البلاد. وتابع الموظف: «قام البنك بسداد المبلغ للعميل مما ترتب على ذلك ضرر لحق به» ومن المنتظر أن تصدر المحكمة حكمها في القضية قريباً، بعدما استمعت لهيئة الدفاع والادعاء، وإلى عدة شهود وضعوا المحكمة ضمن التصور العام وتفاصيل القضية.

[MAZEN37]

حلوه هذه
تخيل الموضوع معاك

[تركي محمد]

صعبة تصير لقطري
لان حسابة مافيه هالمبلغ اصلا : ))

[غايه الطواش]

بس ردو 100 الف المفروض فوقها رضوه

للاسف ماعرف يلعبها صح ...ع الاقل 500 الف

[<اضرب واشرد>]

العميل الاسيوي المتعاون مع الهاكر لازم يمسكونه بأسرع وقت ويجلدونه في كتارا ، لعل وعسى " الشباب " اللي يترقصون هناك يشوفون المنظر ويصطلبون.

[القيادة]

البنك يتحمل المسئولية على الى صار

[al_Caesar]

هاااي نفس الموضوع صار معاي خالي

كان واقف فند صرافة المصرف الاسلامي الي في محطة الشقب وطلع له انه مافيه رصيد مع انه في رصيد في حسابه
ومشى من عند الصرافه الا تهل عليه مسجات في جواله تم سحب 1000 ريال عشر مسجات يعني 10000 ريال استغرب قبل شوي ماسحبت معاه البطاقة راح البنك قال له بالسالفه شيكو على حسابه قالوا انت سافرت جنوب افريقا قالهم لا قالوا الملبغ انصرف من جنوب افريقا رد البنك له المبلغ المسحوب وقال حنا نتحملها وبعد فتره جاء اتصال من البنك وقالوا له كان في واحد يراقب عند الصرافه واخذ الرقم السري مال بطاقتك وسحب عن طريقه هالمبلغ من حسابك ....



بصراحه شي غريب انا سمعت انه هالحالات صرات قبل بس بعد ماحطوا في كل بطاقة شريحة صارت مامنه اكثر ...

[روضه الجنة]

الله يرحمنا برحمته

[مشتاقة لقطر]

هاااي نفس الموضوع صار معاي خالي

كان واقف فند صرافة المصرف الاسلامي الي في محطة الشقب وطلع له انه مافيه رصيد مع انه في رصيد في حسابه
ومشى من عند الصرافه الا تهل عليه مسجات في جواله تم سحب 1000 ريال عشر مسجات يعني 10000 ريال استغرب قبل شوي ماسحبت معاه البطاقة راح البنك قال له بالسالفه شيكو على حسابه قالوا انت سافرت جنوب افريقا قالهم لا قالوا الملبغ انصرف من جنوب افريقا رد البنك له المبلغ المسحوب وقال حنا نتحملها وبعد فتره جاء اتصال من البنك وقالوا له كان في واحد يراقب عند الصرافه واخذ الرقم السري مال بطاقتك وسحب عن طريقه هالمبلغ من حسابك ....



بصراحه شي غريب انا سمعت انه هالحالات صرات قبل بس بعد ماحطوا في كل بطاقة شريحة صارت مامنه اكثر ...

عسان كذا احنا نستهين بالحركة االلي يقول لك غطي ارقامك السريةوانت تضربها ..

زوجي له علاقة بهالامور بالشرطة من كم سنة

يقول صادو عصابة مركبة كيمرا على مكاين السحب الالي من داخل ويقنصون الرقم وعقب لهم طريقتهم بالسحب من بطاقتك ..


فغطوو على يدكم وانتو تضربون الرقم السري

[مهل]

هذي الامور تحدث في كل مكان... في امريكا تم سرقه ٤٥ مليون دولار مش ١٠٠ الف حسب برنامج شاهدته قبل كم يوم على ناشيونال جيوغرافيك ابوظبي


المهم في الموضوع ان البنك يسارع باكتشاف الخلل في نظام الحمايه و البرمجه الي سمح للهكر باختراق البنك بهالسهوله و تحويل المبلغ لحساب اخر

[جوال 11]

في بريطانيا أي شخص أو شركة تحصل على رقم حساب العميل في البنك وأسمه كما مسجل لديهم يستطيع الشخص أو الشركة السحب من حساب العميل وهذا النظام موجود عندهم فلذلك نصيحة لا يطلع أحد رقم الحساب أو الأسم الموجد في البنك ، وأيضا في كثير من الدول البطاقة التي تحمل الشريحة سواء بطاقة البنك أو بطاقة الأئتمان لا تحتاج الى رقم سري أو توقيع مجرد وضعها في آلة السحب ويتم سحب المبلغ وهذا شاهدته عند أستخدام البطاقات في بريطانيا وألمانيا والأما رات والصين وهونغ كونغ فالحذر تترك بطاقة البنك التي تحمل الشريحة .

[بوعيسى1]

اي والله ياخوي انت صادق
انا عرضت موتري في قطر ليفينغ
فوصلت لي رسالة بتاريخ 12-01-2011 من رقم بريطاني
447752943796+
كاتب لي في الرسالة بان هو عنده رغبة في شراء سيارتي بسعر الي انا ابغيه
وطرش لي ايميله clarkbol01@gmail.com
فقلت في نفسي يمكن حد عنده من الاهل او يمكن مسافرين وبيرجعون
فقلت له تعال وافحص السيارة فقال لي لا انا ما ابغي افحص خلاص انا مصدقك
قلت له انزين شلون نغير الاسامي فقال لي انا اتكلم معك من بريطانيا
انا ابغي اشتري السيارة علشان اهديه لابوي في عيد ميلاده وانا ابغي افاجئه
قلت له عيل شلون تشتريه قال لي انا بشتريه عن طريق pay pal
فقال لي افتح لك حساب في pay pal وانا بطرش لك المبلغ الي تبيه وانا بتكلم مع شركة الشحن
قلت له خلاص انا بسئل بكره وبرد عليك .. اتصلت حق البنوك فقالوا لي بانهم ما يتعاملون
مع pay pal هو مجرد موقع في الانترنت تبيع وتشتري عن طريقه .. دورت مكتبهم في قطر
ما حصلت ... العموم سويت له ايميل وقلت له بان pay pal مكتبهم موب موجود في الدوحة
وبنوك ما يعترفون فيه كجهة رسمية .. علشان شدي انا ما اقدر اسحب المبلغ في حالة اتمام الصفقة
العموم قال لي خلاص عطني بياناتك اسمك ورقم حسابك والعنوان وانا بطرش لك المبلغ ..
فقلت له انا برد عليك بعض شوي ... اتصلت على خط الساخن لبنك المحلي وسئالته بان هل الشخص
يقدر يضرني لو فتحت حساب جديد وعطيته رقم حسابي فقالوا لي لا محد يقدر يسرق من مجرد رقم حسابك
وسئالته هل انا اقدر اتصرف بمبلغ اول ما ينزل عندكم فقال لي اي نعم انت تقدر تسحبه اول ما ينزل في حسابك
فرجعت حق الانجليزي وقلت له انت ليش تثق فيني انت ما شفتني ولا تعرفني تبغي تطرش المبلغ بدون ما تشوف السيارة ولا تفحصه .. افترض انا سرقت فلوسك وما عطيتك سيارتك . فقال لي انا اثق فيك وبطرش
المبلغ اول ما تعطيني رقم حسابك ... بصراحة ياخوان انا خفت وقلت في نفسي ليش الرجل واثق مني مع انه
ما شافني ولا يعرفني ... والحين سار لي يومين ما ارد عليه واليوم شفتكم نازلين الموضوع فتذكرت
بان الشخص بعد كان من بريطانيا .. شكله كان مخطط حق شيء والحمدلله ربي انقذني من النصب
والله ياخوان الهاكر عادي يسونه ياخذون رقم حساب ويدش في حسابك ويورطك مع البنك ...
العموم ياخوان انا نزلت لكم رقم الرجال وايميله لو حاول يتواصل معكم فخذو الحذر منه
ويعطيكم العافية

[مهل]

صعبه يابوعيسى انه يخترق حسابك و انت بالذات ،، فيه ظروف كثيره لازم تصدف مع بعض عشان يتمكن هكر من سرقه حسابك انت من بين الناس


انا اقول لاتفرط الصفقه و افتح حساب جديد ماراح يكلفك شي و عطه الحساب الجديد الي رصيده صفر و ماعليك شر

موقع بيبال انا اثق فيهم اكثر من جميع بنوك قطر من تجارب كثيره معهم حقك ابد ابد مايضيع و تقدر تامن على اي عمليه تسويها بدولار و اساسا ولا مره امنت عمليه و انسرقت شكثر و خذو حقي بوقت قياسي و في دول مثل الصين و من تجار يوم حطيت اساميهم في قوقل اكتشفت انهم نصابين على مستوى

[MoTeC]

صعبه يابوعيسى انه يخترق حسابك و انت بالذات ،، فيه ظروف كثيره لازم تصدف مع بعض عشان يتمكن هكر من سرقه حسابك انت من بين الناس


انا اقول لاتفرط الصفقه و افتح حساب جديد ماراح يكلفك شي و عطه الحساب الجديد الي رصيده صفر و ماعليك شر

موقع بيبال انا اثق فيهم اكثر من جميع بنوك قطر من تجارب كثيره معهم حقك ابد ابد مايضيع و تقدر تامن على اي عمليه تسويها بدولار و اساسا ولا مره امنت عمليه و انسرقت شكثر و خذو حقي بوقت قياسي و في دول مثل الصين و من تجار يوم حطيت اساميهم في قوقل اكتشفت انهم نصابين على مستوى

اخوي اذا بتفتح حساب ببنك محلي ومافيه ولا ريال اوكيه جرب
لكن الباي بال انتبه خصوصا في طريقه اخبر يسوونها اخوانا العرب(جنسيه عربيه متخصصين بالسرقه)واكتشفتها من واحد منهم
ان يقولك بشتري شي من عندك وبالسعر اللي تبغيه لكن عن طريق باي بال
المهم بعد مايرسل المبلغ ويوصلك بالباي بال ويكون هذا دليل صدقه ف تعطيه اللي يبغيه
ومايكمل اسبوع إلا صاحب المبلغ يسوي chargeback للمبلغ
وينسحب من رصيد الباي بال او الحساب
للعلم ان تقدر تسوي chargeback لغايه 30 يوم اعتقد او شي جذي
وانا مابقولك ان بينصب عليك لكن هذي بعض الطرق اللي ممكن يسوونها او يسويها اي احد
وحبيت احذرك انت والاخوان
وبالتوفيق للجميع

[قناص الخليج]

يعني حسابانتنا بالبنوك معرضه للقرصنه الكترونيه

[R 7 A L]

ما اعتقد ان اي هكرز يقدر يدخل في انظمة بنك ويتلاعب بها
هذا خطاء من احد الموظفين
وحطوة عذر انة هكرز

[eveqatar]

هذا غبي الي سواها

ما يدري ان 100 الف تساوي 1ريال في هالزمن

بس للاسيوي بيساوي مليون


هي هي هي هي هي

[الصريحه]

يارب رحمتك

[<اضرب واشرد>]

عسان كذا احنا نستهين بالحركة االلي يقول لك غطي ارقامك السريةوانت تضربها ..

زوجي له علاقة بهالامور بالشرطة من كم سنة

يقول صادو عصابة مركبة كيمرا على مكاين السحب الالي من داخل ويقنصون الرقم وعقب لهم طريقتهم بالسحب من بطاقتك ..


فغطوو على يدكم وانتو تضربون الرقم السري

شكرا على المعلومة أختي

بارك الله فيكم


ما اعتقد ان اي هكرز يقدر يدخل في انظمة بنك ويتلاعب بها

غلطان اخوي

الهكر ممكن جدا يخترق البنوك. وصارت وتصير ..