خذت بلاك بيري تورتش وماعجبني !!

[غلا الريان]

السلام عليكم

شخباركم ؟؟

امس خذت التوتش وماعجبني الصراحه .. التوتش سكرين ماينفع للبي بي ابدا
فــ انا افكر اني ابدله ..
ابي اعرف البولد الجديد هو 9780 ?? هذا اجدد نوع من البولد ؟؟
والــ dakota ?? هو بولد بعد .. شرايكم فيه ؟؟

افيــــــــدوني

:shy:

[السلطان]

رايي انا كان معاي 9700 وكان ارساله تعبان
وغيرته وخذت ال 9780 وماعجبني لان فيه المسن الجديد اللي الصور فيه كبيرة ونظامه مادري شلون وبعته في نفس اليوم
وخذت التورش اللي باللمس ونفس الشي كان يعلق وحاولت انزل المسن القديم وماكان ينزل
وفي الاخير رجعت لل البولد 9700 وبصراحة هو الافضل

[blade]

والله يا اخوان ال ۹۷۸۰ حلو وما فيه اما اللي يشتكون من صور الماسنجر عليهم بس ينزلون برنامج الماسنجر عن طريق المتصفح بموقع البلاك بيري

[بن جعران]

والله يا اخوان ال ۹۷۸۰ حلو وما فيه اما اللي يشتكون من صور الماسنجر عليهم بس ينزلون برنامج الماسنجر عن طريق المتصفح بموقع البلاك بيري

:nice::nice::nice::nice:

[غلا الريان]

^^^
شلون يعني ؟؟
اممم انزين اللي جربوه هو افضل من التورج ولا انا غلطانه ؟

[v_h3]

نفس السستم الداخلي الهم ذاك بس عشان انة تاج ،،،،، يعني نفس المنيووو بس سريع ف النت وكاميرتا بعد حلوة 5 ميغا

[وحيد-الشوق]

اللمس غير الايفون 4 مافيه

البلاك بيري 9780 تلفون عجيييب واحلى شيء فيه الكاميرا 5 ميجا بيكسل والرام 512 اسرع من القديم

[s500]

اللمس غير الايفون 4 مافيه

البلاك بيري 9780 تلفون عجيييب واحلى شيء فيه الكاميرا 5 ميجا بيكسل والرام 512 اسرع من القديم

صادق انا كان عندي 9700 وشريت 9780 وبصراحه فيه فرق فالاستخدام واسرع والكميرا افضل

[غلا الريان]

اشكركم ع الردود

[بومحمد92]

انا عندي التورج .. اول الايام فكرت مثلج ..

بس الحين .. مستحيل اخليه وارجع للبولد ..

اصبري كم يوم وتعلمي عليه عدل ..

انا بالنسبه لي ... لين اليوم ماشيير علي ..

وطبعا من اول مانزل الدوحه عندي .. يعني اكثر من شهر او شهرين ..

[عزيزوف]

بخصوص الي يشير عندهم البي بي ينزلون له سوفت وير جديد وانتهت المشكله
حتى سهل انه الواحد ينزل له سوفت وير ف البيت

اانا عندي 9700 وصراحه ممتاز رغم انه يعلق بعض المرات

اما ال 9780 قريت مواصفاته احس انه ممتاز

[دفء الجليد]

انا عندي ال 9700 حلو وكل شيء
بس احس ان ال 9000 احسن
طبعا بتقولون لي حرام عليج ومادري شنو .
طبعا ال 9700 مواصفاته ارقى واعلى ... بس اللي لفت انتباهي ان مثلا

لما تجي تكتب ههههههههههه ... فالبولد القديم يكتبها لك بسرعه ماعليك الا انك تشير صبعك وهو يطبع ال حرف بتكرار

اما ال 9700 ... لازم تكتب ه وتنطر شوي عقب ه ثانيه ..يملل ...

يعني من طرفي هالشي مهم بالنسبة لي .. لان استخدامي الاساسي فالبيبي هو المسنجر اما الكميره تعيسه لابعد الحدود ..

بس سمعت ان التورج تصويره احسن ولو ان ماقتنعت فيه

[عزيزوف]

لما تجي تكتب ههههههههههه ... فالبولد القديم يكتبها لك بسرعه ماعليك الا انك تشير صبعك وهو يطبع ال حرف بتكرار




كلمه ههههههههه او كتابة الحروف ورى بعضها مالها دخل بنوع البي بي


تقدرين تكتبين في ال 9700 هههههههه بسرعه عن طريق الخيارات (الزر المرسوم عليه صورة البي بي ع اليسار )

وبعد تقدرين تغيرينها ف ال9000 وتخلينها حرف حرف لين توصل ههههههه

[بومحمد92]

بس اللي لفت انتباهي ان مثلا

لما تجي تكتب ههههههههههه ... فالبولد القديم يكتبها لك بسرعه ماعليك الا انك تشير صبعك وهو يطبع ال حرف بتكرار

اما ال 9700 ... لازم تكتب ه وتنطر شوي عقب ه ثانيه ..يملل ...


ههههه اختي .. وانتي بالمحادثه سوي خيارات .. عقب (تمكين الضغط المتكرر)
بالانقليزي (Enable Multitap)

GOOD LUCK

[غلا الريان]

الــ 9780
يجي معاه ميموري كارد ؟؟ كم سعته ؟؟
لاني يوم خذته حطيت الميموري ع اساس ان هي مالتي القديمه بس تفاجئت مافيها شي !!
مادري انمسح كل شي فيها ولا هي جديده
!!!

[الدوحه 2006]

الــ 9780
يجي معاه ميموري كارد ؟؟ كم سعته ؟؟
لاني يوم خذته حطيت الميموري ع اساس ان هي مالتي القديمه بس تفاجئت مافيها شي !!
مادري انمسح كل شي فيها ولا هي جديده
!!!

اي يجي معاه 2 جيجا

والله من تجربتي ما حبيت ال 9780 احسن انه فاشل وفيه كذا عيب والي ملعوزني مثل ما انتي قلتي مايكتب الحروف ورى بعض بسرعه حتى لو كان Enable Multitap ( الضغط المتكرر ) مافيه فايده ويعلق عندي وانا والله مستحمله لان ماعرفت شاخذ بعد 9000 << احسن تلفون والله

وان شاء الله تنحل المشاكل الي فيه مع السوفت وير الجديد

[جامعة قطر86]

من قال التورش مب شي ؟؟؟؟؟؟
احسن جوال استخدمته لحد احين
تضايقت منه اول يومين لكن عقب صار الحب
ماتخيل بلاك بيري بدون تج
بلمسه يوديك اكثر من صفحه
مب العادي تقعد تقحص بالماوس لين ما يوديك كم صفحة تحت

[غلا الريان]

اي يجي معاه 2 جيجا

والله من تجربتي ما حبيت ال 9780 احسن انه فاشل وفيه كذا عيب والي ملعوزني مثل ما انتي قلتي مايكتب الحروف ورى بعض بسرعه حتى لو كان enable multitap ( الضغط المتكرر ) مافيه فايده ويعلق عندي وانا والله مستحمله لان ماعرفت شاخذ بعد 9000 << احسن تلفون والله

وان شاء الله تنحل المشاكل الي فيه مع السوفت وير الجديد

انا بدلت التورتش بــ 9780

والحمدالله ما لاحظت المشكله اللي واجهتها بالتورتش بخصوص كتابه الحروف والكلمات ورى بعض..يكتب عادي مثل القديم من غير مشاكل
بس فيه عيب ان الرساله الشخصيه ماتبين او بدايه البرودكاست مايبين كامل قبل لافتحته
...نص الكلام بس

[محمد]

التورتش افضل جهاز بلاك بيري على الاطلاق حتى الان ..
يمكن انتي مب متعوده عليه بس ..

ولا بالعكس التاتش ممتاز و سرعته ممتازه ولا اشتكيت منه الى الان ولله الحمد ..

بالنسبة للبولد الجديد و التورتش هم نفس النظام .. بلاك بيري 6

اما باقي الموديلات كلها بلاك بيري 5 و 4 ..

وبصراحة بلاك بيري 6 قفزه نوعية لشركة بلاك بيري .. سوفت وير محترم و التصفح فيه جيد ولو اني ما استخدمه وايد لاني استخدم الجالكسي تاب في التصفح بس يمشي الحال و احسن من القديم ..

باختصار .. يودي مينونج لا يجيج الاين منه :) .. و التورتش الافضل