السلام لله ياموظفات الريان

[bshayer]

السلام عليكم ورحمة الله وبركاته
لفت انتباهي طريقة استقبال موظفات الريان للمراجعين والمرضى "مو الكل "
ياجماعه انتوا موظفات ليش مكشرين مو عاجبكم المكان خلوه ...
المشكله اني رحت قبل فتره اراجع وكانت بأستقبالي موظفه طبعا انا بديت بالسلام عليكم شنو كان ردها طنشت وكررت السلام وطنشت وكررت السلام عقب تنازلت ترد كان ردها وين البطاقه وانا من الصبح اقول السلام عليكم لمن( لي مثلا") قلت يمكن الموظفه طفشانه ورحت بعد فتره اشوف الثانيه نفس الطريقه طيب ليش اسلوبكم زفت بصراحه مافي احترام للمرضى والمراجعين(مايسوى علينا نسأل أونستفسر)
بهالطريقه تشوهون صورتكم المهم المركز فيه قسم طوارئ اطفال وله استقبال خاص فيهم
لما رحت قسم طوارئ الريان فعلا" موظفات اخلاق واسلوب فالتعامل ولا اروع وكالعاده سلمت وردوا السلام واستفسرت عن شي ووجهوني بأسلوب راقي يليق بموظفة استقبال
عموما تعاملكم يدل على اخلاق الموظفه ..

كل الشكر لموظفات استقبال قسم طوارئ الريان كثر الله من امثالكم
قال النبي صلى الله عليه وسلم: "لا تدخلوا الجنة حتى تؤمنوا، ولا تؤمنوا حتى تحابوا، أولا أدلكم على شيء

إذا فعلتموه تحاببتم؟ أفشوا السلام بينكم".

[chillis]

الشيي ذي باغلب المراكز الصحيه مهب بس الريان

[عاشق الشهادة]

يبيلهم برنامج تدريبي مكثف في ( التميز في خدمة العملاء )

[qatari 111]

الله يهدييهم

[bshayer]

يبيلهم برنامج تدريبي مكثف في ( التميز في خدمة العملاء )

اوافقك الرأي

[لاجئ عاطفي]

ذ كرتيني بموقف مريت فيه .. رحت مره لمركز صحي مع واحد من ربعي ويوم وصلنا شباك الصيدلية كان فيه موظفة عربية (( متحجبة )) فسلم رفيجي وعطاها الورقة فخذت الورقة بخياس نفس ولا ردت السلام انا الموقف استفزني فقلت لرفيجي ب
صوت مسموع عشان تسمع الموظفة قلت هالاشاكل ماتسلم عليها تقط الورقة عليها وهي تجيب دواك وهي تضحك .. عطتني نظرة كلها استحقار وحسيتها تغلي من داخلها خذنا دوانا ومشينا . .
فعلا في اشكال ماتجي الا بهالطريقة

[بـــــــنت النوخـّــــذه]

السلام عليكم ورحمة الله وبركاته

إذا فعلتموه تحاببتم؟ أفشوا السلام بينكم".



صحيح 00البعض يجهل فنون التعامل مع الاخرين 00اذا انتو متضايقين من مشاكلكم الاسريه لا تحملون الناس ذنبها بطريقه معاملتكم لهم 0:omen2:00

انا ماعندي خلفيه للامانه عن مركز الريان الصحي وما اقدر احكم بشكل خاص00ولكن في احد المراكز الصحيه القريبه من بيتي استغربت من موقف والله لو حجر كان نطق وحس00كنت واقفه اخذ لي بطاقه الا اشوف مره هنديه كبيره بالسن والله اتعور القلب وتبكي وهبابها توقف وذي المبرقعه الي قاعده على الاستقبال اتهاوشها قلت لها اختي عسى ماشر قالت ليّ ماييصر تطلع الا لازم تدفع فلوس الدوى 00قلت لها كم قالت 20 ريال 00قلت لها انزين الا 20 ريال الله يهداج والمره تكسر الخاطر وقالت لج بكره بدبرهم لج وانج تاخذين بطاقتها الشخصيه و فتحت بوكي وعطيتها إلا الاخت المبرقعه هدت فيني جدام الناس بل قلت لها عاد ماطحتي الا فيني حطي السانج بلهاتج وكملي شغلج عليج الفلوس ياتج وبس وخلصي اجراءاتها 00الا قالت هذي شغالتج قلت لها لا انا شتغل عندها 000وكملي وانتي ساكته وتعلمي اشلون تحترمين الناس 00
0بعضهم يخلون الواحد يضطر يخرج من طوره بتصرفاتهم الي مافيها ذوق واحترام 000

ومره بعد دخلت على دكتوره بووووووووووووووومه اعوذ بالله من شكلها اول ماشفت وجها قلت لها اسفه مغلطه 00حشى ماتنتشاهد هذي بروحها يبغيلها دكتور نقسي خاص يعلمها اشلون تستقبل المرضى 00

الخلاصه : ان الانسان يحسن تصرفه مع الاخرين لان احتمال يطيح بشر اعماله بناس يفشلونهم عدل ويعلمونهم ان الله حق 00والانسان حلاته يترك سمعه طيبه له امام الاخرين
:)

[diplomat]

الحل مثل ماذكرو الاعضاء اي وظيفة لها علاقة بالتعامل مع الجمهور وخدمة العملاء لابد من دورة في هالمجال .. ... واذا ماخذو هالدورات اللوم على المسئولين ..

[خزامئ]

صدقتو انا بعد اشكر موظفات طواري طواري الاطفال حق الريان يفتحون النفس الي اصلن اتكون تعبانه لنه حشاشة جوفها مريض-------------
وفكره الزامي دوره تعامل مع الجمهور
والازامي ايكون اسمها واضح للجمهور ويكون فيه صندوق شكاوي

[القيادي]

يبيلهم برنامج تدريبي مكثف في ( التميز في خدمة العملاء )
يعطيك العافية اخوي

أنا اعتقد ان الدورة الحقيقة هي البيت والتربية ان انعدمت الثنتين لا تنفع لا دورة ولا غيرها .

[ارين]

نعم صدقت لاحظت هالتصرف من بعض الموظفات في مركز آخر ..
فالتعامل مع الجمهور يبيله فن وذوق وليس الكل يجيد هـ الفن ..

وإضافة إلى ما ذكرته من إفشاء السلام ..

بـ الابتسامة :) .. يمكن تملك به قلوب البشر لا تكلفك شيء ولكنها تكسبك الكثير
فهي رغم بساطتها فإن لها تأثير السحر وهي لغة تستطيع القول بأنها عالمية لا تحتاج إلي ترجمة لفهمها


وكفى بك دافعاً للابتسام قوله صلى الله عليه وسلم " تبسمك في وجه أخيك صدقة "

[فارس الكلمة]

بل قلت لها عاد ماطحتي الا فيني حطي السانج بلهاتج

ما شاء الله عليج يا بنت النوخذه .. :)

قد تكون موظفة الريان متميزة في عملها .. لكن ليس لديها فن مقابلة الجمهور .. و رد السلام ..

[أم غانم]

وعليكم السلام ورحمة الله

وربي أنج صادقة..


مركز الريان الصراحه " لآتعليق يليق"

[venum]

هذا كله بصوب

واللى منشغلة في البلاك بيري على صوب

تاخذ الكرت من غير نفس وتتطبع الورقة من غير نفس

ماقول الا ياليت يعطونهم دورة نفس الى في بدالة كيوتل يوم تتصل ولا تستفسر

يقولون لك اي خدمة اخوي وشكرا وحياك الله ,,


الله كريم

[بـــــــنت النوخـّــــذه]

[



ما شاء الله عليج يا بنت النوخذه .. :)

..

هذه بعض من ردات فعل الحليم إذا غضب :omen2:

قالوها : اتقي شرّ الحليم اذا غضب ::nice::

[bshayer]

إذا كان الإنسان ليس جدير بحسن الخلق كيف يكون جدير بعمله مااعظم الكلمه الطيبه وحسن الخلق

[حسن]

ماتلومهم من البشريه للى تمر عليهم

[R 7 A L]

ياجماعة شتنتظرون من ناس ماعندهم الإشهادات اعداية أو ثانوية بالدز
خلصوا واشتعلوا على طول
المفروض ست شهور دورة في فنون الاستقبال بعدها يوزعونهم
وياليت فئة كيمرات مراقبة عليهم

[م. عبدالعزيز]

ياريت لو المجلس الاعلى للصحه يبتكر طريقه جديده في الدوله ويكون فيه مستشفى حكومي مجاني ثاني غير مستشفى حمد ويكون بينهم تقييم للاداه وووو علشان يظهر التنافس وتتحسن السمعه والخدمات ... مثل ماصار لكيوتل.. لانه مشاكل مستشفى حمد ومراكزه الصحيه زادت هالايام ...

غير جذي بنتم على هالحال طول عمرنا .. و2022 جاي فالله يستر ..

[bshayer]

اشكر كل من ابدى برأيه لهذا الموضوع وأتمنى ان يأخذ الموضوع بعين الإعتبار إحنا مو اعداء

[bshayer]

شي يضايق إني اكون واقفه ولو اتم سنه واقفه محد بتقول تفضلي ولما اقول السلام عليكم تصد وتسوي نفسها ماسمعت والله عيب هذا كوم وطريقة تعاملهم كوم

[إلا..إذا]

انا اقول يجيبون لنا لبنانين ولبنانيات لانهم بشوشييين وحلوييين وتعاملهم حلووو لو همووم الدنيا فيهم:shy::rolleyes2::secret:

[روح الاطلس]

والله كفو يابنت النوخذة ياليت اقدر اسوي نفسج واادبهم ههههه صج يبطون الجبد وماييون الا بالعين البنفسجية

وهالشي ملاحظ بكل المراكز الصحية على شنو يبه وسعوا صدروكم هذا وهم مجرد استقبال مب دكاترة عليهم ضغط ماغير تاخذ البطاقة وتعطي رقم !! لا ضغط ذهني ولا جسدي!! على شنو خياس النفس!

[الصريحه]

الله يهديهم

[بويعقوب]

ذ كرتيني بموقف مريت فيه .. رحت مره لمركز صحي مع واحد من ربعي ويوم وصلنا شباك الصيدلية كان فيه موظفة عربية (( متحجبة )) فسلم رفيجي وعطاها الورقة فخذت الورقة بخياس نفس ولا ردت السلام انا الموقف استفزني فقلت لرفيجي ب
صوت مسموع عشان تسمع الموظفة قلت هالاشاكل ماتسلم عليها تقط الورقة عليها وهي تجيب دواك وهي تضحك .. عطتني نظرة كلها استحقار وحسيتها تغلي من داخلها خذنا دوانا ومشينا . .
فعلا في اشكال ماتجي الا بهالطريقة

وعَنْ أَبِي هُرَيْرَةَ قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( لا تَدْخُلُونَ الْجَنَّةَ حَتَّى تُؤْمِنُوا ، وَلا تُؤْمِنُوا حَتَّى تَحَابُّوا ، أَوَلا أَدُلُّكُمْ عَلَى شَيْءٍ إِذَا فَعَلْتُمُوهُ تَحَابَبْتُمْ ؟ أَفْشُوا السَّلامَ بَيْنَكُمْ ) . رواه مسلم ( 54 )

الأمر بإفشاء السلام عامٌّ يشمل جميع المؤمنين ، فيشمل الرجل مع الرجل والمرأة مع المرأة ، والرجل مع محارمه من النساء . فكل واحد من هؤلاء مأمور بابتداء السلام ، ويجب على الآخر الرد

إلا أن الرجل مع المرأة الأجنبية عنه لهما حكم خاص في ابتداء السلام ورده نظراً لما قد يترتب على ذلك من الفتنة في بعض الأحيان

من أقوال العلماء :

- سُئِلَ الإمام مَالِك هَلْ : يُسَلَّمُ عَلَى الْمَرْأَةِ ؟ فَقَالَ : أَمَّا الْمُتَجَالَّةُ (وهي العجوز) فَلا أَكْرَهُ ذَلِكَ ، وَأَمَّا الشَّابَّةُ فَلا أُحِبُّ ذَلِكَ

- وفي الآداب الشرعية (1/ 375) ذكر ابن مفلح أن ابن منصور قال للإمام أحمد : التسليم على النساء ؟ قال : إذا كانت عجوزاً فلا بأس به

- وقال صالح (ابن الإمام أحمد) : سألت أبي يُسَلَّمُ على المرأة ؟ قال : أما الكبيرة فلا بأس ، وأما الشابة فلا تستنطق . يعني لا يطلب منها أن تتكلم برد السلام .

- ونَقَل عن الْحَلِيمِيّ أنه قال : كَانَ النَّبِيّ صَلَّى اللَّه عَلَيْهِ وَسَلَّمَ لِلْعِصْمَةِ مَأْمُونًا مِنْ الْفِتْنَة , فَمَنْ وَثِقَ مِنْ نَفْسه بِالسَّلامَةِ فَلْيُسَلِّمْ وَإِلا فَالصَّمْت أَسْلَم

[طموحة]

اخوي بويعقوب حتى لو كنا موظفين

رجال ونساء بعد مانسلم عليهم ..؟

[بويعقوب]

اخوي بويعقوب حتى لو كنا موظفين

رجال ونساء بعد مانسلم عليهم ..؟


العلماء قالو من وثق من نفسه بالسلامه فليسلم والا فصمت أسلم لكن بالنسبه للمرأة لا أعلم

[منتهى الحكمة]

كيوتل ما استعدلوا ألا يوم خلو المكالمات مسجله يعني في مراقبةعليهم ولا قبل أخس من اللي تقولون عنهم ..آنا مع اللي يقول لازم كاميرات مراقبة عليهم غير هذا مافي حل .. مع الاعتذار للباقي ولا أقصد الكل . أشكر صاحبة الموضوع ترانا مقهورين منهم وايد .

[%حورية قطر%]

صحيح 00البعض يجهل فنون التعامل مع الاخرين 00اذا انتو متضايقين من مشاكلكم الاسريه لا تحملون الناس ذنبها بطريقه معاملتكم لهم 0:omen2:00

انا ماعندي خلفيه للامانه عن مركز الريان الصحي وما اقدر احكم بشكل خاص00ولكن في احد المراكز الصحيه القريبه من بيتي استغربت من موقف والله لو حجر كان نطق وحس00كنت واقفه اخذ لي بطاقه الا اشوف مره هنديه كبيره بالسن والله اتعور القلب وتبكي وهبابها توقف وذي المبرقعه الي قاعده على الاستقبال اتهاوشها قلت لها اختي عسى ماشر قالت ليّ ماييصر تطلع الا لازم تدفع فلوس الدوى 00قلت لها كم قالت 20 ريال 00قلت لها انزين الا 20 ريال الله يهداج والمره تكسر الخاطر وقالت لج بكره بدبرهم لج وانج تاخذين بطاقتها الشخصيه و فتحت بوكي وعطيتها إلا الاخت المبرقعه هدت فيني جدام الناس بل قلت لها عاد ماطحتي الا فيني حطي السانج بلهاتج وكملي شغلج عليج الفلوس ياتج وبس وخلصي اجراءاتها 00الا قالت هذي شغالتج قلت لها لا انا شتغل عندها 000وكملي وانتي ساكته وتعلمي اشلون تحترمين الناس 00
0بعضهم يخلون الواحد يضطر يخرج من طوره بتصرفاتهم الي مافيها ذوق واحترام 000

ومره بعد دخلت على دكتوره بووووووووووووووومه اعوذ بالله من شكلها اول ماشفت وجها قلت لها اسفه مغلطه 00حشى ماتنتشاهد هذي بروحها يبغيلها دكتور نقسي خاص يعلمها اشلون تستقبل المرضى 00

الخلاصه : ان الانسان يحسن تصرفه مع الاخرين لان احتمال يطيح بشر اعماله بناس يفشلونهم عدل ويعلمونهم ان الله حق 00والانسان حلاته يترك سمعه طيبه له امام الاخرين
:)

كفو عليج يا بنت النوخذه :nice:

وفعلا هالموظفاات يبيلهم دورة في التعاامل

[بـــــــنت النوخـّــــذه]

ياجماعة شتنتظرون من ناس ماعندهم الإشهادات اعداية أو ثانوية بالدز
خلصوا واشتعلوا على طول



والله ساعات الي عندهم شهاده ثانويه واعداديه وابتدائيه وبالروضه بعد افضل مليون مره من واحد عنده شهاده جامعيه وشهاده علميه عاليه 000اتحصله مخيس النفس يحسب عمره آينشتاين زمانه ومحد حوله :nice:

عمر الاخلاق ماتقاس بدرجة الشهاده العلميه 000

[بوخالد911]

الله يصلحهن

نون النسوة

[الـقـاسـي]

انتوا شفيكم شادين حيلكم على الموظفات ترى بعظهم مالومهم على اللي يسوونه في الناس .. بعظهم يجي يعامل الموظفه كانها خدامه ان شاء الله تبونها تعدل النفسيه مع هالاشكال ..

وبعضهم يسلم ويحاول يسولف ويا البنت يعني ماتبونها تتضايق ترى فالنهايه بشر اهما ..

[مسك روز]

مب بس المستشفيات حتى البنوك

ماعرف ليش مايردون السلام


ونفس خايسه مادري على شنو

[الـقـاسـي]

ياجماعة شتنتظرون من ناس ماعندهم الإشهادات اعداية أو ثانوية بالدز
خلصوا واشتعلوا على طول
المفروض ست شهور دورة في فنون الاستقبال بعدها يوزعونهم
وياليت فئة كيمرات مراقبة عليهم

افااااااا يارحال انصدمت من هالرد انه منك لاني اشوف اغلب ردودك تدل على انك انسان محترم ..

هل الشهاده هي من تجلب الاحترام وحسن الخلق ؟؟

كم انسان وقح بمعنى الكلمه قابلناه في حياتنا العامه وهو من حملة الدكتوارة او الشهادات العليا ..

وكم من ابهاتنا وامهاتنا او اخوانا في هالمنتدى او على ارض الواقع مايحملون الا الشهادة الثانوية او الاعدادية او حتى الابتدائيه فقط وهم في قمة الاحترام والخلق ..

اتمنى تكون غير مقصوده كلمتك بالمعنى الحرفي ..

[شبح الصمت]

يبيلهم برنامج تدريبي مكثف في ( التميز في خدمة العملاء )



أرحــم الله والديــك

أجديت في طرحك للنقطة هذه

المفــروض يكون لهم هالدور والمفروض الابتسامة ما تفارقهم لو مكشفين أما متنقبين مب مشكلة يبين حاجها اذا ابتسمت لك

:victory:

[bshayer]

والله ساعات الي عندهم شهاده ثانويه واعداديه وابتدائيه وبالروضه بعد افضل مليون مره من واحد عنده شهاده جامعيه وشهاده علميه عاليه 000اتحصله مخيس النفس يحسب عمره آينشتاين زمانه ومحد حوله :nice:

عمر الاخلاق ماتقاس بدرجة الشهاده العلميه 000

انا معاج اختي احيان نصادف ناس متعلمين وتعاملهم زفت

[bshayer]

انتوا شفيكم شادين حيلكم على الموظفات ترى بعظهم مالومهم على اللي يسوونه في الناس .. بعظهم يجي يعامل الموظفه كانها خدامه ان شاء الله تبونها تعدل النفسيه مع هالاشكال ..

وبعضهم يسلم ويحاول يسولف ويا البنت يعني ماتبونها تتضايق ترى فالنهايه بشر اهما ..

اولا"كل واحد يتعامل بأصله واستمع إلى الإمام الشهيد وهو يوجهنا فيقول : ( كونوا للناس كالشجر .. يرميه الناس بالحجر فيرميهم بالثمر ).

ولازم تكون مقابلة الاساءة بالاحسان هذا لو في حد اساء لهم

[بن غنيّم]

انا اللي لاحظته ان المكان اللي يكونون كله حريم شغالين فيه متكهرب دايمن الجو بين البنات متكهرب ليش وشالسبب الله العالم !

[صوت الضمير]

ههههههههه موب بس في المستشفى في كل مكان فيه خدمة العملاء

بتلقى نفسيات ... يعني اتوقع هالشي طبيعي

وانا انسانه اعطي كلن ومزاجه .. واذا ماردت السلام كيفها اهم شي تخلص موضوعي..

أبداع

[latty]

ياخوي والله هذولا حريم ومب محطوطين بالاستقبال للابتسام ورد السلامات ايش ابتسامات وتضحك والاسلام يحرم هذا

تقول السلام ان ردن ردن وان ماردن اعذرهن اخذ رقمك وتوكل مب شرط تبتسم لك الموظفه وكلهن منقبات يعني كيف تبيها تبتسم

[eXpert*]

غريبة هالموظفات ما يدخلون معهد التنمية الادارية ؟

أخبر في دورة 6 شهور لاي موظف جديد .

بس الحق يقال : الموضوع ماله دخل في الدورات وغيره ،، اذا الواحد يشتغل من طيب خاطر بيبدع من غير دورات ولا شي.
لكن ربعنا شغالين بس عشان راتب اخر الشهر والسلام.

[SmartMan]

سؤاال أخي الكريم :

أنت جاي تسلم وتدق سوااالف ولا جاي تراااجع ...؟؟؟

أولاً السلام لله لا لك ولا للموظفة إن سلمت تؤجر وإن ما سلمت مانقص منك شيء ((وين المشكلة))؟؟؟؟

أرجو أن ما نفتح مواضيع لاتقدم ولا تأخر

[NeverLand]

عفيه عليج بنت النوخذه زين سويتي والله .. ويخصوص موظفات الاستقبال ياخي لايبتسمون مانبي نشوف ابتسامتهم .. بس ترى الذوق مطلوب بالتعامل مع الصغير قبل الكبير والفقير قبل الغني .. وسالفة السلام هذي اكثر شي تبط جبدي وترفع ضغطي الصراحه .. ترى رد السلام ببلاش وماتاخذ الا اقل من ثواني حتى .. هالشي للاسف ماوقف بس على موظفات الاستقبال .. حتى الناس العاديين لما تدخل بأي مكان .. الذوق انعدم عند البعض للاسف .. ترى كلها كلمتين وخلاص .. ومانبي لا ابتسامه ولا شي .. عالاقل وجه عادي بدون تعابيير منفره ! .. ندري ان موظفات الاستقبال بشر مثلنا ويمكن عندهم مشاكل يمرون فيها .. بس الناس شذنبهم ؟ ترى كلنا عندنا مشاكلنا الخاصه .. لكن مانروح ونطلع حرتنا بخلق الله ..


ياجماعة شتنتظرون من ناس ماعندهم الإشهادات اعداية أو ثانوية بالدز
خلصوا واشتعلوا على طول
المفروض ست شهور دورة في فنون الاستقبال بعدها يوزعونهم
وياليت فئة كيمرات مراقبة عليهم

اخوي اسمحلي ماتوفقت ابداً بهالرد والاخلاق مالها علاقة بالشهادات .. ياما ناس مروا علينا ماعندهم حتى ابتدائية لكن اخلاقهم توزعها على بلد بكبره .. وناس عندهم دكتوراه لكنهم مخيسين النفس وعبالهم صاروا مالكين الدنيا باللي فيها ويدوسون على راس البشر .. والعكس صحيح .. وبعدين اعتقد في معانا ناس عندهم نوعية الشهادات اللي ذكرتها مب حلوه في حقهم انك تقلل من قدرهم .. اتمنى ماتزعل مني اخوي الغالي بس كلامك استفزني ..

[becauzah]

السلام عليكم ورحمة الله وبركاته
لفت انتباهي طريقة استقبال موظفات الريان للمراجعين والمرضى "مو الكل "
ياجماعه انتوا موظفات ليش مكشرين مو عاجبكم المكان خلوه ...
المشكله اني رحت قبل فتره اراجع وكانت بأستقبالي موظفه طبعا انا بديت بالسلام عليكم شنو كان ردها طنشت وكررت السلام وطنشت وكررت السلام عقب تنازلت ترد كان ردها وين البطاقه وانا من الصبح اقول السلام عليكم لمن( لي مثلا") قلت يمكن الموظفه طفشانه ورحت بعد فتره اشوف الثانيه نفس الطريقه طيب ليش اسلوبكم زفت بصراحه مافي احترام للمرضى والمراجعين(مايسوى علينا نسأل أونستفسر)
بهالطريقه تشوهون صورتكم المهم المركز فيه قسم طوارئ اطفال وله استقبال خاص فيهم
لما رحت قسم طوارئ الريان فعلا" موظفات اخلاق واسلوب فالتعامل ولا اروع وكالعاده سلمت وردوا السلام واستفسرت عن شي ووجهوني بأسلوب راقي يليق بموظفة استقبال
عموما تعاملكم يدل على اخلاق الموظفه ..

كل الشكر لموظفات استقبال قسم طوارئ الريان كثر الله من امثالكم
قال النبي صلى الله عليه وسلم: "لا تدخلوا الجنة حتى تؤمنوا، ولا تؤمنوا حتى تحابوا، أولا أدلكم على شيء

إذا فعلتموه تحاببتم؟ أفشوا السلام بينكم".

يمكن كانت شيعية لا تلومينها

[بوصلووح]

اي والله وايد منهم يضااااايقونك من تكشرهم و خياس نفوسهم
لكن والله في وحده في مركز عمر بن الخطاب ماااقصرت وياي
حتى يوم اخروني عن التحليل هي خذت الكرت و دخلت على المختبر و خذت تحليلي .
والله من حسن تعاملها وياي عبالي انها وحده من الأهل .. لكني ماعرفتها.
بيض الله ويهها و الله يشرح صدرها و يسعدها و يكثر من أمثالها
ياليت كل الموظفات جي يبادرون لمساعدة المرضى
خاصة المرضى يبون شي يخفف عليهم مب يزيد همهم مع التعامل الزفت

[طموحي مبدع]

انا دايما اراجع بالريان

بالعكس الموظفات بالاستقبال متعاونات

بس مشكلتهم بالملف لازم تنطره لين مايوصل الدكتور

بس مركز الريان معرووف زحمه وضغط

وااايد زين بس الدكاتره بعضهم نفسيه

[الشقيان]

طيحين ضرب في هاالفلافل :rolleyes2:

[bshayer]

سؤاال أخي الكريم :

أنت جاي تسلم وتدق سوااالف ولا جاي تراااجع ...؟؟؟

أولاً السلام لله لا لك ولا للموظفة إن سلمت تؤجر وإن ما سلمت مانقص منك شيء ((وين المشكلة))؟؟؟؟

أرجو أن ما نفتح مواضيع لاتقدم ولا تأخر


انا طرحت الموضوع كوني مراجعه مو مراجع ومو اول مره من سنة جدي اسلوبهم زفت
ياليت لو يحسنون تعاملهم ولنفرض اني مراجع خير انشاءالله ارد السلام واتعامل بمايرضي الله عيل ليش تقبل تكون موظفة استقبال هي تعرف ان المكان عام

[لافوشيا]

الله يعين ويصبر الناس :weeping: