ليش التقارير الطبية باللغة الأنجليزية ؟؟؟

[الواعد]

السلام عليكم

استلمت من مستشفى حمد تقرير طبي وتفاجأت انه بالكامل انجليزي :eek5:

ليش مايكون باللغة العربية أو على الأقل من نسختين عربية وانجليزية

نفسي افهم ليش نعتمد على الأنجليزية 100% في بعض الوزارات

مع ان دولتنا دولة عربية ، ويقولوا اذا تبغي عربي روح لأي محل ترجمة

وبعدين جيب لنا الترجمة علشان نختم عليها طيب ليش هالسالفة الطويلة


المهم الحين ممكن أحد يدلني على مكان للترجمة يترجم بشكل ممتاز

وخصوصا في المصطلحات الطبية

[بـــــــنت النوخـّــــذه]

السلام عليكم

استلمت من مستشفى حمد تقرير طبي وتفاجأت انه بالكامل انجليزي :eek5:

ليش مايكون باللغة العربية أو على الأقل من نسختين عربية وانجليزية

نفسي افهم ليش نعتمد على الأنجليزية 100% في بعض الوزارات

مع ان دولتنا دولة عربية ، ويقولوا اذا تبغي عربي روح لأي محل ترجمة

وبعدين جيب لنا الترجمة علشان نختم عليها طيب ليش هالسالفة الطويلة


المهم الحين ممكن أحد يدلني على مكان للترجمة يترجم بشكل ممتاز

وخصوصا في المصطلحات الطبية

لترجمه التقارير وخصوصا" الطبيه لازم تختار مركز معتمد ورسمي للترجمه وعليه ختم يمشي للجهه الي بتوجه لها التقرير 00المهم اتعرف دار الشاعر الي في فريج كليب هذا معترف به ويترجم وله صلاحيه الترجمه وختمهم ماشي 000 وعندك بعد هناك صوب سوفتيل مركز اسيا للترجمه هذا معتمد وختمه ماشي 000

والله يشفي جميع مرضاكم واجر وعافيه

[مونديال]

عشان ماتسندرهم وتقعد تحتج عليهم
ولو طلع شي يكون العذر
<<< آسفين خطأ في الترجمه
نسيت المهم موجود مكتب في سوفتيل يترجم ومعتمد

[العقل الحر]

فرنسا التقارير بالفرنسية

امريكا التقارير بالانجليزية

اسبانيا التقارير بالاسبانية


وكل بلد تابعه لي اسيادها تكتب تقاريرها بنفس لغته اسيادها !!

[alkoos]

لان اللجنه الي تقرر تروح ولا ماتروح كلها اجانب وهذي اصلا سياسة المستشفيات كلها او اغلبها

[sendarala]

اي شفت والله توهقنا يوم قدمت لعملي قالوا لي لازم مترجم بالعربي

عاد تعال دور على مكاتب الترجمة اللي ترجم لك وفي الاخير اذا لقيت شوف الاسعار على كل ورقة تطلع من عندهم 100 ريال وش حقه هذا التعب

والله مثل ما قلت المفروض تكون باللغتين عربي انجليزي اذا هم يبون تصدر من عندهم باللغة الانجليزية

اها ما يشفوون الدول المتقدمة وشلون يعتزون بلغتهم ( فرنسا ، المانيا وغيرهم ) حتى لو يعرفون لغات ثانية في بلادهم ما يتكلمون الا لغتهم

ما نقول الا لا حول ولا قوة الا بالله

[روح الاطلس]

وليه تتعب نفسك روح لنفس الدكتور اللي كتب لك التقرير واقعد جنبه وقول له نقلني وش كتبت بالعربي وانت اكتبه وروح وده لاي محل ترجمه ويختمونه عشان تظمن ان المصطلحات مية بالمية صح

واتوقع كلها كلمتين لا اكثر

[خليفـة]

اخوي الموضوع بسيط للغاية
التقارير الطبية باللغة الانجليزية لسببين :

السبب الأول :

اللغة الأنجليزية لغة العالم حالياً .. والكل يفهمها في الخارج .. بالتالي لما تحب تاخذ التقرير للخارج لمواصلة العلاج .. بيقدر المستشفى الي بتروح له يفهم كل شي في التقرير وبسهولة .


السبب الثاني :

في الطب اخوي .. توجد مصطلحات طبية لا معنى لها في اللغة العربية .. بالتالي من الأسهل على الأطباء التعامل فيما بينهم عالمياً باللغة الأنجليزية .. حيث المعلومة تكون واضحه ومفهومة لهم جميعاًً .


اما لو كان التقرير الي تبيه للأستخدام المحلي داخل دولة قطر .. فبصراحة ما عندهم سالفة يكتبونه لك باللغة الأنجليزية .. المفروض يكون باللغتين : العربية والأنجليزية .

ما تشوفون شر اخوي ان شاء الله

والله أعلى وأعلم

[الواعد]

تسلمون والله على الردود الطيبة

كان ممكن يخلون التقرير من نسختين عربية وانجليزية

أو عربية واذا الشخص يبيها للخارج يروح يترجمها ويختمها عندهم وليس العكس

بمر دار الشاعر وبشوف

[وحيد-الشوق]

هي جات عالتقارير كل شيء صار انجليزي

صار كأنه استعمار ولا في اي اعتزاز باللغة العربية عندنا في قطرحتى اليهال لين تكلموا انجليزي يقولون مب حلوة اللغة العربية

استغفر الله العظيم نسوا انها لغة القرآن

[<اضرب واشرد>]

وليه تتعب نفسك روح لنفس الدكتور اللي كتب لك التقرير واقعد جنبه وقول له نقلني وش كتبت بالعربي

مابيقدر الدكتور يترجم له !

لأنه دارس الطب باللغة الانجليزية ( غالبا ) ، وصعبه عليه يترجم كل كلمة للغة العربية.

بس في الأخير كلووو من شان المريض

[رشدان]

[QUOTE=خليفـة;6824822][right][size="5"]اخوي الموضوع بسيط للغاية
التقارير الطبية باللغة الانجليزية لسببين :



[color="red"]السبب الثاني :

في الطب اخوي .. توجد مصطلحات طبية لا معنى لها في اللغة العربية .. بالتالي من الأسهل على الأطباء التعامل فيما بينهم عالمياً باللغة الأنجليزية .. حيث المعلومة تكون واضحه ومفهومة لهم جميعاًً .

اسمحلي اختلف معاك اخوي خليفه في السبب الثاني لايوجد اي مصطلح طبي لايقابله مرادف
او مشابه في اللغه العربية
والدليل ان سوريا يدرس الطب فيها باللغه العربية بجميع تخصصاته
والسبب الاول الذي ذكرته له الدور الاكبر في كتابة الاطباء تقاريرهم بالانجليزي
ولاننسى انهم درسوا الطب في الدول الناطقه بالانلجيزي او في دول تستخدم الانجليزي لدراسة الطب فيكون اسهل عليهم كتابته بالانجليزي