المساعد الشخصي الرقمي

مشاهدة النسخة كاملة : مساعـده من أصحاب الجمس


(رمز المحبه)
18-01-2011, 09:41 AM
السلام عليكم

بغيت مساعده يالربع .. أبي تفاصيل أستخدام هالازرار .. لانه بصراحه مأعرف أستخدامهم بالضبط :omen2: الله لا يهينكم اللي يعرف يفيدنـا .. وجزاكم الله خيـر


http://www.m5zny.com/upfiles/xiq31007.jpg (http://www.m5zny.com/)

الأزرار اللي في عصى القيـر

*** *** **** ****

http://www.m5zny.com/upfiles/k6z31007.jpg (http://www.m5zny.com/)

الازرار هذي عاد خير شر ماأعرف وش أستخدامها ؟؟

*** *** **** ****

http://www.m5zny.com/upfiles/rll31007.jpg (http://www.m5zny.com/)

هذي اللي انا اعرفه انها مثبت السرعه .. بس هل لها وظائف أخرى ؟؟

*** *** **** ****

http://www.m5zny.com/upfiles/ncx31007.jpg (http://www.m5zny.com/)

وهذي التحكم في المسجل .. والراديوو .. بس أنا ملاحظ فيها علامة تليفون .. هل السياره فيها بلوتوث .. علماً بأن السياره سييرا جمس 2010 فل ابشن الصغير

*** *** **** ****

http://www.m5zny.com/upfiles/me231007.jpg (http://www.m5zny.com/)

وهذا التحكم في ليت السياره أعرفه .. بس أنا ملاحظ انه إذا على الآوتوو حتى فالنهار شغال الليت :omg: ؟؟ أستغربت ؟؟

*** *** **** ****

http://www.m5zny.com/upfiles/2gj31555.jpg (http://www.m5zny.com/)

وهذا حق الانزلاق .. بس يالربع هل أشغله والا اهو شغال اوتوماتيك ؟؟ او إذا شغلت الزر يفصل مانع الانزلاق .. والا يشتغل ؟؟ احترت ما عرفت له ؟؟

*** *** **** ****

http://www.m5zny.com/upfiles/xgx31935.jpg (http://www.m5zny.com/)

هذا زر الدبل .. بس عاد مب واضحه الصوره ؟؟
فيه 2 وفيه Auto وفيه 4 ^ وفيه 4 سهم تحت ؟؟

والله ما عرفت له .. إذا انا على الطريق كل يوم مهب بر مثلاا أخليه على اي وضعيه ؟ واذا غرست وش احط عليه ؟ والطبيعي داايم وش أخليه عليه ؟؟


أدري انه سألت واجد .. بس يالله وش تسوون تحملوني :nice:

أفيدوني وجزاكم الله كل خيـــر
فقط قطر
18-01-2011, 10:36 AM
زر العصى....يستخدم في حالة السحب او القلص....يعني يكون القير محكور..

الصورة الثانية: هذي برمجة الطبلون.. استبدال اللغة واستعراض التعليمات...مثل العداد والزيت وغيرها...والخرابات الموجودة بالسيارة..

الصورة الثالثة: التحكم بالسرعة...يعني الكروس تثبيت السرعة على سرعه معينة من غير مادوس على دواسة البترول..

الصورة الخامسة: سويج الليت...هو طبعا يجيك شغال...وتقدر تطفيه اذا حبيت بارجاعه الى اليسار مرة وحده...وراح ينطفي الليت عندك...واذا طفيت السيارة وشغلتها راح يرجع الاتوماتيك....

زر الانزلاق يجيك نشط من الشركة...واذا طفيته راح يولع عندك ليت يبين انه معطل...واذا استخدامك عادي...ينصح بان يكون شغال....

واخير بخصوص سويتج الدبل...دائمحا خله على رقم 2 الا اذا تبي تشغل الدبل...
(رمز المحبه)
18-01-2011, 10:43 AM
يعطيك العافيــه ما قصرت والله

بس عاد الزر الأول اللي في عصى القير .. كيفية أستخدامه .. فيه زايد وناقص ؟

والصورة الثانيه .. فيها حوالي 4 ازرار .. الاول وشوو والثاني والثالث والرابع ؟؟؟ ابي تفصيل ؟؟؟


والباقي فهمته .. ولاهنت على كل حال
Rider
18-01-2011, 10:44 AM
اخوي الله يهينك راجع دليل الاستخدام الي يجي مع السيارة فيه كل الي تبغي تعرفه
3nabi4ever
18-01-2011, 10:44 AM
السلام عليكم اخوي

الأزرار اللي في عصى القيـر : هذا تستخدمه اذا كنت قالص شي ثقيل وايد بس ماانصحك تستخدمه لانه يحكر الموتر.

الازره الي فوق بعض: هذي تعطيك خيارات للقائمة الي في الطبلون وتقدر اتشوف الكيلو والمتبقي حق خزان البترول وغيرة.

مثبت السرعه والازره الي بجنبها: عندك زر مثبت سرعه عادي وعندك الازرة بجنبها فوق بعض زر يعطي حرارة تدفئة للسكان وزر يلغي حرارة تدفئة السكان

التحكم في ليت السياره: فرره صوب اليسار تكه وحده و راح يطفي اليت عندك في النهار ...اليت دوم على الاوتو يعني بيكون شغال طول الوقت تقريباً

حق الانزلاق: اذا ضغطت عليه راح تطلع لك اشارة في الطبلون انه انفصل .. إذا شغلت الزر يفصل مانع الانزلاق

هذا زر الدبل: 4 سهم فوق - هذا دبل سنقل (صغير) ... 4 سهم تحت - هذا دبل عود (كبير)

اتمنى اني قدرت افيدك واجاوب على استفساراتك
Rider
18-01-2011, 10:45 AM
يعطيك العافيــه ما قصرت والله

بس عاد الزر الأول اللي في عصى القير .. كيفية أستخدامه .. فيه زايد وناقص ؟

والصورة الثانيه .. فيها حوالي 4 ازرار .. الاول وشوو والثاني والثالث والرابع ؟؟؟ ابي تفصيل ؟؟؟


والباقي فهمته .. ولاهنت على كل حال

الزايد والناقص اخوي هذا قير بس يدوي
(رمز المحبه)
18-01-2011, 10:50 AM
الله لا يهينكم وبيض الله وجيهكم
فقط قطر
20-01-2011, 07:08 AM
تحط القير على حرف (( m )) وتستخدم الموجب اوالسالب للانتقال بين التعشيقات...