للاسف الشديد ( رفع اسعار البترول في قطر اعتبارا من الغد )

[MAZEN37]

بعد بحث الامر ومراجعة الفكر استطعت الوصول الى الاسباب الحقيقية لهذه الزيادة واهمها تقليل استخدام السيارات الى الحد الادنى للوصول الى الاهداف النالية :
1. تقليل الحوادث
2. تقليل الزحام المروري
3. حماية البيئة من انبعاثات الغازات
4. حماية طبقة الاوزون
5. المحافظة على الصحة العامة بتشجيع المشي واستخدام البدائل مثل الدراجات وما شابهها
6.التشجيع على الادخار بشراء سيارة واحدة للعائلة.
7. تقليل التحويلات المالية المقيمين الى الخارج
8. حماية الشوارع والبنية التحتية بتقليل استخدام الشوارع
9.زيادة الروابط الاجتماعية من خلال الجلوس بالمجالس والاستخدام الجماعي للسيارات
10. تقليل الوافدين ( السائقين) بعد الاقتصار على سيارة واحدة
11. تشجيع استخدام المواصلات العامة (كروة واخواتها )

وبالنهاية نشكر من اصدر هذا القرار على هذه الهدية واهتمامة بالوطن والمواطن فأن ما سوف نجنية اكبر بكثير مما سوف نخسرة

وسلامتكم وكل زياده( قصدي هديه) وانتم بخير
ما اعتقد احد بتأثر وبيسوي كلامك من تقليل استخدام السيارات ما شابه
الي بيصير انه كل شي بيرتفع سعره من كل الي ذكرته وبالنهايه التضخم بيزيد

[قطري رزه]

ياجماعه حسبه بسيطه بس ..

كل واحد فيكم الحين يحسب راتبه لمده عشرين اقول 30 سنه بدون قسط بنك التنميه بدون قسط البنك

وبيعرف 30 سنه تشتغل وتكد وتخدم ديرتك واخرتها شوف قيمتك عند ديرتك . . .

[مساهمة بسFresh]

نستاهل اكثر ؟؟!!

لأن ماروينا الحكومة موقف ثابت وقوي لنا من أي قرار يصدر وما " يهتم لردة فعلنا " وهو في نفس الوقت يخصنا " كمواطنين " ليش مايشكل وفد من أهل قطر لمقابلة سمو الأمير أو ولي العهد أو معالي رئيس مجلس الوزارء لتوصيل صوت الاحتجاج والاعتراض من قبلنا كمواطنين مهو بخصوص ارتفاع أسعار البترول وبس إلا بكل مايقلق راحة وتفكير المواطن " المسكين " وشرح ما يعانيه في معيشته بكافه اشكالها !!!

رجاءً لا حد يدش ويقول الكهرباء والماء ببلاش " دبلتوا كبدي " بذا السالفة :(

:eek5: ماروينا من؟:secret:

[*¤ بن قطر¤*]

بلد البترول و أكبر مصدر غاز في العالم ... ترفع سعر البترول ؟؟؟

هذه البدايه ... و مايندرى ايش تاليها ...

وطني الحبيب ... كل شي يرتفع ولا يهبط ... الا البورصه !!

[مضاد]

عدد سكان قطر مليون و 700 الف .. و القطريين منهم يتراوحون بين 250 الف الي 300 الف ... يعني نسبة بسيطة ومحدود ... فا ارتفاعه للاجانب بلاشك انا أؤيده بشده بس المشكلة هالزيادات ماتثر فيهم لان حياتنا بناسبة لحياتهم والاوفر الي يستلمه مقابل مبلغ ايكون ايوفي معاه على ستنادرد بلاده هذا ماياثر عليهم...وخصوصا ان بعض العقود مربوطه بتاثر الدولار اذا زاد الدولار اجباريا ايزيد راتبة وهذا من شروط العقد لان يحسبونها بحسبتهم لان عملت بلادهم غير مربوطة بالدولار فانضطر احنا ياهل البترول انزيده لان نخاف ايعنفص لان اذا عنفص كل شي بيخترب :) بس هو ايعرف متى ايعنفص ..ذكرني بمخلوق خدوم .

المشكله عندنا مستحيل شي ايكون مخصص لك كقطري ... يا اما تنصهر مع شلة هالاجانب وتحاول تطلع منهم مثل لمع البرق اليماني او اتم مكانكم مثل حرف مبنى على المجهول .

أبسط مثل ...روح المرور ... استخرج اي شي تحتاجه تلقا العمال و الجنسات من كل حدب ونسل وعباس على دباس ... وانت في الطابور معاهم ...ياجماعة هذول شغلتهم ايبارون اشغالهم لهم كفلا ومندوبين شركات ..اما احنا نستأذن من اشغالنا و نبي نخلص امورنا ونرجع تنصدم بالي تشوفة ...والنظره العامه ان المسؤولين كل ماتقولهم انخصص شي للقطريين يعتقدون ان بس حق الفلسفه والفشخره ...الخ ....و الواقع مختلف تماما ...

ابسط مثل من اقوى دمقراطيات في العالم ومنبع الدمقراطيات و اول من روج لها ...
الي هي شمال امريكا وبالتحديد كندا ..

الهنود الحمر الي هم تعترف فيهم كندا كشعب اصلي واساسي لتلك الارض ليس مجنس او مقيم ... له امتيازات وحقوق لا احد يتناقش فيها عندهم ....

معفي من الضرائب
لا يدفع تكاليف علاج ايا كان
لا يدفع ارباح طيران فقط الرسوم الاساسيه .
راتب شهري للباحثين عن العمل الي ان تجد عمل .
وامتيازات في السكن و الكهرباء والماء ...الخ
مقدم في جميع الامور عن اي فرد آخر . والجميع يعترف بان هذا حق لهم ..

احنا مانقدر نعترف بان هذا حق لنا قدام بنغالي عادي ايبوقك و امورك اتعلق في المحاكم لين الله ايشوف لك وفي النهاية ايقولك ماعنده فلوس ...عيل شيسوي عايش عندنا ويشتغل في التجاره وعنده منجره ولا حداده في الصناعية والمشاريع تطحن ليل نهار ...:) ولين زادة الاسعار ... زاد عليك ..ولين صادوه وحققوا معاه ...قالوا لك معنده فلوس ...بنسفره ... ياسلام والله ياسلام ...



برزان ,, اتعبتيني


وهذا الواقع المحزن :weeping:

[موضي قطر]

:eek5: ماروينا من؟:secret:


الحكومة !!!
أو حتى أي احد يصدر قرارات " تقهر المواطن " وتأرق عيشته :anger1:

وليـــش الخـــوف ؟؟

واحنا أميرنا " أبو مشعل " والله لو درى ان احنا مب راضين عن الأمور اللي " تغثنا " كان ماوصلنا لمرحلة انتظار من " ينوب " عنا في توصيل صوتنا للقيادة :(

[*¤ بن قطر¤*]

الحكومة !!!
أو حتى أي احد يصدر قرارات " تقهر المواطن " وتأرق عيشته :anger1:

وليـــش الخـــوف ؟؟

واحنا أميرنا " أبو مشعل " والله لو درى ان احنا مب راضين عن الأمور اللي " تغثنا " كان ماوصلنا للحاله من انتظار من " ينوب " عنا في توصيل صوتنا للقيادة :(

يرجى وضع هذا القرار بعين الاعتبار بأن " الحكومة " تنظر في مصلحتها فقط لاغير ... وان آخر همها هو " المواطن " لثقتهم التامه بأنه لاحول له ولا قوه الا بالله ...

لانهم على درايه تامه بأن شعبهم الوفي سوف تتعالى اصواتهم في الراديو و المنتديات و غيره ... ولكن بعد فتره بسيطه سوف يتانسون و كأنه شئ لم يكن !!!

[بنت صقار]

بدل المجلس البلدي اللي طايح في جبودنا..يحطون مجلس القبايل عشان يلتقون مع الامير ويوصلون له شكاوي اهاليهم..افضل..(ودورة راح يكون فعال..) <<عذروني بعقليه 15 سنه..فاتت..
نزلت لقطر ولقيت الحوسه وللحين منصدمه بالمجتمع القطري:((مبطيه منكم))

[موضي قطر]

بدل المجلس البلدي اللي طايح في جبودنا..يحطون مجلس القبايل عشان يلتقون مع الامير ويوصلون له شكاوي اهاليهم..افضل..(ودورة راح يكون فعال..) <<عذروني بعقليه 15 سنه..فاتت..
نزلت لقطر ولقيت الحوسه وللحين منصدمه بالمجتمع القطري:((مبطيه منكم))

امحق مجلس بلدي والله لو انتم على وجهاء وكبار القبايل في المطالبة بالنظر في أمورنا لكان أبرك من مجلس وضع واجه و " لذر الرماد في العيون " :rolleyes2:

[hamoor4ever]

احمدو ربكم انتو احسن من مصر وسوريا هههههههههههههههههههههههههه :nice: بس طبعا لالالالاالالالالا مب احسن من الكويت :tease:

[HADi]

في الوقت الذي كان الشعب القطري ينتظر ويتأمل امور تسعده
جاء الخبر التالي برفع سعر البنزين

[واحد ثقة]

حلول بديلة ،،

http://up.arab-x.com/Jan11/d8h66014.jpg

[موضي قطر]

في الوقت الذي كان الشعب القطري ينتظر ويتأمل امور تسعده
جاء الخبر التالي برفع سعر البنزين

لا حول ولا قوة إلا بالله ...

[البانوش]

ياجماعة عليكم بالدعاء

ان نطلب من الله يغير الاحوال في بلادنا

ويكون في عون الضعفاء والمساكين والارامل وذوي الدخل المحدود

وخاصة اهل قطر وربنا قال ادعوني استجب لكم

ادعي ربك ونت في اي مكان ان الله يفرجها على اهل قطر

ون شاء الله ربنا مايخيب ظن عبدة

عليكم بهذا الدعاء

(( ياالله ياالله يالله نشكيك ضعف حالنا كن معنا ولاتكن علينا )).

[موضي قطر]

[FONT="Courier New"][COLOR="Navy"][SIZE="5"][B]
ياجماعة عليكم بالدعاء

ان نطلب من الله يغير الاحوال في بلادنا

ويكون في عون الضعفاء والمساكين والارامل وذوي الدخل المحدود

وخاصة اهل قطر وربنا قال ادعوني استجب لكم

ادعي ربك ونت في اي مكان ان الله يفرجها على اهل قطر

ون شاء الله ربنا مايخيب ظن عبدة

عليكم بهذا الدعاء

(( ياالله ياالله يالله نشكيك ضعف حالنا كن معنا ولاتكن علينا )).


كلامك في الصميم مالنا إلا الدعاء عسى الله يفرجها علينا

[M007]

لا جااامعات نقدر ندشها

ولا معاشات عدله

ولا شى عددددددددل

ياااربي شنسووووي


خير قطر لغيرررررررررررها

واذا تكلمت الكل يقول احمدي ربج ...


الحمدالله على كل حاااال
لو يابوا جامعات اسهل

بيخسرون

شلون بيفاشرون بعدين
خل يحطونها في مرسدسات حق كاس اسيا احسن عشان يبنون قطر شقد عندها فلوس

:secret:

[تهامي باشا]

من شوي رحت اعبي سياراتي كروزر 8 سلندر
قبل كان الفل 95
الحين صار الفل 120 !!!!

[Q_PG_S]

السلام عليكم و رحمة اللله و بركاته
في غياب تمثيل شعبي قوي واختفاء دور مؤسسات المجتمع المدني، اصبح المواطن و المقيم مكشوف أمام بعض القرارات اللي لها تأثير سلبي على حياته منها هذا القرار.
الآمر الذي يطرح عدّة نقاط منها :-
1- أن معدّل الاستهلاك المحلي للمشتقات النفطية يبلغ نحو 85 الف برميل يومياً (بحسب جريدة الشرق اليوم )، أي نحو 13515000 لتر ( 1 برميل = 159 لتر) و معدّل الزيادة في اللتر كحد الأدنى نحو 0.20 ريال ، حينئذ تكون الزيادة 2.7 مليون ريال قطري يومياً تضاف إلى حسابات وقود أو 987 ميلون ريال قطري سنوياً تقريبا. ( ولا يهون الدوري القطري)
2- أثر هذه الزيادة على فاتورة الانفاق الشهرية للأسرة (مكونة من الزوجين و ابنين) -متوسط دخلها 12 الف ريال قطري شهريا و لديها سيارتين - بشكل مباشر أو غير مباشر.
أ- بشكل مباشر: على افتراض أن السيارتين احداهما كبيرة ( يوكون أو لاندكروزر) و صغيرة ( كامري مثلا) تكون فاتورة المحروقات بالسعر السابق نحو الف ريال شهري ( 600 ريال للكبيرة و 400 للصغيرة) لتصبح بالسعر الجديد نكون 1200 ريال شهريا لترتفع النسبة من 8.3% إلى 10% شهريا( الفرق 1.7%).
ب- بشكل غير مباشر: على افتراض أن النفقات الأخرى تبلغ 7500 ريال شهرياً و أن نسبة قيمة الوقود فيها تكون 4% تعادل (300 ريال)تصبح بعد الزيادة 20% نحو 360 ريال و تشكّل نحو 0.5% (نصف بالمئة)
أذن تكون الزيادة في النفقات= 1.7+0.5 = 2.2%
السوآل المطروح من يتحمل التكاليف هذه ؟هل هو المستهلك أم التاجر
3- النقطة الثالثة: هي وضع معدل استهلاك الوقود في الاعتبار عند شراء السيارة( كم كيلومتر تقطعه مقابل اللتر)وكذاك أختيار نوعية بنزين أقل بقصد التفير و أن كانت على حساب الودة في ضوء ما توصي به شركات السيارات.

[قلم طموح]

ابشروا هاي بدايتها
وارتفاع البترول يؤدي الى ارتفاع جميع الصناعات لانها تعتمد على البترول

الله يعين........................

[qatar-uae]

امحق مجلس بلدي والله لو انتم على وجهاء وكبار القبايل في المطالبة بالنظر في أمورنا لكان أبرك من مجلس وضع واجه و " لذر الرماد في العيون " :rolleyes2:


:omen2:

[قطري123]

الله يرحمنا برحمته

[_QTR_]

اول الغيث قطرة
\
/
\
/
\
/
\
/
\
/
\
/
\
/
\
/


والقــــــــــــــــادم اعظم

احساسي يقول ان الكهرباء والماء بيخلونها بفلوووووووووووووووووس

[لطآم]

اهم شيء ربعنا مستانسين
احنا يهمنا راحتهم وهم مب لازم
يهتمون براحتنا

[خزامئ]

لاتفاول
الله يرحمنا برحمته

[آهـل شَـرق]

اول الغيث قطره

[كازانوفا]

لا حول ولا قوة الا بالله

[سلامي للكل]

:nice:

http://www.up.qatarw.com/up/2011-01-23/qatarw.com_519842333.png

صح الله لســان الشـــاعر :shy:

[Rider]

وتقولون قطر مافيها ضرايب

[دااانة قطر]

هذا الخبر بمناسبة اليوم الوطني اللي راح والفوز بكأس العالم 2022

والقادم مذهل ..


الله المستعااان

[دااانة قطر]

عادي خل يزيدون البترول حنا اغنى شعب فالعالم واكثر اجور
وبعدين احنا بنستظيف حدث كبير لازم يكون عندنا ميزانيه كافيه

حق ارصدة سويسرا والحدث الي لازم يكون من قوت الشعب

ماي كهرب تعليم علاج مجاني ورواتب تفوق الخيال

ماتشوف انحن نسدد ديون بلدان ثانيه

ونخلق فرص عمل في بلدان اخرى

ونسددرواتب موظفين ثلاث دول
وننفق بالهبل لانا عندنا فلوس محد يبيها من الشعب الشبعان الي ماعليه قاصر

حنا الدوله الي مافيها عاطلين عن العمل

وحنا الدوله الي مافيها مساجين من الديون
وحنا الدوله الي مافي ولا واحد من الشعب ياخذ من الضمان الاجتماعي ولا الجمعيات الخيريه وصندوق الزكات لانا عددنا ماوصل اربع مائه الف نسمه فعادي يكون كل الي ذكرته حقيقه ولاحد يقدر يقول شي في كلامي لان الدوله اغنا من اي دوله فالعالم حتى اورباء وامريكا



اناقعان انا بنام ....



:nice::nice::nice:
في الصميم

[دااانة قطر]

عقبال الكهرباء والماء ودوخة القطري ورى الفواتير


الله يعين


الله لايقوله


شفيكم هدوا ياجمااعه

[NET MASTAR]

احد يبيني اوصله؟؟

http://up.arab-x.com/Jan11/d8h66014.jpg

[الايرباص320]

اهم شيء ربعنا مستانسين
احنا يهمنا راحتهم وهم مب لازم
يهتمون براحتنا

اكيد :victory:

[ام السعف]

اهم شيء ربعنا مستانسين
احنا يهمنا راحتهم وهم مب لازم
يهتمون براحتنا

فديتهم،، واحنا شلي مسكتنا الا حرصنا على وناستهم :telephone:

[الوسيط العقاري]

http://sphotos.ak.fbcdn.net/hphotos-ak-snc4/hs994.snc4/76777_180010312012178_100000096321798_628652_82268 30_n.jpg

[هام السحاب]

يام السعف تعوذي من ابليس
حاولي تنسين الموضوع و تفكرين بالمستقبل
كاس العالم مثلاً او استقرار لبنان

[بوصلووح]

لاحول ولا قوة الا بالله
اللهم اكفنا شر الغلاء

[هبوب الكوس]

هااااااااااا

قلت في حدى ردودي احنا السبب .. لأن احنا شعوب " ماتصمل " على موقف والدليل ردود " ام السعف "
اللي تحب الحكومة :(

الامارات زادو عليهم البترول 3 مرات وفي فترات بسيطه من زياده لزياده والناس يوم يومين وينسون

الكلام ماخوذ خيره

لاكن اذا المقصد اخراج مافي النفس والقهر مافي اشكال

علينه التقبل بالواقع اختي موضي

والقادم احلا واجمل :)

[mooona]

عادي اخوي زادو علينا درهمين بس . . يعني بحسبة بسيطة . . سيارتك تشيل اربعين لتر اضرب درهمين في اربعين

2 درهم × 40 = 10 ريال

الحمد لله والشكر لك يارب انتم مارحتو سوريا شوفو كم تعبون تانكي البترول سيارة الصالون فوق 200 ريال

والسيارات الكبيرة فوق 350 ريال والاردن نفس الشي

صحيح كلامك بس سوريا مب غنية بالبترول والغاز فيه فرق

[دلة الرسلان]

الامارات زادو عليهم البترول 3 مرات وفي فترات بسيطه من زياده لزياده والناس يوم يومين وينسون

الكلام ماخوذ خيره

لاكن اذا المقصد اخراج مافي النفس والقهر مافي اشكال

علينه التقبل بالواقع اختي موضي

والقادم احلا واجمل :)

آجل القادم أجمل سوف تتفتح الزهور وعندما نسأل الكاشير كم الفاتورة سوف يرد علينا مدام

كان ب1089 بس أنا ما يقول هذا سعر أنا يقول 800 ريال بس وهنا تتطاير الفراشات فالحياة

جميلة :)

وعندما تشتري الجريدة سيحلف البائع عليك ويحب خشمك وهو يطلبك طلبة تاخذ الجريدة بلاش

:)

نحمدالله ونشكرة على نعمه العظيمة ولكن التقشف والتضيق على الناس في أمور ضرورية

وملحة والتبذير في أمور شكلية تافهة لا تهم الشعب تمثل أستهانة بمشاعر الناس قبل أن تكون

أستهانة بجيوبهم .

[mooona]

احد يبيني اوصله؟؟

http://up.arab-x.com/Jan11/d8h66014.jpg

احسن حل بس المشكله العباية بترفرف :nice:

[Xx QATARI xX]

للاسف تخبط واضح وغير مدروس من قبل من اصدر مثل هذا القرار وعلى حماية المستهلك اتخاذ الاجراءات الازمه وكذالك مجلس الشورى واصحاب القرار ومن يحب الخير بتوصيل الكلمه للقياده الحكيمه من الافضل اعطاء فرصه او تحديد موعد لمثل هذا القرار فهناك عقود لشركات نقل راح تنضر برفع اسعار الوقود وبهذي الزياده راح ترتفه حتى تعريفة النقل لركاب ونقل المواد الغذائيه والخام فكم درهم تضر بالكثير اين القرارات السابقه التى اصدرت بالمحافظه على السياسه الاقتصاديه والسيطره على التضخم من هنا اول قنبله لتضخم وراح تضر بجميع الشركات اولا لان لديها عقود وبعضها بتحمل وقود الاليات في موقع المشروع
رفع السعر لا يخفف ازدحام المركبات بل راح تكثر المركبات بعدد الوافدين الذين يحضرون لفرص عمل هنا
حتى الاتصالات راح تتضرر لان لديهم ومولدات بالديزل فراح يرفعون الاسعار عليكم
نسئل الله الخير لنا وبالصحه للجميع فكل شي ما يعوض بثمن وما يدوم الا الا الله وحده
ربما يجيكم قرار بزيادة الرواتب 100%


الله ينور عليك ،،

[الجزوع]

حسبي الله ونعم الوكيل

[Xx QATARI xX]

كابتشينو ستارباركس حجم صغير = 15 ريال والقهوة متروسه شباب

جات على 1 ريال / ليتر بترول ( زيادة 25 درهم )



الموضوع اذا شخصي بنقول معليه

لكن الاخوان تكلمو في امور اقتصاديه كثيره ومع الوقت كلن بيتأثر منها

[ام السعف]

خلي هام السحاب في حاله
انه اعشق المشي جنب الطوفه :omen2:

:(
................

[طارق]

الحمداالله الله يخلي الحكومه

في 2011 صار الليتر 1 في قطر وغير السعوديه مافي دوله اقل الليتر من 2 ريال


والحمدالله من الآثار الجانبيه للموضوع
1- تقليل عد المتسكعين والمتسكعات في الشوارع والمولات
2- اللاند كروزر بينزل سعره بسبب تحويل الشعب الى الصالون
3- تحول الشعب الى الرياضه بدل استخدام السياره للمسافات القصيره

نحمد الله ونشكره اننا في قطر

والي يبي يعرف قيمه حكومه قطر يقارن نفسه بالدول المجاوره

مع التحيه للحكومه القطريه

[متسلف وفي الاخير]

وارتفا ع الايجارات قادم والقادم مذهل والسبب كاس العالم اللي تبونه هههههه وانتظرو ارتفاعات اخرى ايضا

[مهل]

الاعضاء الي يرددون كلمه القادم اسواء و انتظروا القادم

والدي رحمه الله عليه يوم كان عمري ١٠ سنين كان يقولي ياولدي ادرس الدنيا بتغير مهب مثل الحين بتصعب عليكم .

بلاش ترمون كلام

اولا بديهي لانه هذا حال الدنيا ولكن مش بالطريقه الي توحون لها
ثانيا لاتحسسون الناس انكم فاهمين السالفه و عندكم اخبار حصريه تحتفظون فيها لانفسكم
ثالثا بكلامكم هذا كانكم تقولون للناس احمدوا ربكم انها جات على ٢٥٪ ارتفاع بالبترول
رابعا ردودكم يجب ان تدعم بكلام منطقي و ادله مقنعه على ماتذكرون من ان القادم اسواء ان كنتم لاتكررون مالا تسمعون .
خامسا ان كنتم تتكلمون من خبره و درايه فالنتناقش مع الاعضاء مستعدين للنقاش العقلاني

[الشقيان]

ما دور الصحافة عندنا ؟ :rolleyes2::rolleyes2:

وخاصة الكاتب القطري :weeping:

[Abdulraman]

:weeping::weeping::weeping:الظاهر الدولة في ازمة من كذا رفعوا سعر البترول عشان يشترون نادي مانشتر ويعطون رواتب المدرب الغبي واللعيبة الاجانب اللي في المنتخب

[موضي قطر]

الحمداالله الله يخلي الحكومه

في 2011 صار الليتر 1 في قطر وغير السعوديه مافي دوله اقل الليتر من 2 ريال


والحمدالله من الآثار الجانبيه للموضوع
1- تقليل عد المتسكعين والمتسكعات في الشوارع والمولات 2- اللاند كروزر بينزل سعره بسبب تحويل الشعب الى الصالون
3- تحول الشعب الى الرياضه بدل استخدام السياره للمسافات القصيره

نحمد الله ونشكره اننا في قطر

والي يبي يعرف قيمه حكومه قطر يقارن نفسه بالدول المجاوره

مع التحيه للحكومه القطريه


:eek5:

اسمح لي أخوي اخالفك الرأي المتسكعين ماراح يهمهم الموضوع رفعوا البترول ولا نزلوه لأنه على قولتك متسكع :(

[هبوب الكوس]

ما دور الصحافة عندنا ؟ :rolleyes2::rolleyes2:

وخاصة الكاتب القطري :weeping:

لاتحمله الكاتب القطري ما لا طاقة له :)

[mazag]

--------------------------------------------------------------------------------

بسم الله الرحمن الرحيم:.

صباح الخير ياقطر
صبااح الخير يابو مشعل

هذه الرسالة موجهه الى الشعب القطري الى متى والشهب القطري تؤخذ حقوقه من هولاء الوزراء الذين يتكلمون باسم الحكومه ؟
كم كان الشعب القطري متفائل باسقاط الديون او الزياده في الرواتب ولكن الذي حصل عكس ذالك وهو الذي يسبب صدمه للشعب القطري.

ان الشعب القطري عندما يتخذ الصمت ليس خوفا وانما حب للحاكم وولي عهده وتامل الخير منهم.

مع ان دولة قطر لها انجازات عظيمة في الاصلاح بين الدول العربية وغيرها.
وكم سعت دولة في ارجااع الفرحه والسرور لشعوب تلك الدول .

ولكن السؤال لماذا لاتكون نقطة البداية عند فرحة الشعب القطري قبل تلك الشعوب ؟؟

كم تكبدت دولة قطر الكثير من الخسائر وانفاق الاموال الطائله لتحقيق تلك الاصلاحات.
كم صرفت دولة قطر المليارات ع دول اخرى ونحن نلهث هنا وراء البنوك لكي نعدل من اوضاعنا لكي نستر عيشنا نبني بيوت للدول الاخرى ونحن لانملك بيت لعائلتنا؟؟مع ان ديون الشعب لاتساوي ربع ميزانيه الدوله لسنه واحده فلماذا ياوالدنا لاتنظر الينا وهذه حقوق الشعب وكل راع مسؤول عن رعيته نااس تموت من البرد ....

ابومشعل نحن شعب نحبك وصابرين ع الظلم اللي نراه من حاشيتك التي تقول الشعب بخير الشعب مو محتاج


والدنا العزيز شيخنا ياما طلعنا مسيرات فرحه لك وبانجازاتك لدولتنا العظيمه فاين المردود رفع الاسعار ف كل شيء والان البترول فهل الدولة محتاجه ترفع الاسعار؟

لو محتاجين ليش؟ نشتري الهارودز ليش؟ندفع الملايين عشان شعار تيشرت نادي ؟ كم بيت بتبني هالملايين كم بتستر ع ناس عازيين انفسهم وما مدوا يدهم لاحد
في النهاية كل ماصار شيء نقول ياجماعه اصبروا ابو مشعل عاارف وضع الشعب وابشروا بالخير لا تستعجلون وكل يوم يموت مواطن وهو ماااخذ جزءمن حقه كباقي الشعب كل يوم يموت مواطن وهو بنتظر يامن مستتقبله عياله كل يوم يموت مواطن وهو يقول حسبي الله ونعم الوكيل

الله كريم ومابعد الصبر الا فرج ):

والي يقول احنا ارخص من السعوديه بالبترول انا بعلمه شي واحد كم اجار بيت بالسعوديه وبكم بالدوحه

كم كرتون البيض بالسعوديه وكم عندنا

لكن تدرون عاد انا اشوف الدوله معاها حق تغلي البترول وكل شي شلون الموتمارات والاسياد كاس العالم والاجتماعات تستضيفها على احسبها وبالمجان الفنادق والسيارات والتنقل كل اسبوع موتمر ولا مباراه

سؤال اخير هل بس الواظن الي زاد عليه ؟!!!احنا تجينا زيادات رواتب وراتبنا عاليه

لكن

اخوانا العرب المسلمين مواليد الدوحه الي بحمايه والجيش ومتزوج وعنده عيال وراتب ثابت ب4 الاف ريال
هذا شيسوي ينتحر!!!!!!!! ولا يشوفله دوله ثانيه!!!!!!!!!

[طارق]

--------------------------------------------------------------------------------

بسم الله الرحمن الرحيم:.

صباح الخير ياقطر
صبااح الخير يابو مشعل

هذه الرسالة موجهه الى الشعب القطري الى متى والشهب القطري تؤخذ حقوقه من هولاء الوزراء الذين يتكلمون باسم الحكومه ؟
كم كان الشعب القطري متفائل باسقاط الديون او الزياده في الرواتب ولكن الذي حصل عكس ذالك وهو الذي يسبب صدمه للشعب القطري.

ان الشعب القطري عندما يتخذ الصمت ليس خوفا وانما حب للحاكم وولي عهده وتامل الخير منهم.

مع ان دولة قطر لها انجازات عظيمة في الاصلاح بين الدول العربية وغيرها.
وكم سعت دولة في ارجااع الفرحه والسرور لشعوب تلك الدول .

ولكن السؤال لماذا لاتكون نقطة البداية عند فرحة الشعب القطري قبل تلك الشعوب ؟؟

كم تكبدت دولة قطر الكثير من الخسائر وانفاق الاموال الطائله لتحقيق تلك الاصلاحات.
كم صرفت دولة قطر المليارات ع دول اخرى ونحن نلهث هنا وراء البنوك لكي نعدل من اوضاعنا لكي نستر عيشنا نبني بيوت للدول الاخرى ونحن لانملك بيت لعائلتنا؟؟مع ان ديون الشعب لاتساوي ربع ميزانيه الدوله لسنه واحده فلماذا ياوالدنا لاتنظر الينا وهذه حقوق الشعب وكل راع مسؤول عن رعيته نااس تموت من البرد ....

ابومشعل نحن شعب نحبك وصابرين ع الظلم اللي نراه من حاشيتك التي تقول الشعب بخير الشعب مو محتاج


والدنا العزيز شيخنا ياما طلعنا مسيرات فرحه لك وبانجازاتك لدولتنا العظيمه فاين المردود رفع الاسعار ف كل شيء والان البترول فهل الدولة محتاجه ترفع الاسعار؟

لو محتاجين ليش؟ نشتري الهارودز ليش؟ندفع الملايين عشان شعار تيشرت نادي ؟ كم بيت بتبني هالملايين كم بتستر ع ناس عازيين انفسهم وما مدوا يدهم لاحد
في النهاية كل ماصار شيء نقول ياجماعه اصبروا ابو مشعل عاارف وضع الشعب وابشروا بالخير لا تستعجلون وكل يوم يموت مواطن وهو ماااخذ جزءمن حقه كباقي الشعب كل يوم يموت مواطن وهو بنتظر يامن مستتقبله عياله كل يوم يموت مواطن وهو يقول حسبي الله ونعم الوكيل

الله كريم ومابعد الصبر الا فرج ):

والي يقول احنا ارخص من السعوديه بالبترول انا بعلمه شي واحد كم اجار بيت بالسعوديه وبكم بالدوحه

كم كرتون البيض بالسعوديه وكم عندنا

لكن تدرون عاد انا اشوف الدوله معاها حق تغلي البترول وكل شي شلون الموتمارات والاسياد كاس العالم والاجتماعات تستضيفها على احسبها وبالمجان الفنادق والسيارات والتنقل كل اسبوع موتمر ولا مباراه

سؤال اخير هل بس الواظن الي زاد عليه ؟!!!احنا تجينا زيادات رواتب وراتبنا عاليه

لكن

اخوانا العرب المسلمين مواليد الدوحه الي بحمايه والجيش ومتزوج وعنده عيال وراتب ثابت ب4 الاف ريال
هذا شيسوي ينتحر!!!!!!!! ولا يشوفله دوله ثانيه!!!!!!!!!


يازين كلامك

بس البعض لايشكر ولا يحمد

مع التحيه لك
طارق

[الشقيان]

--------------------------------------------------------------------------------

بسم الله الرحمن الرحيم:.

صباح الخير ياقطر
صبااح الخير يابو مشعل

هذه الرسالة موجهه الى الشعب القطري الى متى والشهب القطري تؤخذ حقوقه من هولاء الوزراء الذين يتكلمون باسم الحكومه ؟
كم كان الشعب القطري متفائل باسقاط الديون او الزياده في الرواتب ولكن الذي حصل عكس ذالك وهو الذي يسبب صدمه للشعب القطري.

ان الشعب القطري عندما يتخذ الصمت ليس خوفا وانما حب للحاكم وولي عهده وتامل الخير منهم.

مع ان دولة قطر لها انجازات عظيمة في الاصلاح بين الدول العربية وغيرها.
وكم سعت دولة في ارجااع الفرحه والسرور لشعوب تلك الدول .

ولكن السؤال لماذا لاتكون نقطة البداية عند فرحة الشعب القطري قبل تلك الشعوب ؟؟

كم تكبدت دولة قطر الكثير من الخسائر وانفاق الاموال الطائله لتحقيق تلك الاصلاحات.
كم صرفت دولة قطر المليارات ع دول اخرى ونحن نلهث هنا وراء البنوك لكي نعدل من اوضاعنا لكي نستر عيشنا نبني بيوت للدول الاخرى ونحن لانملك بيت لعائلتنا؟؟مع ان ديون الشعب لاتساوي ربع ميزانيه الدوله لسنه واحده فلماذا ياوالدنا لاتنظر الينا وهذه حقوق الشعب وكل راع مسؤول عن رعيته نااس تموت من البرد ....

ابومشعل نحن شعب نحبك وصابرين ع الظلم اللي نراه من حاشيتك التي تقول الشعب بخير الشعب مو محتاج


والدنا العزيز شيخنا ياما طلعنا مسيرات فرحه لك وبانجازاتك لدولتنا العظيمه فاين المردود رفع الاسعار ف كل شيء والان البترول فهل الدولة محتاجه ترفع الاسعار؟

لو محتاجين ليش؟ نشتري الهارودز ليش؟ندفع الملايين عشان شعار تيشرت نادي ؟ كم بيت بتبني هالملايين كم بتستر ع ناس عازيين انفسهم وما مدوا يدهم لاحد
في النهاية كل ماصار شيء نقول ياجماعه اصبروا ابو مشعل عاارف وضع الشعب وابشروا بالخير لا تستعجلون وكل يوم يموت مواطن وهو ماااخذ جزءمن حقه كباقي الشعب كل يوم يموت مواطن وهو بنتظر يامن مستتقبله عياله كل يوم يموت مواطن وهو يقول حسبي الله ونعم الوكيل

الله كريم ومابعد الصبر الا فرج ):

والي يقول احنا ارخص من السعوديه بالبترول انا بعلمه شي واحد كم اجار بيت بالسعوديه وبكم بالدوحه

كم كرتون البيض بالسعوديه وكم عندنا

لكن تدرون عاد انا اشوف الدوله معاها حق تغلي البترول وكل شي شلون الموتمارات والاسياد كاس العالم والاجتماعات تستضيفها على احسبها وبالمجان الفنادق والسيارات والتنقل كل اسبوع موتمر ولا مباراه

سؤال اخير هل بس الواظن الي زاد عليه ؟!!!احنا تجينا زيادات رواتب وراتبنا عاليه

لكن

اخوانا العرب المسلمين مواليد الدوحه الي بحمايه والجيش ومتزوج وعنده عيال وراتب ثابت ب4 الاف ريال
هذا شيسوي ينتحر!!!!!!!! ولا يشوفله دوله ثانيه!!!!!!!!!

والله كلام كبير :nice:

انت شجاع :)

اتحدى كاتب قطري يكتب الي كتبته :weeping:

والله يحفظ قطـــــــــــــر يارب :(

[الشقيان]

المفروض تحذف ردودهم من قبل المشرفين

و المفروض كل منا يكتب كتاب لسمو الامير في هذا الموضوع مثل اخونا mazag يعبر فيه عما يجول في نفسه

مهل انت اشعليك :)

قاعد في عنتك ومتكي ولا تحس في الناس :rolleyes2:

على الاقل خلهم يعبرون عن الي في قلوبهم :omen2:

مثل وطني الحبيب صباح الخير:( الي كان حبيب على ايام الساعي :weeping:

الله يحفظ قطـــــــــــــــر يارب :)

[مهل]

مهل انت اشعليك :)

قاعد في عنتك ومتكي ولا تحس في الناس :rolleyes2:

على الاقل خلهم يعبرون عن الي في قلوبهم :omen2:

مثل وطني الحبيب صباح الخير:( الي كان حبيب على ايام الساعي :weeping:

الله يحفظ قطـــــــــــــــر يارب :)

الله يصلحك .. قصدت ردود الناس الي داخله تستهزء و ماخذه الدنيا ببلاده الي يحط لي سيكل و الي ينكت . الوم الي يلوم الحكومه فيكم اذا رساله جوال يطلعون من بيوتهم بالالاف باطفالهم و نسوانهم يستقبلون كاس .

[بن مسلم]

فاتح علي قناة البحرين والا حاطين خبر انه المواطنين يشيدون بقرار دعم السلع المواد الغذائيه واللحوم ايضا

المصدر قناة البحرين

واهني رافعين 20% مع العلم انه دولة قطر من اكبر الدوله المنتجه للبترول والغاز

الله يكون في العون

[الخفي]

(( هذه الزياده هديه للمطبلين لكأس العالم واللي قالو كاس العالم من صالح المواطن ))

[الخير كله]

كما تكونو يول عليكم .....

[الأرجنتيني]

:omg:

مب وقته ياحكومه والله مب وقته !

[سهم عتيج]

شخصيا أعبي بترول حق سيارتي بقيمة 300 ريال في الشهر تقريبا,, والحين راح يصير المبلغ تقريبا 375 ريال..

بس المشكلة أن أسعار المواد الأساسية لو افترضنا انها راح ترتفع ب 10% نتيجة الزيادة في البنزين,, فالمشكلة راح تكون كبيرة لدى غالبية الناس..

شخصيا أرى أن الدولة تساعد على التضخم بطريقة غير مباشرة ومن خلال مؤسساتها المختلفة..

فعلى سبيل المثال أيام كانت أسعار الخضروات تتحدد بناء على الأسعار التي تحددها وزارة الاقتصاد والتجارة وكانت الامور تقريبا مستقرة,, نفاجأ في أوج الدورة الاقتصادية وانفجار الأسعار بأن تقوم الدولة برفع يدها وتترك الأسعار لقانون العرض والطلب,, وكان الأولى أن تقوم بذلك في الأوقات العادية وليس في وقت الذروة,, حيث شهدنا ارتفاعات كبيرة بعد ذلك تضرر منها المواطن والمقيم على حد سواء..

موضوع آخر,, في الوقت الذي بدأت فيها الأزمة العالمية بالهدوء وبدأت أسعار المواد تهدأ تدريجيا,, نفاجأ بعد ازالة آلاف المحلات بوسط الدوحة والبديل هو استئجار محلات بروة احد الأذرع لشركة الديار القطرية المملوكة أغلبها للدولة بوضع ايجارات المحلات البديلة بأسعار تتجاوز ال 10 الاف ريال,, في حين أن معظم المحلات التي تمت ازالتها لا تتعدى ايجاراتها ال 5 الاف.. وبالتالي نرى أن رفع الاسعار من قبل التجار له مبرر لذلك والسبب الأكبر هو الدولة ممثلة بمؤسساتها التابعة..

نتمنى من الوزارات المعنية الحذو حذو المملكة العربية السعودية ابان الأزمة العالمية في دعم السلع الأساسية بشكل كبير وبالتالي تخفيف الضغوط على الجميع على حد سواء,, وهذا مافعلته في نهاية السبعينات أيضا عندما دعمت السلع بشكل كبير حتى تهدأ الأزمة..

والله الموفق

[كش ملك]

لاتلومون الدوله

ماعندهم فلوس .. وتوهقوا في كأس العالم
من وين بيصرفون على كآس العالم ؟؟؟

من وين بيصرفون على الدول الاخرى ؟؟؟
من تسديد ديون وحل مشآكل واعمار ارضهم

لازم من ضهر المواطن .. القطري المسسسكين
المسوليين .. في نظرتهم ان الشعب القطري غني للغآيه
لازم يصرف على الدوله

ماكن احنا مواطنين ولنا حق في ثروات الدوله

مثل كأس اسيا .. مسوينه على ميزانية المرور هههههههه
وانا علي مخالفات 20 الف ماسددتها

كلمني الخرجي .. يقول انت مسبب مشكله في ميزانة كأس اسيا
لازم تسدد عشآن نقدر نمول المباره النهائيه ههههههههههه


الله السسسستعآآآن

[الشقيان]

:omg::omg::omg:

شسالفة كانت عدد الصفحات 35 ليــــــش الحين 31 :eek5:

ليكون المنتدى مسحوور :rolleyes2:

[موضي قطر]

حتى الردود تغير عددهم :eek5:

[فارس قطر]

يازين سيارات قبل لابترول ولا هم يحزنون

http://s.alriyadh.com/2010/12/17/img/799847833409.jpg

[سلامي للكل]

الي كان مؤيد استضــافة قطر لكأس العالم 2022 ليش زعــلان . . ؟ هذي وحــده من اثار الاستضافة . . .

ويجب على جميــع المــؤيديـن ان يتحملـــوا الآثـار . . . مب نقـول احنا نبغي نستضيف ونبغي ونبغي و . . . الخ وبعـدين نتذمـــر :anger1:

كلام مأخؤذ خيــره . . . والي يبغي الدح مايقــول أأأأأأأح

ومانقـــول الا الحمــد لله على كل حال

:)

وخلونا نتذكـــر احســن وافضل كلام

بسم الله الرحمن الرحيــم

(. . . وعسى أن تكرهوا شيئا وهو خير لكم وعسى أن تحبوا شيئا وهو شر لكم والله يعلم وأنتم لاتعلمون)*

صدق الله العظيم

لاتنســونا من دعواتكم . . . بارك الله فيكم

والله المستعــان


* ســورة البقرة - اية 216

[M007]

على الفلوس الي دخلها قطر

المفروض شوارعنا مرصوفه من ذهب والنبية التحتية تكون في احسن وضع

بس اخ

الفلوس كلها ضايعة في الخرابيط
كاس اسيا، اسياد ، كاس العالم

ياريت لو ترجع بأرباح حتى الجماهير صار يبونهم ويكنونهم ببلاش

المسؤوليين بيتحاسبون عليها وين بيرحون من الله

[الشقيان]

الي كان مؤيد استضــافة قطر لكأس العالم 2022 ليش زعــلان . . ؟ هذي وحــده من اثار الاستضافة . . .

ويجب على جميــع المــؤيديـن ان يتحملـــوا الآثـار . . . مب نقـول احنا نبغي نستضيف ونبغي ونبغي و . . . الخ وبعـدين نتذمـــر :anger1:

كلام مأخؤذ خيــره . . . والي يبغي الدح مايقــول أأأأأأأح

ومانقـــول الا الحمــد لله على كل حال

:)

وخلونا نتذكـــر احســن وافضل كلام

بسم الله الرحمن الرحيــم

(. . . وعسى أن تكرهوا شيئا وهو خير لكم وعسى أن تحبوا شيئا وهو شر لكم والله يعلم وأنتم لاتعلمون)*

صدق الله العظيم

لاتنســونا من دعواتكم . . . بارك الله فيكم

والله المستعــان


* ســورة البقرة - اية 216

الله المستعان اخوي:(

الله يقطعها من كورة :anger1:

يالتني شاعر كان قلت فيها قصيدة وخليتها تشتكي على عند الفيفا :rolleyes2:

[vtc_4.8]

محتاجين سيوله لملاعب 2022 يمكن ؟؟

الله يعين كل شي ارتفع والظاهر بنحول عال4 سلندر

ياليتني لاعب في المنتخب بس :(

[LiL iNVe$ToR]

عادي اخوي زادو علينا درهمين بس . . يعني بحسبة بسيطة . . سيارتك تشيل اربعين لتر اضرب درهمين في اربعين

2 درهم × 40 = 10 ريال

الحمد لله والشكر لك يارب انتم مارحتو سوريا شوفو كم تعبون تانكي البترول سيارة الصالون فوق 200 ريال

والسيارات الكبيرة فوق 350 ريال والاردن نفس الشي



الحمدلله احنا في خير ونعمه , وارخص من الامارات بكثير ..

شوفو في اوروبا بكم البترول عندهم ..40 لتر عندنا بـ 40 ريال ( السوبر ) اهناك يدفعون قريب 600 ريال !!

فالدوام الاجانب يضحكون على اللي يتشكى :tease:

[الشقيان]

الحمدلله احنا في خير ونعمه , وارخص من الامارات بكثير ..

شوفو في اوروبا بكم البترول عندهم ..40 لتر عندنا بـ 40 ريال ( السوبر ) اهناك يدفعون قريب 600 ريال !!

فالدوام الاجانب يضحكون على اللي يتشكى :tease:

اخوي شكلك من النوع الي ماتقرا ردود الي قبلك داش عرض :rolleyes2:

عجبني حماسك اخوي :nice:

الي يشوفك اهني مايشوفك في الملعب :tease:

شد حيلك اخوي :telephone:

[jo0ory.56]

الحمدلله ..احنا ناس متميزين في قراراتنا .. الناس حوالينا هبات وتموين مجاني ..ودعم سلع ..

وتخفيض أسعار ..


واحنا دائما خالف تعرف ..

وإلا مانكون دولة قطر ..

جفت الأقلام وبحت الحناجر ..والناس تطالب .. بزيادة الرواتب .. وسداد ولو جزء من الديون ..

تنام الناس على أحلام وردية .. وتصحو على زيادة تقصم الظهور ..

وما يترتب على هذه الزيادة قادم لامحالة ..

وما نقول إلا ماقاله الحبيب صلى الله عليه وسلم :

"إذا سألت فاسأل الله , وإذا استعنت فاستعن بالله "


والله المستعان

[موضي قطر]

ماحبكم

اللي ماحد فيكم قال خلاص يابنيه طلعي من المنتدى " " قبل ما اتهور واقول اللي في قلبي ؟!! "

شريرين :weeping:

[ملاك]

يعني الكامري اذا بعبيها فوووول بكم ؟؟؟

قبل افول بـ 40
الحين كم ؟؟؟

لحوووووووووووووول

شهالخبر اللي يحرررر

الكويت عطوا لكل مواطن 1000 دينار وتموين لمده سنه كامله مجانا

واحنا زادوا علينا البترول :rolleyes2:

[سلامي للكل]

يعني الكامري اذا بعبيها فوووول بكم ؟؟؟

قبل افول بـ 40
الحين كم ؟؟؟

:rolleyes2:

يرجي قـول: لاحـول ولاقـوة الا بالله العظيـم بدلاً مــن . . . .

الحيـــن تفـوليــن الكامــري بــ 50 ريال

يعني 10 زيادة اي بنسبة 25 % زيادة :rolleyes2:

الحمــد لله على كل حال

والله المستعــان
:)

[ممنوع اللمس]

اي بالله الخبر اكيد وتوني معبي ودمعتي بعيني

الف الف مببروك الزياده قلت لكم انطرو في زيادات بس محد صدق

عز الله بندق اصبع ونهز رقبه 15 الشهر من كل شهر

[ملاك]

يرجي قـول: لاحـول ولاقـوة الا بالله العظيـم بدلاً مــن . . . .

الحيـــن تفـوليــن الكامــري بــ 50 ريال

يعني 10 زيادة اي بنسبة 25 % زيادة :rolleyes2:

الحمــد لله على كل حال

والله المستعــان
:)


لحوووووووووووووووووووووووووووووووووووووووووووووووو ووووووووووووووووووووول
مب لازم اكملها تكفي النيه في القلب
وبعدين يقولون لك البترول غلوه وانت تعطيني محاظرات
وخررررررر ززززززين
<<<<< كانت بتطلع جي اكس
الحمدالله ما تهورت خل الكامري ابرك الف مره
والحمدالله والشكر
يالله الستر بس

[ملاك]

اي بالله الخبر اكيد وتوني معبي ودمعتي بعيني

الف الف مببروك الزياده قلت لكم انطرو في زيادات بس محد صدق

عز الله بندق اصبع ونهز رقبه 15 الشهر من كل شهر



هههههههههههه الله يعينك
انا فولت الكامري امس فووووول
قلبي حاس هههههههه
بقعد اسبوع لين ما ينزل الراتب بدون دواره بس دوام بيت بيت دوام عشان اوووووفر
<<<< عاوزه تحوووووووووووووش
:tease:

[jeep-srt8]

لييييييه تقولون تعالوا شوفوا باقي العالم تفول الموتر ب مليون دولار ونفس الشي الدولة علانه واختها

وحنا لييييييييه نجيب نفسنا لهم ؟؟؟؟؟؟؟؟ حنا دولة بتروووول وكذالك باقي مجلس التعاون

احنا نستخدم السارات بشكل اكثرم من بقية العالم بسبب سوء المناخ مثلاً في الصييف في لبنان او سوريا او الاردن لاااااااااااااازم موتر وفيه مكييييف ولا ينفع مشي او باصات ؟؟؟؟؟اذا انا موتري بدون مكيف والصيف كله نايمه بالصناعية هههههههههههههه ..المهم ..مثل اوروبا خوي يدرس في بريطانيا يقولي انساااااا اي احد يمسك موتر الا اذا يكون رئيس شركة او يعني عنده دخل فووووق مصاريفه البترول هناك تفويل موتري يبي 600 ريال يمكن

يعني خلاص مايعرفون يمشون في بلدهم ؟؟؟لا بلدهم موفر لهم الباصات ورخييييصة او يمكن بدون فلوس بعد

احنا نشوف الغلاء في بلدنا ونقول يلا احسن من الدول الثانية ههههههههههههههههههه ماله داعي هالكلام هذا مثل ما قال فيصل القاسم ضحك على الذقون حجج واهية علشان نمشي الي صار

ولكن نقول

يقول الحق تبارك وتعالى { الَّذِينَ قَالَ لَهُمُ النَّاسُ إِنَّ النَّاسَ قَدْ جَمَعُوا لَكُمْ فَاخْشَوْهُمْ فَزَادَهُمْ إِيمَانًا وَقَالُوا حَسْبُنَا اللَّهُ وَنِعْمَ الوَكِيلُ فَانقَلَبُوا بِنِعْمَةٍ مِّنَ اللَّهِ وَفَضْلٍ لَّمْ يَمْسَسْهُمْ سُوءٌ وَاتَّبَعُوا رِضْوَانَ اللَّهِ وَاللَّهُ ذُو فَضْلٍ عَظِيمٍ } [آل عمران 174:173] .


وحسبنا الله ونعم الوكيل

والله اليوم بالليل مشششششي للكرنيش بتذكر ايام الطفونه

[المتألق]

ماحبكم

اللي ماحد فيكم قال خلاص يابنيه طلعي من المنتدى " " قبل ما اتهور واقول اللي في قلبي ؟!! "

شريرين :weeping:


بالعكس انتم يالعنصر النسائي لكم حريه التعبير ولا حد يقدر يتكلم عنكم
فلهذا استغلي هالميزه وتكلمي بكل شفافيه وبوضوح ومصدقيه :shy:

[هبوب الكوس]

بالعكس انتم يالعنصر النسائي لكم حريه التعبير ولا حد يقدر يتكلم عنكم
فلهذا استغلي هالميزه وتكلمي بكل شفافيه وبوضوح ومصدقيه :shy:

تبي توهق المراه :secret:

[البث]

والله اني كنت خايف من 2022 وقلت ياولد لا هذا فال خير بتطيح الديون وتزيد الرواتب الله المستعان

بركات كاس العالم 2022 والقاااااااااااااااااااااادم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[بوعيسى1]

انا مالي خص

[بيانو]

الله المستعان - كل شىء من حولنا بيزيد وحده وحده دون أن تحس

والرواتب نصها رايح فى البنوك والقروض والباقى لاوازم المعيشه بالعافيه

الله يفرجها علينا جميعاً

المشكله إن زياده البترول بتزيد وراها اشياء كثيره

[بوعيسى1]

:secret:
انا مالي خص

[بيانو]

انا مالي خص


:secret:
انا مالي خص



خلاص يا بوعيسى1
عرفنا والله إنك مالك خص:)

بوعيسى ماله خص ياجماعه :victory:

[miss.qa]

احم احم شرايكم نوحد الدعاء وندعي عالوزير ؟؟؟؟

[ام السعف]

احم احم شرايكم نوحد الدعاء وندعي عالوزير ؟؟؟؟

:eek5:
يعني خليتوا مجلس الوزراء بكبره وبتحطون حرتكم في الوزير ؟

دعاء غير منصف بصراحة :(

[ام السعف]

ماحبكم

اللي ماحد فيكم قال خلاص يابنيه طلعي من المنتدى " " قبل ما اتهور واقول اللي في قلبي ؟!! "

شريرين :weeping:

يا بنية حبج ،،، ياشامة في قلبي
ما اقدر على فراقج مااقدر يشهد علي ربي يابنية :shy:

خلج يا بنية يا صاملة يا مرابطة يا مناضلة يا موضي
سيري وعين الله ترعاج واحنا كلنا من بيوتنا وراج و وراج :(

[ام السعف]

على العموم يا اخوان ،، اعتقد شبعنا كلام

وامتصيتوا ردة الفعل ،، والحين متقبلين الواقع

امشوا نطالب الإدارة بغلق الموضوع او خلونا نطالبها بطمس الموضوع،،

والى اللقاء في مواضيع فضفضية أخرى ،،


ام السعف
المذيعة المتألقة في برنامج فضفض يا مواطن

[موضي قطر]

يا بنية حبج ،،، ياشامة في قلبي
ما اقدر على فراقج مااقدر يشهد علي ربي يابنية :shy:

خلج يا بنية يا صاملة يا مرابطة يا مناضلة يا موضي
سيري وعين الله ترعاج واحنا كلنا من بيوتنا وراج و وراج :(


:eek5::omg:

الحين انتي تعبرين من قلب عن المواطنين كل منهم " يوز " الثاني و وقت " الحزه والصمله " ينسحبون ويخلون المناضل بظهر " مكشوف " :shy:

[موضي قطر]

على العموم يا اخوان ،، اعتقد شبعنا كلام

وامتصيتوا ردة الفعل ،، والحين متقبلين الواقع

امشوا نطالب الإدارة بغلق الموضوع او خلونا نطالبها بطمس الموضوع،،

والى اللقاء في مواضيع فضفضية أخرى ،،


ام السعف
المذيعة المتألقة في برنامج فضفض يا مواطن

هذه سياسة " الأسفنج "

[CH Engineer]

أنا أؤيّد رفع أسعار البترول, مع شرط إرفاق بند "بدل تكاليف تنقّل" في حساب كل القطريين سواءا يعملون في جهة حكومية أو لا يعملون (كبدل دعم بترول مدفوع نقداً) وتزداد مع زيادة التكلفة. والسبب هو أن 85% من اللي في قطر أجانب, وما نبيهم يستغلون هالدعم ببلاش!

السؤال المهم: هل تكلفة اللتر من البترول والديزل "أعلى" من سعر البيع؟! إذا كان لا إذا ليش يرفعون؟

السؤال: الزيادة بسبب زيادة قيمة البترول اللي تبيعة قطر للبترول لوقود, ولا وقود من نفسها زادت؟

ال85% الفقير منه بيدفع
والغني الشركات تتكفل بمصاريف البترول..

[علي1]

لا حول ولا قوة الا بالله

[لاجل QT]

يلا كل واحد يروح يجيب سطل ويعبي بترول قبل لايجي بكرة:looking:

انزين الحين في علاوة اجتماعية وبدل تنقل وفي بدل سكن ....حطولنا بدل صرف بترول..:weeping:

متنا من المصاريف70975

[ممنوع اللمس]

ههههههههههههههه الله يعين بس

[ممنوع اللمس]

خــــــبــــر عــــآجـــــــــــل



للبيــع نيســآن بتـــرول

بـتــرول فـــل هاااا من يشتري

[هبوب الكوس]

يلا كل واحد يروح يجيب سطل ويعبي بترول قبل لايجي بكرة:looking:

انزين الحين في علاوة اجتماعية وبدل تنقل وفي بدل سكن ....حطولنا بدل صرف بترول..:weeping:

متنا من المصاريف70975

الطيور طارت بارزاقها وانتي تقولين كل واحد يجيب سطل الموضوع من البارح :rolleyes2:

[Darco]

تحية...
نبدأ من اسفل الى الاعلى..
وقود..لا سلطة لها في تحديد قيمة السعر
المقدم للجمهور...
للتبسيط...مثل الخبز (اللبناني)..
5 "اقروص" باريال واحد..
هذا هوقرار الدولة المفروض على كل (مخبز)..
و بقية المنتجات تتلاعب ابها المخابز (عيني عينك)..
رغم ان الدولة تعطي كل مخبز دعم في سعر الطحين
و في سعر (الكيروسين)..

عليه..
فان الرابح الاكبر-مبدئيا- في هذه المعادلة هي
(خزينةالدولة)
التي ستتكبل دفع مبلغ أقل لوقود نتيجة السعر التي
تفرضه(الدولة) على وقود لبيع المنتجات..
بالمقارنة مع سعر التكلفة الحقيقي..اضافة
الى اي ربح (مضمون) يكون من ضمن اتفاقيات بين الدولة
و شركة توزيع المنتجات..

و هذا ايضا..مطبق مع شركات توليد الكهرباء
(و ليس مؤسسة/هيئة/وزارة) كهرماء!!

و فيما اعلاه اجابة للسسؤال الثاني..
اي ان تكلفة تكرير المنتجات..و بحسب المعلن..
هي اعلى من سعر البيع (المدعوم) من قبل الدولة!
*
*
،،
نرجع الى النقطة الرئيسية..و هي الاستهلاك اليومي في الدولة..
سواء من قبل الافراد (مواطنين/غير مواطنين)
او من ثبل الاستهلاك التجاري للشركات العاملة
في مشاريع في الدولة..اكانت مشاريع للحكومة
او مشاريع خاصة..

اعتقد..ان الزيادة كان المقصود بها هم شركات المقاولات..
حيث اننا نرى ان الزيادة في كل من الديزل والكيروسين
كانت 42% و 50% على التوالي...

و بهذه الزيادة..
ستتأثر شركات المقاولات
و اصحاب المعدات الثقيلة..
بشكل كبير..خاصة من عنده مشاريع و مناقصات
قبل تطبيق هذه الزيادة الكبيرة جدا..و بهذا الشكل المفاجئ..

و نعلم..يا اخي/ داركو...
ان التجار..عندهم منشار...

ما حصلوها من (الحكومة)..
وجهوا مناشيرهم الى جيوب الناس..
مواطنين او غير وافدين..

و ذلك عن طريق رفع تكاليف المشاريع..
و كل سبيل يضمن لهم اما البقاء
(للضعاف من المقاولين)
او المحافضة على مستويات ارباحهم الحالية..
او ربما..زيادتها باستغلال هذه الزيادة..
"لكبارية" المقاولين

*
*
،،
فنرى..ان مبررات الدولة في مثل هذا القرار..
غير مفهومة..
خاااصة ان الدولة..
هي اكبر مشغل لشركات المقاولات
في هذه الايام..و في المستقبل المنظور..

فببساطة..ستقوم شركات المقاولات..بالنسبة
للمشاريع المستقبلية..باحتساب زيادة تكلفة المحروقات
من ضمن اسعار مناقصاتها..
التي ستقوم الدولة بدفعها...
*
*
،،
المعادلة..اذا ما بقيت على الوضع الحالي..
فإن الافراد هم اكبر متضرر من هذا المسلك..

لذا..فإن مطالبتك بإعادة النظر في
بدلات التنقلات التي تُصرف للموظفين..
مطالبة ملحة جدا و في في محلها..

لكن السؤال يبقى..
من ..سيعوض (المتقاعدين) و من لا يحصل على
أي راتب من قبل الدولة...من المواطنين..

كيف..ستتم العدالة في هذا المضمار..لهم!!

ايتركون في مهب الريح!!





حياك الله أخوي عابر , الله يمسّيك بالخير ..

بالنسبة للتكلفة .. أحب أوضّح أنه على حسب معلوماتي التكلفة أقل من السعر وفيه هامش ربح .. فسالفة أنهم يدفعون من جيبهم كلها كلام غير صحيح ماعدا الديزل المستورد, وهذا موضوع ثاني.

بالنسبة للبدل .. لو حطيناه تحت بدل تنقّل بتضيع السالفة مع أقرب زيادة .. تأكد أن الجماعة بيزيدون ومهب شبعانين. ومطالبتي هي -ولو أنها خياليّة في قطر هذي الأيام (الله يرحمها قطر أوّل)- أن يكون لكل قطري, كل قطرى, سواءا يشتغل في الحكومة أو يعمل في قطاع خاص , أن يكون له مبلغ سنوي يحصل عليه تحت بند "دعم محروقات شخصيّة" على أن تكون حسبته هي أن يستمر القطري يشتري حاجته "الشخصيّة" من البترول بسعر مدعوم.. نعم هو يشتريه بسعر السوق (خل نقول 3 ريال للتر) , لكنه عمليّاً يدفع 50 / 60 / 70 / 80 درهم , والباقي يتم تعويضه من البدل الشهري/السنوي. طبعاً الأمر نفسه تقدر تطبقه على موضوع "ميرة الحكومة".


أخوي عابر لاحظ صياغة الأخبار شلون تصير عندنا: قاموا يضربون مثل بـ"دول خليجية" أعلى سعراً منّا .. في إشارة إلى دولة الإمارات. وما أشاروا أبداً لحقيقة أن باقي الدول الخليجية أقل منّا في سعر البنزين! ولاحظ كيف الناس بناءا على نوع من التضليل اللي حصل لهم قاموا يقولون "أحمدوا ربكم على السعر, في موزمبيق اللتر بخمسميه!!" , وطبعاً هذي مقولة مضللة لأن "موزمبيق" أو غيرها كلها دول تستورد وتبيع كسلعة وهي في وضع "سياسي/أقتصادي" لا يسمح بفكرة "الدعم الحكومي" واللي هو عندنا نوع بسيط جداً من المشاركة الشعبية في الثروة .. لكن عندنا: 1- التكلفة أقل من الأنتاج (يعني رباحنين ربحانين , المسألة جشع بس) 2- الدولة لها نظام سياسي أقتصادي معيّن يخلّي مثل هذا الدعم "حق بسيط جدا" يدخل تحت بند مشاركة الشعب في الثروة .. وحتى هذي الأمور الهامشيّة يتم إلغاؤها هاليومين. الناس يطالبون بحقوق وحصة أكبر , ويطلعون لهم بـ"زيادة" .. على ظهورهم طبعاً!!

[لاجل QT]

الطيور طارت بارزاقها وانتي تقولين كل واحد يجيب سطل الموضوع من البارح :rolleyes2:

احم احم:shy:

صج والله:shy:

لاتلومنى من الخبر الزين:( والعيلة:)

يعنى خلاص ماروح اعبي سطلي:weeping:

[الخير كله]

حياك الله أخوي عابر , الله يمسّيك بالخير ..

بالنسبة للتكلفة .. أحب أوضّح أنه على حسب معلوماتي التكلفة أقل من السعر وفيه هامش ربح .. فسالفة أنهم يدفعون من جيبهم كلها كلام غير صحيح ماعدا الديزل المستورد, وهذا موضوع ثاني.

بالنسبة للبدل .. لو حطيناه تحت بدل تنقّل بتضيع السالفة مع أقرب زيادة .. تأكد أن الجماعة بيزيدون ومهب شبعانين, ومطالبتي هي -ولو أنها خياليّة في قطر هذي الأيام (الله يرحمها قطر أوّل)- أن يكون لكل قطري, كل قطرى, سواءا يشتغل في الحكومة أو يعمل في قطاع خاص , أن يكون له مبلغ سنوي يحصل عليه تحت بند "دعم محروقات شخصيّة" على أن تكون حسبته هي أن يستمر القطري يشتري حاجته "الشخصيّة" من البترول بسعر مدعوم.. نعم هو يشتريه بسعر السوق (خل نقول 3 ريال للتر) , لكنه عمليّاً يدفع 50 / 60 / 70 / 80 درهم , والباقي يتم تعويضه من البدل الشهري/السنوي. طبعاً الأمر نفسه تقدر تطبقه على موضوع "ميرة الحكومة".


أخوي عابر لاحظ صياغة الأخبار شلون تصير عندنا: قاموا يضربون مثل بـ"دول خليجية" أعلى سعراً منّا .. في إشارة إلى دولة الإمارات. وما أشاروا أبداً لحقيقة أن باقي الدول الخليجية أقل منّا في سعر البنزين! ولاحظ كيف الناس بناءا على نوع من التضليل اللي حصل لهم قاموا يقولون "أحمدوا ربكم على السعر, في موزمبيق اللتر بخمسميه!!" , وطبعاً هذي مقولة مضللة لأن "موزمبيق" أو غيرها كلها دول تستورد وتبيع كسلعة وهي في وضع "سياسي/أقتصادي" لا يسمح بفكرة "الدعم الحكومي" واللي هو عندنا نوع بسيط جداً من المشاركة الشعبية في الثروة .. لكن عندنا: 1- التكلفة أقل من الأنتاج (يعني رباحنين ربحانين , المسألة جشع بس) 2- الدولة لها نظام سياسي أقتصادي معيّن يخلّي مثل هذا الدعم "حق بسيط جدا" يدخل تحت بند مشاركة الشعب في الثروة .. وحتى هذي الأمور الهامشيّة يتم إلغاؤها هاليومين. الناس يطالبون بحقوق وحصة أكبر , ويطلعون لهم بـ"فالصوا" !!

الله يخليك بس
احرقو اقلوبنا احرق الله اقلوبهم

[بوعبدالله779]

القرار كان متوقع والحمدلله على كل شي ولحد الحين سعر البترول عندنا اقل من الدول المجاورة ويليت لو نفكر شوي الحين وتتخذ قرار لتوفير من الدخل الشهري يعني الحين كلنا زعلانين من زيادة اسعار البترول واللي يمكن ما تتجاوز ما بين 20- 40 ريال عن الاسعار السابقة بس ما فكرنا في شراء كل اللي نحتاجه وما نحتاجه بشكل مستمر يمكن صدمه الزيادة تكون لنا خير في كيفية وضع سياسة لزيادة الادخار من الدخل الشهري لكل واحد فينا

[لاجئ سياحي]

عكس التياروبطبيعة الحال حنا كذا
الدول تنزل وتدعم
وحنا لا لا لا

والله المستعان

[هاب الريح]

يجب معرفة حقيقة تغريد الطيور اولآ وهذا للأسف يدل على الصورة الحقيقية لواقعنا
الذي لا يفرق بين امام عادل وعادل امام لهذا القرار في رفع اسعار البنزين
وما يصاحبه من تبعات تزيد الوضع سوءا على كاهل المواطن مادياً في تحميلة عبئآ إضافيا على أعبائه الآفتراضية وأصبح لا يقدر عليها .
فهذه الصورة عكست الصورة الحقيقية للشعارات الجوفاء والتي تستخدم فقط للاستهلاك الإعلامي وتخدير الناس والتي ننتظرها وما اصعب الانتظار ..؟؟
فالأمنيات الطيبة لاتصنع واقع طيب والواقع يفرض نفسه فكل المصائب قد تهون على الانسان الا بلاء العيش الكريم للمواطن .
(وَلِمَن يُغالِطُ في الحَقائِقِ نَفسَهُ .. وَيَسومُها طَلَبَ المُحالِ فَتَطمَعُ)

[LiL iNVe$ToR]

اخوي شكلك من النوع الي ماتقرا ردود الي قبلك داش عرض :rolleyes2:

عجبني حماسك اخوي :nice:

الي يشوفك اهني مايشوفك في الملعب :tease:

شد حيلك اخوي :telephone:



لا يايبه ..اقرا ..وانا مارديت على اللي قبلي من كلام ماله خص بالموضوع ..مسوي اقتباس و أأيد كلام الرجال.. " انت " لو قريت قوانيين المنتديات بتعرف شقصد . :rolleyes2:

[ملك المشاعر]

شكلي ببيع السيارة وبشتري

http://www14.0zz0.com/2011/01/23/18/482719323.jpg (http://www.0zz0.com)

:nice::nice:

[البهتري]

أنا أقول امكن زادوا سعر البترول
علشان محد يدور وايد في الدوحة
وتخف الزحمة .. ممكن

[مهره]

هذا الى فالحين فية !!!!!!!!!!!!!!!!!!!!!!!!!!!!!!!!

بيقصون ظهورنا ويلا الماي والكهرباء بفلوس ان شاء الله السنة الياية وبتقولون قالت

[قهوجي]

عادي خل يزيدون البترول حنا اغنى شعب فالعالم واكثر اجور
وبعدين احنا بنستظيف حدث كبير لازم يكون عندنا ميزانيه كافيه

حق ارصدة سويسرا والحدث الي لازم يكون من قوت الشعب

ماي كهرب تعليم علاج مجاني ورواتب تفوق الخيال

ماتشوف انحن نسدد ديون بلدان ثانيه

ونخلق فرص عمل في بلدان اخرى

ونسددرواتب موظفين ثلاث دول
وننفق بالهبل لانا عندنا فلوس محد يبيها من الشعب الشبعان الي ماعليه قاصر

حنا الدوله الي مافيها عاطلين عن العمل

وحنا الدوله الي مافيها مساجين من الديون
وحنا الدوله الي مافي ولا واحد من الشعب ياخذ من الضمان الاجتماعي ولا الجمعيات الخيريه وصندوق الزكات لانا عددنا ماوصل اربع مائه الف نسمه فعادي يكون كل الي ذكرته حقيقه ولاحد يقدر يقول شي في كلامي لان الدوله اغنا من اي دوله فالعالم حتى اورباء وامريكا



اناقعان انا بنام ....


اخوي روح المحكمه وشوف ديون ومشاكل العالم والناس الناس بخير
بس في مواطنين ومقيمين بكونو مهضومين في هذا القراااااااااااااااار

[شمس قطـر]

الحين كل شي بيرتفع سعره عشان ارتفاع سعر البترول

حتى المطاعم بترفع السعر عشان سعر التوصيل بالسيارة

دول البترول وترفع اسعار البترول:anger1:

[فتى الجود]

لا حول ولا قوة الا بالله

مانـقول الا شئ واحد الله يجعـلك لنا ذخـــر ياشـراب الملوك ياللي من عشرين سنه وسعـرك ثابت ولا ارتفع لا نزل الله يثبــتك يارب ويجعلك مثل للبــاقــي


طبعـا محد عـرف عن ايـش أتكلـم؟


انزل وبتعرف اتكلم عن من ... ودعواتـكم ان سعره مايتغـير لانه الشى الوحيد اللي عامل توازن في السوق ولولاه لو تدمـر الوضع الاقتصادي للقطـــــــريين












































http://farm4.static.flickr.com/3412/3438483054_f813ce8487.jpg











ههههههههههههههههههههههههههه

روح ياخي انت عجيب :nice:

[làst çhàncè]

السلام عليكم ورحمة الله
قال تعالى: (وعسى أن تكرهوا شيئا وهو خير لكم وعسى أن تحبوا شيئا وهو شر لكم والله يعلم وأنتم لاتعلمون)

[v_h3]

يجماعة كل الي زادوه هو 15 درهم وبالمقارنة مع اسعار الامارات ترى بترولنا بلاش وهل البترول النظيف مستحيل تحصلونة في اي مكان ف العالم بالهسعر للعلم !!! يعتبر سعر رمزي لا اكثر
بس الناس ماتقول الحمدالله رب العالمين احمدووو ربكم ع النعمة الي انتووو فيها

@ كهرباء بلاش
@ ماي بلاش
@مستشفيات وعلاج بلاش
@العسكري الي ماعندة شهادة راتبة فوق 13

في اي دولة من الخليج يعطون رواتب مثل قطر ؟

مانقول غير بيض الله وجهك بومشعل ورايتة بيضاا ان شاء الله ترى قطر ف خير ولاتضحكون الناس عليكم الي يسمعكم يقول احنا ميتين ف جووع ومب لاقين وش ناكل ،،
احنا في احسن عيشا بالخليج اعلى نسبة دخل للفرد فالعالم

الله يديمها من نعمة ويطول بعمر الامير وولي العهد ،،، وداااام عزج يبلااادي

[bus3od]

ترى الي كان يترس بترول ب95 صار يترس ب115 يعني الزياده 20 ريال شبلاكم متصرقعين حتى لو لها تأثير على سلع ثانيه ما بيكون ذاك التاثير الي يزيد ديونكم ياللي تتكلمون عن الديون
للأسف صار هم البعض بس ينتقد بدون هدف و البعض الاخر امعه يسمع الي ينتقد و ينتقد معاه ولاهو بداري شالطبخه

[مضاد]

](( هذه الزياده هديه للمطبلين لكأس العالم واللي قالو كاس العالم من صالح المواطن [/SIZE]))


:nice: :nice: :nice:

[دانـة قطـر]

يجماعة كل الي زادوه هو 15 درهم وبالمقارنة مع اسعار الامارات ترى بترولنا بلاش وهل البترول النظيف مستحيل تحصلونة في اي مكان ف العالم بالهسعر للعلم !!! يعتبر سعر رمزي لا اكثر
بس الناس ماتقول الحمدالله رب العالمين احمدووو ربكم ع النعمة الي انتووو فيها

@ كهرباء بلاش
@ ماي بلاش
@مستشفيات وعلاج بلاش
@العسكري الي ماعندة شهادة راتبة فوق 13

في اي دولة من الخليج يعطون رواتب مثل قطر ؟

مانقول غير بيض الله وجهك بومشعل ورايتة بيضاا ان شاء الله ترى قطر ف خير ولاتضحكون الناس عليكم الي يسمعكم يقول احنا ميتين ف جووع ومب لاقين وش ناكل ،،
احنا في احسن عيشا بالخليج اعلى نسبة دخل للفرد فالعالم

الله يديمها من نعمة ويطول بعمر الامير وولي العهد ،،، وداااام عزج يبلااادي

اللي ذكرته حق وليس منه
وإذا دخلك عالي وما عليك قاصر ما يعطيك الحق تلجم الباقين ما يتكلمون وأنت تكتب من برجك العاجي

[بن غنيّم]

نحن السابقون (الامارات) وانتم اللاحقون (قطر) والزياده لابد منها :)

[الـقـاسـي]

انا اكتشفت انه في ناس اثرت عليهم الدعايه الكبيرة بيحث صدقوا ان اللي في الداخل من اغنى شعوب العالم وانا كنت اعتقد ان بس اللي برا اهما اللي يعتقدون بهالشي ..

وفي ناس للاسف مايعرفون يفرقون بين حق من حقوق المواطن ومنحة او هديه تقدم له ..

المواطن له حق بما ان الدولة غنيه لازم يكون مستوى معيشته متوازي مع مستوى الدخل للدولة لان هالشيء مش حكر لناس معينين فقط

[بو رااكان]

منحني الهامة ابكي

مكسور الخاطر ابكي

:weeping:

[صوت الضمير]

العرواي نعبيها سوبر فل ب50 قبل

يعني اللحين 60

أبداع

[ولد قحطان]

يعني اللي عنده فكسار وهمر يبيعهم مثلا

لله درك يالعراوي

[سلامي للكل]

لحوووووووووووووووووووووووووووووووووووووووووووووووو ووووووووووووووووووووول
مب لازم اكملها تكفي النيه في القلب
وبعدين يقولون لك البترول غلوه وانت تعطيني محاظرات
وخررررررر ززززززين
<<<<< كانت بتطلع جي اكس
الحمدالله ما تهورت خل الكامري ابرك الف مره
والحمدالله والشكر
يالله الستر بس

ايش رايـج تصلين بوضـوء ناقص, اهـم شي النيـة :nice: . . . ولا ايش رايـج تصليــن بدون قراءة الحمد, اهم شي النيـة :rolleyes2: . . .

بسم الله الرحمــن الرحيم

(هَلْ جَزَاء الْإِحْسَانِ إِلَّا الْإِحْسَانُ)*

صدق الله العظيم

لاحول ولاقــوة الا بالله العظيم

الله يعيــن المنتدى

*سورة الرحمـن - اية 60

[ولد قحطان]

تهقون انه المسؤولين في وقود او عيالهم الحين ما قروا الموضوع والردود

ياترى شنو احساسه وهو يشوف دعاوي و تحلطم و تحسبن خلق الله عليه

مستانس ولا متكدر ..؟

واللي يقول انه ما له داعي للضجة كلها 15 درهم

بكرة كل شي يرتفع والسبب انه البترول والديزل داخل ضمن حساب اي مصاريف مواصلات وشحن واستيراد وتوريد وخرابيط

يعني حتى الكرك بيرتفع سعره

[غير عنهم]

الحين كل شي بيرتفع سعره عشان ارتفاع سعر البترول

حتى المطاعم بترفع السعر عشان سعر التوصيل بالسيارة

دول البترول وترفع اسعار البترول:anger1: عاد فرصه وجاتهم وبذات المطاعم

[*¤ بن قطر¤*]

الدولة صرفت الكثير و الكثير من المليارات في الفتره الماضيه في الاستثمارات , المساعدات, المؤتمرات,الرعاية ... ألخ

فحان الوقت لسداد هذه الفواتير :victory:

[لاجئ سياحي]

كيفَ السبيلُ إلى الأفراحِ فى وطنٍ ...يزدادُ بؤساً إذا ماأقبلَ العيـدُ
وكيفَ نعشقُ بعدَ اليومِ أغنية ... وكيفَ تحلو لنا بعـدُ الأناشيـدُ



ترى الخلائقَ يومَ العيدِ باسمةً ... ونحنُ نبكى وكفُ الشرِ ممـدودُ
ترى الدموعَ لها فى العينِ رقرقةً .. وفى الخدودِ وقد شُقّتْ لأخاديدُ


ويشربُ الناسُ فى أعيادهم عسلاً .وعندنا الصابُ فى الأعيادِ محمودُ

كـأنَّ شعبي معَ الأحزانِ موعدهُ . في كلِِ عيدٍ وما تبلى المواعيـدُ
تـرى الليـاليَ سوداً فى حوادثها وللمصائبِ عندَ النومِ تسهيـدُ

عيدٌ يمـرُّ وأعيـادٌ تظللنا ... لكـنْ بأيةِ حـالٍ عدتَ يا عيـدُ


دمتم بحفظ الله/ منقول

[الماريّة]

بلادى وأن جارت على عزيزة
ولو أننى أعرى بها وأجوع
ولى كف ضرغام أصول ببطشها
وأشرى بها بين الورى وأبيع

تظل ملوك الأرض تلثم ظهرها
وفى بطنها للمجدبين ربيع

أأجعلها تحت الثرى ثم أبتغى
خلاصا لها ؟ أني اذن لوضيع

وما أنا إلا المسك فى كل بلدة
أضوع وأما عندكم فأضيع


الله يرزق قطر البطانه الصالحه وينزع منها كل طماع جشع خبيث دعوة شوفات ضعيفات تحت رحمتك يارب

[ابن تميم]

قلت فلوسهم وحيلتهم علينا لماذا لا يرفعون اسعار التصدير

[ام السعف]

قلت فلوسهم وحيلتهم علينا لماذا لا يرفعون اسعار التصدير

اممم
اعتقد ما يصير يرفعون على كيفهم :shy:
بس علينا يستوي كل شي بيكفهم :shy:

[الشقيان]

اممم
اعتقد ما يصير يرفعون على كيفهم :shy:
بس علينا يستوي كل شي بيكفهم :shy:

:rolleyes2::rolleyes2::rolleyes2:

[الـقـاسـي]

http://www.safeshare.tv/v/tpOMX2kCYs4

فيديو اعجبني بعد رفع سعر البترول في قطر .. أم السعف وموضي لاتشوفونه :shy: اخاف تتفاعلون زيادة مانبي نخسركم من المنتدى :tease:

[abn qatar]

ماقول الا حسب يالله ونعم الوكيل قنوات رياضيه تصرف الملاييين على اشياء تافه لارقيب

ولاحسيب شركات تخسر الدوله الملاييين مع شوارعها الكحيانه لارقيب ولاحسيب الرياضه

خصوصا كره القدم ملايين انصرفت على منحرفين لاحسيب ولا رقيب الحين يرفعون اسعار

البترول القادم مذهل لمذله الشعب اصبحت قطر للاسف ليست للقطريين البسطاء اصبحت

غابه للاغنياء حتى يترزقون اكثر واكثر

[The Charming]

بصراااااااحة خوووووش تغيير للشعب القطري اللي كان يتامل مكرُمات بالاخص في اليوم الوطني واستضافة كأس العالم . سمعنا عن اسقاط ديون و و و !!!

الدول الخليجة كل يوم تريد احسان للشعب واخر شي الكويت ، واحنا ؛( . ليش يعني محتاجين لهالزيادة من جيوبنا ؟


يعني كل ماجات زيادة كم ريال لنا اناخذت بطرق اخرى ، والمشكلة يا اخوان اللي مثل حالتي عنده تريلتين يترزق من وراهم ، الديزل طااااار



حسبُنا الله ونعم الوكيل

شكراً جزيلاً وكلنا قطر

[بوخالد911]

وماذا بعد البترووول؟!؟!؟!؟!؟

25/1

[*¤ بن قطر¤*]

وماذا بعد البترووول؟!؟!؟!؟!؟

25/1




الماء و الكهرباء :(

[almaf1a]

أتمنى زيادة علاوة التنقل لجميع الوظائف
لتواكب هذا الارتفاع

[G0LD]

الله المستعان

[R 7 A L]

http://www.safeshare.tv/v/tpOMX2kCYs4

فيديو اعجبني بعد رفع سعر البترول في قطر .. أم السعف وموضي لاتشوفونه :shy: اخاف تتفاعلون زيادة مانبي نخسركم من المنتدى :tease:

ذكرني في اغلبية الجمهور القطري لما يحضر مباريات المنتخب :tease:

[ام السعف]

http://www.safeshare.tv/v/tpomx2kcys4

فيديو اعجبني بعد رفع سعر البترول في قطر .. أم السعف وموضي لاتشوفونه :shy: اخاف تتفاعلون زيادة مانبي نخسركم من المنتدى :tease:

لا اتحاتي يا القاسي ،، امس حصلت تهديد من الدرجة التاسعة من بو العيال
مفاده ان اي كلمة زايدة في المنتدى بيقطع عني النت في البيت وبيسحب الجوال
عني وبيطلب من العيال يغيرون باسوورد شبكتهم ،، وان حس ان هناك دخول بالخش
بيسحب اللابتوب والايباد والجوالين وكمبيوتري الكبير ،، وان شاف هناك اي
حركة للمحاولة للدخول من بيت ابوي ،، بيمنعني من زيارة امي وابوي ،،
وان شافني قاعدة مع حد من عيالي وفي يده جواله بيسحبه منهم واحد ورا الثاني،،:(

خلاص انا تغيرت خلاص مب قايلة شي ولا بتكلم بسكت خلاص
وعطوني واحد
ويلي

[ام السعف]

ذكرني في اغلبية الجمهور القطري لما يحضر مباريات المنتخب :tease:

هاهاهاها
يسلم ويهه والله بعدي عليه هاهاهاهاها
فديت نظارته هاهاهاهاها

[رايق]

لا اتحاتي يا القاسي ،، امس حصلت تهديد من الدرجة التاسعة من بو العيال
مفاده ان اي كلمة زايدة في المنتدى بيقطع عني النت في البيت وبيسحب الجوال
عني وبيطلب من العيال يغيرون باسوورد شبكتهم ،، وان حس ان هناك دخول بالخش
بيسحب اللابتوب والايباد والجوالين وكمبيوتري الكبير ،، وان شاف هناك اي
حركة للمحاولة للدخول من بيت ابوي ،، بيمنعني من زيارة امي وابوي ،،
وان شافني قاعدة مع حد من عيالي وفي يده جواله بيسحبه منهم واحد ورا الثاني،،:(

خلاص انا تغيرت خلاص مب قايلة شي ولا بتكلم بسكت خلاص
وعطوني واحد
ويلي

عادي
ممكن تحتجين على الحظر البري و البحري والجوي المفروظ عليج بطريقة حضارية

كلها لتر بترول :looking: (مش سوبر .. الممتاز ارخص :D) .. و عود كبريت
ثاني يوم بتشوفين ابو العيال على اول طياره حاط رجله :whistling:

[ام السعف]

عادي
ممكن تحتجين على الحظر البري و البحري والجوي المفروظ عليج بطريقة حضارية

كلها لتر بترول :looking: (مش سوبر .. الممتاز ارخص :D) .. و عود كبريت
ثاني يوم بتشوفين ابو العيال على اول طياره حاط رجله :whistling:


بدينا التحريض ،، لا خلاص انا قلت له ان شاءالله اللي تامر فيه
بيصير اشتبي ؟
قال لي وانت داشة وطالعة امدحي وامدحي وامدحي ،،
قلت له تامر ما طلبت شي يا بو فلان افا عليك باكتب اشعار لو تبي في المدح
قال لي خلج عن الاشعار مابي اضغط عليج زيادة لأني عارف انج ما اتحبينها،،

وتقديرا لتفهمه انا رهن اوامره وما اقدر اخالفها ،، ولحد يخربني على
بوالعيال :shy:

[رايق]

بدينا التحريض ،، لا خلاص انا قلت له ان شاءالله اللي تامر فيه
بيصير اشتبي ؟
قال لي وانت داشة وطالعة امدحي وامدحي وامدحي ،،
قلت له تامر ما طلبت شي يا بو فلان افا عليك باكتب اشعار لو تبي في المدح
قال لي خلج عن الاشعار مابي اضغط عليج زيادة لأني عارف انج ما اتحبينها،،

وتقديرا لتفهمه انا رهن اوامره وما اقدر اخالفها ،، ولحد يخربني على
بوالعيال :shy:


قالها الريس عبدالله صالح (بنطق الدال طاء) :tooth:

اليمن ليست تونس

خلاص اجل .. خلي منج الانتقادات والشكاوي :protest:

[ام السعف]

قالها الريس عبدالله صالح (بنطق الدال طاء) :tooth:

اليمن ليست تونس

خلاص اجل .. خلي منج الانتقادات والشكاوي :protest:




من قال اني ما خليتهم...> دنا تغيرت خالص :shy:
هذاني ببتدي فيك ،، يا احسن عضو في المنتدى
يا اطيبهم كلهم يا كشخة يا شيك يا اوبهة :shy:...> اشرايك في الإسلوب اليديد ؟:shy:

[الـقـاسـي]

لا اتحاتي يا القاسي ،، امس حصلت تهديد من الدرجة التاسعة من بو العيال
مفاده ان اي كلمة زايدة في المنتدى بيقطع عني النت في البيت وبيسحب الجوال
عني وبيطلب من العيال يغيرون باسوورد شبكتهم ،، وان حس ان هناك دخول بالخش
بيسحب اللابتوب والايباد والجوالين وكمبيوتري الكبير ،، وان شاف هناك اي
حركة للمحاولة للدخول من بيت ابوي ،، بيمنعني من زيارة امي وابوي ،،
وان شافني قاعدة مع حد من عيالي وفي يده جواله بيسحبه منهم واحد ورا الثاني،،:(

خلاص انا تغيرت خلاص مب قايلة شي ولا بتكلم بسكت خلاص
وعطوني واحد
ويلي

هههههه حلوه من الدرجة التاسعه طلع ديكتاتوري ابو العيال ,, المفروض تمارسين الديموقراطية في البيت وتسوون لكم برلمان يوصل صوتكم حق ابو العيال عشان ماتصير قرارات عشوائيه منه ..

انا استنكر واشجب هالقرار الظالم بقطع الانترنت ومصادرة الاجهزه الا اذا بيعطيني الابتوب بوقف في صفه ..:tease:

[رايق]

من قال اني ما خليتهم...> دنا تغيرت خالص :shy:
هذاني ببتدي فيك ،، يا احسن عضو في المنتدى
يا اطيبهم كلهم يا كشخة يا شيك يا اوبهة :shy:...> اشرايك في الإسلوب اليديد ؟:shy:

لا .. كذا اووكي :shy:
انتي في السليم و تعتبرين مواطنة صالحة مشاركة في عملية التنمية

بس خلي المدح على فترات .. مب تقطينهم كلهم مره وحده

[ام السعف]

هههههه حلوه من الدرجة التاسعه طلع ديكتاتوري ابو العيال ,, المفروض تمارسين الديموقراطية في البيت وتسوون لكم برلمان يوصل صوتكم حق ابو العيال عشان ماتصير قرارات عشوائيه منه ..

انا استنكر واشجب هالقرار الظالم بقطع الانترنت ومصادرة الاجهزه الا اذا بيعطيني الابتوب بوقف في صفه ..:tease:

احنا اسرة ديمقراطية نعيش جو متنامي من الديمقراطية التي تخلو منها البيوت
المجاورة ولشدة فرطنا في الديمقراطية نتقبل اي قرار ديكتاتوري بكل ديمقراطية
وبل نرحب فيه ونحتفل بعد ونبين لصاحب القرار مدى تقديرنا لقراره ،،


حتى ولدي الصغير يوم طلبت منه الحلاوة وقال لي باعطيج ورد قط الحلاوة ولحستها
القطاوة يوم سألته ليش ؟
قال لي مب معطج انت عندج علوج وكفاية عليج ،، فرحت لأنه اقتصد
في الحلاوة للأجيال القادمة ،،:shy:

[ام السعف]

لا .. كذا اووكي :shy:
انتي في السليم و تعتبرين مواطنة صالحة مشاركة في عملية التنمية

بس خلي المدح على فترات .. مب تقطينهم كلهم مره وحده

على يدك ،، انقلني من عالم الدفاشة الى عالم المدح :shy:
يا أمير يا سكر يا حبيب الشعب :shy:

[الـقـاسـي]

احنا اسرة ديمقراطية نعيش جو متنامي من الديمقراطية التي تخلو منها البيوت
المجاورة ولشدة فرطنا في الديمقراطية نتقبل اي قرار ديكتاتوري بكل ديمقراطية
وبل نرحب فيه ونحتفل بعد ونبين لصاحب القرار مدى تقديرنا لقراره ،،


حتى ولدي الصغير يوم طلبت منه الحلاوة وقال لي باعطيج ورد قط الحلاوة ولحستها
القطاوة يوم سألته ليش ؟
قال لي مب معطج انت عندج علوج وكفاية عليج ،، فرحت لأنه اقتصد
في الحلاوة للأجيال القادمة ،،:shy:

محنكة انتي ماتقدرين تخلين المداخلات القوية حتى عن طريق المزح والتشبيه :victory:

[ام السعف]

محنكة انتي ماتقدرين تخلين المداخلات القوية حتى عن طريق المزح والتشبيه :victory:

الحين بتسوي لي مشاكل مع بو العيال ،، قال لي ما بي كلام مبطن خلي الكلام شفاف
ما بي بطانة تحت الكلام ،، ورحت وانت كتبت لي مداخلات قوية ومب عارفة ايش،،
يارب يارب ما يتابع هالمشاركة :(

[عابر سبيل]

قالها الريس عبدالله صالح (بنطق الدال:telephone: طاء) :tooth:

:protest:





اخوي رايق..
صبحكم الله باخير
و جلسة شاي الضحى..
شكلها رايقه:shy:..

بس..مدي..
قد يكون في ابدال (الدال) بالطاء..
مصيبة..انت اجدر
انك ساهي عنها..
ربما..انك..قصدت ابدال
(الصاد) بالطاء..
و لا ايش رايك..

[رايق]

اخوي رايق..
صبحكم الله باخير
و جلسة شاي الضحى..
شكلها رايقه:shy:..

بس..مدي..
قد يكون في ابدال (الدال) بالطاء..
مصيبة..انت اجدر
انك ساهي عنها..
ربما..انك..قصدت ابدال
(الصاد) بالطاء..
و لا ايش رايك..

مرحبا بخوي عابر سبيل
يالله حيه :)

لا .. القصد طال عمرك طريقة لفظ عبدالله عند اخوانا اليمنيين
وهي تشديد الدال بحيث تكون اقرب لـ طاء منها من الدال
فهي بين الدال و الطاء

[بلوتنيوم]

قالها الريس عبدالله صالح (بنطق الدال طاء) :tooth:

اليمن ليست تونس

خلاص اجل .. خلي منج الانتقادات والشكاوي :protest:




ههههههههههه
:tease:

[ام السعف]

ههههههههههه
:tease:

وعليا وعلى حالي :(
بالروح والطاعة نفديك يا بو العيال ،، مهما ضحك منا الضاحكون
وتندر منا المتندرون :shy: وطلع لنا لسانه البلوتنيوم:shy:
خلص رصيدي لليوم :(

[بلوتنيوم]

وعليا وعلى حالي :(
بالروح والطاعة نفديك يا بو العيال ،، مهما ضحك منا الضاحكون
وتندر منا المتندرون :shy: وطلع لنا لسانه البلوتنيوم:shy:
خلص رصيدي لليوم :(

لا تفهميني غلط
كان الضحك على الملك (الصالح)
وقفشة رايق :tease:
وعموما
الناس مسندرينا يقولون اهم شيء ترضى عن نفسك
مع انه القاعدة تقول (من رضى عن نفسه سخط الجميع عليه)
فعلشان كذا صعب نوصل لمرحلة الرضى عن النفس:weeping:

[موضي قطر]

http://www.safeshare.tv/v/tpOMX2kCYs4

فيديو اعجبني بعد رفع سعر البترول في قطر .. أم السعف وموضي لاتشوفونه :shy: اخاف تتفاعلون زيادة مانبي نخسركم من المنتدى :tease:



هااااااااا
هذا يسمونه تحريض ؟!:(

ماهقيتها منك يالطيب مابيكم تفقدوني بسبة فكرة هوجاء :eek5:

وام السعف ماقصرت صالحتني مع بعض الناس اصبروا علي شوي للحين " ماجف حبر الصلح :secret:

[الـقـاسـي]

هااااااااا
هذا يسمونه تحريض ؟!:(

ماهقيتها منك يالطيب مابيكم تفقدوني بسبة فكرة هوجاء :eek5:

وام السعف ماقصرت صالحتني مع بعض الناس اصبروا علي شوي للحين " ماجف حبر الصلح :secret:

:omg: لاتحريض ولاشي ..
انتي ظلمتيني ومراح اسامح الا بغرامة قدرها مائه لتر بترول بشرط ان يكون سوبر انتاج اليوم

[بلوتنيوم]

http://www.safeshare.tv/v/tpomx2kcys4

فيديو اعجبني بعد رفع سعر البترول في قطر .. أم السعف وموضي لاتشوفونه :shy: اخاف تتفاعلون زيادة مانبي نخسركم من المنتدى :tease:

هههههههههههه
بعيدا عن الفيديو المضحك
بس يخليك
تحس انه الجيل القادم
مب سيء مثل ما احنا متوقعين
بالعكس
بيكون له دور كبير :)

[زهرة بنفسجية]

اتابع الردود............
لكن ..
خلنا نوقف وقفة جدية أمام هالقرار
لااااا لارتفاع الاسعار
نطالب الحكومة باعادة النظر مشكوورة


هذا اول الغيث...
ارتفاع الاسعار في كللللل شي

الناس تعبانة من الديون و المصاريف بعد ناقصها هالزيادة

[الألماسي]

تحس انه الجيل القادم
مب سيء مثل ما احنا متوقعين
بالعكس
بيكون له دور كبير :)


نقـد لاذع و لكن بطريقه كوميديّه . .

الأهم وصلت الفكـره . .

:)

[m7dmrta77]

انا مع زيادة البترول ورسوم الكهرباء والماء ......!:secret:
وزيادة الرواتب الدولة 100% واطاحة الديون :secret:وتفعيل توظيف القطريين 100% وتمييز القطريين عن الباقي ....! ووووووو الخ :secret:
انا قطري سعيد فقط لوجود ..............الآمان الآمان الآمان :victory:
محد مرتاح

[قطرية مثقفة]

http://www.safeshare.tv/v/tpOMX2kCYs4

فيديو اعجبني بعد رفع سعر البترول في قطر .. أم السعف وموضي لاتشوفونه :shy: اخاف تتفاعلون زيادة مانبي نخسركم من المنتدى :tease:

هههههههههههههههههههههههه:nice::nice:
والله عندنه مواهب دفينه ،،،،،:)

[الـقـاسـي]

اتابع الردود............
لكن ..
خلنا نوقف وقفة جدية أمام هالقرار
لااااا لارتفاع الاسعار
نطالب الحكومة باعادة النظر مشكوورة


هذا اول الغيث...
ارتفاع الاسعار في كللللل شي

الناس تعبانة من الديون و المصاريف بعد ناقصها هالزيادة

انزين شلون نبلغ الحكومة اننا متضايقين من هالزيادة عشان ع الاقل يحطون باعتبارهم يراعونا في القرارات بالمستقبل ..

[روميت]

http://www.7lum.com/wp-content/uploads/2010/12/world_cup_2022_in_qatar.gif


http://www.7lum.com/wp-content/uploads/2010/12/world_cup_2022_in_qatar.gif


وتو الناس ما شفتو شي ..... ولا عزاء للطبقة الكادحة :(



:(

كاس العالم 2022



صحيح معاك حق نحن مازلنا الارخص ...!

وانا اذكر من سنتين كنت في بنغلادش اسوق كروزر عبيت البترول فل بـ تقريباً ما يعادل 800 ريال قطري .

...........

يقارنون دوله تحتها انهار من النفط والغاز بدوله..........ماعندها غير الفلس

و يقارنون ...دولة تصدر النفط والغاز ودولة تصدر البصل والطماط ....!


بوخليفة123 صباح الخير :rolleyes2:



منطق عقلاني .... أحسنت

[واحد 11]

القرار جاء مفاجئ بشكل غريب وحتى الخبر جاء على هيئة مصدر مسؤول في شركة وقود

ولانعلم كيف ولد القرار وعلى اي جهات مر وتم المصادقه عليه ...

والأدهى من ذلك اراء الخبراء والناس وردود الافعال في الصحف وكلها كانت متقبله للقرار

اعتدنا على قراءة ارقام بالمليارات لمشاريع وتبرعات .... وكلها خلال فترة قريبة .. ومن الطبيعي ان لايقبل الناس في الطرف المقابل اي ضريبة لذلك

[Affable Lady]

القرار جاء مفاجئ بشكل غريب وحتى الخبر جاء على هيئة مصدر مسؤول في شركة وقود

ولانعلم كيف ولد القرار وعلى اي جهات مر وتم المصادقه عليه ...

والأدهى من ذلك اراء الخبراء والناس وردود الافعال في الصحف وكلها كانت متقبله للقرار

اعتدنا على قراءة ارقام بالمليارات لمشاريع وتبرعات .... وكلها خلال فترة قريبة .. ومن الطبيعي ان لايقبل الناس في الطرف المقابل اي ضريبة لذلك

والغريبــــة ..
ان ثاني يوم .. توقعت ألقى الخبر يتصدر الصفحة الاولى بقرار من ..... (كان من يكون )
إلا إني لقيتهم متصدرين فيه الصفحة الاقتصادية ومهتمين بفضايح الجزيرة على الصفحة الاولى !!

..نفهـــم إنهـــم يبون يحطـــون الشعب القطري أمام الأمر الواقـــع .... وماله داعي ينحط في الصفحة الرئيسية لان القطريين بيقبلون بيقبلون {رضوا والا ما رضوا :weeping:}

[واحد 11]

والغريبــــة ..
ان ثاني يوم .. توقعت ألقى الخبر يتصدر الصفحة الاولى بقرار من ..... (كان من يكون )
إلا إني لقيتهم متصدرين فيه الصفحة الاقتصادية ومهتمين بفضايح الجزيرة على الصفحة الاولى !!

..نفهـــم إنهـــم يبون يحطـــون الشعب القطري أمام الأمر الواقـــع .... وماله داعي ينحط في الصفحة الرئيسية لان القطريين بيقبلون بيقبلون {رضوا والا ما رضوا :weeping:}

لا الغريب انه كان مكتوب مصدر مسؤول من شركة وقود طيب من هو هالمصدر وليش مانذكر الاسماء مثل ماننشر وثائق وفضائح الفلسطينيين
وكيف الاجتماع اللي حصل كيف صار ووين تغطية الصحافة لخبر هام كهذا

[Affable Lady]

لا الغريب انه كان مكتوب مصدر مسؤول من شركة وقود طيب من هو هالمصدر وليش مانذكر الاسماء مثل ماننشر وثائق وفضائح الفلسطينيين
وكيف الاجتماع اللي حصل كيف صار ووين تغطية الصحافة لخبر هام كهذا


وللأســــف ..

للحين الشعب القطري ما يعرف من هو صاحب القرار
أو يمكن يعرف .. أو بالاحرى مايعرف (ماندري) :weeping:

لو كان في دولة عربيــة .. كان قامت القيامة ولا قعدت حتى لو كان الامر نافـــذ ..
أما احنـــا Speechless :weeping:

[al_lord]

وللأســــف ..

للحين الشعب القطري ما يعرف من هو صاحب القرار
أو يمكن يعرف .. أو بالاحرى مايعرف (ماندري) :weeping:

لو كان في دولة عربيــة .. كان قامت القيامة ولا قعدت حتى لو كان الامر نافـــذ ..
أما احنـــا speechless :weeping:


عادي مادام هناك دول اغلى في سعر البترول !

طبعا أعلاه رأي البعض
اليوم قرأت خبر في الجزيره بزيادة الرواتب في اليمن 10%
هذا يعني ان الجميع شعر بما حصل بتونس
الا هنا :(

[Affable Lady]

عادي مادام هناك دول اغلى في سعر البترول !

طبعا أعلاه رأي البعض
اليوم قرأت خبر في الجزيره بزيادة الرواتب في اليمن 10%
هذا يعني ان الجميع شعر بما حصل بتونس
الا هنا :(


برايك ..

لو ابي أعلن احتجـــاجي .. بأسلوب حضـــاري يتماشى مع القرار ..

شلون ؟ {تهت وتاه مني الطريق :weeping:}

[ام السعف]

برايك ..

لو ابي أعلن احتجـــاجي .. بأسلوب حضـــاري يتماشى مع القرار ..

شلون ؟ {تهت وتاه مني الطريق :weeping:}

تطلب تصريح من وزارة الداخلية اولا ،، ومن ثم تنتظر اسبوعين
وبعد الاسبوعين ان رفض طلبك اعتقد تطالب بمقابلة الوزير،،
وان رفض انسى الموضوع ( اشرايك ؟ ) :shy:

[ام السعف]

طيب ،، لو خلينا البنزين على صوب ،، ترى وقود الطائرات ارفعوا سعره بنسبة 100%

القطرية على جذيه كم بتوصل اسعار تذاكرها ؟

تقول لي وحدة انها ارفعوها بنسبة 30% لأنهم راحوا يحجزون للايستر
انصدموا ،،

فهل هالخبر صحيح ؟
ان القطرية ارفعت اسعار تذاكرها بنسبة 30% ؟

[الـقـاسـي]

طيب ،، لو خلينا البنزين على صوب ،، ترى وقود الطائرات ارفعوا سعره بنسبة 100%

القطرية على جذيه كم بتوصل اسعار تذاكرها ؟

تقول لي وحدة انها ارفعوها بنسبة 30% لأنهم راحوا يحجزون للايستر
انصدموا ،،

فهل هالخبر صحيح ؟
ان القطرية ارفعت اسعار تذاكرها بنسبة 30% ؟

يعني بالذمة الحكومة عطتهم الفرصه لجميع التجار على طبق من ذهب لرفع الاسعار وكانها تقول لهم دوسوا المواطنين اكثر مما هم يعانون .. وماتبينهم يرفعون الاسعار بعد

[وافق شنن طبقة]

كل شي زاد ..


وامس سعر الحديد تقريبا بيوصل 3000

والله مصيبه


والاجارات ارتفعت من بعد القرار الجديد


ماعاد فيه ارتفاع 20% لا مفتوح اللمت


ومن ظمنها محلات في شارع ال شافي .وصل اجارها امس 37 الف ريال للباب

والمحلات الي عند اول اشاره وصل اجارها 16 الف ..

والبيوت بيوصل اجارها اعبر واعبر


وحاليا الي يبني بيتوهق ..ومن ظمنهم انا حاليا سعر الحديد ارتفع..

والحمدلله شاريه من قبل اتمنى اتمنى اتمنى يكفي عندي ..



وش باقي مازاد ؟؟حتى الزقاير زاد سعرها .


سعر البكت اشتريه الحين ب 10 ريال ..فليب مورس<<بغير بدخن بيري..حقت هنود


حالتنا يرثى لها

[<اضرب واشرد>]

سعر البكت اشتريه الحين ب 10 ريال ..فليب مورس<<بغير بدخن بيري..حقت هنود

زين عساه يوصل 1000 ريال

[وافق شنن طبقة]

زين عساه يوصل 1000 ريال

هههه
مالومك بس المقصد كل شي زاد:omen2:

[ام السعف]

يعني بالذمة الحكومة عطتهم الفرصه لجميع التجار على طبق من ذهب لرفع الاسعار وكانها تقول لهم دوسوا المواطنين اكثر مما هم يعانون .. وماتبينهم يرفعون الاسعار بعد

شوف يا اخوي القاسي ،، احنا امام حقيقة وواقع لا مفر منه

ان نعيش قوت يومنا باليسر اليسير المتوفر من خلال حالتنا المادية
ومن ثم نعمل على البحث عن بدائل تسد رفاهيتنا التي يعلن عنها في وسائل
الإعلام ،،

الأسعار في غلاء في كل دول العالم ،، بس من غير المعقول مع ارتفاعها
تبقى اسطوانة الشعب المرفه تلصق فينا نحن ابناء قطر ،،
كرتون الدجاج وصل 150 ل 1220 كيلو ،،
هذا بس الكرتون الواحد اللي كان ينخذ على 123 ريال :telephone:

طيب باقي المواد اشلون التعامل معاها ؟

[الشقيان]

حسبي الله عليج من كووووووورة :(

[الشقيان]

كل شي زاد ..


وامس سعر الحديد تقريبا بيوصل 3000

والله مصيبه


والاجارات ارتفعت من بعد القرار الجديد


ماعاد فيه ارتفاع 20% لا مفتوح اللمت


ومن ظمنها محلات في شارع ال شافي .وصل اجارها امس 37 الف ريال للباب

والمحلات الي عند اول اشاره وصل اجارها 16 الف ..

والبيوت بيوصل اجارها اعبر واعبر


وحاليا الي يبني بيتوهق ..ومن ظمنهم انا حاليا سعر الحديد ارتفع..

والحمدلله شاريه من قبل اتمنى اتمنى اتمنى يكفي عندي ..



وش باقي مازاد ؟؟حتى الزقاير زاد سعرها .


سعر البكت اشتريه الحين ب 10 ريال ..فليب مورس<<بغير بدخن بيري..حقت هنود


حالتنا يرثى لها

الله كريم اخوي :(

بس خف من التدخين :anger1: