نريد رأي قانوني : هل يجوز ضرب المتحرش او المعاكس؟

[حبر سري]

السلام عليكم وصبحكم الله بالخير جميع

السؤال :
اذا شفت حد يتحرش او يعاكس وحدة (سواء من هلي او من غير هلي) ، وكان واضح انه يلاحقها ، او يقط عليها كلام ، او مضايقها من مكان لي مكان ، هل يجوز اني ارد عليه او اوقفه عند حده؟ حتى لو امسكه مثلا او اكلمه وارفع صوتي عليه ، وان استدعى الامر ، اخلي المرعز ييبب على ظهره:strong

ادري ان هذا قد يكون خطأ ، لان غلط الواحد ياخذ حقه بيده ، بس اذكر اني سمعت مرة (ووالله مب متذكر في اي برنامج) ضابط كان يتكلم يقول ان ممكن حدوث هالشي ، بس مادري عن الكيفية ، ومب متذكر بالضبط شقال

طبعا اكيد اللي عنده حمية وغارية ويشوف حد يتحرش في هله اكيد بيتوطا بطنه ، لكن انا اتكلم بشكل عام

والله من وراء القصد

حبر سري

[بنت صقار]

اذا في حق هلك..من حقك..والدوله تقدر السوالف هذي..(لانه فيه عادات وتقاليد تحكم..ايضا ..إضافة الى الانون)
بس ناس ثانيين؟؟وش يضمن لك..انه مافيه شي سابق..بينهم؟؟
وترى المحترمه والمحتشمه..محد يضايقها او يحاول..يضايقها..

[شنايدر]

مع احترامي الشخصي لك اخي العزيز هذه ما يبيلها تفكير ..

واحد يرضاها ع بنات الناس ولا يرضاها في خواته ..

الحل الامثل دعس خده قدام الناس و كسر يده ورجله علشان يعرف ان الله حق

[بوخالد911]

ان شاء الله يصيير

[لطآم]

مالك حق تمد ايدك عليه اذا غلط على احد من هلك صح
انا معاك تكسر وجهه مب بس تمد يديك تسوي له عاه مستديمه في وجهه
عشان يحرم ينزل اسواق ويتحرش في بنات خلق الله
اما وحده من بنات خلق الله ماتدري يمكن تروح تكلم معاه ويراددك ويصير بينكم شيء
وعقب تجي البنت وتقول مالك شغل انا راضيه انت شنو موقفك في هالحاله
انا اشوف انك تغض النظر عنهم وكانك ماتشوفهم الا اذا كانت المضايقه لحد من اهلك
الله لايقوله ان شاءلله وفي هالحاله مثل ماذكرته فوق ((عااهه مستديمه))

[السهم الشمالي]

أخي الكريم
في بعض المواقف يتطلب منك التدخل ولو صار وضربت أحد
على طول روح أشتك قبله وبتكون أنت راعي الحق .

[برزان]

ماييصير ياخوي الحين ..افرض هي مستانسه وهو ماعنده مانع ...وش بيكون موقفك ؟

الهوى تارس هالايام الله ايكافينا الشر ...

[هدهد سليمان]

ارحب يا حبر سري اسفرت وانورت .. الحمدلله على السلامه :)

بخصوص موضوعك ما اقدر افتي بشي اخاف اتكلم يقولون ارهابي :)

[<اضرب واشرد>]

على حسب

اذا البنت محتشمة وعبايتها مسكرة اضرب لأنها بتوقف معاك

واذا عبايتها ضيقة ومفتوحة والجينز مطلع وجهه يسلم عالناس اغسل يدك لأنها بتوقف ضدك

واذا من هلك اضرب والقلب داعي لك

واذا أجنبية ولابسة جينز ضيق أو شسمه اضربها لا تضرب المغازلجي

واذا قال لك السكيورتي القانون مايسمح فجر المكان واطلع

خخخخخخخخخخخخخخخخخخخخخخ

فجرة بمخيس يعني

[رذاذ]

مع احترامي الشخصي لك اخي العزيز هذه ما يبيلها تفكير ..

واحد يرضاها ع بنات الناس ولا يرضاها في خواته ..

الحل الامثل دعس خده قدام الناس و كسر يده ورجله علشان يعرف ان الله حق

وعقب تنسجن للتعدي ..
والبنت الى ملاحقها تنكر انه غاوزلها لنها ما تبي مشاكل

وتووهق انت ..

[Petroleum]

السلام عليكم وصبحكم الله بالخير جميع

السؤال :
اذا شفت حد يتحرش او يعاكس وحدة (سواء من هلي او من غير هلي) ، وكان واضح انه يلاحقها ، او يقط عليها كلام ، او مضايقها من مكان لي مكان ، هل يجوز اني ارد عليه او اوقفه عند حده؟ حتى لو امسكه مثلا او اكلمه وارفع صوتي عليه ، وان استدعى الامر ، اخلي المرعز ييبب على ظهره:strong

ادري ان هذا قد يكون خطأ ، لان غلط الواحد ياخذ حقه بيده ، بس اذكر اني سمعت مرة (ووالله مب متذكر في اي برنامج) ضابط كان يتكلم يقول ان ممكن حدوث هالشي ، بس مادري عن الكيفية ، ومب متذكر بالضبط شقال

طبعا اكيد اللي عنده حمية وغارية ويشوف حد يتحرش في هله اكيد بيتوطا بطنه ، لكن انا اتكلم بشكل عام

والله من وراء القصد

حبر سري

بختصار

من ناحية الغيرة و الحمية هذي مافيها كلام راح تتوسد به راح تتوسد به
لكن امام القانون ينقصك الاثبات ووصف حالة التجني ( تحتاج شهود وقليل من يفزع ويروح معاك المركز )


وترى المحترمه والمحتشمه..محد يضايقها او يحاول..يضايقها..

http://img105.herosh.com/2010/06/05/779997377.jpg

ذكرتيني بقصة الصعيدي اللي في القطار

وهذي قصة حقيقية نشرت في اعتقد الراية

هذا الصعيدي كان قاعد في القطار كافي خيره شره وما للشيطان له سبيل
جلسوا قدامه شاب و زوجته وكانت الزوجه كاشفة لنحرها
الصعيدي تنبه شوي و مال بجسمه وراسه لقدام و سند خده على يده كأنه يشوف فلم او قرا كتاب وطبعاً قاعد يشوف صدر البنت بشكل مستفز
قام الزوج وعصب على الصعيدي و انت مش محترم و اختشي على دمك
قام الصعيدي و رد عليه
يا ابني انت مش مخليها كدا علشان الناس تتفرج ؟
انا لما البس الجلابية علشان الناس ماتشوفش عورتي و خليت وشي عريان علشان الناس تبص فيه , طيب انت مخلي نحرها مكشوف علشان نبص فيه

وقعد مرة ثانية و هو يطل بصدر المرا لحد ما جا زوجها و غطا نحرها بالشنطه اللي بيده و غير مكانه

المستفاد من هذه القصة : اكشف الجزء اللي تبغي الناس يشوفونه في هلك

[بو خليفه 123]

المضحك بالموضوع انه لو غازل حد من شوفاتك و انت ضربته و راح اشتكى عليك بالنيابه العامه قبلك انت تنسجن 4 ايام على ذمة التحقيق .

و اذا ما خاب ظني في هذي النقطه : لو الرجل (المتحرش) انكر الواقعه راح يطلبون النيابه حضور (المتحرش بها)

[bo_hamad]

ما يصير في وجود الاهل معاك واتخلي الناس كلها تنظر لك ولأهلك ....

صرف اهلك وبعدين تفاهم وياه وأكسر له وجهه ....

[(رمز المحبه)]

والله إذا مع هلك .. وتحرّش فيهم .. أرقد بـه وتوطأ في حوض بطنه .. بس مهب قدام الناس .. صدّ به في زاويــه

إما اذا مع بنات خلق الله .. ولا تدري وش نظامهم ولا تدري وش السالفه ممكن من خمس دقايق كانوا مع بعض وعقب قامت منّه زعلانه وراح يلحقها وانت جيت مطفي النووور وموّلع الدنجر وداخل عرض تهاوشه .. وآخر شي البنت ترجع لك وتسفّل فيك .. ما لها داعي

[شبح الصمت]

اخوي صاحب الموضوع ,,,

إذا هلك سوى الي بخاطرك

خلنا نعيش واقع اشوي حلو ,,

الحين أنت شفت واحد يتحرش في وحده حلو وجيت وتهاوشت معاه والبنت مشت راحت كانه مالها خص في السالفه ,,

جو الشرطه حلو متهاوشين ليش
انت بترد// شفته يتحرش في البنت !!

البنت وينها البنت !!

البنت راحت خلاص فص ملح وذاب !!

اش بتسوي عقب العاصمة وتجرجر ونيابه عامه وسجـن !!


الله يستر على الجميـع

[ام السعف]

ماييصير ياخوي الحين ..افرض هي مستانسه وهو ماعنده مانع ...وش بيكون موقفك ؟

الهوى تارس هالايام الله ايكافينا الشر ...

:secret::secret::secret:

[بو خليفه 123]

لا حول ولا قوة الا بالله

[do7awi]

اذا انت مخلي باب بيتك مشرع و دخل حرامي و باق .. هل هذي عقوبتها نفس عقوبة الحرامي اللي كسر الباب و دش البيت؟

[تغلبية]

واذا المرأة كانت بروحها .. شلون تواجهه هذا المتحرش ؟؟؟؟؟؟؟؟؟؟؟؟؟؟؟؟؟؟

[OTOsan]

القانون شيقول ..؟؟

[BoAof]

وانت هذي حالتك بس متحبل حق حد يغازل ولا يلحق له وحده
ياخوك وش بتستفيد طيب بعد ما تكسر وجهه تعتقد بيتوب خلاص
بالعكس خذه وبينك وبينه وانصحه صدقني تاثر في نفسه
ومن كفو يتحرش في هلك دام انت معاهم ولا محرمهم معاهم
البلا هالايام في من
(ما يتنزل ينزل مع خواته ولا امه السوق )
فاااااضي حق هالامه بكبرها بس امه وخواته اذا قالو نبي السوق الف شي وشي يطلع لك
واستغفر الله منهم من ينزل هله وهو يفتر بسيارته يغازل برا
لعن ابو غيرك (كما تدين تدان )

[بو خليفه 123]

واذا المرأة كانت بروحها .. شلون تواجهه هذا المتحرش ؟؟؟؟؟؟؟؟؟؟؟؟؟؟؟؟؟؟




انصحكم بتعلم الكاراتيه :shy:

[بنت صقار]

واذا المرأة كانت بروحها .. شلون تواجهه هذا المتحرش ؟؟؟؟؟؟؟؟؟؟؟؟؟؟؟؟؟؟

تطنشه..
افضل من ان تلم عليها الناس..

والحقير ..حقه..الاحتقار..

(شفت حالات بنات وحريم يردون..ولو هي ماعلت صوتها ماكان احد لاحظ؟؟و..وحده يقولون انها مدت يدها..وعطاها كف معتبر واختفى؟؟)

[شبح الصمت]

القانون شيقول ..؟؟




القانون يقول الضارب والمنضرب السجن !!!

الا في حالة وحده البنت إذا اشتكت ما اشتكت وطنشت راحت وين الدليل !!

في دليل على أنه اضربه عشان تحرش وثاني شيء في شيء اسمه تحقيق !!

يعني امش جمب الطوفه ولا تعور راسك عليك من هلك !!

إذا اذا شفته تمادى ومسكها ويبي يسوي شي غلط فيها شيء ثاني طبعا ,,

وثاني شيء يمكن يطلع اقوى منك ويضربك !!!

:secret:

[تغلبية]

تطنشه..
افضل من ان تلم عليها الناس..

والحقير ..حقه..الاحتقار..

(شفت حالات بنات وحريم يردون..ولو هي ماعلت صوتها ماكان احد لاحظ؟؟و..وحده يقولون انها مدت يدها..وعطاها كف معتبر واختفى؟؟)


اذا مكان عام أكيد تطنشه ولا تنتبه له

أما اذا كان شغل .. او مكان تراجع فيه ويقتضي زيارتها بشكل متكرر ... مادري شالحل ؟!

اذكر من زمان .. كنت في عيادة حمد الخارجية .. وحاول واحد يحثلها مع وحدة قطرية ..

هم الاثنين موظفين هناك ...

ما كان منها الا افصخت له اللي برجولها (كرمكم الله) .. لكن شنو اصطلب وعرف ان الله حق !

تهقين يعني هذا السلاح الفعال ؟؟؟!؟!؟

[بنت صقار]

القانون يقول الضارب والمنضرب السجن !!!

الا في حالة وحده البنت إذا اشتكت ما اشتكت وطنشت راحت وين الدليل !!

في دليل على أنه اضربه عشان تحرش وثاني شيء في شيء اسمه تحقيق !!

يعني امش جمب الطوفه ولا تعور راسك عليك من هلك !!

إذا اذا شفته تمادى ومسكها ويبي يسوي شي غلط فيها شيء ثاني طبعا ,,

وثاني شيء يمكن يطلع اقوى منك ويضربك !!!

:secret:
في حال ان البنت ماتقرب له!! بس... اذا كان مع اهله وتعرضوا للتحرش..الحق معاه..(ومافيه رجل..يرضى على هله.. مهما كانت العواقب)

[راعي البيرق]

تبي الصج حنا في زمن انقلبت فيه المفاهيم
وعشان ما تتوهق جيب لك شهود (( ىخصوصا انت في سووق ))
وادعس خشمه وخشم اللي جابوه والبنت لا انكرت السالفة ولا قالت شدخلك مالك خص (وهذي ممكن تصير ) عطها تفلة على اخلاقها واهم شي الشهووود

[بنت صقار]

اذا مكان عام أكيد تطنشه ولا تنتبه له

أما اذا كان شغل .. او مكان تراجع فيه ويقتضي زيارتها بشكل متكرر ... مادري شالحل ؟!

اذكر من زمان .. كنت في عيادة حمد الخارجية .. وحاول واحد يحثلها مع وحدة قطرية ..

هم الاثنين موظفين هناك ...

ما كان منها الا افصخت له اللي برجولها (كرمكم الله) .. لكن شنو اصطلب وعرف ان الله حق !

تهقين يعني هذا السلاح الفعال ؟؟؟!؟!؟

اشتكت لي صديقه منقبه..من صيدلاني..يمر ويقط السلام..ويحاول يجر السوالف..
قلت لها انتي غلطانه..
الواجب تردين السلام بصوت واطي بحيث مايسمع..(لأن رد السلام واجب شرعا)
ولو كنتي صمخا..وغتما.ما قعد يكرر روحاته وجياته..اشتغلي كانك ماتشوفينه..
هو معاد كررها..وحس بالحقران..
الموظفين(اللي لامروءة ولاحيا)يحتقر..ولا يعار اهتمام..بالمره(هذا حقه) واذا لم ينفع..فهناك الرد المحترم..او الشكوى للمسؤلين..
ولا بارك الله في رجال حد..الحريم على الجوتي(اعزكم الله)

[شبح الصمت]

في حال ان البنت ماتقرب له!! بس... اذا كان مع اهله وتعرضوا للتحرش..الحق معاه..(ومافيه رجل..يرضى على هله.. مهما كانت العواقب)



اختي الله يجزاك الخير

انا كلامي عن الي ما تصير له خير شر !!

شافها وفار دمه وهي طبع اي انسان بس انا لو فرضا رحت وتهاوشت معاه وهي مشت عني راحت وين دليلي انه الرجال تحرش فيها

ويمكن الشرطه يقولون لي اشدخلك انت في السالفه ليش اهي ما اشتكت

خلينا ساكتين اختي احسن لنا ,,

ما اتوقع لو فزعت لها وقالت فز علي الشرطه بيقولون في شيء اسمه قانون ليش ما جيتي تشتكين وانت ليش تمد يدك على اي اساس ,,

إذا هلي لي الحق لي الحق لي الحق مليووووووون مره لو اضربه وبرد حرتي ويسجنوني خلاص اسمهم هلي ,,

لاحدن يقولي كلام غير كلامي خلنا واقعيين ,,

القانون فوق كل شيء

والسلام عليكم

:victory:

[وهم قطر]

اذا انت ملاحظ الموقف كامل وعارف السالفه مع الغير

لاتهاوش ولا تمد يدك كلمه وراح ينسحب واذا عاند وقال مالك شغل ابدء بالتهديد له ولاتمد يدك


واذا كان الموضوع يخص الاهل عطه مما اعطاك الله والمتحرش به معاك اكيد مضمون بلاغه


والله يحفظ الجميع من كل مكروه

[chillis]

الحل الوحيد التطنيش

[khalid-qtr]

الحل الوحيد التطنيش

يقول النبي صلى الله عليه وسلم " من راى منكم منكرا فليغيره بيده فإن لم يستطع فبلسانه فإن لم يستطع فبقلبه وذلك أضعف الإيمان" متفق عليه


والله محد مضيع المجتمع غير هالنوعيات الي يقول لك طنش :omg:

[chillis]

يقول النبي صلى الله عليه وسلم " من راى منكم منكرا فليغيره بيده فإن لم يستطع فبلسانه فإن لم يستطع فبقلبه وذلك أضعف الإيمان" متفق عليه


والله محد مضيع المجتمع غير هالنوعيات الي يقول لك طنش :omg:

فرضا دافع عن البنت وطلعت معرفه مسبقه فيه :) مهب توهقه معاه

[<اضرب واشرد>]

اذا انت مخلي باب بيتك مشرع و دخل حرامي و باق .. هل هذي عقوبتها نفس عقوبة الحرامي اللي كسر الباب و دش البيت؟

كلام بليغ.


واذا المرأة كانت بروحها .. شلون تواجهه هذا المتحرش ؟؟؟؟؟؟؟؟؟؟؟؟؟؟؟؟؟؟

تنيشن بالنعال على خنفرته

[الرويـس]

عطه (سوفلكس) قانوني

[الـقـاسـي]

احنا بنتكلم بشكل عام يعني لو واحد شاف له وحده في السوق ولا اي مكان يتحرش فيها واحد والشخص اللي في هالموقف مايعرفها ولا تصير له لامن قريب ولا من بعيد وراح تهاوش ويا الرجال اللي يتحرش فيها ماتوقع القانون بيوقف في صفه بيتهمونه انه متعدي على هالرجال بغير وجه حق ..

اما لو كان واحد ويا هله وجا واحد تحرش فيهم الواجب انه بس يدوسه ويكسر راسه مايكثر يعني وفي هالوقت مايهم القانون كان في صفك او لا يعني شهالمصخره يجي واحد يتحرش في بنت واخوها وياها ولا زوجها ويخليه يروح عادي ويقول بروح اشتكي في المركز لا طبعا الا ياخذ حقه بيده ويبرد خاطره ..

[عطر وذوق]

الله يستر على بنات المسلمين

[برزان]

حبر سريّ

ابيك الله لايهينك تقرا المادة (3) من اتفاقية (الاعلان بشاء القضاء على العنف ضد المرأه )
الصادر من اللجنة الوطنية لحقوق الانسان .

هذا كافي ومغني احسن من ردة فعل التصرف او عن الاجراء القانوني الي سئلت عنه :)

[ابو محمد7]

مرة اخرى شيء من العقل والتوسط هما مفتاح الاجابة

صاحب الموضوع طلب جواب قانوني وانا ما املك هالجواب ولكن حبيت اشارك بعد ماشفت الردود اللي اما تقول كسر راس واما تقول طنش

طبعا اذا كان الموضوع يخص اهلك فلك الحق تدافع عنهم والمفروض ماتفتكر بأي رد فعل او عواقب لفعلتك ولكن يكون الرد على قد الاذى وتتمالك اعصابك

بمعنى لو حد طالع اهلك وزدها انت ترد وتطالعه وتكاسره مب معقولة كل انسان بمجرد انه طالع اهلك بتروح وبتضارب معاه مابتخلص الجهله والمتخلفين اكثروا هالايام

المهم اذا زودها شوي يكفي تأشر له من بعيد او تروح تتفاهم معاه بلسانك واعتقد اصلا نادر جدا راح توصل معاك هالمرحلة وغالبا نظرة من الرجل راح تكفي والاصل انه نادر جدا احد يتحرش في بنات معاهم رجال

اما لو شفت منظر جدامك وشاب يتحرش في بنات فعليك اولا تشوف البنت هل هي متسترة ومحتشمة وفي حالها ولا هي نفس مايقولون جايبة لنفسها الكلام بسبب قلة الستر والاحتشام فان كانت الثانية فابتعد احسن لك

(طبعا قلة الستر وقلة الاحتشام مب مبرر حق اي حد يزعج بنت او يتحرش فيها )

النقطة الاخرى تشوف مقدار المضايقة يعني مب معقول بتوقف حق كل شاب قاعد يطالع بنت او كل شاب مر جنب بنت وقال رقمه وهو ماشي او قال كلمه وراح

ولكن اذا الشاب قعد يضايق البنت باصرار والحاح واستمرار او وصل الموضوع للمضايقة الجسدية فممكن تتدخل بالنظرة والكلمة وتروح تشوف شسالفة ماتبدى بمد اليد

انا اشوف الحل ان المجتمع كله لازم يكون له دور ويتدخل يعني هالشاب اللي قاعد يضايق بنت بوضوح وباين على البنت انها متأذية لو لاحظ ان كل من حوله يطالعه ويخزه وينكر عليه فعلته و مستعدين اكثر فأكثر للتدخل ماراح يواصل ولا يبتعد لان الكل منكر عليه فعلته

لكن اذا الكل مطنش راح يستمر وتستمر هالظواهر لان الكل مطنش

[chillis]

مرة اخرى شيء من العقل والتوسط هما مفتاح الاجابة

صاحب الموضوع طلب جواب قانوني وانا ما املك هالجواب ولكن حبيت اشارك بعد ماشفت الردود اللي اما تقول كسر راس واما تقول طنش

طبعا اذا كان الموضوع يخص اهلك فلك الحق تدافع عنهم والمفروض ماتفتكر بأي رد فعل او عواقب لفعلتك ولكن يكون الرد على قد الاذى وتتمالك اعصابك

بمعنى لو حد طالع اهلك وزدها انت ترد وتطالعه وتكاسره مب معقولة كل انسان بمجرد انه طالع اهلك بتروح وبتضارب معاه مابتخلص الجهله والمتخلفين اكثروا هالايام

المهم اذا زودها شوي يكفي تأشر له من بعيد او تروح تتفاهم معاه بلسانك واعتقد اصلا نادر جدا راح توصل معاك هالمرحلة وغالبا نظرة من الرجل راح تكفي والاصل انه نادر جدا احد يتحرش في بنات معاهم رجال

اما لو شفت منظر جدامك وشاب يتحرش في بنات فعليك اولا تشوف البنت هل هي متسترة ومحتشمة وفي حالها ولا هي نفس مايقولون جايبة لنفسها الكلام بسبب قلة الستر والاحتشام فان كانت الثانية فابتعد احسن لك

(طبعا قلة الستر وقلة الاحتشام مب مبرر حق اي حد يزعج بنت او يتحرش فيها )

النقطة الاخرى تشوف مقدار المضايقة يعني مب معقول بتوقف حق كل شاب قاعد يطالع بنت او كل شاب مر جنب بنت وقال رقمه وهو ماشي او قال كلمه وراح

ولكن اذا الشاب قعد يضايق البنت باصرار والحاح واستمرار او وصل الموضوع للمضايقة الجسدية فممكن تتدخل بالنظرة والكلمة وتروح تشوف شسالفة ماتبدى بمد اليد

انا اشوف الحل ان المجتمع كله لازم يكون له دور ويتدخل يعني هالشاب اللي قاعد يضايق بنت بوضوح وباين على البنت انها متأذية لو لاحظ ان كل من حوله يطالعه ويخزه وينكر عليه فعلته و مستعدين اكثر فأكثر للتدخل ماراح يواصل ولا يبتعد لان الكل منكر عليه فعلته

لكن اذا الكل مطنش راح يستمر وتستمر هالظواهر لان الكل مطنش

انا اقول التطنيش بالنسبه لي كبنت لو احد فكر يتحرش اطنشه لاني لو تجادلت معاه بجيب الكلام لنفسي وبخلي الكل يلتفت لي وبعدين حسب نوع التحرش

[ANONYMOUS]

القانون شيقول ..؟؟


البيت لها

:shy:

[missperfect]

السلام عليكم وصبحكم الله بالخير جميع

السؤال :
اذا شفت حد يتحرش او يعاكس وحدة (سواء من هلي او من غير هلي) ، وكان واضح انه يلاحقها ، او يقط عليها كلام ، او مضايقها من مكان لي مكان ، هل يجوز اني ارد عليه او اوقفه عند حده؟ حتى لو امسكه مثلا او اكلمه وارفع صوتي عليه ، وان استدعى الامر ، اخلي المرعز ييبب على ظهره:strong

ادري ان هذا قد يكون خطأ ، لان غلط الواحد ياخذ حقه بيده ، بس اذكر اني سمعت مرة (ووالله مب متذكر في اي برنامج) ضابط كان يتكلم يقول ان ممكن حدوث هالشي ، بس مادري عن الكيفية ، ومب متذكر بالضبط شقال

طبعا اكيد اللي عنده حمية وغارية ويشوف حد يتحرش في هله اكيد بيتوطا بطنه ، لكن انا اتكلم بشكل عام

والله من وراء القصد

حبر سري



الله يكثر من أمثالك ياارب ويحفظك الرحمن

[مجنون الفتك]

يا خوك القانون ما يرحم .يشسوا عليك اذا انحكم عليك في قضية مشاجرة .راح تضل القضية عليك مسجلة في ملفك الجنائي طول العمر وهذه القضية راح تأثر عليك في المستقبل .

[هبوب الكوس]

اذا الذيب موجود مااعتقد الثعل يقرب من هلك

واذا بتحرش في بنت الناس وفي مجمع يوجد امن ممكن اتبلغ

لاكن اذا مكان مقطوع حنا لها يسير تكسير اعظام

[شبح الصمت]

والله مشكلتكم تكلمون وين وعقولكم وين

افهموا يا بشر في شيء اسمه قانون قانون قانون

ياخي لو شفته يبي يغتصبها اي اي اي اي ذيك الحزه

اما مار وقاعد يرقمها ولا يقط عليها كلام ياخي امسكه على جمب كلمه بالعقل

شفته رفس وقام يتعنطز ياخي قوله جزاك الله خير وخلاص

بقولكم موقف ذاك اليوم قدامي وانا ورفيجي حلو

كنت مع رفيجي في فيلاجيو وشفنا واحد يلعوز وحده ووصلت فيه انه حط الرقم في شنطتها ,,

رفيجي جاء من وراءه ومسكه في كتفه الرجال افتر عليه قالي ياخي مب حرام عليك الي سويته لو احد من التحريات شافك ما كنت راح تتزعبل على هالحركة

قاله ياخي شوفها اهي اشلون مسويه في نفسها كاشفه ومكياج فل قاله ولو ما تسويها تحمل بنفسك اذا اهي بايعتها انت لا تبيع نفسك وتمشكل عمرك ,,

وخلاه الرجال انحرج انحرج انحرج يعني ماله وجه !!

اما اروح وامسكه وكفخه اشدعوه سايبه اهي تعال وضربه

إذا تحرش في هلي كلام ثاني طبعا بينحفر له مكانه !!

مع السلامة

[حقيقه]

كفخه
بس خلك اسرع وروح اشتك عليه بالمركز

[OutLaw]

اذا تحرش في هلي ردة الفعل بتكون لا شعورياً
اما اذا متحرش في وحده غريبة وفي مكان عام .. اتفرج الا اذا البنت ألجأت لي ساعتها بكلمه وان استمر مالي الا العضيد او 999 واقرب دورية اتجي وتتخذ معاه الاجراء لان انا كا مدني ما املك حق الضبطية

[مشعل 111]

ماشاء الله لا اله الا الله عليكم

كلكم طلعتو جامدين الصراحه وتضربون علطول :omg:

والله مادري شقول الكلام وايد لكن بأختصار

كل واحد عليه من هله وبس اما الغير انا اقول محد بيتحرش بوحده وبأصرار بعد الا هي اصلا بتكون رايحه فيها :shy:

وثاني شي انا اقول حاسبو لاحد يسوي نفسه بطل ويدافع عن وحده هي اصلا ماتسوى وجايبه حق نفسها الكلام ويطيح في راعي الشوهات

وتروح عليه 10 / 0 وعقبها محد بينفعه :nice:

[هبوب الكوس]

ماشاء الله لا اله الا الله عليكم

كلكم طلعتو جامدين الصراحه وتضربون علطول :omg:

:nice:

http://www.alamuae.com/up/uplong/FOR220117706776853.jpg

شرايك مشعل اعجبك

[شبح الصمت]

http://www.alamuae.com/up/uplong/FOR220117706776853.jpg

شرايك مشعل اعجبك



ههههههههههههههههههههههههههههاي

ضحكتنا الله يضحك سنك

من وين مطلع هالصورة


:tease:

[مشعل 111]

http://www.alamuae.com/up/uplong/for220117706776853.jpg

شرايك مشعل اعجبك


ههههههههههههههههههههههههههههههههههه

الله يفرح قلبك مثل ماضحكتني على هالصوره

[هبوب الكوس]

ههههههههههههههههههههههههههههاي

ضحكتنا الله يضحك سنك

من وين مطلع هالصورة


:tease:

لا شوفك في الاندمارك ياويلك تبي تشرب كوفي روح المحطه البترول وشرب كرك

بس لاتعبي بترول :secret:

[طموحة]

جزاك الله خير على الغاريه والله زين في قلوب حيه

[chillis]

http://www.alamuae.com/up/uplong/for220117706776853.jpg

شرايك مشعل اعجبك

ههههه عجيبه الصوره وانا اقول ان كانوا اهلك غير طبيعي بتفزع

[Abdulraman]

ماييصير ياخوي الحين ..افرض هي مستانسه وهو ماعنده مانع ...وش بيكون موقفك ؟

الهوى تارس هالايام الله ايكافينا الشر ...

ايش هذا الكلام تقول اذا البنت مستانسة
خلها تستانس في بيتها مب قدام العالم وين عايشين احنا , الحمدلله دولة اسلامية ولها عادات وتقاليد
التفاحة الفاسده تتسبب في فساد الآخريات
الله المستعان

[aminasalam]

دع الخلق للخاق --وقول الله يهديعم وماتدري يمكن احد منهم في بذرة طيبة ويهتدي0

[aminasalam]

في موظفة كانت تشتغل في جهة معينة وكانت تكلم صديقتها وجى مديرها من وراها ومسك شيلتها قامت الموظفة افلعتها بوكس في صدرة وما قدر يسويلها شي----اعجبتني والله انها رجااال

[بعيد النظر]

وعقب تنسجن للتعدي ..
والبنت الى ملاحقها تنكر انه غاوزلها لنها ما تبي مشاكل

وتووهق انت ..

صااادق .. وصارت في واحد من الاشناب ..
وتوهق لانّ البنت حطت ريلها ما تبي مشاكل !

[mirage]

يجوز ضربه ورضخه بعد

[الطيبة كلها]

على حسب

اذا البنت محتشمة وعبايتها مسكرة اضرب لأنها بتوقف معاك

واذا عبايتها ضيقة ومفتوحة والجينز مطلع وجهه يسلم عالناس اغسل يدك لأنها بتوقف ضدك

واذا من هلك اضرب والقلب داعي لك

واذا أجنبية ولابسة جينز ضيق أو شسمه اضربها لا تضرب المغازلجي
واذا قال لك السكيورتي القانون مايسمح فجر المكان واطلع

خخخخخخخخخخخخخخخخخخخخخخ

فجرة بمخيس يعني



معاك بس اللي باللون الوردي اخخخخ

[نورالهدى]

والله مشكلتكم تكلمون وين وعقولكم وين

افهموا يا بشر في شيء اسمه قانون قانون قانون

ياخي لو شفته يبي يغتصبها اي اي اي اي ذيك الحزه

اما مار وقاعد يرقمها ولا يقط عليها كلام ياخي امسكه على جمب كلمه بالعقل

شفته رفس وقام يتعنطز ياخي قوله جزاك الله خير وخلاص

بقولكم موقف ذاك اليوم قدامي وانا ورفيجي حلو

كنت مع رفيجي في فيلاجيو وشفنا واحد يلعوز وحده ووصلت فيه انه حط الرقم في شنطتها ,,

رفيجي جاء من وراءه ومسكه في كتفه الرجال افتر عليه قالي ياخي مب حرام عليك الي سويته لو احد من التحريات شافك ما كنت راح تتزعبل على هالحركة

قاله ياخي شوفها اهي اشلون مسويه في نفسها كاشفه ومكياج فل قاله ولو ما تسويها تحمل بنفسك اذا اهي بايعتها انت لا تبيع نفسك وتمشكل عمرك ,,

وخلاه الرجال انحرج انحرج انحرج يعني ماله وجه !!

اما اروح وامسكه وكفخه اشدعوه سايبه اهي تعال وضربه

إذا تحرش في هلي كلام ثاني طبعا بينحفر له مكانه !!

مع السلامة
:victory:

[(الفيصل)]

متأكدين أن تبون رأي قانوني ؟!!
ولا بس سوالف وخربط بربط ، وأهرف بما لاتعرف المهم أهرف :) !!
غالبية المشاركات تنطق بالأخيرة وللأسف
ولهذا الرحيل أسلم

[سكرمر]

ماعليك الا من اهلك ... ولا بنات الباقين اللى مو اهلك دام ان اهلك مسيبينهم برى بروحهم هذي مشكلتهم

ماعليك منهم


واغلبيه الناس اللى تغازل اذا شافوا حريم ومعاهم رجال مايقربون صوبهم

[bshayer]

ابعد عن الشر وغني له

[ولد قحطان]

القانون يراعي العادات والتقاليد واحيانا كثيرة يتغاضون عن رد الفعل

وخصوصا مع الاهل

ولكن بحدود

يعني بقس على خشته دوس وتوطى في بطنه بس اهم شي ما فيها عاهات

ولا احد ينقز يقول قانون وخل القانون ياخذ مجراه

القانون بيجي وقته بعد الاكشن واكيد بياخذ مجراه

بس ما يمنع درس ع الطاير بقوانين الاعراف والتقاليد

[قهوجي]

على حسب

اذا البنت محتشمة وعبايتها مسكرة اضرب لأنها بتوقف معاك

واذا عبايتها ضيقة ومفتوحة والجينز مطلع وجهه يسلم عالناس اغسل يدك لأنها بتوقف ضدك

واذا من هلك اضرب والقلب داعي لك

واذا أجنبية ولابسة جينز ضيق أو شسمه اضربها لا تضرب المغازلجي

واذا قال لك السكيورتي القانون مايسمح فجر المكان واطلع

خخخخخخخخخخخخخخخخخخخخخخ

فجرة بمخيس يعني

فجر المكان واطلع هههههههههههههههههههههههههههههه
صح عليك

[الصريحه]

الحلو في موضوعك ان لين الحين الغيره الطيبه موجوده
على الغير واعراضهم
الله يوفقك ويسعدك
في رايي لاتسكت وكلمه واذا البنت من النوعيه اللي مو محترمه اتصل على العضيد خلهم يشيلون الاثنين وترتاح

[شيخ القبيلة]

ياجماعة مع احترامي الشديد لكل الردود بس من وجهة نظري ان هالمواضيع ماتنحل بهالأساليب
يعني اذا شفت واحد يغازل وحده اشكره عيني عينك ،،،،،،،،،،،اخذه على جنب وانصحه وذكره بالله سبحانه وتعالى وانه اللي يسويه حرام وهو عنده شوفات يمكن انه غافل ومحد انصحه من قبل وشوف النتيجة اشلون ،،،صدقوني اغلب الشباب في غفله ومحتاجين النصايح ،،،،،،، اما بالنسبة اذا كان الواحد مع اهله فمستحيل يغازل هله وهم معاه مستحيييييييل الا اذا كانت هي لبسها فاضح وبعد مايقدر يغازلها وهي مع زوجها او محرمها ،،،،،،،،،،،، النصيحة ياجماعة النصيحة والدين ماامرنا نضرب ونشتم ونهين الناس .ولاهذي تعاليم الرسول ص.

[شبح الصمت]

ياجماعة مع احترامي الشديد لكل الردود بس من وجهة نظري ان هالمواضيع ماتنحل بهالأساليب
يعني اذا شفت واحد يغازل وحده اشكره عيني عينك ،،،،،،،،،،،اخذه على جنب وانصحه وذكره بالله سبحانه وتعالى وانه اللي يسويه حرام وهو عنده شوفات يمكن انه غافل ومحد انصحه من قبل وشوف النتيجة اشلون ،،،صدقوني اغلب الشباب في غفله ومحتاجين النصايح ،،،،،،، اما بالنسبة اذا كان الواحد مع اهله فمستحيل يغازل هله وهم معاه مستحيييييييل الا اذا كانت هي لبسها فاضح وبعد مايقدر يغازلها وهي مع زوجها او محرمها ،،،،،،،،،،،، النصيحة ياجماعة النصيحة والدين ماامرنا نضرب ونشتم ونهين الناس .ولاهذي تعاليم الرسول ص.




صلى الله عليه وسلم

ارحم الله والديك

وجمعكم في الحوض مع نبينا محمد صلى الله عليه وسلم والموجودين والمسلمين والمسلمات أجمعين

[ابن تميم]

ان سكتنا مشكلة وان تكلمنا مشكلة الله لا يبلانا

[حبر سري]

ارحب يا حبر سري اسفرت وانورت .. الحمدلله على السلامه :)

بخصوص موضوعك ما اقدر افتي بشي اخاف اتكلم يقولون ارهابي :)
ياهلا ياهلا ياهلا
هلا والله بالهدهد
المكان اللي انت فيه اكيد انه منور على طول
شحالك الله يسلمك ؟ اربك طيب؟
ياخوي بالعكس والله انت واحد من الناس اللي احب اقرا آراءهم ، واتمنى ماتبخل علي او على الاعضاء بابداء الرأي
حياك الله

حبر سريّ

ابيك الله لايهينك تقرا المادة (3) من اتفاقية (الاعلان بشاء القضاء على العنف ضد المرأه )
الصادر من اللجنة الوطنية لحقوق الانسان .

هذا كافي ومغني احسن من ردة فعل التصرف او عن الاجراء القانوني الي سئلت عنه :)
مرحبا اخوي برزان
ماعليك امر طيب شرايك لو اتحط المادة هنيه علشان الكل يستفيد ؟ واذا عندك تعليق عليها بعد يكون احسن واحسن
وجزاك الله خير

متأكدين أن تبون رأي قانوني ؟!!
ولا بس سوالف وخربط بربط ، وأهرف بما لاتعرف المهم أهرف :) !!
غالبية المشاركات تنطق بالأخيرة وللأسف
ولهذا الرحيل أسلم

مرحبا يالفيصل
اخوي اكيد نبي راي قانوني
اذا عندك فكرة عن الموضوع ياخوك لاتبخل علينا جعل والديك الجنة
وياهلا بك

[لافوشيا]

لاتضربه بس ناديه وقول له ابيك بكلمه وعقب انصحه وفهمه انك شفته تغازل وان هذا التصرف مب حلو ومايعبر عن رجوله ابدا