وينكم يا حماية المستهلك ؟؟ [الأرشيف] - منتديات شبكة الأسهم القطرية

لاجئ عاطفي

19-01-2011, 05:52 PM

فارس الكلمة

19-01-2011, 05:56 PM

أخي الكريم ..

رب ضارة نافعة ..عليك بترك السجائر .. و الحفاظ على صحتك و مالك ..

و هناك دعوات برفع أسعار التبغ و السجائر بسبب مخاطرها ..

ضوى

19-01-2011, 06:02 PM

نعم هناك توجه بزيادة الضرائب عالتبغ والسجائر وزيادة الأسعار شئ بديهي ، واتمنى من كل قلبي ان يزيد سعرها كثيرا حتى يتم هجرها من قبل المدخنين

نوفا91

19-01-2011, 06:03 PM

الشيخ احسن لك لعل وعسى تترك التدخين :)

اما بخصوص حماية المستهلك في سبااااااااات عميق ..

خليفـة

19-01-2011, 06:07 PM

اعتقد ان رفع أسعار الزقاير محاولة غير ناجحة لإقناع المُدخنين بالتوقف عن التدخين
بل على العكس
اي شي سعره غالي .. يحبه الشخص أكثر وأكثر

بالتالي .. ما استبعد ان تتغير طريقة تدخين المُدخنين الحين عن اول

تدخين الزقارة بيكون بشكل كاااااااامل حتى تحترق الزقارة كلها .. وفي النهاية .. احتمال ان المدخن ياكل الفلتر هههههههههه

http://up.3ros.net/get-1-2011-q3e88iee.bmp (http://up.3ros.net)

الله يعافينا ويرحمنا برحمته

alkoos

19-01-2011, 06:51 PM

ان شاءالله يصير الباكيت الواحد بــ 10 ريال واكثر عشان محد يشتريه وبكذا نفتك من المدخنين

لاجئ عاطفي

19-01-2011, 06:54 PM

ان شاءالله يصير الباكيت الواحد بــ 10 ريال واكثر عشان محد يشتريه وبكذا نفتك من المدخنين

ماعتقد المدخنين امضايقين احد التدخين ممنوع في الوزارات والادارات والمكاتب والمحلات والمجمعات فماشوف انهم امضايقين احد

الخنجر

19-01-2011, 07:00 PM

ان شاء الله يصير ب50 .. بالطريقة هذي 90 % بيوقفون زقاير

jeep-srt8

19-01-2011, 07:04 PM

تشوف بس :(

يازين ال LM :d

ههههههههههههههههههههههه مرلو احمر وبس :(

والله من جد مشششششششكلة ويالربع ان المدخن يبطل بسبب ظروف قوية هذه ماتصييييييييييييير لو ايييش المدخن بالذات كل شي يضيع منه الا سجايره ويوم تغلى ويشتري البكت يحب الزقاره اكثر واكثر لانه قدر يشتريه ومن بكت لبكت بيتعلق اكثر وبينحرم من اشياء واجد مثلي يوم اشتري بكت احرم نفسي من العشاء مع الربع :(

اذا تبي المدخن يبطل لاااااااااااازم يعرف الاضرار كلها ويشوف غيره وش صارله ساعتها بيكرهها

jeep-srt8

19-01-2011, 07:06 PM

ان شاء الله يصير ب50 .. بالطريقة هذي 90 % بيوقفون زقاير

في بريطانيا سعر البكت 35 ريال وعندهم اعلى نسبة تدخين مراهقين

abdo222

19-01-2011, 07:09 PM

ههه هييه سمعنا ان صار ٨ ،، يلا هارد لك ،، يقولون قرار دولي في كل مكان مب بس قطر ،،

بالنسبه لي ما اتوقع ان رفع اسعار السجاير بتاثر في ترك التدخين لمعظم الناس ،، كنا في بريطانيا نشتري الباكيت ب ٢٠ و ٣٠ ريال وعادي ،، الحمدلله الذي عافانا :) لي من شهر ١٠-٢٠٠٩ ولا سجاره الحمدلله ،،

لاجل QT

19-01-2011, 07:10 PM

وي احسن اشلك باللى يضر صحتك..الزم ماعلى الدولة صحتكم

خير لك ...يمكن تقلع عن التدخين مستقبلا

Abdulraman

19-01-2011, 07:10 PM

انا مادري ان كان في زياده اسعار على التبغ ولا لا لاني من يومين شريت باكيت سجاير بـ 7 ريال اليوم شريت نفس الباكيت بـ 8 ريال وقالي البايع ان هالزياده من اربع ايام مع اني من يومين شاريه بـ 7 فمن المسؤول عن التلاعب بالاسعار ؟؟

اول شي التدخين حرام
ثاني شي ضياع للمال
ثالث شي ريحتك كلها دخان وانت تعرف ريحة الدخان مب ريحة مسك
اتركها وانا اخوك وادعيلي اتركها معاك
الله المستعان
:weeping::weeping::weeping:

Abdulraman

19-01-2011, 07:14 PM

ان شاءالله يصير الباكيت الواحد بــ 10 ريال واكثر عشان محد يشتريه وبكذا نفتك من المدخنين

صدقني لو وصل سعرة 50 ريال او اكثر بعد الناس بدخن
في اوربا الباكيت 15 الى 25 ريال مع ذالك نسائهم ورجالهم مدخنين

Nahool

19-01-2011, 07:25 PM

خليفـة

19-01-2011, 07:51 PM

السلام عليكم اجمعين... الاخ وجه سؤالة لحماية المستهلك ولم يطلب الاراء بخصوص رفع سعر التدخين و تاثيرة لترك التدخين.... السجارة سلعة وقد تم زيادة السعر بدون اشعار او اعلان. و للشخص السائل الحق بالسؤال.

شكرا للجميع

هذا الكلام الصح
والله والنعم بهكذا اسلوب

:)

لاجئ عاطفي

19-01-2011, 07:58 PM

السلام عليكم اجمعين... الاخ وجه سؤالة لحماية المستهلك ولم يطلب الاراء بخصوص رفع سعر التدخين و تاثيرة لترك التدخين.... السجارة سلعة وقد تم زيادة السعر بدون اشعار او اعلان. و للشخص السائل الحق بالسؤال.

شكرا للجميع

هذا هو المطلوب ليش الزياده؟ شالمبرر؟ شالحكمه؟ على اي اساس؟ بتقولون حماية لنا؟ طيب والسلع الباقيه بعد حمايه لنا؟؟؟

هارودز

20-01-2011, 10:09 AM

شوفوا الاسعار في محطات الوقود
صباح العسل يا حماية المستهلك
ما عاد فيني حيل قطعتوني يا حماية المستهلك

ام وليد

20-01-2011, 10:11 AM

صج والله احنا لازم من اليوم رايح انشيك عدل على الاسعار لانهم قاعدين يزيدون واحنا مب حاسين

Doha Sun

20-01-2011, 10:11 AM

ممكن ازيد سعر الباكيت ويصير 150 ريال

سوق واقف

20-01-2011, 10:12 AM

أمس التركش مرتفع سعره

مركز القهوة كيلو التركش وصل 56 ريال اقوله ليش قالي الأسعار أرتفعت . . .

سوق واقف

20-01-2011, 10:13 AM

قطع غيار تيويوتا نفس الشيء الأسعار مرتفعه

حمد بن سعد

20-01-2011, 10:13 AM

يالله يارب ايصير سعر البكية 50 اريال :nice::nice::tease::tease:

سوق واقف

20-01-2011, 10:14 AM

أمس ثلاجة صغيرة هامور أنباعت في المزاد بالف وميتين ريال

ثلاجه خثاق 800 ريال

ثلاجه صافي 750 ريال

بوخالد911

20-01-2011, 10:16 AM

عيل سنة 2022 بكم؟

20/1/2011

قهوجي

20-01-2011, 10:22 AM

شوفو شكلكم ماتروحون الجمعيه
علبه النيدو صارات 54 ريال قبل 5 سنين 27 ريال يعني 100%
وحليب الاظفال العلبه الصغيره ب 30 زمان كانت 15
يعني موب بس الماربورو كل شي في البلد بيرتفع سوا في مصيبه او كساد او تضخم او اتفاع الطلب او العرف كلها بيرتفع والرواتب نفس ماهي من سنه ال 1980 راتب اساسي 4500 مع علاوات يوصل 6000 الله كريم
زمان الماربورو سنه ال1980 كانت ابوي يقول انها بريال ونص
سبحان الله كل شي بيرتفع اسعاره إلا البني ادم

الكونجرس

20-01-2011, 03:52 PM

اترك التدخين بارك الله فيك

عليه العوض

20-01-2011, 04:22 PM

يا ليت يرتفع سعره الى ثلاثين ريال و ما حد يلاقيه بالسوق

بصمة قطرية

20-01-2011, 04:32 PM

ماعتقد المدخنين امضايقين احد التدخين ممنوع في الوزارات والادارات والمكاتب والمحلات والمجمعات فماشوف انهم امضايقين احد

ياليت انهم مش مضايقين حد ..!!!
يمكن انت وغيرك مش مضايقين ..
عند ابواب المجمعات روح وشوفهم ..
والله انه نتعب من السجاير وريحتها ..!!
حتى داخل المجمعات مرات نشوفهم ..!!
مش ممنوع التدخين في الاماكن العامة ..؟
يعني مدخل المجمع مش ممنوع ..؟؟؟؟

الدوحه%

20-01-2011, 04:37 PM

الرقم المجاني 8005000
الخط الساخن 44945550و44945500
واعتقد عندهم رسائل قصيرة (مسجات) للشكاوي :)
رايي انشالله يصيرسعرة 800 ونفتك منه ومن ريحته ..
الله يفكك منه ياخوي حاول تتركة ترى مايرضى الله ولا رسوله ولاتجاهر بالمعصية حرام..
بارك الله فيك

لاجئ عاطفي

20-01-2011, 05:42 PM

انا ما اجاهر بالمعصيه هذا ابتلاء وانا من اللي ابتلو بالتدخنين من صغري وصار عندي دمان لها صعب اتركها وان شاء الله بحاول ولكن مهب ذي النقطه النقطه ليش ارتفاع الاسعار بدون مبرر وبدون سبب؟ قبل حجتهم ارتفاع الايجارات الحين الايجارات استقرت وانزلت بعد فشالحجه هالمره؟؟؟ اذا هذا حالنا في 2011 شلون بيكون حالنا في 2022؟ لازم في كنترول عالسوق والتجار مهب يتركون لهم الحبل على الغارب يتلاعبون بالاسعار على كيفهم مع ان لا يدفعون ضرائب سنوية على ارباحهم ولا شي مثل الدول الثانيه فليش ارتفاع الاسعار بكل شي؟؟؟؟؟؟؟؟

باسكن روبنز

20-01-2011, 10:10 PM

مرحبــآآ ،

الحــآآل من بعضــه يا لاجـئ عآطفـي ،

قلت لرآعــي الدكـآآن جيـب بآكيــت آبيـض يقول كـل مكـآآن صـآآر بـ8 ريـآل! ،

ياشيــن الآدمــآآن ،:(:(