استفسار : موقع booking حد منكم جربه

[MBI]

حد منكم جرب هالموقع لحجز الفنادق وهل هو مضمون ويعطيك الكومفيرم ......،،،،،

[bentalgala]

موقع رائع لحجز الفنادق
وارخص من الحجز المباشر او اللي يكون عن طريق المكاتب السياحيه
غالبا طبعا مش دائما

ولكن احذر اخي لازم تكون دقيق في الاختيار نوع الغرفه وعدد الاشخاص والتاريخ والخدمات المرفقه مع الغرفه

وايضا لا تنسى حساب التاكس حتى لا تنصدم بالمبلغ زاد

اما بالنسبه للكونفيرم اكيد يوصلك ويعطونك رقم نفس رقم الفاتوره
ونفس النسخه تذهب للفندق نفسه

رحله ممتعه ان شاء الله
وتروح وترجع بالسلامه

[غير البشر]

السلام عليكم ورحمه الله وبركاته

صبحكم الله بالخير
مرحبا اخوي

موقع بوكينغ حلو ومضموووون
انا احجز فيه من ست سنوات
والحمدلله كل حجوزاتي كانت عال العال
لما اسافر اي مكان حتى في اوروبا لما اوصل الفندق يكون عندهم خبر
ولما تحجز عن طريق النت يوصل لك ايميل بتأكيد الحجز ماعليك الا انت تطبع الحجز واتخليه عندك :nice:

حياك على هالرابط ان شاء الله تستفيد منه

http://www.qatarshares.com/vb/showthread.php?t=336766

[S A L M A N]

موقع مضمون

وانا جربته تقريباً 6 مرات ..

[diplomat]

ياخوي توكل على الله .. الموقع عجيب ومثل ماذكرو الاعضاء ... انا جربته كثير
وهالموقع يمكن يفيدك بعد www.tripadvisor.com
موفق ياخوي

[الجـــــوري]

موقع بوكنج جيد لكن فيه عيبين

الاول : ان يحدد لك وقت لدخول الفندق مثلا الى الساعه 4 اذا جيت الساعه 4 ونص قد تلقي حجزك ملغي

الثاني : سعر الفندق مو ثابت مثلا انت حجزت قبل اسبوع كان صرف اليورو مثلا 5 واذا سويت تشيك اوت يكون سعر اليورو 6

[تركي محمد]

ممتاز ويعطيك سعر جيد مقارنة بالاسعار الثانية من المواقع

وفي شغله مهمه لازم تعرفها وانا اعتبرها ميزة

لمه تدفع من البطاقة

فعليا ماينخصم المبلغ ولكن بس يتاكد ان المبلغ موجود بحسابك ولا حتى يسوي بلوك على المبلغ

لمه تروح الفندق تدفع لهم كاش او عن طريق البطاقة

ولكن ان لغيت الحجز بنفس اليوم راح ياخذون منك مبلغ ومش متاكد المبلغ كامل او نصف المبلغ

[meeemz]

اي صح انا جربته من 10 ايام وحجزت وفعلا ما انسحب المبلغ ورحت احاججهم هههه احسب انهم سحبوا .. هو صج ارخص بس الغرفه اللي طلعت لنا قرقور وريحتها اعععع .. احس اي كلام .. وانا قبل سكنت الفندق وكانت غرفه احسن من جي

[adel777]

موقع جيد .... ماقدر ازيد على الشباب تروح الفندق وانت مرتاح غرفتك تتنتضرك والدفع على كيفك مافيه اي مشاكل حتى اني اروح هناك بدون ماطبع الحجز من النت بس اعطيهم جوازي وهم يطلع عندهم كل شي

[أبنية العرب]

السلام عليكم
مااقدر أزيد على الشباب لكن من واقع تجربة هو أفضل موقع حجز أجربه
ممتاز ومضمون إن شاءالله تحجز الفندق اللي تبيه وتسوي كوبي للحجز وتاخذه معاك
توكل على الله

[محاسب]

الغالي
أتصل بالفندق الي تبيه وشوف سعره
وبعدين شوف سعره في الموقع ولاتستغرب ؟؟؟؟؟؟؟؟ الفارق لايذكر بالنسبه للدول العربيه
ويمكن الأفضليه عن طريق الأتصال المباشر بالفندق
من تجربه
وســــــــــــــــــــــــــــــــــــــــــــــــ ـــــــلا متك

[فاروع]

من سنتين ما شفت مشاكل مع الموقع

[عنابي وابيض]

ماشاءالله موقع مضمون ودقيق

كل حجوزاتنا عليه الى اي مكان فالعالم

[الفتى]

موقع رائع و أنا جربت أحجز منه لدول الخليج و أوربا و شرق أسيا لكن تأكد من قوانين الفندق بعض الفنادق تحجز على المبلغ قبل الوصول وبعضها تحجز على مبلغ أول ليله و أذا كان عندك شيء في الحجز مع خطوات الحجز تقدر ترسلهم إيميل

مثال كنت حاجز غرفتين في فرنسا عملت الحجز و فالملاحظات طلبتها كونكت روم لأنه أنا زوجتي و ثلاث أطفال طبعاً ردوا على الفندق مافي كونكت و كلموني موقع بوكنغ على التلفون و قالوا أما تغير إلى سويت أو تغير الفندق و كانوا يتواصلون معاي على التلفون أذا في شيء خدمة رائه و مضمونه لكن نصيحه أكتب لهم التفاصيل في الملاحظات أثناء الحجز .

[الفتى]

نسيت شيء أنا أول الأيام كنت أحجز و أتصل للفندق ثاني يوم أتأكد أذا حجزي موجود وله لا بتحصل معلومات الفندق رقم التلفون و موقعهم و حتى أحداثيتهم بالكنفير مال الفندق .

ليطمئنه قلبك عقب الحجز أتصل للفندق و أسئلهم عن حجزك

[شموخ-qtr]

موقع ممتاز

واحنا دايما نحجز من الموقع وماشفنا مشاكل الحمدلله

[alghalya1]

بالتوفيق

[نمـر]

مضمون من يومين حاجز حق هلي مكه فندق زمزم بعد ما حجزت أتصلت الفندق قالي الحجز موجود وكل شي أوكي