سؤال بخصوص اليخوت

[بوعلي-Qtr]

السلام عليكم ورحمة الله وبركاته

شلونكم ياجماعه ان شاء الله طيبين ؟
سؤال لهل البحر واليخوت

انا عارف ان اليخوت اسعارها غاليه والى آخره
قبل ما ابلش بالأسأله احب اقول ان ماودي آخذ يخت فالوقت الحالي .. لين الله رزقني بفكر فالموضوع .. دعواتكم :)
واقدر اقول اني فضولي واحب ازيد معلوماتي
اليخوت اسعارها تبدا من كم لين كم ؟ طبعا مب اقل من غرفتين وصاله
صيانتها سنويا كم تكلف اذا كانت الطلعات كل اسبوع خلال فترة الصيف او كل اسبوعين ؟
في لها صيانه في قطر ولا فالامارات بس ؟
خراباتها وايد ولا ؟
تاخذ فتره طويله لين يتم صيانتها ؟

اللي عنده القدره انه يجاوبني على أسألتي جزاه الله خير ..
وشكرا لكم :)

[بوعلي-Qtr]

للرفع

[احب قطر]

مساك الله بالخير ، اول شي ودي اعرف اذا لك في البحر او لا وبعدها لازم تحدد كم شخص انتوا تطلعون ووين طلعاتكم وعقب بتقول لك لأني تدرجت من سكوتر لين ٢٧ قدم بعدها امباسدور ٣٦ ثم أوركس ٣٦ وبعدها ازموت ٤٢ والآن ٥٠ قدم

[بوعلي-Qtr]

هلا الشيخ
لا والله مب راعي بحر كلش ولا افهم في هالسوالف
افرض ان ٧ اشخاص طلعه كل اسبوع او اثنين لمده ٦ او ٧ ساعات
عشان اسهلك الموضوع .. انا فقط ابي اعرف كم صيانة اليخت كل سنه ؟
من قطع غيار وقطع استهلاكيه وخراب وصبغ وغيره
هذا كله كم يكلف كل سنه تقريبا
ابي متوسط صيانه اليخوت كم كل سنه تقريبا ؟

[U Welcome]

ان شاء الله الشياب بيفيدوك

[بوعلي-Qtr]

اتمنى ذلك
مشكور

[فاروع]

اقول رزق الله على السيف

[احب قطر]

هلا الشيخ
لا والله مب راعي بحر كلش ولا افهم في هالسوالف
افرض ان 7 اشخاص طلعه كل اسبوع او اثنين لمده 6 او 7 ساعات
عشان اسهلك الموضوع .. انا فقط ابي اعرف كم صيانة اليخت كل سنه ؟
من قطع غيار وقطع استهلاكيه وخراب وصبغ وغيره
هذا كله كم يكلف كل سنه تقريبا
ابي متوسط صيانه اليخوت كم كل سنه تقريبا ؟

شوف الشيخ ، اول شي الواحد مايستهين في البحر ولا تنزل البحر بداية الا مع احد عنده خبره علشان تفهم اساسيات البحر ، وبالنسبة حق اليخوت في انواع لا تعد ولا تحصى ، فيها المكائن خارجيةoutboard او الداخلية inboard او نوع يسمى stern drive وكل شي له ميزاته وعيوبه وبعدين اليخت نفسه في انواع ففي flybridge اللي يكون فيه قيادة في الصالة وفوق الصالة وهذا يجي فخامة بس ما يكون وايد سريع وفي نوع السبورت اللي يجي قيادة وحده ويكون اسرع واقل مساحة.

بالنسبة للصيانة فيعتمد على نوع اليخت وحجمه والأسهل المكائن الخارجية بس هذا يكون اكبر حجم 40 قدم مثل أوركس وهذا سعره التقريبي للمستعمل 700 الى 800 الف.

بالنسبة لعدد الاشخاص اللي معاك فالأنسب حجم 50 قدم فلاي بردج والأسعار تتراوح مابين مليون ونصف الى مليونين ونصف طبعا للمستعمل والموقف اذا ما دفعت خلو يكون في السنة تقريبا 40 الف واللولوة تقريبا 70 الف ولازم يكون عندك عامل او فني او كابتن وكل واحد بيكون راتبه غير علشان نظافة وغسيل اليخت والصيانة ممكن تسويها في الوكرة يعني اذا بس رفع وانتي فولنج بيكلفك تقريبا 10 الاف واذا شي ثاني طبعا بيكون بسعرة.

بس في النهاية متعة البحر تسوى هالمصاريف. وان شاء الله أني أفدتك واذا عندك اي استفسار ثاني تراني حاضر.*

[بوعلي-Qtr]

احب قطر
الله يطول لي في عمرك ياخوي ماقصرت
اكيد هالشي مافيه شك .. لازم مع واحد له خبره فالبدايه

مادري احس لين الحين ماوصلت للي انا ابيه طال عمرك
انا اقصد هل اليخت خراباته كثيره ؟
قطع غياره غاليه ؟
شنو اشياءه الاستهلاكيه .. يعني السياره لازم تبدلها ايل وفلتر وسفايف وتواير والخ من الاشيا اللستهلاكيه من فتره لفتره .. اليخت شنو الاشيا اللي لازم اسويها له كل سنه وكم تكلفة الصيانه الدوريه له كل سنه او كل فتره .. افترض انه بو ٥٠ قدم اللي قلتلي عنه
او من خلال تجربتك اذا كانت لك تجربه واعتقد انه كذلك
علما بأني مالي خاطر اخذ يخت هالوقت او خلال ١٠ سنوات القادمه ..
هذي كلها مجرد اسأله وتقدر تسميها فضوليه :)

[بوعلي-Qtr]

رفع
اللي عنده اصافه لايبخل علينا والموضوع مفتوح للجميع :)

[احب قطر]

احب قطر
الله يطول لي في عمرك ياخوي ماقصرت
اكيد هالشي مافيه شك .. لازم مع واحد له خبره فالبدايه

مادري احس لين الحين ماوصلت للي انا ابيه طال عمرك
انا اقصد هل اليخت خراباته كثيره ؟
قطع غياره غاليه ؟
شنو اشياءه الاستهلاكيه .. يعني السياره لازم تبدلها ايل وفلتر وسفايف وتواير والخ من الاشيا اللستهلاكيه من فتره لفتره .. اليخت شنو الاشيا اللي لازم اسويها له كل سنه وكم تكلفة الصيانه الدوريه له كل سنه او كل فتره .. افترض انه بو 50 قدم اللي قلتلي عنه
او من خلال تجربتك اذا كانت لك تجربه واعتقد انه كذلك
علما بأني مالي خاطر اخذ يخت هالوقت او خلال 10 سنوات القادمه ..
هذي كلها مجرد اسأله وتقدر تسميها فضوليه :)

احسب راتب العامل السنوي + أجار الموقف وتقريبا من 25 الى 30 الف سنويا هذا اذا كانت حالة اليخت جيدة

بالنسبة للأشياء الروتينية والاستهلاكية طبعا صبغ اليخت من تحت كل سنة تقريبا تغيير زيت وفلتر الجنريتر كل 50 ساعة والمكائن كل 250 ساعة ومع بداية الصيف تسوي فلاشنج للمكيفات. هذا تقريبا الروتيني.

وبالنسبة للمكائن والجنريتر يشتغلون عالديزل ومكائن الديزل اقل خراب من البترول بس صيانتها وايد غالية أذا عند الشركة وقطع الغيار بعد غالية اعتقد ساعة العامل 300 ريال او 500 ريال.

وممكن تطلع لك خرابات بسيطة مثل بلج بمب او فيوز او ليتات .

وبالنسبة لاستهلاك الديزل فتعبي تقريبا ٢٠٠٠ ريال وبيتم معاك سنة او اكثر على استخدامك
وطبعا اذا اليخت قديم فيعتمد على حالته

[بوعلي-Qtr]

احسب راتب العامل السنوي + أجار الموقف وتقريبا من 25 الى 30 الف سنويا هذا اذا كانت حالة اليخت جيدة


25-30 الف سنويا هذي تكلفة الصيانه ؟ غير الموقف والراتب عدل ؟




بالنسبة للأشياء الروتينية والاستهلاكية طبعا صبغ اليخت من تحت كل سنة تقريبا تغيير زيت وفلتر الجنريتر كل 50 ساعة والمكائن كل 250 ساعة ومع بداية الصيف تسوي فلاشنج للمكيفات. هذا تقريبا الروتيني.
حلو هالاشيا كم تكلف تقريبا مع شغل اليد وكل شي .؟

واخيرا احب اشكرك على تواصلك معاي فالموضوع وادري اني مللتك بس استحملني شوي :)
بارك الله فيك وجزاك الله خير ياخوي والسموحه على الازعاج ..

[احب قطر]

25-30 الف سنويا هذي تكلفة الصيانه ؟ غير الموقف والراتب عدل ؟



حلو هالاشيا كم تكلف تقريبا مع شغل اليد وكل شي .؟

واخيرا احب اشكرك على تواصلك معاي فالموضوع وادري اني مللتك بس استحملني شوي :)
بارك الله فيك وجزاك الله خير ياخوي والسموحه على الازعاج ..

الاشياء المذكورة اعلاه هي راح تكلفك تقريبا هالمبلغ...وبالتوفيق