المساعد الشخصي الرقمي

مشاهدة النسخة كاملة : مستثمر اماراتي يطلب مساعده


مستثمر اماراتي
22-04-2005, 08:04 PM
السلام عليكم يا اهل قطر
اخوكم مستثمر من الامارات وناوي اسافر للدوحه خلال هذا الاسبوع
هل استطيع ان افتح حساب واشتري اسهم في نفس اليوم
انا مخطط اني اوصل عندكم يوم الاربعاء مساءا وصباح الخميس بروح السوق واخذ رقم مستثمر وافتح حساب واشتري اسهم
واريد جد يشرح لي كيف اقدر اسوي هذه الطريقه
يعني مثلا وين اسكن اقرب فندق وين اروح في السوق شو المطلوب مني
كيف افتح حساب في البنك ولا مايحتاج
كل شي لو سمحتوا

شكرا لكم
الرمز
22-04-2005, 08:27 PM
اولا مرحبا يا مستثمر اماراتي

هذا لي اقدر عليه والباقي على الاخوان الباقين ومايقصرون
http://www.dsm.com.qa/site/topics/static.asp?cu_no=2&lng=0&template_id=92&temp_type=42&parent_id=91

اكيد الاجراءات كلها تقدر تخلصها في نفس اليوم
تكون في مبنى البورصه من الصباح في حدود الساعه الثامنه صباحا حتى تقدر تخلص امورك اما بالنسبه للقندق انا ماعرف امكانياتك حتى احدد لك قندق معين وهل عنك سياره ولا تبي تروح للبورصه مشي اذا مشي وتبي فندق رخيص اعتقد فيه ثلاث فنادق قريبه من البروصه قندق القايد وقندق الزهره وكلهم في شارع الاصمخ وفندق الخليج مشاهد الفردان في شارع حمد الكبير واعتقد هذا الفنادق بدون نجوم اما اذا عندك سياره او تبي فندق خمس نجوم اقتقد اي تاكسي ممكن يوصلك لهدفك وهي كثيره
واكيد تقدر بعد فتح الحساب انك تشتري في نفس اليوم .
مستثمر اماراتي
22-04-2005, 09:23 PM
شكرا اخوي
افهم ان رقم المستثمر يطلع في نفس اليوم ( خلصت الزحمه)؟
طيب شو هي مكاتب الوساطة اللي تنصحون فيها؟
اريد مكتب اتعامل معاه من الامارات ويكون فيه سلاسة تحويل الفلوس من والى الامارات
وايضا تنفيذ اوامر البيع والشراء بكل سهوله
ناوي استثمر مليون درهم في قطر
boabdullah
22-04-2005, 09:34 PM
السلام عليكم يا اهل قطر
اخوكم مستثمر من الامارات وناوي اسافر للدوحه خلال هذا الاسبوع
هل استطيع ان افتح حساب واشتري اسهم في نفس اليوم
انا مخطط اني اوصل عندكم يوم الاربعاء مساءا وصباح الخميس بروح السوق واخذ رقم مستثمر وافتح حساب واشتري اسهم
واريد جد يشرح لي كيف اقدر اسوي هذه الطريقه
يعني مثلا وين اسكن اقرب فندق وين اروح في السوق شو المطلوب مني
كيف افتح حساب في البنك ولا مايحتاج
كل شي لو سمحتوا

شكرا لكم

مرررررررررراحب أخوي

في بلادك الثاني قطر

نعم تقدر تفتح حساب وتأخذ رقم مساهم وتشتري وتبيع عاد ي

أولا" تروح سوق الدوحة الدور الأرضي وتأخذ رقم مساهم بتعبئة النمذوج

وطبعا" مع المرفقات ((البطاقة الشخصية أو الجواز))


وبعدها تفتح حساب ببنك من البنوك اللي أساس" موجودة قريبة من سوق الدوحة

وثم تختار من الشركات الوساطة أو البنوك وهي كثيرة وموجود بالسوق في الدور الأول والثاني

وتسجل عندهم وترفق لهم شيك أو تحويل بالمبلغ وبعدين تقدر تشتري وتبيع متى مابغيت

عن طريق الشركة الوسيطة اللي سجلت عندها

عن الفندق أنا الصراحة أشوف السوق قريب من أي فندق والأمور سهلة مش صعبة

والله يوفقك وحياك مرة أخرى ببلادك الثاني قطر

وياهلا :) :) :)
اسهم قطريه
22-04-2005, 10:00 PM
يا اخي اعقلها وتوكل ....


لا تنتظر تاخذ من النااس تعال والله يفرجها لك