معهد لتعلم اللغه الانجليزيه

[حمد 2002]

ماهو احسن معهد لتعلم اللغه الانجليزيه بقطر ؟

[missperfect]

معهد بيرلتز الي عند دوار الكهرباء

[ام خليفة]

البرتش كانسل ( المعهد البريطاني ) :)

[حمد 2002]

مشكوره اختي على الرد ، وفي انتضار بغيت التجاارب

[الحال مايساعد]

أنا جربت els إللي كان عند دوار أرامكس والحين انتقل خلف كيوتل عند مركز مسيمير الصحي
رائع جدا ، الدراسة تتبع المنهج الأميركي ، غالي جدا حوالي 2000 ريال
أعتقد انه يعادل المعهد البريطاني ، دراسة بريطانيه ، اعتقد حوالي 1300 ريال قطري ، مزدحم دائما
أما بالنسبة لو تبي تدريب بس عشان اجتياز إختبار التوفل لسبب الجامعة أو الهجرة في مركز في المعمورة خلال دورة واحدة بـ 1000 ريال تكون متأهل لإختبار التوفل ، كلمني على الخاص لو تبي معلومات أكثر

[سونيتا]

انا محتاجه مدرس أو مدرسه للإيلس ويكونون عن تجربه

[wadha-qa]

شرايكم بمعهد اديوكشنال اكاديمي اللي بالمعموره لدورات تحضير الايلس؟؟

[Doha Sun]

امس كنت اسوالف مع خالتي عن هالموضوع ..
ومنكم نستفيد والله يعطيكم العافية

[Meero]

شرايكم بمعهد اديوكشنال اكاديمي اللي بالمعموره لدورات تحضير الايلس؟؟



ممتاز جدا :victory: وعن تجربه

[دلوعة ابوها]

حد جرب مركز كامبيردج لتعليم اللغه انا ناويه اسجل فيه
وفي مركز ثاني قريب في اللقطه احد يعرف شسمه.

[نور الحور]

جربت من زمان معهد اي ال اس جيد لكن مادري عنه اللحين
قريت من كم يوم معهد في السد يعتمد على المحادثة والتصحيح .. اسمه فيه حرف النون والغين <<< ههههههههههههه نسيت اسمه صعب

[toghma]

معهد بيرلتز الي عند دوار الكهرباء

انا درست تقريبا في ثلاث مراكز واشوف بيرلتز very professional

[دلوعة ابوها]

انا ساكنه في الخريطيات ابي شي قريب مابي شي في المعموره ولا المنتزه
اذا تعرفون مركز تعليمها اوكيه
الله يخليكم افيدوني
ويش رايكم بمركز كامبيردج
احد سمع عنه؟

[دلوعة ابوها]

بعد سمعتوا عن معهد بيل

[بصمة قطرية]

els

ممتاز ~

[دانـة قطـر]

جربت من زمان معهد اي ال اس جيد لكن مادري عنه اللحين
قريت من كم يوم معهد في السد يعتمد على المحادثة والتصحيح .. اسمه فيه حرف النون والغين <<< ههههههههههههه نسيت اسمه صعب

اييييييه
المعهد انلينغوا
كلمتهم طلعوا هنود :(
عاد تخيلي المحادثة شلون:rolleyes2:

بالنسبة لمعهد ELS أسعارهم صارت فوق.. ألحين دورة مدتها 3 أسابيع ب3600 ريال!!

[بصمة قطرية]

اييييييه
المعهد انلينغوا
كلمتهم طلعوا هنود :(
عاد تخيلي المحادثة شلون:rolleyes2:

بالنسبة لمعهد els أسعارهم صارت فوق.. ألحين دورة مدتها 3 أسابيع ب3600 ريال!!

على فكرة ..
أٌقوى تأسيس انجليزي عند الهنود ..

[yesno]

بس المهم اي معهد فيهم معتمدة ومعترفه شهادة من المجلس الاعلى

[دانـة قطـر]

على فكرة ..
أٌقوى تأسيس انجليزي عند الهنود ..

انزين والقرقر والقريقا وحرف الراء والتاء اللي معفوس عندهم :rolleyes2:

فيرررري بيوطيفول :victory:

[شيخ القبيلة]

انزين والقرقر والقريقا وحرف الراء والتاء اللي معفوس عندهم :rolleyes2:

فيرررري بيوطيفول :victory:

وأضيف معاج كلمة معفوسه عند الهنود الذس بالانجليزي يسويها ديييس :)

[النجلا]

عن تجربة مركز هآي تك اللي ورآ اللاند مارك .. عند الاستاذ حريفي هو مغربي ..

وااايد شاااطر وماتطلعين من عنده إلا وانتي بيرفكت في الانجليزي .. وطريقته في الدراسة مب تقليدية له اسلوبة الخاص ..

واسعارهم معقولة ..

[فارس بلا جواد]

السلام عليكم اخوي حمد

صبحك الله بالخير

شوف اخوي اذا بغيت تاخذ دوره تعليمية اختبارات الايلتس او التوفل او شي لازم يكون مستواك في اللغة الانجليزية مش اقل من المستوى الرابع واذا ماعندك ولا مستوى توك مبتدىء روح برتش كانسل انا سمعت عنه وايد زين هلمركز واحد من الشباب درس عندهم وخذ الايلتس بعد وعقب راح درس برع بس المهم في الموضوع انك اذا بديت معاهم اول مستوى لازم تواصل لا تقولي باخذ الحين المستوى الاول ومتى ما سمحت لي الظروف عقب شهرين ولا ثلاثه باخذ الثاني لا هذا غلط لازم الاستمرارية من المستوى الاول الى أخر مستوى على وكل مستوى عندهم مدته شهر او اكثر وسعر المستوى الواحد من 1800 ريال وفوق ويستحسن انك تتصل فيهم او تروح لهم افضل وتسئلهم عن المستويات كلها وكم سعرها هذا في البدايه وبعدين فكر انك تاخذ كورس في كيفية اختبار امتحان الايلتس او التوفل ومن عندهم بعد او من مركز اخر بالنسبة للايلتس او التوفل

وعسا الله يوفقك ياخوي حمد والى الامام دائماً وابداً

اخوك الصغير

فارس بلا جواد

[حمد 2002]

عن تجربة مركز هآي تك اللي ورآ اللاند مارك .. عند الاستاذ حريفي هو مغربي ..

وااايد شاااطر وماتطلعين من عنده إلا وانتي بيرفكت في الانجليزي .. وطريقته في الدراسة مب تقليدية له اسلوبة الخاص ..

واسعارهم معقولة ..

انا جربته ( ها تيك ) معهد فاشل والله :

[نور الحور]

اييييييه
المعهد انلينغوا
كلمتهم طلعوا هنود :(
عاد تخيلي المحادثة شلون:rolleyes2:

بالنسبة لمعهد els أسعارهم صارت فوق.. ألحين دورة مدتها 3 أسابيع ب3600 ريال!!

صح ... هذا اسمه .. يغصص هههههه
بس هنود عاد ؟؟؟

الاكسنت بيروح فيها ..
أخاف أهز راسي معاهم بدون لا أشعر هههههههه

أمزح .. والله الهنود أنا أحترمهم يتعبون على نفسهم وتأسيسهم قوي في الإنجليزي والكمبيوتر.. وهم من أذكى البشر ترى :)

[الجزوع]

ليه اغلب المعاهد الزينه ياتكون في المعموره او الهلال ؟ ليه مافيه معاهد عدله حول العزيزيه معيذر الريان يعني تكون قريبه شوي ترى فيه بشر ساكنين هناك!

[العنود55]

السلام عليكم ورحمة الله وبركاته

بعد اذن صاحب الموضوع ممكن حد يفيدني بمعهد لغه وعن تجربه في بريطانيا ضروري الله يخليكم كل ماانختار معهد واسوي سيرش عليه يالاقي ذم عليه من الطلبه او مجموعه تمدح ومجموعه تذم وصرت في حيره مشكورين مقدما .

[نور الحور]

السلام عليكم ورحمة الله وبركاته

بعد اذن صاحب الموضوع ممكن حد يفيدني بمعهد لغه وعن تجربه في بريطانيا ضروري الله يخليكم كل ماانختار معهد واسوي سيرش عليه يالاقي ذم عليه من الطلبه او مجموعه تمدح ومجموعه تذم وصرت في حيره مشكورين مقدما .

أخت العنود في مراكز متخصصة في قطر للتنسيق مع المراكز في بريطانيا ..هم ينصحونج بالأفضل ..
اتصلت من سنتين عليهم بس نسيت الأسماء .. إذا تذكرت برد أكتب لج :)

[حمد 2002]

سبحان الله

[النجلا]

انا جربته ( ها تيك ) معهد فاشل والله :


سنة كم جربته اخوي ..؟
وعند اي استاذ ..؟

[مريومة]

شرايكم بمعهد اديوكشنال اكاديمي اللي بالمعموره لدورات تحضير الايلس؟؟

ما انصح به

ما ينفع كلش حق الايلس

عندج ميلان في مركز تطوير المهارات خلف الجزيرة للتدريب الاعلامي

مدرسة ممتازة

[missperfect]

انا درست تقريبا في ثلاث مراكز واشوف بيرلتز very professional

حتى أنا درست بكذا معهد ،، بس هذا لا يُعلى عليه في الدوحه الصراحه أحسن معهد للغة بالدوحه

[صعب تفهمني]

عن تجربة مركز هآي تك اللي ورآ اللاند مارك .. عند الاستاذ حريفي هو مغربي ..

وااايد شاااطر وماتطلعين من عنده إلا وانتي بيرفكت في الانجليزي .. وطريقته في الدراسة مب تقليدية له اسلوبة الخاص ..

واسعارهم معقولة ..

صح كلامج ... انا حاليا ادرس عندهم وصارلي 3 شهور والحمدلله تحسن مستواي وايد
ما شالله عليه الاستاذ حريفي ممتاز بمعني الكلمــه

[قدام]

انا رحت كم دوره بس الصراااحه تعبت ما اسنفدت.... ما ادري شنو الحل

[mubarak2006]

ما انصح به

ما ينفع كلش حق الايلس

عندج ميلان في مركز تطوير المهارات خلف الجزيرة للتدريب الاعلامي

مدرسة ممتازة
الاخت مريومه..كلامك صحيح هذيه الهنديه اللي اسمها ميلان..ممتازه جدا جدا وتاخذ على الكورس 800 ريال ثلاث حصص بالاسبوع..كل حصه ساعه .. لمده اربع اسابيع ..ودش الاختبار اذا ماجبت 6 وفوق ...واللي يبي جوالها عندي

شكرا

[قدام]

الاخت مريومه..كلامك صحيح هذيه الهنديه اللي اسمها ميلان..ممتازه جدا جدا وتاخذ على الكورس 800 ريال ثلاث حصص بالاسبوع..كل حصه ساعه .. لمده اربع اسابيع ..ودش الاختبار اذا ماجبت 6 وفوق ...واللي يبي جوالها عندي

شكرا

ممكن رقمهاا لو سمحتي او عنوانها ... وهل تدرس شباب