الحقيقة - القطرية غير جادة فى الرغبة بالزواج- تجربة شخصية!!

[قطر العطاء]

الموضوع هو تجربتى الشخصية من خلال رحلة بحثى عن الزوجة ( الثانية ) وحقيقة فوجئت بان اغلب الفتيات القطريات واللاتى تقدمت لهن يرفضون بشدة مبدأ التعدد والنسبة الباقية طلب شروط تعجيزية كبيت ملك او ارض كضمان وكأننا مقبلين على مشروع تجارى وليس عشرة عمر مبنية على الحب والعشرة الكريمة والحقوق الشرعية ....

وبمقارنة بسيطة ومن خلال تجربتى فى السؤال من الدول المجاورة قكانت الحقيقة ان الفتيات هناك يرغبن فى الزوج الصالح ...وان كان معدد .. وبتكلفة مادية اقل بكثير جدا جدا مما هو حاصل فى قطر .......

فالسؤال المهم لفتياتنا .... لماذا لاتريدون الزواج علما ان التعدد هو الاصل ....... ولماذا التفنن فى الشروط المادية وكانكن مقبلون على مشروع تجارى .....
فالسؤال الذى لم اجد له جوابا لماذا لم تعد الفتاة ترغب فى الزواج وسمعت كثيرا ( اقعد فى بيت ابوى وراتبى عندى ) !!!!!

الم تفكرى بعد عمر طويل انكى سوف تحتاجين الى بنت او ولد يرعاك !! الم تفكرى بالوحدة القاتلة بعد مضى سنين العمر .....اليس من سنن الكون ان يكون للفتاة زوج ومن ثم اولاد وبنات ......
لماذا النظرة الضيقة !!!! ليس بالمال فقط تضمن الفتاة مستقبلها ... فهناك امور اخرى يجب ان لا تغفلها الفتاة القطرية .......وهناك حاجات انسانية لاغنى لاى انسان عنها .
فارجوالتنبه للامر حتى لا نرى نسبة العنوسة وصلت الى ارقام قياسية ناهيك عن ما يترتب على ذلك من مشكلات اجتماعية كثيرة ...

الاخوة والاخوات هذه مشاركة وددت ان اطرحها عليكم من خلال راىى وتجربتى الشخصية واعلم انه يوجد من يعارضنى ومن يؤيدنى ..........وسوف اغطى جوانب الموضوع الاخرى من خلال الردود على مشاركات الاخوة والاخوات .
حيث ارغب ان اصل فى النهاية الى بحث علمى اجتماعى منهجى بعنوان (( العنوسة فى المجتمع القطرى المشكلة والحل ))

( سبحانك اللهم وبحمدك اشهد ان لا اله الا انت استغفرك واتوب اليك )

[مريومة]

بالعكس

مافي كثر البنت تبي الستر

ولكن ستر يحفظ لها كرامتها جدام اهلها وجماعتها

يعني من تجارب .. تلقى اللي يبي يعدد .. هو بعد يتشرط

الا طول معين وسن معين ولون معين ..

وفوق هذا

يقول لها بحط لج ملحق .. على الاقل اقسم البيت وحطها مع اهلك

والا بعطيج مهر 10 الالاف .. وانتي كملي من عندج

والا خلج موظفة علشان اتساعديني ..

ترا الثانية نفس الاولى انسانة ولها كيان واحساس

مش لان القطار فات خلاص .. اتحذف عمرها بهالطريقة المهينة

اوكيه معلية .. رجال صالح وفيك خير .. احشم المرأة واكرمها مثل ما اكرمت الاولى

حتى العانس اللي اوصلت الاربعين .. صج تبي تلحق على عمرها بس باحترامها وكرامتها

وبس خلاص :)

[دلة الرسلان]

أحييك أخي الكريم على أشراكنا في تجربتك الخاصة ولكن ليكون الحكم عادل فعلا استسمحك

في هذا السؤال : كم عمر الفتيات اللاتي تقدمت لهن ؟ وهل بينهن مطلقة أو ارملة ؟

[R 7 A L]

أحييك أخي الكريم على أشراكنا في تجربتك الخاصة ولكن ليكون الحكم عادل فعلا استسمحك

في هذا السؤال : كم عمر الفتيات اللاتي تقدمت لهن ؟ وهل بينهن مطلقة أو ارملة ؟

:nice:

بحكم اني رجل ويحق لي الجواب
اكثر الرجال المتعددين مايبون لا ارملة ولا مطلقة ويبون وحدة اصغر منهم بعشرين سنة
:tease:

[MAZEN37]

بالعكس

مافي كثر البنت تبي الستر

ولكن ستر يحفظ لها كرامتها جدام اهلها وجماعتها

يعني من تجارب .. تلقى اللي يبي يعدد .. هو بعد يتشرط

الا طول معين وسن معين ولون معين ..

وفوق هذا

يقول لها بحط لج ملحق .. على الاقل اقسم البيت وحطها مع اهلك

والا بعطيج مهر 10 الالاف .. وانتي كملي من عندج

والا خلج موظفة علشان اتساعديني ..

ترا الثانية نفس الاولى انسانة ولها كيان واحساس

مش لان القطار فات خلاص .. اتحذف عمرها بهالطريقة المهينة

اوكيه معلية .. رجال صالح وفيك خير .. احشم المرأة واكرمها مثل ما اكرمت الاولى

حتى العانس اللي اوصلت الاربعين .. صج تبي تلحق على عمرها بس باحترامها وكرامتها

وبس خلاص :)
جاوبتي ستر مظاهر يعني
:eek5:

[تهامي باشا]

بالنسبة إلى رفض المرأة أن تكون زوجة ثانية فهذا الأمر راجع إليها ولا يستطيع أحد إجبارها على ذلك
كذلك بالنسبة للطلبات المادية فلكل امرأة حقها في تحديد مهرها وللرجل أن يوافق أو أن يرفض
التعدد ظاهرة جيدة إن كان يستهدف فئة العوانس والمطلقات، أما ما نراه اليوم فمعظم من يريدون التعدد يرغبون في زوجات يكن في مقتبل العمر وممن لم يسبق لهن الزواج، وكذلك إن تكون ذات جمال ونسب، وقد يصلون إلى أبعد من ذلك في تحديد الاشتراطات والمواصفات، وهذا لايسهم أبداً في حل مشكلة العنوسة
في بعض الأحيان أن تضل البنت عانساً أفضل لها من أن ترتبط برجل دون المواصفات المأمولة

مع كامل تحياتي

[مريومة]

جاوبتي ستر مظاهر يعني
:eek5:

صعب تفهم

لانك مب بنت وبتتزوج متزوج

[bo_hamad]

أعرف شخص طلق زوجة والسبب انها اطلبت منه شراء أرض لها وتسجيلها باسمها وصارت المشكلة وضياع الابناء

[chillis]

انا ضد التعدد بس بنظري من حق الزوجه الثانيه تامن مستقبلها بالذات انه رجل متزوج وصاحب عيال

[بنت صقار]

كثيرات من يتمنين الزواج..ولكن لايقبلن التنازل عن أساسيات في نظرها..مقابل.................(رجل)

[حـ ن ـيـ ن]

مع أنني امرأة وذات زوج ...وأكيد ما أرضىى زوجي يتزوج ...

((ياااااااارب ترزقنا الذرية الصالحة))

ولكن من خلال عملي ...تعرفت على الكثير من الأخوات منهم المطلقة والعانس التي فاتها

قطار الزواج...منهم من لا ترضى أن تبني سعادتها على سعادة غيرها ...فترفض مبدأ التعدد...

ومنهم من تقبل ولكن بشروط كالبيت مثل زوجته الأولى...

الله يرزقهم الأزواج الصالحين ...

[MAZEN37]

صعب تفهم

لانك مب بنت وبتتزوج متزوج
صعب افهم لانه فهمي على قدي( عموما شكرا)
بس ممكن توضحي وجهة نظرك بهدوء لو سمحتي ؟

[الوان]

موضوع قيّم و لكن يدور حول تجربة شخصيه

ربما اخي الفاضل انك بحثت عن زوجه صغيرة السن كزوجه ثانيه

و يندر من يرضى لبنته الشابه ان تكون زوجه ثانيه

ربما لو بحثت عن مطلقة او ارمله

ليس لأنهن اقل من الشابه

و لكن لأنهن أعقل منها

فالمطلقة و الارمله بالذات .. تعرف قيمة الزوج و الحياة الزوجيه

و تدرك ما معنى فقدان الزوج

فيكون الرجل الجديد في نظرها ذو قيمه كبيره

[wadha-qa]

يعني تبيها ترضى بالتعدد و بعد ترضى بعدم توفير اقل ما يمكن ان يقدمه الزوج لزوجته وهو الاستقرار في بيت شرعه الله لها سواء كانت الاولى ولا الاخيره ؟؟

و بصراحه اللي مب قد التعدد و العدل لا يدور لان محد بياخذه الا بنات بعض الدول المجاوره اللي ترضى باي رجل والكل عارف الاسباب مافي داعي نفتح ملفات ثانيه !

[الأصيلة]

نعم لا يبحث المعدد عن المطلقة والأرملة والعانس إلا من رحم ربي...
وبالتالي الزوجة الثانية تعلم جيدا أن هذا الرجل سيأتي بثالثة ورابعة...
أعتقد المستقبل المادي يهمها كثيرا لها لأبنائها
فإذا.. ذا الراتب البسيط سيفتح ثلاث أو أربع بيوت كيف سيكون مصيرها وأولادها بعد مدة من الزمن...
دائما البنت وفي هذا الزمن ترضى أن تكون ثانية أو ثالثة للثري فقط
وهذه حقيقة لمستها من خلال شريحة كبيرة من مجتمعنا...

[Nojoom]

الحل بيسيط ليش نضيع وقتنا في جدال وتحقيق احلام غير مبنيه على واقع

رجل على قد حاله من وين يجيب لها بيت ملك ؟

الحل هو

يفتحون باب الزواج من الخارج سواء لرجال او البنات

الي تبي تتزوج اجنبي تروح تتزوج بدال ماتعنس وتكون بيت واسرة

والرجل بعد بيحصل البنت الي ماتبي اشياء مبالغ فيها

[مريومة]

الحل بيسيط ليش نضيع وقتنا في جدال وتحقيق احلام غير مبنيه على واقع

رجل على قد حاله من وين يجيب لها بيت ملك ؟

الحل هو

يفتحون باب الزواج من الخارج سواء لرجال او البنات

الي تبي تتزوج اجنبي تروح تتزوج بدال ماتعنس وتكون بيت واسرة

والرجل بعد بيحصل البنت الي ماتبي اشياء مبالغ فيها

انتهى :)

[الحره]

وليش زعلان الزواج غصب محد يقدر يجبر وحده اتزوج واحد متزوج عنده عيال او ماعنده

مافي الا تصبر وما تيأس دور والله يرزقك

[بوحسن606]

اغلب البنات بفكرون بهالموضوع الف مره قبل لايوافقون عليه طبعا لانهم يسمعون بلاوي عن الزواج من رجل متزوج لان في بالهم كلام كثير هل راح يعدل بينا وهل هالزواج ماراح يكون فكره طايشه جات على باله و يمكن يغير رايه علشان جي يطلبون ظمانات من الزوج المتزوج

[الفا برافو]

السلام عليكم
اسمحوا لي ان ادلو بدلوي من تجربتي الشخصيه
فانا متزوج باثنتين رسميا
الاولى قررنا ان ننفصل لظروف خاصه بنا ومن دون طلاق حفاظا على الاولاد وجعلت لهم منزل خاص بهم ووفرت لهم كل ملتزمات الحياة الكريمه ومازلت .
وعندما قررت الزواج مره اخرى تقدمت الى فتاة من عائله كريمه كانت عائلتي قد مدحتها لي وهي سيده مطلقه من دون ابناء .
وان كان هناك بعض الرفض الابتدائي من ناحية اهلها حيث انه الكثير لا يحبذن ان يزوجن بناتهن بمتزوج ولديه ابناء
ولكن الحمدلله تمت الموافقه والزواج والان لدي من هذى الزوجه الفاضله اربع ابناء واحمد ربي على النعمه اللتي بعثها لي من خلال هذة المراة الصالحه التي كانت وجه خير علي واللتي تعامل ابنائي من زوجتى الاولى بكل الحب والود وتعتبرهم ابنائها .

الشاهد ليست كل مطلقه تعني انها سيئه وليست كل عذراء تعني انها ممتازه

فاظفر بذات الدين تربت يداك

وامنيتي للاخوات ان لايضعن المتزوج ويرغب في في زوجه ثانيه لظروف الله واعلم بها بخانة الرفض فقط لانه متزوج باخرى .

[شبح الصمت]

السلام عليكم
اسمحوا لي ان ادلو بدلوي من تجربتي الشخصيه
فانا متزوج باثنتين رسميا
الاولى قررنا ان ننفصل لظروف خاصه بنا ومن دون طلاق حفاظا على الاولاد وجعلت لهم منزل خاص بهم ووفرت لهم كل ملتزمات الحياة الكريمه ومازلت .
وعندما قررت الزواج مره اخرى تقدمت الى فتاة من عائله كريمه كانت عائلتي قد مدحتها لي وهي سيده مطلقه من دون ابناء .
وان كان هناك بعض الرفض الابتدائي من ناحية اهلها حيث انه الكثير لا يحبذن ان يزوجن بناتهن بمتزوج ولديه ابناء
ولكن الحمدلله تمت الموافقه والزواج والان لدي من هذى الزوجه الفاضله اربع ابناء واحمد ربي على النعمه اللتي بعثها لي من خلال هذة المراة الصالحه التي كانت وجه خير علي واللتي تعامل ابنائي من زوجتى الاولى بكل الحب والود وتعتبرهم ابنائها .

الشاهد ليست كل مطلقه تعني انها سيئه وليست كل عذراء تعني انها ممتازه

فاظفر بذات الدين تربت يداك

وامنيتي للاخوات ان لايضعن المتزوج ويرغب في في زوجه ثانيه لظروف الله واعلم بها بخانة الرفض فقط لانه متزوج باخرى .




ارحم الله والديك وبيض الله وجهك

ما قصرت بطرحك لنبذه عن حياتك

الله يبارك لك في اهلك ومالك يارب

والله يجمعك مع أهلك في الحوض مع نبينا محمد صلى الله عليه وسلم والمسلمين والمسلمات اجمعين

[الفهد1]

أعرف شخص طلق زوجة والسبب انها اطلبت منه شراء أرض لها وتسجيلها باسمها وصارت المشكلة وضياع الابناء

ماشاء الله عليك يابوحمد وايد صريح وين الستر من ستر على مسلم ستر الله علية في الدنيا والاخرة

[missperfect]

حتى تضمن حقها لان هالايام الرجاجيل الي يعددون اغلبهم لايستقرون في الحياة ماعجبته رماها للأسف تلومون البنت لين بغت تأمن حياتها بعدك وماتلومون الرجاجيل الي مآخذين مسألة الزواج كتسليه في حياتهم ومتى مابغى يتركها يتركها وما أعمم هذا الشي

الله يهدي الجميع ،،

[الفهد1]

الخطابات اكثرو هالاايام شسالفة 000000000000000

[بلوتنيوم]

مافي جدية كلش هالايام
مع انه العرسان (لقطة) ومايتعوضون..!!

[قطرية فذة]

.
.
.

مازلت اقرأ


.
.

[قطر العطاء]

أحييك أخي الكريم على أشراكنا في تجربتك الخاصة ولكن ليكون الحكم عادل فعلا استسمحك

في هذا السؤال : كم عمر الفتيات اللاتي تقدمت لهن ؟ وهل بينهن مطلقة أو ارملة ؟

اشكرك اختى على المشاركة فى الموضوع ,,, بخصوص الاعمار فكانت من 20 - 28 ,,,,,

[قطر العطاء]

حتى تضمن حقها لان هالايام الرجاجيل الي يعددون اغلبهم لايستقرون في الحياة ماعجبته رماها للأسف تلومون البنت لين بغت تأمن حياتها بعدك وماتلومون الرجاجيل الي مآخذين مسألة الزواج كتسليه في حياتهم ومتى مابغى يتركها يتركها وما أعمم هذا الشي

الله يهدي الجميع ،،

شكرا على المشاركة .......اما فيما يتعلق بضمان الحقوق فالقانون القطرى ضمن حقوق الزوجة سواء كانت اولى او ثالثة .... من حيث المسكن المناسب والنفقة ....كما انه يجب على الزوجة التاكد من اخلاق وسلوك الزوج قبل الموافقة ........... لكم ليس الرفض من حيث المبدأ

[مريومة]

اشكرك اختى على المشاركة فى الموضوع ,,, بخصوص الاعمار فكانت من 20 - 28 ,,,,,

وهل هن مطلقات أو ارامل؟

وكم عمرك انت؟

علشان الواحد يفهم ويعرف يرد

لان فهم السؤال نصف الاجابة

[قطر العطاء]

وهل هن مطلقات أو ارامل؟

وكم عمرك انت؟

علشان الواحد يفهم ويعرف يرد

لان فهم السؤال نصف الاجابة

ليسوا مطلقات ولا ارامل ..... وانا لم اتجاوز الاربعين .........
واشكرك على التفاعل ............

[دلة الرسلان]

اشكرك اختى على المشاركة فى الموضوع ,,, بخصوص الاعمار فكانت من 20 - 28 ,,,,,

طيب ليش ما تخطب بنات في الثلاثين يمكن فرصك أكثر ؟

[chillis]

قريب الاربعين وتاخذ بالعشرين ما تحس انها صغيره عليك ؟

[bo_hamad]

http://pms.panet.co.il/online/images/articles/2009/06/21-06-09/2_17.jpg

[وهم قطر]

ليش مب من حق الزوج بأن يتزوج الثانيه وتكون اصغر منه 15 أو 20 سنه

يبي يتهنا خلوووووه ....لازم مطلقه ولا أرمله

يبي يعوض ماطاف ويرد شبابه:secret:

[شبح الصمت]

في واحد معانا في المنتدى يارب يشوف موضوعك ويدخل عليك

لانه باذن الله رجال خير وفيه خير وملتزم

وهو مزواج اتوقع يحصل لك بنت الحلال

[قطر العطاء]

مع أنني امرأة وذات زوج ...وأكيد ما أرضىى زوجي يتزوج ...

((ياااااااارب ترزقنا الذرية الصالحة))

ولكن من خلال عملي ...تعرفت على الكثير من الأخوات منهم المطلقة والعانس التي فاتها

قطار الزواج...منهم من لا ترضى أن تبني سعادتها على سعادة غيرها ...فترفض مبدأ التعدد...

ومنهم من تقبل ولكن بشروط كالبيت مثل زوجته الأولى...

الله يرزقهم الأزواج الصالحين ...

ولماذا الحكم المسبق انا الزواج الثانى هو هدم لسعادة الاخرين ,, مع العلم بوجود حالات كثيرة تبدلت حياتهم للافضل بمجرد الزواج الثانى ...
اي ان الزوج اصبح سعيد ,,, والزوجة الاولى قبلت الوضع وعاشت سعيده مع زوجها وابنائها ,, والزوجة الثانية اصبحت سعيدة بحياتها الجديدة .......

[بوسياف]

بسم الله والصلاة والسلام على رسول الله ...

السلام عليكم جميعا ،،

موضوع جدا مهم ومميز ومحتاج لوعي كافي له ...

الحين الاخوات الي يقولون بيت ومادري شنو وطلبات طول بعرض ..

الحين لازم اكون مليونير لخاطر اتجوز لخاطر اعطيج بيت والاولة بيت والعيال مواتر وصرفية للبيتين
وسفريات وفلم طويل عريض ,,,,

خلونا نفكر ببساطة الزواج هو عبارة عن شركة اسلامية بين شخصين بكل هدوء وحب ودفئ وبساطة
حتى لو في كهف ، الموضوع موب استثمار وضمان حقوق وحرب داحس والغبراء ...

الحين لو سكنتي ببيت هله وانتي الثانية او سكنتي بملحق وانتي الثانية ولا عندج عيال شنو المشكلة انتي تبين هياط وبرستيج ولا تبين زواج وسعادة وستر ... اعتقد محتاجين انتوا لنقطة نظام وذلك بسبب البطرة والعنوسة المنتشرة ... ساعدوا الشباب وساعدوا انفسكم ..

من جهة ثانية الشباب الي يبون التعدد بارك الله لكم ووفقكم لكن وفق الشروط الصحيحة يعني موب واحد يبي يناحس زوجتة يروح يعرس الثانية ،، ولا يبي اشياء معينة من الزواج ..
ولازم توفر لو القليل موب تاخذ وحده من بيت اهلها وتبيهم تصرف على نفسها وعليك وتقول اهي فاتها القطار او مطلقة او ارملة ،

وبالنهاية لو كان الشئ لله سبحانه وفيه عقائدية صحيحة لدى الاثنان كل المشاكل بأذن الله بتتيسر وبتكون محلولة امامكم ,,
والاخ الي يقول الرجال والبنات ياخذون اجاب هااي موب حل وموب شئ صحيح احنا لنا طابعنا الخاص ابرك للقطري بنت بلاده والعكس صحيح .لكن لازم تكون هناك تنازلات...

بالتوفيق للجميع

[قطر العطاء]

قريب الاربعين وتاخذ بالعشرين ما تحس انها صغيره عليك ؟

لا .........

[بلوتنيوم]

لا .........

ههههههه
دام وصلت لمرحلة قول (لا) بكل هالعنفوان والقوة
مالومك :secret:
الله يرزقك الزوجة الصالحة:nice:

[قطر العطاء]

طيب ليش ما تخطب بنات في الثلاثين يمكن فرصك أكثر ؟

ثقى تماما ان الفرق العمرى بين الزوج والزوجة ........يجب ان لا يقل عن 6 سنوات بحد ادنى ..وهذا نتيجة دراسات اجتماعية وابحاث وتجارب .........
كما اود ان اضيف الى انه كلما قل الفرق كلما زادت المشكلات الاسرية مع تقدم العلاقة .....ويتم البحث عن البدائل ....وبالتالى وجد الباحثون ان اغلب الاسر السعيدة يكون الفارق بين الزوج والزوجة يتجاوز 7 سنوات .........

[chillis]

ثقى تماما ان الفرق العمرى بين الزوج والزوجة ........يجب ان لا يقل عن 6 سنوات بحد ادنى ..وهذا نتيجة دراسات اجتماعية وابحاث وتجارب .........
كما اود ان اضيف الى انه كلما قل الفرق كلما زادت المشكلات الاسرية مع تقدم العلاقة .....ويتم البحث عن البدائل ....وبالتالى وجد الباحثون ان اغلب الاسر السعيدة يكون الفارق بين الزوج والزوجة يتجاوز 7 سنوات .........

بس الفرق اكثر من 6

[قطر العطاء]

بس الفرق اكثر من 6

يعنى 6 سنوات او اكثر 7.8.9.10 الخ

[دلة الرسلان]

ليش مب من حق الزوج بأن يتزوج الثانيه وتكون اصغر منه 15 أو 20 سنه

يبي يتهنا خلوووووه ....لازم مطلقه ولا أرمله

يبي يعوض ماطاف ويرد شبابه:secret:

الشباب مارااااح يعود وكل واحد يدرس مقدرته جيدااا لاحد يوهق ويتوهق مع بنت الناس

بمعنى تكون نظرة الرجل حق كم سنة قدام هل هو قادر على التعدد والقيام بدوره الشرعي

الفلوس ممكن تعويضها بس الصحة لا :secret:



في واحد معانا في المنتدى يارب يشوف موضوعك ويدخل عليك

لانه باذن الله رجال خير وفيه خير وملتزم

وهو مزواج اتوقع يحصل لك بنت الحلال

اتوقع تقصد معدد وليس مزواج والا لن يكون كما وصفته .

[chillis]

انا اقول لو في تقاربب بالسن يعني ما يزيد الفرق عن 7 سوات يكون افضل لان راح يكون في تفاهم ومقاربه لعقليتك وتفكيرك اما البنت الي توها 20 صغيره ومتهوره البعض منهم وليس الكل

[فلتة زمانها]

تدري ليش مايرضون برجل متزوج
لانه عندنا انطباع بان الزوجه الثانيه
راح يفشل زواجها في اي لحظه لانها ضره
ومالها حقوق نفس الزوجه الاولى ويمكن تصير
خلافات ومشاكل تؤدي الى طلاق الزوجه الثانيه
مثل ما نشوف في الواقع عشان جذيه تطالب بشي يضمن حقها
مادري فهمت علي ولا لاء

[روح الاطلس]

اكيد ماراح تحصل وكلهم بيرفضون لانك تبي بنت صغيره

البنت الصغيرة تبي بيبي وسينما وتمشيات وروحات وبيت ملك تعزم صديقاتها (يعني وحده ام عشرين سنه شنو تتوقع . ؟ وخاصة هالوقت ) تبي تكشخ وتلبس وتفتر بالمولات وتعيش سنها ماتبي تعيش بغرفة مع اهلك ! لان بعد السن له حكمه البنت بهالعمر تفكر بهالطريقة

انا شنو حادني اخذ واحد كبير ومتزوج وعنده عيال ومافيه زود؟ لا يبي بيت ولا يبي يعطيها ضمان ولا فلوس ولا شي؟ طيب شنو مميزاته؟؟؟ او بالاصح شنو اللي يخليها توافق عليه

اما لو مثلا كنت مليونير ووافقت تعطيها ارض وبيت باسمها ومهرها خيالي والله لو انك متزوج ثلاث وعندك عشرين ولد بتوافق عليك !

هذا هو تفكير الفئة اللي ذكرتها (20-28) تفكير مادي لزوم الترزز والكشخة يعني مب عشان سواد عيونك بل عشان وش فيها جيوبك

[مريومة]

ليسوا مطلقات ولا ارامل ..... وانا لم اتجاوز الاربعين .........
واشكرك على التفاعل ............

اولا: معاك حق تتزوج حتى لو عمرها 15 وبينك وبينها 40 سنة بعد

ولكن من حق اللي عمرها 20 او حتى 28 تتزوج واحد غير متزوج وتفرح بعمرها

مثل ما انت تبي تفرح الحين بوحدة اصغر


ثانيا: معاك حق في ان فرق السن له دور كبير .. بس ليش لازم تكون المرأة اصغر من الرجل

ممكن تتعظ بسنة الرسول صلى الله عليه وسلم بزواجه من السيدة خديجة رضى الله عنها

وكان الفرق في السن بالعكس


ثالثا: اعتقد فئة العوانس والمطلقات والارامل أحوج لموضوع التعدد من بنت عمرها 20 سنة


رابعا: تبي التعدد في بنات وايد يرغبون بهالشي بس مب من الفئة اللي ذكرتها


خامسا: الله يوفقك

[بوسياف]

جزاكم الله خير جميعاا

الاخوات ياكثر حججكم وتعليقكم للمواضيع الحين مسكت وياكم على فارق السن
(بال حشرتوه وصدتوه بزاوية مايسوى عليه ، اهو حر يقيم نفسه ويقيم المواصفات الي يبيها )
فيه شباب اعماراهم لم تتجاوز ال35 ويبن تعدد الزوجات وماحصلوا ويبون بالشئ المعقول
موب عرس مليون ستار وخسائر لها اول مالها تالي ومراهقة وعقليات صغيرة ..
يبون الشئ الصحيح الاسلامي البسيط الي ربنا يباركه ويبارك ذريتهم ...

واي شخص بياخذ الثانية سالفة المراهقة والسينمات والتفتح الزائد اكييد موب حتى في خيالها بيكون عنده
وبالنهاية التوفيق للجميع ،، وخصوصا للأخوات الي ندعو لهم بالنصيب الطيب والزوج الصالح..

[مريومة]

جزاكم الله خير جميعاا

الاخوات ياكثر حججكم وتعليقكم للمواضيع الحين مسكت وياكم على فارق السن
(بال حشرتوه وصدتوه بزاوية مايسوى عليه ، اهو حر يقيم نفسه ويقيم المواصفات الي يبيها )
فيه شباب اعماراهم لم تتجاوز ال35 ويبن تعدد الزوجات وماحصلوا ويبون بالشئ المعقول
موب عرس مليون ستار وخسائر لها اول مالها تالي ومراهقة وعقليات صغيرة ..
يبون الشئ الصحيح الاسلامي البسيط الي ربنا يباركه ويبارك ذريتهم ...

واي شخص بياخذ الثانية سالفة المراهقة والسينمات والتفتح الزائد اكييد موب حتى في خيالها بيكون عنده
وبالنهاية التوفيق للجميع ،، وخصوصا للأخوات الي ندعو لهم بالنصيب الطيب والزوج الصالح..

اخوي سياف

ممكن توضح لنا الشي المعقول

على الاقل انعرف شلون الواحد يفكر لين بغى ياخذ الثانية

يعني جم بيدفع مهر؟

بيسوي عرس والا لا؟

وين بيسكنها؟

مصروف البيت على من؟

بيوفر لها سيارة اتوديها الشغل؟

حلو الواحد يكون على بينة

على فكرة انا من مؤيدي التعدد ولكن بالعدل والعقل

[بوصلووح]

اتوقع البنت الي ترفض الزواج من رجل متزوج
ماتبي تدخل في مشاكل مع زوجته الأولى و تعور راسها
و اتم حياتهم كلها مناحس و عناد
و ماتبي تشوف حبيبها مع وحده غير و بينهم سنين و احداث اكثر < غيرت الحريم جنوونية .
و تقول في قلبها اكيد بيفضلها علي , مالحب الا للحبيب الأول ><
< لو اني بنت بفكر جي خخخ

مشكور اخوي على الموضوع

[القطرية1]

راح اتلاقي ابكل سهوله في بعض الدول المجاورة او العربية وبالسن اللي تبيه
حتى او الزوج المتقدم عمرة ستين او سبعين سنه
بس المهم يكون اقطري بعض الفتيات الغير قطريات يبون الجنسية وفلوس القطري .. فقط

اما اذا كان لك اسبابك المقنعة للزواج من الثانية فراح تلاقي وحده طافت الثلاثين

بكل بساطة هل تقبل على بنتك ان تكون زوجة ثانية ؟؟؟؟

[بوسياف]

اخوي سياف

ممكن توضح لنا الشي المعقول

على الاقل انعرف شلون الواحد يفكر لين بغى ياخذ الثانية

يعني جم بيدفع مهر؟
بيدفع المهر الطبيعي لاي بنت يعني هاي شئ خاص بالبنت..
بيسوي عرس والا لا؟
بيسوي عرس لكن مايكون اوفر واذا كان عائلي اعتقد ماراح تكون كارثة وحتى لو البنت تبي فلوس الصالات والهياط الي يستوي فيه شباب كثير ماعندهم مانع يعطون الفلوس للعروس
افضل من الصالات والكلام الكثير
وين بيسكنها؟
بيسكنها على حسب استطاعته يعني اهي تقدر حتى لو بغرفة في بيت هله او ملحق
ما ظنتي اهم احسن من زوجات الرسول علية الصلاة والسلام ...
مصروف البيت على من؟
اعتقد والشئ الاكييد على الزوج من الألف الى الياء ، واذا ساهمت في بيتها شئ اهي تبي تفوشر فيه براحتها لكن اي شئ طبيعي للبيت بيكون عليه
بيوفر لها سيارة اتوديها الشغل؟
هههه ليش اهو مايصلح يوصلها ولا لازم سواق خااص وموتر اخر موديل والشغالة تشيل اغراضها وراءها
حلو الواحد يكون على بينة
وهم حلو الواحد يكون متواضع وبسيط ويترك الناس ونظراتهم الفاضية ويهتم بحياته وسعادته الداخلية
على فكرة انا من مؤيدي التعدد ولكن بالعدل والعقل
وانا من مؤيدي الفكرة للشباب لن الاصل بالزواج بعد توفر الشروط التعداد واعتقد الحكمة واضحة في زمنا الحالي البنات اضعاف مضاعفة للشباب..

وبالاخير يسعدني توافر عقول نيرة مثل عقلج..

[رياني qtr]

الموضوع هو تجربتى الشخصية من خلال رحلة بحثى عن الزوجة ( الثانية ) وحقيقة فوجئت بان اغلب الفتيات القطريات واللاتى تقدمت لهن يرفضون بشدة مبدأ التعدد والنسبة الباقية طلب شروط تعجيزية كبيت ملك او ارض كضمان وكأننا مقبلين على مشروع تجارى وليس عشرة عمر مبنية على الحب والعشرة الكريمة والحقوق الشرعية ....

وبمقارنة بسيطة ومن خلال تجربتى فى السؤال من الدول المجاورة قكانت الحقيقة ان الفتيات هناك يرغبن فى الزوج الصالح ...وان كان معدد .. وبتكلفة مادية اقل بكثير جدا جدا مما هو حاصل فى قطر .......

فالسؤال المهم لفتياتنا .... لماذا لاتريدون الزواج علما ان التعدد هو الاصل ....... ولماذا التفنن فى الشروط المادية وكانكن مقبلون على مشروع تجارى .....
فالسؤال الذى لم اجد له جوابا لماذا لم تعد الفتاة ترغب فى الزواج وسمعت كثيرا ( اقعد فى بيت ابوى وراتبى عندى ) !!!!!

الم تفكرى بعد عمر طويل انكى سوف تحتاجين الى بنت او ولد يرعاك !! الم تفكرى بالوحدة القاتلة بعد مضى سنين العمر .....اليس من سنن الكون ان يكون للفتاة زوج ومن ثم اولاد وبنات ......
لماذا النظرة الضيقة !!!! ليس بالمال فقط تضمن الفتاة مستقبلها ... فهناك امور اخرى يجب ان لا تغفلها الفتاة القطرية .......وهناك حاجات انسانية لاغنى لاى انسان عنها .
فارجوالتنبه للامر حتى لا نرى نسبة العنوسة وصلت الى ارقام قياسية ناهيك عن ما يترتب على ذلك من مشكلات اجتماعية كثيرة ...

الاخوة والاخوات هذه مشاركة وددت ان اطرحها عليكم من خلال راىى وتجربتى الشخصية واعلم انه يوجد من يعارضنى ومن يؤيدنى ..........وسوف اغطى جوانب الموضوع الاخرى من خلال الردود على مشاركات الاخوة والاخوات .
حيث ارغب ان اصل فى النهاية الى بحث علمى اجتماعى منهجى بعنوان (( العنوسة فى المجتمع القطرى المشكلة والحل ))

( سبحانك اللهم وبحمدك اشهد ان لا اله الا انت استغفرك واتوب اليك )




اخوي وانت من جدك تزوج من هني الله يهديك روح المغرب وتزوج بشروطك وبميزانيتك الي بتحطها كل الربع تزوجوا من المغرب وعايشين احلى عيشة لا شروط ولا غيرها وبالعكس هو الي يتشرط على البنت :nice:

[مريومة]

وانا من مؤيدي الفكرة للشباب لن الاصل بالزواج بعد توفر الشروط التعداد واعتقد الحكمة واضحة في زمنا الحالي البنات اضعاف مضاعفة للشباب..

وبالاخير يسعدني توافر عقول نيرة مثل عقلج..

عجبني كلامك

بس ما تلاحظ ان الشخص اللي نتكلم عنه متزوج اصلا

يعتبر العدل هو الشرط الوحيد في التعدد "مبدأ مقتنعة به"

البنت اللي بتزوج متزوج مب في بالها الهياط والخرابيط وطبعا يعتمد على سن البنت وتعليمها

شلون الاولى في بيت والثانية في غرفة

واتقول يوصلها .. حلو الكلام .. ومافي احلى من ان الرجال يوصل حرمته

بس هو متزوج وعنده مسؤوليات اخرى

ياريت الكلام يكون موجه للرجل في مسألة مصاريف البيت

لان الفكرة الغالبة انه بيتزوج ثانية وهي تساعده في كل شي .. طبعا ان ماشال يده من كل شي

يعني مب حلوة .. لا مهر عدل .. ولا بيت عدل .. وبعد تصرف عليك

حدث العاقل بما يعقل

[مستجدة]

التعدد للي فلوسه كثيره ويقدر يعدل بكل شئ بالصرف وبالمشاعر
لكن واحد فقير وكبر جدي وعنده زوجه وعيال ويبي يتزوج بنت كبر اصغر بناته بذمتكم البنت اشله توافق عليه
حتى الكبيره الارمله ولا المطلقه ولا حتى البنت الكبيره اللي صك عمرها الاربعين مابترضى اتعيش في ملحق
ولا راح ترضى برجل متعدد وعنده عيال وهو على قد حاله البنت تبي الستر وتبي الاستقرار وتبي رجال يصرف عليها وعلى عيالها مب واحد فقط همه نفسه

نصيحه اللي مب قد التعدد يقعد بيتهم لا يروح يخطب بنات الناس وهو مب كفو

[مريومة]

كثيرات من يتمنين الزواج..ولكن لايقبلن التنازل عن أساسيات في نظرها..مقابل.................(رجل)

ما نتبهت لتعليقج أخت بنت صقار

وأؤيدج مليون في المئة

بخصوص أساسيات أي زواج

[بوسياف]

بنت عقاب ...

نسأل الله لنا ولج الثبات في الدنيا والاخرة ...

الحياة جدا بسيطة للناس الفاهمين والمؤمنين بالله عز وجل ، الحين تزوج وكانت بغرفة او ملحق باجر ربي بيرزقها بعيال منه ماراح يقصر وياها وراح يبني لها ...
بنت عقاب الموضوع كله عبارة عن ارتباط انفس وسكينة وود بينهم ، اذا الرجل فيه خير وجاد في زواجة
(وطبعا فيه فئات في الجهتان شاذة عن كلامي )
والمراءة بالمقابل تبي الستر والراحة معه باقي الأشياء محلولة ،، الفلوس موب مهم اهي نبيه رجل سند لها قائم على بيته يغض الطرف لها لطيف في تعامله معها ..
فأذا اهي ساعدت وبنت وياه البيت شنو المشكلة ،، لوكان حتى متزوجها الرابعه الموضوع الحين النساء الاغلبية منهم مأخذين الرجل حكر لهم بعضهم حتى ماتبيه يتعدى الباب( نعنبو موقع وياها عقد )...
حتى لو قلنا وانها متوظفة انا اتوقع اي رجل يبي الستقرار في بيته راح تكون وظيفت زوجته مؤقته يعني كم سنة وبعدين تجلس ببيتها وتقابل عيالها وتربيهم وتهتم بامور اهم من الوظيفة ..

زبدة كلامي لو القلوب توالفت وتراحمت وعزلوا انفسهم في عالم خاص فيهم بعيد عن اسلوب الناس وحياتهم مصروفاتهم فلان عنده وماعنده فلانه سافرت واشترت ...(المظاهر الكذابة الي يعرفها مجتمعنا)
صدقيني بيعيشون ولهم طولة العمر ويموتون وهم بسعادة...

[مريومة]

بنت عقاب ...

نسأل الله لنا ولج الثبات في الدنيا والاخرة ...

الحياة جدا بسيطة للناس الفاهمين والمؤمنين بالله عز وجل ، الحين تزوج وكانت بغرفة او ملحق باجر ربي بيرزقها بعيال منه ماراح يقصر وياها وراح يبني لها ...
بنت عقاب الموضوع كله عبارة عن ارتباط انفس وسكينة وود بينهم ، اذا الرجل فيه خير وجاد في زواجة
(وطبعا فيه فئات في الجهتان شاذة عن كلامي )
والمراءة بالمقابل تبي الستر والراحة معه باقي الأشياء محلولة ،، الفلوس موب مهم اهي نبيه رجل سند لها قائم على بيته يغض الطرف لها لطيف في تعامله معها ..
فأذا اهي ساعدت وبنت وياه البيت شنو المشكلة ،، لوكان حتى متزوجها الرابعه الموضوع الحين النساء الاغلبية منهم مأخذين الرجل حكر لهم بعضهم حتى ماتبيه يتعدى الباب( نعنبو موقع وياها عقد )...
حتى لو قلنا وانها متوظفة انا اتوقع اي رجل يبي الستقرار في بيته راح تكون وظيفت زوجته مؤقته يعني كم سنة وبعدين تجلس ببيتها وتقابل عيالها وتربيهم وتهتم بامور اهم من الوظيفة ..

زبدة كلامي لو القلوب توالفت وتراحمت وعزلوا انفسهم في عالم خاص فيهم بعيد عن اسلوب الناس وحياتهم مصروفاتهم فلان عنده وماعنده فلانه سافرت واشترت ...(المظاهر الكذابة الي يعرفها مجتمعنا)
صدقيني بيعيشون ولهم طولة العمر ويموتون وهم بسعادة...

خل نترك المشاعر شوي ..

هل المتزوج قادر على العدل في كل شي بين زوجاته من ملبس ومسكن ومصرف؟

الرسول عليه الصلاة والسلام كان عادل بين ازواجه .. وهو يبي يستن بسنته

حقق لي شرط العدل في التعدد .. وصدقني ماراح تلقى وحدة ترفضه

في النهاية ما عندي اضافة اكثر غير العدل .. والعدل فقط

[بوسياف]

بنت عقاااب انتي بتسحبيني بالنقاش ..
واخر شئ بقابل الكمبيوتر ولا راح اطلع للبيت ....

بالنهاية لو قلنا نوفر لها شخص عادل وخلوق وابن ناس وفيه خير .. وياخذها الثانية ..
بالمقابل مايبي تشرط وتفلسف ويبي زواج عادي وتتماشئ مع ظروفه العادية الي اهي الوسط بين الغناء والفقر ...
هل بتوافق ... هنا مربط الفرس ..
تدرين انا شنو اقصد شباب قطر حتى العزابيين منهم اتجهوا للزواج من الخارج او من الدول المجاورة
موب لشئ يبي المشاعر الي تقولين نخليها على جنب ويبي القناعة ..ومايبي يعيش حياته مديون لخاطر
ليلة تعيشها’’ سندرلااا’’

[ذيب ولد ذيب]

ليش تبالغ بالمطالب لانهم اصلاً مش متشجعين للزواج من شخص متزوج بس اذا جاها رجال بيكتب بأسمها بيت او ارض راح توافق , يعني اذا فشلت معاه وطلقها راح تطلع بشي منه ,, وماتكون خسرانه في الموضوع , لان الصراحه الرجال الي بياخذ ثانيه اذا طلعت الاولى افضل من الثانيه وصارت مشاكل راح ينفصلون بكل سهوله لان زوجته الاولى افضل , وهذا الي ياخفون منه البنات اذا تقدم له رجل متزوج ,,

وفي رجال مش قدها بصراحه , اذا تزوج وزعلت زوجته الاولى وطلبت الطلاق قام وطلق الاولى لانه يحبها ويعزها ,,

وموضوع العمر انا اشوف الرجل الثلاثيني ياخذ عشرينيه والاربعيني ياخذ ثلاثينيه ,, واشوف المرأه لما تكون في بداية الثلاثين تكون ناضجه وعاقله وفاهمه الحياه وذاقت العنوسه والوحده على اصولها فتحمدربها على نعمة الزواج وماتحشر الزوج ,,

[مريومة]

بنت عقاااب انتي بتسحبيني بالنقاش ..
واخر شئ بقابل الكمبيوتر ولا راح اطلع للبيت ....

بالنهاية لو قلنا نوفر لها شخص عادل وخلوق وابن ناس وفيه خير .. وياخذها الثانية ..
بالمقابل مايبي تشرط وتفلسف ويبي زواج عادي وتتماشئ مع ظروفه العادية الي اهي الوسط بين الغناء والفقر ...
هل بتوافق ... هنا مربط الفرس ..
تدرين انا شنو اقصد شباب قطر حتى العزابيين منهم اتجهوا للزواج من الخارج او من الدول المجاورة
موب لشئ يبي المشاعر الي تقولين نخليها على جنب ويبي القناعة ..ومايبي يعيش حياته مديون لخاطر
ليلة تعيشها’’ سندرلااا’’


طالما ما يعرف شنو العدل اللي انذكر في القرآن

العدل في كل شي من مسكن وملبس ومصرف ومرقد بعد

لو كانوا ثنتين والا ثلاث والا اربع

لازم تعطيهم بالعدل

مب وحدة فيلا والثانية قرقور

بالله شلون تعطيها قرقور وتبيها اتنازل عن اساسيات الزواج

بدون عدل .. الله يحفظه ويوفقه في زواجه من الدول المجاورة

[بنت قطريه]

أخوي أنا مستغربه .... أولا انا ماابي احكم عليك بس أنت تقول انك تدور عن الزوجة الثانيه والاولى ؟؟؟؟؟؟ اي موقعها من الاعراب اذا كانت انسانه مقصرة وماتستاهل تعيش معاها طلقها .... واخوي اللي انا اشوفه من واقعنا واللي معظم المتزوجات عايشينها للاسف واللي اصلا مب في الدين ان الزوجه هي اللي تصرف على البيت وعلى نفسها واحيانا على زوجها اذا راتبه طاير واذا وحدة بتوافق تكون الثانيه بتخاف يمكن ماتعدل بينهم يمكن تهملها ... قبل كل شي انت ماوضحت لنا عمر اللي خطبتهم وللعلم معظم البنات حاليا حتى لو خطبهم شاب مب متزوج بيطلبون نفس الطلبات واحيانا اذا البنت تبي الستر وترى تاخذ مهر بسيط وتزيد عليه عقب هي اللي بتاكلها بروحها لانها بتتحمل تصرف راتبها كله على نفسها وبيتها وذي لايرضى الله ولا رسوله .... وليش متهجم على الفتيات القطريات مثل ماتقول .... واذا لقيت من الدول المجاورة روح جرب وخذ والله بتشوف الويل لان اللي في الدول المجاورة اذا رضت بمهر بسيط بتظطر كل شهر تاخذ لها تذكرة ومصروف علشان تروح تشوف اهلها طبعا ولا بتمنعها واذا بعيد الشر صار طلاق بتاخذ العيال معاها وقعد عقب دور تحل الموضوع وعندنا المحاكم دايما تنصر المرأه ظالمه أو مظلومة للاسف .... أنا ما اقولك ان القطريات ماعليهم كلام بالعكس في اشلين والزين بس حكمت لانك خطبت ومحد رضا .... والله اشوف الوحده على قولتك "تعنس" مع انها والله كلمه مب حلوة وظلم في حق كل مرأه ....المهم ان البنت تقعد في بيت ابوها ولا تتبهدل مع زوج يخليها تعيش في هم وحسرة وندم .... وذي رأيي من واقعنا الحالي

[مرتبش]

السبب يبدو واضح وهو فرق العمر

ترى هالشي يحدث حتى للشباب المتأخرين في الزواج للمرة الاولى

[مونديال]

الموضوع هو تجربتى الشخصية من خلال رحلة بحثى عن الزوجة ( الثانية ) وحقيقة فوجئت بان اغلب الفتيات القطريات واللاتى تقدمت لهن يرفضون بشدة مبدأ التعدد والنسبة الباقية طلب شروط تعجيزية كبيت ملك او ارض كضمان وكأننا مقبلين على مشروع تجارى وليس عشرة عمر مبنية على الحب والعشرة الكريمة والحقوق الشرعية ....

وبمقارنة بسيطة ومن خلال تجربتى فى السؤال من الدول المجاورة قكانت الحقيقة ان الفتيات هناك يرغبن فى الزوج الصالح ...وان كان معدد .. وبتكلفة مادية اقل بكثير جدا جدا مما هو حاصل فى قطر .......

فالسؤال المهم لفتياتنا .... لماذا لاتريدون الزواج علما ان التعدد هو الاصل ....... ولماذا التفنن فى الشروط المادية وكانكن مقبلون على مشروع تجارى .....
فالسؤال الذى لم اجد له جوابا لماذا لم تعد الفتاة ترغب فى الزواج وسمعت كثيرا ( اقعد فى بيت ابوى وراتبى عندى ) !!!!!
الم تفكرى بعد عمر طويل انكى سوف تحتاجين الى بنت او ولد يرعاك !! الم تفكرى بالوحدة القاتلة بعد مضى سنين العمر .....اليس من سنن الكون ان يكون للفتاة زوج ومن ثم اولاد وبنات ......
لماذا النظرة الضيقة !!!! ليس بالمال فقط تضمن الفتاة مستقبلها ... فهناك امور اخرى يجب ان لا تغفلها الفتاة القطرية .......وهناك حاجات انسانية لاغنى لاى انسان عنها .
فارجوالتنبه للامر حتى لا نرى نسبة العنوسة وصلت الى ارقام قياسية ناهيك عن ما يترتب على ذلك من مشكلات اجتماعية كثيرة ...


)

كلام حلو وفيه كل الحقيقه .... بس للاسف هذا الكلام مناقض لحالتك
قلت البنات عوانس ويتشرطون ... بس انته اختياراتك مش من فئة ماينطبق عليهم العوانس
يعني في العشرينات من العمر
لانه هي نسبه وتناسب كل ماقلت مزاياك زادت شروط الطرف الثاني ولو مزاياك اكثر اجباري تقل شروط الطرف الثاني هذا رأي ممكن اكون غلطان
واكبر دليل خل اي شاب في مقتبل العمر يتقدم لاي بنت ... وانا في هل حاله اتكلم عن الاغلبيه
وليس الشواذ... لايمكن يطلبون بيت او مميزات اضافيه عن اي بنت... لنفس البلد والوضع الاجتماعي العام ...

[الجزوع]

لا حول ولا قوة الا بالله العلي العظيم .. استغفر الله واتوب اليه .. مبروك عليكم الحيا ياهل قطر تستاهلون خير ..

[khalid-qtr]

الله يرزقك اخوي بنت الحلال موب الي شروطها ولسانها يلوط اذانها...وموب شرط اخوي تاخذ قطرية اذا ماحصلت تراء في الخليج بنات وايد ومتربين صح حريم بيت بمعنى الكلمة من دولة مجاورة ومهرهم معقول ولا عندهم مفوشر على خالي بلاش

و ازيدك من الشعر بيت يرضون يتزوجون حتى لو كنت متزوج لنهم يدورون الستر

[دايموند]

اخوي عنوانك غلط في غلط... ياليت تعدل عنوانك رجاءا..

المفروض تكتب

القطرية غير جادة في الزواج بشخص متزوج ...!!!

[meme~qatar]

الزواج قسمة ونصيب

[شمس قطـر]

كل بنت فالعالم لها الحق انها تحافظ على نفسها وتحفظ حقوقها كرامتها قبل كل شي

يعني معقوله في بنت بتتزوج واحد معدد بدون ما تحافظ على حقوقها ؟؟؟ إلا اا كانت عايشة في عالم الأحلام الورديه


الحين الرجال مب مثل الرسول ولا الصحابة " ولا تشبيه " والفارق عظيم بينهم

وايد بنات تزوجو وكانو ضحية لأزواجهم وكثيرا ما نسمع هالمشاكل والقضايا

ليش ما تطلب البنت شي يحفظ حقوقها ؟؟ مب لأنها تحسب الزواج بشكل مادي لا بالعكس

لأنها واعيه ومثقفة وعلى علم ودراية بكل اللي يصير حواليها من مشاكل فالمجتمع

خلاصة القول : من حق الرجال يعدد بس يراعي أهم شرط وهو العدل والمساواة بين النساء


وأهم سؤال أوجهه للرجال : اذا مرتك ألأولى مو مقصرة ،، ليش تعدد ؟؟؟؟؟!!!!!!!!

[الفتى]

لا ناقة لي و لا جمل بهذا الموضوع ولكن شدني هذا الرد و أحببت أن أعلق عليه لطرد بعض السحاب من أمام أعيوننا و نرى الحقيقه كامله (من وجهت نظري) ، مع كامل أحترام لصاحب الرد و الذي أعتلاه الغضب بالرد .



.... واذا لقيت من الدول المجاورة روح جرب وخذ والله بتشوف الويل لان اللي في الدول المجاورة اذا رضت بمهر بسيط بتظطر كل شهر تاخذ لها تذكرة ومصروف علشان تروح تشوف اهلها طبعا ولا بتمنعها واذا بعيد الشر صار طلاق بتاخذ العيال معاها وقعد عقب دور تحل الموضوع وعندنا المحاكم دايما تنصر المرأه ظالمه أو مظلومة للاسف ....


مرحبا أختي هدي أعصابج

من واقع معرفة بأشخاص أقرباء لي فأنا أشاهد الزواج من الدول المجاورهـ أريح و أفضل تعرفين ليش :-

1- لأانه هناك ما عندهم خدمات هم ينظفون و يطبخون و ياكووون - الحمدلله من النعمه هني الخدامة من صف رابع تشيل الشنطه للبنت . فالبنت تتزوج جل خبرتها تامر على الخدامة بالأنجلينزي - على قولتها (هذا اللي تربيت علي ببيت بابي ) مير بابي ما عنده ما عند جدتي .

2- ما عندهم مظاهر كذابه - ماركات و شنط و أكسسوارات و رفاهيه يرضون بالموجود .

3- تحترم الزوج لأنه أذا راحت لأهلها زعلانه أبوها و أخوانها ردوها لزوجها و قالوا لها زوجج هو سندج هو أبوج هو أخوانج (طبعاً أذا كان السبب تافه) أما هني أنتفضوا أخوان شمه و قالوا خليه يولي أحنه مو عيزانين عنج (قل معرفه لدى بعض الرجال) .

4- الأهم تكاليف الزواج ما تكون خرافيه فتدخل الزوج بدوامت السلفيات و بعدها شهر العسل مثل فلانه و فلتانه و المشتريات و عقب الولاده و تجهيز غرف الولادهـ .

هذي بعض النقاط و توجد هناك نقاط أكثر و لا أعمم ذلك على الكل و لا النصف ولكن شريحه لا تقل عن 40% من المجتمع و ليس اللوم على البنات بل على بابي و أبيه و مامي .




أنا ما اقولك ان القطريات ماعليهم كلام بالعكس في اشلين والزين....


أتفق معاج فيهم الزين و فيهم الشين و قدمت هذا النقد البصيط ليس حقد ولكن لرفع نسبة الزين إلى 100% في 100% - نفس أنتخابات الدول العربي

[الصريحه]

اعرف ليش طلبوا مثل هذي الطلبات لان بكره لاقدر الله صار شيء ماراح تلقى لها بيت يضمها هي وعيالها او مدخول
في الوقت الراهن انا مع مثل هذي الطلبات
كم من امراه ترملت وبعد وفاه زوجها استولى اطفاله الاوليين او قرابته على الاملاك
وهي وحظها في المحاكم
بالعكس اليوم اصبح تصرف صحيح

[الأصيلة]

ليش مب من حق الزوج بأن يتزوج الثانيه وتكون اصغر منه 15 أو 20 سنه

يبي يتهنا خلوووووه ....لازم مطلقه ولا أرمله

يبي يعوض ماطاف ويرد شبابه:secret:

لأن الأخ قال يبغي يحل مشكلة العنوسة والأرامل والمطلقات...
يعني يبغي يعدد لله فـ لله ويساعد...
وهذا السن مايطلق عليهم عوانس ويقول ليست أرملة ولا مطلقة...
:anger1:

[كود نمبر]

يازين الثانيه ام عشرين والبوك دوم مليان
ولكن اذا البوك فاضي اخرتها فراشي في السجن :omg:

مدام الدعوه كذا خلني على الفقيره الي عنديوتنطر معاي المعاش قبل لا اتقيرد على نفسي واخذ الي بينتف ريشي بيده

[Arab!an]

اعتقد ان التعدد له حكمة أكبر من شخصية

حفظ توازن المجتمع ..

من هنا ارى ان المطلقات في منتصف العمر او الارامل لهم الحق الاكبر من رجال المجتمع

فلو كل واحد تزوج صغيره بيكون اتخذ التعدد بشكله الضيق .. ولم يؤد الدور الاشمل

اذا نسبة كبيرة من النساء مطلقات .. فمن لهن ؟

تتزوج اجنبي مثلا ؟

في السابق كانت المرأة (حتى لو كان شكلها عادي جدا) تطلق وتتزوج ثم تطلق ثم تتزوج اكثر من مرة

بس الحين .. شبعانين

[qtrose]

[quote=الفتى;6824402]
لا ناقة لي و لا جمل بهذا الموضوع ولكن شدني هذا الرد و أحببت أن أعلق عليه لطرد بعض السحاب من أمام أعيوننا و نرى الحقيقه كامله (من وجهت نظري) ، مع كامل أحترام لصاحب الرد و الذي أعتلاه الغضب بالرد .





مرحبا أختي هدي أعصابج

من واقع معرفة بأشخاص أقرباء لي فأنا أشاهد الزواج من الدول المجاورهـ أريح و أفضل تعرفين ليش :-

1- لأانه هناك ما عندهم خدمات هم ينظفون و يطبخون و ياكووون - الحمدلله من النعمه هني الخدامة من صف رابع تشيل الشنطه للبنت . فالبنت تتزوج جل خبرتها تامر على الخدامة بالأنجلينزي - على قولتها (هذا اللي تربيت علي ببيت بابي ) مير بابي ما عنده ما عند جدتي .

2- ما عندهم مظاهر كذابه - ماركات و شنط و أكسسوارات و رفاهيه يرضون بالموجود .

3- تحترم الزوج لأنه أذا راحت لأهلها زعلانه أبوها و أخوانها ردوها لزوجها و قالوا لها زوجج هو سندج هو أبوج هو أخوانج (طبعاً أذا كان السبب تافه) أما هني أنتفضوا أخوان شمه و قالوا خليه يولي أحنه مو عيزانين عنج (قل معرفه لدى بعض الرجال) .

4- الأهم تكاليف الزواج ما تكون خرافيه فتدخل الزوج بدوامت السلفيات و بعدها شهر العسل مثل فلانه و فلتانه و المشتريات و عقب الولاده و تجهيز غرف الولادهـ .

هذي بعض النقاط و توجد هناك نقاط أكثر و لا أعمم ذلك على الكل و لا النصف ولكن شريحه لا تقل عن 40% من المجتمع و ليس اللوم على البنات بل على بابي و أبيه و مامي .



الي أشوفه ان الي تكون من برع وتحصل قطري تكون قبل الزواج

حترة و منتفة !! وعقب ما تتزوج القطري تنقلب 180 درجة ! تطلب

خدامة فلبينية تشيل لها الشنطة بالسوق ، سايق يجيبها و يوديها !!

بخبثها تستولي على بيزاته !!! و و و ....بلاوي ثانية.

وهالكلام مو من تأليفي ، هذا من تجارب

الكثير من الناس ! والله على ما أقوله شهيد .

[AL_MUTAEM]

الخطابات اكثرو هالاايام شسالفة 000000000000000


الفهد هالخطابات مافيه وحده ماتواصلت معاها وكلهم ماخذين الشغله بزنس في بزنس:secret:

[قناص 787]

[quote]


الي أشوفه ان الي تكون من برع وتحصل قطري تكون قبل الزواج

حترة و منتفة !! وعقب ما تتزوج القطري تنقلب 180 درجة ! تطلب

خدامة فلبينية تشيل لها الشنطة بالسوق ، سايق يجيبها و يوديها !!

بخبثها تستولي على بيزاته !!! و و و ....بلاوي ثانية.

وهالكلام مو من تأليفي ، هذا من تجارب

الكثير من الناس ! والله على ما أقوله شهيد
.

كلام سليم 100%

[قناص 787]

طيب واللي يبغي يتزوج الثانيه و مقتدر بس مهب محصل
الثانيه شنو يسوي

[بوخالد911]

الله يوووفقك

[Qt.1]

وايقولون ليش شباب قطر يلجأون لدول المجاوره وايعرسون وايخلون بنات قطر ,, وايقولون العنوسه ارتفعت في قطر ,, اظن الحين الكل عرف ليش خاصه البنات ,, الله ايوفقك واتحصل لك بنت الحلال الرزينه الفاهمه الي اتعرف انها مقبله على زواج وستر , واهم شي الرجال الفاهم المؤمن الي ايخاف الله مب ارض وبيت .

[الدووحة]

نعم كلامك صحيح نوعاً ما ...........في وجهة نظري ترفض البنت الزواج من رجل متزوج للأسباب التاليــــــــــــــة :
أولاً : أغلب البنات الآن متعلمات تعليم عال في حين أغلب الشباب شهاداتهم أقل و هذا صعب شوي
ثانياً : كثير من البنات يشتغلون في وظائف جيدة و برواتب عاليه تكاد تصل 40 ألف شهرياً مما يعطيها استقرار مادي كبير و بالتالي يؤثر ايجاباً على النفسية .
ثالثاُ : الرجل المتزوج يعطي لكل زوجة 50 بالمئة أو أقل من وقته و من عمره و اهتمامه حيث انه كل يوم يكون في بيت و لن يكون مقيم في بيته الثاني يومياً و سيكون لديه انشغالاته .
رابعاً : المتزوج ... لديه عائلة اخرى فيها زوجة اخرى و أبناء آخرون قد يميل لهم و يعطي اهتمام أكبر بحكم أن الأولى تبقى لها مكانتها مهما حصل
خامساً : و هو الأهم الزوجة الثانية ستكون سبباً في انهيار الزوجه الاولى و عائلتها و ستبنى سعادتها على أنقاض الآخرين .
سادساً :كثرة الطلاقات و المشاكل الأسرية و يعطي مؤشر سلبي خصوصاً أن أكثر القضايا هي قضايا خلع .

[R 7 A L]

زبدة الهرج ياشباب ( انفذوا ) بجلدكم ولاتوهقون
واحد من الجماعة عمرة فوق الخمسين وعندة عيال والحين جد ماشاء الله علية في صحة
المهم من سنتين تزوج بنت عمرها 20 سنة مادري شلون وافقت علية او شلون اهلها وافقوا عليها
المهم ربي عاقبة من عقب الراحة والمجلس الحين كل يومين مسافر يادبي او لبنان او مصر مع زوجتة الجديدة صراحة شكلة غلط ههههه اللهم لاشماتة وهو يلاحقها ويوديها من مكان لامكان .
راحت البال والجسد والصحة ابرك مليون مرة من التعدد خلكم عند حريمكم وعيالكم وقابلوهم افضل لكم من التشتيت

[مشتاقة لقطر]

بادئ ذي بدء
الله لا يكتبها علي الثانية

ادلو بدلوي

من يقول كل قطرية او بنت بالعالم ماتبي.. زوج ..
ثانيا
وبصراحة طلب الزوجة الثانية لارض اعتبره امر مبالغ فيه .. مثلا بالنسبة لعوايلنا واللي حولنا عيب ومنقود يكتب البيت او الارض باسم الزوجة

يوفر لها سكن معقول مو مشكلة ملحق .. وعقب يكبر الملحق ويصير بيت او شقة

وانصح خواتي وحبيباتي المتاخرات عن الزواج تغاضي عن شروطج .. بالزوج .. غمضي عينج عن بعض الامور واالله بيبدلج بدالها امور اخير واحسن باذن الله

اصلا من تجبيين عيال بتحسين الحياة لها معنى ثاني وبتحبين بوعيالج لانه سبب وجود هالعيال حولج .. وبتقولين الحمدالله اني تغاضيت وافقت ..
وكل شي تبينه بتقدرين تاخذينه بالسياسة

مثل سياسة بنات البلدان المجاورة .. وماخلفها .. مش اقل منهم بناتنا ..


والله يكتب لكم اللي فيه الخير ..

[مشتاقة لقطر]

[quote=r7al;6825957]زبدة الهرج ياشباب ( انفذوا ) بجلدكم ولاتوهقون
واحد من الجماعة عمرة فوق الخمسين وعندة عيال والحين جد ماشاء الله علية في صحة
المهم من سنتين تزوج بنت عمرها 20 سنة مادري شلون وافقت علية او شلون اهلها وافقوا عليها
المهم ربي عاقبة من عقب الراحة والمجلس الحين كل يومين مسافر يادبي او لبنان او مصر مع زوجتة الجديدة صراحة شكلة غلط ههههه اللهم لاشماتة وهو يلاحقها ويوديها من مكان لامكان .



لا ويمكن تشرد عنه والا تضيعه بالمحلات هههههههه

والا تدخله لعبة بالملاهي والا تخليه يدبك بالمراقص ههههه

راحت البال والجسد والصحة ابرك مليون مرة من التعدد خلكم عند حريمكم وعيالكم وقابلوهم افضل لكم من التشتيت
عند الاجانب ,, هالسن سن راحة واسترخاء وعطاء وشكر للزوجة الاولى وتفرغها له ويسوي معاها كل شي يسافرون يلعبون يستانسون كختامية لحياتهم ..


عندنا

يجازيها ( بعجرة )العروس الثانية علىقمة راسها

[soso22]

السلام عليكم ورحمة الله وبركاتة

اخوي قطر العطاء اقلبية النساء لايرضون انهم يكونون الزوجة الثانية مب عشان الزوج فية تقصير لا بس لان مايتحملون الشريكة الاولي ومايتحملون يشوفون زوجهم عند غيرهم هاي طبع النساء

وقليلا اللي يوافقون انهم يكونون الثانية الحين مطلقة وارملة وماترضي تكون الثانية والزوج اذا عندة زوجة ومستمتعين مع بعض ليش يدور الثانية اما اذا فية مشاكل يطلقها ويتزوج غيرها

واذا ان سجل البيت بسمي من حقها بكرة يمكن زوجها يطلقها ويخليها هي وعيالها وين تروح لازم اتامن مستقبلها اما اذا كانت الاولي مراح تقول سجل ولاشي بالعكس بتطلب اللي حقها وبس لان تبي زووج يستر عليها وتعيش معاها بس والله يوفقك ويوفق الكل

[بلوتنيوم]

لو نتكلم جد
الى يبي يعدد وقادر بيعدد
سوءا كان بيعدل او لا
اما الى يتكلم عن التعدد وصعوبته والشروط وهالسوالف
اتوقع يحلم ان المرأة تطيح عليه من السما جاهزة من مجامعيه :)

[بوحارب]

البنات صاروا ما يفكرون الا في الفلوس وكيف يكون الزوج غني ويعيشها احلى عيشة

الحمدلله والشكر على عقليات عمتها الدنيا

ونادر تلقى فتاة تبي زوج يستر عليها هالأيام !!

موفق اخوي :)

[باسكن روبنز]

مع آحترامي لـك ياصاحب الموضوع ،

من صجك معـور رآسك؟ ،


لم تعد الفتاة ترغب فى الزواج وسمعت كثيرا ( اقعد فى بيت ابوى وراتبى عندى ) !!!!!

خلها في بيت آبوهــآآ لي ماتشبع ،

وجيب الخليجيه عزها ورزها ،:shy:

وهالقطريات آلي ردوك بينقهرون لما يشوفونك تتمشي مع آم آعيـآلك وتدز الصغاريه بالجـآآري ،

حزتهــآآ بتعـرف آن آلفرصه آلي راحت ماتتعــووض ،

[BIRDS]

الصراحة ومن الاخر
يا زواج سنع يا بيت ابوي ابرك
اذا انا صغيره شلي جابرني اخذ واحد في الاربعين ولا معرس وبو عيال
وفووووووووووووووووووق هذا
يبي الرخص
خلنا نكون واقعين اللي من 20 لين 28 بيجهم شاب ما سبق له الزواج وبيكون لها بروحها
يعني لللي يبي يعدد يجوف له وحده كبيره شوي ولا مطلقه
لان ما فيه بنت بهالعمر تنازل

وبعدين نظره انها تجيب عيال احسن ما تقعد بروحها وما ادري شنو اللي عند الريايل
والله اقعد ما اعرس معززه مكرمه في بيت ابوي
ولا يجيني واحد اكد عليه هو وعياله
اللي يبي يعدد لازم يكون عنده وقت ودخل يعيشهم
مب كل من طق في راسه قال بعدد

[بوحارب]

مع آحترامي لـك ياصاحب الموضوع ،

من صجك معـور رآسك؟ ،




،:shy:

وهالقطريات آلي ردوك بينقهرون لما يشوفونك تتمشي مع آم آعيـآلك وتدز الصغاريه بالجـآآري ،
حزتهــآآ بتعـرف آن آلفرصه آلي راحت ماتتعــووض ،

اي والله انا احس بهالشي لما اتمشى مع الأهل في السوق :)

[BIRDS]

مع آحترامي لـك ياصاحب الموضوع ،

من صجك معـور رآسك؟ ،



خلها في بيت آبوهــآآ لي ماتشبع ،

وجيب الخليجيه عزها ورزها ،:shy:

وهالقطريات آلي ردوك بينقهرون لما يشوفونك تتمشي مع آم آعيـآلك وتدز الصغاريه بالجـآآري ،

حزتهــآآ بتعـرف آن آلفرصه آلي راحت ماتتعــووض ،

اقو لاجبت الخليجيه برز الفرش في بيتك و الجوازات في السياره
ولو سمحت لاتنسى اكيد بيت ابوها بعد كم سنه يبيله تجديد
و اهلها الصيف الياي سفرتهم على حسابك يعني بعد العرس برز ميزانية الاهل

[حزينه]

الصراحه كل الي اسمع عندهم من الريايل الي اعمارهم في فوق 30 يبون يتزوجون الثانيه يفكرون في بنت صغيره

بالله عليكم احين شستفدنا من التعدد الي ذابحينا عليه لا حل مشكله العنوسه ولا حل مشكلة الطلاق

الله يعطي الواحد على قد نيته اذا نيته يستر عليها بيزوجه اياها

[بنت^البحرين1]

يعني كاتب عنوان يحر ويبط الجبد ومنقز القطريات كلهم والمحتوى مختلف !!

تقول القطريات مب جادات ، وان عوانس ومايبون العرس .. وتروح تدور وحده ام 20 ؟؟ وانت حروة ال 40 ؟؟
الحين انا عمري 25 ولو واحد يتقدم لي بعمرك ومتزوج والله مابرضى لو يحط لي الشمس بيميني والقمر بشمالي ، وأصلا حتى هلي مستحيل يوافقون على شخص فارق العمر كبير بينا واضافة الى انه متزوج وهذي الطامة الكبرى.. بالمنطق .. انا للحين بنت ابلش عمري بواحد متزوج وعنده اعيال وباجر مرته تزعل وتروح عند أهلها وتخيره يا تطلقها والا مارجع البيت وتطلقني !!
وطبعا الخيار صعب جدا وبما انها ام الاعيال بيقول للثانية ، اسمحي لي بس مابي اهدم بيتي واشتت اعيالي،، ويالله مكان ماييتي ـ شتسوى ؟؟ لا تقولون ماتصير لا تراها صارت واااااااااااااااااااايد
وبخصوص بعض الردود .. ترى صادقين ، في بحرينيات وايد يدورون المخبى القطري، على بالهم ان القطري بنك مركزي متنقل وبيعيشونهم في قصور وفلل .. وعشان ماحط في ذمتي أذكر كم مره حضرت أعراس لبحرينيات من عوائل معروفة ومرموقة تزوجوا قطريين من عوائل مرموقة ومعروفة على مستوى قطر ( هذيلن ماعليهم خلاف لان نفس المستوى فعادي الموضوع) ا

اخوي .. اكيد البنت مابترضى بك .. اذا حطيت الاولى في بيت وهي في غرفه ؟؟ والا شقه ؟ وتبيها طبعا موظفه عشان تعينك .. وراتب الخدامة عليها .. وهي تحط فالبيت .. انت ماخذها ليش اصلا ؟؟

واللي معترضين على ان يا تتزوج شخص مب متزوج والا تقعد عند اهلها ليش معترضين؟؟ شنو هالمنطق الغريب انتوا ؟؟
شلي يحدها تاخذ واحد ابو اعيال وكل يوم طالع بسالفة وهوشه مع الاولى على هالسالفة وتتم عاد هي يدها على قلبها .. اي تقعد عند أهلها معززه مكرمه ولا بتصير مخلل ولا غيره ..

والله صج غريبين انتوا الرياييل .. واحد بيصك ال 40 يروح يدور وحده من 20 الى 28 تاخذه ؟؟ انزين دور فالثلاثينات في وايد .. هالبنات مايبونك اصلا سواء كان عندك فلوس والا وماعندك..
اما بالنسبة للي عندنا .. انا ما احظ في ذمتي ، لكن أكثرية اللي يعطون بناتهم حق القطري يا عشان انه في بالهم انه قطري واكيد بيكون غني ، او أنهم يبون يزوجونها والسلام وتلقاهم مايسألون عنه عدل ، ولو يفكرون فيها ، شلي يحدهم يغربون بنتهم لبلاد ثانية مايدرون شنو يطلع هالريال زين والا شين وشلون يعامل بنتهم بس عشان الفلوس ؟؟


خلاصة هذرتي .. انا أشد على يد كل قطريةانت تقدمت لها فالعمر اللي ذكرته ورفضتك وان شاءالله ولا وحده في هالعمر توافق عليك .. لان فيه ظلم لها .. ولو بيدي جان منعت بناتنا بس المشكلة اعرف ان البعض منهم للأسف يعتبر الزوج القطري صفقة العمر ومستحيل يردها ! هذي هي الحقيقة !!

[عقاب]

الله يعطيكم العافية على الموضوع الهادف................. اللي اقدر اقوله في الموضوع..............ياللي ناوي تاخذ الثانية اسأل نفسك ها السؤال: هل الثانية ستضيف لحياتك جديد؟؟؟؟ اذا كان الجواب نعم فما هو؟؟؟؟


واخيرآ يامن تريد الزواج .............هل النساء لازلن نساء؟؟؟؟؟؟؟؟؟؟؟

[صوت الضمير]

عجبني رد بنت البحرين احسه رد مقنع

وانا اويدك ونفس شعوري .. الخطاب ولله الحمد واجد واتخير منهم

وش اللي يحدني اخذ متزوج...

يعني نصيحه من بنتك :) .. غير موجتك على فوق 28 بتلقى واجد

وانت اللي بتتشرط بعد

أبداع

[R 7 A L]

سؤال لصاحب الموضوع لو عندك بنت عمرها 20 سنة وجاها واحد متزوج وعندة عيال وعمرة دبل عمرها بتزوجة ؟؟؟

[المستريح]

طيب واللي يبغي يتزوج الثانيه و مقتدر بس مهب محصل
الثانيه شنو يسوي
الله يرزقنا

[مريومة]

البنات صاروا ما يفكرون الا في الفلوس وكيف يكون الزوج غني ويعيشها احلى عيشة

الحمدلله والشكر على عقليات عمتها الدنيا

ونادر تلقى فتاة تبي زوج يستر عليها هالأيام !!

موفق اخوي :)

شرط التعدد العدل

عط الثانية نفس اللي عطيته الاولى

ودربك خضر



طيب واللي يبغي يتزوج الثانيه و مقتدر بس مهب محصل
الثانيه شنو يسوي

ياكثرهم بنات الديرة اللي يبون الستر

[Doha Sun]

اللي تبي الستر ماتتشرط بشروط تكسر ظهر الرجال ( زوج المستقبل ) واما الرجل لازم يكون عادل مهب الاولى في بيت والثانية في ملحق بيت ابوه ..
وافضل اتزوج رجل مهب (متعدد الزوجات )!!

[المستريح]

شرط التعدد العدل

عط الثانية نفس اللي عطيته الاولى

ودربك خضر




ياكثرهم بنات الديرة اللي يبون الستر

وينهم

[قناص 787]

شرط التعدد العدل

عط الثانية نفس اللي عطيته الاولى

ودربك خضر




ياكثرهم بنات الديرة اللي يبون الستر

على يدج وانا انشاالله أني جاهز من كل شي

[QtrGate]

اذا كان عندك القدرة توفر الثانيه نفس البيت الي عند الاولى
واذا قادر تعدل بينهم قدم عند الكل والقلب داعليلك


وترى البنت تبي الستر وتبي تأمن مستقبلها بعد عمر طويل

العيال الي من الاولى بيكبرون وبياخذون كل شي

وهي ماوراها غير المحاكم

عطها نصيبها وسجله باسمها من الحين وتوكل

[قناص 787]

اذا كان عندك القدرة توفر الثانيه نفس البيت الي عند الاولى
واذا قادر تعدل بينهم قدم عند الكل والقلب داعليلك


وترى البنت تبي الستر وتبي تأمن مستقبلها بعد عمر طويل

العيال الي من الاولى بيكبرون وبياخذون كل شي

وهي ماوراها غير المحاكم

عطها نصيبها وسجله باسمها من الحين وتوكل

شلون أعطيها نصيبها واسجله بسمها........ دام هي مرتي حالها حال
الاولى لها نفس الاولى مافي فرق وحتى القانون يضمن حقها وانا ماارضى بالظلم وبعطيها حقها بالكامل ولا راح اخليها تحس انها ممكن تنظلم لكن واذا هي تبغي الستر ماراح تقول ابغي
وعطني وسولي يعني الواحد راح يعرف معدنها مع العشره وحزتها هو
بنفسه راح يسويلها اللي تبيه لانه عارف معدنها واصلها الطيب وانا يعلم
الله أني ماافكر أتزوج من خارج قطر اللي أدور عليها انها تكون قطريه والله
يستر على الجميع