استفسار: عيادة الريفي في البحرين لليزك

[BIRDS]

السلام عليكم
انا حجزت موعد عند الريفي لتصحيح النظر والصراحه تفاجات ان في انتقادات وايد عليه في الانترنت
لوسمحتوا اي حد مسوي عنده ولا يعرف ناس مسوين عنده قريب يعطيني رايه قمت احاتي :rolleyes2:

[R 7 A L]

اخوي ثلاثة من اهلي مسوين عندنا 2008 وانا كنت وياهم
من اسهل العمليات
والدكتور محترف
على فكرة لو فية صعوبة مستقبلية بيقولها لك الدكتور


اهلي الى سووا العملية للحين يحمدون الله ويشكرونة على ان بصرهم رجع مية المية مثل اول

توكل على الله وكلها ثلاث أيام روحة وردة

[BIRDS]

تسلم الشيخ طمنتي كنت احاتي وايد

[باسكن روبنز]

وايد ناس ماعاد يمدحون بالريفي يقولون شيــب ،:rolleyes2:

وواآيد آنتقادات قريتها بالمنتديات وخاصة منتدآنــآ هـذآ ،

عندي الآهل يبون يسوونها وسألت لهم وآيــد وبنسويها عند واحد آسمه يوسف بو ألفين < شي جذي ،

العمليه تكلف حــروة الـ10 الآف ولاتنسي في فحوصات دوريـه كل شهـر آعتقـد ،

ماتسوآ عليـك تقبض خط للبحرين ع فرق 3 الأف ولاتنسي خساير التذاكر والفنادق والموآصـلآآت ،

يعني بتطلع الحسبه هي نفسها لو بتسويها في قطـر ،:omen2:

وآي آدويه وقطور تحتاجهآآ راح تلاقيـهآآ بالدوحـه مكان ماسويتهــآآ ،

نصيحتي لك سوهـآآ في بـلآآآدك ترآ متيسـره والحمدلله ووآآيــد يسوونهـآآ كل يــوم ،

العمليـه مب ذيــك الخطــوره لتروح بــرع ،

بالســلآآآمه آن شالله يالطيـب ،

[Abdulraman]

انا مسوي عنده سنة 2005 مسوي عملية ليزك صراحة دكتور ممتاز ولا تحس بالعملية يده خفيفة

[باسكن روبنز]

http://www.qatarshares.com/vb/showthread.php?t=430785

[HAMAD9030]

مرحبا
أنا سويت العملية في سنة 1998 عند الريفي وكان النظر عندي وايد ضعيف وقال لي ( جهاز حديث ما أقدر أعطيك 100% بكون النظر سليم بس أقدر أكد لك ماراح يكون نفس السابق )
وبعد مرور 12 سنة من العملية نزل النظر بس مو نفس السابق والحمدالله ...

[sosa]

أنا سويتها عند الريفي سنة 2007 تقريباً
والدكتور ما عليه كلام .. ما تحس أصلا انك في عملية .. الموضوع ما ياخذ أكثر من خمس دقائق
والحمدلله نظري ألحين تمام التمام

وكل دكتور بتلاقي له مؤيدين ومعارضين .. لا تسمع حق حد

استخير وتوكل على الله ولا عليك من الكلام اللي تسمعه

[الدعسوقة]

انا مسوية عنده سنة 2007 الدكتور خبره الصراحه ويده خفيفه

[القلم الصريح]

نصيحه : سوها فالدوحه احسن لك وفي دكاتره ممتازيين ، لو تحسبها من سعر التكلفه من تذكره وسكن وسعر العمليه وروح وتعال وعقب العمليه بفتره تمر على الدكتور يشوف نتايج العمليه وهناك تخاف تطلع فالشمس وروح وتعال وفي بدايه عملية الليزك العين تدمع وتبي ترتاح وظلام
اهني اطلع من بيتك وروح وسو العمليه وترجع بيتك وانت مرتاح حسيت بوخز او شي ترجع للدكتور ، انا وديت الوالده سوال لها دكتور خالد الشريف احسن ثالث جراح على مستوى العالم على ماسمعت لدرجه يروح بريطانيا يسوي هناك عمليات ليزك وكل التلكفه مع العلاج بحدود 10500 ريال والحمدلله الوالده ارتاحت من البيت للعياده للبيت