استفسار : حد يفيدني عن تايلاند

[dss911]

السلام عليكم ورحمه الله
ناوي اسافر لتايلاند ان شاءالله في عطله الربيع بس حبيت حد يفيدني ببرنامج حلو لمده اسبوع والسفره لزوجين بدون اطفال وياليت اسم فندق حلو وسعره مناسب
وشكرا

[مهره]

مرحبا اخوي انا بصراحة توة راجعة صارلي شهر فندق الماريوت قريب من منطقة العرب يعنى مب فى وسط المنطقة ولا انصحك تسكن منطقة العرب لان حرامية اذا العصير ب 10 بات برع عندهم ب 50 المهم عندك المولات الراقية عليك بسنترال رائع لاغراض البيت وسيام لاجون روععععععععععععععععععة بصراحة مايكفية يوم وعندك mbk وامممممممممممم فى محلات عادية او اسواق عادية مثل سلوم بازار طبعا انتقلو لمكان جديد اسال عنة وعندك السوق الليلي الى هو قريب من فندق غريس فى منطقة العرب بس كاسرهم ينزلون لانة من يشوف العرب يضربون ضربتهم فى السعر وعلى فكرة السوق الليلي مايفتح الا من 5 العصر للساعة 2 او 3 الفجر واى سؤال حاضرين
اى نسيت عليك بتصريف كم بات للتاكسي من المطار للفندق وانصحك احجز عن طريق موقع booking.com
ويلا اجازة سعيدة وفى حفظ الرحمن ان شاء الله

[ضوى]

السفر في هالفترة ممل ويلوع الجبد لانه بداية السنة الصينية وزحمة ولووووووووووووعة من قلب ، جربنا رحنا العام زحمة وقرف اووووووووووف ، بكل مكان منثرين هالصينين

[Xx QATARI xX]

مرحبا اخوي
باعطيك اللي جربته ،، وان شالله الشباب مب مقصرين معاك

بداية اتخلي الرحله دايركت لجزيره بوكيت ،، تقعد فيها 3 ايام ،، واذا ماتبي الازعاج شوف فندق شيراتون لاجونا ،، عائلي درجة اولى ،، وهو بعيد عن الباتونق بيتش تقريبا 40 دقيقه
الباتونق بيتش منطقه الاسواق والمحلات واغلب الفنادق عندهم وفيها مجمع صغير حلو
واذا تبي فنادق ثانيه في الباتونق بيتش دش على مواقع السياحة وشوف بنفسك

بخصوص بانكوك ،، جي دبيلو ماريوت موقعه مناسب مثل ماقالت اختنا ،، قريب من حي العرب وقريب من المجمعات التجاريه ،، الماريوت جنبه مجمع تجاري ،، في الدور الارضي فيه مطعم لبناني انصحك فيه اذا سكنت في هالفندق

المجمعات التجاريه :
سنترال شتلوم
سيام براجون
سنترال وورلد
ام بي كي
بانتيب ( كمبيوترات )
روبنسون ( اصغر من المجمعات الثانيه بس في حاجات حلوه )

الترفيه :
حديقة الحيوان
سفاري ( نسيت اسم المنتجع )

واذا فيه راي حد من الاخوان من تجربته الشخصيه اكيد بيقولك

للجميع تحياتي

[latty]

الماريوت حلو بس يضيق الصدر الحلو فيه انه قريب من شارع العرب وهو شارع شعبي تكثر فيه محلات العود والاواني والالعا ب والشناط المقلده والساعات المقلده والخياطين وكذلك اعزك الله تفصيل النعل

انصحك بالذهاب للفش ماركت تتغدا هناك متعه تشتري السمك وتختار الخضروات ويطبخونها لك امام ناظرك

والله الموفق

[اشكرك يارب]

الله يوفقك

[قــ502ـطرالعز]

طبعا الشباب كفو وووفو فوووق بس نصيحه مني لاتقعد في بانكوك كلش اطلع الجزر بتستانس وااااايد اما بانكوك خلها اخر شي وقت الرجعه حق المشتريات والخرابيط وانت راد الدوحه .... اخر مره رحت انا اكتشفت جزيره عجيبه طبعا هو مب اكتشاف هههههههههههههه بس لانه محد يروحها من العرب او بالاحري ربعنا الجزيره اسمها بيلا تبعد جزيره بوكت تقريبا ثلاث ساعات شي خيالي منتجع عائلي رومنسي اذا مودي معاك المدام بتستانس روحها وادعيلي ههههههههه موفق انشالله ترد بالسلامه

[dss911]

ماشاء الله عليكم كفيتو ووفيتو الله يعطيكم العافيه ان شاءالله

[ذيب ولد ذيب]

اخوي لو تدخل موقع المسافرون العرب قسم تايلند بتلقى تقارير الاعضاء وشوف الاماكن الي تفضلها ,,

عن نفسي اشوف اذا بتقعد اسبوع اسحب على بانكوك ولاتجيها , روح بوكت وشانغماي , بوكت 4 ليالي وشانغماي 3 ليالي ,, هم الي فيهم الرحلات الحلوه والوناسه اما بانكوك ما ارتاح فيها كثير ,,

[لوردغاليري]

بوكيت خياااااااااااااااااااااااااااااااااال تكفى لاتفوتها

[dss911]

شجعتوني على بوكيت الله ايسر الامور واروح لها
مشكوووورين على التفاعل

[الدوسري قطر]

اخوي افضل فندق ودايما نسكن فيه هو jw ماريوت وهو احد فروع ماريوت
نظيف وراقي وامان قريب من شارع العرب والمجمعات التجارية والموظفين اغلبهم عرب

في نص شهر2 تبدا عندهم السنه الصينية بتلاقي في كل مكان عروض وخصومات وهذا جدا ينفعك لانها اغلى معظم شهور السنه

انصحك بعد يومين من العاصمه بانكوك تروح جزيرة بوكت تنفع لشخصين والجو رهيب فيها

[خالد 43]

السلام عليكم

اخوي انا خذيت هلي 3 اسابيع تاريخ 10\11 الي فات وكانت سفره غير مكلفه جدا و استمتعنى فيها كثيييير

اذا كانت الميزانيه مب كبيره انصحك تروح بوكيت دايركت لان بانكوك اغلى ومافيها الا اسواق خلها اخر الرحله تحجز دوحه بوكيت - بانكوك دوحه
ما انصح تسكن في الباتونق لان الزحمه فيه لا تطاق في هذا الوقت من السنه ممكن تسكن في شاطئ الكارون قريب من الباتون مسافة 10 دقائق تقريبا انصحك بفندق بان كارون بوري رخيص وممتااااز 3300بات تقريبا ممكن تحجزه عن طريق النت او مطار بوكيت فيه كاتب سياحه كثيره بس اطلب المبنى الجديد ممتاز جدا و على البحر وممكن توصل الباتونق في اي وقت للمطاعم وللاسواق وعموما في بازار قريب من الفندق ممكن تروحله مشي وانصحك تروح اونانق كرابي هااديه جدا و 95% من السكان مسلمين ممكن تحجز من اي مكتب سياحه عن طريق الباخره او تستاجر سياره الرحلتين يستغرقون نفس الوقت ساعتين بس الفرق في السعر رحتها انا وهلي ارتحنى فيها كثير وانصحك بفندق بان بيست وسترن مش بيست وسترن لان في ثنين في اونانق ممكن تاجر مركب خشب ( لونق تيل ) يوم كامل يوديك جزيره تبعد 5 دقائق عن الشاطئ فيها شاطئ صغيير في وسط جبل محاوطه 3 جهاة محد يجيه الا نوادر ممكن تقضي يوم فيه انت وهلك تستمتعون فيه وتسبحون مع السمك وتاكلونهم انا رحت جلست نص يوم وكنت على اتصال مع صاحب المركب اذا احتجته كلمته دقائق ويكون عندي بس لا تنسى تشتري زوليه وتوست و ايس بوكس للبارد بتقضي اجمل يوم على برايفت بييج وبارخص مايومكن بالنسبه لي كلفتني تقريبا 500 ريال من تاجير القارب وشراء الاغراض وتاجير لايف جكت مع النظاره .

وممكن تروح شانق ماي اذا كان في عندك مجال او اا حاب تروحها بدال بوكيت فيها اشياء جميله جدا ورحلات روعه ما اتفوت انصحك ب شنقريلا اذا الميزانيه تمام 4600 بات او امورا ب 2600 بات فندق نظيف وممتاز من خدمه وموقع وممكن اعطيك رقم شخص هناك عنده لاندكروزر 2010 يشتغل في السياحه شخص من اروع مايكون من امانه واحترافيه في خدمة السياح بيوديك الرحلات بنفس التكلفه الي بتاخذها مع قروبات وما انصحك تروح مع قروبات اذا هلك معاك

انصحك تروح التايقر كينق دم رحله العمر ممكن تدخل القفص مع لنمور وتختار اي قفص تدخل لنمور فيها بجميييع الاحجام والاعمار
انصحك بالايفنت تراكينق جميله جدا نشاطاتهم متنوعه من ركوب الفيله والعربات الي تجرها الجواميس والبامبو رفتنق مراكب من خشب البامبو تاخذ رحله في النهر
انصحك بالسنيك شو حلو ممتع وجنب لسنيك شو في مكان البنجي جمب والكارت والبقي بالنسبه لي اجرت البقي وخذيت هلي في رحله فوق الجبل كانت رووعه
والاهم انصحك تروح مشروع الملك حدائق فوق الجبل من اروع مايكون و قمت تايلند والشلالات كلها في نفس الجبل وطريقهم واحد

وبعدين ترجع باكوك للاسواق والمجمعات

انصحك بشقق فندقيه اسمها بشارا رخيصه بس 5نجوووم الليله ب 2400 الى 2700 بات

الاسواق براقون مول ,وورلد سنترال ,ان بي كي, السوق الليلي (بات بونق ستريت) ,السوق العائم

الطيران الداخلي رخيص بس انصحك ب تاي اير ممتازه واذا لقيت سعرهم اغلا لانهم افضل من غيرهم بكثير جربتهم كلهم وعموما اسعارهم جدا متقاربه

انا سافرت 3 اسابيع تذاكر بزنس مع السكن والرحلات والهدايا كلفتني 35,000 فقط مع ان الهدايا ميزانيتها كانت 11,000 :victory:

عموما اذا بغيت اي مساعده راسلني على الخاص:telephone:

اسمحولي على الاطاله شكرااا

[لافوشيا]

خااااااااااااااااطري اروح تايلاند

[بوشاهين2]

السلام عليكم .. ال100دولار تساوي الحين 2800بات .. وخذ الجدول .. أحسن الفنادق بانكوك 1- jw ماريوت 2-زينيث وبالنسبه للرحلات في بانكوك (سفاري وورلد) + مدينة الملاهي (دريم وورلد) السوق المائي (فلاتينج بوت) وبالنسبه للمجمعات 1 - سيام براقون (يوجد فيه حوض كبير جداً للأسماك) والمجمع راقي جداً وبالنسبه للمجمعات التجارية .1- سيام بارقون 2- mbk + طوكيو سنتر 3- روبنسون . وإذا بغيت ساعات تقليد نفس الأصلية وماركات عندك سوق ( بات بونج ) ( شوشو) وطبعاً هذي الأسواق تفتح من 5 أل 11 بالليل وبالنسبه ل بوكيت وبتايا وشنغ ماي .. شييك الخاص.

[بوشاهين2]

أحسن الفنادق والرحلات بالنسبه لبانكوك وبوكتيت وبتايا وشنغ ماي.
فنادق بانكوك : jw ماريوت + زينيث .. الرحلات (سفاري وورلد + مدينة الملاهي+فلاتينج بوت)
فنادق بوكيت : شيراتون + باتونج بيرل ..الرحلات : رحلة الجزر (بي بي إيلاند) + (فنتازيا يفتح من 5 إلى 12 بالليل) ولتفوتك رحلة الشلالات وبالقوارب + سفاري وورلد.
فنادق بتايا : شيراتون + ماريوت .. الرحلات (رحلة الجزر) رحلة الشلالات + (رحلة الغواصة - تدخل بغواصة وتستمتع بالأعماق)
رحلة شنغ ماي .. لايسعني بالوقت الحالي أسم الفندق ولكن منطقة هادئه وجميلة وطبيعة وايد حلوه.
أتمنى لك التوفيق وإذا حبيت تستفسر طرشلي ع الخاص .

[قطرية مثقفة]

اخوي لو تدخل موقع المسافرون العرب قسم تايلند بتلقى تقارير الاعضاء وشوف الاماكن الي تفضلها ,,

عن نفسي اشوف اذا بتقعد اسبوع اسحب على بانكوك ولاتجيها , روح بوكت وشانغماي , بوكت 4 ليالي وشانغماي 3 ليالي ,, هم الي فيهم الرحلات الحلوه والوناسه اما بانكوك ما ارتاح فيها كثير ,,



أنه مع الذيب روح بوكيت رحلات بحرية روعة مثال ( رحلة بحرية لجزيرة جيمس بوند ) وفي (الفانتسي شو+ وجبة العشاء )واااايد حلو،، ورحلات لمصانع الحديد والحرير والخشب المزخرف ،،،،،، وشنغماي رحلات جبلية تجنن في رحلة لقبائل النساء ذوات الأعناق الطويلة لا يفوتكم ،،، وأسواق ليلية تبدأ من المغرب روعة في وسط البلد ،،،،،وتقدر في النهاية تنزل بانكوك للتسوق يومين كفاية ،،،،، إذا تبي أي استفسار بس أنته تامر ،،،تراني خبرة في بانكوك كل سنة ابسط هناك مع أبو العيال والعيال مدة شهر صار لي على الطبع من 10 سنوات ،،،

[قطرية مثقفة]

خااااااااااااااااطري اروح تايلاند

وانه في خاطري بس المشكلة العيال مدرسة خاصة وماعندهم إجازة ربيع:weeping: ‘‘‘‘ شكلي بروح البحرين الويك اند ،،،،،:)

[قطرية مثقفة]

السلام عليكم

اخوي انا خذيت هلي 3 اسابيع تاريخ 10\11 الي فات وكانت سفره غير مكلفه جدا و استمتعنى فيها كثيييير

اذا كانت الميزانيه مب كبيره انصحك تروح بوكيت دايركت لان بانكوك اغلى ومافيها الا اسواق خلها اخر الرحله تحجز دوحه بوكيت - بانكوك دوحه
ما انصح تسكن في الباتونق لان الزحمه فيه لا تطاق في هذا الوقت من السنه ممكن تسكن في شاطئ الكارون قريب من الباتون مسافة 10 دقائق تقريبا انصحك بفندق بان كارون بوري رخيص وممتااااز 3300بات تقريبا ممكن تحجزه عن طريق النت او مطار بوكيت فيه كاتب سياحه كثيره بس اطلب المبنى الجديد ممتاز جدا و على البحر وممكن توصل الباتونق في اي وقت للمطاعم وللاسواق وعموما في بازار قريب من الفندق ممكن تروحله مشي وانصحك تروح اونانق كرابي هااديه جدا و 95% من السكان مسلمين ممكن تحجز من اي مكتب سياحه عن طريق الباخره او تستاجر سياره الرحلتين يستغرقون نفس الوقت ساعتين بس الفرق في السعر رحتها انا وهلي ارتحنى فيها كثير وانصحك بفندق بان بيست وسترن مش بيست وسترن لان في ثنين في اونانق ممكن تاجر مركب خشب ( لونق تيل ) يوم كامل يوديك جزيره تبعد 5 دقائق عن الشاطئ فيها شاطئ صغيير في وسط جبل محاوطه 3 جهاة محد يجيه الا نوادر ممكن تقضي يوم فيه انت وهلك تستمتعون فيه وتسبحون مع السمك وتاكلونهم انا رحت جلست نص يوم وكنت على اتصال مع صاحب المركب اذا احتجته كلمته دقائق ويكون عندي بس لا تنسى تشتري زوليه وتوست و ايس بوكس للبارد بتقضي اجمل يوم على برايفت بييج وبارخص مايومكن بالنسبه لي كلفتني تقريبا 500 ريال من تاجير القارب وشراء الاغراض وتاجير لايف جكت مع النظاره .

وممكن تروح شانق ماي اذا كان في عندك مجال او اا حاب تروحها بدال بوكيت فيها اشياء جميله جدا ورحلات روعه ما اتفوت انصحك ب شنقريلا اذا الميزانيه تمام 4600 بات او امورا ب 2600 بات فندق نظيف وممتاز من خدمه وموقع وممكن اعطيك رقم شخص هناك عنده لاندكروزر 2010 يشتغل في السياحه شخص من اروع مايكون من امانه واحترافيه في خدمة السياح بيوديك الرحلات بنفس التكلفه الي بتاخذها مع قروبات وما انصحك تروح مع قروبات اذا هلك معاك

انصحك تروح التايقر كينق دم رحله العمر ممكن تدخل القفص مع لنمور وتختار اي قفص تدخل لنمور فيها بجميييع الاحجام والاعمار
انصحك بالايفنت تراكينق جميله جدا نشاطاتهم متنوعه من ركوب الفيله والعربات الي تجرها الجواميس والبامبو رفتنق مراكب من خشب البامبو تاخذ رحله في النهر
انصحك بالسنيك شو حلو ممتع وجنب لسنيك شو في مكان البنجي جمب والكارت والبقي بالنسبه لي اجرت البقي وخذيت هلي في رحله فوق الجبل كانت رووعه
والاهم انصحك تروح مشروع الملك حدائق فوق الجبل من اروع مايكون و قمت تايلند والشلالات كلها في نفس الجبل وطريقهم واحد

وبعدين ترجع باكوك للاسواق والمجمعات

انصحك بشقق فندقيه اسمها بشارا رخيصه بس 5نجوووم الليله ب 2400 الى 2700 بات

الاسواق براقون مول ,وورلد سنترال ,ان بي كي, السوق الليلي (بات بونق ستريت) ,السوق العائم

الطيران الداخلي رخيص بس انصحك ب تاي اير ممتازه واذا لقيت سعرهم اغلا لانهم افضل من غيرهم بكثير جربتهم كلهم وعموما اسعارهم جدا متقاربه

انا سافرت 3 اسابيع تذاكر بزنس مع السكن والرحلات والهدايا كلفتني 35,000 فقط مع ان الهدايا ميزانيتها كانت 11,000 :victory:

عموما اذا بغيت اي مساعده راسلني على الخاص:telephone:

اسمحولي على الاطاله شكرااا

:nice::nice::nice:

[مونديال]

الشباب ماقصرو

[العقل الحر]

[quote=قطرية مثقفة;6897086]أنه مع الذيب روح بوكيت رحلات بحرية روعة مثال ( رحلة بحرية لجزيرة جيمس بوند ) وفي (الفانتسي شو+ وجبة العشاء )واااايد حلو،، ورحلات لمصانع الحديد والحرير والخشب المزخرف ،،،،،، وشنغماي رحلات جبلية تجنن في رحلة لقبائل النساء ذوات الأعناق الطويلة لا يفوتكم ،،، وأسواق ليلية تبدأ من المغرب روعة في وسط البلد ،،،،،وتقدر في النهاية تنزل بانكوك للتسوق يومين كفاية ،،،،، إذا تبي أي استفسار بس أنته تامر ،،،تراني خبرة في بانكوك كل سنة ابسط هناك مع أبو العيال والعيال مدة شهر صار لي على الطبع من 10 سنوات ،،،[/quot



فعلا عرفتوا تختارون بلد سياحي درجه اولى ومرحب بالقادمون عكس الدول الثانيه تحقيق شعندك جاي ...!!!

بس اختي هل عرفتي تتكلمين تايلاندي .... بي ساو

[ملاك 2]

أنه مع الذيب روح بوكيت رحلات بحرية روعة مثال ( رحلة بحرية لجزيرة جيمس بوند ) وفي (الفانتسي شو+ وجبة العشاء )واااايد حلو،، ورحلات لمصانع الحديد والحرير والخشب المزخرف ،،،،،، وشنغماي رحلات جبلية تجنن في رحلة لقبائل النساء ذوات الأعناق الطويلة لا يفوتكم ،،، وأسواق ليلية تبدأ من المغرب روعة في وسط البلد ،،،،،وتقدر في النهاية تنزل بانكوك للتسوق يومين كفاية ،،،،، إذا تبي أي استفسار بس أنته تامر ،،،تراني خبرة في بانكوك كل سنة ابسط هناك مع أبو العيال والعيال مدة شهر صار لي على الطبع من 10 سنوات ،،،

اختي ساعدني في اسماء الفنادق في يوكت وبانكوك

[بوخالد911]

هلا

عليييك بالتالي :

فندق : ماريوت jw
المجمعات : Mbk
سيام براغون
باتونام
روبنسون


الترفية : سفاري وورلد


موووفقين