تبي تغسل سيارتك فـ البيت تحتاج الى . . .

[Bu-Khalid]

بسم الله الرحمن الرحيم

الحمدلله والصلاة والسلام على رسول الله وعلى آله وصحبه أجمعين

السلام عليكم ورحمة الله وبركاته

شحالكم عساكم بخير ..

وش اللي تحتاجه علشان تغسل سيارتك فـ البيت ؟ ؟

1- هاذي أفضل مكينه لغسيل السيارات الا وهي karcher صناعه ألمانيه وابعددوا عن الصيني ..

وانه استخدم هـ الموديل k5.20 مادري اذا في شي اجدد وأطور ..
http://www.bennys.bz/images/uploads/Karcher/karcher-k-520-m-plus-784(1).jpg

وكيله في محل ماذكر اسمه بس مكانه عند أشارات الهندسه ..

سعر المكينه اقل من 2000 ريال

ويبناع فـ أكثر من مكان ..

http://www.karcher.com/int/Service/Dealersearch.htm?Country=Qatar

2- نجي للتنشيف اما انك تستخدم هـ المكينه وهي بعد تنفع لشب الضوء وظيفتها تطلع هواء
http://www.makita.in/Uploads/UB1100_BIG.png

السعر اقل من 200 ريال

او انك تستخدم هـ الفوطه واحسن من المكينه
http://rema-tiptop.hr/r_slike/aion_plas_chamois.jpg

3- ونروح لتلميع التواير

حق البالون
http://sites.google.com/site/sosakosa/DSC07045.jpg

وهاي للتواير الثانيه
http://www.overstockdrugstore.com/product_images/p/070612403209.jpg

4- ولاتنسى تستخدم صابون مخصص لغسيل السياره ..


وبهاذي الأشياء تقدر تغسل سيارتك أحسن من مغاسل السيارات ..

لازحمة سيارات ولا شي وبتكلفه أقل اذا حسبتها ..

وخل الديول يغسل كل السيارات فـ البيت وعطه بخشيش بيستانس كل يوم بيغسل السيارات هههه ..

وبردودكم يكتمل الموضوع واذا عجبكم لاتنسونا من الترشيح ..

أرق تحيه أخوكم / بوخالد


عند النقل يرجى ذكر المصدر ..

[جامعة قطر86]

سلامي عليك
موضوعك فن

ولو تحط اسعار هالاجهزة بيصير فن الفن

[راعي المها]

بالتوفيق

[نمساوي]

في مكينه غسيل حلوة موجوده عند محلات النسر الذهبي في نجمه .. سعرها 500 ريال تقريبا

وصار لي استخدمها سنتين وماشيه عال العال

الف شكر اخوي بوخالد

[بوشاهين2]

بصراحة غير الألمانية مافي وأنا ماخذها من 5 سنوات وأبد لين يومك شغاله فووووق الأوكي وألي خذتها
(140 بار) من نفس المحل ألي يقول عنه راعي الموضوع وخذتها ب 1999 بالضبط وأعتقد أسم المحل شركة مرزوق الشملان للمعدات ومكانه بالضبط بالضبط من بعد أشارات حفصه بتجيكم أشاره طوفوها وبعدها بيكون المحل الأخير قبل اللفه ألي أدخلكم ع فريج المنصوره ومحل كبير وعنده معدات كثيره .. بصراحه وفرت وايد . ونصيحه أخذوا الأصليه ولاتاخذون التجارية. نعم (كارشر)

[MANSOOR75]

المشكله ياخوي الواحد ماعنده وقت ولا منها حركه ونشاط ومنها توفير ونظافه

[فيصل الشمري]

بخصوص تلميع التواير
انا شفت بالسعودية طايحين بالحركه ذي
يحط اللي يلمع الجزم اعزكم الله
يطلع الشكل رهيب ويتم فتره

[بوحمد111]

يعطيك العافيه اخوي بوخالد

موضوعك لا غبار عليه واصبت بإختيار العده المناسبه للغسيل ولكن عندي تعقيب بسيط وهو هدر المياه والمخالفات اللي راح تجيك من البلديه وهذه اقصد للمناطق اللي لم تصلها المجاري اعزكم الله وانا واحد منهم والحل في اعتقادي السطل والصابون الخاص لغسيل السيارات والشمليدر

وابعد عن الشر وغني له

[قدها وقدود]

وعليكم السلام

موضوعك حلو

لو انا استخدم المكينه يعني اقدر اتحكم في توزيع الماي وقوت دفع الماي الخارج من المكينه وهل في منها احجام ؟؟

تحياتي

[U Welcome]

اخوي يعطيك العافيه
ممكن شرح ويش وظيفه هالجهاز اللي ب الفين ؟؟؟
يعني هل يقوي ضغط الماي اللي يطلع

[كود نمبر]

كم سعر المكينه الاولى للغسيل

[Bu-Khalid]

يعطيك العافيه اخوي بوخالد

موضوعك لا غبار عليه واصبت بإختيار العده المناسبه للغسيل ولكن عندي تعقيب بسيط وهو هدر المياه والمخالفات اللي راح تجيك من البلديه وهذه اقصد للمناطق اللي لم تصلها المجاري اعزكم الله وانا واحد منهم والحل في اعتقادي السطل والصابون الخاص لغسيل السيارات والشمليدر

وابعد عن الشر وغني له

الله يعافييك

بالعكس المكينه توفر ماء وأيد وماينهدر المائ ، و يستخدم على الأجزاء على

شكل رذاذ قوي

[ريان]

10000 ريال غرامة البلديه

انتبهوا منها

[الدوحة 2010]

لاهنت اخوي

[mazag]

انا مخذها من اللؤلؤ وصينيه وقويه والله من قلب ب250 ريال وعليها ضمان سنه من اللولو
وصار لها سنه استخدمها بالاسبوع مب اقل من مرتين اغسل الدراجه والحوش واحينا المور وشغاله حلاوه

[مهل]

10000 ريال غرامة البلديه

انتبهوا منها

كلام بس ،،، جار نسيبي يغرق الشارع في الاسبوع مش اقل من ٣ مرات و ماخلا مكان ما اشتكا فيه ،، مره وحده بس غرموه ٥٠٠٠ ريال و ثاني يوم مسبح الشارع كامل لانه يسبح في بركه موقته الي يبيعونها في كار فور و بعد مايخلص يفضي الماي في الشارع

[ابن تميم]

بس تعب وضياع وقت

[ولد قحطان]

بو خالد اهم شي الاف جي

ودام بعطي الدريول بقشيش اغسلها جيك ابرك

ولكن لو بغسلها بيدي ابرك وابرك اقل شي نوفر سعر المغسلة ونترسها بترول هههههههههههههه

[الخارجية]

عندي نفس المكينة

[جيجيQ]

موووفقين

[Delete]

وين ارخص مكان يبع المكينة في الدوحه

[N203]

السلام عليكم

مشكور على طرح هالموضوع. والله اكيد الموضوع مفيد ويوفر وخاصة حق الي عندهم سايق. تعطيه العده وترح راسك. المهم:

1- بالنسبه للمكينه ال تضخ الماء : شنو افضل موديل موجود الحين ؟ وشنو يفرق عن باقي الموديلات غير كمية او قوة ضخ الماء (( لان اتوقع في مستويات تنقاس بالبار على ما اظن )) .. ما عندي خبرة بهالموضوع. وليش ناخذ الاصلي مب التقليد . لان الفرق فالسعر كثير. من 250 او 300 الي 1500 !!!
2- نستعمل مكينة التنشيف او الفوطة افضل ولماذا ؟
3- وبالنسبة لتلميع التواير (( tire foam )) اعرف ناس يستعملون هذا، بس سمعت في افضل للي عندة خبره.
4- وبالنسبه لنوعيه الصابون وليفه الغسيل : شنو افضل الانواع ؟ لاني ما اعرف الانواع المخصصة والافضل للسيارة بحيث ماتشمخ السيارة.


والله يعطيكم الف عافية على الموضوع

[N203]

!!!!!!!!!!

[JAVA MAN]

تحصلون الماكينه في كارفور سعرها تقريبا 1900 ريال