المساعد الشخصي الرقمي

مشاهدة النسخة كاملة : ماذا لا توظف بعض شركات الوساطة إلا غير القطريين؟



أبو عبدالعزيز
22-04-2005, 10:56 PM
تحياتي للأعضاء الكرام

وقد لاحظت مؤخرا أن مجموعة من شركات الوساطة لا تكاد تشاهد أي شخص قطري متوظف فيها، ويمكن الأمر عادي أو غير مقصود، لكن المفاجأة عندما الواحد يقرأ إعلان في الجريدة عن بعض شركات الوساطة تطلب موظفين بشرط نقل الكفالة أو شيء من هذا القبيل ، مما يعني أن القطري غير مرغوب فيه عندهم!!!!

بالنسبة لي فأنا أميل كثيرا أو أحبذ أن يكون القطري في مثل هذه الوظائف الحساسة لأن ابن البلد مهما حاول الشيطان يغويه للتلاعب ومخالفة القانون بيتذكر إن ما له إلا هالبلد، يعني إن سوى شي غلط راحت عليه لسهولة إنكشاف أمره والأموال المتحصلة لديه .... والناس كلها بتعرفه ...... أما الآخر لو حصل له نفس الشيء يمكن ضرره أخف ، وفي اسوأ الأحوال يعاقب ولو بالحبس كم شهر أو سنة ثم يعود لبلاده ويتمتع بما حصل عليه ....

Qatarii
22-04-2005, 11:05 PM
ابوعبدالعزيز بالنسبه للسؤال اعتقد هناك وظائف للجميع في شركات الوساطه لكن في اعتقادي سبب نفور الشباب القطري عنها هو الراتب وساعات العمل
قدم ماتملك من شهادات لشركه تختارها انت وسوف يقومون بالرد عليك بمده لاتزيد عن اسبوع
والسلام

ابن الجزيره
25-04-2005, 11:15 AM
كل شي محتمل,,

ال انه بعضهم يخافووون من كشف المستوووووور ؟؟؟؟؟!!!!

دمتم سالمين

المخلب
26-04-2005, 08:03 AM
اقول لا تتعذرووون

هم ماايبون يشغلون قطريين علشان اذا شغلوا اجنبي في اعتقادهم انه سهل يسفرون وله يطردونه من العمل !

ولكن ماايدررون ان اسرارنا كلها بتصير عنده ! يعني يقد ينشرها لو تبخششه !

وتذكروني على كلمتي هذي

alkaabi
26-04-2005, 11:21 AM
يعطيكم العافية

وللعلم :

القانون يمنع اي شخص غير قطري بالعمل في وظيفة البروكر

الا باستثناء

واللي شغالي الحين كلهم باستثناءات

والسبب قلة الكوادر القطرية

والمفروض من ادارة السوق تفرض عدد معين على الاقل على شركات الوساطة من

الموظفين القطريين

ممكن يأهلونهم فترة ويبداون العمل بشكل عادي

محد ناقص

كلنا عيال تسعة

مؤثر
28-04-2005, 07:10 PM
الاسباب هي :
1- ساعات العمل الطويله
2- الراتب الضعيف
3-قلة تأهيل معظم الشباب القطري لمثل هذه الاعمال

المديون
09-05-2005, 02:46 PM
كم راتب القطري في الوساااطه ؟؟

فارس الكلمة
10-05-2005, 11:33 AM
الوسطاء لا يحتاجون إلى كثير من الخبرة و الدراية ..
و إنما شىء من التدريب البسيط و الممارسة .. ثم يكتسب الخبرة المطلوبة ..
بمعنى آخر الخريجون القطريون من الثانوية العامة بإمكانهم القيام بهذه الاعمال ..

نايف
10-05-2005, 12:36 PM
اي كلامكم صحيح بس ترى شغل الوساطه فيه حرق اعصاب وساعات عمل طويله وراتب ضعيف ويمكن عشان جذي

يشغلون الاجنبي لان الاجنبي ماراح يقول شي بس المواطن ماراح يرضى بالتعب ذي كله وماراح يرضى ان واحد يتصل له ويصارخ عليه ويقول له ليش مانفذت لي الامر وغيره من هالكلام


وهالمشكله نشوفها اكثر شي في الامارات وقطر لان اكثر الوسطاء اجانب .........

عموما الله يعطيهم العافيه سواء كانوا اجانب او قطريين على اللي يتحملونه من ضغط وتعب وان شالله نشوف ادائهم احسن واحسن ....

فارس الكلمة
10-05-2005, 05:37 PM
القطريين .. عومة ماكولة .. و مذمومة ..
ما أكثر الاتهامات عليهم ..
القطريين قاعدين يشتغلون على الفين و ثلاثة آلاف راتب .. شركات الوساطة تربح بالملايين ..
شمعنى الكويتيين و البحريين و السعوديين .. يشتغلون كوسطاء في بلدهم .. ؟!!

نايف
10-05-2005, 09:19 PM
خلاص يافارس ولا تزعل عمرك ونتنمنى من شركة دلاله انها تشغل قطريين في الشركه وهالشي انتمناه منها اول ماتبدى نشاطها بالسوق

الخفي
11-05-2005, 12:41 AM
مااااااااااادري ليش كل الي يشتغلون فيها اجانب المفروض القطري هوصاحب الاولويه انتوا بس دخلوا مجموعة رجنسي الي في السد وشوفوا من اكبرها لين اصغرها كله اجانب وتقلون ليش ننسرق هذا السبب

الخفي
11-05-2005, 12:43 AM
المفروض اكبر واحسن الوضايف للقطريين والبوفلص الحقودين فراريش يكفي ان بايعين اراضيهم ع يهود اش تتوقع راح يسون في بلاد غريبه واكبر دليل ان من فترة اجانب لا عبين بالبورصه

المخلب
11-05-2005, 02:31 PM
المفروض اكبر واحسن الوضايف للقطريين والبوفلص الحقودين فراريش يكفي ان بايعين اراضيهم ع يهود اش تتوقع راح يسون في بلاد غريبه واكبر دليل ان من فترة اجانب لا عبين بالبورصه

كلا م سليم :nice:

المخلب
11-05-2005, 02:33 PM
واذا مو عاجبكم القطري شغلوا خليجي ! (( مساكين السعوديين وله البحريينين بدون شغل جالسين بطاليه ! على الاقل الفلوس مااتطلع بره الخليج ! )) ;)

عليان
11-05-2005, 11:45 PM
إصبر على المر لا يجيك اللي أمر منه:

الأجنبي ممكن يطنش واحد إثنين لكن راح يخاف ويستحي على وجهه ويخلص الباقين خوفاً من الشكاوي و على الوظيفه.

القطري ممكن يخلص واحد من ربعه وواحد ولد عمه وواحد ولد خالته وواحد أنت أيها القارئ لأنه صديقك أو أخ أو قريب لك ولكن ممكن يطنش الكل ولا يبالي على الشكاوي ولا على الوظيفه وفي ألف وظيفه غيرها.

فارس الكلمة
12-05-2005, 10:30 AM
القطري ممكن يخلص واحد من ربعه وواحد ولد عمه وواحد ولد خالته وواحد أنت أيها القارئ لأنه صديقك أو أخ أو قريب لك ولكن ممكن يطنش الكل ولا يبالي على الشكاوي ولا على الوظيفه وفي ألف وظيفه غيرها.


يعني .. الأجنبي ما راح يخلص واحد من ربعه أو ولد عمه .. أو معزبه .. أو .. أو ..
مساكين هالقطر حاسدينهم .. و متهمينهم .. و حاقدين عليهم حتى في بلادهم .. ؟!!

LIMIT UP
17-05-2005, 02:25 AM
مثل ماقالو الاخوان الرواتب ضعيفه حق القطرين الرواتب هناك اول مايتوظف 4500 ويتم 4500 لين الله اشوفله واذا دخل بروكر ازيدونه 1000 ريال او 1500 بس في بعض الشركات رواتبها زينه ومعقوله لي قطري مبتدء يعني مثل ماتقول يبدونها 5000 او 5500 او 6000 يعني راتب واحد توه متوظف وفوق ok وفي عيب شركات دوامين صبح وعصر من الساعة 7,30 لين الساعه 1 وبعدين ارد الدوام الساعه 4 او 5 لين الساعه 7 يعني كرف ومافي راتب عدل ..وبعدين الدوام هناك على ماعتقد متعه ويقدر يستفيد ومايبيله شي
بس الي انا سمعته ان شركة الدلاله رواتبها حق القطرين فوق ok والاولويه حق الموظفين الي شغالين في مكاتب الوساطه ونتمنى انشوف الموظفين كلهم قطرين بذن الله