المساعد الشخصي الرقمي

مشاهدة النسخة كاملة : ابي مشورتكم اخوتي على عمليه الليزك


nouar
20-01-2011, 11:45 AM
بصراحه اخوتي وخواتي انه محتاره اني اعمل عمليه الليزك ولا...

والنظاره متعبه شويه برايكم اعملها في الدوحه ولا البحرين ومنو اشطر مركز فيها

ابي مشورتكم
هند88
20-01-2011, 11:47 AM
سويها بدووووووووووووووون تردد
ياحلو الحياة من نظارة وعدسات
عني انا سويتها في البحرين
واختي في الدوحه
والاثنين تمام
383 STROKER
20-01-2011, 11:47 AM
انا مسوي العمليه عند خالد الشريف شهر 11 والحمدلله كل شي تمام انصحج تسوينها عنده .
نور الحور
20-01-2011, 12:03 PM
وايد من هلي ومعارفي وصديقاتي سووها وما شاء الله تمام ..
بس أنصحج تسوينها في الدوحة لأن السفر بالطيارة يمكن يرفع ضغط العين ..
وتكونين في بلادج والمراجعات سهلة ...
استخيري وتوكلي على الله :)
nouar
20-01-2011, 12:04 PM
وين اسويها في الدوحه ولا البحرين

وايش اسم العياده ممكن تعطوني تفاصيل زياده
vtc_4.8
20-01-2011, 12:07 PM
الحين تطور الوضع بخصوص عمليات تعديل البصر في قطر الحمد لله

وايد ناس اعرفهم سو في قطر واعرف ناس البحرين وفي ناس ايران كلهم تمام

نصيحتي تسوين العمليه في قطر بدال عنا السفر
نور الحور
20-01-2011, 12:08 PM
وين اسويها في الدوحه ولا البحرين

وايش اسم العياده ممكن تعطوني تفاصيل زياده

د. خالد الشريف ..بس نسيت اسم العيادة ..
بوخالد911
20-01-2011, 12:10 PM
سووويتها بقطر
من 4 سنوات

ولله الحمدُ والمنة كل شي فووووق النخل



مركز العيون التخصصي
الدائري ال3
عمارة بن جبر
بعد اشارات السينما



والدكتور خالد الشريف
دكتور محترف جدا
التكلفة : 9600 ريالا قطرياً


خللي عنج الوسوااس وتوكلي ع الله

:)


تحياتي بعد أن تخليتُ عن نظارااتي

:nice::nice::nice:
missperfect
20-01-2011, 12:50 PM
سووويتها بقطر
من 4 سنوات

ولله الحمدُ والمنة كل شي فووووق النخل



مركز العيون التخصصي
الدائري ال3
عمارة بن جبر
بعد اشارات السينما



والدكتور خالد الشريف
دكتور محترف جدا
التكلفة : 9600 ريالا قطرياً


خللي عنج الوسوااس وتوكلي ع الله

:)


تحياتي بعد أن تخليتُ عن نظارااتي

:nice::nice::nice:




:app2::app2::app2:
ابوعلي
20-01-2011, 12:54 PM
استخيري اختي وتوكلي على الله

انا الحمدلله سويت العملية في 2002

وللحين ما عانيت ولله الحمد
بو نايف
20-01-2011, 01:02 PM
انا سويتها بقطر عند خالد الشريف

من سنه وشوي

ولين الحين عيوني فيها جفاف ,,,,,,متعب جدا

وصارلي كم اتابع معهم ولين الحين بس كل مره تغيير بالادويه \

اخواني اثنين سووها عنده وكل شي تمام \

تفرق بين شخص وشخص ً
جلمود
20-01-2011, 01:03 PM
عند خالد الشريف

وماتشوفين شر إن شاء الله
الفتى
20-01-2011, 01:40 PM
الحمدلله أحنه أربعه سوينه العمليه لدى خالد الشريف في فترات زمنيه مختلفه و الوضع تمام التمام
الكاسر99
20-01-2011, 01:45 PM
انا مسوي العمليه عند خالد الشريف شهر 11 والحمدلله كل شي تمام انصحج تسوينها عنده .

أنا سويتها عند خالد الشريف والحمد لله ألف مره أني سيويتها وهلي بعد سووها عند


خالد الشريف توكلي على الله أختي وسويها في الدوحة


ما تسوى عليك تروحين البحرين لأن في فحوصات قبل العملية ولو أحتجتي شي بعد العملية

تقدرين تروحين إلى عيادة الدكتور خالد الشريف
الكونجرس
20-01-2011, 04:01 PM
سووويتها بقطر
من 4 سنوات

ولله الحمدُ والمنة كل شي فووووق النخل



مركز العيون التخصصي
الدائري ال3
عمارة بن جبر
بعد اشارات السينما



والدكتور خالد الشريف
دكتور محترف جدا
التكلفة : 9600 ريالا قطرياً


خللي عنج الوسوااس وتوكلي ع الله

:)


تحياتي بعد أن تخليتُ عن نظارااتي

:nice::nice::nice:



انا مسويها في مصر من ٢٠٠٦ وب٢٨٠٠ ريال بس
اقول للعيادات اتقوا الله فينا
ايزو
20-01-2011, 04:09 PM
اختي عليج بالدكتور خالد الشريف متمكن عيادة العيون التخصصي التكلفة 600 ريال فحص و 9000 ريال العملية بس اكدي ان الدكتور خالد الشريف اللي بيسوي العملية ومش اي دكتور اخر لخبرته الكبيرة في هذه النوعية من العمليات اكثرمن 60000 عملية حتى الان وان شاء الله بالسلامة
QtrGate
20-01-2011, 04:11 PM
اخواني ممكن اعرف عادي يكون عمري تحت ١٨ سنه. لان ناقشني ٤ اشهر لاكن مسويه لي عقده
لجونة
20-01-2011, 04:25 PM
أنا سويتها من سبعة سنين والحمد الله ارتحت كثير
فلور
20-01-2011, 04:32 PM
اختي سويها وتوكلي على الله
انا كنت خايفه ومليت من النظاره وبعدها توكلت على الله ورحت البحرين
سويتها والحمدلله
مسباح عاج
20-01-2011, 08:55 PM
السلام عليكم

انا سويتها عند الدكتور خالد الشريف في مركز العيون التخصصي - الدوحة - شهر 5/ 2010م
والحمدلله حتى الآن النتائج طيبه جداً

والتكلفة كانت 9600 ريال
حالي الذوق
20-01-2011, 09:10 PM
انصح بالدكتور خالد الشريف وله عياده هند اشارات السينما اعتقد باسم عيادة الجبر للعيون

كل شهر يجي الدوحه مره واذا عملية الليزك ما ناسبتك بسبب ضعف سماكة القرنيه او لانحراف شديد بالعين يتم عمل العمليه في دبي بعيادة الدكتور الشريف والعملية تسمى الترا ليزك

وهي مضمونه باذن الله بنسبة 99%
الحلال فقط
20-01-2011, 10:18 PM
جدا مرتفعة تكلفة العملية
khaleeji
20-01-2011, 11:14 PM
ياطويلة العمر عليك بالدكتور خدادوس في شيراز

دكتور عالمي امريكي ايراني مسوي مستشفى للعيون بس واي معلومات زياده انا حاضر
بوحسن606
21-01-2011, 06:55 AM
انا سويتها في 2004 عن خالد الشريف والحمد الله ارتحت من النظاره
توكلي على الله وسويها وافتكي من النظاره وغثاها
رجل مثالي
21-01-2011, 09:29 AM
الأخت العزيزه ولدي عمل الليزك في الدوحة في عيادة أبو ألفين هذا تسمية المستشفى

وهو بجانب بناية التموين في المنتزه وأيضآ استفسري عن قوة هذه العيادة ولدي

الحمدلله تعالى تخلص من النظارة يمكن كان المبلغ تسعة آلاف
mrs.spoon
21-01-2011, 11:12 AM
اهلي سووها عند دكتور الشريف ومرتاحين الحمدلله، بس انا للحين ماقررت مع انه من زمان ابغي اسويها بس مادري ليش!!
عندنا انجليزيه في المعهد تقول رفيجتها دكتورة العيون تنصحها تسويها عقب الاربعين ، مع أني اسمع يقولون ماينصحون فيها بعد عمر معين في الثلاثين، بس مادري يمكن علشان بعد الاربعين النظر يثبت.
وانتي استخيري وتوكلي ع الله في اللي يريحك.
QaTaRSouL
21-01-2011, 01:06 PM
في الإمارات عندهم جهاز جديد يعتمد على تقنية جديدة يسمونها الويف فرونت لتصحيح البصر، وهذه أضمن خاصة إذا كان عندك سمك القرنية خفيف وبعد إذا كانت درجة ضعف الإبصار كبيرة، إذا سويتيها في الدوحة ممكن تعانيين من جفاف أو يمكن القرنية يتم فيها خدوش وتعانيين من توهج في الليل أثناء قيادة السيارات، عندي معلومات أكثر وإن شاء الله بوضحها بمشاركة ثانية لأني مستعجل الحين.
الرايــق
21-01-2011, 01:32 PM
اهم شي الاستخارة

والتوكل على الله
شمسان
21-01-2011, 04:11 PM
انا سويتها عند الريفي في البحرين ب6000
ويقولون فاطمة الدوسري احسن بعد في البحرين
بالتوفيق
مونديال
21-01-2011, 04:18 PM
عياده الدكتور يوسف بو الفين
فيها خوش دكتور زاير .... انا سويت عنده
مايحتاج تسافرين وتخسرين
وفي شي مهم العمر اذا اقل من 18 لاتسوين وإذا اكثر من 40 بعد لها كلام غير..... يختصار لاتخافي من هذا النوع من العمليات
علو فكره في طبيب سعودي وايد مشهور عندهم في الدمام في مستشفي العيون ... بس ماله داعي السفر ... وإذا بقيتي عنوانه انا حاضر
صعب تفهمني
21-01-2011, 04:19 PM
توكلــى على الله والله بترتاحين
blueZircon
21-01-2011, 07:42 PM
تووكلي على الله , انا سويتها شهر ٨ وارتحتتتتت وايد من النظاره
استخيري وتوكلي على الله

العمليه جدا بسيطه ماتاخذ عشر دقايق وانا بالنسبه لي ماجاني ألم كلش
بس شوي بتتضايقين بأول ليله بعد العمليه لان ممنوع تحكين عينج او حتى تمسحينها بماي ولازم كل ساعه تقطرين بالقطور اللي بيعطونج اياه بعد العمليه مباشره

وبعد مايعدي هاليوم النظر يرجع تدريجا وبعد اسبوع ان شاءالله راح يكون النظر ميه ميه

وانصحج بالدكتور خالد الشريف او يوسف بوألفين

وحاولي تتجنبين تسوينها بالبحرين لانه التكلفه بالنهايه نفس الشئ , وهني افضل على اساس تكون العمليه سهله لما تروحين تراجعينهم بالمستقبل
ترانيم الروح
21-01-2011, 08:29 PM
انا سويتها من 5 سنين والحمدلله تمام التمام وافتكيت من النظارات
سويها وتوكلي على ربج دوم هالعمليات نسب نجاحها مرتفعه كثير
انا سويتها ف يالسعودية مركز العيون التخصصي

في الدوحه عندج الشريف وايد اوكي ..والمعلومات ماقصروا اخواني الي قبل حطوها

وبالتوفيق ان شاء الله
الشاااهين
21-01-2011, 09:32 PM
انصحك تسوينها هنا عند الدكتور ابو ألفين
الافضل تكون في قطر عشان يسهل عليك المراجعة بعد العملية
لأنها ضرورية جدا

اخوي سواها عنده العام شهر 11 والحمد لله افتك من العدسات يقول احس اني عايش حياة ثانية

بس قعد يراجعه بين فترة والثانية لأن شوي حجم القرينة اقل من الحد المطلوب للعملية فكان يتابعة بمواعيد منظمة مع بعض القطور اللي يكتبها لين ما استقرت اموره الحمد لله


اخيرا

سواء عند ابو الفين او الشريف
التكلفة واحدة 10000

والافضل في قطر عشان المرااااااجعة والمتااااااااااابعة هذي عيوووون مب لعبة



بالشفاء والعافية يارب