متى القطري بينفع أخوه القطري

[khaleeji]

السلام عليكم

يا اخوان لونخلي موضوع الأجانب والتشكي من سوء أوضاعنا الوظيفية والامور المشابهه ونلتفت لموضوع أهم

من واقع تجربه

ان أخواننا المقيمين قلوبهم على بعض وفي اسوأ الاحوال تلقى تحزبات لكن في النهايه يوقفون مع بعض وقفة رجل واحد ، على عكسنا تماما او في اغلب الأحيان.

شوف عيني اذا اجتمع معاهم المسؤول كل واحد يرفع الثاني ويبين انجازاته او امكانياته ويوصي له بالقيام باعمال معينه ويزكيه عند مسؤوله ,,,,,, في حين يندر وجود هذا الشيء عندنا وكلن يجر قصه صوب ضوة على حسب المثل .

من المواقف الي اذكرها واحد من الاخوان المقيمين صارت له مشكله في العمل ماتم حد ماتوسط يحل مشكلته والي لوكان الي طايح فيها من هل قطر ماكان احد تدخل له بها الاصرار .

واذا حد استلم منصب او احتاج توصيه محد وصى له وتلقى انواع العقار في المكاتب واذا سألنا المسؤول عنه (اعني زميله الموطن) قمنا نعذرب فيه .

تكفووووووون ياهل قطر اتركوا الحسد والقراده وتعاونوا وحبوا الخير حق بعض بغض النظر عن البيئه والقبيله واتمنى زوال هذه الظاهره ونشوفكم باحسن حال في القريب العاجل,,,,,,,,,,,اترك التعليق للأعضاء الكرام

[شبح الصمت]

ياخوك لا تعور قلبك

الدنيا عادها بخير

أخوي يمكن حصل لك موقف سبب لك حساسيه

صدقني الي معدنه طيب معدنه طيب

والي رايح ومقفي خلك منه

نقى الشباب الي فيهم خير وعلى يمناك ويا مكثرهم يا مكثرهم

لي طحت سندوك ولي ضحكت تبسمو ولي زعلت ازعلوا والي قلت يافلان قالك لبيه

ربي يحفظك

[بوخالد911]

لا صرنا على قلب 1

:(
:(
:(

[khaleeji]

كفوا هذا الشيء الي نفخر به ,,, لكنهم قله

ودنا بالزود

[سونيتا]

الدنيا بخير والطيبين كثار أن شالله

[بو رااكان]

نفس السؤال طرحته على نفسي لاني اعاني من هذه المشكله وما زالت تبعاتها مؤثره على مستقبلي الوظيفي

الى الان , القطري للأسف هو من ظلمني وآأخر ترقيتي وهضم حقي بالباطل لا لشيء سوى لأني جاد في العمل

ولا اجامله ولا اخاف في الله لومة لائم ولكن لنا رب يمهل ولا يهمل والحمدلله على كل حال

[الدبلوماسيـه]

ياخوك لا تعور قلبك

الدنيا عادها بخير

أخوي يمكن حصل لك موقف سبب لك حساسيه

صدقني الي معدنه طيب معدنه طيب

والي رايح ومقفي خلك منه

نقى الشباب الي فيهم خير وعلى يمناك ويا مكثرهم يا مكثرهم

لي طحت سندوك ولي ضحكت تبسمو ولي زعلت ازعلوا والي قلت يافلان قالك لبيه

ربي يحفظك

كلام سليم 100%

[مستجدة]

الدنيا بخير والطيبين كثار أن شالله


ان شاءالله أهل قطر طبين ومانخلي النسبه البسيطه من الرديين يثرون على راينا في اهل قطر
الردي رداه على نفسه
واحب الناس لله سبحانه وتعالى اكثرهم نفع لناس واهل قطر قلوبهم طيبه ويحبون الطيب لانهم تربوا عليه

[ولدالمنتدي]

معليك هل قطر فيهم الخير واتحصلهم الشده والرخا وانا اخوك

[BoFahed]

للاسف العنصرية المقيتة هي لسبب الرئيسي للحقد والسلبية المنتشرة بينا واللي بعض السفهاء والسفيهات يززرعونها في عقول عيالهم من الصغر هذا بدوي ولا هولي ولابويمن ولابحراني وخذ العاد التعميم والفكرة المرسومة في العقل وتبان في التعامل حتى البعض علموا الاجانب هذا قطري بالتاسيس ولا تجاري استغفر الله العظيم


بس اقول الدنيا فيهاخير

[chillis]

للاسف العنصرية المقيتة هي لسبب الرئيسي للحقد والسلبية المنتشرة بينا واللي بعض السفهاء والسفيهات يززرعونها في عقول عيالهم من الصغر هذا بدوي ولا هولي ولابويمن ولابحراني وخذ العاد التعميم والفكرة المرسومة في العقل وتبان في التعامل حتى البعض علموا الاجانب هذا قطري بالتاسيس ولا تجاري استغفر الله العظيم


بس اقول الدنيا فيهاخير

اتفق معاك :nice:

[intesar]

فعلا عندنا عنصرية ولله الحمد .. وتحس بعضهم يحارب اخوه القطري اذا انجز بدال ما يساعده
توني جاية من دائرة حكومية علشان عندي مشكلة مع شركتي .. بس للأسف طلعت انا غلط .. لأني شركه قطرية جديدة تحاول تثبت انها احسن من الف شركه عالمية وعندها ضمير .. وكل واحد حط جنب اسمه حرف الدال وكم سكرتير وما تقدر تقابله .. وربي لو جاني قطري عنده شكوى اني احطه على راسي وامشي فيه .. بس الغيرة وساعات تحس اللي قدامك يقول هذا قطري اللي مسويه اكيد اي كلام .. حتى كتابي الطبخ يوم نزلته بالمعرض وقعدت اشوف الناس اشلون انطباعها .. الله بالخير من يقول لهم ترى المؤلفة قطرية ولا ما تدري وين الباب .. ولا يتحججون بالسعر .. مافي ثقة ما بينا حنا القطريين .. تعبت 3 سنوات وانا اشتغل عليه .. في الاخير حسيت بعضهم جنهم غيرانين لو حطيت اسم اجنبي ولا لبناني كانهم ركضوا وشروه.. ساعدوا بعض وكونوا على قلب واحد .. الكرسي اللي قاعد عليه مو دايم لك .. وربي قهر احيانا يحطون مصيرنا في ايادي اجنبية ما ترحم .. ليش عطوا القطري وخلوه يظهر كفاءته واتركوا عنكم العنصريه الا هذا ولد فلان الا هذا قبيلي .. من اي عائلة هذا .. هذا التخلف بعينه .. رب عيالك على حب المساعدة .. ربيه وعلمه انه قطري .. وقطري وبس .. وعن التخلف ..

[Abdulraman]

الحمدلله القطري نافع اخوه القطري
الدنيا بخير وفي شواذ اللي ورا مصالحة الخاصة ولا يحب الخير لاخية القطري بس قلة

[alsubaiai]

ياخوك لا تعور قلبك

الدنيا عادها بخير

أخوي يمكن حصل لك موقف سبب لك حساسيه

صدقني الي معدنه طيب معدنه طيب

والي رايح ومقفي خلك منه

نقى الشباب الي فيهم خير وعلى يمناك ويا مكثرهم يا مكثرهم

لي طحت سندوك ولي ضحكت تبسمو ولي زعلت ازعلوا والي قلت يافلان قالك لبيه

ربي يحفظك



كم من صديق يلقاك عناقا *** ويقسم بالله لايطيق لك فراقا
ملك كريم في مظـــهره *** شيــطان رجـيم في مخبره

[قطرية فذة]

الخير موجود

[القيادة]

أصابع يدك مو سوى

[الشقيان]

الله يحفظ قطــــــــــــــــــر يارب

[khaleeji]

fمشكورين على الردود واتفق معاكم ان اهل قطر لا زال فيهم خير
لكن

فكرة القطري ما يشتغل الحين
الكثير من المدراء من هل قطر صار يرددها ،،،،،،،مع ان القطريين اثبتوا كفائتهم في شتى المجالات

مادري بتجينا من المطبلين ولا من المسؤولين

[بنت صقار]

ماتت النخوة..وغلب طابع الحسد..وكانه يكيل من ورث ابوه ويريدها في جيبه او حسابه اذا سنحت فرصه..(يلحق على مايوجد قبل ان لا يوجد)(والله لا يؤمن,والله لا يؤمن,والله لا يؤمن..حتى يحب لأخيه مايحب لنفسه)

[الصريحه]

معاك حق
بس اهل الخير في كل مكان

[بـن عدوان]

اساعد قطري مب اصلي ليش ؟

ولا اساعد قطري أصلي ليش وانا أصلا مب قطري أصلي !!


اعتقد هاي تفكيرهم ...

[bentalgala]

ادري اخوي متى القطري بينفع اخوي القطري

بس اليوم اللي يعرف القطري فيه شلون ينفع نفسه

[QATAR2011]

نفس السؤال طرحته على نفسي لاني اعاني من هذه المشكله وما زالت تبعاتها مؤثره على مستقبلي الوظيفي

الى الان , القطري للأسف هو من ظلمني وآأخر ترقيتي وهضم حقي بالباطل لا لشيء سوى لأني جاد في العمل

ولا اجامله ولا اخاف في الله لومة لائم ولكن لنا رب يمهل ولا يهمل والحمدلله على كل حال

أنا معاك في هالنقطه للأسف مسؤولي قطري والمسؤوله المساعده بعد قطرية وكل ماروح أكلمهم عشان يوافقون على موضوعي يتعذرون ويطلعون مليون حجه وبعد فتره أسمع انهم وافقو حق فلان أو فلانه ،، لييييييش ؟؟؟ لأنهم من نفس الجماعه.... والله ماأنسى هالأيام كنت أطلع من المكتب وأقعد في المصلى أصلي وأدعي عليهم،، لأنهم فعلا ظلموني وظلمو غيري ،، بس الله يمهل ولا يهمل،، ولما غيرت القسم الله ساق لي مسؤوول تخيلو (تايلاندي) لما قلتله الموضوع على طول وافق وقال ان مش من حقهم مايوافقون لأني عندي كل المؤهلات اللي تطابق الشروط المطلوبه،، بس هم يبون ربعهم،، وكلم رئيس القسم (بريطاني) ومشو موضوعي والحمدلله الحين أنا في أحسن حال .. كنت قبل من أشد اللي يعارضون موضوع " القطري ماينفع القطري" بس الحين ما أستغرب هالشي..

[QATAR2011]

فعلا عندنا عنصرية ولله الحمد .. وتحس بعضهم يحارب اخوه القطري اذا انجز بدال ما يساعده
توني جاية من دائرة حكومية علشان عندي مشكلة مع شركتي .. بس للأسف طلعت انا غلط .. لأني شركه قطرية جديدة تحاول تثبت انها احسن من الف شركه عالمية وعندها ضمير .. وكل واحد حط جنب اسمه حرف الدال وكم سكرتير وما تقدر تقابله .. وربي لو جاني قطري عنده شكوى اني احطه على راسي وامشي فيه .. بس الغيرة وساعات تحس اللي قدامك يقول هذا قطري اللي مسويه اكيد اي كلام .. حتى كتابي الطبخ يوم نزلته بالمعرض وقعدت اشوف الناس اشلون انطباعها .. الله بالخير من يقول لهم ترى المؤلفة قطرية ولا ما تدري وين الباب .. ولا يتحججون بالسعر .. مافي ثقة ما بينا حنا القطريين .. تعبت 3 سنوات وانا اشتغل عليه .. في الاخير حسيت بعضهم جنهم غيرانين لو حطيت اسم اجنبي ولا لبناني كانهم ركضوا وشروه.. ساعدوا بعض وكونوا على قلب واحد .. الكرسي اللي قاعد عليه مو دايم لك .. وربي قهر احيانا يحطون مصيرنا في ايادي اجنبية ما ترحم .. ليش عطوا القطري وخلوه يظهر كفاءته واتركوا عنكم العنصريه الا هذا ولد فلان الا هذا قبيلي .. من اي عائلة هذا .. هذا التخلف بعينه .. رب عيالك على حب المساعدة .. ربيه وعلمه انه قطري .. وقطري وبس .. وعن التخلف ..



كلامج مليون بالميه صحييييييييييييييييح

الناس اذا عرفو ان صاحب الشي قطري أو عربي يقللون من قيمته ويستكثرون السعر كأن مافي ثقه بمستوى جودة المنتج أو العمل
واذا كان صاحب المحل أو المنتج أو الفكره لبناني أو أجنبي الكل بيركض وبيشتري بدون مايهتمون للسعر !!!!!