المساعد الشخصي الرقمي

مشاهدة النسخة كاملة : :::...اقول...زوجهاااااا عشان ترتااااح منها...:::...احم


The Master
23-01-2011, 03:37 AM
احم احم...ثم احم...

هلا ومرحب بالجميع...

من العنوان بتوصل فكرة الموضوع...لكن مش كاملة فا تابعوا باقي الموضوع ولا اتهونون عشان توصل الفكرة...:nice:


في هالموضوع اكلم الفئتين الرجال والنساء...
يمكن البعض يحط اللوم على الرجال...بحكم انه رب البيت...لكن كذلك هناك عتب عالمرأة...بحكم انها يا اكون مع او ضد...وبعض الاحيان هي المحرض...:eek5:

طيب الموضوع هو عن تزويج البنت...
قبل لا اتغوصون في الموضوع...الكلام اللي بينقال اقتناع ونظرة خاصة فيني...ولكم الحق في القبول او الرفض...

احد البيوت...فيه زوجين الزوجين...الله سبحانه رزقهم ب بنت امورة...
اكبرت البنت...وماشاء الله امسويه روح وجو في البيت...كان سوالفها...ضحكها...لعبها...احترامها لابويها...وخدمتها لهم...
القصد البيت بدونها ملل...

لحد الحين وحياتهم طبيعية...وجميلة...وبدون تعقيدات...لكن

خلصت الثانوية...

هنا بدأت الوساوس...والمحاتاة...والتفكير...
اقصد ابها الاب والام...
من ناحية...ان لازم انزوجها...
طيب ليه؟؟؟ وش الاسباب عشان اتزوجها في هالعمر...القصد...ليش هالسرعه؟؟

الاجابات كالتالي...

- انخاف عليها من اعيال الحرام...كانوا صدقاتها...او اتعرف لها على واحد ينصب عليها...

جوابي لهم: خلكم منطقيين...الاساس في الموضوع هو التربية الصالحة...والتربية الاسلاميه...بمعايير اسلامية...وهي اللي بتقودها...وبتسلمها من هالامور...ماقول اتركوها على كيفها...لكن حرص ولا اتخون...يعني خلك متابعها بدون الظن بالسوء...
واذا جات عالحرام...ترا اذا بغت البنت تخترب بتخترب...ماجات على تزوجها ولا لا...

- الناس وش بتقول عنا...بيتكلمون في بنتي...هذي بنت افلان للحين ماتزوجت...يعني فيها بلا؟؟؟...فا لازم استعجل في عرسها؟؟؟...

جوابي لهم: كلام الناس كثير...محد راح يفهم ظروفك الا شخص نفسك...وزواج البنت مش معيار...كلها نصيب...واقدار...
وشي ثاني اذا فكرت بهالتفكير...ترا صدقني راح اتوافق علي اي شخص يجيك...ماراح اتكون بكامل عقلك...فا قرارك بيكون مش منصف...بحكم انك اتحاتي... وبتعبير ثاني...قرارك مجرد "تبغي تفتك من بنتك"...


- في من الناس اللي اعقولها متفتحه اتقول... البنت ايام الدراسة كانت مشغولة بالدراسة...لكن الحين راح تفضى...وبتكون لا شغل ولا مشغلة...فا يمكن تتخذ طريق خطأ...او اسلوب في الحياة يكون خطأ؟؟

جوابي لهم: يعني ليه السلبية في تفكيركم؟؟؟
ليه ماقلتوا مثلا انها بتحاول اتقرب من الله سبحانه...وتحفظ كتابه...وتحضر ندوات...فا يتوسع الفهم الديني عندها...وكل هالامور تحت يدكم انتوا...اغرسوا فيهم هالشي...

وسبب تفكيركم السلبي...لوجود النقص فيكم انتوا...او اللي حواليكم...فا اكيد بتخافون على بنتكم...
ترا البنت غير عن الولد...لما اتفهمها انك تثق فيها...وانك معتمد عليها...صدقني القليل والنادر منهم من يطعن...او يكسر الثقة...واتسوي اي شي عشان ثقة والديها فيها او زوجها كذلك...

وكفاية عندك مثال نسبة خيانة الزوج مقارنة ب الزوجة...
الزوج يخون ويمكن يفكر مرة في ثقة زوجته...اما المرة فا قبل لا اتخون اتفكر مليون مرة...
واكيد ما ننسى الوازع الديني مهم في هالمسألة...لكن لتوضيح المثال...


طيب عشان ما انطول الموضوع...وطبعا في وجهات نظر كثيرة...فا اختصر لكم نظرتي لهالموضوع...

صحيح ان الزواج احصن للمرأة...وافضل لها...
وانا مش ضد هالشي...ابدا فا هذا شرع الله...وانا من الناس اللي يدعون له كذلك...ويشجعون الناس عالزواج...

لكن وجهة نظري هي...ليه الزواج المبكر...ليه العجلة...
بتقولون لي وليه ما انزوجها بسرعة؟؟

اولا... البنت توها اصغيرة...تقولون العقل كبير...اقول لكم اي صح...لكن الواحد يحتاج خبره في الحياة...والخبرة ماتجي الا بعد التجربة...
واقصد هنا في التعامل مع الناس...وفئات المجتمع...فا لما كانت في الثانوية...ما احتكت في البشر واجد...فا هذا راح يأثر عليها سلبا اذا تزوجت...

ثانيا... البنت كانت طول حياتها بين الكتاب والسبورة... طيب عطوها فرصة شوي اتعيش حياتها...خلوها اتشوف الدنيا...اتشوف العالم الخارجي...بحلوه و بمره... على طول خذوه فا غلوه... شوي شوي عليها...
لاحقة حق الغثى...والعبالة...والحمل اللي بيتعبها...وبيضيق عليها...وهي توها للحين ماعاشت حياتها...توها اصغيرة واتشوفها اتعابل لها ياهل...وهي تحتاج من يعابلها...والمسؤولية اللي هي الحالها شي كبييير...
فا خلوها اشوي ترتاح...واتفرفش...

ثالثا... الحين اذا كان عمرها 18 سنة...اغلب الظن اللي بياخذها بيكون عمره حول ال 20-22 تقريبا...يعني هذا ابروحه بزر...والشباب الي في العمر معروف تفكيرهم...وشغفهم للزواج شي واحد فقط...ومايفكر في غيره...فا هذي مشكلة كبيرة...وتمنعه من انه يشوف امور اخرى...كان في التعامل او المسوولية او في العيشة...
كل تفكيره انه يبغي مره وبس...شي ثاني مايجي على باله...
فا هذا بيأثر على البنت كثير...خاصه اللي هي اتفكر في الرومانسية...والحياة الوردية...واتفاجئ ب وحش...:secret:

رابعا... الله يبعد عنها العنوسة...لكن بالنسبة لي اشوف حلاة البنت اتزوج وهي في عمر 21 تقريبا...قد شافت واكتسبت وافهمت...واهم شي استانست...
واكيد ان شاء الله لما اتزوج بتستانس اكثر...لكن خلها تعرف الفرق بين الحياتين...العزوبية...والزواج...وبذلك بتقدر الحياة الزوجية...وحلاتها...وان شاء الله بتسوي كل اللي تقدر عليه عشان تبقى على حياتها الزوجية...
وايضا لما توجد مشاكل او خلافات...بتلقاها عاقلة...وراكدة...وفاهمة...

وترا مب عيب المرة اذا ماتزوجت...هالافكار مجرد في مجتعاتنا...اللي اتحب اتنقص في الناس...هل وجد في القرآن او السنة اي ذكر للمرأة العانس انها على خطأ ؟؟...طبعا لا...

وصدقوني...يازين البيت اللي فيه بنات:shy:...كانوا بناتك او خواتك...
بالنسبة لي هم فاكهة البيت...وبدون الفاكهة...ماتحلى الجلسة :( ...
الله يخلي لكم خواتكم وبناتكم يا رب...


وانهي كلامي بحديث الرسول عليه الصلاة والسلام...في تربية البنات...وذلك لصعوبة تربيتهم...واجره عند الله..."خوفي عقب الحديث محد بيزوج بنته او اخته:secret:...احم"
قال الرسول عليه الصلاة والسلام...:
" من كان له ابنتان فأحسن إليهما كن له سترا من النار "


طبعا لكل قاعدة شواذ...وكلامي يمكن ماينطبق على الكل...لكن تبقى وجهة نظري...
مايحتاج تقتنع...لكن خذ منها اللي يفيدك واترك الباقي...
لكن اتمنى منكم التفكير في هالموضوع يا الابهات والامهات...وبس:nice:

اخوكم علي...
ويامرحبا بكم :nice:
صعبة وصوفه
23-01-2011, 04:12 AM
كلامك صحيح اخوي.. البنت بسن ١٨ صغيرة وماعندها خبرة بالحياة.. بس اظن بالوقت الحالي تأخر عمر الزواج للبنت لانه الكثير منهن مرتبط بالدراسة الجامعية..

اشكرك اخوي عالطرح المميز
مهل
23-01-2011, 04:34 AM
السلام عليكم


بكل صراحه مريت على الموضوع مرور سريع و انا اقرا خطر في بالي شي غريب ... انت ذكرت ان الموضوع قناعات شخصيه منك ،، ولكن فعلا استغرب من بعض الافكار من بعض الاشخاص (لا اقصدك انت يالماستر بالتحديد) تلقي شخص عنده في باله فكره تنصدم اذا تسمعها ولكن العقل يقول هالشخص ما حط هالشي قناعه عنده الا من شي شايفه او تكرر سمعه له .

سن الزواج الحكومه محددته بـ ١٧ مش اقل
سن الزواج المناسب للشاب من ٢٥ لين ٣٠ يعني غالبا بيتزوج بنت في سن ال ٢٣ و هالسن البنت تكون غالبا تدرس في الجامعه و انا شخصيا ضد و بقوه ضد الاب الي يقول ابيها تكمل دراستها و الزواج بعدين .. هذي هي الي تودي في داهيه
ماتخلص البنت دراستها الا سنها فوق ٢٤ هذا اذا ماطلبت تكمل دراسات عليا او توظفت بوظيفه تحتاج كورسات و دراسه و ينتظرونها تخلص و اخرتها الازواج يقلون جدا لان كل زوج يبي يتزوج خذ الي يبيها و توكل على الله

انا الي مقتنع فيه ان الاسر يجب ان تيسر امور الزواااج بكل ما اوتو من حيله ،، عدد البنات زايد جدا جدا على عدد الشباب و التعدد اغلب خلق الله ينظرون له كصفه شينه للاسف ،، زين البنات الي تارسين البيوت من بياخذهم ،، امريكي ولا الماني ؟

هذي مشاركتي و بشكل سريع و السموحه اذا فيها اخطاء املائيه او عدم ترابط في الافكار

واشكرك
The Master
23-01-2011, 06:17 AM
كلامك صحيح اخوي.. البنت بسن 18 صغيرة وماعندها خبرة بالحياة.. بس اظن بالوقت الحالي تأخر عمر الزواج للبنت لانه الكثير منهن مرتبط بالدراسة الجامعية..

اشكرك اخوي عالطرح المميز

هلا بك اختي المتفائلة...

تشكرين على وجهة نظرك...
والله يعين الجميع...

العفو اختي... وتشكرين عالتواجد الجميل...

لاهنتي...
ويامرحبا بك...:nice:
بنت سيف
23-01-2011, 06:26 AM
وجهة نظر عاقلة .. يالماستر ..


متابعة معاك ..


وشكري العميق لك على مواضيعك الطيبة



بنت سيف
مشتاقة لقطر
23-01-2011, 06:52 AM
انا مع الزواج المبكر فيه علاج لحالات كثيرة ..
خلتتزوج وتعيش حياتها وتشوف الدنيا مع زوجها

انا تزوجت عمري 19 سنة وهو نفسي والحين صار لنا اكثر من 12 سنة والحمدالله عقلنا مع بعض .. ههههه

ترى الزمن يخوووف

ولدي بزوجه عقب الثانوية .. اذا الله اراد .. وبالكثر عقب الجامعة

يعني منوجهة نظري :الزواج المبكر هوالحل هو الحل هو الحل للجنسين
The Master
23-01-2011, 08:15 AM
السلام عليكم


بكل صراحه مريت على الموضوع مرور سريع و انا اقرا خطر في بالي شي غريب ... انت ذكرت ان الموضوع قناعات شخصيه منك ،، ولكن فعلا استغرب من بعض الافكار من بعض الاشخاص (لا اقصدك انت يالماستر بالتحديد) تلقي شخص عنده في باله فكره تنصدم اذا تسمعها ولكن العقل يقول هالشخص ما حط هالشي قناعه عنده الا من شي شايفه او تكرر سمعه له .

سن الزواج الحكومه محددته بـ 17 مش اقل
سن الزواج المناسب للشاب من 25 لين 30 يعني غالبا بيتزوج بنت في سن ال 23 و هالسن البنت تكون غالبا تدرس في الجامعه و انا شخصيا ضد و بقوه ضد الاب الي يقول ابيها تكمل دراستها و الزواج بعدين .. هذي هي الي تودي في داهيه
ماتخلص البنت دراستها الا سنها فوق 24 هذا اذا ماطلبت تكمل دراسات عليا او توظفت بوظيفه تحتاج كورسات و دراسه و ينتظرونها تخلص و اخرتها الازواج يقلون جدا لان كل زوج يبي يتزوج خذ الي يبيها و توكل على الله

انا الي مقتنع فيه ان الاسر يجب ان تيسر امور الزواااج بكل ما اوتو من حيله ،، عدد البنات زايد جدا جدا على عدد الشباب و التعدد اغلب خلق الله ينظرون له كصفه شينه للاسف ،، زين البنات الي تارسين البيوت من بياخذهم ،، امريكي ولا الماني ؟

هذي مشاركتي و بشكل سريع و السموحه اذا فيها اخطاء املائيه او عدم ترابط في الافكار

واشكرك

هلا بك اخوي مهل
بما انك مار عالسريع
انتظرك لما تقرا الموضوع بتأني
ويامرحبا بك
latty
23-01-2011, 08:27 AM
الطلاقات كثرت في زواج الصغار يعني بنت تخلص الثانويه او ماتخلص يزوجونها وللاسف بعد كم شهر ترد مطلقه والطامه الكبرى اذا حامل وتصبح ام ومطلقه بال19

والمحاكم تشهد بهذا للاسف
The Master
23-01-2011, 12:24 PM
وجهة نظر عاقلة .. يالماستر ..


متابعة معاك ..


وشكري العميق لك على مواضيعك الطيبة



بنت سيف

هلا ومرحب بك اختي بنت سيف...

تشكرين عالمرور الجميل...
والمتابعة الطيبة...

العفو...ماسوينا شي...
هذا من ذوقك...وماعليك زود...

والشكر موصول لك على التشجيع...وعسانا انكون كذلك وزود يارب...

ويامرحبا بك...
ولاهنتي اختي...:nice:
intesar
23-01-2011, 12:51 PM
في هذا الزمن الجميل زمن التيك أواي
أعتقد التريث أفضل يعني بالنسبة للفئتين يخلصون ويحصلون وظيفة ويتزوجون بعدها
لأن حالات الطلاق عندنا في زيادة مفرطة
ولكن وآه من لكن....
اذا جاء من ترتاحون لدينه ونسبه لا تترددون حتى لو البنت كان عمرها 18 لان أكيد ذي الدين والعقل راح يعقلها ..
وسلامتكم
sara jsm
23-01-2011, 04:35 PM
الطلاقات كثرت في زواج الصغار يعني بنت تخلص الثانويه او ماتخلص يزوجونها وللاسف بعد كم شهر ترد مطلقه والطامه الكبرى اذا حامل وتصبح ام ومطلقه بال19

والمحاكم تشهد بهذا للاسف

كلام سليم :victory:
:
ووجهة نظرك سليمة اخوي الماستر ,, :victory:

احين تلقى البنت او الولد وهم قبل الـ 18 يبغون يخطبون ويتزوجون ,,
يمكن الولد يصرح بهالشي ,, بس البنت تستحي لكن يكون في خاطرها ,,
من كثر الفتن في هالزمن والمسلسلات والاحلام الوردية ,,
والعلاقات العاطفية اللي اصبحت اساسية في حياه بعض الشباب ,,
:
لكن في هالوقت محد يزوج بنته بالغصب وبعضهم مايقدر اصلا يجبر بناته على هالشي ,,
البنت صارت اقوى من قبل بواااااايد ,,
:
:
يعطيك العافية اخوي على هالموضوع المفيد,, :)
العقل المدمر
23-01-2011, 06:16 PM
بالعكس
حلاته زواج مبكر
شلون يعني الوحده تعيش حياتها قبل لا تتزوج ؟؟
تتعلم هي وزوجها من الحياة مافيها شي
ويعتمد ع عقل الزوج والزوجه مب العمر
في ناس صغار وعقولهم كبيره وناس العكس
هالشي هو اللي يحدد سن الزواج المناسب
The Master
23-01-2011, 10:22 PM
انا مع الزواج المبكر فيه علاج لحالات كثيرة ..
خلتتزوج وتعيش حياتها وتشوف الدنيا مع زوجها

انا تزوجت عمري 19 سنة وهو نفسي والحين صار لنا اكثر من 12 سنة والحمدالله عقلنا مع بعض .. ههههه

ترى الزمن يخوووف

ولدي بزوجه عقب الثانوية .. اذا الله اراد .. وبالكثر عقب الجامعة

يعني منوجهة نظري :الزواج المبكر هوالحل هو الحل هو الحل للجنسين

هلا ومرحب بك اختي مشتاقة لقطر...

تشكرين على توضيح وجهة نظرك...ومثل ما يمكن كلامي صح...فا ايضا كلامك كذلك...
وسبحان الله الامور فيها توافيق...من الله سبحانه...

لكن انا كلامي قلته لتوضيح بعض الامور حق اولياء الامور...الاباء والامهات...للتريض...وعدم الاسراع في التزويج...لمجرد انه عذر ل ضمان البنت...من عدم الانحراف...
هذي مجرد تخاريف...واشيا انغرست في عقلياتنا من الصغر...

وكذلك التعقل...والتريض...مهم...
وليش الشقى...لاحقين على الحمل وتعبه...والمسؤولية...
البنت توها امخلصه دراسة...وحك...وتعب...ومجهود...تبغين على طول ادخلها عالم صعب...يحتاج صبر...وتفكير...ومشاعر؟؟!!!


على العموم...ماقول كلامك غلط...لكن فكري اشوي في الكلام اللي قلته...
وعن ولدك...الله يسهل له ان شاء الله...
لكن حاولي تقعدين معاه...واتشوفين تفكيره...واسباب الزواج بالنسبه له...

ويامرحبا بك اختي...

لاهنتي...عالتواجد الطيب...:nice:
The Master
23-01-2011, 10:30 PM
الطلاقات كثرت في زواج الصغار يعني بنت تخلص الثانويه او ماتخلص يزوجونها وللاسف بعد كم شهر ترد مطلقه والطامه الكبرى اذا حامل وتصبح ام ومطلقه بال19

والمحاكم تشهد بهذا للاسف

هلا ومرحب اختي latty

هذي من الامور اللي اتخلينا انفكر في التريث...بخصوص الزواج المبكر...
طبعا الاعداد مش كثيرة...لكن توجد...والسبب عدم نضوج العقليات...وعدم اكثراثها بالمستقبل...والاهم عندهم الحاضر...
وهذي مشكلة كبيره يواجهونها الاجيال الجديدة...

تشكرين على تواجدك اختي...
والمرور الطيب...
يامرحبا بك...:nice:
ام عبدالعزيز
23-01-2011, 10:31 PM
تزوجت صغيره ولين احين اقول الحمد لله وعندي 3اطفال..

ولازوجي اكبر منى ..ماقلت شي والحياه حلوه وماشيه
ms-qtr
23-01-2011, 11:02 PM
وايد ناس يخافون يفوت بنتهم القطار مثل ما يقولون
أو إذا تقدم لها شاب خلوق يخافون إنه ما ييها شاب بنفس المواصفات في المستقبل
فيستعجلون شوي
أنا أشوف إن البنت مقبول تتزوج وهي على الأقل في سنة ثالثة يعني 20 أو 21 على أساس تثبت أقدامها بالجامعة
بـــــــنت النوخـّــــذه
24-01-2011, 12:32 AM
تعالو شسالفه بعض الاعراس هاليومين

العروس صغيره من 18 او 20 سنه والمعرس شايب فوق ال 39 سنه ؟؟؟؟؟؟؟؟؟؟؟؟؟؟؟؟؟؟؟

اي نسيت اقول ممكن اعلق ولا ممنوع دخولي :secret:
وطرح مميز يا اخونا الماستر 00 والبنت لازم ينخاف عليها من اول ماتنولد لين اتموت اقصد لين الله يستلم امانته 0او تتسلم لزوج صالح يستر عليها :)0

وعلى طاري حلات البنت تتزوج انا اقول سهلو المهر وبعدو اشوي عن الفشخره الزايده (وثقفوهم عدل بالثقافه الزوجيه الاسلاميه ) مهب ثقافه المسلسلات وان شاء الله بيوت الدوحه كلها ليتات :)00

سلام (ن) عليكم
:)
ظبيــღــه
24-01-2011, 11:17 AM
الموضوع متمغط وفيه وايد نقااط
وانا ابي اتهااوش ..:omen2:
فبقوول ..
ليتك ما ربطت العمر بالخبره ..او على الاقل ماحددت رقم وعطيت range

لاني اجوف ان الخبره تجي نتيجه ظروف وتجارب تمر بالشخص ..(هو ونباهته في مدى الاستفاده من هالتجارب)..
ومب شرط هو الي يمر بهاا ..ممكن يكتسبهاا من ظروف غيره تحصل امامه وتجارب الاوليين
(يقولك الحياه اقصر من انك تعيش كل التجارب عشان تكتسب الخبره..وتجارب الاخرين هي طريق مختصر لك لفهم بالحياه )..
طبعا كله يرجع للمتلقي نفسه ومدى وعيه بالي حوله واهتمامه لمستقبله
فلاتربط الخبره والتحمل المسؤوليه بالعمر ..كثر ماتربطه بظروف الشخص وعقليته

غيـــــــــر ان في امور ماتقدر تكتسب الخبره منهاا الا لما تكون البطل فيهاا ...مثل الزواج
يقولون يقولون ان الحياة الزوجيه غير...تحتاج وعي للامور وتحمل مسؤوليه ... الزواج حياه ثانيه مايعرفهاا الا الي خاضهاا
يقولون مادري :shy:

فهل لما انت تمنع من هي تحت ولايتك من بنت او اخت تحت سن العشرين ..من الزواج..من راكد وعاقل ودين ..again بغض النظر عن عمره ..
عشاان تكتسب خبره اكثر ..خبره بوشوو ..؟؟:(
"واقصد هنا في التعامل مع الناس...وفئات المجتمع..."ماافهمت..!!
البنت اوردي بتكون عارفه ان المجتمع فئات وان الناس اجنااس
سوا من اهل او جيران او ربع ....وعارفه كيف تتعامل معاهم ..
اصلا بعد الزواج راح يقوى قلبهاا اكثر لانهاا بتكون المسؤول الاول والاخير عن نفسهاا ..غير لما كانت عند امهاا ومعاهاا

وانت -كـ مار بهالتجربه - تقدر تجوف البنت كانهاا بهالسن تقدر على هالتجربه وتنجح بهاا ولا لأ

ان كان اي ..شاورهاا وهي تختاار حياتهاا بين زواج او دراسه او وظيفه ..
وان كنت تجووف انهاا تحتاج ركاده اكثر ووعي ..تصبر عليهاا

بعد ابي اتهااوش :(
The Master
25-01-2011, 07:05 AM
في هذا الزمن الجميل زمن التيك أواي
أعتقد التريث أفضل يعني بالنسبة للفئتين يخلصون ويحصلون وظيفة ويتزوجون بعدها
لأن حالات الطلاق عندنا في زيادة مفرطة
ولكن وآه من لكن....
اذا جاء من ترتاحون لدينه ونسبه لا تترددون حتى لو البنت كان عمرها 18 لان أكيد ذي الدين والعقل راح يعقلها ..
وسلامتكم

هلا ومرحب اختي ramo70

تشكرين عالمداخلة الطيبة...
وكذلك على طرح وجهة نظرك...

وانا بخصوص اذا جا من ترضونه دينه ونسبه...
اسمح لي...لكن مازلت عند رايي...يحتاجون لبعض الوقت...يشوفون نفسهم...وحياتهم...وبعدها لاحقين عالزواج...

ويامرحبا بك...
ولاهنتي عالمرور...
The Master
25-01-2011, 07:17 AM
كلام سليم :victory:
:
ووجهة نظرك سليمة اخوي الماستر ,, :victory:

احين تلقى البنت او الولد وهم قبل الـ 18 يبغون يخطبون ويتزوجون ,,
يمكن الولد يصرح بهالشي ,, بس البنت تستحي لكن يكون في خاطرها ,,
من كثر الفتن في هالزمن والمسلسلات والاحلام الوردية ,,
والعلاقات العاطفية اللي اصبحت اساسية في حياه بعض الشباب ,,
:
لكن في هالوقت محد يزوج بنته بالغصب وبعضهم مايقدر اصلا يجبر بناته على هالشي ,,
البنت صارت اقوى من قبل بواااااايد ,,
:
:
يعطيك العافية اخوي على هالموضوع المفيد,, :)

هلا ومرحب اختي ساره :nice:

تشكرين عالتعقيب الجميل...والعاقل...

اكيد الكل في خاطره يتزوج ويلقى له شخص يتقاسم معاه الحياة الرومانسية...اللي هم يحلمون ابها من ورا التلفزيون والمسلسلات...والقصص الغرامية والمجلات...
وماننسى اثر المجتمع كذلك...والبيئة...ونظرات الناس لهم...
فا هذي كلها مسببات للتفكير في هذي الامور...
هذي سنة الحياة...لكن هم بعد ما ينسوون الوعي...والتريث...
ولازم يعرفون ان الزواج مش حب وغرام وهيام فقط...وانما تجي معاه المسوولية والحكمة والتدبير...والمشاكل الكثيرة اللي راح اتصادفهم...وايضا نقطة مهمة وهي الحرية اللي راح تنحصر...

وعن العلاقات العاطفية...والاكثر عن الشباب...

ابصراحة قبل من سنين...كنت اتوقع ان البنات نسبة اللي يتعرفون على الشباب اكثر...
لكن اتضح لي العكس عقب ماكبرنا وفهمنا الدنيا...
ان البنت الوحدة اتكلم لها 5 شباب... :rolleyes2:
وهالعلل عايشين دور عنتر وعبلة...

الله يهديهم...وهذا موضوع ثاني....

والعفو...وكل الشكر على تواجدك المثري اختي...


ويامرحبا بك...
ولاهنتي :nice:
The Master
25-01-2011, 07:27 AM
بالعكس
حلاته زواج مبكر
شلون يعني الوحده تعيش حياتها قبل لا تتزوج ؟؟
تتعلم هي وزوجها من الحياة مافيها شي
ويعتمد ع عقل الزوج والزوجه مب العمر
في ناس صغار وعقولهم كبيره وناس العكس
هالشي هو اللي يحدد سن الزواج المناسب


يلا حيهم ب المدمر :eek5:

كل الشكر على التعقيب...وتوضيح وجهة نظرك...

طبعا انا لما قلت رايي...وضحت ان العمر مش القصد من الموضوع...

وانما اكتساب الخبرة... وهو اعطاء البنت والولد وقت من خلال سنتين او ثلاث عقب ما يخلصون الثانوية...
وذلك للتعرف على الدنيا ومافيها...تجارب خبرات...تعاملات...
لان عقب المدرسة...الواحد ينتقل نقلة نوعية وكبيرة...
العقل ينفتح اكثر...ويفهم الامور بصورة اوسع...ويتعلم اشيا ماكان يواجهها في المدرسة...
وانا اقصد ان كانت تشتغل ولا تدرس في الجامعه عقب المدرسة...

والشي الثاني من خلال هالموضوع حبيت اوصل فكرة لاولياء الامور...انهم ما يتخذون بناتهم على اساس انهم هم...وعلى كبدهم...ولازم يزوجونهم عشان يروح الهم...

واما من ناحية العقل وفكره...اكيد الناس تختلف...
لكن تبقى الخبرة والمعامله هي المعيار...مهما كان العقل واعي واكبير...لازم وجود التجربه والخبرة...

ويامرحبا بك اختي...
ولاهنتي عالتواجد...:nice:
The Master
25-01-2011, 07:32 AM
تزوجت صغيره ولين احين اقول الحمد لله وعندي 3اطفال..

ولازوجي اكبر منى ..ماقلت شي والحياه حلوه وماشيه


هلا بك اختي ام عبدالعزيز...

الله يدوم عليك الحياة الطيبة...يارب...

لكن لازم اتعرفين ان الاجيال القديمة تختلف عن الحالية بكثير...

قبل الدراسة سهلة ومافيها حك وصك وغثى...
يعني الواحد يفضى كثير...والاعلام قليل...ومايأثر بالعقليات...

وقبل امور الحياة غير...والناس فاهمه وش لها وايش عليها...
والناس اقلوبها مع بعض...والكل عارف باللي يصير عند جيرانه...

على العموم...

تشكرين على المتابعه...والمشاركه...

ولاهنتي...
The Master
25-01-2011, 07:40 AM
وايد ناس يخافون يفوت بنتهم القطار مثل ما يقولون
أو إذا تقدم لها شاب خلوق يخافون إنه ما ييها شاب بنفس المواصفات في المستقبل
فيستعجلون شوي
أنا أشوف إن البنت مقبول تتزوج وهي على الأقل في سنة ثالثة يعني 20 أو 21 على أساس تثبت أقدامها بالجامعة

هلا بك اختي ms-qtr

كل الشكر على وجهة نظرك...

ودي اوضح شي مهم بالنسبة لي...واشوفه عند الناس...وماخذينه شي مهم...

بخصوص ان يجيهم شاب ذو خلق ودين...
سؤال... الحين لما يجيني شاب عمره 18 ولا 19 سنه...
كيف احكم عليه ب خلقه ودينه؟؟؟

الولد في هالعمر لحد الحين ماعاش حياته...ولا شاف دنياه...
كل اللي كان يسويه دراسة وهياته او قعدة شباب...

فا كيف اتقولون دين وخلق؟؟؟

لان قدامه الدنيا...للحين ماشافها...ولا عرف وش خباياها...
يمكن بكره يتغير...وهذا شي طبيعي...خاصه للناس اللي كانوا محتكرين...واكانو امسكرين عليهم...فا يفتلون اذا كبروا...
فا لازوجة ولا غيره بتقدر تمسكه...

ودينه وخلقه كذلك عرضه للتغيير...

فا مب عذر الخلق والدين في هالعمر...واتركوا عنكم هالتفكير القديم...والمتوارث...بدون وعي او القاء نظرة عليه...

على العموم...

كل الشكر على تواجدك...وتوضيج وجهة نظرك...

ويامرحبا بك...
لاهنتي...
بو منيرة
25-01-2011, 07:57 AM
بو حسن الموضوع ما فيه احم ... احم ؟؟؟ عسى المانع خير
مدريدي بفخر
25-01-2011, 09:21 AM
يعطيك العافيه اخوي الماستر
والموضوع حلو وشيق وعلى الجرح
برأيي...
اذا الواحد بيمشي على كلام الناس والله ثم والله عمره ماراح يرتاح ويرسي على بر
السؤال والمشوره مب عيب ..لكن كل اب وكل ام ادرى فاعيالهم
انا ضد انه الولد والبنت يتزوجون بدري لعدم وجود الخبره فالتعامل مع امور الحياة وتسييرها
لانه الخبره والمشاكل تعلم الانسان الصبر والحكمه
واتفق معاك انه البنت لو تبي تخترب راح تخترب
اهم شي الثقه والمتابعه وتكون قريب منها ومش دوم تعاملها كانها بنتك
المشكله عندنا البنات يتزوجون فاعمار صغيره جدا وبعضهم ماخلصو الثانويه
وبعض البنات محجوزه وهي عمرها 15 سنه حق ولد عمها او الخ
بعد سنه من الزواج تلاقي البنت تحسفت انها تزوجت ولايعه جبدها
بس فالاخير ...يعتمد على الطرفين بالذات ...الزوج لانه الطرف الاقوى فالمعادله الزوجيه
وهذا نصيب واللي الله كاتبه بصير
والاستخاره تنفع فهذي الامور واااايد
والله يستر علينا كلنا
وبالتوفيق
وننتظر المزيد من مواضيعك اخوي الماستر
لافوشيا
26-01-2011, 06:21 PM
البنات والاولاد حلوين ههههههههههههههههه
الأصيلة
27-01-2011, 08:07 AM
الزواج ستر للبنت في هذا الزمن
لكن مب معناته الإستعجال..
وإذا عمرها 18 وجاها شاب كامل الوصاف
أخلاقيا وعلميا وماديا ( وأهم شيء اهله طيبين واهل دين وخير )
ما أقدر أرده صراحة
الحياة فرص ...وماعندي عذر أمام الله إني أمنعها
من الزواج في حالة توفر المطلوب في الشاب...
الكثير عارض زواج البنت وشافها صغيرة على الزواج
والحين نادم ومتحسف...
أنا مع الزواج العقلاني حتى لو كان مبكر بالنسبة للبنت
أما الولد فأعتقد قبل الـ 23 صعبة ويحتاج إعادة نظر...
كل الشكر لك أخوي ماستر على التفكير الإيجابي
ومحاولة طرح الحلول المناسبة...
تحيااااتي
The Master
31-01-2011, 01:00 AM
الموضوع متمغط وفيه وايد نقااط
وانا ابي اتهااوش ..:omen2:
فبقوول ..
ليتك ما ربطت العمر بالخبره ..او على الاقل ماحددت رقم وعطيت range

لاني اجوف ان الخبره تجي نتيجه ظروف وتجارب تمر بالشخص ..(هو ونباهته في مدى الاستفاده من هالتجارب)..
ومب شرط هو الي يمر بهاا ..ممكن يكتسبهاا من ظروف غيره تحصل امامه وتجارب الاوليين
(يقولك الحياه اقصر من انك تعيش كل التجارب عشان تكتسب الخبره..وتجارب الاخرين هي طريق مختصر لك لفهم بالحياه )..
طبعا كله يرجع للمتلقي نفسه ومدى وعيه بالي حوله واهتمامه لمستقبله
فلاتربط الخبره والتحمل المسؤوليه بالعمر ..كثر ماتربطه بظروف الشخص وعقليته

غيـــــــــر ان في امور ماتقدر تكتسب الخبره منهاا الا لما تكون البطل فيهاا ...مثل الزواج
يقولون يقولون ان الحياة الزوجيه غير...تحتاج وعي للامور وتحمل مسؤوليه ... الزواج حياه ثانيه مايعرفهاا الا الي خاضهاا
يقولون مادري :shy:

فهل لما انت تمنع من هي تحت ولايتك من بنت او اخت تحت سن العشرين ..من الزواج..من راكد وعاقل ودين ..again بغض النظر عن عمره ..
عشاان تكتسب خبره اكثر ..خبره بوشوو ..؟؟:(
"واقصد هنا في التعامل مع الناس...وفئات المجتمع..."ماافهمت..!!
البنت اوردي بتكون عارفه ان المجتمع فئات وان الناس اجنااس
سوا من اهل او جيران او ربع ....وعارفه كيف تتعامل معاهم ..
اصلا بعد الزواج راح يقوى قلبهاا اكثر لانهاا بتكون المسؤول الاول والاخير عن نفسهاا ..غير لما كانت عند امهاا ومعاهاا

وانت -كـ مار بهالتجربه - تقدر تجوف البنت كانهاا بهالسن تقدر على هالتجربه وتنجح بهاا ولا لأ

ان كان اي ..شاورهاا وهي تختاار حياتهاا بين زواج او دراسه او وظيفه ..
وان كنت تجووف انهاا تحتاج ركاده اكثر ووعي ..تصبر عليهاا

بعد ابي اتهااوش :(


هلا ومرحب ب اللي دايما اتحب اتعبر الاخت ظبية... :nice:

بالنسبة للشق الاول...عن ربطي الخبرة ب العمر...
سؤال...
سن الرشد كم؟؟؟
الجواب في الاربعينات...
طيب ماهو سبب التحديد؟؟؟
تجارب الحياة...ومشقاتها...ومشاكلها...حلوها ومرها...
كلها خاضها هو خلال هالفترة...
فا وش الناتج...النضوج العقلي...والتريث في اتخاذ القرارات...والروية والصبر...

وبالنسبة للاكتساب...اقول لج...اسمحي لي...ما اسميها خبرة...وانما نصيحة...
فا الخبرة ما اتكون الا من خوض الشخص نفسه في الموضوع...كانت ناجحة او فاشلة...
وهذي هي فلسفتي...

وللتوضيح اكثر...
لما شخص يتخرج من الجامعه...وقدم علي جهة عمل...
وقدم معاه في نفس الوقت شخص نفس شهادة صاحبنا...لكن عنده خبرة 3 سنوات...

السؤال...جهة العمل...بتوافق علي من وتترك من؟؟؟
شي طبيعي اللي عنده خبرة...

فا نفس الحال بالنسبة للبنت...وكذلك الولد...

في وشو خبرة؟؟...

في التعامل مع الناس...في التصرفات...في التحكم في ردات الفعل...في الصبر...في معرفة انواع واجناس البشر...في معرفة قدراتها وهواياتها...

بالنسبة للمسؤولية...

الحين الدنيا تمشي بسرعة...والايام والسنين تركض...ماتشوف نفسك الا وانت واصل ال 30 :shy: احم
فا ليه الاستعجال...لاحقين على الشقى...
وانا ذكرت في كم مشاركة سابقه...فا يمكنك الرجوع لها...

وعن اني باعرف البنت اذا بتقدر تنجح في هالتجربه ولا لا...
اسمحي لي لكن هالكلام مش منطقي...

لان نظرتي غير عن نظرة غيري...
والناس اجناس...تختلف في التفكير في الحاجات في المتطلبات...

والشي الاهم...في العلاقات الانسانية...مستحيل تظمن نجاح علاقة من فشلها...

فا ليه المغامره...وخلك في السليم دام انه مب غلط...

وعن البنت...شي طبيعي مافي شي يصير الا ب موافقتها...
انا انسان ديموقراطي...اذا اقتنعت بكلامي شي طيب...واذا اتشوف اني مب على حق...من حقك...وسو اللي يعجبك...وتزوج...في النهايه المصلحه كلها لك...:nice:

ويامرحبا بك اختي ظبية...
وان شاء الله قدرت اوصل الفكرة صح...وجاوبت على الفضفضة...احم :secret:
The Master
31-01-2011, 01:09 AM
بو حسن الموضوع ما فيه احم ... احم ؟؟؟ عسى المانع خير

هلو هلو...
حيالله ب السمي...:nice:

اذا ماشفت احم...اعرف اني جاد :anger1: احم...

ويامرحبا بك...
ويازين من زار وخفف..."احم"
:secret:
enjood
31-01-2011, 01:31 AM
انا ضد الزواج المبكر

لان البنت لها الحق تكمل تعليمها ودراستها واهم شي دراستها لانه سلاحها بعد الدين هي العلم والشهاده الي راح تفيدها في شتى الظروف.. ولحد يقولي عادي خل تتزوج وتكمل دراستها ., لان من الصعب التوافق بين مطالب الزوج والعيال وبين الدراسة صعب جداااا فمن الافضل تكمل دراستها الجامعيه ومن بعدها اذا الله كاتب لها نصيب راح يجيها ,,
ام السعف
31-01-2011, 06:56 AM
البنت مردها للزواج

شخصيا مع الزواج المبكر ان كان الزواج هذا يوافق رغبة البنت

مب من حقي ارفض شاب متقدم لبنتي وهي راضية انها تتزوجه
في مثل هذا العمر ،، فليس هناك ما يمنع شرعا الزواج في مثل هذا العمر..

ولكن لو ما كان في نصيب تكمل اللي تبي اتكمله سواء
دراسة حفظ قرآن غيره وغيره المهم ان كان هناك نصيب
اشوف ان هذا هو مصير كل بنت ،، مع شرط اكمال دراستها الجامعية ،،
منتهى الحكمة
31-01-2011, 07:59 AM
جزاك الله خير على هالموضوع الرائع والاختيار الموفق هذا الموضوع مهم وايد ولا حد يستهين فيه ترى يترتب عليه مستقبل كل بنت وماشاء الله كل اللي شاركوا لهم وجهة نظر تزيد الموضوع فايدة لكل من عنده بنت أو أكثر وتخليه يعيد النظر في طرقة تفكيرة في زواج بنته .. من وجهة نظري الدور الأول والأخير على البنت في قبولها للزواج او لا وهذا اللي يحدد مستقبلها .
ضي البدر
31-01-2011, 11:18 AM
توفقت هالمرة ياطارح الموضوع وقناعاتك في هالموضوع في محلها وياريت ان كل راعي ومسؤول عن رعيته يقتنع وياخذ المفيد من هالموضوع المصيري.. والله يوفق الجميع ويستر على بنات المسلمين..

اتفق معاك اخوي وابصم لك بالعشرة..

موفق ان شاءالله..
The Master
01-02-2011, 03:58 PM
يعطيك العافيه اخوي الماستر
والموضوع حلو وشيق وعلى الجرح
برأيي...
اذا الواحد بيمشي على كلام الناس والله ثم والله عمره ماراح يرتاح ويرسي على بر
السؤال والمشوره مب عيب ..لكن كل اب وكل ام ادرى فاعيالهم
انا ضد انه الولد والبنت يتزوجون بدري لعدم وجود الخبره فالتعامل مع امور الحياة وتسييرها
لانه الخبره والمشاكل تعلم الانسان الصبر والحكمه
واتفق معاك انه البنت لو تبي تخترب راح تخترب
اهم شي الثقه والمتابعه وتكون قريب منها ومش دوم تعاملها كانها بنتك
المشكله عندنا البنات يتزوجون فاعمار صغيره جدا وبعضهم ماخلصو الثانويه
وبعض البنات محجوزه وهي عمرها 15 سنه حق ولد عمها او الخ
بعد سنه من الزواج تلاقي البنت تحسفت انها تزوجت ولايعه جبدها
بس فالاخير ...يعتمد على الطرفين بالذات ...الزوج لانه الطرف الاقوى فالمعادله الزوجيه
وهذا نصيب واللي الله كاتبه بصير
والاستخاره تنفع فهذي الامور واااايد
والله يستر علينا كلنا
وبالتوفيق
وننتظر المزيد من مواضيعك اخوي الماستر

هلا ومرحب اخوي مدريدي وافتخر...

ماشاء الله عليك...كفيت ووفيت...بارك الله فيك...واحسنت في ماذكرت...
وان شاء الله الناس واولياء الامور يستفيدون...
وتشكر على طرح وجهة نظرك...وماشاء الله اثرت الموضوع...

لاهنت على تواجدك...المثري...
ويامرحبا بك...

والله يجزاك خير عالاطراء والتشجيع...وابشر بالشي الطيب...
:nice:
ماعليك الا اتابعنا...
The Master
02-02-2011, 06:57 PM
الزواج ستر للبنت في هذا الزمن
لكن مب معناته الإستعجال..
وإذا عمرها 18 وجاها شاب كامل الوصاف
أخلاقيا وعلميا وماديا ( وأهم شيء اهله طيبين واهل دين وخير )
ما أقدر أرده صراحة
الحياة فرص ...وماعندي عذر أمام الله إني أمنعها
من الزواج في حالة توفر المطلوب في الشاب...
الكثير عارض زواج البنت وشافها صغيرة على الزواج
والحين نادم ومتحسف...
أنا مع الزواج العقلاني حتى لو كان مبكر بالنسبة للبنت
أما الولد فأعتقد قبل الـ 23 صعبة ويحتاج إعادة نظر...
كل الشكر لك أخوي ماستر على التفكير الإيجابي
ومحاولة طرح الحلول المناسبة...
تحيااااتي

هلا ومرحب بك اختي الاصيلة...

اكيد ستر...ومستقبل كذلك...
وهذا قناعتك انك اتزوجينها ب هالعمر...وانا وضحت وجهة نظري...والقرار اولا واخرا لك...

مافي شي انها فرص...لكن تبقى فيها قدر...وشي مكتوب...وعلينا ب عمل ماعلينا والباقي على الله...
والزواج مش قطار...يا نلحقه ولا راحت علينا...فا هذا مفهوم من نظري خطأ...
لان مهما كان الزواج مش كل شي في هالدنيا...فا اهم شي هو طاعة الله وعبادته...
والباقي مجرد رغبات...فا اتمنى عدم اعطاء الزواج اكبر من حجمه...وانه اخر المطاف...وبدونه مانقدر انعيش...

والعفو اختي...ماسوينا شي...كله لاجل الاصلاح...ومستقبل جميل...

تشكرين عالتواجد...
ولاهنتي على الكلام الطيب...
يامرحبا بك...:nice:
The Master
02-02-2011, 07:00 PM
انا ضد الزواج المبكر

لان البنت لها الحق تكمل تعليمها ودراستها واهم شي دراستها لانه سلاحها بعد الدين هي العلم والشهاده الي راح تفيدها في شتى الظروف.. ولحد يقولي عادي خل تتزوج وتكمل دراستها ., لان من الصعب التوافق بين مطالب الزوج والعيال وبين الدراسة صعب جداااا فمن الافضل تكمل دراستها الجامعيه ومن بعدها اذا الله كاتب لها نصيب راح يجيها ,,

هلا بك اختي انجوود...

تشكرين على توضيح وجهة نظرك...
اكيد الدراسة مهمة...وتحتاج مجهود وبذل...
لكن يبقى مب هو كل شي...وماشوف في اي اشكال اتكون في الجامعه وتدرس...خاصه اذا كانت واثقة من نفسها وفي مستقبلها...فا مافي شي بيوقفها...لا زواج ولا غيره...

ويامرحبا بك...
ولاهنتي عالتواجد والراي...
The Master
02-02-2011, 07:07 PM
البنت مردها للزواج

شخصيا مع الزواج المبكر ان كان الزواج هذا يوافق رغبة البنت

مب من حقي ارفض شاب متقدم لبنتي وهي راضية انها تتزوجه
في مثل هذا العمر ،، فليس هناك ما يمنع شرعا الزواج في مثل هذا العمر..

ولكن لو ما كان في نصيب تكمل اللي تبي اتكمله سواء
دراسة حفظ قرآن غيره وغيره المهم ان كان هناك نصيب
اشوف ان هذا هو مصير كل بنت ،، مع شرط اكمال دراستها الجامعية ،،

هلا بك اختي ام السعف...

هذا هو من وجهة نظري التفكير الخاطئ...ان البنت مردها ب تتزوج...
وجعل البنت والولد مايفكرون الا بالزواج...ويتركون كل الامور...وكأن حياتهم ماراح اتكون سعيدة الا بالزواج...
وجعلهم يتركون الابداع...والتطور...و التفكير بالمستقبل والابتكار...

وعن كلمتك لما قلتي ماراح ارفض اذا كانت رغبة البنت؟؟!!
وين التوجيه...وين النصيحة...وين البحث عن مصلحة العيال...
مش كلها عليكم انتوا؟؟؟ هي توها اصغيرة وفي عمر ال 18 سنه...بتعرف مصلحتها اكثر منك انتي...وانتي امها جربتي وعشتي وواجهتي الدنيا...؟؟!!

اسمحي لي لكن كلامك بالنسبة لي يحتاج اعادة تفكير...
لكن في النهاية هذا رايك...


وتشكرين على التواجد...وطرح وجهة نظرك...
ويامرحبا بك...
لاهنتي...
الحالمه بالجنان
03-02-2011, 02:40 AM
ماأيد الزواج المبكر سواء للبنت او الشاب


السن المناسب من28 و30 وطالع هذا افضل عمر

تكون البنت فاهمه ايش معنى زواج ، والشاب متزن في رغبته للزواج انه لأقامة اسره مش نزوه عابره


انا مستغربه ..... ليش يختارون الصغيره الجاهله بأمور الحياه على الكبيره الملمه بأمور الحياه ومتزنه


عاطفيآ ؟
The Master
04-02-2011, 02:06 AM
جزاك الله خير على هالموضوع الرائع والاختيار الموفق هذا الموضوع مهم وايد ولا حد يستهين فيه ترى يترتب عليه مستقبل كل بنت وماشاء الله كل اللي شاركوا لهم وجهة نظر تزيد الموضوع فايدة لكل من عنده بنت أو أكثر وتخليه يعيد النظر في طرقة تفكيرة في زواج بنته .. من وجهة نظري الدور الأول والأخير على البنت في قبولها للزواج او لا وهذا اللي يحدد مستقبلها .

هلا بك اخوي منتهى الحكمه...

ويجزاك يارب...ماسوينا شي...وجهة نظر وطرحتها...وللكل الحريه في تقبلها او الصرف عنها...

وتشكر على اضافتك الطيبه...والتواجد الجميل...
وطرح كذلك وجهة نظرك...

لاهنت...
ويامرحبا بك...
The Master
04-02-2011, 02:09 AM
توفقت هالمرة ياطارح الموضوع وقناعاتك في هالموضوع في محلها وياريت ان كل راعي ومسؤول عن رعيته يقتنع وياخذ المفيد من هالموضوع المصيري.. والله يوفق الجميع ويستر على بنات المسلمين..

اتفق معاك اخوي وابصم لك بالعشرة..

موفق ان شاءالله..

هلا بك اختي ضي البدر...

الحمدلله...فا هذا كله من الله وحده...والحمدلله على كل حال...
وشي جميل اقتناعك بما ذكرته...وهذا يزيد من قناعتي ابها طبعا...ويدعوني لنشرها كذلك...

وياك يارب...من طيبك...

ولاهنتي على المرور الجميل والمشجع...
ويامرحبا بك...
ام السعف
05-02-2011, 02:03 PM
هلا بك اختي ام السعف...

هذا هو من وجهة نظري التفكير الخاطئ...ان البنت مردها ب تتزوج...
وجعل البنت والولد مايفكرون الا بالزواج...ويتركون كل الامور...وكأن حياتهم ماراح اتكون سعيدة الا بالزواج...
وجعلهم يتركون الابداع...والتطور...و التفكير بالمستقبل والابتكار...

وعن كلمتك لما قلتي ماراح ارفض اذا كانت رغبة البنت؟؟!!
وين التوجيه...وين النصيحة...وين البحث عن مصلحة العيال...
مش كلها عليكم انتوا؟؟؟ هي توها اصغيرة وفي عمر ال 18 سنه...بتعرف مصلحتها اكثر منك انتي...وانتي امها جربتي وعشتي وواجهتي الدنيا...؟؟!!

اسمحي لي لكن كلامك بالنسبة لي يحتاج اعادة تفكير...
لكن في النهاية هذا رايك...


وتشكرين على التواجد...وطرح وجهة نظرك...
ويامرحبا بك...
لاهنتي...



هل تبي تقول يا سيد احم احم
ان الزواج يقتل الطموح والابتكار في حياة المتزوجين ؟
يعني الواحد او الوحدة ما يتزوجون الا وشهاداتهم الجامعية تكون في اياديهم ؟

هل هذا مطلب رئيسي للزواج ؟

او بصيغة ثانية خلني اسئلك:
هل الواحد لو خذ شهادته ووصل لعمر 25 سنة وعقب تزوج
الزواج بيكون عائق لعطاءه ؟

عني: اشوف ان الزواج رغبة فطرية في نفس الانسان لإشباع غريزة
فطرها الله سبحانه وتعالى في هالنفس ،، ممكن البنت او الشاب
يتزوجون ويكملون عطاؤهم و ابتكاراتهم في فترة الزواج ،،
لأني مؤمنة ان التوفيق بيد رب العالمين ،، والنصيحة والارشاد يكون
بأنها ما تهمل دراستها ،،
في الحقيقة اشوف بو العيال دايما يعارضني على النقطة هذي
ويقول البنات توهم صغار ،، و اقول له البنات في سن زواج
ما فيها شي لو تزوجت البنت في هالعمر ،، وبصراحة مؤمنة بالشي هذا
على شرط انها تكمل دراستها و ما تهملها ، او على أقل تقدير اتطور من نفسها
وما تعتبر ان حياتها وقفت لمجرد دخولها بيت الزوج ،،
The Master
07-02-2011, 06:55 AM
ماأيد الزواج المبكر سواء للبنت او الشاب


السن المناسب من28 و30 وطالع هذا افضل عمر

تكون البنت فاهمه ايش معنى زواج ، والشاب متزن في رغبته للزواج انه لأقامة اسره مش نزوه عابره


انا مستغربه ..... ليش يختارون الصغيره الجاهله بأمور الحياه على الكبيره الملمه بأمور الحياه ومتزنه


عاطفيآ ؟

هلا ومرح بك اختي الحالمه بالحنان...

تشكرين على توضيح وجهة نظرك...لكن ما اتفق على العمر...لان يبقى الناس لما اتجيب اعيال اتربيهم...ومايكون فرق شاسع بينهم يوصل ل 30 سنه...فا هذا واجد من وجهة نظري...


وان شاء الله مافي نزوات او غيره...ويكون زواج متزن بناء على العطاء واشباع الرغبات...ومواصلة الواجبات...

والله يزوج بناتنا باللي يرضيهم ويحفظهم يارب...

ويامرحبا بك...
ولاهنتي عالمرور...:nice:
The Master
07-02-2011, 07:01 AM
هل تبي تقول يا سيد احم احم
ان الزواج يقتل الطموح والابتكار في حياة المتزوجين ؟
يعني الواحد او الوحدة ما يتزوجون الا وشهاداتهم الجامعية تكون في اياديهم ؟

هل هذا مطلب رئيسي للزواج ؟

او بصيغة ثانية خلني اسئلك:
هل الواحد لو خذ شهادته ووصل لعمر 25 سنة وعقب تزوج
الزواج بيكون عائق لعطاءه ؟

عني: اشوف ان الزواج رغبة فطرية في نفس الانسان لإشباع غريزة
فطرها الله سبحانه وتعالى في هالنفس ،، ممكن البنت او الشاب
يتزوجون ويكملون عطاؤهم و ابتكاراتهم في فترة الزواج ،،
لأني مؤمنة ان التوفيق بيد رب العالمين ،، والنصيحة والارشاد يكون
بأنها ما تهمل دراستها ،،
في الحقيقة اشوف بو العيال دايما يعارضني على النقطة هذي
ويقول البنات توهم صغار ،، و اقول له البنات في سن زواج
ما فيها شي لو تزوجت البنت في هالعمر ،، وبصراحة مؤمنة بالشي هذا
على شرط انها تكمل دراستها و ما تهملها ، او على أقل تقدير اتطور من نفسها
وما تعتبر ان حياتها وقفت لمجرد دخولها بيت الزوج ،،

هلا بك اختي ام السعف...

اولا انا اسمي الماستر...او The Master
فا ياريت اذا بتكلميني ماتخرجين عن نطاق المعرف...لان احم احم مش اسم...ولا لقب...

وعن فهمك للي انا ذكرته في مشاركة سابقة وشرحك له...اقول لك مش هذا اللي انا قصدته...فا تقدرين ترجعين وتقرين...وان شاء الله توصل الفكرة...

وعن وجهة نظرك...تشكرين عليها...واوصلت...

ويامرحبا بك...
ام السعف
07-02-2011, 07:50 AM
هلا بك اختي ام السعف...

اولا انا اسمي الماستر...او The Master
فا ياريت اذا بتكلميني ماتخرجين عن نطاق المعرف...لان احم احم مش اسم...ولا لقب...

وعن فهمك للي انا ذكرته في مشاركة سابقة وشرحك له...اقول لك مش هذا اللي انا قصدته...فا تقدرين ترجعين وتقرين...وان شاء الله توصل الفكرة...

وعن وجهة نظرك...تشكرين عليها...واوصلت...

ويامرحبا بك...

اهاا
يعني سيد احم احم ،،، ما تعجبك ....> مع انك معروف بالاحم اكثر من الماستر:shy:

وليش لا !!... نحترم رغبتك ونقول لك سيد ماستر :shy:

سعيدة :shy:
لافوشيا
07-02-2011, 08:41 PM
هلا ومرح بك اختي الحالمه بالحنان...

تشكرين على توضيح وجهة نظرك...لكن ما اتفق على العمر...لان يبقى الناس لما اتجيب اعيال اتربيهم...ومايكون فرق شاسع بينهم يوصل ل 30 سنه...فا هذا واجد من وجهة نظري...


وان شاء الله مافي نزوات او غيره...ويكون زواج متزن بناء على العطاء واشباع الرغبات...ومواصلة الواجبات...

والله يزوج بناتنا باللي يرضيهم ويحفظهم يارب...

ويامرحبا بك...
ولاهنتي عالمرور...:nice:

اخوي ماستر

الحين انا عندي سؤال اذا البنت او الولد 28 وفوق متا بيلحقون يجيبون العيال؟؟؟؟؟؟؟؟
وبعدين الفكره المتعارفه عليها والي الكل يعرفها ومحد بيغيرها وخصوصا الحريم الكبار الي يدورون لعيالهم وهي انهم يدورون البنت الصغيره داااايما ويطنشون الكبيره والحريم يشوفون الكبيره على انها عانس وراح عليها الدور خلاص
الاكثريه كذي حنا بنات ونعرف ونسمع الحريم وكلامهم لين يتجمعون
والرجاجيل مهما يكون عمرهم يدورونها صغيره وعلى قولتهم يقولون حلاتها صغيره بستانس معاها اكثر حلاتها وحده فرش وصغيره على انها ماتعرف شسالفه ولا عرفت ولا كلمت شباب قبله ( الحمدلله والشكر عالتفكير )

وشكرا
لافوشيا
07-02-2011, 08:48 PM
ماأيد الزواج المبكر سواء للبنت او الشاب


السن المناسب من28 و30 وطالع هذا افضل عمر

تكون البنت فاهمه ايش معنى زواج ، والشاب متزن في رغبته للزواج انه لأقامة اسره مش نزوه عابره


انا مستغربه ..... ليش يختارون الصغيره الجاهله بأمور الحياه على الكبيره الملمه بأمور الحياه ومتزنه


عاطفيآ ؟

اختي:

من بيتزوج بنت عمرها 28 و 30 ومافوق؟؟؟ حنا مب في دول أوروبا ولا أمريكا الشماليه ولا العالم الثالث..حنا عرب خليجين وتفكيرنا تقريبا نفس الشي بحكم العرف والعادات والتقاليد...خلينا واقعيين شوي
العمر الي تتكلمين عنه هذا في حريم واجد يسمونه " عااااااانس "

وشكرا