ياليت الكل يشاركني في الموضوع

[مجنونة قطر]

اول شي السلام عليكم ومعاه رحمة الله وبركاته

الموضوع هو عباره عن فكره فكرت فيها وابي اعرف راي الكل

الحين في هذي الايام في وااااااااااااااااااايد واااااااااااااااااااااااااااااايد من هل قطر محتاجين وماعندهم الي يكفيهم طوووووول الشهر شرايكم؟؟؟؟؟

كل قطري او قطريه عندها امكانيات ويملكوون المااااااال الكثير والتجار والي عندهم محلات اي شي اهم شي المقتدر ماااديااا انه يعرض على الي قد حاله ان يشغله معاه في اي شي بداااااااال هل الاجانب الي ينصبون عليهم منها الغني يستفيد والفقير يستفيد

حتى انا شخصيا اشتغل وقطريه وراتبي مايكفي يعني لو احد يعطي الفرصه للقطري ان يساعده على ان يقدر يغطي كل احتياجات المعيشه



اتمنى محد يفهم الموضوع غلط هي مجرد فكره حبيتكم تشاركوني فيها وجزاكم ربي الخير
لو الفقير يشتغل مع الغني وبمجهووده يحصل على المال بتكون الدنيا بخير
:) مجررررد فكرررره وحبيت اطرحها لكم وجزاااكم الله خير

[مجنونة قطر]

لااااااااااااااااايوجد ررررررررررررررد

[كورديليا]

حلوه الفكره بس ماظنيت ان تلاقين اقبال عليها

[جنيف]

لـــا تعــــــــــــــــليـق

[بوعبدالله779]

اختي العزيزة جزاج الله خير التجارة ماشاء الله بابها مفتوح والعمل الاضافي حق اللي يدور يلقى في الاندية وبعض الاماكن الاخرى وبراتب لا يقل عن 3500 الى 4500 وبمعدل لا يزيد عن 3 ساعات عمل واعتقد الشخص المجتهد ياخذ نصيبه

[QTR TV]

السلام عليكم
اختي اهنيج على الجرئه وطرح والفكره الي فوق الرائعه
الفكره عباره عن نقاط
1- فقير لايملك فكره عن التجاره ولالديه الا راتبه
2- غني ملم بتجاره وعدى مرحله الوقوف على تجارته
الفقير محتاج الخبره والارشاد لطريق الصحيح ملاحظه الفقير مب شرط يكون فقير المال ممكن يكون فقير المعرفه والخبره
الغني محتاج من يسنده لتوسعة انشطته وتفريغه للأمور الكبيره في تجارته وهنا يكون دور الموظف كم اجنبي شتغل عند تاجر وهو على وظيفة مندوب ومع الخبره اصبح مدير لشركة يعني هي حلقه تكمل بعضها
في النهايه الفقير بيكسب مال وخبره والغني بيكسب ايضأ مال وخبره اكبر
لاكن السؤال متى احنى بنخلي منى الخجل والحسد وحب الذات وعدم حب الخير للغير الا مع مصلحه
لاحظوا مع احترامي للجاليات الوافده على قطر الهنود متكاتفين والباكستانيين متكاتفين والمصريين كذالك والفلسطينيين ايضأ والبنغال كلن يشيل ابناء جنسه بحتكار المحلات وترتيب المزادات مابينهم وتعليم وتبني بعضهم بعض متى نشوف القطريين متكاتفين
للاسف الي اشوفه مثل بسيط (عين عذاري) تسقي لبعيد وتخلي القريب
للاسف الاخوا متهاوش مع اخوه الكل نفسي نفسي
من كذا العبوبنا الاجانب وعرفوا شلون يستغلونا
في النهايه الله يوفقنا بما يحبه ويرضاه والفوز فنهايه فوز الاخره
وسمحولي ان كاني زليت عليكم في شي من غير قصد
وشكرأ مره اخرا للطرح الجيد الي يستاهل النقاش

[كناريا]

لا ياأختي المسألة هي هل القطري يرض ى يشتغل في اي مكان؟اتحدى لاحظي في عمان والبحرين تحصلين المواطنين يشتغلون في اي مكان ام هني فالقطري محدد اماكنه

[مجنونة قطر]

مشكووووووووووووووووووووورين على ردودكم على فكره الي رد على الموضوع يقول وضيفة الانديه انا ماتكلمت عن نفسي عشان وظيفه انا لو بشتغل بوضيفه ثانيه بشتغل مع هل قطر ماراح اشتغل في مكان ثاني

وياااااااااااااااااااااااااااااااااااايت كل هل قطر يكونون متكافئين لين متى بيتمون الاجانب على هل الحال وصدقوني خلال سنتين بس نطلع الشارع وبنكون نادر مانشوف قطري لان الاجانب بيكثروووووووووون في البلاد حرااااااااااااااام وربي مستغلين البلد ومستغلينا معانا اتمنى اتمنى من الكل نكووون يد وحده هاااي الي اطلبه
سمعتوا الي يتصلون على وطني الحبيب ناس مايصفى من راتبها الا 2000 وعنده 6 عيال وبيت اجار وللاسف قطري والثانيه متصله تبي مساااااااعده وهي شنو قطريه وووووووووربي اني صحت وانا اسمعهم ياليت التعااااااااااااااااااااون ونكوون يد وحده

[حمد بن سعد]

فكره مرفوووووووووضه

الدوام ايخلص الساعه 2 ولين تطلع في الزحمه وتوصل البيت 3 اتصلي العصر وتغدا صارت 4 .

اضدهاد بيصير على المكسين .

من ناحيتي رافض الفكره شخصيا والباقي براحته

[حمد بن سعد]

لا ياأختي المسألة هي هل القطري يرض ى يشتغل في اي مكان؟اتحدى لاحظي في عمان والبحرين تحصلين المواطنين يشتغلون في اي مكان ام هني فالقطري محدد اماكنه

لازم اتحدد اماكنا احنا الحمدالله في خير ونعمه .


حنا شعب بوشعل ربي يطولنا بعمره

مش تكبر والله لاكن بومشعل مدلعنا :nice::nice::victory:

[القطرية]

عزيزتي ..


طرح الفكرة سهل ..

لكن تنفيذها صعب ..

أنا باقولج ليش القطري التاجر يشغل عنده الاجنبي أكثر ..

لأنه الاجنبي جاي اهنيه حق شغله و رزقه يعني يداوم دوام كامل عادي

دوام فترتين عاادي .. دوام في أي لحظه يكلفه بشغله عااادي ..

لكن لما اتيين عند القطري يكون عنده شغله الصبح و بعدين يتفرغ حق هله

و ربعه و علاقاته الاجتماعية .. بتقولين الاجنبي بعد عنده اهل و تواصل

صح بس مب مثل القطري ..

و رغم هاذيه كله بعد تلقيين فيه قطريين يشتغلوون مع التجار بس

الاغلبية تربطهم علاقه مع هالتاجر..

هاي من وجهة نظري .. و من اللي اشوفه و اسمع عنه



و الله يعطيج العافية على طرح الفكرة

و عسااااااااج ع القوة

[القلم الصريح]

من يقول انه صعب القطري يشتغل في وظيفه يشتغل فيها اجنبي

في قطريين يشتغلوا سكوروتي ونشوفهم في حديقة البدع والاسواق وعند البوابه الحي الثقافي وفي اللؤلؤه

وفي مواقف سوق واقف

وقطريين سواقيين باصات اللي هي شغلت الاجنبي

[d.romance]

أنا أتوافق مع رد القطرية 100 في 100 في نقطة إن ( المقيم ) يسعى على رزقه مو للاستغلال وفي نفس الوقت هناك قطريين أيضا يشتغلون أي عمل يكلفون به دون أي تقصير والله مقسم الأرزاق للفقير والغني وفي الأول والأخير كلنا اخوة عرب هذه أهم نقطة للتذكير فقط والله يوفق الجميع وجزاكم الله كل خير

[htamimi]

الاخوان الي يتكلمون عن سهولة ان القطري يحصل شغل بسهولة سواء دوام كامل او جزئي
الله يعينهم لعدم معرفتهم بحال الديرة وبحال الناس
وللاسف ان معضم الشركات والتجار ماخذين فكرة غلط عن القطريين وعن تصرفاتهم
والاهم ان قطر ديرة الاجانب الحين ... والله يعين عيالنا
والي يقول عكس كلامي انا مستعد اواجهه واثبتله كلامي

[مجنونة قطر]

Htamimi كلاااااااااااااااااامك 100 في 100 صح وبعد اقووووووولكم خلونا نواجه هذي المشكله لان في بعد قطريات فرااااشاااااااات في المدارس والقطري لازم يكون احس مايكون في بلاده لان الاجااااااااااااااانب لاعبين لعبتهم في بلادنااااااااا وحرااااااااااااااااااااااااااااااااام ياخذون خيرنا لبرع وانا ساكتين

[سكرمر]

لو التجار شغلوا قطرين فى الفتره المسائيه يكفيه انه يستأمن على املامكه وين بيحصل امانه الموظف


واغلب المشاكل وسرقات الشركات كلها من الاجانب



واللى محتاج بيداوم ماعنده مشكله



فكره رائعه واتمني انها تنفذ من قبل اصحاب الشركات


تحياتي

[أبو تميم]

الاهم ان قطر ديرة الاجانب الحين ... والله يعين عيالنا
والي يقول عكس كلامي انا مستعد اواجهه واثبتله كلامي

اكيد ديرة الاجانب .. انت شفت شي ؟؟ انطر المستقبل القريب :secret:

[مشتاقة لقطر]

انا رايي ..

لاتنتظر حد ياخذ بيدك
ابدا انت .. ومرة بتصيب ومرة بتخيب .. الين تضبط ..


يعني انا بتجارتي ياما خسرت .. بس عادي .. اقول لابد من الربح والخسارة ..

اجرب بضاعة ثانية .. وهكذا.. حتى وصلت مرحلة اني ادخل مبلغ قدر راتب اي موظف شهريا..
يعني

مثلا كل واحد منكم .. يتخذ له مجال محدد ويتاجر فيه ... بالنت فقط .. يعني بيخلص دوامه الحكومي وبيتغذى بيرقد وبيقوم ..

ويشيك على اللاب توب وطلباته ومسجاته ..

ويتقضى شغله ويبقابل بيته وربعه .. وبالليل يمر على اللاب توب ويخلص رددوده وزباينه ..

وهو طالع

بالويكند ممكن تسافر لك سفرة صغيرة الحسا او دبي او اي مكان تجيب منه بضاعتك لطلبات جديدة وتجيب بضاعة او عرض جديد حتى لو حبة واذا لقيت اقبال ارجع الاسبوع اللي بعده وجيب للزباين ..

ماحدد بضاعة بس ممكن تكون اشيا تخص السياراات او التلفونات او اجهزة للبيت او ديكورات
او بضاعة نسائية ..
اي شي يناسب طموح وميول الفرد

والله الله بيفتحها بوجهك

[مجنونة قطر]

فكرررررررررره حلوه مشتاقه ويعطيكم العافيه لحد يعطيهم مجال للسررقه