مطلوب: مصمم بناء مساكن (هاوي وليس محترف)

[أبو عبدالعزيز]

السلام عليكم
ما أبي أحد يدلني على شركات الاستشارات والمصممين اللي يتبعوا لها
بصراحة ما أرتاح لهم، أحتاج مصمم يتمتع بحس فني عالي، ويعطي الشخص وقته حتى يفهم جميع أفكاره ومطالبه، ثم يجيد التعبير عنها في الخرائط
وبصراحة مش متأكد إني بحصل حد بالمواصفات المذكورة
مع تقديري

[غيمة مطر]

بصراحه انا مااشوف له داعي المهندس الا من ناحية الفنيات اللي نجهلها

انا تميت سنه ونص اصمم بيتي بنفسي ... اشوف البيوت اللي تنبي واشوف النت واخطط وارسم واصور

لين طلعت بفكرتي النهائيه وبعدين وديتها عند مصمم وقلت له ارسمها لي وخططها على اساس صح وبس

صحح لي اشياء والباقي كله تصميم

ونفس الشي الديكور ... ماجبت لي مهندس ديكور بالعكس قعدت اشوف واصور والنت خدمني كثير واخرها الكل يسالني من صمم البيت ومن صمم الديكور والحمدلله

وغير هذا كله يكون شي على ذوقك وبيتك ... شلون اسكن في بيت على ذوق واختيار غيري ؟؟؟

هذي وجهة نظري المتواضعه

[r07]

انصحك تشوف موقع المهندس ..ممكن تحصل طلبك هناك...او تاخذ افكار و تصمم بنفسك...انا عن نفسي صممت بيتي بنفسي لكن في نفس الوقت كنت استشير اللي حولي واستفدت من آرائهم والحمدلله خصوصا في الاشياء العمليه ... في البدايه لازم تكون عارف مساحة الارض وتطل على كم شارع؟ولازم تعرف الاتجاهات الشمال والجنوب الخ تعرف احتياجاتك من ناحية عدد الغرف, هل تحب الصالات المفتوحه او تحب الخصوصيه..مطبخ مفتوح او منفصل,بركة سباحه,حديقه على السطح, الطراز المعماري والديكور اللي تحبه واسئله كثيره الافضل تكون عارف اجاباتها...وبعدين تبدا التصميم...ان شاء الله اكون افدتك

[فواز1976]

اولاً احييك على فكرتك يابوابراهيم ..... لانه التصميم فن ويحتاج واحد راعي مزاج حاب هالشغله

اما ردي على الاخوان الي صمموا منازلهم بنفسهم ..... فهو من ناحيه ما الومهم اذا كان كان وضع المكاتب عندكم بقطر مثلنا, نسبه كبيره منهم ما يشتغلوا تصميم وانما نسخ

وهذا اثر على المكاتب الي تصميم ..... لانه كثير من العملاء ما راح يتقبلون فرق السعر..... والي هو بالواقع يعكس فرق المجهود والوقت الموضوع بالتصميم..... طبعاً انا من الناس الي كان عندي مكتب هندسي وقفلته وكان احد اسبابه هالشي... التصميم المعماري ياخذ معي مالايقل عن شهر الى شهرين.... اتكلم عن المعماري فقط.

النقطه الثانيه ..... دراسه العماره تعتبر من اطول الدراسات ...... تشمل على 8 اترام تصميم .... بالاضافه الى الكورسات الاخرى من دراسه الاضاءة , التصميم الداخلي, الاخراج الهندسي, الانشائي, الصوتيات , تاريخ العماره , المواد المعماريه , وغيرها من الكورسات. يعني مش من المعقول انه يجي شخص عادي ويطلع تصميم مثل المعماري المحترف او المتخصص.اضف اليها الخبره الميدانيه والي كثير تفيد بالتصميم. وانا والله افرح اذا احد حاول يصمم بيته بنفسه بس اتضايق اذا احد قال انه المعماري ماله داعي ولا انا اكفي عنه. ولي تجارب كثيره في هالمجال سواء بالتصميم ولا باختيار الالون الخارجيه. ومستعد اشارككم فيها اذا تهمكم.

تحياتي لكم وبالتوفيق

[VFX]

اخوي انا مصمم غرافيك ومظهر معماري (3d)
اتعامل مع مهندس الصراحة فنان ومثل ما قال اخوي فواز ماتقدر تقول المهندس ماله داعي
تبي اي خدمه جاهزين