ليش خياس النفس ((عفوا على الكلمه))

[قطري 22]

السلام عليكم ورحمة الله وبركاته

انا كتبت هالموضوع من القهههههههههههر والله

وانا اسف على العنوان السيء لكن هذا غيض من فيض

انا الاسبوع اللي فات صار لي مراجعات لبعض الدوائر الحكوميه وحصل اني تعاملت مع بعض شباب وبنات قطريين يعاملوني ويعاملون الناس بخياس نفس واسلوب سيء
وشوي وبيحذف اوراقك في وجهك ..... ليش

مب هذي اخلاق الاسلام ومب هذي اخلاق اهل قطر ولا هذي تربيتنا
ولا اي مبرر يسمح لك انك تعامل الناس بهذا الاسلوب

تحياتي للجميع وانا اسف على الازعاج

[Ghost]

البعض منهم والبعض الاخر جدا محترم وربي يكون في عونك

[فارس الكلمة]

ليس كلهم بالطبع ..

عن أي إدارة تتحدث ..؟

[هبوب الكوس]

يحذف الاوراق في وجهك هذي كبيره مااتصور هذا الموقف يحدث

بخياس نفس ممكن

المعاملة بشكل عام هي الذوق وفرع من الخلق الكريم

تحياتي لك وتقبل مروري

[*ام لجين*]

لا حول ولا قوة الا بالله

[لطآم]

اي وزاره تقصد ؟
مثل هالموظفين ماودك
تكتم عن اسم الوزاره اللي موضفتهم
لانهم يستلمون رواتب مب مداومين بلاش
او تطوع عشان يعاملون الناس بالأسلوب السطحي..

[بـــــــنت النوخـّــــذه]

عشان يابلفيت انه شخصيه مهمه :looking:

لان بعضهم مصدقين عمرهم خصوصا" اذا كان عندهم مراجعيين كثار

على فكره بعض الدوائر يحتاجون لدورات في طريقه استقبال المراجعين وتخليص المعاملات وهالكلام للموظفين والمدراء
:)

وانت قلت شوي وبيحذف الاوراق لو انا منك ما اسكت له اخذه وادخل على المدير لان هذي وظيفته يخلص المعاملات مهب يحذف الاوراق
عموما" مافي احسن من الوجه البشوش الي يخلص معاملات الناس برحابه صدر ويحصل من وراهم دعوه حلوه الله يفتح عليك 00مهب ذاك يدعون عليه :(

[Cooki]

فعلا في ناس وايد وظايفهم تتطلب تعامل مباشر مع الجمهور ..

وماعندهم اسلوب كلش.. تقول المراجع جاي يطر منه والاخ متكيرم عليه باللي يسويه:telephone::telephone: ...

بالنسبه لي المعامله جدا جدا مهمه ...

اماكن كثيره حطيت عليها اكس والسبب ان موظفينهم ماعندهم اسلوب ..

عاد تدري اخوي ..

اذا شفت الموظف منفس ومخيس النفس عليك ..

عامله بالمثل ..حسسه انه موظف وموجود علشان يخدمك ..

واذا اكبرت السالفه قوله وين مسؤلك...

ناس يبيلهم من يسنعهم..

او على قوله طارق العلي يقبضون البوابه ..:tease::tease:

[QTC]

سبحان الله وبحمده

[صعب تفهمني]

لاتقهر نفسك ولا شئ المفروض تدخل عالمسؤال وتشتكي عليه
لان هالاشكال المفروض محد يسكت عنهم ,,
المفروض من يدخل الدوام يخلي نفسيته الخايسه فالبيت ,,

[intesar]

ونفسه سادتي موقف كنت ابغي ادخل على مسؤول حاط حرف الدال قابلني سكرتيره قطري بالطبع الأسئلة
ليش بتقابلينه
عندي شكوى
شنهو
جاني إنذار والغي أتناقش معاه
مني كلمة ومنه كلمه
قلت حق اللي معاي تعال تعال اذا موظفينهم جذيه
قال جزاك الله خير
وشوي يضربني أنا ايشعلي من حرف الدال اللي حاطه ولا الكرسي اللي قاعد عليه
هم أنا عندي ٣ سكرتيرته بس الفرق أنا صاحبة شركه وهو موظف في دائرة حكومية

تعرفون شنهو هي الهيئة العامة للصحة
منتظرة أقابل مدير الهيئة ما اعرف اذا بقدر ادخل عليه ولا. لا
لأن هذا الشخص لازم يتعاقب واللي حاط جنب اسمه حرف الدال هم لازم ياخذ جزء من العقاب واللي أنا جايه لها واشتكي عليها لازم يقيلونها لأنها مأذية خلق الله
كل واحد قاعد وراء مكتبه وموعارف اللي صائر في الشارع العام
أيلون تدافع عنموظفه عندك وهي مأذية خلق الله وماتسمع الا لها
تضلون أنا كوني قطرية أخذ حقي من موظفة في هيئة واذتني وعطلت شغلي
وين مساعدة الشباب القطري أيلون ننتج اذا هذي حدود تفكيرهم
على فكرة الموظفه ماهي قطرية

[مونديال]

مثل هل نوعيه يجب ان يعامل بالمثل
وعشان تبط جبده لين خلص لك المعامله
قوله قصب عليك وشرد

[jeep-srt8]

ايا عليك عطا صطااار الي مخيس النفس

[مشتاقة لقطر]

امممم
انا بذكر موقف وبذكر اسم الموظفة..

مر علي موقف بشهر 5 تقريبا

كنت مع الوالدة رايحة اراجع بمعاملتها لان فيه ناس خلصوهم وهم مسويين نفس المقابلة مع بعض

قلنا نشوف وين وصل الموضوع

دخلناقالت معاملتكم عند (******)

وينهاوينهاوينها مب في المكتب
والكل يدورها جات ..

ومخيسة النفس

قالت وين البطاقة عطناهاقالت مافيه شي جديد

قلت :طيب اش صار عالموضوع .. خالتي جات مع امي عند موظفة ثانية وخلصتها .. وقالو لها تسوي كذا وكذا ..


قالت بصوت عالي :ماتعرفين تقرين شوفي شوفي الكمبيوتر؟؟ مافيه شي جديد

انصدمت من كلمتهاواسلوبها .. ... قلت لها عطيني البطاقة؟؟وكلمت الموظفة الثانية .. اللي خلصت خالتي ..

قالت اظن فيه اسلوب

قلت : لها ويه تتكلم عن الاسلوب

وانا اكلم الموظفة الثانية وين المديرة ..وانا طالعة ..

وتصراخ باعلى صوتها قالت انا ما اشتغل عندج ..

قلت لها انتي موظفة تشتغلين عندي وعند غيري تخلصين امورنا ..والا ليش حاططينج..

وامي تقولها تعوذي من الشيطان

قامت تصارخ .. تقول لامي اعوذ بالله منج اعوذ بالله منج جاتها حالة هستيرية ..

واناطلعت للمديرة فوق خبرتها السالفة وفيني الغصة..قالت من قلنا فلانة ****** قالت الله يهديها وامسحيها بوجهي..

وموضوعكم اناباشوفه وقالت لنا شو اللي سووه وشو الخطوة الثانية وشكرتها وطلعت..


بس صدق الموظفة الغلط بالمكان الغلط ..

[سكرمر]

المشكله ان المراجع لما يراجع يكون فيه شوي خوف وسحى


لاتخاف ولا تستحي خليك دفش معاهم هنيه اذا شافوك دفش يخلصونك على طول


خليك دفش وصدقني تخلص امورك بالذات اذا قالك المدير مشغول انتظر شوي مو مشكله انتظر ربع ساعه وعقبها ادخل بالغصب


انا مجرب هالشي واموري من احلا شي:nice:

[wadha-qa]

اتمنى تذكرون الوزارات و الادارات اللي فيها هالاشكال عشان نعرف بؤرة تواجدهم وين ؟؟
بصراحه عيب عليهم انا اعتبر كل مراجع ضيف عندنا بالاداره ونحاول نساعده قد ما نقدر ..

[ابو علاوي]

ونفسه سادتي موقف كنت ابغي ادخل على مسؤول حاط حرف الدال قابلني سكرتيره قطري بالطبع الأسئلة
ليش بتقابلينه
عندي شكوى
شنهو
جاني إنذار والغي أتناقش معاه
مني كلمة ومنه كلمه
قلت حق اللي معاي تعال تعال اذا موظفينهم جذيه
قال جزاك الله خير
وشوي يضربني أنا ايشعلي من حرف الدال اللي حاطه ولا الكرسي اللي قاعد عليه
هم أنا عندي ٣ سكرتيرته بس الفرق أنا صاحبة شركه وهو موظف في دائرة حكومية

تعرفون شنهو هي الهيئة العامة للصحة
منتظرة أقابل مدير الهيئة ما اعرف اذا بقدر ادخل عليه ولا. لا
لأن هذا الشخص لازم يتعاقب واللي حاط جنب اسمه حرف الدال هم لازم ياخذ جزء من العقاب واللي أنا جايه لها واشتكي عليها لازم يقيلونها لأنها مأذية خلق الله
كل واحد قاعد وراء مكتبه وموعارف اللي صائر في الشارع العام
أيلون تدافع عنموظفه عندك وهي مأذية خلق الله وماتسمع الا لها
تضلون أنا كوني قطرية أخذ حقي من موظفة في هيئة واذتني وعطلت شغلي
وين مساعدة الشباب القطري أيلون ننتج اذا هذي حدود تفكيرهم
على فكرة الموظفه ماهي قطرية

مافهمت شي

[لاجئ عاطفي]

اغلب اللي يشتغلون في استقبال المراكز الصحية من هالنوعية
واغلب الضباط من هالنوعية
واغلب الوزراء من هالنوعية
واغلب مدراء المكاتب من هالنوعية
واغلب مدراء الادارات من هالنوعية
والقائمة
تطووووووول

[بوخالد911]

ظاهررة سلبية ومرفووووضة

[غزلان]

لا حول ولا قوة الا بالله


الله يهديهم

[M007]

مثل هل نوعيه يجب ان يعامل بالمثل
وعشان تبط جبده لين خلص لك المعامله
قوله قصب عليك وشرد

هههههههههههههههههه

شدعوه يهال

[bentalgala]

طبعا لا للتعميم في مثل هذا الموضوع

وانا باذكر لكم ما حدث معي من خياش نفس على حد قول الكاتب

من اسبوع تقريبا كان عندي مراجعه في جامعه قطر وهي سهله ولا تتستاهل التواجد في الجامعه لانهائها ولكني فوجئت بالموظفه المسؤوله تطلب مني الحضور لانهائها
ويوم قلت لها ليش اجي ما يحتاج امتنعت عن الرد
ويوم قلت لها شنو اسمج خافت وما ردت

فانا اوصف هالحدث باللامبالاه من قبل العامله لانهائها تعرف لا حسيب ولا رقيب
واستخدمت اسلوب التطفيش محاوله لعدم انهاء المعامله بسرعه وبسهوله ممكنه

المهم لكي انهي لكم القصه توجهت الى الاستعانه باحد اخر من القسم نفسه
وتم الانهاء منها بالسرعه والسهوله التي كنت اتوقعها

في الاخير ما اقول الا ... الله المستعان

[دانـة قطـر]

أقول لوزارة العمل

سنعوا وزارتكم وموظفنيكم أحسن لكم

وأقول لجامعة قطر

سنعوا جامعتكم وموظفينها ودكاترها الأجانب اللي بعضهم يداومون وهم ما بعد فاقوا من السكره والسحير اللي شاربينه فالليل أحسن لكم

وأقول لوزارة الصحة

سنعوا مستشفياتكم ودكاترتكم أحسن لكم


وأقول لباقي الوزارات والجهات الحكومية

تسنعوا ووظفوني أحسن لكم :(

[.. Silent ..]

بوووووو لو بقعد اذكر لكم المواقف ما بخلص !!!!
بس ربكم اللي يعين ،، ويشفي هالنااااس ... لأنهم مرضى نفسيين والله !!!

أحنا ما نستحقر اي وظيفة ،، ولو اللي جدامي فراش او زبال والله واجب علي احترامه ..!
فما بالكم يوم يستحقرونا .. عيل هالمساكين شبسون فيهم ..!


الله المستعاااان

[الـقـاسـي]

اذا واحد تعامل وياك بهالطريقة المفروض تعطيه كاش في وجهه او تعامله بالمثل ..

[راعي المها]

موضوع حلو ابصراحه الشي هاذي غلط بس محد عارف ظروف الموظفين ممكن رواتبهم تعبانه ممكن عندهم مشاكل شخصيه ممكن بسبب ضغط الدوام وممكن مماخذين احقوقهم من الوزارة

[باسكن روبنز]

المشكله ان المراجع لما يراجع يكون فيه شوي خوف وسحى


لاتخاف ولا تستحي خليك دفش معاهم هنيه اذا شافوك دفش يخلصونك على طول


خليك دفش وصدقني تخلص امورك بالذات اذا قالك المدير مشغول انتظر شوي مو مشكله انتظر ربع ساعه وعقبها ادخل بالغصب


انا مجرب هالشي واموري من احلا شي:nice:

آحــلآآآآ شـــي ،:)

[mooona]

الظاهر مستعجلين على البند المركزي والقعدة بالبيت ...اقل شكوى بحذفونهم وبيحطون اجانب
وشوف الكلام الحلو....في كل مكان نشوف تعامل راقي الا عندنا صراحة كانهم شاربين عشرج
وجاين ......يبون بنات الامارات يعطونهم كورس بالتعامل

[ريم الشمال]

اعتقد للجانب الثقافي لدى هذا الشخص سببا فيما يصدر عنه من تصرفات
هناك من يعتقد بأظهار نفسه بهذه الطريقة يستطيع أن يكون شئ بين الناس
بس مسكين ما يدري أنه يكون نكره غير مرغوب فيها بين الناس

وقال اهلنا سابقاً [ ما يخيس الا السماد ولا يتعلى الا الدخان ]

ريم الشمال

[الصريحه]

المفروض اي موظف نفسية تعبانه يحطونه عند البوابه اللي في الوزارة ينزل ويرفع العامود حق دخول السيارات

معاك حق
اقل مايستحقون

[بويوسف]

يعني الحين يات على الموظفين ؟ خياس النفس للأسف ثقافة في المجتمع .. تلاقي واحد بدون سبب راكب سيارته ويطالعك بخياس نفس .. الله يهدي شباب قطر ..

[%حورية قطر%]

اغلب اللي يشتغلون في استقبال المراكز الصحية من هالنوعية

ت

جبتهاااااااا صح :victory: